News @ M-Media

Tag: Iftars

  • Mizzima Youth Network ရဲ့ စာနယ်ဇင်းရှင်းလင်းပွဲနှင့် ဘာသာပေါင်းစုံ ချစ်ကြည်ရေး စုပေါင်း ၀ါဖြေပွဲ ညစာစားပွဲကျင်းပ

    သြဂုတ် ၇၊ ၂၀၁၃
    M-Media
    အမ်တူးအေ

    Mizzima Youth Network 3
    ရန်ကုန် ။ ။ Mizzima Youth Network မှ စာနယ်ဇင်းရှင်းလင်းပွဲနှင့် ဘာသာပေါင်းစုံ ချစ်ကြည်ရေး စုပေါင်း ၀ါဖြေ ညစာစားပွဲကို ဇူလိုင်လ (၇)ရက်၊ ညနေ(၅)နာရီမှ (၇)နာရီအထိ ရန်ကုန်မြို့၊ သိမ်ဖြူလမ်းရှိ YMCA ခန်းမ၌ ပြုလုပ်ခဲ့ပါသည်။

    အဆိုပါ အခမ်းအနား၌ ဦးအုန်းမောင်(တရားလွှတ်တော်ရှေ့နေ)မှ မတူကွဲပြားခြင်းနှင့် ငြိမ်းချမ်းရေးပါတီမှ ထုတ်ဝေဖြန့်ချိသည့် အစ္စလာမ်သာသနာနှင့်စပ်လျဉ်းပြီး ဝေဖန်ပုတ်ခတ် စွပ်စွဲချက်များအပေါ် ဥပဒေ ရှုထောင့်မှ သုံးသပ်ပြခဲ့ပြီး၊ ဆရာဦးအေးလွင်မှ ‘ကုရ်အာန်ကျမ်းပြဿနာဖြေရှင်းခြင်း’ စာတမ်းပါ ဦးနေမျိုးဝေ၏ လုပ်ကြံ စွပ်စွဲချက်များတွင် ပါဝင်သည့် အကြောင်း အချက်များသည် မဟုတ်မမှန် လုပ်ကြံထားသည် များသာဖြစ်ကြောင်းကို အထောက်အထားများဖြင့် ဖြေရှင်းခဲ့ပြီး ယခု ရှင်းလင်းမှုသည် ဦးနေမျိုးအား ရှင်းလင်းဖြေရှင်းမှု မဟုတ်ပဲ၊ မဟုတ်မမှန် လုပ်ကြံမှုများကို ယုံမှားမိကြမည့် သူများအား ဖြေရှင်းခြင်းသာဖြစ်ကြောင့် ထည့်သွင်းပြောကြားခဲ့သည်။

    ထို့နောက် တက်ရောက်လာသော စာနယ်ဇင်းများမှ မေးမြန်းမှုများကို ပြန်လည်ရှင်းလင်း ဖြေကြားခဲ့ကြပြီး၊ မန္တလေးမှရောက်ရှိ တက်ရောက်လာသော ဘုန်းဘုန်း ဦးဇင်းလေးမှ အမှတ်တရအနေဖြင့် မေတ္တာတရား အရေးကြီးပုံကို မြွက်ကြားခဲ့ပြီး ဘင်္ဂါလီ စွန္နီဂျာမေဗလီ ရှေ့ဆောင် ဆရာတော်မှ နိဂုံးချုပ် စကားပြောကြားပြီးနောက် ဆုတောင်း(ဒုအာ)ဖြင့် စာနယ်ဇင်း ရှင်းလင်းပွဲကို ရပ်နားခဲ့ပါသည်။

    ထို့နောက် တက်ရောက်လာကြသူများအတူတကွ စုပေါင်း ၀ါဖြေ ညစာစား၍ အစီအစဉ်ပြီးဆုံးခဲ့ပါသည်။ အခမ်းအနားသို့ စာနယ်ဇင်းများနှင့် ဘာသာပေါင်းစုံမှ စုစုပေါင်း ၂၀၀ ၀န်းကျင်ခန့်တက်ရောက်ခဲ့ပါသည်။

    ဓါတ်ပုံများ ကြည့်များရန်။ http://goo.gl/V8EiK0

    Mizzima Youth Network 2

    Mizzima Youth Network 1

  • အမေရိကန် ဖို့ဝိန်မြို့မှ မြန်မာမွတ်စလင်မ်များရဲ့စုပေါင်းဝါဖြေပွဲ

    သြဂုတ်-၅၊ ၂၀၁၃
    M-Media
    သတင်း/ဓါတ်ပုံ – ကျော်ကျော်

    IMG_0475
    အမေရိကန် ပြည်ထောင်စု ဖို့ဝိန်းမြို့ရှိ မြန်မာနိုင်ဖွား မြန်မာမွတ်စလင်များရဲ့ ရမဿွန် ဥပုသ်လ ဝါဖြေပွဲကို မြန်မာမွတ်စလင် ပညာရေးနှင့် ကော်မြူနတီစင်တာမှ ဦးစီးကျင်းပတဲ့ စုပေါင်းဝါဖြေပွဲကို သြဂုတ်လ ၅ ရက်နေ့ မှာ ကျင်းပခဲ့ပါတယ်။

    သြဂုတ်လ ၅ ရက်နေ့ညဟာ လိုက်လသွသ်ကသလ် (ကြီးကျယ် ထူးမြတ်သော) ညဖြစ်တဲ့အတွက် အခမ်းအနားကို စူရသွန် ကသလ် (အာရဗီ၊ ဗမာ၊ နှင့် အင်္ဂလိပ် ဘာသာတို့ဖြင့် )ရွတ်ဖတ်ပြီး စတင်ခဲ့ပါတယ်။

    အခမ်းအနားမှာ မွတ်စလင်ထုရဲ့ စုစည်း ညီညွတ်မူအင်အား အရေးကြီးကြောင်းနဲ့ ဘာသာတရားကို ရမ္မသွာန်လ ကကဲ့သို့ တစ်နှစ်ပါတ်လုံး အစဉ်တစိုက် ကြိုးစားအားထုတ်ရမှာဖြစ်တဲ့အကြောင်း ရှေ့ဆောင် ဆရာ အီမာန် ယာစင်က မိန့်ကြားခဲ့ပါတယ်။

    ဗလီဝတ်ကျောင်းတော်တည်ဆောက်ရေး စီမံကိန်းအခြေအနေနဲ့ ဘဏ္ဍငွေတိုးတက်မှုအခြေအနေတို့ကိုရှင်းပြပြီး အလှုငွေများကောက်ခံခဲ့ရာ စုစုပေါင်း အမေရီကန်ဒေါ်လာ တစ်သောင်း တိတိ ကောက်ခံရရှိခဲ့ကြောင်းလဲသိရပါတယ်။

    ဖို့ဝိုန်းမြို့မှာ မြန်မာမွတ်စလင်တွေတည်ဆောက်နေတဲ့ ဗလီဝတ်တော်ရဲ့ ပထမအပိုင်းဟာ တစ်ဝက်ခန့်ပြီးစီးသွားပြီဖြစ်ကြောင်းလဲသိရပါတယ်။ စုပေါင်းဝါဖြေပွဲ အခမ်းအနားကို လူပေါင်း နှစ်ရာ နီးပါး တက်ရောက်ခဲ့ပြီး နိုင်ငံခြားသား မွတ်စလင်များနဲ့ အခြားအဖွဲ့အစည်းမှ ကိုယ်စာလှယ်များလည်း တက်ရောက်ခဲ့ကြောင်းသိရပါတယ်

    ဓါတ်ပုံများ ကြည့်ရန်။ http://goo.gl/TYZWRz

     

  • Mizzima Youth Network ရဲ့ စာနယ်ဇင်းရှင်းလင်းပွဲနှင့် ဘာသာပေါင်းစုံချစ်ကြည်ရေး စုပေါင်း ၀ါဖြေပွဲ ညစာစားပွဲ

    သြဂုတ် ၅၊ ၂၀၁၃
    M-Media
    K K
    Mizzima Youth Network
    ရန်ကုန် ။         ။           ဘာသာပေါင်းစုံ လူငယ်များ Mizzima Youth Network မှ စာနယ်ဇင်းရှင်းလင်းပွဲနှင့် ဘာသာပေါင်းစုံ ချစ်ကြည်ရေး စုပေါင်း ၀ါဖြေ ညစာစားပွဲကို ဇူလိုင်လ (၇)ရက်၊ ညနေ(၅)နာရီမှ (၇)နာရီအထိ ရန်ကုန်မြို့၊ သိမ်ဖြူလမ်းရှိ YMCA ခန်းမ၌ ပြုလုပ်မည်ဖြစ်ပါသည်။
    ယင်းအစီအစဉ်၌ စာနယ်ဇင်းရှင်းလင်းပွဲတွင် ‘ကုရ်အာန်ကျမ်းပြဿနာဖြေရှင်းခြင်း’ စာတမ်းပါ ဦးနေမျိုးဝေ၏ လုပ်ကြံစွပ်စွဲချက်များအား ရှင်းလင်းချေပခြင်းနှင့် ၂၀၁၃-ခုနှစ် ရမဿွာန်(ဥပုသ်လ) ‘ဘာသာပေါင်းစုံ ချစ်ကြည်ရေး စုပေါင်းဝါဖြေပွဲနှင့် ညစာ စားပွဲ အခမ်းအနား’ကို ပူးတွဲ ကျင်းပပြုလုပ်မည်ဖြစ်ကြောင်းသိရသည်။
    အဆိုပါ အခမ်းအနားသို့ တက်ရောက်လိုသူများအနေဖြင့် ကိုသန့်ဇင်ထွေး(09-5154831)၊ ကိုရဲထူး (09-73143129)၊ ကိုအောင်နိုင်စိုး(09၀31429763)တို့ထံ ၆.၈.၂၀၁၃ ညနေ(၅)နာရီ နောက်ဆုံးထား၍ အကြောင်းကြားပေးစေလိုကြောင်းလည်း သိရသည်။
  • ရမဿွာန်ကို ကြိုဆိုသောအားဖြင့် လူတိုင်း ပါဝင်နိုင်သည့် ၀ါဖြေပွဲများ ဂျပန်နိုင်ငံတွင် ပြုလုပ်

    ဇူလိုင်-၁၃၊ ၂၀၁၃
    M-Media

    Japan Free Iftars Welcome Ramadan
    ရမဿွာန် ဥပုသ်လကို ကြိုဆိုသောအားဖြင့် ဂျပန်လူမျိုးမွတ်စ်လင်မ်များက ဂျပန်နိုင်ငံ၏ အကြီးဆုံး ဗလီကျောင်းတော်တွင် လူတိုင်းပါဝင်နိုင်သောဝါဖြေပွဲများ ပြုလုပ်ခဲ့သည်။ မွတ်စ်လင်မ် မဟုတ်သူများပါ လာရောက်သုံးဆောင်နိုင်ပြီး အစ္စလာမ့်ယဉ်ကျေးမှုများကိုလည်း လေ့လာနိုင်မည်ဖြစ်သည်။

    “ဥပုသ်သီလဆောက်တည်ခြင်းဟာ ကျွန်တော်တို့ကို ပိုမို တိုးတက်ကောင်းမွန်အောင်ပြုပြင်ပေးပါတယ်။ တကယ့်ကို ပျော်ဖို့လည်းကောင်းပါတယ်” ဟု   စားသောက်ပွဲအား စိတ်အားထက်သန်စွာစောင့်မျှော်နေခဲ့သူ မော်ရိုကိုမှ အသက် ၂၇ နှစ်အရွယ် ကျောင်းသားတစ်ဦးဖြစ်သော ဘန်ဂ်ျဒီ အလ်မဟ်ဒီ (Benjdi El Mehdi) မှ The Japan Times သို့ ပြောကြားခဲ့ပါသည်။

    အစ္စလာမ့်ပြက္ခဒိန်တွင် အမွန်မြတ်ဆုံးလဖြစ်သော ရမဿွာန်လသည် ဂျပန်နိုင်ငံ၌ ဇူလိုင်လ ၁၀ ရက်၊ ဗုဒ္ဓဟူးနေ့က စတင်ခဲ့သည်။

    ရမဿွာန်လ၌ အရွယ်ရောက်ပြီး မွတ်စ်လင်မ်များသည် အစာရေစာ၊ ဆေးလိပ်သောက်ခြင်း နှင့် လိင်မှုကိစ္စများအား နံနက်နေထွက်ချိန်မှ နေ၀င်ချိန်အထိ ရှောင်ကြဉ်ကြရသည်။ မွတ်စ်လင်မ်တို့သည် မိသားစုစုံညီစွာဖြင့် စုပေါင်းဝါဖြေမှုများ ပြုလုပ်လေ့ရှိကြသည်။

    ဂျပန်နိုင်ငံရှိ အကြီးဆုံးဗလီကျောင်းတော် တိုကျို ကာမီ (Tokyo Camii) တွင် ရမဿွာန်လအတွင်း နေ့စဉ်နေ့တိုင်း ၀ါဖြေပွဲများကို ဗလီမှ တာဝန်ယူကျွေးမွေးပြီး၊ လာရောက်ဝါဖြေကြသူ လူ ၂၀၀ နီးပါး ရှိသည် ဟု သိရသည်။

    ၄င်းဝါဖြေပွဲများတွင် တူရကီ၊ အင်ဒိုနီးရှား၊ ဂါနာ နှင့် အခြားနိုင်ငံများမှ အမျိုးသား နှင့် အမျိုးသမီးများ လာရောက်လေ့ရှိုကြသည်။

    ဤ၀ါဖြေပွဲများမှာ မွတ်စ်လင်မ် ဆင်းရဲသူများ နှင့် ခရီးသွားများအား ဧည့်ခံကျွေးမွေးရာမှ စတင်ပေါ်ပေါက်လာခဲ့ပြီး၊

    လွန်ခဲ့သောနှစ်အနည်းငယ်၌ တိုကျိုကာမီ ဗလီကျောင်းတော်က နိုင်ငံမျိုးစုံ၊ ဘာသာပေါင်းစုံ လူတို့အား တည်ခင်းဧည့်ခံကျွေးမွေးသော ယင်းအစဉ်အလာကို စတင်ကျင့်သုံးခဲ့သည်။

    ရမဿွာန်လတွင် ဥပုသ်ဆောက်တည်ခြင်းသည် မွတ်စ်လင်မ်များအား စိတ်ရှည်သည်းခံခြင်း၊ မိမိကိုယ်ကိုထိန်းချုပ်ခြင်းကို သင်ကြားပေးပြီး၊ ထိုလ၏အချိန်ကာလများကို ၀တ်ပြုမှုများ၊ ကုရ်အာန်ဖတ်ရွတ်မှုများ နှင့် ကောင်းမှုကျင့်ရပ်များအားဖြင့် အလ္လာဟ်အရှင်မြတ်နှင့် နီးကပ်မှုရရှိရေး၌ မြှုပ်နှံလုံးပန်းထားကြသည်။

    ဤလအတွင်း မွတ်စ်လင်မ်အများစုသည် နွမ်းပါးသူများ နှင့် ဒုက္ခရောက်နေသူများအတွက် ဇကာ့သ်ပေးကမ်းခြင်းကို ပိုမိုဦးစားပေးတတ်ကြသည်။

    နေ့စဉ်ပြုလုပ်သည့် ရမဿွာန်ဝါဖြေပွဲများသည် အစ္စလာမ့်ယဉ်ကျေးမှု နှင့် ထုံးတမ်းဓလေ့များအတွက် ဖွင့်လှစ်ပြသပေးသော ပြူတင်းတစ်ချပ် ဖြစ်လျက်ရှိသည်။
    “ အစ္စလာမ်ဘာသာအကြောင်း ကျောင်းမှာ သင်ကြားထားလို့ ဒီကိုလာရောက်လေ့လာတာဖြစ်တယ်။ မွတ်စ်လင်မ်တွေ အသားစားတယ်ဆိုတာ ကျွန်မ အရင်ကမသိခဲ့ဘူး ။ သူတို့အကြောင်း ထပ်ပြီးတော့ လေ့လာချင်သေးတယ် ” ဟု အဖော်တစ်ဦးနှင့်အတူ ဗလီကျောင်းတော်သို့ လာရောက်သူ အသက် ၁၇ နှစ်အရွယ် အထက်တန်းကျောင်းသူတစ်ဦးက ဆိုသည်။

    ၀ါဖြေပွဲထံမှ သူမသည် တူရကီရိုးရာအစားအသောက်များကို ပထမဆုံးအကြိမ် မြည်းစမ်းစားသောက်ခဲ့ရသလို၊ သူမ၏ ဘေးနားတွင်ထိုင်သော ဘရူနိုင်းအမျိုးသမီးတစ်ဦးနှင့်လည်း စကားစမြည်ပြောဆိုရင်းနှီးခွင့် ရခဲ့သည်။

    ယင်းစားဖွယ်များကို တူရကီနိုင်ငံမှလာရောက်သော စားဖိုမှူးသုံးဦးမှ ၀ါဖြေပွဲအတွက် သီးသန့် ချက်ပြုတ်ပေးထားခြင်းဖြစ်၏။ ၄င်းတို့သည် နေ့လည်ခင်းမတိုင်မီ စတင်ချက်ပြုတ်ကြပြီး၊ သြဂုတ်လ ရမဿွာန်ပြီးသည်အထိ နေ့စဉ်လူ ၂၀၀ စာအတွက် တာဝန်ယူဆောင်ရွက်ကြရသည်။

    ၁၉၃၀ ခုနှစ်တွင် ဂျပန်နိုင်ငံရှိ ဇာတိမတူညီသောမွတ်စ်လင်မ်ဦးရေမှာ ၁၀၀၀ နီးပါးရှိလာခဲ့သည်။

    ၁၉၈၀ ခုနှစ်တွင် အီရန်၊ ပါကစ္စတန် နှင့် ဘင်္ဂလားဒေ့ရှ် မှ လာရောက်ကြသည့် ပြောင်းရွှေ့လုပ်သားများကြောင့် ဂျပန်ရှိ မွတ်စ်လင်မ်ဦးရေသည် ထပ်မံမြင့်တက်လာခဲ့သည်။ ကမ္ဘာ့ဒဿမမြောက်လူနေအထူထပ်ဆုံးဖြစ်ပြီး၊ လူဦးရေ ၁၂၇ သန်းရှိသော ဂျပန်နိုင်ငံတွင် ယခုအခါ မွတ်စ်လင်မ်ဦးရေ ၁၂၀,၀၀၀ ၀န်းကျင်ရှိနေပြီဖြစ်သည်။

    Ref: OnIslam

  • ရမဿွာန်လ ၀ါဖြေပွဲကြောင့် အမေရိကန် နိုင်ငံသားများကြား ပိုမိုရင်းနှီးစေ

    ဇူလိုင်-၁၂၊ ၂၀၁၃
    M-Media

    ၀ါရှင်တန်။        ။ မတူကွဲပြားသော နောက်ခံဘ၀များ နှင့် မတူညီသော လူမျိုးနွယ်များကို အတူတစ်ကွ စုစည်း၍ အမေရိကန်နိုင်ငံရှိ မွတ်စ်လင်မ်များသည် ရမဿွာန် ဥပုသ်လအတွင်း ရက်ဆက်အစီအစဉ်တစ်ရပ်အားလုပ်ဆောင်ရန် စီစဉ်နေကြသည်။ ပိုမိုကျယ်ပြန့်သောလူ့ဘောင်အသိုင်းအ၀ိုင်းနှင့်ပေါင်းကူးချိတ်ဆက်ရန် (နှင့်) မွတ်စ်လင်မ်များ၏ ယုံကြည်ချက်အပေါ်ရှိ လွဲမှားသော အယူအဆများအား ပြန်လည်တည့်မတ်ရန် ယင်းသို့ဆောင်ရွက်ခြင်းဖြစ်သည်။

    Ramadan Iftars Bring Americans Closer“ American Islamic Relations ကောင်စီမှ ရမဿွာန်နဲ့သက်ဆိုင်တဲ့ အကြောင်းအချက်များကို ကျွန်တော်တို့ဆီက မွတ်စ်လင်မ်မဟုတ်တဲ့ အသိုင်းအ၀ိုင်းနဲ့မိတ်ဆွေများထံ ပို့ဆောင်ခဲ့ပြီး၊ ကျွန်တော်တို့ဖက်ကလည်း ရမဿွာန် အကြောင်း ပြောဆိုရှင်းပြနိုင်တဲ့ အစီအစဉ်တစ်ခုပါ ” ဟု CAIR ၏ အမှုဆောင် ဒါရိုက်တာ နီဟဒ် အာဝဒ် (Nihad Awad) မှ Voice of America သို့ပြောကြားခဲ့ပါသည်။

    အစ္စလာမ့်ပြက္ခဒိန်၏ အမြင့်မြတ်ဆုံးလ ဖြစ်သော ရမဿွာန်လသည် မြောက်အမေရိကတိုက်တွင် ဇူလိုင်လ ၉ ရက်၊အင်္ဂါနေ့က စတင်ကျရောက်ခဲ့သည်။

    ရမဿွာန်လတွင် အရွယ်ရောက်ပြီးမွတ်စ်လင်မ်များသည် အစာရေစာ၊ ဆေးလိပ်သောက်ခြင်း နှင့် လိင်မှုရေးရာ အား နံနက်နေထွက်ချိန် မှ နေ၀င်ချိန်အထိ ရှောင်ကြဉ်ကြရသည်။

    နေမကောင်းသူမကျန်းမာသူများ နှင့် ခရီးဝေးရောက်နေသူများသည် ကျန်းမာရေးအား ထိခိုက်စေမည် ဆိုပါက ဥပုသ်ဆောက်တည်ခြင်းမှ အထူးသီးသန့်အားဖြင့် ကင်းလွတ်ခွင့်ရရှိကြသည်။

    ကမ္ဘာတစ်ဝှန်းရှိ မွတ်စ်လင်မ်များသည် မိသားစုဝင်များ စုံညီ ၀ါဖြေခြင်း၊ ဘာသာရေး လေ့လာမှုများ ပြုလုပ်ခြင်း၊ ညဥ့်ဘက် အထူးဝတ်ပြုမှုဆောင်ရွက်ခြင်း နှင့် ဆင်းရဲသူများအား ထောက်ပံ့ခြင်း စသော အစဉ်အလာများဖြင့် ရမဿွာန်လကို ဖြတ်သန်းလေ့ရှိကြသည်။

    မွတ်စ်လင်မ်အဖွဲ့အစည်းများအတွက် ရမဿွာန်လသည် အမေရိကန်ရှိ ပြည်သူများကို မွတ်စ်လင်မ်တို့၏ ဘာသာရေးကျင့်ထုံးများ နှင့် အစ္စလာမ့်သက်ဝင် ယုံကြည်ချက်များအား ပြောဆို တင်ပြနိုင်ရန် ယေဘူယျအားဖြင့် အကောင်းဆုံးအချိန်အခါဖြစ်သည်။

    CAIR မှ စီစဉ်သော အစ္စလာမ့် ပညာပေးလုပ်ဆောင်ချက်များတွင် ဒေသခံ ဗလီကျောင်းတော်များ နှင့် အစ္စလာမ့် စင်တာများတွင် မည်သူမဆို လာရောက်လေ့လာနိုင်ခွင့်ပေးခြင်း၊ ရမဿွာန်နှင့်ပတ်သက်သော လူထုဟောပြောပွဲများ၊ အခြားဘာသာဝင်များကိုဖိတ်ခေါ်ဝါဖြေပွဲများ ပြုလုပ်ခြင်း၊ မွတ်စ်လင်မ်များသည်လည်း အမေရိကန် လူ့အဖွဲ့အစည်း၏အစိတ်ပိုင်းတစ်ခုဖြစ်ကြောင်း အမေရိကန်လူမျိုးအပေါင်းကို သိရှိစေသည့် တီဗီ ကြော်ငြာများ  စသည်တို့ ပါဝင်သည်။

    ဥပမာ  CAIR အသင်းအဖွဲ့မှစီစဉ်ဆောင်ရွက်သော ဘာသာပေါင်းစုံစုပေါင်းဝါဖြေပွဲကို ကိုလံဘတ်စ် (Columbus) မြို့၌ ဇူလိုင်လ ၁၉ ရက်နေ့တွင် လက်ခံဆောင်ရွက်ကျင်းပပြီး  လူ ၂၅၀ ခန့် ပါဝင်ကြမည်ဖြစ်ကြောင်း ပြောရေးဆိုခွင့်ရှိသူ ဟန်နာ တိုင်လာ (Hannah Tyler) က ပြောကြားခဲ့သည်။

    အသင်းအဖွဲ့မှ ၄င်းကဲ့သို့ စုပေါင်းဝါဖြေပွဲအား တာဝန်ယူကျင်းပလာခဲ့သည်မှာ ယခုဆို ၁၆ နှစ်တိုင်ရှိပြီဖြစ်သည်။
    “ကိုလံဘတ်စ်ကလူများဟာ အများအားဖြင့် နားလည်လိုက်လျောမှု ရှိကြတယ်။ လူနည်းစု ဒါမှမဟုတ် ဓလေ့မတူသူအတွက် နေထိုင်ဖို့ အကောင်းဆုံးမြို့လို့ ဆိုနိုင်ပါတယ် ” ဟု သူမက Columbia Dipatch သို့ပြောပြခဲ့သည်။

    ဒပ်ဘလင်ရှိ နူးရ် အစ္စလာမ့်ယဉ်ကျေးမှုစင်တာ (Noor Islamic Cultural Center in Dublin) ၌လည်း ရမဿွာန် အထူးအစီစဉ်များ လုပ်ဆောင်ခဲ့ရာ၊ လူငယ်များသည် ရမ်ဇန်အစီအစဉ်တစ်ရပ်အနေနှင့် ဟီလီယာဒ် အစားအသောက် ခင်းကျင်းပွဲ (Hilliard Food Pantry) တွင် စားဖွယ်များ ရွေးချယ်စုဆောင်းခဲ့ကြကြောင်း သိရသည်။

    “ ကျွန်တော်တို့ အမြဲတစေ ဆွေးနွေးတတ်တဲ့ အချက်တစ်ခုရှိတယ်။ ကျွန်တော်တို့ဟာ လူသားတွေဖြစ်ကြတဲ့အတွက် တူညီမှုတွေ တော်တော်များတယ်ဆိုတာပါပဲ။ ကျွန်တော်တို့ရဲ့ ကွဲပြားခြားနားချက်တွေက မဆိုစလောက်ပဲ ရှိပါတယ်။ တူညီမှုတွေကတော့ အပုံအပင်ဖြစ်နေပါတယ် ” ဟု ဗဟိုဘုတ်အဖွဲ့ဝင် ဖြစ်သော အင်မ်ရာန် မာလစ်ခ် (Imran Malik) ကဆိုသည်။

    အမေရိကန်မွတ်စ်လင်မ်များသည် မျိုးနွယ်ကွဲပြားသော၊ ဘ၀နောက်ကြောင်း မတူညီသော အခြားမွတ်စ်လင်မ်တို့ကိုလည်း ပိုမိုရင်းနှီးမှုရရှိစေရန် အထူးအစီစဉ်များကို စီမံလျက်ရှိသည်။

    “ ဘယ်မွတ်စ်လင်မ်နိုင်ငံ၊ ဘယ်မွတ်စ်လင်မ်အသိုင်းအ၀ိုင်းကဖြစ်ဖြစ် သူတို့အားလုံး အတူတူပဲလို့ ခံစားနိုင်အောင်လို့ ကျွန်တော်တို့ကြိုးစားတာပါ။ သူတို့ ဥပုသ်ဖြေဖို့ အစားအသောက်ကို ကျွန်တော်တို့တည်ခင်းကျွေးမွေးတယ်။ ကျွန်တော်တို့နဲ့အတူ အမျိုးသား၊ အမျိုးသမီး၊ သူတို့ရဲ့ကလေး နဲ့ မိသားစုတွေအပါအ၀င် လူ ၆၀၀ ကျော် စုစည်းတွေ့ဆုံကြတယ်။ ၀ါဖြေပြီးတော့ ကျွန်တော်တို့နဲ့အတူ ၀တ်ပြုကြပါတယ် ”  ဟု ၀ါရှင်တန်ဒီစီ (Washington DC) မှ Islamic Center ၏ ဥက္ကဌဖြစ်သူ အီမာမ် အဗ်ဒူလာခေါင်ဂ်ျ (Imam Abdulla Khouj) က Voice of America သို့ပြောကြားခဲ့သည်။

    မွတ်စ်လင်မ် မိသားစုများသည် ဥပုသ်ဖြေဆိုပြီးနောက်တွင် သရာဝီးဟ် ဟုခေါ်သော ညဘက် (အထူး) ၀တ်ပြုခြင်း အမှုကို ဆောင်ရွက်လေ့ရှိကြသည်။

    “ရမဿွာန်လအတွင်း ညစဉ် (သရာဝီးဟ်) ၀တ်ပြုမှုဟာ  ယုံကြည်ကိုင်းရှိုင်းခြင်း နဲ့ အပြစ်များမှကင်းလွတ်ရေး အတွက် ဖော်ပြချက်တစ်ရပ်ဖြစ်ပါတယ်။ ကျွန်တော်တို့ဟာ တစ်ညဥ့်ကို ကျမ်းမြတ်ကုရ်အာန်ရဲ့အပိုင်းအခြားတစ်ခု ပြီးအောင် (၀တ်ပြုမှုအတွင်းမှာ) ရွတ်ဖတ်ကြပါတယ်။ ရမဿွာန်လ ကုန်လွန်တဲ့အခါမှာတော့ ကျွန်တော်တို့အဖို့ ကျမ်းမြတ်ကုရ်အာန်က အပိုင်းအခြား ၃၀ စလုံးကို ဖတ်ရွတ်ပြီးသား ဖြစ်သွားတာပေါ့ဗျာ ” ဟု မွတ်စ်လင်မ် အမေရိကန် စီးပွားရေးသမား အလီ ဂါမေ (Ali Gamay) မှ ဆိုသည်။

    သို့သာမက မီရှီဂန် (Michigan) ၊ ဒီယာဘွန်း (Dearborn) တွင်လည်း အမေရိကန်မွတ်စ်လင်မ်များအတွက် အထူး ပရိုဂရမ်များကို ကျင်းပဆောင်ရွက်ကြသည်။

    “ အင်္ဂလိပ်စကားကို ကျွမ်းကျင်စွာပြောဆိုနိုင်တဲ့ ကျွန်တော်တို့ရဲ့အုပ်စုဝင်များဟာ မွတ်စ်လင်မ် မဟုတ်သူများကို အစ္စလာမ်အကြောင်းပြောပြပေးမယ့် သံတမန်များလို့ ကျွန်တော်တို့ယုံကြည်ပါတယ်။ ဒါ့ကြောင့် သူတိုရဲ့အစ္စလာမ့်အသိပညာကျယ်ပြန့်လာရေးအတွက် လူငယ်များအတွက် အထူးကဏ္ဍအစီအစဉ်တစ်ရပ်လည်ိးရှိပါလိမ့်မယ်။ ရမဿွာန်ကာလအတွင်း ဒီမှာရှိတဲ့လူငယ်များက သူတို့မိဘတွေအတိုင်း မွတ်စ်လင်မ် ဟုတ်သူဖြစ်စေ မဟုတ်သူဖြစ်စေ ချို့တဲ့နွမ်းပါးသူများကို ကူညီတတ်ကြတယ် ” ဟု ဒီရာဘွန်းရှိ Islamic Center of America မှ ဦးဆောင်သူ အီမာမ် ဟတ်ဆန် ကဇ်ဝီနီ (Imam Hassan Qazwini) က ဆိုသည်။

    အတိကျ တရားဝင် ကိန်းဂဏန်း မပြသနိုင်သော်လည်း အမေရိကန်နိုင်ငံတွင် မွတ်စ်လင်မ် လူဦးရေ ၆ သန်းမှ ၈ သန်း အကြား နေထိုင်လျက်ရှိသည်ဟု ယုံကြည်ကြသည်။

    ဥပုသ်သီလစောင့်ခြင်းသည် မွတ်စ်လင်မ်များအား စိတ်ရှည်သည်းခံခြင်း၊ မိမိ၏ရုပ်နှင့်နာမ်ကို ထိန်းချုပ်ခြင်းတို့ကို သင်ကြားပေးသည်။ ရမဿွာန်၏အချိန်သည် ၀တ်ပြုမှုများ၊ ကုရ်အာန်ဖတ်ရွတ်မှုများ နှင့် ကောင်းမှုကုသိုလ်ရေးလုပ်ရပ်များဖြင့် အလ္လာဟ်အရှင်မြတ်နှင့် ပိုမိုနီးကပ်စေရန် (အရှင့်နှစ်မြို့မှုပိုမိုရရှိစေရန်) လုပ်ဆောင်ရသော ကာလဖြစ်သည်။

    ဤရမဿွာန်လအတွင်း မွတ်စ်လင်မ်အများစုသည် ဆင်းရဲနွမ်းပါးသူများ နှင့် ဒုက္ခသည်များအတွက် ဇကာ့သ် ပေးကမ်းခြင်းကို ပိုမိုအထူးပြုဆောင်ရွက်ကြသည်။ (ဇကာ့သ် ဟူသည် ပြေလည်သူမွတ်စ်လင်မ်တစ်ဦးအဖို့ မိမိ၏ ပိုလျှံသောငွေကြေးဥစ္စာများအနက် ၀.၂၅ % ကို မဖြစ်မနေ နှစ်စဉ် လှူဒါန်းပေးကမ်းမှုဖြစ်သည်)။