News @ M-Media

Tag: Indian Muslims

  • အိန္ဒိယနိုင်ငံတော်သီချင်းကို ဆင်ဆာဖြတ်လျှင် မိမိရုပ်ရှင်ကို ပြသခွင့်မပေးဟု ပါကစ္စတန်ကို အမီးရ်ခန်း သတိပေး

    အိန္ဒိယနိုင်ငံတော်သီချင်းကို ဆင်ဆာဖြတ်လျှင် မိမိရုပ်ရှင်ကို ပြသခွင့်မပေးဟု ပါကစ္စတန်ကို အမီးရ်ခန်း သတိပေး

    ဧပြီ ၇၊ ၂၀၁၇
    M-Media

    Dangal ရုပ်ရှင်၏ မျက်နှာဖုံးကြော်ငြာ

    – မိမိရဲ့ ရုပ်ရှင်ထဲက အိန္ဒိယအလံ လွှင့်တင်တဲ့အခန်း၊ နိုင်ငံတော်သီချင်းဆိုတဲ့အခန်းကို ဖြုတ်မယ်ဆိုရင် အဲဒီရုပ်ရှင်ကို ပြသခွင့် မပေးနိုင်ဘူးလို့ ဘောလီးဝုဒ်က မွတ်စလင်ရုပ်ရှင်မင်းသား အမီးရ်ခန်းက ပါကစ္စတန် ရုပ်ရှင်ဆင်ဆာအဖွဲ့ကို သတိပေး ပြောကြားလိုက်ပါတယ်။

    နှစ်နိုင်ငံ နိုင်ငံရေးတင်းမာမှုတွေကြောင့် ပြီးခဲ့တဲ့နှစ်က အိန္ဒိယ ရုပ်ရှင်ထုတ်လုပ်သူများ အစည်းအရုံးက ပါစ္စတန်က ရုပ်ရှင်အတတ်ပညာရှင်တွေကို အိန္ဒိယရုပ်ရှင်ကားတွေမှာ ပါဝင်ခွင့် ပိတ်ပင်ခဲ့ပြီးတဲ့နောက်၊ ပါကစ္စတန်ကလည်း သူတို့နိုင်ငံမှာ အိန္ဒိယရုပ်ရှင်ကားတွေ ပြသခွင့်ကို ပိတ်ပင်ခဲ့ပါတယ်။

    ဒါပေမယ့် နောက်ပိုင်းမှာ ပြန်ဖွင့်ပေးခဲ့ပြီး ပြီးခဲ့တဲ့နှစ်အတွင်း ဘောလီးဝုဒ်မှာ ရူပီး ၃၈၅ ကုဋေနဲ့ ၀င်ငွေစံချိန်တင်ခဲ့တဲ့ အမီးခန်းရဲ့ရုပ်ရှင် Dangal ကို ပြသဖို့ ဆောင်ရွက်ရာမှာတော့ ပါကစ္စတန် ဆင်ဆာအဖွဲ့က ရုပ်ရှင်ထဲမှာပါဝင်တဲ့ အိန္ဒိယအလံတင်တဲ့အခန်း၊ နိုင်ငံတော်သီချင်းဆိုတဲ့အခန်းတွေကို ဖြတ်တောက်ဖို့ ဆုံးဖြတ်ခဲ့တာပါ။

    ဒါပေမယ့် ဒီအားကစားအခြေပြု ရုပ်ရှင်ကို ထုတ်လုပ်သူဖြစ်ပြီး ကိုယ်တိုင်ပါဝင်ရိုက်ကူးခဲ့တဲ့ မွတ်စလင်မင်းသား အမီးရ်ခန်းကတော့ ဒီလို ဖြတ်တောက်မှုကို လက်မခံဘဲ ဒီလိုသာလုပ်မယ်ဆိုရင် ပြသခွင့်မပေးနိုင်ဘူးလို့ တုန့်ပြန်ခဲ့ပါတယ်။

    “ဒါဟာ အားကစားအခြေပြု ရုပ်ရှင်ဖြစ်ပြီး ပါကစ္စတန်ကို တိုက်ရိုက်ရော၊ သွယ်ဝိုက်ပြီးတော့ပါ ထိခိုက်တာမျိုး မပါပါဘူး။ ဒီရုပ်ရှင်ဟာ အိန္ဒိယရဲ့ နိုင်ငံချစ်စိတ်ကို ဖော်ကျူးတဲ့ရုပ်ရှင်ပါ။ ဒါ့ကြောင့် ဘာဖြစ်လို့ ဒီအခန်းတွေကို ဖြတ်ရမှာလဲ” လို့ အမီးရ်ခန်းနဲ့ နီးစပ်တဲ့ ရင်းမြစ်တစ်ခုက ပြောကြားခဲ့ပါတယ်။

    အမီးရ်ခန်းကို Hindustan Times က မေးမြန်းရာမှာ ဒီကိစ္စအတွက် ဘာမှ ပြန်မပြောခဲ့ပေမယ့် သူ့ရဲ့ ပြောရေးဆိုခွင့်ရှိသူက မင်းသားဟာ ပါကစ္စတန်ဆင်ဆာအဖွဲ့ကို ဒီလိုပဲ အကြောင်းပြန်ခဲ့တယ်လို့ ပြောကြားခဲ့ပါတယ်။

    Ref: Hindustan Times

  • အိန္ဒိယမွတ်စလင်လုပ်ငန်းရှင်တစ်ဦး အမိမြေတွင် ခေါင်းဆောင်ကောင်းများထွက်ပေါ်လာရေး ကြိုးပမ်း

    အိန္ဒိယမွတ်စလင်လုပ်ငန်းရှင်တစ်ဦး အမိမြေတွင် ခေါင်းဆောင်ကောင်းများထွက်ပေါ်လာရေး ကြိုးပမ်း

    မတ် ၇၊ ၂၀၁၇
    M-Media

    အိန္ဒိယ-အမေရိကန် မွတ်စလင် စီးပွားရေးနှင့် ပရဟိတသမား ဖရန့် အစ္စလာမ်

    – အိန္ဒိယနိုင်ငံတွင် ခေါင်းဆောင်ကောင်းများ ပေါ်ထွက်လာရန် ရည်ရွယ်၍ အိန္ဒိယ-အမေရိကန် မွတ်စလင် စီးပွားရေးနှင့် ပရဟိတသမား ဖရန့် အစ္စလာမ်မှာ အိန္ဒိယနိုင်ငံတွင် ကန်ဒေါ်လာ ၂ သန်းခန့် ကုန်ကျမည့် စီမံခန့်ခွဲမှုဆိုင်ရာ ကျောင်းတစ်ကျောင်းကို ဖွင့်လှစ်ခဲ့သည်ဟု သိရသည်။

    The Frank and Debbie Islam Management Complex ဟု အမည်ပေးထားသည့် အဆိုပါ ကျောင်းကို ‘အလီဂါဟ် မွတ်စလင် တက္ကသိုလ် (AMU)’ တွင် ဖွင့်လှစ်ထားသည်။

    “ဒီကျောင်းကနေပြီး အိန္ဒိယနဲ့ ကမ္ဘာကြီးကို ပိုကောင်းတဲ့နေရာအဖြစ် ပြုလုပ်ပေးမယ့် ခေါင်းဆောင်းတွေ ထွက်လာမှာပါ။ ဒါ ကျွန်တော့်ရဲ့ ရည်ရွယ်ချက်ပါ။ သတင်းအချက်အလက်မျှဝေရာ၊ အသိပညာ ဖလှယ်ရာ၊ ဖွံ့ဖြိုးတိုးတက်စေတဲ့ နေရာတစ်ခုအဖြစ်လည်း ကျွန်တော် မျှော်လင့်ထားပါတယ်။ တီထွင်ဆန်းသစ်တဲ့ စီမံကိန်းတွေကို ၀န်ထမ်းတွေနဲ့ ကျောင်းသားတွေ ပူးပေါင်းဆောင်ရွက်နိုင်မယ့်နေရာ ဖြစ်လာမှာဖြစ်ပြီး၊ ပညာရေးဆိုင်ရာ စွမ်းအားမြှင့်တင်ရေးဇုန်လည်း ဖြစ်ပါလိမ့်မ
    ယ်” ဟု ဖရန့်အစ္စလာမ်က ၎င်း၏ စီမံကိန်းနှင့် ပတ်သက်၍ ဖေဖော်ဝါရီလတွင် ပြောကြားခဲ့သည်။

    အမေရိကန်နှင့် အိန္ဒိယတို့အကြား ပြည်သူအချင်းချင်း ဆက်သွယ်ဆောင်ရွက်ရေးနှင့် ပတ်သက်၍ အစ္စလာမ်က လူနည်းစုများနှင့် ဇာတ်နိမ့်များ၏ ပညာရေးဆိုင်ရာ လိုအပ်ချက်များကို ဖြေရှင်းရေး အာရုံပိုစိုက်နိုင်ရန်အတွက် အားကောင်းသော အသိပညာပေးမှု ပြုလုပ်ရန် မျှော်လင့်သည်ဟုလည်း ဆိုသည်။

    “စွန့်ဦးလုပ်ငန်းရှင်တွေ တိုးတက်ဖို့၊ သူတို့ကို ထောက်ပံ့ပေးဖို့အတွက်၊ အမေရိကန်စီးပွားရေးတွေ၊ ရင်းနှီးမြှုပ်နှံသူတွေနဲ့ စီးပွားရေးအသစ်စလုပ်ဖို့ စိတ်ဝင်စားသူတွေအကြား ဆက်သွယ်ပေးဖို့အတွက် ကျွန်တော်ရဲ့ အချိန်နဲ့ ရည်ရွယ်ချက်ကိုလည်း အာရုံစိုက်သွားမှာပါ” ဟု အစ္စလာမ်က ပြောကြားခဲ့သည်။

    အစ္စလာမ်မှာ လက်ရှိတွင် ပုဂ္ဂလိက ရင်းနှီးမြှုပ်နှံမှုကုမ္ပဏီ FI Investment Group ကို ဦးဆောင်နေသည်။ ၎င်းမှာ ၁၉၉၄ ခုနှစ်တွင် နည်းပညာကုမ္ပဏီတစ်ခုဖြစ်သော QSS Group ကို တည်ထောင်ခဲ့ပြီး အလုပ်သမားတစ်ဦးတည်းမှ ၂၀၀၀ ကျော် များပြားလာသည်အထိ အောင်မြင်ခဲ့သည်။ အမြတ်အစွန်း ကန်ဒေါ်လာ သန်း ၃၀၀ ကျော် ရခဲ့သည့် အဆိုပါ ကုမ္ပဏီကို ၂၀၀၇ ခုနှစ်တွင် ရောင်းချခဲ့သည်။

    Ref: Two Cricles

  • ဟိန္ဒူဘာသာဝင်မှသည် အစ္စလာမ့် ထိပ်တန်း ဓမ္မပညာရှင် ဖြစ်လာခဲ့သည့် ဒီယာ အွရ်-ရဟ်မန်

    ဟိန္ဒူဘာသာဝင်မှသည် အစ္စလာမ့် ထိပ်တန်း ဓမ္မပညာရှင် ဖြစ်လာခဲ့သည့် ဒီယာ အွရ်-ရဟ်မန်

    မတ် ၄၊ ၂၀၁၇
    M-Media

    ဖရော်ဖက်ဆာ ဒီယာ အွရ်-ရဟ်မန် အဇ်မီ (၀ဲ)

    – တစ်ခြားအယူဝါဒကနေ အစ္စလာမ်ဘာသာ လေ့လာလိုက်စားပြီ ပြောင်းလဲသက်ဝင်လာကြသူတွေထဲမှာ တစ်ချို့ဟာ အစ္စလာမ့် ဓမ္မရေးရာကဏ္ဍနဲ့ အစ္စလာမ်သာသနာ ဖြန့်ချီမှုကဏ္ဍတွေမှာ တော်တော်လေး ထူးထူးချွန်ချွန် ဖြစ်ခဲ့ကြတယ်၊ ဖြစ်နေကြတယ်ဆိုတဲ့ အကြောင်းအရာတွေကို တော်တော်များများ ကြားဖူးကြမှာပါ။

    အဲဒီလို ထူးချွန်ပြောက်မြောက်ခဲ့ကြသူတွေထဲမှာ ဟိန္ဒူဘာသာကနေ အစ္စလာမ်ကို ပြောင်းလဲသက်ဝင်ခဲ့တဲ့ ဖရော်ဖက်ဆာ ဒီယာ အွရ်-ရဟ်မန် အဇ်မီလည်း ပါဝင်ပါတယ်။

    ဟိန္ဒူအမည် ဘန်ကီ လာလ်လို့ခေါ်တဲ့ ဒီယာ အွရ်-ရဟ်မန်ကို ၁၉၄၃ ခုနှစ်မှာ အိန္ဒိယနိုင်ငံ အဇမ်ဂါရ်ဟ်ခရိုင်က ရွာငယ်လေးတစ်ခုမှာ ဘီလာရ်ယာ ဂန်းဂ်ျလို့ခေါ်တဲ့ ဟိန္ဒူမိသားစုကနေ မွေးဖွားခဲ့တာဖြစ်ပါတယ်။ အစ္စလာမ်သာသနာက သွန်သင်တဲ့ တန်းတူညီမျှရေး၊ တရားမျှတရေး ၀ါဒတွေကို နှစ်သက် သဘောကျခဲ့ပြီးတဲ့နောက် အသက် ၁၈ နှစ်အရွယ်မှာ သူဟာ အစ္စလာမ်ဘာသာကို ပြောင်းလဲသက်ဝင်ခဲ့ပါတယ်။ အိန္ဒိယမှာ အခြားသော ဘာသာတရားတွေကနေ အစ္စလာမ်သာသနာကို ပြောင်းလဲသက်ဝင်ကြတဲ့ အဓိကအကြောင်းအရင်းတွေထဲမှာ အစ္စလာမ်သာသနာရဲ့ သာတူညီမျှမှု၊ တရားမျှတမှု၊ အမှန်တရားအပေါ် တန်ဖိုးထားမှု၊ လူသားဆန်မှုတွေလည်း ပါဝင်ပါတယ်။

    ‘ဂါရ် ၀က်ပ်စီ’ လို အဖွဲ့တွေက ဟိန္ဒူမဟုတ်သူတွေကို ဟိန္ဒူအယူဝါဒ ပြောင်းလဲသက်ဝင်ဖို့ လှုပ်ရှားမှုတွေ တော်တော်များများ ပြုလုပ်နေပေမယ့် အိန္ဒိယက မွတ်စလင်လူ့အဖွဲ့အစည်းမှာတော့ ဒီလို ဘာသာပြောင်းဖို့ ကြိုးပမ်းတာတွေ၊ ဘာသာပြောင်းလာသူတွေကို ငွေကြေးထောက်ပံ့တာမျိုးတွေ ရှိမနေပါဘူး။

    ဒီယာ အွရ်-ရဟ်မန် အဇ်မီ ဆိုတဲ့ နာမည်တစ်လုံးဖြစ်လာကာ ‘မဒီနာ အစ္စလာမ့်တက္ကသိုလ်’ မှာ ပါမောက္ခအဖြစ် တာဝန်ထမ်းဆောင်ဖို့အထိ ဘန်ကီ လာလ်ကို တွန်းပို့ပေးခဲ့သူကတော့ ကွယ်လွန်သွားပြီဖြစ်တဲ့ အစ္စလာမ့်ဓမ္မပညာရှင်ကြီး ဟာကင် အယွဘ် ဖြစ်ပါတယ်။

    ပရော်ဖက်ဆာ အဇ်မီဟာ တက္ကသိုလ်ရဲ့ ဟဒီးဆ်ဌာန Dean of Faculty of Hadith မှာ အငြိမ်းစားယူတဲ့အထိ တာဝန်ထမ်းဆောင်ခဲ့ပြီး ၂၀၁၃ ခုနှစ်မှာတော့ မဒီနာက ‘တမန်တော်မြတ် ဗလီဝတ်ကျောင်းတော်’ ရဲ့ ဟဒီးဆ်သင်ကြားရေး ဆရာအဖြစ် ခန့်အပ်ခံခဲ့ရပါတယ်။

    ‘မဒီနာ အစ္စလာမ့်တက္ကသိုလ်’ က ဘွဲ့ရခဲ့တဲ့ အဇ်မီဟာ မက္ကာမြို့မှာရှိတဲ့ ‘ဘုရင် အဘ်ဒူလ် အဇစ် တက္ကသိုလ်’ ကနေ မဟာဘွဲ့ရခဲ့ပြီး၊ ပီအိတ်ခ်ျဒီဘွဲ့ကိုတော့ အီဂျစ်နိုင်ငံ အလ်-အဇ်ဟာရ် တက္ကသိုလ်ကနေ ရရှိခဲ့ပါတယ်။ တမန်တော် မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ) ရဲ့ သြ၀ါဒတော်တွေနဲ့ပတ်သက်ပြီး တစ်ဖက်ကမ်းခတ် တော်ခဲ့တာကြောင့် ‘မဒီနာ အစ္စလာမ့်တက္ကသိုလ်’ ရဲ့ Dean of Faculty of Hadith ဌာနမှာ ပါမောက္ခအဖြစ် ခန့်အပ်ခံခဲ့ရပါတယ်။

    ‘ကမ္ဘာ့မွတ်စလင်လိဂ်’ အပါအ၀င် မွတ်စလင်အသင်းအဖွဲ့ တော်တော်များများမှာလည်း ပါဝင်ဆောင်ရွက်ခဲ့တဲ့ အဇ်မီဟာ အစ္စလာမ့်ရေးရာ စာအုပ်စာပေ များစွာကို ရေးသားခဲ့ကာ အကျော်ကြားဆုံးကတော့ “Al-Jami’ al-Kamil fi al-Hadith al-Sahih al-Shamil” လို့ခေါ်တဲ့ ဟဒီးဆ်းကျမ်းတွဲကြီး ဖြစ်ပါတယ်။ အတွဲ ၂၀ ပါဝင်တဲ့ ဒီကျမ်းကြီးမှာ ဟဒီးဆ်ပေါင်း ၁၆၀၀၀ လောက် ပါဝင်ပြီး ဒီကျမ်းကြီးဟာ အစ္စလာမ်သာသနာသမိုင်းမှာ လူပုဂ္ဂိုလ်တစ်ဦးက ရေးသားခဲ့ပြီး အပြည့်စုံဆုံး
    ဟဒီးဆ်ကျမ်းတွေထဲက တစ်ကျမ်းအဖြစ်လည်း မှတ်တမ်းဝင်ခဲ့ပါတယ်။

    အဇ်မီရဲ့ နောက်ထပ် ကျော်ကြားတဲ့ စာအုပ်တစ်အုပ်က ဟင်ဒီဘာသာစကားနဲ့ ရေးသားထားတဲ့ ကုရ်အာန်စွယ်စုံကျမ်း “Encyclopedia of the Glorious Qurn’an” ဖြစ်ပါတယ်။ ဒီကျမ်းကြီးမှာ ကဏ္ဍပေါင်း ၆၀၀ ကျေ်လောက်ပါဝင်ပြီး ဟင်ဒီဘာသာစကားနဲ့ ပထမဆုံးရေးသားနိုင်ခဲ့တဲ့ ကုရ်အာန်စွယ်စုံကျမ်းလည်း ဖြစ်ပါတယ်။ အိန္ဒိယနိုင်ငံမှာ ဒီစာအုပ်ဟာ ရောင်းအားကောင်းနေပြီး ၈ ကြိမ်တိုင်တိုင် ပြန်လည်ထုတ်ဝေခဲ့ရပါတယ်။

    “From Ganga to Zamzam” ဆိုတဲ့ စာအုပ်မှာတော့ ဒီယာ အွရ်-ရဟ်မန် အဇ်မီဟာ ဟိန္ဒူဘာသာကနေ အစ္စလာမ်ဘာသာကို ပြောင်းလဲသက်ဝင်လာတဲ့ သူ့ရဲ့အကြောင်းကို ဖော်ပြထားပြီး၊ “Comparative Study of Judaism, Christianity and Indian Religions” ဆိုတဲ့ စာအုပ်ကတော့ ဆော်ဒီတက္ကသိုလ်တွေမှာ သင်ရိုးညွှန်းတမ်းအဖြစ် ပြဌာန်း ရတဲ့အဆင့်အထိ ရောက်ခဲ့ပါတယ်။ ဟိန္ဒူ၊ ဗုဒ္ဓဘာသာ၊ ဂျိန်းနဲ့ ဆစ်ခ်ဘာသာတရားတွေကို လေ့လာမှုဆိုင်ရာ စာအုပ်တစ်အုပ်ကိုလည်း အဇ်မီက မကြာခင် ထုတ်ဝေဖို့ ရှိနေပါတယ်။

    လက်ရှိအချိန်မှာတော့ အဇ်မီဟာ ဆော်ဒီနိုင်ငံသားအဖြစ် ခံယူကာ ဆော်ဒီအာရေဗျမှာ အခြေချနေထိုင်နေပါတယ်။

    Ref : saudigazette