သြဂုတ် ၁၅၊ ၂၀၁၅
M-Media
– အိန္ဒိယရှိ ဈေးဆိုင်တစ်ခုတွင် လူရမ်းကားတစ်ဦးက ဆိုင်ရှင်အား ဓားဖြင့် တိုက်ခိုက်နေစဉ် ဈေးဝယ်လာသူ မွတ်စလင်တစ်ဦးက သက်စွန့်ဆံဖျား ကယ်တင်ပေးခဲ့သည်ဟု သိရသည်။
“ဒီလူရဲ့အသက်ကို ကယ်တင်ဖို့ အလ္လာဟ်အရှင်မြတ်က ကျွန်တော့်ကို စွမ်းအားပေးတာပါ။ ကျွန်တော့်နှလုံးသားက ခံနိုင်ရည်ရှိတဲ့ နှလုံးသားမျိုး မဟုတ်ပါဘူး။ ကျွန်တော် လွယ်လွယ်လေးနဲ့ ကြောက်ရွံ့တက်ပြီး ရန်တွေဘာတွေဖြစ်ရင် ကြည့်တောင်မကြည့်ပါဘူး။ ဘာ့ကြောင့်လည်းဆိုတော့ သွေးထွက်သံယိုကို မြင်လို့မရလို့ပါ။ အဲဒီနေ့က ကျွန်တော် ဘယ်လိုဖြစ်သွားလဲဆိုတာ မပြောတတ်ဘူး” ဟု ဈေးဆိုင်ပိုင်ရှင်အား လူရမ်းကားက ဓားဖြင့်ခုတ်နေသည့်အချိန် ၀င်ရောက်တိုက်ခိုက်ခဲ့သည့် နစီရွဒ်ဒင်း မန်ဆူရီက Mid-Day.com သို့ ပြောကြားခဲ့သည်။
အဆိုပါ အဖြစ်အပျက်မှာ အင်္ဂါနေ့ညပိုင်းက ဖြစ်ပွားခဲ့ခြင်းဖြစ်ပြီး ဈေးဆိုင်များအား အကြမ်းဖက်မည်၊ မီးရှို့မည်ဟု ခြိမ်းခြောက်ကာ ငွေညှစ်လေ့ရှိသည့် မူးယစ်ဆေးဝါးသုံးစွဲသူများအား ငေါက်ငန်းလိုက်သည့်အတွက် ဆိုင်ပိုင်ရှင်ကို ၎င်းတို့အဖွဲ့ထဲမှ တစ်ဦးက ဓားဖြင့် ၀င်ခုတ်ခဲ့ခြင်းဖြစ်သည်။
အဆိုပါ လူရမ်းကားမှာ အရောင်းပြခန်းထဲသို့ ၀င်ရောက်လာကာ အသက် ၃၆ နှစ်အရွယ် ဆိုင်ရှင် ရဂ်ျနစ်ရှ် ဆင်း သာကူရ်ကို ဓားဖြင့် ၂ ချက်ဆက်တိုက် ခုတ်ခဲ့ပြီးနောက် မန်ဆူရီက ၀င်ရောက်၍ အဆိုပါဓားပြအား ခုခံတိုက်ခိုက်ခဲ့သည်။ ထိုအဖြစ်အပျက်ကို ဆိုင်အတွင်းရှိ လုံခြုံရေးကင်မရာတွင် မှတ်တမ်းတင်ထားနိုင်ခဲ့သည်။
မန်ဆူရီမှာ အ၀တ်အထည်ကုမ္ပဏီတွင် အလုပ်လုပ်ကိုင်နေသူတစ်ဦးဖြစ်ပြီး အခင်းဖြစ်ပွားသည့်အချိန်က ၎င်း၏ ဖုန်းအားသွင်းရန် ထိုဆိုင်အတွင်းသို့ ရောက်ရှိနေချိန်ဖြစ်သည်။
“ဖုန်းအားသွင်းဖို့ ဆိုင်ကို ကျွန်တော်ရောက်တဲ့အချိန် ဓားကိုင်ထားတဲ့လူတစ်ယောက် တစ်နေရာကနေ ထွက်လာပြီး ဆိုင်ရှင်ကို ခုတ်တော့တာပါပဲ။ ကျွန်တော့်မှာ စဉ်းစားဖို့လည်း အချိန်မရဘူး။ ဒီလူကို မသေအောင် ကယ်တင်ရမယ်ဆိုတာပဲ အဲဒီတုန်းက ကျွန်တော့်စိတ်ထဲမှာ ရှိခဲ့တယ်။ ဒီလိုအင်အားမျိုး ဘယ်ကနေရလာလဲဆိုတာ ကျွန်တော်မသိဘူး။ ကျွန်တော်က ကိုယ့်ကိုယ်ကို သရဲဘောင်ကြောင်တဲ့သူ၊ သွေးမကြည့်ရဲတဲ့သူလို့ပဲ ထင်ခဲ့တယ်။ အဲဒီလူကို တွန်းလှန်တဲ့နေရာမှာ အလ္လာဟ်အရှင်မြတ်က ကျွန်တော့်ကို ကူညီခဲ့တယ်လို့ပဲ ကျွန်တော်ခံစားရပါတယ်” ဟု မန်ဆူရီက ဆိုသည်။
ထို့ပြင် အစ္စလာမ်က ဖိနှိပ်ခံရသူများအား ကူညီရန်နှင့် ဖိနှိပ်သူများကို ရင်ဆိုင်တွန်းလှန်ရန် သွင်သင်ထားသည်ဟုလည်း ၎င်းက ထည့်သွင်းပြောကြားခဲ့သည်။
ကျေးဇူးတင်ကြ
ဈေးဆိုင်ပိုင်ရှင်၏ မိသားစုဝင်များက ၎င်းတို့မှာ ရာဂ်ျနစ်ရ်ှအသက်အား ကယ်တင်ခဲ့သည့်အတွက် မန်ဆူရီကို အမြဲတမ်း ကျေးဇူးတင်နေမည်ဟု ပြောကြားခဲ့သည်။
“မန်ဆူရီဘိုင် လုပ်ခဲ့တာတွေအတွက် ကျွန်တော်တို့ ပြန်ပေးဆပ်လို့ မရပါဘူး။ သူ့ရဲ့ အန္တရာယ်ကို မစဉ်းစားဘဲ ဒီလူကို သူဘယ်လို တွန်းလှန်ခဲ့တယ်ဆိုတာ ကျွန်တော်တို့ CCTV မှတ်တမ်းကို ကြည့်ပြီးပါပြီ။ သူက ဈေးဝယ်သူတစ်ဦးသာ ဖြစ်တာကြောင့် ဆိုင်ထဲက ထွက်သွားတာမျိုး၊ တစ်နေရာမှာထိုင်ကြည့်နေတာမျိုး လုပ်လို့ရပါတယ်။ ဒါပေမယ့် နမူနာယူစရာ သတ္တိကို ပြခဲ့ပြီး ကျွန်တော့်အစ်ကိုရဲ့ အသက်ကို ကယ်တင်ခဲ့ပါတယ်” ဟု ဆိုင်ရှင်၏ ညီဖြစ်သူ မာနစ်ရှ် ဆင်း သာကူရ်က ပြောကြားခဲ့သည်။
တိုက်ခိုက်မှုအတွင်း ဈေးဆိုင်ပိုင်ရှင် ရာဂ်ျနစ်ရ်ှမှာ လည်ပင်း၊ ဘယ်လက်နှင့် လက်ကောက်ဝတ်တို့တွင် ဒဏ်ရာများ ရခဲ့ပြီး ၎င်း၏ အခြားညီတစ်ဦးဖြစ်သူ မာနစ်ရှ် အကာ ပက်ပူကမူ မန်ဆူရီသာ လာရောက်ကူညီခြင်း မရှိပါက ရာဂ်ျနစ်ရ်ှမှာ သေသွားလိမ့်မည်ဟု ဆိုသည်။
“ကျွန်တော့်အကို ဆေးရုံကဆင်းတာကို ကျွန်တော်စောင့်နေတာပါ။ အဲဒီနောက်မှာတော့ မန်ဆူရီဘိုင်ကို ဂုဏ်ပြုမှာဖြစ်ပြီး သူ့ရဲ့ ရဲရင့်မှုနဲ့ ကျွန်တော်တို့အတွက် လုပ်ပေးခဲ့တာကို ကျေးဇူးတင်တဲ့အနေနဲ့ အထိမ်းအမှတ်တစ်ခု ပေးအပ်သွားမှာပါ”
Ref: Onislam
