အောက်တိုဘာ ၇ ၊ ၂၀၁၄
M-Media
.ခေတ်လူရေးသည်။
Credit- လဂွန်းအိမ်
ဘာသာတရားတွေတိုင်းမှာ ကွဲပြားမှုတွေ မုချ ရှိသလို တူညီမှုတွေလည်း အများကြီး ရှိပါတယ်။ သီတင်းကျွတ်လပြည့်နေ့ သတင်းလေးတွေ မြင်တော့ အတွေးလေးပေါ်လာလို့ပါ။ ဂေါတမဗုဒ္ဓကိုယ်တော်က တာဝိတိံသာမှာ မယ်တော် မိနတ်သားကို ကျေးဇူးဆပ်တဲ့အနေနဲ့ တရားဟောပြီး ပြန်အကြွမှာ လူနတ်ဗြဟ္မာတွေက ဆီမီးတွေနဲ့ ပူဇော်ကြတဲ့ အစဉ်အလာကနေလာတယ်လို့ လေ့လာမိဖူးပါတယ်။ နတ်ပြည်မှာ မယ်တော်နဲ့ နတ်သားအပေါင်းကို အဘိဓမ္မာတရားဟောခဲ့တာကြောင့် အဘိဓမ္မာ အခါတော်နေ့ လို့ လည်း ခေါ်တယ်လို့ မှတ်သားဘူးပါတယ်။ မိခင်ကျေးဇူးကြီးမြတ်ကြောင်းကို ဂေါတမဗုဒ္ဓကိုယ်တော်က သွန်သင်ပြခဲ့တာပါ။
အဲ့ဒီအစဉ်အလာကောင်းနဲ့ လူကြီးမိဘဆရာသမားရဲ့ ကျေးဇူးကို သိနားလည်မှုပြတဲ့ ဂါရဝပြု ခြင်းဓလေ့ကောင်းဟာ သီတင်းကျွတ်လပြည့်နေ့ နဲ့ အတူ ဗုဒ္ဓဘာသာဝင်တွေဆီမှာ ရှင်သန်နေပါတယ်။
အစ္စလာမ်မှာလည်း တမန်တော်မြတ် မုဟမ္မဒ်သခင် (ငြိမ်းချမ်းပါစေကြောင်း မေတ္တာပို့သအပ်ပါသည်)ဟာ ဂျန္နသ် သုခဘုံဟာ မိခင်ရဲ့ ခြေဖဝါးအောက်မှာ ရှိတယ်လို့ ကို သွန်သင်ပြခဲ့ပြီး မိခင်ကျေးဇူးလေးနက်ကြောင်းကို ပေါ်လွင်စေခဲ့ပါတယ်။ တခါ ဗုဒ္ဓဘာသာမှာ သီတင်းကျွတ်ပွဲတော်ဟာ ဥပုသ်သီတင်းသီလဆောက်တည်ပြီး ဝါတွင်းကာလလွန် ကာလဖြစ်နေပါတယ်။ အလားတူပဲ မွတ်စလင်မ်တွေရဲ့ အီးဒ်ဒုလ် ဖသိရ်ပွဲတော်ဟာ အနှိုင်းမဲ့တစ်ပါးတည်းဖြစ်တော်မူသော အလ္လာဟ်အရှင်မြတ်ရဲ့ ပြဌာန်းချက် အတိုင်း ဥပုသ်သီလကို တစ်လဆောက်တည်အပြီးမှာ ကျရောက်ပါတယ်။ (အီးဒ်ဒုလ် ဖသိရ်ပွဲတော်ကို မြန်မာပြည်မှာတော့ မုန့်အီးဒ် (သို့) စမိုင်အီးဒ်လို့ အရပ်အခေါ် လူသိများပါတယ်။)
သီတင်းကျွတ်ကာလမှာ ဗုဒ္ဓဘာသာဝင်တွေဟာ သက်ကြီးရွယ်အို၊ ဆရာသမား မိဘဆွေမျိုးတွေဆီကို သွားရောက်ပြီး ဂါရဝပြုပြီး မိမိတို့ ရဲ့ ကိုယ်နှုတ်သုံးပါးနဲ့  အမှားများ ကျူးလွန်ခဲ့မိသည်ရှိသော် ခွင့်လွှတ်ပေးပါရန် တောင်းပန် တောင်းခံကြပါတယ်။ ပြီးတော့ ဘုရားစေတီတွေဆီ ဘုရားသွားဖူးကြပါတယ်။ ငယ်ငယ်က သီတင်းကျွတ် လပြည့်ညတိုင်းနီးပါး အဖွား ဘုရားသွားဖူးတာ လိုက်သွားရင်း ရွှေတိဂုံစေတီ ပရဝဏ်မှာ လူတွေများလွန်း တိုးလွန်းတာကြောင့် လမ်းမလျှောက်ဘဲ ရွေ့ နေတဲ့ အဖြစ်ကို သွားသတိရမိရင်း အဖွားကို လွမ်းဆွတ်မိပါတယ်။
အလားတူပါပဲ မွတ်စလင်မ်တွေကတော့ မနက်ပိုင်းမှ ရေချိုးသန့် စင်ပြီး ဝတ်ကောင်းစားလှဝတ်ကာ လမ်းတလျှောက် အနှိုင်းမဲ့အရှင်ရဲ့ ကြီးမြတ်မှုနဲ့ ကျေးဇူးတော်ကို အောက်မေ့ရင်း ဗလီဝတ်ကျောင်းတော်ကိုသွား အီးဒ်ဝတ်ပြုပါတယ်။ ပြီးတာနဲ့ ဗလီဝတ်ကျောင်းတော်မှာ ဝတ်ပြုသူများအကြား လှိုက်လှိုက်လှဲလှဲ ပွေ့ ဖက်နှုတ်ဆက်ကြပြီး ကိုယ်နှုတ်သုံးပါးနဲ့ အမှားတွေ ကျူးလွန်ခဲ့သည်ရှိသော် တစ်ဦးနဲ့ တစ်ဦး အကြား ခွင့်လွှတ်ကြဖို့ တောင်းပန်(မဖ်)စကားဆိုရင်း တောင်းခံကြပါတယ်။ ပြီးတာနဲ့ လူကြီးမိဘဆွေမျိုးတွေဆီကို သွားရောက်ပြီး ဂါဝါရပြု အီးဒ်စလာမ်ဆိုကာ မိမိတို့ အမှားများရှိခဲ့သော် ခွင့်လွှတ်ဖို့ (မဖ်) တောင်းခံကြပါတယ်။
ဗုဒ္ဓဘာသာဝင်တွေက လူကြီးမိဘတွေကို သွားရောက် ဂါရဝပြု တဲ့အခါမှာ မုန့် အဝတ်အစားစသည်တို့ ဖြင့် မိမိတို့ တနိုင်လေး ဝယ်ချမ်းသွားတတ်ကြပါတယ်။ ကျေးဇူးတရားသိခြင်းကို ပြသခြင်း ချစ်စရာဓလေ့ပါ။ လူကြီးမိဘတွေကလည်း ဆုံးမသြဝါဒပေး ဆုမွန်တောင်းပေးကာ ကလေးသူငယ်တွေပါရင် ပျော်ရွှင်အောင် မုန့် ဖိုးပေးကြပါတယ်။ ဒီလိုပဲ မွတ်စလင်မ်တွေကလည်း မိမိတို့ အိမ်လုပ်မုန့် လေးတွေကို ထည့်ကာ လူကြီးမိဘများဆီသွား ဂါရဝပြု သွားရောက် သူတို့ ကလည်း သူတို့ ရဲ့ အိမ်မုန့်တွေနဲ့ ပြန်ကျွေးမွေး။ တော်တော်ကို စိတ်ကြည်နူးစရာကောင်းလှပါတယ်။ ပြီးရင် လူကြီးသူမတွေက ဆုံးမသြဝါဒပေး အလ္လာဟ်အရှင်မြတ်ဆီမှာ ဆုမွန်(ဒိုအာ)ကောင်းတောင်းပေး၊ ကလေးသူငယ်လေးတွေပါလာရင် အီးဒ်မုန့် ဖိုးပေးကြပါတယ်။
တူညီမှုတွေကြားက ကွဲပြားမှုကတော့ ဘာသာတရားက သွန်သင်တဲ့ ဂါရဝပြုခြင်းပုံစံပါ။ ဗုဒ္ဓဘာသာဝင်တွေက လူကြီးသူမတွေကို ဦးချကန့်တောခြင်းနဲ့ ဂါရဝြုပုကြပါတယ်။ အစ္စလာမ်ဘာသာဝင်တွေကတော့ ယောက်ျားချင်း မိန်းကလေးချင်း လက်ဆွဲနှုတ်ဆက်ခြင်း၊ ပွေ့ ဖက်နှုတ်ဆက်ခြင်း၊ အားလုံးကို လက်ကို ရိုသေစွာမြှောက်က စလာမ်ဆိုခြင်းပုံစံများနှင့် ဂါရဝပြုကြပါတယ်။ အစ္စလာမ်မှာ ဦးချကန်တော့ခြင်းဟာ လူသားချင်းကြားလေးစားရိုသေမှုကို ကိုယ်စားပြုခြင်းမဟုတ်ဘဲ အလ္လာဟ်ရှင်မြတ်ကို ကျိုးနွံမှုပြုခြင်းအတွက် သီးသန့် ဖြစ်တဲ့ အတွက်ကြောင့်ပါ။ ဘာသာတရားအရ ဂါရဝပြုရာမှာ ရုပ်ပိုင်းဆိုင်ရာ သရုပ်ကွဲပေမယ့် အနှစ်သာရဖြစ်တဲ့ ကျေးဇူးတရားသိတတ်ခြင်း၊ နှိမ့်ချခြင်း၊ လေးစားချစ်ခင်ခြင်း၊ ပျော်ရွှင်ခြင်းတွေကတော့ ထပ်တူပါပဲ။
ဒီပွဲတော်တွေရဲ့ အနှစ်သာရကို မသိသေးခဲ့ပေမယ့် ငါးနှစ်ခွဲခြောက်နှစ်သားလောက်မှာ အီးဒ်မုန့် ဖိုး စုစုပေါင်း ကိုးဆယ်ကျပ်လောက်ရခဲ့ဖူးတဲ့…သီတင်းကျွတ်ညဆို လာကန့်တောထားတဲ့ ကိတ်မုန့် တွေကို အဖွားကို သူ့ သမီးလတ်က စတိဦးချကျွေးပြီးတာနဲ့ ဦးဆုံးစွဲခဲ့ဖူးတဲ့…ကျွန်တော် ဒီပွဲတော်တွေရဲ့ အပေါ်ယံဓလေ့တွေကကိုပင် တော်တော်ချစ်စရာကောင်းတယ်လို့ တပ်အပ်ဆိုမိပါတယ်။
ညပိုင်းမှာ ဗုဒ္ဓဘာသာဝင် လူကြီးသူမတွေက ဘုရားသွားသူကကသွား၊ ဗုဒ္ဓကို ဆီမီးပူဇော်နေချိန် ကလေးငယ်တွေကတော့ မီးအိမ်လှည်းလေးတွေတွန်း လူရွယ်တွေ ကတော့ မီးရှူးမီးပန်းတို့ ငရဲမီးတို့ နဲ့ ပျော်ရွှင်နေကြချိန်မှာ၊ မွတ်စလင်မ်တွေကလည်း ပျော်ရွှင်မှုနဲ့ အတူ ဆုတောင်းဝတ်ပြုခြင်း ကုရ်အာန်ကျမ်းတော်မြတ်ကို ရွတ်ဖတ်သရဇ္ဇယ်ခြင်းတွေကို ပြု လုပ်ကြပါတယ်။ ကျွန်တော်တို့ လို့ ဗုဒ္ဓဘာသာဝင်လူများစု မွတ်စလင်မ်လူနည်းစု ရပ်ကွက်တွေမှာ နေထိုင်သူတွေက မြန်မာပြည်ရဲ့ ဘာသာတရားတွေအကြား သဟဇာတဖြစ်မှုရဲ့ ချစ်စရာဓလေ့တစ်ခုကို ထပ်မံ ခံစားနိုင်ခဲ့ပါသေးတယ်။ အဲ့ဒါကတော့ ဗုဒ္ဓဘာသာဝင်တွေက မုန့် အီးဒ်ဆိုပြီး ခေါ်ကြတဲ့ အီးဒ်ဒုလ်ဖသရ်မှာ ညနေစောင်းဆို ဗုဒ္ဓဘာသာဝင်အိမ်နီးချင်း အသိမိတ်ဆွေတွေက သူတို့ မိတ်ဆွေ၊ အိမ်နီးချင်း မွတ်စလင်မ်ရဲ့ မုန့် ချို ဆမိုင်လ်ကို စောင့်မျှော်နေပါပြီ။ မွတ်စလင်မ်တွေကလည်း အိမ်မှာ ကိုယ်တိုင်လုပ်ရင် လုပ် မလုပ်ရင်လည်း ဆွေမျိုး မိဘတွေက ထည့်ပေးလိုက်တဲ့ မုန့် ချိုကို သူတို့ရဲ့ အိမ်နီးချင်း မိတ်ဆွေရင်းတွေကို ပေးဖို့ အသင့်ဖြစ်နေပါပြီ။ တော်တော်ကို ချစ်စရာကောင်းပြီး ပီတိဖြစ်ဖွယ် မြင်ကွင်းပါ။
ဒီနေ့ မှာတော့…တိုင်းပြည်၊ ပြည်သူနဲ့ မိမိတို့ ကိုးကွယ်ရာ ဘာသာတရားအပေါ်မှာ သစ္စာမရှိတဲ့ သင်္ကန်းစည်းနဲ့ လူဝတ်ကြောင်တစ်စု၊ နိုင်ငံရေး ငတ်ကြီးကျနေတဲ့သူ တစ်စုကြောင့် ဒီချစ်စရာကောင်းတဲ့ သဟဇတဖြစ်မှုတွေ ပျက်သုန်းသွားတော့မလားလို့ ကျွန်တော်တကယ်ကို စိုးရိမ်နေမိပါတယ်။
ဒီပွဲတော်နှစ်ခု တနေ့ တချိန်မှာ တစ်ရက်တည်း ကျရောက်ဦးမှာပါ။ ဘာလို့ လဲဆိုတော့ အစ္စလာမ့်ပြက္ခဒိန်က လဗဟိုပြုထားတာဖြစ်တဲ့အတွက်ပါ။ ဆယ်ရက် ဆယ်ရက် စောစောသွားပါတယ်။ ဒါပေမယ့် တစ်ရက်တည်းကျဖို့တော့ တပတ်လည်အောင် နှစ်တော်တော်ကြာစောင့်ရဦးမှာပါ။ တစ်ရက်တည်းထပ်တူကျတာ မကျတာထက်…ကွဲပြားမှုတွေကြားက တန်ဖိုးလေးအချို့ ထပ်တူကြနေဖို့နဲ့ ချစ်စရာ သဟဇာတဖြစ်မှုလေးတွေကို ထိန်းသိမ်းထားဖို့က ပိုအရေးကြီးပါတယ်…။ ။
