News @ M-Media

Tag: InDepth

  • အမျိုးသမီးများအပေါ် လိင်ပိုင်းဆိုင်ရာ အကြမ်းဖက်မှု အမြင့်မားဆုံး နိုင်ငံ (သို့) နီကာရာဂွါ

    အမျိုးသမီးများအပေါ် လိင်ပိုင်းဆိုင်ရာ အကြမ်းဖက်မှု အမြင့်မားဆုံး နိုင်ငံ (သို့) နီကာရာဂွါ

    နိုဝင်ဘာ ၁၉ ၊ ၂၀၁၄
    M-Media

    NICARAGUA PROTEST
    – အသက် ၁၂ နှစ်အရွယ် သာမန်ကျောင်းသူလေးဖြစ်ခဲ့သည့် မာသာ ဗီလက်စ်ကွက်ဇ် တစ်ယောက် ဖေဖော်ဝါရီလတွင် အစ်မ၀မ်းကွဲ၏ ရည်စားဖြစ်သူက အဓ္ဓမပြုကျင့်ခြင်းကို ခံခဲ့ရသည်။ သူမ မုန့်သွားဝယ်စဉ် အသက် ၃၄ နှစ်အရွယ် ထိုသူက သူအစောင့်လုပ်ရာ ဘုရားကျောင်းထဲသို့ ဆွဲခေါ်သွားခဲ့သည်။ ထို့နောက်သူမအား အဓမ္မကျင့်ကာ ဘယ်သူကိုမှ မပြောရန်လည်း သတိပေးခဲ့သေည်။

    အခြားကလေးများနည်းတူ ကာကွယ်ပေးခြင်းကို ခံထိုက်သောကြောင့် ဗီလက်စ်ကွက်ဇ်၏ အမည်ကို ပြောင်းထားသည်။ သူမမှာ သူမနေထိုင်ရာ နီကာရာဂွာမြို့တော် မာနာဂွာ၏ ဆင်ခြေဖုံးဒေသရှိ ရိပ်မြုံလေးမှနေ၍ အလ်-ဂျာဇီးရား သတင်းဌာနသို့ ဇာတ်ကြောင်းကုန်စင် ဖွင့်ဟ ပြောဆိုခဲ့လေသည်။

    “တကယ်လို့ ဒီအကြောင်းတွေကို ကျွန်မ တခြားလူတွေကို ပြန်ပြောပြရင် ကျွန်မကိုနာကျင်အောင် လုပ်သလိုပဲ ကျွန်မညီမလေးကိုလည်း လုပ်မယ်လို့ သူက ပြောခဲ့ပါတယ်။ ကျွန်မ မခံနိုင်ပေမယ့် ကြောက်လည်းကြောက်ပါတယ်။ ဒါ့ကြောင့် နှုတ်ဆိတ်နေခဲ့တာပါ” ဟု သူမက ဆိုသည်။

    နီကာရာဂွါနိုင်ငံမှာ ကမ္ဘာပေါ်တွင် အမျိုးသမီးအများအပေါ် လိင်ပိုင်းဆိုင်ရာ အကြမ်းဖက်မှုနှုန်း အမြင့်မားဆုံး နိုင်ငံများထဲမှ တစ်ခုဖြစ်လေ၏။ ထိုအမှုကိစ္စမှာ ခရစ်ယာန် ဘုန်းတော်ကြီးများ အသိုင်းအ၀ိုင်းတွင် ရှင်သန်သည်။ ပြစ်မှုကျူးလွန်သူ အများစုမှာလည်း ပြစ်ဒဏ်ပေးခြင်းမခံရ။  အမျိုးသမီးများ၏ လူ့အခွင့်အရေးကို ယုတ်လျော့စေသော ခွဲခြားဆက်ဆံသည့် ဥပဒေများလည်း ရှိနေသည်။

    ပြီးခဲ့သည့်နှစ်က မှုခင်းဆိုင်ရာ ဆရာဝန်များမှာ လိင်ပိုင်းဆိုင်ရာ အကြမ်းဖက်ခံရသူ ၆၀၆၉ ဦးကို စစ်ဆေးခဲ့ရသည်။ ထိုပမာဏမှာ ၂၀၁၀ ခုနှစ်နှင့်စာလျှင် ၂၇ ရာခိုင်နှုန်းတိုးလာခြင်းဖြစ်သည်ဟု ဥပဒေဆိုင်ရာ ဆေးပညာအသင်း IML ၏ မှတ်တမ်းများက ပြဆိုနေသည်။

    လိင်ပိုင်းဆိုင်ရာအကြမ်းဖက်ခံရသူ ၆၀၆၉ ဦးတွင် ၈၂ ရာခိုင်နှုန်းမှာ ကလေးများဖြစ်သည်ကို မယုံကြည်နိုင်လောက်စရာ တွေ့ရှိရပြီး ထိုအထဲမှ ၃၀၆၅ ဦးမှာ အသက် ၁ နှစ်မှ ၁၃ နှစ်အရွယ်များဖြစ်သည်။ အသက် ၁၄ နှစ်မှ ၁၇ နှစ်အရွယ် အမျိုးသမီးငယ်များက ၁၈၉၇ ယောက်ရှိသည်။ လိင်ပိုင်းဆိုင်ရာ အကြမ်းဖက်ခံရသူ ၁၀ ဦးတွင် ၉ ဦးမှာ အမျိုးသမီးများဖြစ်ပြီး ၈၀ ရာခိုင်နှုန်းကျော်က ဗီလက်စ်ကွက်ဇ်လိုပင် ၎င်းတို့အား အနိုင်ကျင့်သူများကို သိကြသည်။

    အနိုင်ကျင့်ခံရသူများ၏ အရေအတွက်အမှန်မှာ ထိုထက်ပိုများမည် ဆိုသည်ကိုတော့ သံသယဖြစ်စရာမရှိ။ အဘယ်ကြောင့်ဆိုသော် ခန့်မှန်းခြေ ၉၀ ရာခိုင်နှုန်းသော လိင်ပိုင်းဆိုင်ရာ တိုက်ခိုက်မှုများကို တာဝန်ရှိသူများထံသို့ လာရောက်တိုင်းတန်းခြင်းမရှိဟု IML ၏ စစ်တမ်းများက ဆိုနေသည်။

    “မိန်းကလေးတွေကို ဦးတည်တဲ့ လိင်ပိုင်းဆိုင်ရာအကြမ်းဖက်မှုက တော်တော်လူမဆန်တဲ့ လုပ်ရပ်ပါ။ နိုင်ငံအတွင်းမှာလည်း အဲဒါကို သာမန်လိုယူဆနေပြီး၊ မဟာဖိုဝါဒကလည်း ဒီလိုအကြမ်းဖက်မှုတွေရဲ့ အခြေခံဖြစ်နေပါတယ်” ဟု ကမ္ဘာလုံးဆိုင်ရာ မျိုးပွားမှုအခွင့်အရေးကို မြှင့်တင်ပေးနေသည့် အဖွဲ့ဖြစ်သော Ipas မှ မေတီအိုချာက ပြောကြားခဲ့သည်။

    ပြဿနာဟု မမြင်ခြင်း

    စီးပွားရေနှင့် လူမှုရေး ဖွံ့ဖြိုးတိုးတက်မှုဆိုင်ရာ နီကာရာဂွါ ဖောင်ဒေးရှင်း Funides ၏ မကြာသေးမီက ပြုလုပ်ခဲ့သော လေ့လာမှုအရ စစ်တမ်းကောက်ယူခဲ့သူ အသက် ၁၅ နှစ်မှ ၁၉ နှစ်အရွယ် အမျိုးသမီးငယ်များ၏ ၁၇ ရာခိုင်နှုန်းက ၎င်းတို့၏ လိင်ပိုင်းဆိုင်ရာ ပထမဆုံး အတွေ့အကြုံမှာ ၎င်းတို့ရည်စားများ၏ ဖိအားပေးမှု သို့မဟုတ် အဓ္ဓမကျင့်ခံရမှုတို့မှရရှိခဲ့ခြင်းဖြစ်သည်ဟု ပြောကြားခဲ့သည်ကို တွေ့ရှိခဲ့ရသည်။ အမျိုးသမီးငယ် ၅ ဦးတွင် ၁ ဦးမှာ လိင်ပိုင်းဆိုင်ရာ အကြမ်းဖက်မှုကို လွန်ခဲ့သည့် ၁၂ လအတွင်း ကြုံတွေ့ခဲ့ရခြင်းဖြစ်သည်။

    ဗီလက်စ်ကွက်ဇ်အတွက်တော့ အိမ်မက်ဆိုးက ပို၍ဆိုးရွားလာခဲ့သည်။ ဇူလိုင်အတွင်း သူမ၏ ဒုက္ခသုက္ခကို မသိသော မိခင်ဖြစ်သူက ရောင်ကိုင်းနေသာ သူမ၏ ခြေထောက်ကို ပြရန် ဆရာဝန်ဆီ ခေါ်သွားသည်။ ဗီလက်စ်ကွက်ဇ်တွင် ကိုယ်ဝန် ၅ လရှိနေသည်ကို သိရှိခဲ့ရပြီး ငယ်ရွယ်သူများ ကိုယ်ဝန်ဆောင်ချိန်တွင် ဖြစ်တတ်သော အသက်သေဆုံးသည်အထိ အန္တရာယ်ရှိနိုင်သည် eclampsia ရောဂါကို စတင်ခံစားနေရသည်ဟု သိခဲ့ရသည်။

    နီကာရာဂွါနိုင်ငံမှာ လက်တင်အမေရိကတွင် ဆယ်ကျော်သက်ကိုယ်ဝန်ဆောင်မှု အမြင့်ဆုံး နိုင်ငံလည်းဖြစ်သည်။ ၂၈ ရာခိုင်နှုန်းသော အမျိုးသမီးများက အသက် ၁၈ နှစ်မတိုင်ခင် ကလေးမွေးဖွားကြသည်ဟု ကမ္ဘာ့ကုလသမဂ္ဂ လူဦးရေ ရန်ပုံငွေအဖွဲ့ UNPF က ဆိုသည်။

    ၂၀၁၂ ခုနှစ်တွင် အသက် ၁၀ နှစ်မှ ၁၉ နှစ်အရွယ် အမျိုသမီးများ မွေးဖွားသော ကလေးအရေအတွက်မှာ ၃၃၈၁၂ ဦး ရှိနေသည်။ ကလေး ၄ ဦးမွေးတိုင်း ၁ ဦးမှာ ဆယ်ကျော်သက်များမှ ဖြစ်နေသည်ဟု ကျန်းမာရေးဝန်ကြီးဌာနက နောက်ဆုံးထုတ်ပြန်ခဲ့သော မှတ်တမ်းများတွင် ဖော်ပြထားလေ၏။ ထိုစာရင်းထဲတွင် ၁၆၀၉ ဦးသော မိခင်များမှာ အသက် ၁၀ နှစ်မှ ၁၄ နှစ်အတွင်း ရှိကြသည်ဟူ၏။

    အသက် ၁၄ နှစ်အောက် ကလေးငယ်များနှင့် လိင်ဆက်ဆံခြင်းမှာ နီကာရာကွာနိုင်ငံ၏ ဥပဒေအောက်တွင် အဓမ္မကျင့်မှု မြောက်သည်။ သို့သော်လည်း တရားဝင် တရားစွဲဆိုသည်ဟူသော မှတ်တမ်းများကိုတော့ မတွေ့ရ။ လိင်ပိုင်းဆိုင်ရာ တိုက်ခိုက်မှုများ၏ ၁ ရာခိုင်နှုန်းကို သာလျှင် အောင်မြင်စွာ တရားစွဲဆိုနိုင်ခဲ့သည်ဟု လိင်ပိုင်းဆိုင်ရာစော်ကားမှု ဆန့်ကျင်ရေး လှုပ်ရှားမှုအဖွဲ့မှ အကြီးအကဲ လော်နာ နိုရိုရီက ဆိုလေသည်။

    ငယ်ငယ်ရွယ်ရွယ် ကိုယ်ဝန်ဆောင်ရသည့် အမျိုးသမီးများတွက် အကျိုးဆက်များကတော့ အမျိုးစုံသည်။

    ကျန်သည့် အမျိုးသမီးငယ်များ အတုယူမှားမည်စိုးသည့်အတွက် ဥပဒေကပေးထားသော ပညာရေးဆိုင်ရာအခွင့်အရေးကို ဖီလာဆန့်ကျင်ကာ ကျောင်းထုတ်ခံရသည်။

    “ဆယ်ကျော်သက် ကိုယ်ဝန်ဆောင်သူ ၉၉ ရာခိုင်နှုန်းရဲ့ ပညာရေး၊ အလုပ်အကိုင် မျှော်လင့်ချက်၊ မိသားစုက ထောက်ပံ့မှု စတာတွေဟာ လျော့ကျသွားပါတယ်” ဟု အန်ဂျီအို အဖွဲ့တစ်ခုဖြစ်သော Plan International မှ လိင်ပိုင်းဆိုင်ရာနှင့် မျိုးပွားမှုဆိုင်ရာ ကျွမ်းကျင်သူ ရိုစာ ရိုမဲရိုက ပြောကြားခဲ့သည်။

    “အသက်အရွယ်ကြီးတဲ့ အမျိုးသားတွေ ပါဝင်ပတ်သက်နေတဲ့ ဆယ်ကျော်သက် အမျိုးသမီးတွေ ကိုယ်ဝန်ဆောင်ရခြင်းဟာ ဓလေ့တစ်ခုလိုဖြစ်လာပြီး ပြဿနာအဖြစ် မမြင်တော့တာက စိုးရိမ်စရာပါပဲ” ဟု သူမက ထပ်လောင်းပြောကြားခဲ့သည်။

    ကလေးငယ်များလက်ထပ်မှုဓလေ့ ရှင်သန်လာခြင်း

    Rama Key ကျွန်းမှ အသက် ၁၄ နှစ်အရွယ် လယ်လာ အိုရန်တက်စ်မှာ ကိုယ်ဝန် ၇ လရှိနေပြီး ကျောင်းမှလည်း အထုတ်ခံခဲ့ရသည်။ ထိုကိုယ်ဝန်အတွက် တာဝန်ရှိသူမှာ အနီးနားရှိဒေသမှ အသက် ၃၂ နှစ်အရွယ် အိမ်ထောင်ရှိအမျိုးသား ဖြစ်လေသည်။

    “သူ့ကို ကျွန်မရဲ့ ရည်စားလို့ ထင်ခဲ့တာပါ” ဟု အိုရန်တက်စ်က ဆိုသည်။

    မိဘများကတော့ ရဲတိုင်ရမည်ကို မစဉ်းစားခဲ့။ သို့ရာတွင် ကလေးငယ်အား ပြုစုပြိုးထောင်ရန် အိုရန်တက်စ်တစ်ယောက် ၎င်းတို့ထံမှ ထွက်သွားသည်ကိုတော့ အလွန်အမင်း ဒေါသထွက်နေ၏။

    နီကာရာဂွါ လူ့အခွင့်အရေးစင်တာမှ ရှေ့နေတစ်ဦးဖြစ်သူ ၀င်ဒီ ဖလိုရက်စ်က

    “လိင်ပိုင်းဆိုင်ရာ စော်ကားခံရတဲ့ ငယ်ရွယ်သူတွေနဲ့ သူတို့ရဲ့ မိဘတွေဟာ မွေးလာတဲ့ကလေးကို ပြုစုပျိုးထောင်ဖို့ မတတ်နိုင်တာကြောင့် စော်ကားခဲ့သူတွေ ထံကနေ ထောက်ပံ့မှုတွေရအောင် တောင်းခံချင်ကြပါတယ်” ဟု ပြောကြားခဲ့သည်။

    နီကာရာကွာမှာ အနောက်ကမ္ဘာတစ်ခြမ်းတွင် ဟေတီပြီးနောက် ဒုတိယအဆင်းရဲဆုံး တိုင်းပြည်ဖြစ်သည်။ နိုင်ငံလူဦးရေ ၆ သန်း၏ ထက်ဝက်ခန့်မှာ တစ်နေ့လျှင် ၁ ဒေါ်လာအောက် ၀င်ငွေဖြင့်သာ ရှင်သန်နေထိုင်ရလေသည်။

    ထို့ပြင် လက်တင်အမေရိက၌ အရွယ်မရောက်သေးသော ကလေးများ လက်ထပ်မှု အမြင့်ဆုံးနိုင်ငံလည်းဖြစ်ပြီး တစ်ကမ္ဘာလုံးတွင် အဆင့် ၁၆ ရှိနေသည်။ နိုင်ငံအတွင်းရှိ အမျိုးသမီးများ၏ ၄၃ ရာခိုင်နှုန်းမှာ အသက် ၁၈ နှစ်အရွယ်တွင် အိမ်ထောင်ပြုကြသည်။

    ဆယ်ကျော်သက် ကိုယ်ဝန်ဆောင်မှု၊ လိင်ပိုင်းဆိုင်ရာ အမြတ်ထုတ်မှုနှင့် အရွယ်မရောက်သေးသော ကလေးငယ်များ လက်ထပ်မှု အရေအတွက်မှာ များသောအားဖြင့် နိုင်ငံအတွင်းရှိ ကိုယ်ပိုင်အုပ်ချုပ်ခွင့်ရ အတ္တလန်တိတ် ကမ်းရိုးတန်းကဲ့သို့ အဆင်းရဲဆုံးနှင့် လစ်လျူရှုအခံရဆုံး ဒေသများတွင် မြင့်မားသည်။

    ၁၉၇၉ ခု တော်လှန်ရေးကို အောင်မြင်အောင် ကူညီပေးခဲ့သည့် Sandinista guerrilla အဖွဲ့ခေါင်းဆောင်ဟောင်း ဒန်နီယဲလ် အော်တီဂါမှာ ၂၀၀၆ ခုနှစ်တွင် သမ္မတအဖြစ် ရွေးချယ်ခံခဲ့ရသည်။ ပြီးခဲ့သည့် ရွေးကောက်ပွဲနှစ်ခုက ရှုံးနိမ့်ခဲ့သည့် ခရစ်ယာန် ကက်သလစ်အသင်းတော်ကလည်း ၎င်းအား အားပေးထောက်ခံခဲ့သည်။

    သမ္မတဖြစ်ပြီး သီတင်းပတ်အနည်းငယ်အကြာမှာပင် အော်တီဂါ၏ လက်ဝဲအစိုးရက မည်သည့်အခြေအနေမျိုး၌မဆို ကိုယ်ဝန်ဖျက်ချခြင်းကို ရာဇ၀တ်မှုအဖြစ် သတ်မှတ်သည့် ဥပဒေတစ်ခုကို စတင်မိတ်ဆက်ခဲ့သည်။ ထိုဥပဒေအတွက် ပြည်သူများ၏ အကြံပေးဆွေးနွေးမှုများမပါခဲ့။

    အဓမ္မကျင့်မှု သို့မဟုတ် ကိုယ်ဝန်ဆောင်ခြင်းက မိခင်၏အသက်ကို အန္တရာယ်ရှိနေသည့် အခြေအမျိုးတွင်ပင် ကိုယ်ဝန်ဖျက်ချခြင်းကို ခွင့်မပြုသည့် ကမ္ဘာ့နိုင်ငံများထဲတွင် နီကာရာဂွါက ပဉ္စမမြောက်နိုင်ငံ ဖြစ်လာခဲ့သည်။ အခြေခံဥပဒေနှင့်မညီသော အဆိုပါ ဥပဒေအတွက် လူ့အခွင့်အရေးအဖွဲ့များမှ ၂၀၀၇ ခုနှစ်တွင် တရားရုံးချုပ်သို့ တိုင်ကြားခဲ့သော်လည်း မည်သည့်ကြားနာမှုမျှ မပြုလုပ်ခဲ့။

    ထိုဥပဒေကြောင့် ဗီလက်စ်ကွက်ဇ်ကဲ့သို့ မိန်းကလေးများအတွက် ကိုယ်ဝန်ဖျက်ချမှုမှာ  ဥပဒေပ ဆောင်ရွက်ခြင်းဟု သဘောသက်ရောက်သွားလေသည်။

    “အဓမ္မမှုရလဒ်ကြောင့် ကိုယ်ဝန်ဆောင်ထားရတဲ့ မိန်းကလေးတွေကို ကလေးမွေးဖို့အတွက် ဖိအားပေးတာဟာ လိင်ပိုင်းဆိုင်ရာ အကြမ်းဖက်မှုမှာ အရက်စက်ဆုံးနဲ့ အန္တရာယ်အရှိဆုံး အချင်းအရာပါပဲ။ ဒါဟာ ကလေးတွေအပေါ် ကျူးလွန်တဲ့ရာဇ၀တ်မှုပါ” ဟု နိုရိုရီက ပြောကြားခဲ့သည်။

    ဥပဒေအမှတ် ၇၇၉ ကို ရှုတ်ချခြင်း

    ကျန်းမာရေးဝန်ကြီးဌာနက ၂၀၀၆ ခုနှစ်မှစ၍ သားဖွားမှုနှင့်ဆိုင်သော အချက်အလက်များကို မထုတ်ပြန်သောကြောင့် ကိုယ်ဝန်ဖျက်ချမှုကို ပိတ်ပင်ထားသည့် ဥပဒေ၏ အကျိုးသက်ရောက်မှုကို လွတ်လပ်စွာ စုံစမ်းစစ်ဆေးရန်မှာ လုံးဝမဖြစ်နိုင်သော အခြေအနေတွင် ရှိနေသည်။

    အလ်ဂျာဇီးရား၏ မေးမြန်းမှုများ၊ အင်တာဗျူးရန် ကမ်းလှမ်းမှုများကိုလည်း နီကာရာဂွါ ကျန်းမာရေးဝန်ကြီးဌာနက ပြန်လည်ဖြေကြားခြင်းမပြုခဲ့။

    အမျိုးသမီးများ၏ အခွင့်အရေးများ ချိုးဖောက်မှုကို သေချာစွာဖြေရှင်းရန် နိုင်ငံတကာမှ ဖိအားပေးမှုများ ကြီးထွားလာချိန် ၂၀၁၂ ခုနှစ်တွင် အော်တီဂါအစိုးရမှာ ဥပဒေအမှတ် ၇၇၉ ကို ပြဌာန်းခဲ့သည်။ ထိုဥပဒေမှာ အမျိုးသမီးများကို ဦးတည်သည့် အကြမ်းဖက်မှုကို ဆန့်ကျင်နှိမ်နှင်းရာတွင် ဒေသအတွင်း အပြင်းထန်ဆုံး ဥပေဒဖြစ်သည်ဟု ချီးကျူးခဲ့ကြသည်။

    ကျား၊ မ မတူညီမှုကြောင့် သတ်ဖြတ်မှုပါအ၀င် လိင်ကိုအခြေခံသည့် ခွဲခြားဆက်ဆံမှုအားလုံးကို ထိုဥပဒေက တရားမ၀င်ဟု ကြေညာသည်။
    အကြမ်းဖက်သော လုပ်ရပ်များမှ အမျိုးသမီးများနှင့် ကလေးများအား ကာကွယ်ပေးမည်ဟု နိုင်ငံတော်က ကတိပြုခဲ့သည်။ လိင်ပိုင်းဆိုင်ရာ အကြမ်းဖက်မှုအတွက် အထူးခုံရုံးများဖွဲ့စည်းကာ တရားသူကြီးများကိုလည်း ခန့်အပ်တာဝန်ပေးခဲ့ပြီး အမျိုးသမီးများအတွက် အထူးရဲတပ်ဖွဲ့ကိုလည်း ဖွဲ့စည်းပေးခဲ့သည်။
    အနိုင်မခံ အရှုံးမပေးသည့် အမျိုးသမီးများ၏ လှုပ်ရှားမှုများကြောင့် နှစ်ပေါင်း ၃၀ အကြာတွင် ထိုဥပဒေ ပေါ်ပေါက်လာခြင်းဖြစ်ပြီး စစ်တမ်းကောက်ယူမှုများ အရ အော်တီဂါအစိုးရ၏ ထိုဥပဒေကို ပြည်သူများက ထောက်ခံကြောင်း တွေ့ရှိခဲ့ရသည်။

    သို့သော်လည်း ထိုဥပဒေမှာ ခရစ်ယာန်အသင်းတော် ခေါင်းဆောင်များ၊ တရားသူကြီးများနှင့် ရှေ့နေအဖွဲ့များ၏ ကျယ်ကျယ်ပြန့်ပြန့် ဆန့်ကျင်ခြင်းကို ခံခဲ့ရသည်။ ထို့ပြင် အဆိုပါ ဥပေဒအမှတ် ၇၇၉ မှာ အမျိုးသားထုနှင့် မိသားစုရေးရာကို ဆန့်ကျင်သော ဥပဒေဖြစ်သည်ဟုဆိုကာ အမျိုးသားများကလည်း လမ်းပေါ်ထွက် ဆန္ဒပြကြပြန်သည်။

    ၂၀၁၃ ခုနှစ် မေလတွင် ကက်သလစ်အသင်းတော်မှ ဘုန်းတော်ကြီး အဘီလာဒို မာတာက ကြောက်စရာနံပါတ်မှာ ၆၆၆ (ခရစ်ယာန်သမ္မာကျမ်းစာလာ မကောင်းဆိုးဝါးနံပါ) မဟုတ်ဘဲ ၇၇၉ သာဖြစ်သည်ဟု အင်တာဗျူးတစ်ခုတွင် ဖြေကြားခဲ့သည်။

    နီကာရာဂွါ ဒီမိုကရက်တစ် ရှေ့နေများအသင်းကလည်း ထိုဥပဒေမှာ တရားမျှတမှုတွင် အမျိုးသမီးများအား အထူးအခွင့်အရေးပေးသော ခွဲခြားမှုရှိသည့် ဥပဒေတစ်ရပ်အဖြစ် ရှုတ်ချပြောဆိုခဲ့ပြီး ထိုဥပဒေ ၇၇၉ အောက်တွင် အမျိုးသားများမှာ အချောင် တရားစွဲဆိုခံနေရသည် ပြောဆိုမှုကိုလည်း ၎င်းတို့က လက်ခံခဲ့သည်။

    အော်တီဂါအစိုးရက နောက်ဆုံးတွင် ထိုဥပဒေအား ပြင်ဆင်ရန် လက်ခံခဲ့သည်။ ထိုပြင်ဆင်မှုတွင် လိင်ပိုင်းဆိုင်ရာ အစော်ကားခံရသည့်အမျိုးသမီးများအား ဖိအားပေးကာ ၎င်းတို့ကို စော်ကားသူများနှင့် မျက်နှာချင်းဆိုင်ထိုင်၍ ညှိနှိုင်းရေးလည်း ပါဝင်သည်။ ထို့ပြင် မိသားစုအတွင်း ရုပ်ပိုင်းဆိုင်ရာနှင့် လိင်ပိုင်းဆိုင်ရာ အကြမ်းဖက်မှုအတွက် ဒေသတွင်းရှိသည့် ‘မိသားစုကော်မတီ’သို့ သွားရောက် အကြောင်းကြားခြင်းလည်း ပါဝင်သည်။ နိုင်ငံရေးပါတီ အဖွဲ့ဝင်များနှင့် ခရစ်ယာန်သင်းအုပ်ဆရာအသိုင်းအ၀ိုင်းမှ ကိုယ်စားလှယ်များ ပါဝင်ဖွဲ့စည်းထားသော အဆိုပါ ‘မိသားစုကော်မတီ’ များမှာ လိင်ပိုင်းဆိုင်ရာ စော်ကားသည်ဟု စွပ်စွဲချက်၏ အကျိုးအပြစ်များကို ဆုံးဖြတ်ရန် အခွင့်အာဏာရှိမည် ဖြစ်သည်။

    ကာကွယ်မှုမရှိ

    အကြမ်းဖက်မှုများအား စောင့်ကြည့်လေ့လာခြင်းနှင့် အချက်အလက်များ စစ်ဆေးမှတ်တမ်းတင်သည့် Catholics for Free Choice အဖွဲ့ကို တည်ထောင်ခဲ့သူ မဂလီ ကင်တားနားက “မူလဥပဒေ ၇၇၉ က အမျိုးသားတွေနဲ့ အမျိုးသမီးတွေကြားထဲက မညီမျှမှုဟာဒီနိုင်ငံက အကြမ်းဖက်မှုတွေရဲ့ အဓိကအကြောင်းအရင်းအဖြစ် အသိအမှတ်ပြုပါတယ်။ ဒီအနှစ်သာရကို နောက်ပိုင်းလုပ်လိုက်တဲ့ ပြုပြင်ပြောင်းလဲမှုက လုံးဝ ဖျက်ဆီးလိုက်ပါတယ်။ အမျိုးသမီးတွေဟာ အကာအကွယ်မဲ့သူတွေ၊ တိုင်းပြည်က ကာကွယ်ပေးခြင်းကို မခံရသူတွေ ဖြစ်သွားစေပါတယ်” ဟု ပြောကြားခဲ့လေသည်။

    Autonomous Women’s Movement အဖွဲ့၏ လူ့အခွင့်အရေးဆိုင်ရာ ရှေ့နေဟောင်း ဂျူအန်နီတာ ဂျီမီနက်ဇ်ကတော့ “အရမ်းရှေးရိုးစွဲလွန်းတဲ့ ‘မိသားစုကော်မတီ’ ပေါ်လစီဟာ အကြမ်းဖက်မှုနဲ့ လိင်ပိုင်းဆိုင်ရာ စော်ကားမှုတွေကို (ရာဇ၀တ်မှုလို့ မသတ်မှတ်ဘဲ) မိသားစုအတွင်း ဖြေရှင်းလို့ပြီးတဲ့ ကိစ္စမျိုးဖြစ်အောင် လုပ်လိုက်ပါတယ်။ ဒါဟာ မဟာဖိုဝါဒကို ပိုမိုခိုင်မာစေမှာဖြစ်ပြီး ကျူးလွန်သူတွေ အရေးယူခံရခြင်းက ကင်းလွတ်မှု၊ အမျိုးသမီးတွေရဲ့ ဘ၀တွေကို အန္တရာယ်ရှိမှု စတာတွေကို မြင့်တက်လာစေပါတယ်။ ဒါဟာ အဖွဲ့အစည်းဆိုင်ရာ အာဏာအလွဲသုံးစားလုပ်ခြင်းဖြစ်ပြီး တိုင်းပြည်ကို နှစ်ပေါင်း ၅၀ လောက် အနောက်ပြန်သွားစေပါတယ်” ဟု  ‘မိသားစုကော်မတီ’ နှင့်ပတ်သက်၍ ဖွင့်ဟခဲ့လေသည်။

    သို့သော်လည်း နီကာရာဂွါအစိုးရကမူ ဥပဒေ ၇၇၉ အား ပြုပြင်ပြောင်းလဲခြင်းမှာ အမျိုးသမီးများ၏ ဘ၀များကို အန္တရာယ်ရှိသည်ဆိုခြင်းကိုတော့ ငြင်းဆိုခဲ့သည်။

    မိသားစုရေးရာဝန်ကြီး မာစီယာ ရာမီရက်ဇ်က မိသားစုကော်မတီမှ အကြံဥာဏ်ပေးခြင်းမှာ မလုပ်မနေရ မဟုတ်သော်လည်း အဆိုပါကော်မတီက မိသားစုတန်ဖိုးများကို မြင့်တက်စေနိုင်ပြီး မိသားစုအတွင်းနှင့် လူထုအတွင်း အကြမ်းဖက်မှုကို တားဆီးစေနိုင်မည်ဟု ပြောကြားခဲ့သည်။

    နိုဝင်ဘာတွင် ၁၃ နှစ်ပြည့်ပြီး ကိုယ်ဝန် ၇ လ ရှိနေမည့် ဗီလက်စ်ကွက်ဇ်တစ်ယောက် အနာဂတ်ကို စိတ်ကူးယဉ်နေသည်။ အမျိုးသမီးငယ်များကို စော်ကားခြင်းအတွက် အရေးယူခြင်း မခံရမှုမှာ ကျယ်ကျယ်ပြန့်ပြန့်ရှိနေသော်လည်း ဗီလက်စ်ကွက်ဇ်အား ကျူးလွန်ခဲ့သူကိုတော့ ထောင်ဒဏ် ၁၂ နှစ် ချမှတ်နိုင်ခဲ့သည်။

    “ဘုရားကျောင်းကို ကျွန်မ မသွားဖြစ်ခဲ့တဲ့အတွက် အပြစ်ရှိတယ်လို့ ခံစားရပါတယ်။ ဒါပေမယ့် အပြစ်တင်ရမယ့်သူဟာ သူပဲဆိုတာ ကျွန်မနားလည်ပါတယ်။ ကလေးမွေးရမှာအတွက် ကျွန်မ စိုးရိမ်ပါတယ်။ ဒါပမေယ့် ကျွန်မအမေရဲ့ အားပေးမှုနဲ့ မိခင်တစ်ယောက်ဖြစ်ဖို့ အဆင်သင့်ဖြစ်နေပါပြီ။ တစ်နေ့မှာ ကျွန်မဟာ ကွန်ပျူတာအင်ဂျင်နီယာတစ်ယောက် ဖြစ်လာနိုင်မယ်လို့လည်း မျှော်လင့်ပါတယ်။ သူဘာလုပ်ခဲ့လဲဆိုတာ ကျွန်မ ဘယ်တော့မှ မမေ့ပါဘူး။ ဒါပေမယ့် တစ်နေ့နေ့မှာတော့ ဒီအကြောင်းအရာကို ပေါ့ပေါ့ပါးပါးပဲ သတိရနိုင်မယ်လို့ မျှော်လင့်ပါတယ်” ဟု ၀မ်းကွဲအမဖြစ်သူ၏ ရည်းစားက အဓမ္မကျင့်မှုကို ခံခဲ့ရသော ဗီလက်စ်ကွက်ဇ်က ပြောကြားခဲ့လေ၏။

    Al Jazeera မှ “Nicaragua’s staggering child-sex abuse rates ” ဆောင်းပါးကို လေးမောင်(M-Media ) မှ ဆီလျော်အောင် ဘာသာပြန်ဆိုသည်။

  • အနာဂတ် အန္တရာယ်ကို ညွှန်ပြနေသော မြန်မာပြည်က ဖမ်းဆီး ချုပ်နှောင်မှုများ

    အနာဂတ် အန္တရာယ်ကို ညွှန်ပြနေသော မြန်မာပြည်က ဖမ်းဆီး ချုပ်နှောင်မှုများ

    နိုဝင်ဘာ ၁၇ ၊ ၂၀၁၄
    M-Media

    rsz_1_farmer
    စစ်တပ်၏ အဓမ္မလယ်မြေသိမ်းမှုတို့အပေါ် ဆန္ဒပြခဲ့ကြ၍ ဖမ်းဆီးခံရသည့် ကျေးရွာငါးရွာမှ လယ်သမားများမှာ ၂၀၁၂ ခုနှစ်ကတည်းကဆိုလျှင် ၂၀၀ နီးပါးရှိနေပြီဖြစ်သည်။ (PHOTO: Han Win Aung)

    လွန်ခဲ့သည့်နှစ်လက ခင်ပွန်းဖြစ်သူ ပြစ်ဒဏ်ချခံလိုက်ရသည့်နောက် မြန်မာနိုင်ငံအနောက်မြောက်ပိုင်း မြေမွန်ရွာရှိ သစ်သားအိမ်စုတ်လေးအတွင်း အမျိုးသမီး တစ်ဦးသည် သူမ၏အနာဂတ်အတွက် စိုးရိမ်သောကဖြစ်လျက် အကြောက်တရားဖြင့် နေထိုင်နေရရှာသည်။

    သူမနှင့်ခင်ပွန်းဖြစ်သူတို့ ပိုင်ဆိုင်ခဲ့သည်ဟု ဆိုသော စိမ်းလွင်လွင်ကွင်းပြင်များထဲက လယ်ယာမြေကွက်ကို စောင့်ကြပ်ထိန်းသိမ်းရန် မြန်မာ စစ်တပ်မှ ဆောက်လုပ်ထားသည့် သွပ်မိုးအိမ်များအား ညွှန်ပြလျက် မျက်ရည်စမ်းစမ်းဖြင့် သူမက ဆိုပါသည်။

    “အခုတော့ ကျွန်မရဲ့ လယ်ယာမြေတွေအားလုံးက စစ်တပ်က သိမ်းပစ်လိုက်ပါပြီ။ ကျွန်မ အမျိုးသားလည်း ထောင်ကျသွားပါတယ်”။

    သူမ၏ခင်ပွန်းသည် ဇူလိုင်နှင့် သြဂုတ်လအတွင်း မတရားဖမ်းဆီးခံရပြီး ထောင်ဒဏ် သုံးလမှ သုံးနှစ်အထိ အမိန့်ချမှတ်ခံရသော လယ်သမား ၅၆ ဦးအနက် အပါအ၀င်ဖြစ်သည်။ သူတို့၏ပြစ်မှုမှာကား ၎င်းတို့၏ ပိုင်ဆိုင်မှုအဖြစ် အငြင်းပွားလျက် ရှိသော လယ်မြေများအတွင်း “ထွန်တုံးတိုက်ပွဲ” တွင် ပါဝင်ခဲ့မှု ဖြစ်ပေသည်။

    လက်ရှိနှစ်များအတွင်း မြန်မာနိုင်ငံသည် နိုင်ငံတကာတန်း ၀င်အောင် ဒီမိုကရေစီပြုပြင်ပြောင်းလဲရေးပြုလုပ်နေသည့်နိုင်ငံ တစ်နိုင်ငံအဖြစ် ကြွေးကြော်လျက် ရှိသည်။ အမေရိကန်သမ္မတ အိုဘားမားကလည်း ပြုပြင်ပြောင်းလဲမှု အနေအထားအပေါ် ရှုမြင် သုံးသပ်နိုင်အောင် အာဆီယံထိပ်သီးညီလာခံ တက်ရောက်ရန် ဗုဒ္ဓဟူးနေ့က ခရီးဆန့်လာခဲ့သည်။ သို့သော် စစ်အုပ်ချုပ်ရေး ကာလအတွင်း မြေယာသိမ်းခံခဲ့ရသည့် ပြည်သူများမှာ ၎င်းတို့၏ ပိုင်ဆိုင်မှု ပြန်လည် ရရှိရေးကြိုးပမ်းရာ၌ အတားအဆီးများ ရင်ဆိုင်နေရဆဲဖြစ်သည်။

    တစစကြီးထွားလာသည့် ပြဿနာ
    ———————————–
    ၂၀၁၂ ခုနှစ်ကတည်းက ထောင်ပေါင်းများစွာသော လယ်သမားတို့သည် မိမိတို့၏ အသိမ်းခံ လယ်ယာမြေများ ပြန်လည်ရရှိအောင် ငြိမ်းချမ်းစွာ အရေးဆို တိုက်ပွဲဝင် လာကြသည်။ ထိုဖြစ်စဉ်မှာ အကယ်၍ သမ္မတ ဦးသိန်းစိန်အစိုးရ အနေနှင့် ပီပြင်ထိရောက်စွာ မကိုင်တွယ် မဖြေရှင်းနိုင်ပါလျှင် ဆက်လက်ဖြစ်ပွားနေဦးမည်ဟု အစိုးရအာဏာပိုင်များ၊ လူ့အခွင့်အရေးလှုပ်ရှားသူများက ဆိုသည်။

    ကန့်ဘလူမြို့နယ်တရားရုံးတွင် ကျေးရွာငါးရွာမှ လယ်သမား ၂၀၀ နီးပါးမှာ “ထွန်တုံးတိုက်ပွဲ” တွင် ပါဝင်မှုကြောင့် တရားစွဲဆိုခြင်းကို ရင်ဆိုင်နေရသည်။ ကန့်ဘလူမြို့နယ် အတွင်း၌ လယ်မြေယာမြေ အသီးသီးတို့အား လယ်သမားများမှ ဖြတ်သန်းခြင်း သို့မဟုတ် ထွန်ယက် စိုက်ပျိုးခြင်းမှာ တားဆီးကာကွယ်ရန် လက်နက် ကိုင်ဆောင်ထားသော စစ်သားတို့ဖြင့် တပ်ချထားမှု တိုးပွားလာကြောင်း “ကျွန်မတို့ပိုင် လယ်ယာမြေထဲမှာတောင် လွတ်လပ်စွာသွားလာခွင့် မရှိတော့ပါဘူး” ဟု အဆိုပါအမျိုးသမီးက ပြောကြားသည်။

    ထိုသို့ အဓမ္မသိမ်းဆည်းမှုများ၊ ကန့်ကွက် ဆန္ဒပြမှုများနှင့်စပ်လျဉ်း၍ သတင်းထောက်များနှင့် ပြောဆိုရန် ကန့်ဘလူမြို့နယ် အုပ်ချုပ်ရေးမှူးတစ်ဦးဖြစ်သူ ဦးသန်းစိန်မှ ငြင်းဆန်ထားသည်။

    “နိုင်ငံခြားသတင်းဌာနတွေနဲ့ မပြောဆိုချင်ပါဘူး”။

    ကန့်ဘလူ၌ တပ်ချထားသည့် စစ်စခန်းများထံ သတင်းထောက်များ ချဉ်းကပ်လာလေလျှင်လည်း မောင်းထုတ်ခဲ့ကြသည်။

    စစ်အုပ်ချုပ်ရေးနှစ်ငါးဆယ်ကာလ၀ယ် နိုင်ငံတော် စီမံကိန်း စိုက်ပျိုးရေးနှင့် စက်မှုလုပ်ငန်းများအတွက်လည်းကောင်း၊ စစ်တပ်နှင့်ဆက်နွှယ်နေသော ပုဂ္ဂလိက ကုမ္ပဏီများအား ငှားရမ်းပေးရန်လည်းကောင်း စစ်တပ်က မြေယာများကို သိမ်းယူကာ မိသားစုထောင်ပေါင်းများစွာကို အဓမ္မရွှေ့ပြောင်းစေခဲ့သည်။

    အစိုးရမှ လျစ်လျူရှုထားသော ဖြစ်စဉ်
    ——————————————–
    အရေးဆိုခွင့်လက်မဲ့ဖြစ်ခဲ့ရသူ တောင်သူလယ်သမားတို့၏ တင်ပြတောင်းဆိုမှု တိုးပွားလာခြင်းကို ကြီးကြပ် ကိုင်တွယ်ရန်အတွက် ၂၀၁၂ ခုနှစ်တွင် (အမည်ခံ) အရပ်သားအစိုးရသစ်မှ မြေယာ စုံစမ်းစစ်ဆေးရေးကော်မရှင် တစ်ရပ်ကို ဖွဲ့စည်းခဲ့သည်။ စစ်တပ်မှ သိမ်းဆည်းရယူခဲ့သော နိုင်ငံတစ်ဝှန်းလယ်မြေပေါင်း ဟက်တာ တစ်သိန်းခန့် ရှိသည်ဟု ကော်မရှင်၏ ပထမအစီရင်ခံစာ၌ တွေ့ရသည်။ ၎င်းမှာ ခန့်မှန်းချက်သာဖြစ်ပြီး တိကျသော စာရင်းအင်းပင် မဟုတ်သေးကြောင်း အဖွဲ့ဝင်တစ်ချို့က ဆိုသည်။

    ကော်မရှင်အဖွဲ့ဝင် တစ်ဦးဖြစ်သူ ရန်ကုန်မြို့မှ ဦးခိုင်မောင်ရီက ကော်မတီ ဖွဲ့စည်းချိန်မှစ၍ တိုင်ကြားတင်ပြချက်ပေါင်း နှစ်သောင်း ရှစ်ထောင်အထက် ရရှိခဲ့သည်ဟု ဆိုသည်။ ကန့်ဘလူမြို့နယ် တည်ရှိသော စစ်ကိုင်းတိုင်းဒေသ တစ်ခုတည်းပင် တရားမ၀င် သိမ်းဆည်းခံရသည့် လယ်မြေမှာ ခန့်မှန်းခြေ ဟက်တာ ရှစ်သောင်း အထက်ရှိသည်ဟု သူ့အဆိုအရ သိရသည်။ သို့သော် လူနည်းစု တိုင်းရင်းသားအရေးအပါအ၀င် ရှေ့ဆက်ဖြစ်ပွားနေသောပဋိပက္ခများကြောင့် တစ်နိုင်ငံလုံး အတိုင်းအတာ ပမာဏအတိအကျကိုမူ မသိရှိရသေးချေ။

    “တိုင်းပြည်အနှံ့မှာ ဒီပြဿနာ ဖြစ်ပေါ်နေပါတယ်။ နိုင်ငံအ၀ှမ်းမှာ စုစုပေါင်း ဧက သုံးသန်းကနေ လေးသန်း (ဟက်တာပေါင်း ၁.၂၁ သန်းမှ ၁.၆၂ သန်းအထိ) ရှိမယ်လို့ ကျွန်တော်တို့ကော်မရှင်က ခန့်မှန်းထားပါတယ်” ဟု သူက အလ်ဂျဇီးရား သတင်းဌာနသို့ ပြောပြသည်။

    အမျိုးသားဒီမိုကရေစီ အင်အားစုပါတီ NDF ပါတီ၏ ရွေးချယ်ခံ လွှတ်တော်အမတ်တစ်ဦးလည်းဖြစ်သူ ဦးခိုင်မောင်ရီ၏အဆိုအရ စစ်တပ်နှင့် အနီးကပ်ဆက်ဆံရေးရှိနေသည့် လက်ရှိ အာဏာရပါတီမှအစိုးရ အဖွဲ့ဝင်တို့သည် ယင်းပြဿနာအပေါ် ထိရောက် လုံလောက်သော ကိုင်တွယ်ဖြေရှင်းမှု မပြုကြကြောင်း သိရသည်။

    “ဒါဟာ ဒီမိုကရက်တစ်အစိုးရ တစ်ရပ်အတွက် ရရှိနိုင်တဲ့ ပုံရိပ်ဆိုးတစ်ခု ဖြစ်ပါတယ်။ အစိုးရအဖွဲ့က ဒါကို လျစ်လျူရှုထားတယ်။ စစ်တပ်နဲ့ပတ်သက်လာတဲ့ ဘယ်ပြဿနာကိုမဆို အစိုးရအဖွဲ့က ဖြေရှင်းနိုင်စွမ်း မရှိကြဘူး”။

    နိုင်ငံတကာလယ်ယာမြေနှင့် သယံဇာတပြဿနာအရေးကိုလေ့လာသည့် Transnational Institute အဖွဲ့မှ မြန်မာ့ရေးရာ သုတေသီပညာရှင် ကီဗင်ဝုဒ်စ် Kevin Woods က ဤသို့ ငြိမ်းချမ်းစွာဆန့်ကျင် ဆန္ဒပြကန့်ကွက်မှုများသည် လယ်သမားတို့၏ ပိုင်ဆိုင်မှုကို ဖော်ထုတ်တောင်းဆိုသော အလွန်ထိရောက်သည့် နည်းလမ်းတစ်ရပ်ဖြစ်သည်ဟု သူကဆိုသည်။

    “အဓမ္မပြုကျင့်ဆောင်ရွက်မှုနဲ့ ဖမ်းဆီးမှုတွေပေါ် ရဲတပ်ဖွဲ့တုန့်ပြန်ချက်ရယ်၊ ဒီထိန်းချုပ်မှုဗျူဟာရယ်က ဥပဒေသစ်တွေကို ဘယ်လို စံနစ်တကျ ပြုစုဖော်ဆောင်ဖို့ လိုအပ်နေကြောင်း မီးမောင်းထိုးပြသနေပါတယ်။ အစိုးရအဖွဲ့ကို လုပ်ပိုင်ခွင့်ပိုမိုပေးရေး၊ နိုင်ငံသားတွေ အပေါ် ကုမ္ပဏီတွေ ပေးရမယ့်အခွင့်အရေးများ၊ လယ်သမားတွေရဲ့ သက်မွေးမှုနဲ့ လယ်မြေဆိုင်ရာ အခွင့်အရေးတွေ  စသဖြင့်လိုမျိုးပေါ့” ဟု ၀ုဒ်စ်က အီးမေးလ်ဖြင့် ရေးသားပေးပို့ခဲ့သည်။

    ထို့ပြင် သူက ဆန္ဒပြရွာသူရွာသားတွေကို ဥပဒေကြောင်းအရ အရေးဆိုခွင့် မပေးခြင်းသည် သမ္မတဦးသိန်းစိန်အစိုးရမှာ အာဏာရှင် လူတစ်စုကောင်းစားရေး ပန်းတိုင်များကို အကောင်အထည်ဖော်မည့် ဥပဒေကိုသာ အသုံးပြုနေခြင်း ဆိုသော အလားအလာ မကောင်းသည့်အမြင်တစ်ရပ်အား ပေးကမ်းနေကြောင်း ထပ်ဆိုထားသည်။

    မြေယာသိမ်းမှုအပေါ် ဆန့်ကျင်ဆန္ဒပြမှုကြောင့် အကျဉ်းကျခဲ့ရသော လူမှုလှုပ်ရှားသူ ဒေါ်မြင့်မြင့်အေးက “ဒါဟာ အနာဂတ်အတွက် အလွန်ကို အန္တရာယ် ကြီးမားပါတယ်” ဟု ပြောပြခဲ့၏။

    ခြိမ်းခြောက်မှုနှင့် အကြပ်ကိုင်မှုများ
    ————————————–
    ကန့်ဘလူမြို့နယ် ကျေးရွာတစ်ရွာမှ ဒေါ်စော ဆိုသူမှာ သူမပိုင် ဧက ၂၀ (၈.၁ ဟက်တာ) လယ်မြေသိမ်းဆည်းခံရသည့်အတွက် နစ်နာဆုံးရှုံးမှုအကျိုးဆက်ကို ခံစားနေရသည်။ မြေယာသိမ်းယူခံရသည့်အတွက် ကျောင်းစားရိတ် မတတ်နိုင်တော့ခြင်းကြောင့် သူမ၏ သမီးနှစ်ဦးကို စားပွဲထိုး အလုပ်အား လုပ်ကိုင်ရန် မန္တလေးမြို့သို့ စေလွှတ်ခဲ့ရသည်။

    “(လယ်ထွန်သပိတ်ပြုလုပ်ကတည်းက) ကျွန်မရဲ့ သားချင်းတစ်ချို့ ထောင်ကျသွားကုန်တာကြောင့် ကျွန်မ စိုးရိမ်ကြောက်ရွံ့လာပါတယ်။ နေရာတကာ စစ်တပ်ရှိနေတဲ့တွက် တစ်နေရာကနေ တစ်နေရာသွားဖို့တောင် မလုံခြုံတော့ပါဘူး” ဟု သူမက ဆိုသည်။

    မြန်မာနိုင်ငံလူဦးရေ၏ ၇၀ ရာခိုင်နှုန်းမှာ တောင်သူလယ်သမားများ ဖြစ်ကြသည်။ ထို့ကြောင့် သူတို့၏လယ်မြေဆိုင်ရာအခွင့်အရေးများမှာ အစိုးရအဖို့ အဓိကကိုင်တွယ်ဖြေရှင်းရမည့်ပြဿနာ ဖြစ်ကြောင်း ကန့်ဘလူလယ်သမားများဖက်မှ နာမည်ကြီးရှေ့နေ ဦးသိန်းသန်းဦးက ဆိုသည်။

    “သမ္မတဦးသိန်းစိန်က မိမိတို့ ပြောင်းလဲပြုပြင်နေတယ်ဆိုပြီး ကမ္ဘာကို၊ နိုင်ငံတကာ အသိုင်းအ၀ိုင်းကို အယုံသွင်းဖို့ ကြိုးစားနေတယ်။ ဒါပေမယ့် အဖြစ်မှန်ကတော့ သူတို့တစ်တွေ ဘာမှ ပြုပြင်ပြောင်းလဲမှု မပြုလုပ်ကြပါဘူး။ သူတို့(အစိုးရ)ဟာ ပြဿနာတွေကို လျော့ပါးသွားအောင် ဘယ်တောမှ ဥပဒေကြောင်းအရ မဖြေရှင်းကြဘူး။ ထာဝစဉ် အင်အားသုံးဖြေရှင်းနေကြတယ်”။

    အငြိမ်းစားစစ်အရာရှိဟောင်း လက်ရှိ မကွေးတိုင်းဒေသ ဂန့်ဂေါ်မဲဆန္ဒနယ် လွှတ်တော်အမတ်ဖြစ်သူ ဦးလှဆွေက လယ်သမားများသည် ကန့်ကွက်ဆန္ဒပြမှု ပြုလုပ်ကြမည့် အစား စေ့စပ်ညှိနှိုင်းမှုဖြင့်သာ အဖြေရှာသင့်ကြောင်း အမြင်ရှိသည်။

    “လယ်သမားတွေအနေနဲ့ စေ့စပ်ဆွေးနွေးညှိနှိုင်းမှု သဘောထား ရှိဖို့လိုအပ်တယ်။ တကယ်လို့ သူတို့ပိုင်ဆိုင်တဲ့မြေယာက ၅ ဧက (၂ ဟက်တာ) ရှိတယ်ဆိုပါစို့၊ ၂ဧကခွဲ သို့မဟုတ် ၃ ဧက (၁ ဟက်တာမှ ၁.၂ ဟက်တာအထိ) ပြန်ရမယ်ဆိုရင် ကျေနပ်လိုက်ဖို့ ကောင်းပါတယ်”။

    နယ်ခံရွာသားတစ်ဦးဖြစ်သူ ဦးသန်းထိုက်ကမူ မိမိ၏ဘိုးဘွားပိုင်မြေယာနှင့် စပ်လျဉ်း၍ စေ့စပ်ညှိနှိုင်းမှုကိုပင် လက်ခံမည်မဟုတ်ကြောင်း ဆိုသည်။

    “စစ်တပ်က ကျွန်တော်တို့မြေကို (၁၉၉၉ ခုနှစ်မှာ) မတရားသိမ်းပိုက်ခဲ့ပြီး ကျွန်တော်တို့ လယ်သမားတွေအပေါ် ခွေးတွေလို သဘောထား ဆက်ဆံခဲ့ကြတယ်။ ပြန်လည် ရင်ဆိုင်ဖို့ ကြိုးစားခဲ့ကြတဲ့ လယ်သမား တစ်ချို့ကို ထောင်သွင်းအကျဉ်းချခဲ့ကြတယ်။ ဒါကြောင့် ဘယ်သူမှ ဒီလိုလုပ်ဖို့ ရှေ့မတိုးတော့ဘူး”။

    ဒီမိုကရေစီနည်းကျပြုပြင်ပြောင်းလဲရေး ရောင်ခြည် သန်းလာချိန်တွင် ဦးသန်းထိုက်မှာ အစိုးရသစ်၏ ပြုပြင်ပြောင်းလဲရေးကတိက၀တ်များအပေါ် ပို၍ အယုံအကြည် ကင်းမဲ့လာပေသည်။ မကြာသေးမီကပင် အသက် ၆၅ နှစ်အရွယ်ရှိ သူ့ဖခင်မှာ (လယ်)ထွန်သပိတ်ထဲ ပါဝင်ဆင်နွှဲမှုဖြင့် ထောင်သွင်း အကျဉ်းချခံခဲ့ရသောကြောင့်ဖြစ်၏။

    “၁၉၉၉ ခုနှစ် စစ်တပ်က ကျွန်တော်တို့ မြေယာတွေကို သိမ်းယူခဲ့ချိန်မှာ လယ်သမားအချို့ကို ဘာအကြောင်းပြချက်မှ မရှိဘဲ ထောင်သွင်းအကျဉ်းချခဲ့ကြတယ်။ ဒီနိုင်ငံဟာ ဒီမိုကရေစီ တိုင်းပြည် ဖြစ်ကောင်းဖြစ်သွားနိုင်ပါလိမ့်မယ်။ ဒါပေမယ့် စစ်အစိုးရအုပ်ချုပ်မှုနဲ့ ဘာမှမကွာခြားလှပါဘူးဗျာ”။

    xxxxxxxxxxxxxxxxx
    Ref : Al Jazeera
    မူရင်း – Myanmar arrests point to ‘dangerous future
    ပြန်ဆိုသူ – မြင့်မိုရ်မောင်မောင်
    (PHOTO: Han Win Aung)

  • အလှကုန် ပစ္စည်းများ ထုတ်လုပ်မှုနောက်ကွယ်မှ အကျည်းတန် ဘ၀လေးများ

    အလှကုန် ပစ္စည်းများ ထုတ်လုပ်မှုနောက်ကွယ်မှ အကျည်းတန် ဘ၀လေးများ

    စက်တင်ဘာ ၂၇ ၊ ၂၀၁၄
    M-Media
    201491961950832734_20
    – ကမ္ဘာ့အကျော်ကြားဆုံး အလှကုန် ပစ္စည်းများတွင် သုံးစွဲသည့် အဓိကပါဝင် ပစ္စည်းတစ်ခုကို ရရှိရန်အတွက် ကလေးငယ်များမှာ အိန္ဒိယ မိုင်းတွင်းများတွင် တရားမ၀င် အလုပ်များကို ပင်ပန်းဆင်းရဲစွာ လုပ်ကိုင်နေကြရလေသည်။

    DanWatch ဆို့သည့် အန်ဂျီအို အဖွဲ့မှ ထုတ်ပြန်သော အစီရင်ခံစာအရ အနည်းဆုံး နိုင်ငံတကာ ကုမ္ပဏီ ၁၂ ခုမှ ထုတ်လုပ်သည့် မိတ်ကပ်များ၌ ပါဝင်ပစ္စည်းဖြစ်သော မိုက်ကာ (အဖြိုက်) သတ္ထု တစ်မျိုးကို တူးဖော်ရန် အတွက် အိန္ဒိယနိုင်ငံ ဂျာခ့်ဟန်းနှင့် ဘီဟာပြည်နယ်များရှိ မိုက်ကာ မိုင်းတွင်းများတွင် ကလေး အလုပ်သမားများကို အသုံးပြုနေကာ အနည်းဆုံး ကလေးအလုပ်သမား ၅၀၀၀ ခန့်ရှိသည်ဟု ဖော်ပြထား၏။

    အလှကုန်ပစ္စည်များတွင် အရောင်လက်သော အမှုန်လေးများ ပါဝင်စေရန်အတွက် “မိုက်ကာ”ကို အသုံးပြုခြင်းဖြစ်ပြီး၊ ထိုမိုက်ကာကို ကြားခံ ပွဲစားများက မိုင်းတွင်းများမှ ၀ယ်ယူကာ L’Oreal နှင့် Estee Lauder တို့ကဲ့သို့ ကမ္ဘာကျော် အလှကုန် လုပ်ငန်းများသို့ တစ်ဆင့် ပြန်လည်ရောင်းချကြလေသည်။

    “ကျွန်တော်တို့ရဲ့ သုတေသနပြုမှုမှာ တရားမ၀င် မိုက်ကာ မိုင်းတွင်းတွေနဲ့ ကလေးအ လုပ်သမားတွေကို တွေ့ရှိခဲ့ပါတယ်။ ဒါဟာ အိန္ဒိယရဲ့ အရေးကြီးတဲ့ ပြဿနာတစ်ခုပါပဲ။ ပြီးတော့ ကုမ္ပဏီအများစုဟာ ကုန်ကြမ်ပစ္စည်း ဘယ်လိုရတဲ့ဆိုတာ စားသုံးသူတွေကို ရှင်းရှင်းလင်းလင်းမပြောကြပါဘူး”  ဟု DanWatch အဖွဲ့မှ လူစီ ဗိုလာကဆိုသည်။

    ဆိုးရွားသည့်အလုပ်များ

    ဂျာ့ခ်ဟန်းပြည်နယ် ကိုဒါမာမြို့ရှိ စွန့်ပစ်မိုက်ကာမိုင်းတွင်းတစ်ခုဖြစ်သော ချာကီမိုင်းတွင်းမှာပူးပြင်းလှသည့် နေရောင်အောက်တွင် တစ်ဖိတ်ဖိတ်တောက်လျက် ရှိနေသည်။  အိပ်ချင်မူးတူးဖြစ်နေသော ကလေးတစ်သိုက်က ကိရိယာ တန်ဆာပလာများကို ယူဆောင်ကာ ထိုမိုင်းတွင်းသို့ နွမ်းလျစွာ ချီတက်နေကြ၏။

    အသက် ၅ နှစ်အရွယ် အဂျေး ဒက်စ်က မိုက်ကာတွင်း တစ်တွင်းထဲသို့ ခုန်ချကာ တစ်နေ့တာ အလုပ်ကို စတင်လေတော့သည်။ သေးငယ်သော လက်ကလေးများက တူကို ဟန်ချက်မပြတ်အောင် ထိန်းထားရသည်။ သို့သော် မိုက်ကာ ပွင့်များဖြင့် တောက်ပနေသည့် တွင်းနံရံကိုတော့ တိကျစွာ ထုနှက်နေလေသည်။

    အန္တရာယ်များသည့် ထိုအခြေအနေတွင် အဂျေးမှာ တစ်နေ့လျှင် ၇ နာရီမှ ၈ နာရီအထိ တစ်ပတ် ၆ ရက်အလုပ်လုပ်ရသည်။ သို့ရာတွင် တစ်နေ့လုပ်ခ ရူပီ ၂၀ (ကန်ဒေါ်လာ ၃၃ ပြား) သာ ရရှိလေသည်။ ထိုပမာဏက ဆာလောင် ငတ်မွတ်သည့် သူ၏၀မ်းကို ဖြည့်နိုင်ရုံသာ ရှိလေ၏။

    “ဒီမိုင်းတွင်းတွေကို လွန်ခဲ့တဲ့ နှစ် ၂၀ လောက်ကတည်းက ပိတ်ပစ်ခဲ့တာပါ။ အဲဒီအချိန်ကတည်းက စပြီး ဒီပတ်ဝန်းကျင်က ဆင်းရဲသားတွေဟာ ဒီထဲက အပိုင်းအစတွေကို လာလာ တူးကြပါတယ်”

    ချာကီမိုင်းတွင်းနားတွင် အလုပ်လုပ်သည့် ကျောင်းဆရာတစ်ဦးဖြစ်သူ ရမ်လာခန် ပတ်စ်ဝမ်ကဆိုသည်။

    “ဒီလိုလာတူးတာကြောင့် မကြာခဏ ပြဿနာတွေဖြစ်ပါတယ်။ မိဘတွေနဲ့အတူ လာတူးကြတဲ့ ကလေးတွေလည်းရှိပြီး မိုင်းတွင်းအမိုးပြိုကျလို့ ပိတ်မိပြီး သေသွားတာတွေလည်း မနည်းပါဘူး” ၎င်းက ဖြည့်စွက်ခဲ့သည်။

    အသက် ၂၅ နှစ်အရွယ် မိုင်း လုပ်သား ကာရူဒက်စ်ကတော့ လွန်ခဲ့သည့် ငါးနှစ်က ချာကီ မိုင်းတွင်း မတော်တဆဖြစ်မှုတွင် ဇနီးသည်အား ဆုံးရှုံးခဲ့ရဖူးသည်။

    “မိုကာအပိုင်းအစတွေကို စုဆောင်းဖို့လုပ်နေရင်း မိုင်းတွင်းထဲမှာ ပိတ်မိခဲ့တာပါ။ ကျွန်တော်တို့ သူ့ကို တူးပြီး ထုတ်လာတဲ့အခါမှာတော့ သေနေပါပြီ” ဟု ကာရူဒက်စ် က သူ၏ ကိုယ်တွေ့ဇာတ်လမ်းကို ဖွင့်ဟခဲ့သည်။

    သို့သော်လည်း အခြားမည်သည့်နေရာကမှ ၀င်ငွေမရနိုင်သည့်အတွက် ကာရူကိုယ်တိုင်နှင့် ၎င်း၏ ကလေးများမှာ ထိုအန္တရာယ်တွင်းထဲသို့ပင် သက်ဆင်ခဲ့ရပြန်သည်။

    “တရားဝင်ဝင် မ၀င်ဝင်၊ ဒါက ကျွန်တော်တို့ရဲ့ ထမင်း ၂ နှစ်နပ်အတွက် အာမခံချက်ပေးတယ်လေ” ဟု ၎င်းက ဆိုခဲ့၏။

    ၀ယ်လိုအား မြင့်တက်လာခြင်း

    ဓာတုဗေဒ ပစ္စည်းများဖြင့် ပြုလုပ်ထားသည့် အလှကုန်များက ကင်ဆာ အပါအ၀င် ကျန်းမာရေး အတွက် ထိခိုက်မှုကို ဖြစ်စေသည့် အတွက်ကြောင့် သဘာဝပစ္စည်းများကို အသုံးပြု ထုတ်လုပ်သည့် တို့ပတ်၊ မက်စကာရာ၊ မျက်ခုံးဆွဲတံ၊ နှုတ်ခမ်းနီနှင့် လက်သည်းအလှဆင်ပစ္စည်းများ၏ ၀ယ်လိုအားမှာ တဟုန်ထိုး တိုးတက်လာသည်။ ထိုအကြောင်းအရင်းက အလှကုန်များတွင် အဓိက ပါဝင်ပစ္စည်းဖြစ်သည့် မိုက်ကာကို အကြီးအကျယ်ထုတ်လုပ်မှုသို့ ဦးတည်စေခဲ့သည်။

    အိန္ဒိယမိုင်းတွင်းများဗျူရို၏ အဆိုအရ အိန္ဒိယမှာ တစ်နှစ်လျှင် မိုက်ကာ သတ္တုရိုင်းနှင့် အပိုင်းအစ တန်ချိန် ၁၅၀၀၀ ထုတ်လုပ်ပေးသည်ဟု သိရသည်။ ထိုပမာဏမှ တရားဝင် စာရင်းဖြစ်သည်။ သို့သော်လည်း ၂၀၁၁-၁၂ ခုနှစ်တွင် အိန္ဒိယမှာ မိုက်ကာသတ္တု ၁၃၀၀၀၀ ကျော် တင်ပို့ခဲ့၏။ တရားဝင်ပမာဏ၏ ၈ ဆခန့် ပိုများနေလေသည်။

    အိန္ဒိယ၏ မိုက်ကာထုတ်လုပ်မှု ထက်ဝက်ခန့်က တရုတ်ပြည်သို့သွားသည်။ ထိုမှတစ်ဆင့် ဥရောပနှင့် အမေရိကန်တို့မှ အလှကုန် လုပ်ငန်းကြီးများသို့ ရောက် ရှိလေသည်။

    သဘာဝပတ်ဝန်းကျင်ဆိုင်ရာ ကိစ္စများကြောင့် အိန္ဒိယရှိ မိုက်ကာမိုင်းများကို လွန်ခဲ့သည့် နှစ် ၂၀ ကပင် ပိတ်ပစ်ခဲ့သည်။ ထိုပိတ်ပစ်မှုက တရားမ၀င် မိုင်းတွင်း လုပ်ကိုင်မှုနှင့် အန္တရာယ်များသော ထိုလုပ်ငန်းသို့ ကလေးများအား မိုင်းလုပ်သားအဖြစ် တွန်းပို့လိုက်သကဲ့သို့ ဖြစ်ခဲ့လေ၏။

    DanWatch ၏ လေ့လာမှု အရ အိန္ဒိယမှ ပြည်ပသို့ တင်ပို့သည့် အရည်အသွေး အပြည့်ဝဆုံးသော မိုက်ကာပြားအများစုမှာ အဂျေးကဲ့သို့ ကလေးငယ်များ လုပ်ကိုင်နေသည့် တရားမ၀င် မိုင်းတွင်းများမှ ဖြစ်သည်ဟု ဆိုလေသည်။

    တရားမ၀င်မိုင်းတွင်းများကြောင့် ၂၀၁၂-၂၀၁၃ ခုနှစ်တွင် ဂျာခ့်ဟန်းပြည်နယ်က ဘဏ္ဍာငွေ ကန်ဒေါ်လာ ၄ ဘီလီယံ ဆုံးရှုံးခဲ့သည်ဟု မကြာသေးမီက ထုတ်ပြန်ခဲ့သော အိန္ဒိယအစိုးရ၏ အစီရင်ခံစာတွင် ဖော်ပြထားသည်။

    ၅၀၀၀ သော ကလေးများ

    ကိုဒါမာမြို့အခြေစိုက် Jain Brothers မိုက်ကာမိုင်းတွင်းပိုင်ရှင် ဆူရက်ရှ် ကူးမားရ် ဂျိန်းက

    201491973433189734_3“မိုက်ကာတူးဖော်ရေးလုပ်ငန်းမှာ ၁၉၉၃ ခုနှစ်လောက် အထိ အလုပ်သမား ၂ သောင်းလောက် အလုပ်လုပ်ကြပါတယ်။ ဒါပေမယ့် အခုအချိန်မှာတော့ တရားဝင်လုပ်သား ၁၀၀၀ လောက်သာ ရှိပါတော့တယ်။ ကလေးလုပ်သား ၅၀၀၀ လောက်က တရားမ၀င် လုပ်နေကြပါတယ်။ အစိုးရအနေနဲ့ ဆင်းရဲတဲ့ ရွာသားတွေကို ဒီအလုပ် လုပ်ခွင့်ပြုပြီး၊ လိုအပ်တဲ့ ကြိုတင် ကာကွယ်မှုတွေလုပ်ကာ အန္တရာယ်ကင်းအောင် ဆောင်ရွက်ပေးသင့်ပါတယ်” ဟု မိုက်ကာ မိုင်းတွင်း လုပ်ငန်းကြောင်းကို ပြောကြားခဲ့သည်။

    အလှကုန်လုပ်ငန်းတွင် ကလေးအလုပ်သမားများ အသုံးပြုမှုအတွက် ခေါင်းပုံဖျက်ခံရသည့် အလုပ်သမားများအရေး ဆောင်ရွက်ပေးနေသည့် DanWatch က ထုတ်ပြန်သည့်  အစီရင်ခံစာတွင် အလှကုန်ပစ္စည်း ၂၀ ကျော်ကို ထုတ်လုပ်ပေးနေသည့် ကုမ္ပဏီ ၁၆ ခုအား ဆန်းစစ်ခဲ့သည်ဟု ဖော်ပြထားသည်။ ထို ၁၆ ခုအနက် ၁၂ ခုမှာ ၎င်းတို့ အသုံးပြုနေသည့် မိုက်ကာမှာ မည်သည့် ရင်းမြစ်ကလာသည်ကို မသိကြ။

    L’Oreal ကဲ့သို့ ကမ္ဘာတစ်ဝှမ်း အလှကုန်ပစ္စည်းများထုတ်လုပ်သော ကုမ္ပဏီများသို့ မိုက်ကာများ ထောက်ပံ့နေသည့် ဂျာမနီကုမ္ပဏီ Merck KGaA ကုမ္ပဏီကမူ ၎င်းတို့ မိုက်ကာကုန်ကြမ်းရယူသည့် ကြားခံပွဲစားများမှာ ကလေးအလုပ်သမားများ လုပ်ကိုင်သော မိုင်းတွင်းများမှ ၀ယ်ယူသည်ဟု ၀န်ခံခဲ့သည်။

    သို့သော်လည်း ပွဲစားများက ၎င်းတို့၏ ဖောက်သည်များကို မပြောပြခဲ့ကြ။

    “ကျွန်တော့် ဖောက်သည်တွေရဲ့ အမည်ကို မပြောနိုင်ပါဘူး။ ဒါဟာ စီးပွာရေး လျှို့ဝှက်ချက်ပါ။ ကုန်ကြမ်းတွေကို ကျွန်တော် တို့ ပြုပြင်ပြီး နိုင်ငံခြားက ဖောက်သည်တွေ ဆီ ပေးပို့တယ် ဆိုတာက ကျွန်တော်တို့ပြောနိုင်တာ အကုန်ပါပဲ” ဟု မိုက်ကာ ပွဲစားတစ်ဦးဖြစ်သူ မိုဟန် မိုဒီကပြောကြားခဲ့သည်။ သို့သော် ၎င်းလုပ်ကိုင်နေသည့် ကုမ္ပဏီအမည်ကိုတော့ ပြောပြခဲ့ခြင်းမရှိ။

    အလ်ဂျာဇီးရားသို့ ပေးပို့သော အီးမေးလ်တွင် Merck ကုမ္ပဏီမှ မီဒီယာ ဆက်ဆံရေး မန်နေဂျာ ဂါးဟာဒ် လက်ခ်ျက

    “Merck ရဲ့ လူမှုရေးဆိုင်ရာ စည်းကမ်းချက်မှာ ကလေးအလုပ်သမားတွေ အသုံးပြုတာကို ပိတ်ပင်ထားပါတယ်။ ကုန်ကြမ်ပေးပို့သူတွေအနေနဲ့ ကျွန်တော်တို့ ချုပ်ဆိုထားတဲ့ ကန်ထရိုက်မှာ ပါဝင်တဲ့ “ကလေးအလုပ်သမားများကို ခန့်ထားခြင်းမပြုရ” ဆိုတဲ့ စည်းကမ်းချက်အတိုင်း ဆောင်ရွက်ပေးဖို့ တောင်းဆိုပါတယ်။ စည်းကမ်းချက်နဲ့ ညီတဲ့ ကုန်ကြမ်ပေးပို့သူတွေဖြစ်လာဖို့နဲ့ အရောင်ထည့်တဲ့လုပ်ငန်းမှာ ကလေးအလုပ်သမားတွေ မပါဝင်ဖို့ လိုအပ်တဲ့ ဆောင်ရွက်ချက်အားလုံးကို Merck အနေနဲ့ အကောင်အထည်ဖော် ဆောင်ရွက်ပြီးပါပြီ” ဟု ရေးသားထားလေသည်။

    ထို့ပြင် Merck အနေဖြင့် အိန္ဒိယမှ ထုတ်လုပ်သော မိုက်ကာများ အသုံးပြုခြင်းကို လျှော့ချမည်ဟု ဆိုသော်လည်း ဂျာ့ခ်ဟန်းပြည်နယ် မိုင်းတွင်းများမှထွက်သော မိုက်ကာများကို ဆက်လက်အသုံးပြုနေမည်ဖြစ်လေသည်။

    မိုင်းတွင်းများတွင် ကလေးအလုပ်သမားများ အသုံးပြုမှုကို တွန်းလှန်ရေးအတွက် ကုမ္ပဏီများအနေဖြင့် မိုက်ကာများရရှိသည့် လမ်းကြောင်းများကို ဂျာခ့်ဟန်းအစိုးရနှင့် တိုက်ရိုက်ဆက်သွယ်ထားသော ခြေရာခံသည့် စနစ်တစ်ခု ထားရှိရမည်ဟု လက်ခ်ျက အကြံပြုခဲ့သည်။

    အစိုးရက လစ်လျူရှုထားခြင်း

    အသက် ၁၄ နှစ်အောက်ကလေးငယ်များ မိုင်းတွင်းများတွင် အလုပ်လုပ်ခြင်းကို တရားမ၀င်ဟု ကုလသမဂ္ဂ၏ သဘောတူညီချက်များတွင် ဖော်ပြထားသည်။ ထိုကဲ့သို့ အလုပ်ခိုင်းခြင်းက ကလေးငယ်များ အပေါ် အဆိုးဝါးဆုံး ခေါင်းပုံဖြတ်ခြင်းဖြစ်သည်ဟု နိုင်ငံတကာ အလုပ်သမားများအဖွဲ့ကလ်း သတ်မှတ်ထားလေသည်။

    သို့သော်လည်း အိန္ဒိယရှိ မိုက်ကာမိုင်းတွင်းများတွင် ကလေးငယ်များ အလုပ်လုပ်နေရသည့် ကိစ္စမှာ နိုင်ငံတစ်ဝှမ်း အုတ်အော်သော201491973840768580_3င်းနင်း ဖြစ်နေသော်လည်း ထိုပြဿနာကို အိန္ဒိယအစိုးရ လစ်လျူရှုထား၏။

    အလ်ဂျာဇီးရာက အိန္ဒိယသတ္ထုတွင်းဌာန အတွင်းရေးမှူး အနပ် ကေ ပူဂျာရီကို ဂျာခ့်ဟန်းရှိ တရားမ၀င် မိုင်းတွင်းများနှင့် ပတ်သက်၍ မေးမြန်းခဲ့ရာ

    “ကျွန်တော်ဘာပြောရမှာလဲ။ အစိုးရအနေနဲ့ အဲဒီဒေသမှာ တရားမ၀င်လုပ်ငန်းတွေ လုပ်နေတယ်ဆိုတာ သိရှိခြင်း မရှိပါဘူး” ဟုသာ ပြန်လည်ဖြေကြားခဲ့လေ၏။

    အလှကုန်လုပ်ငန်းများတွင် အသုံးပြုသော မိုက်ကာထုတ်လုပ်မှုနှင့် ကလေးအလုပ်သမားများ ဆက်စပ်မှုမှာ ယခင်ကလည်း ရှိခဲ့သည်။ Merck KGaA ကုမ္ပဏီမှာ အိန္ဒိယရှိ မိုက်ကာ မိုင်းတွင်းများတွင် ကလးအလုပ်သမားများကို အသုံးပြုနေသည်ဟု စွပ်စွဲချက်မျိုး ၂၀၀၉ ခုနှစ်တွင် ပေါ်ထွက်ခဲ့ဖူးသည်။

    သိက္ခာဆယ်သည့်အနေဖြင် Merck က အန်ဂျီအိုအဖွဲ့ Bachpan Bachao Andolan (BBA) နှင့် ပူးပေါင်းကာ ဂျာခ့်ဟန်းတွင် ကလေးများ ရွာတစ်ရွာကို ဖန်တီးဆောက်လုပ်ပေးခဲ့သည်။ ထိုရွာမှ ကလေးများမှ အလုပ်မလုပ်ရပေ။ ထိုရွာတွင် စာသင်ကျောင်းများ၊ ဆေးရုံများနှင့် အခြားသော အဆောက်အဦးများလည်း ပါဝင်သည်။

    သို့သော်လည်း BBA ကို တည်ထောင်သူ ကိုင်လာ့ရှ် ဆတ်ယာသီကမူ Merck ၏ ထိုလုပ်ရပ်မှာ အမြင်ကောင်းအောင် ဆောင်ရွက်ခြင်းသာဖြစ်သည်ဟု ဝေဖန်ခဲ့၏။

    “သူတို့မှာ ရေရှည်လုပ်မယ့် အစီအစဉ်မျိုး မရှိပါဘူး။ စာသင်ကျောင်းကို သူတို့ ပျော်ပွဲရွှင်ပွဲ အများကြီးနဲ့ စတင်ခဲ့ပါတယ်။ ဒါပမေယ့် အခုအချိန်မှာ အဲဒီကျောင်းနဲ့ သူတို့လုပ်ခဲ့တဲ့ ကျန်းမာရေးစင်တာတွေဟာ ကောင်းကောင်းအလုပ်မလုပ်တော့ပါဘူး။ အစိုးရကလည်း တရားမ၀င်မိုင်းတွင်းတွေကို မရပ်တန့်ချင်ပါဘူး။ ပြီးတော့ ကလေးတွေရဲ့ ကောင်းကျိုးဆိုးကျိုးကိုလည်း ဂရုမစိုက်ပါဘူး”

    အနာဂတ်ပျောက်နေသည့် ဂျာခ့်ဟန်းမှ ကလေးငယ်များအကြောင်းကို ဆတ်ယာသီက ဖွင့်ဟခဲ့ခြင်းပင်။

    Al Jazeera သတင်းဌာနရဲ့  ” Ugly truth behind global beauty industry” ဆောင်းပါးကို လေးမောင် မြန်မာမှုပြု သည်။