Tag: India Muslim

ဖေဖော်ဝါရီ ၂၃၊ ၂၀၁၆
M-Media

– တမန်တော်မုဟမ္မဒ်သခင် (ငြိမ်းချမ်းသာယာမှုအပေါင်း သက်ရာက်ပါစေ) ရဲ့ ထေရုပ္ပတ္တိ၊ ဘ၀တည်ဆောက်မှု လမ်းစဉ်တွေနဲ့ ပတ်သက်ပြီး အိန္ဒိယမှာပြုလုပ်တဲ့ ညီလာခံတစ်ခုမှာ ကမ္ဘာတစ်ဝှမ်း အစ္စလာမ်ဘာသာရေးခေါင်းဆောင်တွေက အကြမ်းဖက်ဝါဒကို ရှုတ်ချလိုက်ပြီး အကြမ်းဖက်မှုလုပ်ရပ်တွေအတွက် အစ္စလာမ်မှာ နေရာမရှိဘူးလို့ ပြောကြားလိုက်ပါတယ်။

ရှာဟင်နာဂါရ်ပြည်နယ် တာလီမာဘတ်မှာရှိတဲ့ အလ် မာဟာဒွလ် အာလီ အလ် အစ္စလာမ်မီအဖွဲ့ အဆောက်အဦးမှာ တနင်္ဂနွေနေ့က ပြုလုပ်ခဲ့တဲ့ အဲဒီညီလာခံဟာ ၃ ရက်တာ ကြာမြင့်မှာဖြစ်ပါတယ်။

ညီလာခံကို ဆော်ဒီ အစ္စလာမ့်ရေးရာပညာရှင် အဘ်ဒူလာ မိုဟာမက် အလ် ဂမ်ဒီ၊ ဂျမာအသ်-အီ-အစ္စလာမီ ဟင်ဒ် (ဒေလီ)ရဲ့ အထွေထွေအတွင်းရေးမှူး မောင်လာနာ မိုဟာမက် ရာဇီက် ကွာစ်မီ၊ ဟာဇရသ် မောင်လာနာ မိုဟာမက် ဆိုင်ဖန် ကွာစ်မီ၊ မောင်လာနာ အဘတ်စ် အလီ၊ မောင်လာနာ အဘ်ဒူလာ၊ မွဖ်သီ အဟ်မဒ် ဒေ၀ီ၊ ဟာဇရသ် မောင်လာနာ ဆယဒ် မိုဟာမက် ၀ါလီ ရဟ်မာနီ၊ ဇီအွဒ်ဒီန်း နေယာ၊ မွဖ်သီ ဆဒီက် မိုဟစ်ဒင် စတဲ့ ထိပ်တန်းပညာရှင်တွေအပြင် နိုင်ငံတကာက အစ္စလာမ်ဘာသာရေးခေါင်းဆောင်တွေ၊ မွတ်စလင်အဖွဲ့အစည်းတွေက တာဝန်ရှိသူတွေ တက်ရောက်ခဲ့ကြပါတယ်။

“အစ္စလာမ်ဟာ ငြိမ်းချမ်းရေးသာသနာ၊ ညီရင်းအစ်ကိုစိတ်ဓာတ်၊ သည်းခံခွင့်လွှတ်မှု၊ အပြန်အလှန်လေးစားမှုနဲ့ တိုင်းချစ်ပြည်ချစ်စိတ်တို့ကို အားပေးတိုက်တွန်းတဲ့ သာသနာဖြစ်ပါတယ်” လို့ ပညာရှင်တွေက တစ်ညီတစ်ညွတ်တည်း ပြောကြားခဲ့ပါတယ်။

ဒါ့အပြင် အစ္စလာမ်သာသနာနဲ့ အနှစ်သာရဖြစ်တဲ့ ဘာသာပေါင်းစုံချစ်ကျည်ရေးကိုလည်း အလေးထားဆောင်ရွက်ဖို့ မွတ်စလင်ခေါင်းဆောင်တွေက တိုက်တွန်းခဲ့ကြပါတယ်။

ပညာရေးနှင့် ပရဟိတအတွက် တိုက်တွန်း

ညီလာခံကို ဧည်သည့်တော်အဖြစ် တက်ရာက်လာခဲ့တဲ့ တီလန်ဂါနာပြည်နယ်က ဒုတိယ၀န်ကြီး မဟ်မူဒ်အလီက မွတ်စလင်နိုင်ငံတွေအနေနဲ့ စစ်ပွဲတွေ၊ လက်နက်တွေ၊ အဖျက်အမှောက် ရည်ရွယ်ချက်တွေမှာ ငွေကြေးတွေကို သုံးစွဲနေတာထက် ပညာရေးနဲ့ လူမှုဖူလုံရေး လုပ်ငန်းတွေမှာ ပိုမိုသုံးစွဲကြဖို့လည်း တိုက်တွန်းခဲ့ပါတယ်။

နောက်ပြီး မွတ်စလင်လူငယ်တွေကို အင်ဂျင်နီယာ၊ ဆေးဘက်ဆိုင်ရာ၊ သိပ္ပံနဲ့နည်းပညာ၊ အခြားသော လူသားအကျိးပြု နယ်ပယ်တွေ၊ ပရဟိတလုပ်ငန်းတွေမှာ ပါဝင်လာအောင် တိုက်တွန်းအားပေးကြဖို့ အစ္စလာမ့်ပညာရှင်တွေကိုလည်းဆော်သြခဲ့ပါတယ်။

မောင်လာနာ မိုဟာမက် မဒနီကတော့ မွတ်စလင်တွေအနေနဲ့ အခြားသော ဘာသာတရားတွေနဲ့ သဟဇာတဖြစ်အောင် နေဖို့၊ ဘယ်လိုအခြေအနေမျိုးပဲ ဖြစ်နေဖြစ်နေ တိုင်းပြည်အပေါ် သစ္စာစောင့်သိမှု မပျက်ယွင်းဖို့အတွက်လည်း တိုက်တွန်းခဲ့ပါတယ်။

အစ္စလာမ်အပေါ် နားလည်မှုလွဲမှားတာတွေကို ပပျောက်အောင်လုပ်ဖို့အတွက် ပညာရှင်တွေက တိုက်တွန်းခဲ့ကြပါတယ်။ အိန္ဒိယနိုင်ငံလုံးဆိုင်ရာ မွတ်စလင်ဥပဒေပညာရှင်များအဖွဲ့က အတွင်းရေးမှူး မိုဟာမက် ခါလစ် မဟ်မွဒ် ရဟ်မာနီက အခြားသော ဘာသာဝင်တွေမှာ ရှိနေတဲ့ အစ္စလာမ်အပေါ် ယူဆချက်အမှားတွေကို ဖယ်ရှားဖို့အတွက် အစ္စလာမ့်ရေးရာတွေကို ဒေသသုံးဘာသာစကားနဲ့ သင်ကြားသင့်တယ်လို့ အကြံပြုခဲ့ပါတယ်။

ဒီလို ဆောင်ရွက်ခြင်းအားဖြင့် မွတ်စလင်တွေနဲ့ အခြားသော လူ့အဖွဲ့အစည်းတွေအကြားမျာ လစ်ဟာမှုတွေကို ကျဉ်းမြောင်းစေလိမ့်မယ်လို့လည်း ၎င်းက ထည့်သွင်းပြောကြားခဲ့ပါတယ်။

အကြမ်းဖက်ဝါဒနဲ့ မွတ်စလင်အမည်ခံ အကြမ်းဖက်အဖွဲ့အစည်းတွေကို ကမ္ဘာတစ်ဝှမ်းက အစ္စလာမ့်ပညာရှင်တွေ၊ မွတ်စလင်ခေါင်းဆောင်တွေရဲ့ ပြင်းပြင်းထန်ထန် ဆန့်ကျင်ရှုတ်ချမှုတွေဟာ ယခင်ကတည်းက ရှိခဲ့ပြီး အိန္ဒိယက အစ္စလာမ်နဲ့ မွတ်စလင်အဖွဲ့အစည်းတော်တော်များများကလည်း ရှုတ်ချမှုတွေ ပြုလုပ်ခဲ့ကြပါတယ်။

Ref: The Hindu

ဖဖော်ဝါရီ ၁၁၊ ၂၀၁၆
M-Media

– အိန္ဒိယနိုင်ငံ ဂျာ့ခ်ဟန်းပြည်နယ်မှ မျက်မမြင် ကျောင်းဆရာမတစ်ဦးမှာ ကုရ်အာန်ကျမ်းတော်မြတ် ဟင်ဒီ ဘာသာပြန်ကို မျက်မမြင်ဘာသာစကား(Braille) ဖြင့် အောင်မြင်စွာ ရေးသားနိုင်ခဲ့သည်ဟု သိရသည်။

နာဖီစ် တာရင်ဆိုသည့် အမျိုးသမီးဖြစ်ပြီး တက္ကသိုလ်မှ ၀ိဇ္ဇာဘွဲ့ရရှိပြီးကတည်းက ကုရ်အာန်ကျမ်းတော်မြတ်ကို သင်ယူလေ့လာရန် စိတ်ဝင်စားခဲ့ခြင်းဖြစ်သည်။ သို့သော်လည်း သူမမှာ မျက်မမြင်တစ်ဦးဖြစ်သောကြောင့် သင်ကြားပေးမည့်ဆရာကို ရှာဖွေရန် ခက်ခဲခဲ့သည်။

နောက်ပိုင်းတွင် ဟာဖစ်ဇ် မိုဟာမက် တက်စ်လင်းမ်ဆိုသူ ဆရာတစ်ဦးက နာဖီစ်အား ကုရ်အာန်ကျမ်းတော်မြတ်ကို သင်ကြားပြသပေးခဲ့သည်။ ကုရ်အာန်ကျမ်းတော်မြတ်ကို သင်ယူလေ့လာနေစဉ်တွင် နာဖီစ်မှာ သူမနှင့် ဘ၀တူ မျက်မြင်များ ဖတ်ရှုရန်အတွက် မျက်မမြင်ဘာသာသို့ ပြန်ဆိုပေးရန် စိတ်အားထက်သန်ခဲ့ခြင်းဖြစ်သည်။

ထို့ကြောင့် ၂၀၀၅ ခုနှစ်မှစတင်ကာ ကုရ်အာန်ကျမ်းတော်မြတ် ဟင်ဒီဘာသာပြန်ကို နာဖီစ်က မျက်မမြင်ဘာသာစကားဖြင့် စတင်ရေးသားခဲ့ပြီး ၃ နှစ်အကြာ ၂၀၀၈ ခုနှစ်တွင် ပြီးဆုံးခဲ့သည်။ ထို့နောက် စစ်ဆေးကာ မှားယွင်းမှုများကို ထပ်မံ ပြင်ဆင်ခဲ့သည်။

ဒေသတွင်းမွဖ်သီများကမူ နာဖီစ်၏ အဆိုပါအားထုတ်မှုကို ချီးကျူးခဲ့ပြီး သူမရေးသားထားသည့် မျက်မမြင်ဘာသာစကား ကုရ်အာန်ကျမ်းတော်မြတ်မှာ အမှားလုံးဝမရှိကြောင်း စစ်ဆေး အတည်ပြုပေးခဲ့သည်။ နာဖီစ်ကမူ မွတ်စလင်အဖွဲ့အစည်းများနှင့် အသင်းအဖွဲ့များမှာ မျက်မမြင်ဘာသာစကားဖြင့် သူမရေးသားထားသည့် ကုရ်အာန်ကျမ်းတော်မြတ်ကို ထုတ်ဝေပေးရန် မျှော်လင့်နေသည်။

Ref: IINA

ဖေဖော်ဝါရီ ၈၊ ၂၀၁၆
M-Media

– အိန္ဒိယနိုင်ငံက အစ္စလာမ့်ဖေကာဟ်ဓမ္မသတ် အကယ်ဒမီ (Islamic Fiqh Academy India) ရဲ့ ၂၅ ကြိမ်မြောက် ဖေကာဟ် ညီလာခံမှာ ကမ္ဘာတစ်ဝှမ်းက ထိပ်တန်းအစ္စလာမ့်ရေးရာပညာရှင်တွေ၊ ဓမ္မသတ်မှူးတွေနဲ့ ရှေ့ဆောင်အီမာမ်တွေက IS စစ်သွေးကြွအဖွဲ့ကို အစ္စလာမ်မှ သွေဖည်သူတွေလို့ သတ်မှတ်ပြောကြားလိုက်ပြီး၊ အဲဒီအုပ်စုကို ပြင်းပြင်းထန်ထန် နှိမ်နင်းသွားဖို့လည်း တိုက်တွန်းခဲ့ကြပါတယ်

အဲဒီညီလာခံကို အာသံပြည်နယ်ရဲ့ အကြီးဆုံးမြို့ဖြစ်တဲ့ ဘာဒါပူးရ်မှာ သောကြာနေ့က စတင် ကျင်းပပြုလုပ်ခဲ့တာဖြစ်ပြီး ၃ ရက်တာ ကြာမြင့်ခဲ့ပါတယ်။ တက်ရောက်လာကြတဲ့ ပညာရှင်တွေကတော့ အစ္စလာမ်ကမ္ဘာကို အစိတ်အစိတ်အမွှာမွှာ ဖြစ်စေဖို့အတွက် အနောက်နိုင်ငံတွေက ဖန်တီးထားတဲ့ IS စစ်သွေးကြွအုပ်စုရဲ့ လှုပ်ရှားမှုတွေကို သတိထားစောင့်ကြည့်ဖို့ လိုအပ်တယ်လို့လည်း ထည့်သွင်းပြောကြားခဲ့ပါတယ်။

ဒါ့အပြင် မွတ်စလင်တွေအနေနဲ့ မွတ်စလင်မဟုတ်သူတွေနဲ့ ဘာသာပေါင်းစုံချစ်ကြည်ရေး ဆောင်ရွက်ကြဖို့လည်း အစ္စလာမ့်ပညာရှင်တွေက ထည့်သွင်း တိုက်တွန်းခဲ့ပါတယ်။ အိန္ဒိယနဲ့ ကမ္ဘာတစ်ဝှမ်းက အစ္စလာမ့် ဓမ္မပညာရှင်တွေ၊ ဓမ္မသတ်မှူးတွေ စုစုပေါင်း အယောက် ၂၀၀ ကျော် တက်ရောက်ခဲ့ကြတဲ့ အဲဒီညီလာခံမှာ သက်ကြီးရွယ်အိုတွေ စောင့်ရှောက်ရေး အပါအ၀င် အခြားအကြောင်းအရာတွေကိုလည်း ဆွေးနွေးခဲ့ကြပါတယ်။

ဖေကာဟ်အကယ်ဒမီက အထွေထွေအတွင်းရေးမှူး ခါလစ် ဆိုက်ဖွလ္လာဟ် ရာဟ်မာနီက IS အဖွဲ့ကို ဝေဖန်ပြောဆိုခဲ့ပြီး သူတို့ရဲ့လုပ်ရပ်တွေဟာ အစ္စလာမ်ပေါ်ထွန်းကာစက ပေါ်ပေါက်ခဲ့တဲ့ ပုန်ကန်သူ ခါရာဂျိုက်တွေရဲ့ လုပ်ရပ်တွေနဲ့ သွားတူနေတယ်လို့ ပြောကြားခဲ့ပါတယ်။ နောက်ပြီး မွတ်စလင်တွေအနေနဲ့ စည်းလုံးညီညွှတ်သင့်ကြပြီး ဘာသာရေးခေါင်းဆောင်တွေကလည်း မွတ်စလင်တစ်ယောက်ယောက်ကို မယုံကြည်သူ (ကာဖိရ်) လို့ လွယ်လွယ်တံဆိပ်ကပ်တာမျိုး အထူးရှောင်ရှားရမယ်လို့ ထည့်သွင်းပြောကြားခဲ့ပါတယ်။

မွတ်စလင်လူငယ်တွေကို မတူကွဲပြားတဲ့အ၀ိုင်းအ၀ိုင်းမှာ ဘယ်လိုယှဉ်တွဲ နေထိုင်ရမဆိုတာ သင်ကြားပေးဖို့ဟာလည်း အိုလမာသာသနာ့ပညာရှင်တွေရဲ့ တာဝန်ဖြစ်တယ်လို့ မောင်လာနာရာဟ်မာနီက ဆိုပါတယ်။

တမန်တော်မုဟမ္မဒ်သခင် (ငြိမ်းချမ်းသာယာမှုသက်ရောက်ပါစေ) ရဲ့ မက္ကာဟ်နဲ့ မဒီနာမှာ မယုံကြည်သူတွေနဲ့ ငြိမ်းချမ်းရေးစာချုပ်ချုပ်တွေချုပ်ဆိုကာ အတူယှဉ်တွဲနေထိုင်မှုကို ဥပမာပေးခဲ့ပြီး ဒီနေ့ခေတ်မှာလည်း အယူမတူသူတွေနဲ့ ဘာသာပေါင်းစုံ ချစ်ကျည်ရေးဆောင်ရွက်မှုမှာ ဒီဖြစ်ရပ်တွေကို အခြေခံသင့်တယ်လို့လည်း မောင်လာနာက ထပ်လောင်းပြောကြားခဲ့ပါတယ်။

၁၉၈၉ ခုနှစ်ကတည်းက စတင်တည်ထောင်ခဲ့တဲ့ အဲဒီဖေကာဟ်အကယ်ဒမီဟာ အခုအချိန်အထိ ညီလာခံပေါင်း ၂၄ ခု ကျင်းပပြုလုပ်ခဲ့ပြီး၊ ကုရ်အာန်ကျမ်းတော်မြတ်နဲ့ မုဟမ္မဒ်သခင်ရဲ့ သြ၀ါဒတော်တွေကိုအခြေခံကာ ပြဿနာပေါင်း ၂၀၀ နီးပါးကိုလည်း ဓမ္မသတ်ထုတ် ဖြေရှင်းပေးခဲ့ပြီး ဖြစ်ပါတယ်။

SM/IINA

ဖေဖော်ဝါရီ ၆၊ ၂၀၁၆
M-Media

– ဘုရားကျောင်း အမှုဆောင်ကော်မတီအဖြစ် တာဝန်ထမ်းဆောင်ခဲ့သော မွတ်စလင် လူငယ်တစ်ဦး သေဆုံးမှုအတွက် ၀မ်းနည်းခြင်း အထိမ်းအမှတ်အဖြစ် အိန္ဒိယနိုင်ငံ ကီရာလာပြည်နယ်မှ ဟိန္ဒူဘုရားကျောင်းတစ်ခုက ၎င်းတို့၏ ဆုတောင်းပူဇော်မှုအချို့ကို လျှော့ချခြင်း၊ ရပ်ဆိုင်းခြင်းတို့ ပြုလုပ်ခဲ့မည်ဟု သိရသည်။

သေဆုံးသွားသူ မွတ်စလင်အမျိုးသားမှာ အသက် ၂၃ နှစ်အရွယ် အမ် ဗီ ရှာဘီးရ်ဆိုသူဖြစ်ပြီး အက်တင်ဂဲလ်မြို့အနီး ပူသီနန်ဒါဒေသရှိ ရှီးဗား ဘုရားကျောင်း၏ ပွဲတော်ကျင်းပရေးက်ေမတီမှ အဖွဲ့ဝင်တစ်ဦး ဖြစ်သည်။ ရှာဘီးရ်မှာ ပြီးခဲ့သည့်နှစ်က ပြုလုပ်ခဲ့သည့် ဟိန္ဒူဘုရားပွဲအတွင်း ဆင်တစ်ကောင် ထွက်ပြေးသည့်ကိစ္စနှင့် ပတ်သက်၍ လူ ၄ ယောက်နှင့် စကားများကာ ပြီးခဲ့သည့် တနင်္ဂနွေနေ့က ရိုက်နှက် သတ်ဖြတ်ခံရခြင်းဖြစ်သည်။

အဆိုပါ ရှီးဗားဘုရားကျောင်းမှာ တနင်္လာနေ့မှစတင်ကာ ၅ ရက်ကြာ ပူဇော်မှုကို ပြုလုပ်မည်ဖြစ်ပြီး တနင်္လာနေ့နှင့် အင်္ဂါနေ့များတွင် မနက်ပိုင်း ပူဇော်မှုအပြီး ပြုလုပ်နေကြဖြစ်သော ခရုသင်းတီးမှုတ်မှု၊ ခေါင်းလောင်းထိုးမှုများကို ရှာဘီးရ်အား လေးစားသည့်အနေဖြင့် မပြုလုပ်ရန် ဘုရားကျောင်းဂေါပကအဖွဲ့က ဆုံးဖြတ်ခဲ့သည်။

“ဒါဟာ ဘာသာတရားအလွန်က မိဆွေသံယောဇဉ်ပါ။ ဘုရားကျောင်းကော်မတီထဲမှာ ကျွန်တော်တို့ဟာ ရှာဘီးရ်ကို ဘာသာခြားတစ်ယောက်လို့ သဘောမထားခဲ့ပါဘူး။ ကော်မတီမှာ သူဟာ အတက်ကြွဆုံး ဖြစ်ပါတယ်” ဟု ဘုရားကျောင်း အမှုဆောင်ကော်မတီဝင်တစ်ဦးဖြစ်သူ အန် အွန်နီက ပြောကြားခဲ့သည်။

ရှာဘီးရ် ကွယ်လွန်ခြင်း ၀မ်းနည်းမှုအထိမ်းအမှတ်အဖြစ် ဘုရားကျောင်းမှာ ဖေဖော်ဝါရီ ၉ ရက်နေ့တွင် စတင်မည့် စတုဒီသာကျွေးပွဲနှင့် ၁၀ ရက်ကြာ စီတန်းလှည့်လည်ပွဲကိုလည်း ပယ်ဖျက်ခဲ့ကြသည်။

“ရှာဘီးရ်ဟာ ကျွန်တော်တို့ရဲ့ လှုပ်ရှားမှုတွေကို နှစ်သက်ပြီး စိတ်နှလုံးဖြူစင်စွာနဲ့ ပါဝင်ဆောင်ရွက်ပေးတဲ့ ဘာသာရေးကိုင်းရှိုင်းသူ မွတ်စလင်တစ်ဦးပါပဲ။ သူ့ကို ကျွန်တော်တို့ထဲက တစ်ယောက်လို့ပဲ ကျွန်တော်တို့က သတ်မှတ်ပြီး လွန်ခဲ့တဲ့ ၂ နှစ်အရင်လောက်တည်းက ဘုရားကျောင်းကော်မတီမှာ သူ့ကို ထည့်သွင်းထားတာပါ” ဟု ဘုရားကျောင်း ကော်မတီမှ အကြီးတန်း တာဝန်ရှိသူတစ်ဦးဖြစ်သူ စီ ဂူရီ ချန်ဒရာက ပြောကြားခဲ့သည်။

ရှာဘီးရ်မှာ ၎င်း၏ မိခင်နှင့် ညီမနှစ်ယောက်ကို ပြုစုစောင့်ရှောက်နေပြီး ဖခင်မရှိတော့သည့်နောက် မိသားစုတာဝန်ကို ကျေပွန်နိုင်ရန်အတွက် တက္ကသိုလ်မှထွက်ကာ ဆောက်လုပ်ရေးလုပ်ငန်းတွင် လုပ်ကိုင်ခဲ့ရသည်ဟု အိမ်နီးချင်းများက ဆိုသည်။

Ref: India express

ဇန်န၀ါရီ ၇၊ ၂၀၁၆
M-Media

– အန္ဒိယရှိ မွတ်စလင်နိုင်ငံရေးပါတီများနှင့် ဘာသာရေးအဖွဲ့အစည်းများ ပေါင်းစည်းထားသည့် Hurriyat Conference ခေါင်းဆောင် ဆယဒ် အလီ ရှားဟ် ဂီလာနီက IS နှင့် အခြားသော အကြမ်းဖက်အဖွဲ့များကို ရှုတ်ချလိုက်ပြီး ထိုအဖွဲ့များမှာ အစ္စလာမ်ကို ကိုယ်စားမပြုဟု ပြောကြားလိုက်သည်။

“IS၊ တဟ်ရီးက်-အီ-တာလီဘန် ပါကစ္စတန်နဲ့ အခြားသော အဲဒီလိုအုပ်စုတွေဟာ အစ္စလာမ်ကို ကိုယ်စားမပြုပါဘူး။ IS ဟာ အပြစ်မဲ့သူတွေကို သတ်ဖြတ်နေတဲ့ အကြမ်းဖက်အဖွဲ့အစည်းဖြစ်ပြီး တဟ်ရီက်အလ်-အီ-တာလီဘန် ပါကစ္စတန်အဖွဲ့ကလည်း ပါကစ္စတန်ကို နိုင်ငံအတွင်းကနေ အင်အားနည်းချိနဲ့အောင် လုပ်တဲ့အဖွဲ့ပါပဲ” ဟု ဂီလာနီက ပြောကြားခဲ့သည်။ Hurriyat Conference အဖွဲ့မှာ နိုင်ငံရေး၊ လူမှုရေးနှင့် ဘာသာရေးအဖွဲ့အစည်း ၂၆ ခု ဖွဲ့စည်းထားသည့် အဖွဲ့ကြီးဖြစ်သည်။

ပြီးခဲ့သည့် လအနည်းငယ်အတွင်း ကက်ရ်ှမီးယားလူငယ်များ ပြုလုပ်သည့် ဆန္ဒပြမှုများတွင် IS အလံများ ပါဝင်ခဲ့ပြီး နောက် ဂီလာနီက ထိုကဲ့သို့ မှတ်ချက်ပြုခဲ့ခြင်းဖြစ်သည်။ IS အဖွဲ့အား နိုင်ငံတကာမှ မွတ်စလင်အသင်းအဖွဲ့များ၊ ပညာရှင်များနည်းတူ အိန္ဒိနှင့် ပါကစ္စတန်တို့ရှိ မွတ်စလင်များကလည်း ယခင်ကတည်းက ဆန့်ကျင်ရှုတ်ချခဲ့ကြသည်။

Ref : The Hindu