News @ M-Media

Tag: IS

  • IS အဖွဲ့အား တွန်းလှန်ရန် အာရပ်နိုင်ငံများ အဖွဲ့ချုပ် ဆုံးဖြတ်ချက်ချ

    IS အဖွဲ့အား တွန်းလှန်ရန် အာရပ်နိုင်ငံများ အဖွဲ့ချုပ် ဆုံးဖြတ်ချက်ချ

    စက်တင်ဘာ ၉ ၊ ၂၀၁၄
    M-Media

    201497172330617734_20
    အာရပ်လိဂ် အထွေအထွေ အတွင်းရေးမှူးချူပ်

    – ဆီးရီးယားနှင့် အီရတ်နိုင်ငံ နယ်မြေအချို့ကို သိမ်းယူကာ အကြမ်းဖက်သတ်ဖြတ်မှုများ လုပ်ဆောင်နေသည့် IS အဖွဲ့အား တွန်းလှန်ရေး လိုအပ်သော ဆောင်ရွက်မှုများ ပြုလုပ်သွားရန် အာရပ်နိုင်ငံများအဖွဲ့ချုပ် အာရပ်လိဂ်က ဆုံးဖြတ်ခဲ့ပြီး နိုင်ငံတကာနှင့် ဒေသတွင်း အားထုတ်မှုများအတွင်း ပူးပေါင်းဆောင်ရွက်သွားရန်လည်း သဘောတူညီခဲ့သည်ဟု သိရသည်။

    တနင်္ဂနွေနေ့က ပြုလုပ်ခဲ့သည့် အစည်းအဝေးတွင် ထိုကဲ့သို့ သဘောတူညီခဲ့ခြင်းဖြစ်ပြီး IS အဖွဲ့ထံသို့ နိုင်ငံခြားမှ တိုက်ခိုက်ရေးသမားများ သွားရောက်ခြင်းနှင့် ထောက်ပံ့ငွေများ ပေးအပ်ခြင်းတို့ကို နှိပ်ကွပ်ရန် အဖွဲ့ဝင်များကို တိုက်တွန်းထားသည့် ကုလ၏ ဆုံးဖြတ်ချက်ကိုလည်း ထောက်ခံကြောင်း အာရပ်လိဂ်က ပြောကြားခဲ့သည်။

    အာရပ်အဖွဲချုပ်အကြီးအကဲ နဘီလ် အလ်-အာရဘီကမူ IS အဖွဲ့အား စစ်ရေးအရနှင့် နိုင်ငံရေးအရပါ အရေးယူရရန်လိုအပ်ကြောင်း ပြောကြားခဲ့ပြီး၊ အာရပ်နိုင်ငံများအတွင်း အုပ်စုဖွဲ့တိုက်ခိုက်မှုများအား အဖွဲ့ဝင် ၂၂ နိုင်ငံစလုံးက မဖြေရှင်းနိုင်မှုနှင့် ပတ်သက်၍လည်း ဝေဖန်ပြောဆိုခဲ့သည်။

    “ဒေတွင်းပြဿနာတွေကို အာရပ်လိဂ်က ကြားဝင်ဖြေရှင်းဖို့ အာရပ်နိုင်ငံတွေက လက်မခံကြဘဲ စစ်ရေးအပါအ၀င် နိုင်ငံခြားတိုင်းပြည်တွေရဲ့ ၀င်ရောက်ဖြေရှင်းမှုတွေကို တံခါးမရှိဓားမရှိ ဖွင့်ပေးထားပါတယ်” ဟု သူက ဆိုသည်။

    ဒေသအတွင်း လိုအပ်လာသည့်အခါ အာရပ်လိဂ်အဖွဲ့အောက်မှ စစ်ရေးအရအရေးယူမှုများ ပြုလုပ်နိုင်ရန် အာရပ်နိုင်ငံများ ကာကွယ်ရေးစာချုပ်ကို အကောင်အထည်ဖော်ရန် အတွက်လည်း အာရဘီက တိုက်တွန်းခဲ့သည်။

    ထိုအစည်းအဝေးသို့ တက်ရောက်ခဲ့သည့် ပါလက်စတိုင်းသမ္မတ မဟ်မူးဒ်အဘတ်စ်ကလည်း အာရပ်နှင့် အစ္စလာမ့်မစ်နိုင်ငံများအား ခြိမ်းခြောက်နေသည့် အစွန်းရောက်ဝါဒအား စိုးရိမ်မိကြောင်း ပြောကြားခဲ့သည်။

    ref_Agencies

  • IS (ISIS) အဖွဲ့အား မွတ်စလင်များက တွန်းလှန်တိုက်ခိုက် ရမည်ဟု ဆော်ဒီ မွဖ်သီချုပ်ပြောပြီ

    IS (ISIS) အဖွဲ့အား မွတ်စလင်များက တွန်းလှန်တိုက်ခိုက် ရမည်ဟု ဆော်ဒီ မွဖ်သီချုပ်ပြောပြီ

    စက်တင်ဘာ ၈ ၊ ၂၀၁၄
    M-Media
    Abdul Aziz al-Sheik
    – အစ္စလာမ်သာသနာနှင့် သွေဖည်သော လုပ်ရပ်များကြောင့် IS အဖွဲ့အား အစ္စလာမ်၏ နံပါတ် ၁ ရန်သူဖြစ်သည်ဟု ပြောကြားခဲ့သည့် ဆော်ဒီရှိ အကြီးဆုံးမွဖ်သီ (ဓမ္မသတ်မှူးချူပ်)  ရှိက်ခ်အဗ်ဒွလ် အဇစ်စ် က မွတ်စလင်များအနေဖြင့် IS အား လက်နက်ကိုင်၍ ပြန်လည် တွန်းလှန်ရမည်ဟု တိုက်တွန်းပြောကြားလိုက်သည်။

    “ဒီအုပ်စုဟာ မှားနေပါတယ်။ တကယ်လို့ သူတို့ဟာ မွတ်စလင်တွေကို တိုက်ခိုက်ရင် သူတို့ကို ပြန်လည်တွန်းလှန်ပြီး ဘာသာတရားနဲ့ ပြည်သူတွေရဲ့ အဝေးကိုရောက်သွားစေဖို့ မွတ်စလင်တွေမှာ တာဝန်ရှိပါတယ်။ သူတို့ဟာ မကောင်းဆိုးဝါးတွေပါ။ ပြည်သူတွေကို စက်ဆုပ်စရာကောင်းတဲ့ ပုံစံမျိုးနဲ့ သတ်ဖြတ်နေပါတယ်။ သူတို့ရဲ့ ကြောက်မက်ဖွယ်ကောင်းတဲ့၊ ဆိုးရွားတဲ့ လုပ်ရပ်တွေက အစ္စလာမ်ရဲ့ပုံရိပ်ကို မှေးမှိန် ညှိုးနွမ်းစေပါတယ်” ဟု မွဖ်သီချုပ် ၏ ပြောကြားမှုကို ဆော်ဒီနေ့စဉ်သတင်းစာ Al Eqtisadiya ၌ မန်နေ့တွင် ဖော်ပြခဲ့သည်။

    ဆီးရီးယားနှင့် အီရတ်ရှိ နယ်မြေအချို့ကို သိမ်းယူထားပြီး အကြမ်းဖက်သတ်ဖြတ်မှုများ ပြုလုပ်နေသော IS အဖွဲ့ကို ကမ္ဘာတစ်ဝှမ်းလုံးရှိ မွတ်စလင်များက ရှုတ်ချနေပြီး၊ ထိုအဖွဲ့အား ဆန့်ကျင်သော ဆန္ဒပြပွဲများကိုလည်း ဆောင်ရွက်ခဲ့ကြသည်။

    ပြည်သူအားလုံး အထူးသဖြင့် လူငယ်များအနေဖြင့် ထိုအဖွဲ့၏ ဆော်သြမှုနောက်ကို မလိုက်ရန်အတွက်လည်း မွဖ်သီချုပ်က သတိပေးပြောကြားခဲ့သည်။

    “ကိုယ့်ရဲ့တိုင်းပြည်ကို မုန်းတီးဖို့၊ ကိုယ့်ရဲ့ပြည်သူတွေ၊ ခေါင်းဆောင်တွေကို ပစ်မှတ်ထားတိုက်ခိုက်ဖို့ လှုံ့ဆော်ပေးသူတွေဟာ သင်တို့ကို လိမ်ညာနေတာသာဖြစ်ပြီး၊ သင်တို့ရဲ့ တန်ဖိုးကို လျော့ကျစေချင်တာပါ။ သင်တို့ကို ကူညီဖို့ မဟုတ်ပါဘူး။ ကျွန်တော်တို့ရဲ့ လူငယ်တွေနဲ့ သူတို့ရဲ့ စိတ်ဓာတ်တွေကို ဆိုးရွားတဲ့ စာရိတ္တပျက်စီးမှုတွေ၊ အကျည်းတန်မှုတွေကနေ ကာကွယ်ဖို့ လိုအပ်ပါတယ်”

    မွဖ်သီချုပ် ရှိက်ခ်အဗ်ဒွလ် အဇစ်စ်  မှာ ပြီးခဲ့သည့် ရက်အနည်းငယ်အရင်ကလည်း အလ်ကိုင်းဒါးနှင့် IS အဖွဲ့တို့အား ရှုတ်ချမှုများပြုလုပ်ခဲ့ပြီး ထိုအဖွဲ့များမှာ အစ္စလာမ်၏ နံပါတ်တစ်ရန်သူဖြစ်သည်ဟု ပြောကြားခဲ့သည်။

    ယခုလအစောပိုင်းတွင် အီဂျစ်ရှိ နာမည်ကျော် မွဖ်သီ ရှော်ကွီ အလမ်က IS အဖွဲ့၏ ရက်စက်ကြမ်းကြုတ်သော လုပ်ရပ်များနှင့် အစ္စလာမ်သာသနာ၏ စည်းမျဉ်းစည်းကမ်းများ၊ သွန်သင်ချက်များကို ချိုးဖောက်မှုများအတွက် IS အဖွဲ့အား ရှုတ်ချခဲ့သည်။

    အိန္ဒိယရှိ မွတ်စလင်အဖွဲ့အစည်းများကလည်း IS အဖွဲ့အား ဆန့်ကျင်ခဲ့ကြပြီး  သမိုင်းဝင်နေရာများကို ဖျက်ဆီးမှုများ၊  ဂိုဏ်းဂဏ၀ါဒအား အားပေးထောက်ခံမှုနှင့် မွတ်စလင်လူ့အဖွဲ့အစည်းအတွင်း သွေးကွဲစေမှုများမှာ စစ်မှန်သည့် အစ္စလာမ့် နိုင်ငံတော်ဖြစ်လာစေရန် အထောက်အကူမပြုဟု ပြောကြားခဲ့သည်။

    အင်ဒိုနီးရှားရှိ အကြီးဆုံးအစ္စလာမ့်အဖွဲ့ဖြစ်သည့် Nahdlatul Ulama (NU) အဖွဲ့ကလည်း IS ကို ရှုတ်ချခဲ့ပြီး အစိုးရအနေဖြင့် ထိုလှုပ်ရှားမှုများ အင်ဒိုနီးရှားနိုင်ငံ အတွင်းသို့ ပြန့်နှံ့ဝင်ရောက်မှု မရှိစေရန်အတွက် ခိုင်မာသည့်အရေးယူမှုများ ပြုလုပ်ရန် တိုက်တွန်းခဲ့သည်။

    ref_OnIslam & Newspapers

  • မွတ်စလင်ကမ္ဘာတွင် ISIS(ISIL) အဖွဲ့အား ဆန့်ကျင်မှုများ များပြားလာ

    မွတ်စလင်ကမ္ဘာတွင် ISIS(ISIL) အဖွဲ့အား ဆန့်ကျင်မှုများ များပြားလာ

    စက်တင်ဘာ ၄ ၊ ၂၀၁၄
    M-Media

    ဒုတိယမြောက် အမေရိကန်ဂျာနယ်လစ်အား သတ်ဖြတ်ခဲ့ပြီးနောက် မွတ်စလင်ကမ္ဘာတွင် IS အဖွဲ့အား ဆန့်ကျင်မှုများ များပြားလာ

    SunniRebels-Scholars-Reject-ISIL-Caliphate

    – ဆီးရီးယားတွင် ဖမ်းဆီးခြင်းခံထားရသည့် ဒုတိယမြောက် အမေရိကန် ဂျာနယ်လစ် စတီဗင် ဆော့တ်လုဖ်ကို IS အဖွဲ့က သတ်ဖြတ်မှုက မွတ်စလင် ကမ္ဘာအား ဒေါသထွက်စေ ခဲ့ပြီး အစ္စလာမ့် အဆုံးအမနှင့် ဆန့်ကျင်သည့် IS အဖွဲ့အား ရှုတ်ချ ဆန့်ကျင်မှုလည်း ပိုမိုတိုးပွားလာခဲ့သည်။

    “အစ္စလာမ့်မစ်နိုင်ငံတော်လို့ခေါ်တဲ့ IS က ဆီးရီးယားမှာ အမေရိကန် ဂျာနယ်လစ် စတီဗင်ဆော့လုဖ်ကို ခေါင်းဖြတ်သတ်တာဟာ ရိုင်းစိုင်းတဲ့လုပ်ရပ်၊ အစ္စလာမ်သာသနာရဲ့ မြင့်မြတ်တဲ့ သင်ကြားမှုနဲ့ ဆန့်ကျင်တဲ့လုပ်ရပ်ပါပဲ။ အပြစ်မဲ့တဲ့လူကို သတ်ဖြတ်တာကို အစ္စလာမ်သာသနာနဲ့ တန်းညှိလို့မရပါဘူး” ဟု အီဂျစ်ရှိ အလ်-အဇ်ဟာရ် အစ္စလာမ့်တက္ကသိုလ် အစ္စလာမ့်လေ့လာမှုဌာနမှ ပါမောက္ခ ဒေါက်တာ ၀ါအိ ရှီဟဘ်က ယမန်နေ့တွင် OnIslam.net သို့ ပြောကြားခဲ့သည်။

    မိမိတို့တပ်ဖွဲ့များအား အမေရိကန်က လေကြာင်းမှတိုက်ခိုက်မှုများ ပြုလုပ်မှုကို လက်စားချေခြင်းဟုဆိုကာ စတီဗင်အား ခေါင်းဖြတ်သတ်သည့် ဗီဒီယိုကို IS အဖွဲ့က အင်္ဂါနေ့တွင် လွှင်တင်ခဲ့ပြီး ဖမ်းဆီးထားသည့် အခြား ဗြိတိန်ဂျာယ်လစ်တစ်ဦးကိုလည်း သတ်ဖြတ်ပစ်မည်ဟု ခြိမ်းခြောက်ခဲ့သည်။ စတီဗင်မှာ ဂျိမ်းဖိုလေးပြီးနောက် IS အဖွဲ့၏ သတ်ဖြတ်ခြင်းကို ခံခဲ့ရသည့် ဒုတိယမြောက် အမေရိကန် ဂျာနယ်လစ်ဖြစ်သည်။

    “ဂျာနယ်လစ်တွေကို အခြားသော အရပ်သားတွေလိုပဲ စစ်ဖြစ်နေချိန်မှာတောင်မှ အစ္စလာမ့်ဥပဒေက အကာကွယ်ပေးထားပြီး ကမ္ဘာလုံးဆိုင်ရာ သဘောတူညီချက်တွေမှာလည်း ဒီလို အကာအကွယ်ပေးထားပါတယ်။ ဒ့ါကြောင့် တစ်ကမ္ဘာလုံးက မွတ်စလင်တွေ ရှုတ်ချနေတဲ့ ဒီရာဇ၀တ်မှုကို ကျူးလွန်တဲ့ IS ဟာ အစ္စလာမ့်ရဲ့ တန်ဖိုးတွေကို ဗြောင်ချိုးဖောက်တာပါပဲ” ဟု ရှီဟဘ်က ထည့်သွင်းပြောကြားခဲ့သည်။

    IS ၏ ထိုလုပ်ရပ်အတွက် အမေရိကန်ရှိ အကြီးဆုံး မွတ်စလင်အဖွဲ့အစည်းဖြစ်သော အမေရိကန်-အစ္စလာမ် ဆက်ဆံရေးအဖွဲ့ CAIR ကလည်း ယမန်နေ့တွင် ကြေညာချက် ထုတ်ကာ ပြင်းပြင်းထန်ထန် ကန့်ကွက်ရှုတ်ချခဲ့သည်။

    “အစ္စလာမ်ရဲ့သွန်သင်မှုနဲ့ ဆန့်ကျင်တဲ့ အကြမ်းဖက်အဖွဲ့ IS ရဲ့လုပ်ရပ်အတွက် အမေရိကန်နဲ့ ကမ္ဘာတစ်ဝှမ်းက မွတ်စလင်တွေရဲ့ တုန်လှုပ်မှု၊ ရွံရှာမှုနဲ့ ၀မ်းနည်းမှုတွေဟာ ပြောပြလို့ကို မရပါဘူး။ IS ရဲ့ ရာဇ၀တ်မှု ကျူးလွန်မှုတွေက အစ္စလာမ်သာသနာနဲ့ ဖြောင့်ဖြောင့်ကြီး ဆန့်ကျင်နေပါတယ်” ဟု CAIR မှ ထုတ်ပြန်သော ကြေညာချက်တွင် ဖော်ပြထားသည်။

    ထို့ပြင် ငြိမ်းချမ်းရေး၊ တရားမျှတမှုတို့အား မြှင့်တင်ရန်အတွက် ဘာာပေါင်းစုံမှ လူများ၏ ကြိုးစားအားထုတ်မှုကို ၂ ဆမြှင့်ကာ အဆိုပါ ရိုင်းစိုင်းကြမ်းကြုတ်သော လုပ်ရပ်များကို ရင်ဆိုင်ရမည်ဖြစ်ကြောင်း၊ မိမိတို့နှလုံးသားများမှာ စတီဗင်၏ မိသားစုများ၊ IS အဖွဲ့၏ သတ်ဖြတ်မှုကို ခံခဲ့ရသူများ၏ မိသားစုများနှင့်အတူ ကြေကွဲ ၀မ်းနည်း ရပါကြောင်း အဆိုပါကြေညာချက်တွင် ထည့်သွင်း ဖော်ပြထားသည်။

    အမေရိကန်နိုင်ငံတစ်ဝှမ်းရှိ အစ္စလာမ်ဘာသာရေးခေါင်းဆောင်များကလည်း IS ၏ လုပ်ရပ်များကို ပြင်းပြင်းထန်ထန် ကန့်ကွက်ရှုတ်ချကြောင်း ကြေညာချက်များ ထုတ်ပြန်ခဲ့သည်။

    အီဂျစ်ရှိ ဒုတိယအကြီးဆုံး အစ္စလာမ်ဘာသာရေးအဖွဲ့ဖြစ်သည့် Fatwa House ကလည်း စတီဗင် ဆော့တ်လုဖ်အား သတ်ဖြတ်ခဲ့သည့်လုပ်ရပ်မှာ ကမ္ဘာတစ်ဝှမ်းရှိ အစ္စလာမ်သာသနာနှင့် မွတ်စလင်တို့၏ပုံရိပ်ကို ထိခိုက်စေသည်ဟု ပြောကြားခဲ့သည်။ အဆိုပါ Fatwa House မှာ IS အားဆန့်ကျင်သည့် ကမ္ဘာ့လုံးဆိုင်ရာ အွန်လိုင်းလှုပ်ရှားမှုတစ်ခုကို လုပ်ဆောင်နေသော အဖွဲ့လည်းဖြစ်သည်။

    IS အဖွဲ့ဝင်အများစုမှာ ဆီးရီးယားသမ္မတ ဘာရှာအလ်အာဆတ်အား ဆန့်ကျင်တိုက်ခိုက်ရန် အမေရိကန်က လက်နက်တပ်ဆင်လေ့ကျင့်ပေးထားသည့် ဆီးရီးယားသူပုန်များ ဖြစ်ကြသည်ဟု မီဒီယာများက ကျယ်ကျယ်ပြန့်ပြန့် ဖော်ပြခဲ့ကြသည်။

    အရှေ့အလယ်ပိုင်းအရေး ကျွမ်းကျင်သူများကလည်း IS အဖွဲ့အား လက်နက်ထောက်ပံ့သည့်နိုင်ငံများမှာ အမေရိကန်၏ မဟာမိတ်နိုင်ငံများဖြစ်သည့် အစ္စရေးနှင့် ဗြိတိန်တို့သာဖြစ်နိုင်သည်ဟု ခန့်မှန်းထားသည်။

    IS အဖွဲ့၏ ခေါင်းဆောင်ဖြစ်ပြီး ခလီဖာအဖြစ် ကြေညာထားသူ ဘဂ္ဂါဒီမှာ အစ္စရေးထောက်လှမ်းရေး မော့ဆက်အဖွဲ့မှ ထောက်လှမ်းရေးတစ်ဦးဖြစ်သည်ဟု ဆိုရှယ် စာမျက်နှာများတွင် ကျယ်ကျယ်ပြန့်ပြန့် ဖော်ပြခဲ့သော်လည်း တရားဝင်အထောက်များ ထွက်ပေါ်လာခြင်းမရှိသေးပေ။

    Ref=OnIslam & News Agencies

  • အီရတ် မြောက်ပိုင်းရှိ IS တပ်များအား အမေရိကန်က လေကြောင်းမှ တိုက်ခိုက်

    အီရတ် မြောက်ပိုင်းရှိ IS တပ်များအား အမေရိကန်က လေကြောင်းမှ တိုက်ခိုက်

    သြဂုတ် ၃၁၊ ၂၀၁၄
    M-Media
    2014830223150125734_20
    – IS မှ ၀န်းရံပိတ်ဆို့ထားသော အီရတ်မြောက်ပိုင်း အမာရ်လီမြို့မှ  IS  ခံတပ်ဖွဲ့များကို အမေရိကန်တိုက်လေယာဉ်များက တိုက်ခိုက်ခဲ့ပြီး ပိတ်ဆို့ခံထားရ သူများအား လေကြောင်းမှ အကူအညီများ ချပေးခဲ့သည်ဟု ပင်တဂွန်က ယမန်နေ့တွင် ပြောကြားခဲ့သည်။

    အဆိုပါ မြို့မှာ IS အဖွဲ့၏ ၂ လကျော်ကြာ ပိတ်ဆို့ထားမှုကို ခံနေရပြီး အီရတ်စစ်တပ်နှင့် ကာဒ့်များက ပူပေါင်းကာ IS အဖွဲ့များကို ပြန်လည်ခုခံနေသည်။ ထိုမြို့ရှိ ပြည်သူ ထောင်ပေါင်းများစွာမှာ အစားအသောက်နှင့် သောက်သုံးရေ ပြတ်လတ်နေပြီး စနေနေ့ကလည်း အမေရိကန်၊ ဗြိတိန်၊ ပြင်သစ်နှင့် သြစတေးလျ လေယာဉ်များက ၎င်းတို့အတွက် အကူအညီများ ချပေးခဲ့သည်။

    အမေရိကန် ဒရုန်းလေယာဉ်များမှာ မူဆိုးလ် ရေကာတာရှိ IS အဖွဲ့များကိုလည်း တိုက်ခိုက်ခဲ့ပြီး၊ ပြီးခဲ့သည့် သီတင်းပတ်များအတွင်း IS အဖွဲ့အားများ လေကြောင်းမှ တိုက်ခိုက်မှုများ တောက်လျှောက်ပြုလုပ်ခဲ့သည်။

    ref_ Al Jazeera and agencies

  • အမေရိကန်က ပေးတဲ့ဓားတွေနဲ့ ကျွန်မတို့ သားတွေ ခေါင်းဖြတ်သတ်ခံ ရတာကို ထိုင်ကြည့်နေရတာပါ

    အမေရိကန်က ပေးတဲ့ဓားတွေနဲ့ ကျွန်မတို့ သားတွေ ခေါင်းဖြတ်သတ်ခံ ရတာကို ထိုင်ကြည့်နေရတာပါ

    သြဂုတ် ၃၁ ၊ ၂၀၁၄
    M-Media

    ဂျီမ်းဖိုလေး၏ မိခင်ထံသို့ လိပ်မှု၍ ဆီးရီးယား မိခင်တစ်ဦး စာတစ်စောင်ပေးပို့

    SyrianMother-Pens-Letter-to-Foleys-Mother

    – မကြားသေးမီရက်များအတွင်းက IS အဖွဲ့၏ သတ်ဖြတ်ခြင်းကို ခံခဲ့ရသည့် အမေရိကန် ဂျာနယ်လစ်ဂျိမ်းဖိုလေး၏ မိခင် ဒီအိန်း ဖိုလေးသို့ ရည်ညွှန်းကာ IS ၏ သတ်ဖြတ်မှုကြောင့် သားဖြစ်သူ ဆုံးပါးခဲ့ရသည့် ဆီးရီးယား မိခင်တစ်ဦးက စာတစ်စောင်ရေးသားခဲ့သည်ဟု သိရသည်။

    “ချစ်လှစွာသောဒီအိန်း… ကျွန်မရဲ့သားလေးက သူရဲ့ယုံကြည်ချက် သူ့ရဲ့နိုင်ငံကို ကာကွယ်ရင်းနဲ့ ကျဆုံးခဲ့ရပါတယ်။ အမေရိကန်အစိုးရက ပေးတဲ့ဓားတွေ (လက်နက်တွေ)နဲ့ ကျွန်မတို့သားတွေ ခေါင်းဖြတ်သတ်ခံနေရတာကို ဆီးရီးယားက မိခင်တွေဖြစ်ကြတဲ့ ကျွန်မတို့က ထိုင်ကြည့်နေကြရတာပါ” ဟု အစချီကာ အမည်ဖော်ပြမထားသည့် ဆီးရီးယားမိခင်တစ်ဦး ပေးပို့ထားသည့်စာအား Fars News Agency သတင်းဌာနက ယမန်နေ့တွင် ဖော်ပြခဲ့သည်။

    ဘာရှာအလ် အာဆတ်အစိုးရအား ဖြုတ်ချရန်ကြိုးစားသည့် ဆီးရီးယားအတိုက်အခံများအား အမေရိကန်နှင့် အနောက်နိုင်ငံများမှ လက်နက်များ တပ်ဆင်ပေးခဲ့ပြီးနောက် ၂၀၁၁ ခုနှစ် နှစ်ဆန်းပိုင်းမှစ၍ ဆီးရီးယားတွင် ပြည်တွင်းစစ် ဖြစ်ခဲ့ရပြီး လူပေါင်း သိန်းချီသေဆုံးခဲ့ရသည်။

    ဆီးရီးယားနှင့် အီရတ်ရှိ နယ်မြေများကို သိမ်းယူထားသည့် IS အဖွဲ့မှာလည်း အမေရိကန်က လက်နက်တပ်ဆင်ပေးထားသည့် ဆီးရီးယားသူပုန်များဖြစ်ကြသည်ဟု မီဒီယာများက ဖော်ပြခဲ့ကြသည်။

    ဆီးရီးယားရှိ မိခင်မှ ဖိုလေးမိခင်အား ရည်ညွှန်းရေးသားသည့် စာတွင်လည်း IS အကြမ်းဖက်သမားများ၏ လက်ထဲတွင်ရှိနေသည့်လက်နက်များက ပင်လယ်ကွေ့ ရေနံများမှ ရရှိသည့် ငွေများဖြင့် အစ္စရေးလက်နက်စက်ရုံများမှ ၀ယ်ယူထားခြင်း ဖြစ်သည်ဟု ထည့်သွင်းရေးသားထားသည်။

    ထို့ပြင် ဒီအိန်းအနေဖြင့် ဆီးရီးယားသို့လာရောက်ကာ “အမေရိကန်ဦးဆောင်သည့် အကြမ်းဖက်သမားများ” ကြောင့် သားသမီးများ သေဆုံးသွားခဲ့သည့် ဆီးရီးယားမိခင်များ၏ ငိုသံကို နားထောင်ရန်အတွက်လည်း ဖိတ်ခေါ်ခဲ့သည်။

    “ချစ်ရစွာသော ဒီအိန်း…. ကျွန်မတို့ ဟစ်အော်နေကြပေမယ့် ဘယ်သူမှ ကျွန်မတို့အသံကို မကြားကြပါဘူး။ ဘယ်သူမှလည်း ကျွန်မတို့ကို မကူညီခဲ့ကြပါဘူး။ ရှင့်သားသေဆုံးရတာ၊ ရှင့်ရဲ့နှလုံးသားတွေကွဲကြေရတာနဲ့ အိမ်ဖြူတော်ဘေးမှာ ကြေကွဲဆို့နင့်စွာ ရှင်တို့ ငိုယိုတဲ့အသံတွေက လူသားဆန်တဲ့ စိတ်ဓာတ်လေးတွေ ဖြစ်ပေါ်ပြီး လစ်လျူရှုထားတဲ့ ရှင်တို့အစိုးရကို နိုးထစေနိုင်လောက်ပါမှာ” ဟု သူမက ထည့်သွင်းရေးသားခဲ့သည်။

    IS ၏ ရပ်စက်ကြမ်းကြုတ်မှုများကို ကမ္ဘာတစ်ဝှမ်းမှ အစ္စလာမ်ဘာသာဝင်များနှင့် အစ္စလာမ်ဘာသာရေးခေါင်းဆောင်များက ပြင်းပြင်းထန်ထန်ကန့်ကွက်ရှုတ်ချပြီး ၎င်းတို့၏လုပ်ရပ်များမှာ အစ္စလာမ်သာသနာ၏ သွန်သင်ချက်များအား ဗြောင်ချိုးဖောက်နေခြင်းသာဖြစ်သည်ဟု ပြောဆိုခဲ့ကြသည်။

    ပြီးခဲ့သည့် သီတင်းပတ်ကပင် ဆော်ဒီရှိ အကြီးဆုံးမွဖ်သီချုပ်က IS မှာ အစ္စလာမ်၏ နံပါတ် ၁ ရန်သူဖြစ်သည်ဟု ပြောကြာခဲ့ပြီး၊ အီဂျစ်ရှိ ထိပ်တန်းမွဖ်သီများကလည်း IS မှာ အစ္စလာမ်အတွက် အန္တရာယ်ဖြစ်ကာ ဆန့်ကျင်ရမည်ဖြစ်ကြောင်း ပြောကြားခဲ့ကြသည်။

    ref_OnIslam & News Agencies