News @ M-Media

Tag: health

  • ပါမောက္ခ ဆရာဝန်ကြီး ဦးစိုးအောင်မှ ကင်ဆာရောဂါကင်းစင်ရေး အသိပညာဖြင့်ကာကွယ်ပေး ခေါင်းစဉ်ဖြင့်  ဟောပြော

    ပါမောက္ခ ဆရာဝန်ကြီး ဦးစိုးအောင်မှ ကင်ဆာရောဂါကင်းစင်ရေး အသိပညာဖြင့်ကာကွယ်ပေး ခေါင်းစဉ်ဖြင့် ဟောပြော

    အောက်တိုဘာ ၃၀-၂၀၁၃
    M-Media
    A.N.Lay

    DSC01098

    ရန်ကုန်   ။       ။       ကင်ဆာရောဂါကင်းစင်ရေး အသိပညာဖြင့်ကာကွယ်ပေး ခေါင်းစဉ်ဖြင့် ပါမောက္ခ ဆရာဝန်ကြီး ဦးစိုးအောင်၏ ကျန်းမာရေး ပညာပေး ဟောပြောပွဲကို Wellmen မှ ကြီးမှူး၍ ရန်ကုန်မြို့ မင်းရဲကျော်စွာလမ်း UMFCCI ၌ ယနေ့ မွန်းလွဲ ၂-နာရီ အချိန်တွင်ပြုလုပ်ခဲ့ပါသည်။

    ကင်ဆာရောဂါဖြစ်ပွားမှုမှာ ယခင်က အမျိုးသားအမျိုးသမီး အချိုးညီသော်လည်း ယခုအခါ အမျိုးသမီးများတွင် ပိုမိုဖြစ်ပွားလာကြောင်း၊ ကင်ဆာရောဂါလက္ခဏာများကို သိရှိထားရန်လိုအပ်ပြီး အဆိုပါ လက္ခဏာများ ဖြစ်ပေါ်လာပါက ဆရာဝန်နှင့် သေချာတိုင်ပင်ပြီး ကုသပြသရန်လိုကြောင်း၊ အပျိုကြီးများတွင် ရင်သားကင်ဆာ အဖြစ်များ တတ်ပြီး ရင်သားကင်ဆာဆိုသည်ကို စောစောသိရရင် စိုးရိမ်ဖွယ်မရှိကြောင်း၊ ဆေးလိပ် အသောက်များသူတွင် အဆုတ်ကင်ဆာ ဖြစ်နိုင်ကြောင်းတို့ကို ဆွေးနွေး ဟောပြောခဲ့ပါသည်။

    “၁၉၉၈ အရေးခင်း မဖြစ်ခင်နဲ့ ဖြစ်ပြီးနောက်ပိုင်းကို ခွဲကြည့်လိုက်ရင် အရေးခင်း မဖြစ်ခင်က ရန်ကုန် ကင်ဆာဌာနကိုလာတဲ့ လူနာတွေထဲမှာ မိန်းကလေးနဲ့ ယောက်ျား လေး အချိုးက မျှတယ်။ ၁၉၉၈ နောက်ပုိုင်းကနေ အခုချိန်ထိ လာပြတဲ့ လူနာတွေထဲမှာ နှစ်စဉ်နှစ်တိုင်း မိန်းကလေးက ပိုများနေတယ်။  ရန်ကုန်မှာ တကယ်စစ်တမ်း ကောက်ယူလိုက်တဲ့အခါမှာလည်း အဆုတ်ကင်ဆာ၊ သားအိမ်ခေါင်းကင်ဆာ၊ ရင်သားကင်ဆာတို့ဖြစ်တယ်။ မန္တလေးမှာလည်းဒီလိုပဲ အဆုတ်ကင်ဆာ၊ သားအိမ်ခေါင်း ကင်ဆာ၊ ရင်သားကင်ဆာများဖြစ်နေတယ်။ တောင်ကြီးမှာလည်း ဒီသုံးခုပဲ ဖြစ်နေတယ်။ မဖြစ်ခင်ကာကွယ်ရမယ်။ ကင်ဆာအများစုက စောစောသိရင်ပျောက်တယ်။ အနည်းစုပဲ ကုရခက်တာရှိတယ်။ စောစောသိဖို့အရေး ဘာလက္ခဏတွေ တွေ့နိုင်မလဲဆိုတော့ အဆုတ်ကနေ အပေါ်ပိုင်း နှာခေါင်းပိုင်းထိ ကင်ဆာလက္ခဏတွေ
    ကတော့ အသံဝင်လာမယ်၊ နာတာရှည်ချောင်းဆိုးလာမယ် ၊ ချေားဆိုးရင်သွေးပါမယ်၊ အစာမျိုတဲ့အခါ ခက်လာနိုင်တယ်၊ အစာမကြေသလို မစားချင်သလို မကြာခဏ ဖြစ်လာမယ်၊ သွေးအန်မယ်၊ နောက် ဂျိုင်း၊ လည်ပင်းတွေမှာ အကြိတ်အခဲတွေပေါ်လာမယ် အဲ့ဒါတွေ တွေ့ရင် သတိထားရမယ်။

    နောက် မိန်းကလေးတွေမှာ အချိန်အခါမဟုတ်ပဲ သွေးဆင်းမယ်၊ အဖြူဆင်းမယ်၊ ဒါဆိုသတိထားရမယ်။ နောက်ဝမ်းဖြစ်စေ ဆီးဖြစ်စေ သွားလေ့သွားထ ပြောင်းလဲ လာမယ် ဆီးသွားရင်း သွေးပါလာမယ်ဆိုရင် သတိထားရမယ်။ နောက်ပျောက်သင့်တဲ့ အချိန်ထက် မပျောက်တဲ့အနာ ဥပမာ အရေပြားကင်ဆာ အနာလေးလို့ အောက်မေ့ တယ် ဒါပေမယ့် မပျောက်ဘူး အဲ့ဒါဆို သေချာစစ်ရမယ်။ အဲ့ဒါတွေကို သတိထားရမယ်။ ဒီလက္ခဏတွေအကုန်လုံးက ကင်ဆာမဟုတ်တဲ့ ရောဂါတွေလည်းဖြစ်တယ်။ ဒါပေမယ့် အရေးကြီးတာက ဒီလက္ခတွေဖြစ်လာပြီးဆိုရင် နီးရာ ဆရာဝန်နဲ့သေချာတိုင်ပင်ပြီး သေချာပြဖို့လိုတယ်။ နောက်မိန်းကလေးတွေ ရင်သားကင်ဆာက မိန်းကလေး ဟုန်မုန်းဓာတ်များလို့ဖြစ်တယ်။ အဲ့ဒါက အပျိုကြီးတွေမှာ အများဆုံးဖြစ်တက်တယ်။ အသက်ကြီးမှ သားဦးရရင် နောက် စောစောအပျိုဘော်ဝင်ခြင်း၊
    သွေးဆုံးတာ နောက်ကျရင် ၊ ကလေးမွေးပြီး နို့မတိုက်ဘူးဆိုရင်၊ အရက်သောက်ရင် ၊ အဝလွန်ရင် အဲ့ဒါတွေက ရင်သားကင်ဆာ ဖြစ်နိုင်ချေများပါတယ်။ ရင်သား ကင်ဆာဆိုတာ စောစောသိရင် ကြောက်ဖို့ မလိုပါဘူး ပျောက်ကိုပျောက်ပါတယ်။ အဲ့လိုစောစောသိဖို့က ကိုယ့်ကိုယ်ကို ပုံမှန်စမ်းရမယ်လို့ပြောပါတယ်။ ဘယ်အရွယ် က စမ်းရမလဲဆိုတော့ အသက် ၂၀ ကနေ စပြီးတော့ စမ်းရမယ်။ ဘယ်အချိန်စမ်းရမလဲဆိုတော့ အမျိုးသမီးတွေ ဓမ္မတာ လာတဲ့အချိန်ဆိုရင် တင်းနေတယ် အဲ့ဒီအချိန်တော့ စမ်းလို့မရဘူး။ ဓမ္မတာလာပြီး ၄-ရက် ၅ရက် ကြာမှ စမ်းရမယ်၊ အဲ့ဒီအခါမှာ အကြိတ်အခဲတွေရှိရင်ပေါ်လာမယ်၊ နောက်တစ်ခုက ဆပ်ပြာနဲ့ ရေချိုးတဲ့ အချိန်မှာ စမ်းရမယ်။ နောက်တစ်ခုက လက်နှစ်ဖက်စလုံးကို ဘေးမှာချပြီးတော့တစ်ခါ၊ လက်နှစ်ဖက်စလုံးကိုအပေါ်မြောက်ပြီးတော့တစ်ခါ ရင်သားနှစ်ဖက်စလုံးညီလား မညီဘူးလား ကြည့်ရမယ်။ အဲ့ဒါတွေကို တစ်လ တစ်ခါ စမ်းရမယ်လို့ပြောပါတယ်။

    နောက်တစ်ခုက သားအိမ်ခေါင်းကင်ဆာ ဒီကင်ဆာ ဖြစ်ရတဲ့အကြောင်းအရင်းက အဓိကက ရောဂါပိုးကြောင့် အသက် ငယ်ငယ်နဲ့ လိင်ဆက်ဆံမှုပြုတဲ့လူ၊ လိင်နဲ့ ပတ်သက်တဲ့ ရောဂါရှိတဲကလူနဲ့ လိင်ဆက်ဆံသူ၊ သားသမီးများများ၊ မွေးဖွားသူ၊ ဆေးလိပ်သောက်သူ နောက် တစ်ကိုယ်ရည်သန့်ရှင်းမှု မှန်မှန်မလုပ်တဲ့သူ အဲ့ဒီ လူတွေ များများဖြစ်တက်တယ်လို့ပြောပါတယ်။ ဒါပေမယ့် သူ့အတွက် ကာကွယ်ဆေးက ထွက်နေပြီ မြန်မာပြည်မှာ ရှိတာက (Cervarix) အသက် ၉-နှစ် မှ ၂၆-နှစ်အတွင်း လိင်ဆက်ဆံမှုမပြုဖူးသေးတဲ့ သူတွေ ကာကွယ်ဆေး ၃-ကြိမ်ထိုးရမယ်။

    နောက် အဆုတ်ကင်ဆာ အဓိကက ဆေးလိပ်သောက်တဲ့လူတွေ ဆေးလိပ်မှာ စီးကရက်က အဆိုးဆုံး၊ စီးကရက် သောက်တဲ့လူနဲ့ မသောက်တဲ့လူမှာ သောက်တဲ့လူက အဆ ၃၀ လောက်ပိုများတယ်။ ဘယ်လိုဖြစ်လဲဆိုတော့ သောက်ပြီးတဲ့အတိုင်း တစ်ရက်မှာ ၁-ဗူးလုံး သောက်တဲ့လူ၊ တစ်နှစ်မှာ ၃၆၅-ရက်လုံး သောက်တဲ့လူ၊ ဆေးပြင်း လိပ်၊ ဆေးတံ သောက်သူက ပိုဖြစ်တယ်၊ တစ်ဆင့်ခံ ဆေးလိပ်ငွေ့ရှုသူ ပိုဖြစ်တယ်”လို့ ပါမောက္ခ ဆရာဝန်ကြီး ဦးစိုးအောင်မှ ကျန်းမာရေး ပညာပေး ဟောပြောခဲ့ပါ သည်။

    ဆက်လက်ပြီး အခမ်းအနားသို့ တက်ရောက်သူ လူများထဲမှ သိရှိလိုသည်များကို မေးကြားခဲ့ပြီး ၎င်းအခမ်းအနားကို ညနေ ၄-နာရီတွင် ရုပ်သိမ်းခဲ့ပြီး အခမ်းအနားသို့ တက်ရောက်သူ ၅၀၀-ကျော်ရှိကြောင်း သိရပါသည်။

  • လူ့ ဦးနှောက် မှတ်ဥာဏ်များကို ကွန်ပျူတာထဲ မကြာခင် သိမ်းနိုင်တော့မည်ဟု ဂူဂဲလ်ဦးဆောင် အင်ဂျင်နီယာပြော

    ဇွန်-၂၂၊၂၀၁၃
    M-Media

    မကြာခင်တွင် လူများသည် ၄င်းတို့၏ဦးနှောက် မှတ်ဥာဏ်များကို ကွန်ပျူတာထဲ ထည့်သိမ်းလာကြမည်ဟု ဂူဂဲလ်ဦးဆောင် အင်ဂျင်နီယာဆို
    Google.com တွင် “ကျွန်တော် ထာဝရ အသက်ရှင်နိုင်မလား?” ဆိုသော မေးခွန်းကို လူ ၃၇၇ သန်းလောက် က မေးထားကြောင်း။  ထိုမေးခွန်းကို Google ၏ အင်ဂျင်နီယာမှုးအား မေးပါက ပိုမိုတိကျတဲ့အဖြေတစ်ခုတော့ ရရှိမည်ဖြစ်သည်။

    Brain_Illustration

    Google ၏ အင်ဂျင်နီယာမှုး ရေးကာဇ်ဝေလ်(Ray Kurzweil) က ထာဝရ အသက် ရှင်သန်ခြင်းဖြစ်လာရန် နှစ် အနည်းငယ်သာလိုတော့သည် ဟုဆိုသည်။ ဆိုလိုသည်မှာ ဒစ်ဂျစ်တယ် နည်းပညာဖြင့် ထာဝရရှင်သန်ခြင်းဖြစ်သည်။

    ကာဇ်ဝေလ် (အသက် ၆၄ နှစ်) သည် ယမန်နှစ်မှစတင်ကာ Google သို့ဝင်ရောက်ခဲ့ပြီး၊ သတင်းခေါင်းစဉ် အမြောက်အမြားကို အသက်သွင်းခဲ့လေသည်။ နယူးယောက်မြို့တွင် ပြီးခဲ့သည့် ရက်သတ္တပတ်က ပြုလုပ်ခဲ့သော ညီလာခံတွင်၊ အင်ဂျင်နီယာမှုးမှ ဇီဝနည်းပညာသည် အလျှင်မြန် ဖြစ်ထွန်းလာပြီ ဖြစ်ကြောင်း၊ ဆယ်စုနှစ် အနည်းငယ်အကြာတွင် လူများ၏ဘ၀များသည် အလွန်ကို ပြောင်းလဲသွားမည် ဖြစ်ကြောင်း ဟောကိန်းထုတ်ခဲ့သည်။

    ကာဇ်ဝလ်၏ ပြောကြားချက်အရ လူသားများသည် ကွန်ပျူတာအတွင်းသို့ သူတို့၏ စဉ်းစားဉာဏ် များကို မကြာခင်တွင် ပြောင်းလဲထည့်သွင်းနိုင်မည်ဖြစ်ပြီး၊ အခြားသော တိုးတက်မှုများက တစ်ဖြည်းဖြည်း နောက်ကလိုက် လာမည်ဖြစ်ကြောင်း သိရသည်။

    CNBC မှ ကာဒီသောပ်စောန်(Cadie Thompson) တင်ပြခဲ့သော သတင်းအရ လွန်ခဲ့သော ရက်သတ္တပတ်အကုန်က ကာဇ်ဝလ် မှာ နယူးယောက်မြို့တွင် ပြုလုပ်ခဲ့သော ၂၀၄၅ ခုနှစ်တွင် ကမ္ဘာကြီး၏ အနာဂတ် ညီလာခံ (Global Future 2045 World Congress) တွင် “လွန်ခဲ့သော နှစ် ၁၀၀၀ က လူသက်တန်းမှာ အသက် ၂၀ သာခန့်မှန်းထားခဲ့ကြောင်း၊ နှစ် ၂၀၀ ကြာပြီးနောက်တွင် သက်တမ်းကို နှစ်ဆတိုးလိုက်ကြကြောင်း၊ နောက် ၁၀ နှစ်၊ အနှစ် ၂၀ အတွင်း ပို၍ပင်တိုးမြှင့်လာမည်ဖြစ်ကြောင်း၊ ခန့်မှန်းခြေအရ နောက် ၁၅ နှစ်အတောအတွင်းဖြစ်နိုင်ကြောင်း၊ ကျွန်တော်တို့သည် သိပ္ပံနည်းပညာ တိုးမြှင့်မှုဖြင့် နောက်ပြန်လှည့်မရသော အချိန်တစ်ခုကို ရောက်လာလိမ့်မည်ဖြစ်ကြောင်း၊ ပေးလိုက်ရသော အချိန်တွေကို အစားပြန်ထိုးနိုင်လိမ့်မည်ဖြစ်ကြောင်း”  ပြောကြားခဲ့သည်။

    “နောက် ၁၀ နှစ် နှင့် အနှစ် ၂၀ အတွင်း ကျန်းမာရေး ၊ ဆေးဝါးတို့ နှင့်ပတ်သက်သော အရေးကြီးသည့် ပြောင်းလဲမှုများဖြစ်လာ မည်” ဟု သူက ပြောသည်။

    ၂၀၀၅ ခုနှစ်တွင်သူရေးသားခဲ့သော “ပြိုင်ဘက်ကင်းမှုသည် နီးကပ်လာပြီ” (The Singularity Is Near) ဆိုသော စာအုပ်တွင် ဟောကိန်းထုတ်ခဲ့သည်မှာ ဇီဝနည်းပညာဆိုင်ရာ တိုးတက်လာမှုကြောင့် နှစ်ဆယ့်တစ်ရာစု အလယ်လောက်တွင် “လူများသည် ဇီဝနည်းလမ်းအရ သော်လည်းကောင်း၊ ဇီဝနည်းလမ်းကို အသုံးမပြုပဲသော်လည်းကောင်း ကိုယ်ပွားများကို ဖန်တီးနိုင်မှာဖြစ်ကြောင်း၊ ထို့အရာကြောင့် လူများသည် “တစ်ချိန်တွင် ဇီဝဗေဒ ခန္ဓာကိုယ်ရှိနေမည်ဖြစ်ပြီး၊ နောက်တစ်ချိန်မှာ ရှိတော့မှာ မဟုတ်ဘူး၊ နောက်တစ်ချိန်မှာ ပြန်ရှိလာပြီး၊ အဲသလိုပဲပြောင်းလဲဖြစ်ပေါ် နေလိမ့်မယ်” ဟု ပြောကြားထားသည်။ သူက ထပ်မံ၍ ပြောကြားခဲ့သည်မှာ “ဆော့ဖ်ဝဲလ်များဖြင့် တည်ဆောက်ထားသော လူများပင်ရှိလာလိမ့်မည်” ၊ သူတို့ ဟာ “အင်တာနက်ပေါ်တွင်သာ ရှင်သန်ကြပြီး၊ လိုအပ်သောအချိန်၊ လိုအပ်သောနေရာတွင် သူတို့၏ ခန္ဓာကိုယ် ကို ပြသနိုင်မည် ဖြစ် သည်။ ခန္ဓာကိုယ်အား Hologram ဟုခေါ်သော သုံးဖတ်မြင် ဓာတ်ပုံ ဖြင့်၎င်း၊ အမှုံလေးများဖြင့် ပြန်လည်ပေါင်းစုဖွဲ့စည်းကာ၎င်း၊ nanobot ဟုခေါ်သော သေးငယ်သော စက်ရုပ် လေးများအမြောက်များဖြင့် စုပေါင်း ဖွဲ့စည်း၍၄င်း ပြန်လည်ဖြစ်တည် လာမည်ဖြစ်သည်။” ဟူ၍ပင်။

    Nanobot (မိမိကိုယ်ကိုလည်း ထိန်းသိမ်းနိုင်၊ မျိုးပွားခြင်းလည်းပြုလုပ်နိုင်သည့် ရိုဘော့စက်ရုပ်) များကိုပြုလုပ်နိုင်ရန်မှာ လိုသေးကြောင်း၊ သို့သော်လည်း သူ၏ စာအုပ်ထုတ်ပြီးချိန်တွင် ကာဇ်ဝလ်တွင် လုပ်ပိုင်ခွင့်အမြောက်အများရရှိခဲ့ကြောင်း သိရသည်။ ကာဇ်ဝလ်ဟာ လွန်ခဲ့သော အပတ်က နယူးယောက်တွင် ပြောကြားခဲ့သည်မှာ လူ၏ခန္ဓာကိုယ်သည် တစ်ဖြည်းဖြည်းခြင်း ပို၍ ပို၍ ကွန်ပျူတာနှင့် ဆက်သွယ်လာမည်ဖြစ်ပြီး၊ အတူတူလုပ်ဆောင်လာမည်ဖြစ်သည်။ ထို ဆက်နွယ်မှု သည် လူများ၏ စဉ်းစားဥာဏ်များကို ပြန်လည်သိမ်းစည်းထားရန်နှင့် လူများ၏ ကျန်းမာရေး ကို ထိန်းသိမ်းရန်ဖြစ်သည်။

    “နှလုံးရောဂါ၊ ကင်ဆာ နှင့် အခြားသော ဦးနှောက်အာရုံကြောနှင့် ပတ်သက်သော ရောဂါများအား ကုသဖို့နည်းလမ်း များ တွေ့နေပြီဖြစ်တယ်၊ ဆော့ဖ်ဝဲကိုပြန်လည် ပရိုဂရမ်ရေးသော သီအိုရီကို အခြေခံ၍ ထို ကုသနည်းများဖြစ်ပေါ် လာခဲ့တာ ဖြစ်တယ်” ဟု ကာဇ်ဝလ် က ညီလာခံတွင် ဆိုသည်။ “ဇီဝနည်းပညာကို ဆော့ဖ်ဝဲလ်တစ်ခု အနေဖြင့်အသုံးပြုနေသော သာဓကအများပြားရှိကြောင်း၊ လွန်ခဲ့သော ၁၀ နှစ်ကျော်ကထက် ယခုလက်ရှိတွင်အသုံးပြုနေသော နည်းပညာများသည် အစ ၁၀၀၀ ကျော်သာနေပြီဖြစ်ကြောင်း၊ ဒီ ၁၀ နှစ် ကုန်ပါက ပိုမို အစ ၁၀၀၀ တိုးပွားမည်ဖြစ်ပြီး၊ နောက် နှစ် ၂၀ တွင် အစ တစ်သန်းလောက် ပိုမိုတိုးတက်လာမည်ဖြစ်တယ်” ဟု ရှင်းပြခဲ့သည်။

    ကာဇ်ဝလ်၏စာအုပ်တွင် ကွန်ပျူတာ၏ လုပ်ဆောင်နှုန်းသည် နှစ်နှစ်တစ်ခါ နှစ်စ တိုးမည်ဟု ပြောကြားထားသော Moore’s Law of Computer ကို ရှင်းပြခဲ့ပြီး။ ၄င်း နှုန်းထားဖြင့်သွားပါက “ကျွန်တော်တို့တွင် ဇီဝနည်းကျဖန်တီးထားခြင်းမဟုတ်သော အရာများသည် ပိုမိုတိုးပွားလာပြီး၊ ၄င်းတို့လွှမ်းမိုးလာကြလိမ့်မည်။ သဘာဝအတိုင်းရှိသော အရာများသည် အရေးပါတော့မည် မဟုတ်ပေ” ဟူသော အချက်ကိုလည်း တွေ့ရှိရသည်။

    “လူဦးနှောက်နှင့် ဆင်တူယိုးမှား ကွန်ပျူတာဦးနှောက်ကို ဖန်တီးရန် ခန့်မှန်းတွက်ဆချက်များ ယခင်က ပြုလုပ်ခဲ့သည်။ ထို တွက်ဆချက်များကိုအခြေခံ၍ ကျွန်တော်တို့၏ ဥာဏ်ပညာအား သန်းပေါင်း တစ်ထောင်လောက် မြှင့်တင်နိုင်မည်ဖြစ်သည်”ဟု Daily Motion မှ ကောဇ်ဝလ်၏ ပြောဆိုချက်အား တင်ပြခဲ့သည်။

    ကောဇ်ဝလ်သည် Google သို့ ၂၀၁၂ ခုနှစ် ဒီဇင်ဘာလက ၀င်ရောက်ခဲ့ပြီး၊ National Medal of Technology and Innovation ဆုကို ၁၉၉၉ ခုနှစ်က ရရှိခဲ့သူဖြစ်သည်။ Text-To-Speech Synthesizer ကိုတည်ထွင်ခဲ့သူလည်းဖြစ်သည်။

    Ref: RT

  • မိုးရာသီကာလ မသန့်ရှင်းသော ရေများကြောင့် အရေပြားဆိုင်ရာ ပြဿနာများ ဂရုပြုသင့်

    ဇွန်လ-၈၊ ၂၀၁၃
    M-Media
    သတင်း-သန့်သန့်

    ရန်ကုန် ။        ။     ယခုလို မိုးရာသီကာလတွင် မသန့်ရှင်းသောရေများထိတွေ့မှုကြောင့် အရေပြားဆိုင်ရာပြဿနာများ ဖြစ်လေ့ရှိသဖြင့် ဂရုပြုသင့်ကြောင်း ကျန်းမာရေးဆရာဝန်များမှ သတိပေးပြောကြားလာပါတယ်။

    float ygn 2
    Photo Credit- Minn Thaik FB

    မိုးရာသီကာလ မသန့်ရှင်းသောရေများကြောင့် အရေပြားဆိုင်ရာ ပြဿနာများ ဂရုပြုသင့်ကြောင်းကို ”မိုးသည်းရင် ရေမြောင်းတွေရေလျှံတာက ဖြစ်လေ့ရှိတဲ့ ရန်ကုန်ရဲ့ အစဉ်အလာလို ဖြစ်နေတယ်။ အဲဒီရေတွေထဲ ဖြတ်သန်းသွားလာပြီးရင် အရေပြားတွေယားယံတာ၊ ရှိပြီးသားဒဏ်ရာတွေ ရင်းတာ၊ တော်တော်နဲ့အနာမကျက်တာတွေ ဖြစ်တတ်ကြတယ်။ တစ်ချို့တွေဆို ရေကြည်ဖုတွေထလာတာ၊ အစက်လေးတွေပေါ်လာတာအထိ ဖြစ်တတ်ကြတယ်။ ကောင်းတာကတော့ မသန့်တဲ့ရေတွေနဲ့ထိတွေ့ပြီးရင် ရေ၊ ဆပ်ပြာနဲ့ ပြန်ပြီးဆေးကြောသင့်ပါတယ်။ ယားယံနေတယ်ဆိုရင်တော့ အရက်ပြန်လေးနဲ့ပွတ်ပေးနိုင်ပါတယ်။ လုံးဝမသက်သာဘူးဆိုရင်တော့ ဆရာဝန်နဲ့ပြသင့်ပါတယ်”ဟု မြောက်ဒဂုံမှ အထွေထွေရောဂါကု ဆရာဝန်တစ်ဦးက ပြောပါတယ်။

    ရန်ကုန်မြို့လယ်ရှိအစိုးရရုံးဌာနတစ်ခုတွင် တာဝန်ထမ်းဆောင်နေသူ ကိုကျော်ဦးက ”ရုံးတက်ရုံးဆင်းချိန် မိုးကောင်းရင် မြောင်းရေလျှံတော့ လမ်းပေါ်မှာရေအပြည့်ပဲ။ အဲဒီရေတွေထဲ ဖြတ်သန်းသွားလာပြီးရင် ရုံးရောက်ရောက်၊ အိမ်ပဲပြန်ရောက်ရောက် ရေနဲ့ဆေး၊ ဆပ်ပြာနဲ့တိုက်၊ အဲဒါတောင် ယားယားနေတတ်တယ်။ ရက်ဆက်ပြီးများမိုးမိလို့ကတော့ နေလို့ကိုမရအောင်ကိုယားတာမှ ပြောဖို့တောင်မကောင်းဘူး။ မျောက်ငါးပိထိသလိုပဲ။နောက်ဆုံး ဆေးခန်းပြပြီး ဆရာဝန်ညွန်တဲ့အတိုင်း ဆေးကြောပြီးရင် အရက်ပြန်နဲ့ထပ်ပွတ်ပေးမှ ယားယံတာမဖြစ်တော့တာ။ အခုဆို မိုးတွင်းအပြင်ထွက်ရင် အရက်ပြန်ဘူးလေး သွားလေရာဆောင်သွားရတယ်”ဟု ၎င်း၏ကိုယ်တွေ့ကိုပြောသည်။

    ပန်းပဲတန်းမြို့နယ်တွင်နေထိုင်သူ ဒေါ်ဝါ၀ါက ”အိမ်က ကလေးတွေကို စာလာပြပေးတဲ့ကောင်မလေးဆို(Sensitive Skin) လေ။ထိခိုက်လွယ်တဲ့အရေပြားဆိုတော့ ရေဆေး၊ ဆပ်ပြာတိုက်၊ အရက်ပြန်နဲ့ပွတ်ပြီးတာတောင် တစ်ခါတစ်လေ အပိန့်တွေထ၊အကွက်တွေပေါ်လာတတ်သေးလို့ ဆရာဝန်ပြပြီး ဆေးထိုးဆေးသောက်ထပ်လုပ်ရသေးတယ်”ဟုဆိုသည်။

    အထက်ပါဆရာဝန်ကပင် ”ထိခိုက်လွယ်တဲ့အရေပြားပိုင်ရှင်တွေ။ခြေထောက်ပိုင်းမှာထိခိုက်ပွန်းပဲ့ဒဏ်ရာရှိနေသူတွေဆိုရင် ရေဆိုးရေညစ်တွေကြားဖြတ်သန်းသွားလာဖို့ သတိပြုသင့်ပါတယ်။တစ်ချို့ကူးစက်ရောဂါပိုးတွေက မသန့်တဲ့ရေကနေ အရေပြားကိုဖောက်ပြီး ကိုယ်တွင်းကိုရောက်ရှိနိုင်ပါတယ်။ဒါကြောင့် မသန့်ရှင်းတဲ့ရေတွေနဲ့ထိတွေ့ပြီးရင်တော့ သေချာဆေးကြောသင့်ပါတယ်။လိုအပ်ရင် ဆရာဝန်နဲ့ပြဖို့လည်း ၀န်မလေးသင့်ပါဘူး”ဟု မိုးရာသီကာလတွင် မသန့်ရှင်းသောရေများကြောင့် အရေပြားဆိုင်ရာ ပြဿနာများ ဂရုပြုသင့်ကြောင်းကို သတိပေးပြောကြားခဲ့ပါသည်။

  • အာဟာရပြည့်ဝရေး ကိစ္စသည် ကမ္ဘာ့ဦးစားပေး ဖြစ်ကို ဖြစ်ရမည်ဟု သုတေသနပညာရှင်များ ပြောကြား

    ဇွန် ၇၊၂၀၁၃
    M-Media

    _67990498_114408510ငါးနှစ်အောက် ကလေးငယ်များ၏ သေဆုံးမှု ၄၅% သည် အာဟာရချို့တဲ့ခြင်းကြောင့်ဖြစ်သည်ဟု Lancet ဆေးပညာဂျာနယ်ပါ သုတေသနပြုချက်တွင် ဖော်ပြထားပါသည်။

    ၎င်းသုတေသနအရ အာဟာရချို့တဲ့ခြင်းကြောင့်  ငါးနှစ်အောက် ကလေးငယ်ပေါင်း ၃.၁သန်းခန့် နှစ်စဉ် သေဆုံးနေကြရသည်။

    နိုင်ငံတကာအသင်းအဖွဲ့တစ်ခုမှ အမိဝမ်းတွင်းနှင့် ကလေးငယ်ဘ၀တွင် အာဟာရချို့တဲ့ခြင်းဖြစ်စေသော အကြောင်းများကို လေ့လာခဲ့ကြသည်။

    ဘ၀၏ ပထမဦးဆုံး ရက်ပေါင်း တစ်ထောင်(သန္ဓေသားစဖြစ်တည်ချိန်မှ နှစ်နှစ်သားအထိ)သည် ကျန်းမာရေးအပေါ်တွင် ရေရှည်နောက်ဆက်တွဲအကျိုးများ သက်ရောက်နိုင်သည့် အရေးကြီးသော အချိန်ပိုင်းဖြစ်ကြောင်း တွေ့ရှိကြသည်။

    အာဟာရပုံမှန်မဟုတ်ခြင်း(malnutrition)တွင် အာဟာရချို့တဲ့ခြင်းသာမက အ၀လွန်ခြင်း ပြဿနာလည်း အပါအ၀င်ဖြစ်သည့်အပြင် စီးပွားရေးအပေါ်တွင်လည်း သက်ရောက်မှုရှိသည်။

    ကုလသမဂ္ဂ၏ လတ်တလော အစီရင်ခံစာတစ်ခုအရ အာဟာရချို့တဲ့ခြင်းကြောင့် တစ်ကမ္ဘာလုံးအနေဖြင့် ကျန်းမာရေးစောင့်ရှောက်မှုနှင့် ထုတ်ကုန်လုပ်အားဆုံးရှုံးမှုအတိုင်းအတာအရ ဒေါ်လာ သန်းထရီလံပေါင်း ၃.၅ ဆုံးရှုံးခဲ့ရသည်။

    အမေရိကန်မှ ကမ္ဘာကျော် Johns Hopkins တက္ကသိုလ်၏ Bloomberg ပြည်သူ့ကျန်းမာရေးကျောင်း မှ ပါမောက္ခ Robert Blackဦးဆောင်သော အဖွဲ့သည် အလယ်အလတ်နိုင်ငံများနှင့် ဆင်းရဲသော နိုင်ငံများမှ မိခင်နှင့် ကလေး အာဟာရချို့တဲ့ခြင်းနှင့် အ၀လွန်ခြင်း အထောက်အထားများကို ၂၀၀၈ခုနှစ်ကတည်းကစပြီး လေ့လာခဲ့ကြသည်။

    ထိုအဖွဲ့သည် နိုင်ငံတွင်းနှင့် နိုင်ငံတကာ အာဟာရ စီမံကိန်းများ၏ တိုးတက်မှုကိုလည်း လေ့လာခဲ့ကြသည်။

    ပါမောက္ခ Blackနှင့် အဖွဲ့သားများ၏ ခန့်မှန်းချက်အရ ယခုနှစ်များအတွင်း တိုးတက်မှုအချို့ရှိခဲ့သော်လည်း ၂၀၁၁ခုနှစ်တွင် အသက်နှင့်ယှဉ်လျှင် အရပ်ဖွံ့ထွားမှုနှေးသော ကလေးငယ်ပေါင်း ၁၆၅သန်းကျော်ရှိပြီး အရပ်နှင့်ယှဉ်လျှင် ကိုယ်အလေးချိန်နည်းနေသော ကလေးငယ်ပေါင်း သန်း၅၀ကျော် ရှိသည်။

    အာဟာရဖွံ့ဖြိုးမှုနှင့်ပတ်သက်ပြီး သက်သေသာဓကရှိပြီး ဆောင်ရွက်ချက် ၁၀ခုကို ကမ္ဘာ့ ၉၀%အထိ အရှိန်မြှင့်တင်ပါက နိုင်ငံပေါင်း ၃၄ နိုင်ငံတွင် ခန့်မှန်းချေ အသက်ပေါင်း ၉သိန်းကို ကယ်တင်နိုင်မည်ဖြစ်ကြောင်း အဖွဲ့မှ လေ့လာတွေ့ရှိသည်။

    `အမိဝမ်းတွင်းကာလက အာဟာရ အကျိုးဆက်တွေနဲ့ သက်တမ်းရဲ့ ပထမဦးဆုံး နှစ်နှစ်တွင်း အခြေအနေတွေက အရွယ်ရောက်လာတဲ့အခါ နာတာရှည်ရောဂါဆိုးများခံစားရခြင်းနဲ့ အသက်သေဆုံးရခြင်းတွေနဲ့ပတ်သက်ပြီး တော့တော့ကို အရေးကြီးတယ်ဗျ။´
    ဟု ပါမောက္ခ Blackက BBC သတင်းဌာနကို ရှင်းပြခဲ့ပါသည်။

    `အစောပိုင်းကာလ အာဟာရချို့တဲ့မှုတွေက တစ်ဦးခြင်းအတွက် ဖွံ့ဖြိုးမှုဆိုင်ရာ အကျိုးဆက်တွေကို ဖြစ်စေတာပဲ။ ကျောင်းသားဘ၀မှာသာမက အဆုံးစွန်ဆုံးအနေနဲ့ လူမှုအသိုင်းအ၀န်းထဲမှာ အလုပ်အကိုင်အခွင့်အလမ်းကောင်းတွေလုပ်နိုင်မယ့် သူတို့ရဲ့စွမ်းဆောင်မှုတွေကိုပါ ထိခိုက်စေပါတယ်။´

    အာဟာရအရေး ကမ္ဘာ့ဦးစားပေးမဖြစ်လာသမျှ နိုင်ငံများအနေဖြင့် ဆင်းရဲခြင်းမှ လွတ်မြောက်လိမ့်မည် မဟုတ်ကြောင်းကို ထိုသုတေသနပညာရှင်များက သတိပေးလိုက်ပါသည်။

    `အကယ်၍ မိခင်နှင့် ကလေး အာဟာရပြည့်ဝရေးကို ဆောင်ရွက်နိုင်မယ်ဆိုရင် ဒီကောင်းကျိုးရလဒ်တွေဟာ နောက်မျိုးဆက်ပေါင်းများစွာအထိ အကျိုးဖြစ်ထွန်းစေမှာပါ။ ဒါကြောင့် ဒီအခွင့်အလမ်းကို အမိအရဆုပ်ကိုင်ဖို့ ကျွန်တော်တို့ အတူတကွ အလုပ်လုပ်ကြရမယ်။´
    ဟု Lancet ဂျာနယ်၏ အယ်ဒီတာချုပ် Dr Richard Horton က ပြောကြားခဲ့ပါသည်။

    ဖွံ့ဖြိုးရေးဆိုင်ရာနယ်ပယ်မှ ကျွမ်းကျင်ပညာရှင်များသည် ယူကေနှင့် ဘရာဇီးအစိုးရများမှ တာဝန်ယူစီစဉ်သော အာဟာရရေးရာ အစည်းအဝေးသို့ လာမည့်စနေ၊တနင်္ဂနွေတွင် တက်ရောက်ရန် လန်ဒန်မြို့တွင် စုစည်းရောက်ရှိနေကြသည်။

    ထိုအစည်းအဝေးပြီးလျှင် G8နိုင်ငံများမှ ခေါင်းဆောင်များ၏ အစည်းအဝေးလည်း ရှိပေသည်။

    `လူတိုင်းအတွက် လုံလောက်သော အစားအစာ IF´လှုပ်ရှားမှုမှ ၂၀၁၅ပြည့်နှစ်တွင် အာဟာရချို့တဲ့မှုကို တိုက်ဖျက်ရန် တစ်နှစ်လျှင် ဒေါ်လာ ၁ဘီလီယံ နောက်ထပ် အကူငွေအဖြစ်သုံးစွဲရန် ဆော်သြလျက်ရှိသည်။

    `လူတိုင်းအတွက် လုံလောက်သော အစားအစာ IF´၏ ပြောရေးဆိုခွင့်ရှိသူ Anita Tiessenက ပြောပြခဲ့သည်။

    `ဒီကိန်းဂဏန်းအသစ်တွေက အာဟာရချို့တဲ့ခြင်းကြောင့် ကျွန်မတို့အရင်တုန်းက ထင်ထားတာထက်ကို ကလေးငယ် ထောင်ရာပေါင်းများစွာပိုသေနေကြရတယ်ဆိုတဲ့ ကျွန်မတို့  အကြောက်ဆုံး စိုးရွံ့မှုတွေကို သေချာသွားစေတာပေါ့။´

    `ကမ္ဘာနဲ့အ၀ှမ်း ကလေးငယ်တွေရဲ့ သေဆုံးမှုကို ဖြေရှင်းဖို့ ဖြစ်နိုင်ဖို့ အလွန်ခက်ခဲတဲ့ တိုးတက်မှုတွေကို ကျွန်မတို့ လုပ်ခဲ့ပြီးပါပြီ။ ဒါပေမယ့် နှစ်စဉ် မလိုအပ်ဘဲ သန်းပေါင်းများစွာ အသက်ဆုံးရှုံးရခြင်းတွေကို တားဆီးဖို့ ကျွန်မတို့ရဲ့ အားထုတ်မှုမှာ အာဟာရချို့တဲ့ခြင်းကတော့ အားနည်းချက်အဖြစ် ကျန်ရှိနေပါတယ်။ ကျွန်မတို့လုပ်ထားတဲ့ တိုးတက်မှုတွေကို ဆက်စေချင်တယ်ဆိုရင် ငတ်မွတ်ခြင်းပြဿနာကို ဖြေရှင်းဖို့ အလျင်အမြန်ကိုပဲ ဦးစားပေးရပါမယ်။´

    Ref:BBC