Tag: India Muslim

ဇူလိုင် ၃၁၊ ၂၀၁၅
M-Media

– အိန္ဒိယနိုင်ငံ ရှီလောင်းမြို့ရှိ မဒီနာဗလီဝတ်ကျောင်းတော်၏ အစ္စလာမ့်ရေးရာလေ့လာမှု စာကြည့်တိုက်အား ဇူလိုင်လ ၂၇ ရက်နေ့က ကွယ်လွန်သွားခဲ့သည့် အိန္ဒိယသမ္မတဟောင်းနှင့် ထင်ရှားသည့် သိပ္ပံပညာရှင် ဒေါက်တာ အေပီဂျေ အဘ်ဒူလ် ကလာမ်၏ အမည်နာမကို ဂုဏ်ပြုမှည့်ခေါ်သွားမည်ဟု သိရသည်။

ထိုကဲ့သို့ ဂုဏ်ပြုအမည်မှည့်ခေါ်ခြင်းကို ရှီလောင်း မွတ်စလင်သမဂ္ဂမှ အထွေထွေအတွင်းရေးမှူးဖြစ်သူ ဆအီဒွလ္လာဟ် နွန်ဂရမ်က ယမန်နေ့ မဒီနာဗလီဝတ်ကျောင်းတော်တွေင် သေဆုံးသွားသူအတွက် ၀တ်ပြုဆုတောင်းသော ဂျာနာဇာ အထူးဝတ်ပြုမှုအပြီးတွင် ကြေညာခဲ့ခြင်းဖြစ်သည်။ ဒေါက်တာ အဘ်ဒူလ်ကလာမ်မှာ ရှီလောင်းမြို့ရှိ တက္ကသိုလ်တစ်ခုတွင် စာသင်ကြားနေစဉ်အတွင်း ရုတ်တရက် လဲကျကာ ကွယ်လွန်သွားခြင်းဖြစ်သည်။

အဆိုပါအထူးဝတ်ပြုမှုသို့ ရှီလောင်းမြို့ရှိ အစ္စလာမ်ဘာသာဝင် အမြောက်အများ တက်ရောက် ပါဝင်ခဲ့ကြသည်။ ထို့ပြင် ရာမက်စ်ဝါရမ်မြို့တွင်လည်း ထိုကဲ့သို့ အထူးဝတ်ပြုဆုတောင်းမှု ပြုလုပ်ခဲ့ကြသည်။

APJ Abdul Kalam Islamic Library အမည်ဖြင့် အဆိုပါ စာကြည့်တိုက်ဖွင့်ပွဲအခမ်းအနားကို မကြာမီ ပြုလုပ်သွားမည်ဖြစ်သည်။

ဗုဒ္ဓဟူးနေ့နံနက်ပိုင်းက ရှီလောင်းမွတ်စလင်သမဂ္ဂ အဖွဲ့ဝင်များ၊ ပရဟိတအဖွဲ့ဖြစ်သော Meghalaya State Wakf Board မှ အဖွဲ့ဝင်များ၊ Umshyrpi College ကောလိပ်မှ ဆရာ၊ ဆရာမများနှင့် ကျောင်းသား၊ ကျောင်းသူများ၊ Meghalaya တိုက်ကွမ်ဒိုအသင်းမှ အဖွဲ့ဝင်များ စုပေါင်း၍ လာဘန်အီဒ်ဂါကွင်းပြင်တွင် ၀မ်းနည်းခြင်း အထိမ်းအမှတ်အခမ်းအနား ပြုလုပ်ခဲ့ကြသည်။

ထို့ပြင် မဒီနာဗလီဝတ်ကျောင်းတော်နှင့် လိုက်သွမ်ခါရာဟ် အီဒ်ဂါကွင်းပြင်မှ ရှေ့ဆောင်အီမာမ်နှစ်ပါးတို့မှာ ဇူလိုင် ၂၇ ရက်နေ့ညမှ ဇူလိုင် ၂၈ ရက်နေ့ နံနက်ပိုင်းအထိ ညလုံးပေါက် ကုရ်အာန်ကျမ်းတော်မြတ်အား ရွတ်ဖတ်သရဇ္ဈာယ်ကာ ကွယ်လွန်သူ ဒေါက်တာ အဘ်ဒူလ် ကလာမ်အတွက် ဆုတောင်း၍ ကုသိုလ်အကျိုးများ ပေးပို့ခဲ့ကြသည်။

Ref: Northeasttoday

ဇူလိုင် ၂၇၊ ၂၀၁၅
M-Media

– အိန္ဒိယပိုင် ကရ်ှမီးယားဒေသတွင် ဟိန္ဒိူများ၏ ဘုရားဖူးပွဲတော် ကျင်းပနေစဉ် ရုတ်တရက် ရေကြီးလာမှုအတွင်း အသက်အန္တရာယ် ကြုံတွေ့ခဲ့ရသူများကို အိန္ဒိယမွတ်စလင်များက သက်စွန့်ဆံဖျား ကယ်တင်ခဲ့ကြသည်ဟု သိရသည်။

“ကျွန်တော် မြင်ခဲ့ရတာကို ပြောပြဖို့ စကားလုံးတောင်မရှိပါဘူး” ဟု ပန်ဂျပ်ပြည်နယ်မှ ဘုရားဖူးလာရောက်သူ အယာထရီက ရေကြီးမှုနှင့်ပတ်သက်၍ Kashmir Media Service သို့ ဇူလိုင် ၂၆ ရက်နေ့တွင် ပြောကြားခဲ့သည်။

အယာထရီမှာ နှစ်စဉ်ပြုလုပ်နေကြဖြစ်သော ဟိန္ဒူတို့၏ အထွဋ်အမြတ်ထားရာ Amarnath ဂူဗိမာန်သို့ ဘုရားဖူးလာရောက်ကြသည့် ရာပေါင်းများစွာသော ဟိန္ဒူဘုရားဖူးများထဲမှ တစ်ဦးလည်းဖြစ်သည်။ ဂန်ဒါဘဲလ်ခရိုင်ရှိ အဆိုပါဗိမာန်အနီး ဘုရားဖူးများ စခန်းချနေထိုင်ရာ နေရာများတွင် သောကြာနေ့က ရုတ်တရက် ရေကြီးလာခဲ့ပြီးနောက် ရဲတပ်ဖွဲ့နှင့် စစ်သားများကိုယ်တိုင် အသက်လု၍ ပြေးခဲ့ရသည်။

သို့သော်လည်း ထိုဒေသရှိ မွတ်စလင်များက ဟိန္ဒူဘုရားဖူးများအား သက်စွန့်ဆံဖျား ကယ်တင်ခဲ့ကြသည်။

“ရုတ်တရက် ရေကြီးလာမှုက တဲတွေနဲ့ အခြားပစ္စည်းတွေသာ မကဘဲ၊ လူတွေကိုလည်းမြစ်ထဲဆွဲခေါ်သွားတာပါ။ ကျွန်တော်တို့ အော်ဟစ်အကူအညီတောင်းခဲ့ပါတယ်။ လူတိုင်းက ဘေးလွတ်ရာကို ပြေးနေကြပါတယ်” ဟု အယာထရီက အန္တာရာယ်နှင့်ကြုံတွေ့ခဲ့ရသော အခိုက်အတန့်ကို ပြောကြားခဲ့သည်။

“တစ်ချိန်တည်းမှာ ကရ်ှမီးယားဒေသခံတွေက ပေါ်လာပြီး ကလေးငယ်နှစ်ယောက်အပါအ၀င် ကျွန်တော်နဲ့ ကျွန်တော့်မိသားစုကို ကယ်တင်ခဲ့ပါတယ်။ သူတို့ကို ကျွန်တော် ဘယ်လို ကျေးဇူးတင်ရမှန်းတောင် မသိတော့ပါဘူး။ ကျွန်တော့်မှာ စကားလုံးမရှိပါဘူး” ဟု ၎င်းက ထပ်လောင်းပြောကြားခဲ့သည်။

အူတာပရာဒက်ရ်ှပြည်နယ် မာသူရာဒေသမှ အခြား ဟိန္ဒူဘုရားဖူးတစ်ဦးကလည်း ဟိန္ဒူအဖွဲ့အစည်းများအတွင်း နှစ်ပေါင်းများစွာ ရှိနေခဲ့သည့် အစ္စလာမ်အပေါ် ယူဆချက်အမှားများကို မွတ်စလင်များက ဖယ်ရှားခဲ့သည်ဟု ဆိုသည်။

“ကျွန်မတို့မုန်းတီးတဲ့ လူတွေက ကျွန်မတို့ရဲ့ ကယ်တင်ရှင်တွေ ဖြစ်လာလိမ့်မယ်လို့ ကျွန်မနဲ့ ကျွန်မယောက်ျားဟာ ဘယ်တုန်းကမှ မစဉ်းစားခဲ့ဖူးပါဘူး” ဟု အားနည်းနေပြီး ဆာလောင်မွတ်သိပ်နေသော ပရာသီဘာ ဒေ၀ီက ပြောကြားခဲ့သည်။

“အိန္ဒိယမီဒီယာတွေက ကရ်ှမီးယားပြည်သူတွေနဲ့ပတ်သက်ပြီး ဘယ်လိုပဲ ဖော်ပြနေပါစေ၊ ဒါတွေဟာ မုသားတွေပဲဆိုတာ (ရေကြီးမှုဖြစ်ပွားတဲ့) သောကြောနေ့ ညနေခင်းမှာ ကျွန်မတို့ သိခဲ့ရပါတယ်။ ဟိန္ဒူအဖွဲ့အစည်းတွေတောင်မှ ဒီမှာနေတဲ့ ပြည်သူတွေနဲ့ပတ်သက်ပြီး အဖျက်သဘောဆောင်တဲ့ ၀ါဒဖြန့်မှုတွေကို ခွင့်ပြုနေပါတယ်။ ကရ်ှမီးယားပြည်သူတွေဟာ သတ္တိရှိသူတွေသာမကဘဲ၊ ကူညီတတ်တဲ့သူတွေလည်း ဖြစ်ပါတယ်” ဟု ဒေ၀ီက ထည့်သွင်းပြောကြားခဲ့သည်။

ရေကြီးမှုဖြစ်ပွားစဉ်တွင် ကိုယ်လွတ်ရုန်းပြေးခဲ့ကြသည့် အိန္ဒိယရဲတပ်ဖွဲ့နှင့် စစ်တပ်များမှာလည်း ဝေဖန်ခံခဲ့ရပြီး ဟိန္ဒူဘုရားဖူးများကမူ ၎င်းတို့၏ အသက်မှာ ကက်ရ်ှမီးယား မွတ်စလင်များပေးသော အသက်ပင်ဖြစ်သည်ဟု ပြောကြားခဲ့သည်။

“ကျွန်တော်တို့ရဲ့ ၁၉ နှစ်အရွယ်သားလေးရဲ့အသက်ကို ကယ်တင်ပေးခဲ့တဲ့ ဒေသခံမွတ်စလင်တွေကို လက်စုံမိုးပြီးတော့ ကျေးဇူးတင်ကြောင်း ပြောလိုပါတယ်။ ကျွန်တော်တို့အပေါ် ကရ်ှမီးယားပြည်သူတွေ ကမ်းပေးခဲ့တဲ့ လက်တစ်စုံကို ကျွန်တော်တို့ဘ၀မှာ ဘယ်တော့မှ မေ့မှာ မဟုတ်တော့ပါဘူး” ဟု နယူးဒေလီမှ အန်နီလ် ကန်နာက ပြောကြားခဲ့သည်။

ကရ်ှမီးယားဒေသမှာ အိန္ဒိယအုပ်ချုပ်သောဒေသနှင့် ပါကစ္စတန်အုပ်ချုပ်သောဒေသဟူ၍ ၂ ပိုင်းကွဲနေပြီး ၁၉၄၇ လွတ်လပ်ရေးရပြီးနောက်ပိုင်း ထိုဒေသပိုင်ဆိုင်မှုအတွက် စစ်ပွဲများလည်း ဖြစ်ပွားခဲ့သည်။

Ref: Onislam

ဇူလိုင် ၅၊ ၂၀၁၅
M-Media

– ဆော်ဒီအာရေဗျနိုင်ငံ ဂျစ်ဒါမြို့၌ မကြာသေးမီက ကျင်းပပြုလုပ်ခဲ့သည့် ကုရ်အာန်ကျမ်းတော်မြတ် ရွတ်ဖတ်သရဇ္ဈယ်မှု ပြိုင်ပွဲတွင် အိန္ဒိယနိုင်ငံမှ အသက် ၉ နှစ်အရွယ် ကလေးငယ်တစ်ဦးမှာ တတိယဆု ရရှိခဲ့သည်ဟု သိရသည်။

အဆိုပါကလေးငယ်မှာ အေမီရ်ဟု အမည်ရပြီး မဒ်ယာ ပရာဒက်ရ်ှပြည်နယ်ရှိ မာလ၀ါဒေသ အနောက်မြောက်ဘက် ရတ်လမ်မြို့တွင် နေထိုင်သူဖြစ်သည်။

“ဆော်ဒီအာရေဗျဘုရင်ကြီး ဆလ်မာန် ဘင် အဘ်ဒူလ်အဇစ်ရဲ့ ကြီးကြပ်ကွပ်ကဲမှုအောက်က ဇွန် ၂၉ ရက် ဂျစ်ဒါမြို့မှာ ပြုလုပ်ခဲ့တဲ့ နိုင်ငံတကာ ကုရ်အာန်ကျမ်းတော်မြတ် ရွတ်ဖတ်သရဇ္ဈယ်မှု ပြိုင်ပွဲမှာ ကျွန်တော့်သားလေး အေမီရ်ဟာ တတိယ ရခဲ့ပါတယ်” ဟု ဖခင်ဖြစ်သူ မိုဟာမက် ရေအက်စ်က ပြောကြားခဲ့သည်။ ၎င်းကိုယ်တိုင်မှာလည်း ဗလီဝတ်ကျောင်းတော်တစ်ခုမှ ရှေ့ဆောင်
အီမာမ်ဖြစ်သည်။

ကမ္ဘာတစ်ဝှမ်းမှ ပြိုင်ပွဲဝင် ၂၀၀၀ ခန့် ပါဝင်ယှဉ်ပြိုင်သည့်အထဲတွင် တတိယရရှိခဲ့သည့် အေမီရ်မှာ ဒိုင်းတစ်ခု၊ ဆော်ဒီရီယဲလ် ၉၀၀၀ နှင့် ၎င်း၏ အသက်အရွယ်နှင့် ရရှိခဲသည့် အောင်မြင်မှုအတွက် ဂုဏ်ပြုမှတ်တမ်းလွှာကို ချီးမြှင့်ခြင်း ခံခဲ့ရသည်။

အေမီရ်မှာ အသက် ၇ နှစ်အရွယ်ကတည်းက ကုရ်အာန်ကျမ်းတော်မြတ်ကို စတင် ကျက်မှတ်ခဲ့ပြီး ၁၈ လအကြာတွင် ကျမ်းတော်မြတ် တစ်အုပ်လုံးကို အာဂုံဆောင်နိုင်ခဲ့သည်။

ကုန်အာန်ကျမ်းတော်မြတ်တွင် ဆူရဟ်ကဏ္ဍပေါင်း ၁၁၄ ခု ပါဝင်ပြီး၊ ၎င်းတို့အား အစောင် ၃၀ ခွဲထားသည်။

ကလေးငယ်များအား ကုရ်အာန်ကျမ်းတော်မြတ် သင်ပေးခြင်းမှာ အစ္စလာမ်က သတ်မှတ်ထားသာ စည်းမျဉ်းစည်းကမ်းတစ်ခုဖြစ်ပြီး အစ္စလာမ့်ကျင့်ဝတ်နှင့် ကိုယ်ကျင့်တရားများကို အကောင်အထည်ဖော်ရေးအတွက် အကောင်းဆုံးကာလဖြစ်သော အသက်အရွယ်
ငယ်ရွယ်သည့်အချိန်မှ စတင်သင်ပေးရန် မိဘများအပေါ်တွင် တာဝန်ရှိသည်။

ကုရ်အာန်ကျမ်းတော်မြတ်မှာ တစ်ဆူတည်းသောဘုရားသခင် အလ္လာဟ်အရှင်မြတ်ထံတော်မှ ထုတ်ပြန်ချမှတ်ပေးသော ကျမ်းဂန်အဖြစ် အစ္စလာမ်ဘာသာဝင်များက ယုံကြည်ကြပြီး အာဂုံဆောင်ခြင်းက ကျမ်းတော်မြတ်ကို ထိန်းသိမ်းသည့် အရေးပါဆုံး နည်းလမ်းများမှ
တစ်ခုလည်းဖြစ်သည်။

တမန်တော်မြတ် မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ) ၏ သြ၀ါဒတော်တစ်ခုတွင် “သင်တို့အနက် အကောင်းဆုံးသောသူမှာ ကုရ်အာန်ကျမ်းတော်မြတ်အား သင်ယူပြီး အခြားသူများသို့ ပြန်လည်ပို့ချပေးသောသူပင်ဖြစ်သည်” ဟု မိန့်မှာခဲ့သည်။

Ref: Onislam

ဇွန် ၂၇၊ ၂၀၁၅
M-Media

– တမန်တော် မုဟမ္မဒ် (ငြိမ်းချမ်းသာယာမှု သက်ရောက်ပါစေ) ၏ အယူအဆနှင့် ဘ၀နေထိုင်မှုတို့အား လေးစား အားကျသောကြောင့် အိန္ဒိယရှိ ဟိန္ဒူ အမျိုးသားတစ်ဦးမှာ တမန်တော် မုဟမ္မဒ်၏ အထုပ္ပတ္တိကို ရာဂျက်စတန် ပြည်နယ် ရှက်ခ်ဝါတီဒေသသုံး မာဝါရီ ဘာသာစကားဖြင့် ပထမဆုံး ရေးသားခဲ့သည်ဟု သိရသည်။
.
“ကျွန်တော်ချာတိတ်ဘ၀တုန်းက ကျွန်တော်တို့ရဲ့ ဆရာတွေဟာ သင်ကြားမှုရဲ့ အစိတ်အပိုင်းအဖြစ် စာအုပ်တွေဖတ်ဖို့ ပြောပါတယ်။ အဲဒီနေ့တွေကတည်းက စပြီး ကျွန်တော်ဟာ အချိန်တော်တော်များများ စာဖတ်ဖြစ်ပါတယ်။ မုဟမ္မဒ်သခင်ရဲ့ အထုပ္ပတ္တိကိုလည်း ကျွန်တော်ဖတ်ပါတယ်။ ပြီးတော့ အံ့သြစရာကောင်းတဲ့ ဒီ ပင်ကိုယ် အရည်အသွေးရှိသူ အကြောင်း ရေးသင့်တယ်လို့ တွေးခဲ့ပါတယ်” ဟု တမန်တော် မုဟမ္မဒ်၏ အထုပ္ပတ္တိကိုရေးသားသည့် ရာဂျီဗ် ရှရ်မာက ပြောကြားခဲ့သည်။
.
ရှရ်မာမှာ ၁၉၈၇ ခုနှစ်တွင် ရာဂျက်စတန်ပြည်နယ် ဂျွန်ဂျူနူမြို့မှ ကိုလာစီယာ ရွာလေးတွင် မွေးဖွား ခဲ့သူဖြစ်ပြီး ၉ တန်းရောက်သည့် အချိန်မှာပင် ရွာအတွင်း၌ ကိုယ်ပိုင်စာကြည့်တိုက်ကို ထူထောင်ခဲ့သူဖြစ်သည်။
.
စာဖတ်နာသူတစ်ယောက်ဖြစ်သည့် ရှရ်မာမှာ တမန်တော် မုဟမ္မဒ်၏ အထုပ္ပတ္တိကိုလည်း ဖတ်ရှုခွင့်ရခဲ့ပြီး တမန်တော် မုဟမ္မဒ်၏ အတွေးအခေါ်အယူအဆနှင့် ဘ၀တည်ဆောက်မှုတို့က ၎င်းအား လေးစားအားကျစေခဲ့ကာ အဆိုပါစာအုပ်ကို မာဝါရီ ဘာသာစကားဖြင့် ပြန်ဆိုရန် ရှရ်မာက ဆုံးဖြတ်ချတ်ချခဲ့သည်။
.
“ဘာသာတရားနဲ့ပတ်သက်ပြီး ကြီးကြီးကျယ်ကျယ် ကျွန်တော် မစဉ်းစားခဲ့ပါဘူး။ ကျွန်တော်တို့ရဲ့ အတိတ်ကို တွေးတောကြည့်ရင် ဘာသာတရားတိုင်းဟာ အပြန်အလှန် သဟဇာတဖြစ်မှုနဲ့ နေထိုင်ခဲ့ကြတာပါပဲ။ ဘာသာရေး သည်းမခံမှုတွေ မြင့်တက်လာတာဟာ သိပ်မကြာသေးပါဘူး” ဟု ရှရ်မာက ပြောကြားခဲ့သည်။
.
Paigambar Ro Paigam ဟု အမည်ပေးထား ၎င်း၏စာအုပ်မှာ တမန်တော် မုဟမ္မဒ်၏ ထေရုပ္ပတ္တိ အကြောင်း မာဝါရီ ဘာသာစကားဖြင့် ရေးသားသည့် ပထမဆုံး စာအုပ်လည်း ဖြစ်သည်။

၁၁၂ မျက်နှာရှိသည့် အဆိုပါစာအုပ်ကို ၉ တန်းအရွယ်ကတည်းက ရှရ်မာ တည်ထောင်ထားသော Ganv Ka Gurukul စာကြည့်တိုက်တွက် ဖတ်ရှုလေ့လာနိုင်မည်ဖြစ်သည်။
.
စာဖတ်ဝါသနာထုံသည့် ရှရ်မာမှာ တိုင်းရင်းဆေး ဘာသာရပ်ဖြင့် ဘွဲ့ရခဲ့ပြီး တိုင်းရင်းဆေးများကို ရောင်းချနေကာ ရရှိလာသော အကျိုးအမြတ်ဖြင့် စာကြည့်တိုက်အသစ်တစ်ခုပြုလုပ်ရန် ရည်ရွယ်ထားသည်။
.
ရှရ်မာမှာ ကုရ်အာန် ကျမ်းတော်မြတ်ကိုလည်း စွဲလမ်းနှစ်သက်သူတစ်ဦးဖြစ်ပြီး မာဝါရီ ဘာသာစကားဖြင့် ပြန်ဆိုရန် အစီအစဉ်ရှိနေသည်ဟု ထည့်သွင်းပြောကြားခဲ့သည်။
.
“(တမန်တော် မုဟမ္မဒ်အကြောင်း ရေးထားတဲ့) Paigambar Ro Paigam စာအုပ်ကို လူတော်တော်များများက နှစ်သက်ကြပါတယ်။ ကျွန်တော့်ရဲ့ ၀ဘ်ဆိုက်မှာလည်း ဒီစာအုပ်အတွက် တော်တော်လေး တုံ့ပြန်မှုတွေ ရခဲ့ပါတယ်။ ကမ္ဘာတစ်ဝှမ်းလုံးက လူတွေဟာ စာအုပ်ကို ဒေါင်းလုပ် ဆွဲကြပါတယ်” ဟု ၎င်းက ပြောကြားခဲ့သည်။
.
ဟိန္ဒူအများစုရှိရာ အိန္ဒိယနိုင်ငံအတွင် အစ္စလာမ်ဘာသာကို သက်ဝင်ယုံကြည်သူဦးရေမှာ သန်း ၁၈၀ ခန့် ရှိပြီး နိုင်ငံလူဦးရေ၏ ၁၃ ရာခိုင်နှုန်းရှိသည်။ ခရစ်ယာန်ဘာသာဝင်မှာ ၃ ရာခိုင်နှုန်းရှိသည်။
.
Ref: Onislam