Tag: IS

ဆီးရီးယားရှိ အစ္စလာမ့် သမိုင်းဝင်အမွေအနှစ်နှစ်ခုကို IS ဖောက်ခွဲဖျက်ဆီးပြန်

ဇွန် ၂၄၊ ၂၀၁၅
M-Media

– ဆီးရီးယားနိုင်ငံ ပါလ်မိုင်ရာမြို့အနီးရှိ အစ္စလာမ့် ရှေးဟောင်းသမိုင်းဝင် ဗိမာန်နှစ်ခုကို ဖျက်ဆီးပစ်လိုက်ပြီဟု IS အဖွဲ့က ပြောကြားလိုက်သည်။

ပါလ်မိုင်ရာမြို့ကို လွန်ခဲ့သည့် တစ်လခန့်က IS မှ သိမ်းပိုက်ခဲ့ခြင်းဖြစ်ပြီး အဆိုပါမြို့မှ ၄ ကီလိုမီတာကွာဝေးသော နေရာရှိ ဗိမာန်နှစ်ခုအား စနေနေ့တွင် ဖောက်ခွဲဖျက်ဆီးပြီး အုတ်ပုံဖြစ်သွားသည့် ဓာတ်ပုံများကို အွန်လိုင်းစာမျက်နှာတွင် လွှင့်တင်ခဲ့သည်။

ထိုကဲ့သို့ဖျက်ဆီးမှုမှာ ပါလ်မိုင်ရာမြို့အား သိမ်းပိုက်ပြီးနောက် ယူနက်စကို၏ သမိုင်းဝင်အမွေအနှစ်အဖြစ် စာရင်းသွင်းခြင်းခံထားရသော ကျော်ကြားသည့် ရှေဟောင်းနေရာများ၌ ပထမဆုံး ဖျက်ဆီးခံရခြင်းလည်း ဖြစ်သည်။

ဓာတ်ပုံများတွင် တမန်တော်မိုဟာမက်၏ ၀မ်းကွဲညီအကို အီမာမ်အလီ၏ ရောင်းရင်းဖြစ်သော မိုဟာမက်ဘင်အလီ၏ တောင်ပေါ်ဗိမာန်ကို ဖောက်ခွဲမှုကြောင့် ထွက်ပေါ်လာသည့် မီးခိုးလုံးများကို တွေ့ရှိခဲ့ရသည်။

ဒုတိယတစ်ခုမှာ ဆူဖီပညာရှင်တစ်ပါးဖြစ်သော နီဇာရ် အဘူ အာဟာ အက်ဒင်းအတွက် လွန်ခဲ့သည့် နှစ် ၅၀၀ ကျော်က ဆောက်လုပ်ခဲ့သည့် ဗိမာန်ဖြစ်သည်။

IS က ထုတ်ပြန်သောကြေညာချက်တွင် မိမိတို့အနေဖြင့် ရုပ်ထုကိုးကွယ်မှုနှင့် ဆက်နွယ်သည့် ရုပ်တုများနှင့် ဗိမာန်များကို ဖျက်ဆီးပစ်မည်ဟု ဖော်ပြခဲ့သည်။

အီရတ်နိုင်ငံရှိ သမိုင်းဝင်နေရာများကို ဖျက်ဆီးခဲ့သည့် IS ၏ လုပ်ရပ်ကြောင့် ပါလ်မိုင်ရာမြို့အား IS က သိမ်းပိုက်ပြီးနောက်ပိုင်း မြို့တွင်းရှိ သမိုင်းအမွေအနှစ်များ၏ ကံကြမ္မာနှင့်ပတ်သက်၍ နိုင်ငံတကာက စိုးရိမ်းမှုများ မြင့်တက်လာခဲ့သည်။

ပြီးခဲ့သည့်မတ်လအတွင်းက အီရတ်နိုင်ငံ မူဆိုးလ်မြို့အနီး နှစ်ပေါင်း ၃၀၀၀ သက်တမ်းရှိသော ရှေးဟောင်းသမိုင်းဝင် အက်ဆီရီယန်မြို့ရှိ ပြတိုက်မှ အနုပညာလက်ရာများကို IS က ဖျက်ဆီးခဲ့ပြီး မြို့ကိုလည်း ဘူဒိုဇာဖြင့် ဖျက်ဆီးခဲ့သည်။

အီရတ်နှင့် ဆီးရီးယားရှိ ဗိမာန်များကိုလည်း IS အဖွဲ့က ဖောက်ခွဲဖျက်ဆီးခဲ့ပြီး အများစုမှာ ဆူဖီစင်ဂိုဏ်းနှင့် သက်ဆိုင်သည့် နေရာများဖြစ်သည်။

IS အဖွဲ့ ပေါ်ထွက်လာပြီးနောက် ၎င်းတို့၏ လူမဆန်သောလုပ်ရပ်များအတွက် အစ္စလာမ်သန္ဓေတည်ရာ ဆော်ဒီ၊ အစ္စလာမ့် ဓမ္မရေးရာတွင် နာမည်ကြီးသည့် အီဂျစ်တို့အပါအ၀င် ကမ္ဘာတစ်ဝှမ်းရှိ အစ္စလာမ်ဘာသာရေးခေါင်းဆောင်များ၊ ရှေ့ဆောင်အီမာမ်များနှင့် မွတ်စလင်အသင်းအဖွဲ့များက ရှုတ်ချခဲ့ကြသည်။

ထို့ပြင် ဆော်ဒီရှိ မွဖ်သီချုပ်ကြီးကမူ IS မှာ အစ္စလာမ်၏ နံပါတ် ၁ ရန်သူဖြစ်ပြီး မွတ်စလင်များအနေဖြင့် တွန်းလှန်ကြရန် တိုက်တွန်းခဲ့သည်။

Ref: Aljazeera

June 24, 2015
IS မှာ ကမ္ဘာ့ခြိမ်းချမ်းရေးကို ခြိမ်းခြောက်လာပြီဟု ဘန်ကီမွန်ပြော

မေ ၃၀၊ ၂၀၁၅
M-Media

– အီရတ်နှင့် ဆီးရီးယားတို့ရှိ IS အဖွဲသို့ ၀င်ရောက်နေသော နိုင်ငံရပ်ခြားမှ စစ်သွေးကြွများမှာ ကမ္ဘာကြီး ငြိမ်းချမ်းရေးနှင့် တည်ငြိမ်အေးချမ်းရေးကို ဆိုးဆိုးရွားရွား ခြိမ်းခြောက်နေသည်ဟု ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်က သတိပေးပြောကြားလိုက်သည်။

ပြီးခဲ့သည့်နှစ် စက်တင်ဘာလက အတည်ပြုခဲ့သည့် အကြမ်းဖက်ဝါဒ တန်ပြန်တိုက်ဖျက်ရေး ဆုံးဖြတ်ချက်ကို အကောင်အထည်ဖော်မှုနှင့် ပတ်သက်၍ ယမန်နေ့က ပြုလုပ်ခဲ့သော ကုလသမဂ္ဂ လုံခြုံရေးကောင်စီ အစည်းအဝေးတွင် ဘန်ကီမွန်က ထိုကဲ့သို့ ပြောကြားခဲ့ခြင်းဖြစ်သည်။

ထို့ပြင် ကုလသမဂ္ဂ အဖွဲ့ဝင်နိုင်ငံများအနေဖြင့် ၎င်းတို့၏ ပိုင်နက်မှ၊ သို့မဟုတ် ၎င်းတို့ပိုင်နက်ကို ဖြတ်ကာ နိုင်ငံခြားသားများ IS အဖွဲ့နှင့် ပူးပေါင်းခြင်းကို တားဆီးရန်အတွက် ဒေသတွင်းနှင့် နိုင်ငံတကာ ပူးပေါင်းဆောင်ရွက်ရေး လုပ်ငန်းများကို တိုးမြှင့်ဆောင်ရွက်ကြရန်လည်း ဘန်ကီမွန်က တိုက်တွန်းခဲ့သည်။

“ဒီစိန်ခေါ်မှုကို ဘယ်နိုင်ငံကမှ တစ်ဦးတည်း ရင်မဆိုင်နိုင်ပါဘူး။ အဖွဲ့ဝင်နိုင်ငံတွေဟာ သူတို့ရဲ့ ပူးပေါင်းဆောင်ရွက်မှုနဲ့ သတင်းအချက်အလက်ဖလှယ်မှုတို့ကို တိုးမြှင့်ဆောင်ရွက်ရမှာဖြစ်ပြီး ထိရောက်တဲ့ နယ်စပ်ဒေသထိန်းချုပ်မှုကို ဖွံ့ဖြိုးဖို့၊ သူတို့ရဲ့ ရာဇ၀တ်မှုဆိုင်ရာ စနစ်တွေကို တရားဥပဒေစိုးမိုးရေးနဲ့ လူ့အခွင့်အရေး စံနှုန်းတွေနဲ့အညီ ခိုင်မာဖို့ တိုးမြှင့်ဆောင်ရွက်ရပါမယ်” ဟု
ဘန်ကီမွန်က ထည့်သွင်း ပြောကြားခဲ့သည်။

လုံခြုံရေးကောင်စီကမူ နိုင်ငံခြားစစ်သွေးကြွများ ဆီးရီးယားနှင့် အီရတ်နိုင်ငံများသို့ သွားရောက်မှုကို ထိန်းချုပ်ရေးအတွက် ပိုမိုဆောင်ရွက်ကြရန် တိုက်တွန်းခဲ့ပြီး ကမ္ဘာ့နိုင်ငံများအကြား ထောက်လှမ်းရေး သတင်းအချက်အလက်များ မျှဝေရေး တိုးတက်အောင်ဆောင်ရွက်ရန်၊ လေကြောင်းလိုင်းများအနေဖြင့် ခရီးသည်များ၏ သတင်းအချက်အလက်များကို အစိုးရနှင့် မျှဝေရန်၊
လုံခြုံရေးဆိုင်ရာ စောင့်ကြည်မှုများ တိုးမြှင့်လုပ်ဆောင်ရန်အတွက်လည်း တိုက်တွန်းခဲ့သည်။

ISနှင့် အလ်ကိုင်းဒါးလက်အောက်ခံ al-Nusra Front တပ်ဖွဲ့များသို့ နိုင်ငံရပ်ခြားမှ သွားရောက်ပူးပေါင်းသူများမှာ ၂၅၀၀၀ ခန့် ရှိနေပြီဟု ကုလမှ မကြာသေးမီက သတင်းထုတ်ပြန်ခဲ့သည်။

Ref: Press TV

May 30, 2015
သတ်ပစ်ရမည်ဟု ဆိုသည့် အမေရိကန်စစ်သားစာရင်းကို IS ထုတ်ပြန်

မတ် ၂၂၊ ၂၀၁၅
M-Media

– IS အဖွဲ့မှ အသုံးပြုနေသည်ဟု ယူဆရသည့် ၀ဘ်ဆိုက်တစ်ခုတွင် အမေရိကန် စစ်သည် ၁၀၀ ၏ ဓာတ်ပုံများ၊ အမည်များ၊ နေရပ်လိပ်စာများကို ဖော်ပြလိုက်ပြီး ၎င်းတို့အား သတ်ဖြတ်ရန်လည်း ထောက်ခံအားပေးသူများကို
တိုက်တွန်းခဲ့သည်။

အဆိုပါအချက်အလက်များ လွှင့်တင်ပြီးနောက် ပင်တဂွန်က မိမိတို့အနေဖြင့် ထိုကိစ္စအတွက် စုံးစမ်းစစ်ဆေးမှုများ ပြုလုပ်နေသည်ဟု ပြောကြားခဲ့သည်။

“ဒီအချက်အလက်တွေရဲ့ ခိုင်မာမှုကို ကျွန်တော်တို့ အတည်မပြုနိုင်သေးပါဘူး။ တပ်ဖွဲ့ဝင်တွေကိုတော့ သင့်လျော်တဲ့ ခြုံရေးလုပ်ငန်းတွေ၊ တပ်ကာကွယ်ရေးနည်းလမ်းတွေကို ကျင့်သုံးဆောင်ရွက်ဖို့ အမြဲတမ်း တိုက်တွန်းထားပါတယ်” ဟု အမည်မဖော်လိုသည့် အမေရိကန် ကာကွယ်ရေး တာဝန်ရှိသူတစ်ဦး၏ ယမန်နေ့က ပြောကြားမှုကို Reuters သတင်းဌာနမှ ဖော်ပြခဲ့သည်။

“IS Hacking Division” ဟု ၎င်းတို့ကိုယ်ကို ရည်ညွှန်းသည့် အဆိုပါဝဘ်ဆိုက်မှာ စာရင်းပါ စစ်သားများကို သတ်ဖြတ်ခြင်းဖြင့် နောက်ဆုံးခြေလှမ်းကိုလှမ်းရန် ၎င်းတို့အား ထောက်ခံသူများကို တိုက်တွန်းထားပြီး၊ ထိုသတ်ဖြတ်မှု လွယ်ကူစေရန်အတွက် ယခုကဲ့သို့ စာရင်းထုတ်ပေးခြင်းဖြစ်သည်ဟု ပြောကြားခဲ့သည်။ သို့သော်လည်း အဆိုပါ ၀ဘ်ဆိုက်၏ မှန်ကန်မှု၊ IS နှင့် ဆက်နွယ်မှုတို့အတွက် စုံစမ်းဖော်ထုတ်နိုင်ခြင်း မရှိသေးပေ။

“ဆာဗာတွေ၊ ဒေတာဘေ့စ်တွေကနေ ရရှိခဲ့တဲ့ အချက်အလက်အများကြီးကနေ လိပ်စာ ၁၀၀ ကို ထုတ်ပြန်ဖို့ ကျွန်တော်တို့ ဆုံးဖြတ်ခဲ့ပါတယ်။ ဒါမှသာ အမေရိကန်မှာနေထိုင်တဲ့ ကျွန်တော်တို့ရဲ့ ညီနောင်တွေ ဆောင်ရွက်နိုင်မှာပါ” ဟု အင်္ဂလိပ်ဘာသာဖြင့် အဆိုပါ ၀ဘ်ဆိုက်တွင် ရေးသားထားသည်။

သို့သော်လည်း အဆိုပါ အချက်အလက်များမှာ အမေရိကန်အစိုးရ၏ ဆာဗာများမှာ ဖောက်ယူရရှိသည့် အချက်အလက်များ မဟုတ်နိုင်ဟု New York Times သတင်းစာက ဖော်ပြခဲ့သည်။ ထို့ပြင် အဆိုပါ အချက်အလက်များမှ အများစုမှာ အများပြည်သူနှင့် သက်ဆိုင်သည့်မှတ်တမ်းများ၊ နေထိုင်ရာလိပ်စာကို ရှာဖွေသော ၀ဘ်ဆိုက်များနှင့် ဆိုရှယ်မီဒီယာများက ရရှိခြင်းဖြစ်မည်ဟု အမေရိကန် ကာကွယ်ရေးဌာနမှ အမည်မဖော်လိုသူတစ်ဦး၏ ပြောကြားမှုကိုလည်း ထည့်သွင်းဖော်ပြခဲ့သည်။

IS မှ ထုတ်ပြန်သော အမေရိကန် စစ်သားများစာရင်းတွင် ဓာတ်ပုံများ၊ နေရပ်လိပ်စာများ၊ တာဝန်ကျရာစခန်းများ ပါဝင်ခဲ့ပြီး၊ စစ်သားအချို့၏ ရာထူးအဆင့်များကိုလည်း ဖော်ပြခဲ့သည်။

Ref: Aljazeera

March 22, 2015
ရှေးဟောင်းသမိုင်းဝင် စာအုပ်စာတမ်းပေါင်းများစွာကို IS မီးရှို့ဖျက်ဆီး

ဖေဖော်ဝါရီ ၂၆၊ ၂၀၁၅
M-Media

– IS စစ်သွေးကြွများမှာ မူဆိုးလ်မြို့ရှိ စာကြည့်တိုက်မှ ရှားပါး၍ သမိုင်းဝင် ရှေးဟောင်း လက်ရေးမူများ အပါအ၀င် စာအုပ်စာတမ်းပေါင်းများစွာကို မီးရှို့ဖျက်ဆီးခဲ့သည်ဟု မြို့ခံများ၏ ပြောကြားချက်ကို ကိုးကား၍ The Independent သတင်းဌာနက ဖော်ပြခဲ့သည်။

သမိုင်းဝင်စာရွက်စာတမ်းပေါင်း ၁၁၂၇၀၉ ခု ဖျက်ဆီးခံခဲ့ရသည်ဟု ယုံကြည်ရပြီး ထိုအထဲတွင် ယူနက်စကို၏ ကမ္ဘာ့အရှားပါးဆုံး စာရင်းထဲတွင် ထည့်သွင်းခြင်းခံထားရသည့် စာရွက်စာတမ်းများလည်း ပါဝင်ခဲ့သည်။ IS အဖွဲ့ဝင်များမှာ မူဆိုးလ် ပြည်သူ့စာကြည့်တိုက်ကို ဖောက်ခွဲရေးပစ္စည်းများ အသုံးပြုကာ မီးရှို့ဖျက်ဆီးခဲ့ခြင်း ဖြစ်သည်။

“စာကြည့်တိုက်ကို မီးရှို့တာမျိုး မလုပ်ဖို့ အကြမ်းဖက်အဖွဲ့ဝင်တွေကို ပြည်သူတွေက ကြိုးစားပြီး တားခဲ့ကြပါသေးတယ်” ဟု ဒေသခံတစ်ဦးက IraqiNews.com သို့ ပြောကြားခဲ့သည်။

အခြားသောသတင်းများတွင် IS စစ်သွေးကြွများမှာ စာကြည့်တိုက်သို့ ချိုးဖျက်ဝင်ရောက်ကာ သိပ္ပံဆိုင်ရာနှင့် ယဉ်ကျေးမှုဆိုင်ရာ စာအုပ်စာတမ်းများကို မီးပုံရှို့ခဲ့သည်ဟု ဖော်ပြထားသည်။

ဆုံးရှုံးသွားခဲ့သည့် စာအုပ်စာတမ်းများတွင် ၂၀ ရာစုအစမှ ထုတ်ဝေခဲ့သော အီရတ်သတင်းစာများ၊ အော်တိုမန်ခေတ်အတွင်းက ထုတ်ဝေခဲ့သော မြေပုံများ စာအုပ်စာပေများလည်း ပါဝင်ခဲ့သည်ဟု ယုံကြည်ရသည်။

Ref: alarabiya

February 26, 2015
ဂျော်ဒန်လေယာဉ်မှူးအား IS က မီးရှို့သတ်ဖြတ်မှု ကမ္ဘာ့မွတ်စလင်များ ပြင်းပြင်းထန်ထန် ရှုတ်ချ

ဖေဖော်ဝါရီ ၄၊ ၂၀၁၅
M-Media

– ဂျော်ဒန်လေယာဉ်မှူးအား IS အဖွဲ့က လူမဆန်စွာ အရှင်လတ်လတ် မီးရှို့သတ်ဖြတ်မှုနှင့်ပတ်သက်၍ ကမ္ဘာတစ်ဝှမ်းမှ မွတ်စလင်ခေါင်းဆောင်များနှင့် အဖွဲ့အစည်းများက ပြင်းပြင်းထန်ထန် ရှုတ်ချလိုက်သည်။

`IS ရဲ့ ရက်စက်ယုတ်မာမှုကြောင့် အသက်ပေးခဲ့ရပြန်တဲ့ နောက်ထပ်ဓားစာခံတစ်ဦးအတွက် ကမ္ဘာကြီးနဲ့ထပ်တူ ၀မ်းနည်းကြေကွဲရပါတယ်။ ပြောလို့တောင်မကောင်းတဲ့၊ အစ္စလာမ်ရဲ့သွန်သင်မှုနဲ့ ဆန့်ကျင်တဲ့ ဒီလိုလုပ်ရပ်ကို လူတိုင်းက မဖြစ်မနေ ရှုတ်ချရပါလိမ့်မယ်။ ဒီလူမဆန်တဲ့လုပ်ရပ်ဟာ အမုန်းတရားတွေ၊ ကွဲပြဲမှုတွေဖြစ်လာအောင် လှုံ့ဆော်ပေးတာဖြစ်ပြီး အကြမ်းဖက်သမားတွေဆင်ထားတဲ့ ဒီထောက်ချောက်ထဲကို ကျွန်တော်တို့ ၀င်သွားလို့ မရပါဘူး´ ဟု အမေရိကန်အစ္စလာမ် ဆက်ဆံရေးကောင်စီ CAIR မှ ယမန်နေ့တွင် ထုတ်ပြန်ခဲ့သော ကြေညာချက်၌ အမှုဆောင်ဒါရိုက်တာ နီဟတ် အ၀ဒ်က
ပြောကြားခဲ့သည်။

အသတ်ခံခဲ့ရသည့် လေယာဉ်မှူး မူအဒ် အလ်-ကာဆာအီစ်ဘဟ်မှာ ဒီဇင်ဘာလအတွင်းက ၎င်း၏ တိုက်လေယာဉ် ဆီးရီးယားပိုင်နက်အတွင်းသို့ ပျက်ကျခဲ့ပြီးနောက် IS အဖွဲ့၏ ဖမ်းဆီခြင်းကို ခံခဲ့ရခြင်းဖြစ်သည်။ ထို့နောက် ၎င်းအား အရှင်လတ်လတ် မီးရှို့သတ်ဖြတ်သည်ဟု ယူဆရသည့် ဗီဒီယိုကို IS အဖွဲ့က ဖေဖော်ဝါရီ ၃ ရက် အင်္ဂါနေ့တွင် ထုတ်ပြန်ခဲ့သည်။

ဂျော်ဒန်စစ်တပ်၏ ပြောရေးဆိုခွင့်ရှိသူ မမ်ဒူ အလ်-အမီရီကမူ အဆိုပါဗီဒီယို၏ မှန်ကန်မှုနှင့်ပတ်သက်၍ မည်သည့်မှတ်ချက်မှ မပေးခဲ့သော်လည်း သေဆုံးသွားသော လေယာဉ်မှူးမှာ သူရဲကောင်းတစ်ဦးဖြစ်ပြီး ၎င်းအတွက် လက်စားချေသွားမည်ဟု ပြောကြားခဲ့သည်။

`ဂျော်ဒန်စစ်တပ်က ဒီအာဇာနည်အတွက် ၀မ်းနည်းကြေကွဲရပြီး၊ သူ့ရဲ့သွေးမြေကျမှုဟာ အချည်းအနှီးမဖြစ်စေရဘူးလို့ သန္ဓိဌာန်ချထားကြပါတယ်။ ဂျော်ဒန်ပြည်သူတွေရဲ့ ဆုံးရှုံးမှုနဲ့ တန်အောင် ကျွန်တော်တို့ဟာ အပြစ်ပေးမှု၊ လက်စားချေမှုတွေ ပြုလုပ်သွားမှာပါ´ ဟု ဂျော်ဒန်တီဗီက ထုတ်ပြန်ခဲ့သော စစ်တပ်၏ ကြေညာချက်တွင် အလ်-အမီရီက ထည့်သွင်းပြောကြားခဲ့သည်။

IS ၏ ထိုလုပ်ရပ်ကို ရှုတ်ချခဲ့သည့် CAIR အဖွဲ့မှာ ဖေဖော်ဝါရီ ၄ ရက်နေ့ (ယနေ့) တွင် ၀ါရှင်တန်ဒီစီ ကက်ပီတိုဟေလ်းရှိ ၎င်းတို့၏ ရုံးချုပ်၌ သတင်းစာရှင်းလင်းပွဲတစ်ခုလုပ်ရန် စီစဉ်ထားသည်။ အဆိုပါ ရှင်းလင်းပွဲသို့ CAIR အဖွဲ့မှ ကိုယ်စားလှယ်များ၊ အမေရိကန်မွတ်စလင် လူ့အဖွဲ့အစည်းမှ ဒေသဆိုင်ရာနှင့် နိုင်ငံလုံးဆိုင်ရာ ခေါင်းဆောင်များ တက်ရောက်မည်ဖြစ်ပြီး ဂျော်ဒန်လေယာဉ်မှူးအား လူမဆန်စွာ အရှင်လတ်လတ်မီးရှို့ခဲ့သည့် IS ၏ လုပ်ရပ်မှာ အစ္စလာမ်သာသနာနှင့် ဗြောင်ဆန့်ကျင်ကြောင်း တရားဝင် ရှုတ်ချသွားမည်ဖြစ်သည်။

မွတ်စလင်ကမ္ဘာ၏ အကျော်ကြားဆုံး အစ္စလာမ့်ဓမ္မတက္ကသိုလ်ဖြစ်သည့် အီဂျစ်နိုင်ငံ ကိုင်ရိုမြို့ရှိ အလ် အဇ်ဟရ် တက္ကသိုလ်မှ အစ္စလာမ့်ရေးရာလေ့လာမှုဆိုင်ရာဌာန အကြီးအကဲဖြစ်သူ ဒေါက်တာ ၀ါအီလ် ရှီဟဘ်ကလည်း IS ၏ စက်ဆုပ်ဖွယ်ကောင်းသော အဆိုပါ လုပ်ရပ်ကို ရှုတ်ချခဲ့သည်။

`ဂျော်ဒန်ဓားစာခံနဲ့ပတ်သက်လို့ ဆိုးရွားပြီး စက်ဆုပ်စရာကောင်းတဲ့ IS ရဲ့ဒီလုပ်ရပ်ကို အစ္စလာမ်နဲ့ တန်းညှိလို့မရသလို ဒီလိုဆိုးရွားတဲ့ ရာဇ၀တ်မှုကျူးလွန်သူတွေကို ဥပဒေရှေ့မှောက်ရောက်အောင် ဆောင်ရွက်ရပါမယ်။ လူသားတစ်ယောက်ကို မီးရှို့တာဟာ အစ္စလာမ်က ပိတ်ပင်ထားမြစ်ထားတဲ့လုပ်ရပ်ပါ။ ကုန်အာန်ကျမ်းတော်မြတ် ကဏ္ဍ ၁၇၊ ပါဒတော် ၇၀ မှာ “ဧကန်မလွဲ ငါအရှက်မြတ်သည် အာဒမ်၏ သားမြေးများအား (လူသားများအား) ဂုဏ်သိန်ထူးကဲမြင့်မြတ်စေတော်မူခဲ့လေသည်´´ လို့ ဖော်ပြထားတာကြောင့် လူသေဖြစ်ဖြစ်၊ လူရှင်ဖြစ်ဖြစ် ဂုဏ်ပေးရပါလိ့မ်မယ်။ လူတစ်ယောက်ကို မီးရှို့တာဟာ သူရဲ့ ဂုဏ်သိက္ခာကို လစ်လျူရှုတာဖြစ်ပြီး ဖန်ဆင်းရှင်ရဲ့ ဆန္ဒနဲ့လည်း ဆန့်ကျင်ပါတယ်´ ဟု ရှီဟဘ်က ပြောကြားခဲ့သည်။

ထို့ပြင် တမန်တော် မုဟမ္မဒ်သခင် (ငြိမ်းချမ်းသာယာမှုအပေါင်း သက်ရောက်ပါစေ)၏ သြ၀ါဒတော်တွင်လည်း လူသားအား မီးရှို့ခြင်းကို တားမြစ်ထားကြောင်း ၎င်းက ထပ်လောင်းပြောကြားခဲ့သည်။

ဓာတုလက်နက်အကြောင်းပြကာ အမေရိကန်က အီရတ်ကို ကျူးကျော်ခဲ့ပြီးနောက်ပိုင်း ပေါ်ထွက်လာခဲ့သည့် IS အဖွဲ့အား ကမ္ဘာတစ်ဝှမ်းရှိ မွတ်စလင်ခေါင်းဆောင်များနှင့် အသင်းအဖွဲ့များက ပြင်းပြင်းထန်ထန် ကန့်ကွက်ရှုတ်ချခဲ့သည်။

ဆော်ဒီနိုင်ငံ၏ အစ္စလာမ့်ဓမ္မသတ်မှူးချုပ် မွဖ်သီ ရှိခ် အဘ်ဒူ အဇစ် အလ် ရှိခ်က အလ်ကိုင်းဒါးနှင့် IS အဖွဲ့တို့မှာ အစ္စလာမ်သာသနာ၏ နံပါတ် ၁ ရန်သူဖြစ်ပြီး ထိုအဖွဲ့များအား မွတ်စလင်များက ဦးဆောင် တိုက်ထုတ်ကြရန် တိုက်တွန်းခဲ့သည်။

လွန်ခဲ့သည့် လအနည်းငယ်ကလည်း အီဂျစ် အစ္စလာမ့်ဓမ္မသတ်မှူးချုပ် မွဖ်သီ ရှော်ကီ အာလမ်က ကမ္ဘာတစ်ဝှမ်း ရက်ရက်ကြမ်းကြုတ်သည့် တိုက်ခိုက်မှုများကို ကျူးလွန်နေကြသည့် စစ်သွေးကြွများကို ရှုတ်ချခဲ့သည်။

အီရတ်နှင့် ဆီးရီးယားရှိ မြင့်မြတ်ရာနေရာများကို ဖျက်ဆီးသည့် IS အဖွဲ့၏ လုပ်ရပ်များနှင့်ပတ်သက်၍လည်း အိန္ဒိယရှိ ရှီအာနှင့် စွန်နီမွတ်စလင်များက ပူးပေါင်းကာ ရှုတ်ချခဲ့ကြပြီး၊ ၎င်းတို့၏ လုပ်ရပ်များမှာ မွတ်စလင်အချင်းချင်း ဂိုဏ်းဂနကွဲစေသည့် လုပ်ရပ်များဖြစ်သည်ဟု ပြောကြားခဲ့သည်။

ကမ္ဘာပေါ်တွင် အစ္စလာမ်ဘာသာဝင်အများဆုံးရှိရာ အင်ဒိုနီးရှားနိုင်ငံ၏ အကြီးဆုံး အစ္စလာမ်အဖွဲ့အစည်းဖြစ်သည့် နဒ်လာသွလ် အိုလမာ NU အဖွဲ့ကလည်း IS အဖွဲ့ကို ရှုတ်ချခဲ့ပြီး ၎င်းတို့၏ အယူအဆများ အင်ဒိုနီးရှားသုိ့ မ၀င်ရောက်ရေး ဆောင်ရွက်ရန် အစိုးရအား တိုက်တွန်းခဲ့သည်။

Ref: onislam

February 4, 2015