News @ M-Media

Tag: IS

  • မက္ကာရှိ မြင့်မြတ်ရာဗလီကို ဗုံးခွဲရန်ကြံစည်မှု ကမ္ဘာ့မွတ်စလင်နိုင်ငံများ ရှုတ်ချ၊ အစွန်းရောက်ဝါဒကို အမြစ်ဖြတ်ရန် တိုက်တွန်း

    မက္ကာရှိ မြင့်မြတ်ရာဗလီကို ဗုံးခွဲရန်ကြံစည်မှု ကမ္ဘာ့မွတ်စလင်နိုင်ငံများ ရှုတ်ချ၊ အစွန်းရောက်ဝါဒကို အမြစ်ဖြတ်ရန် တိုက်တွန်း

    ဇွန် ၂၄၊ ၂၀၁၇
    M-Media

    – ဆော်ဒီအာရေဗျနိုင်ငံ မက္ကာမြို့က အစ္စလာမ်ဘာသာဝင်တို့ အထွဋ်အမြတ်ထားရာ မတ်စ်ဂျစ်ဒ်ဟရမ် ဗလီဝတ်ကျောင်းတော်ကို တိုက်ခိုက်ဖို့ ကြံစည်နေတယ်ဆိုတဲ့သတင်း ထွက်ပေါ်လာပြီးတဲ့နောက်မှာ ဒီလုပ်ရပ်အတွက် ကမ္ဘာ မွတ်စလင်နိုင်ငံတွေက ရှုတ်ချ ပြောဆိုလိုက်ပါတယ်။

    ကအ်ဗာဟ်ကျောင်းတော်တည်ရှိရာ မတ်စ်ဂျစ်ဒ်ဟရမ် ဗလီဝတ်ကျောင်းတော်ရဲ့ လုံခြုံရေး ဂိတ်နဲ့ ၀တ်ပြုသူတွေကို မကြာခင်မှာ ပစ်မှတ်ထားတိုက်ခိုက်မယ့် အကြမ်းဖက် ကွန်ယက် ၃ ခုကို မနေ့မှာ ဖြိုခွင်းခဲ့တယ်လို့ ဆော်ဒီ ပြည်ထဲရေးဝန်ကြီးဌာနက ဒီနေ့မှာ သတင်းထုတ်ပြန်ခဲ့တာပါ။

    မက္ကာနဲ့ ဂျစ်ဒါက နေရာ ၃ ခုမှာ ပြုလုပ်တဲ့ စစ်ဆင်ရေးအတွင်း တစ်ဦးကို အသေမိခဲ့ပြီး အမျိုးသမီး တစ်ဦးအပါအ၀င် လူ ၅ ဦးကို ဖမ်းဆီးရမိခဲ့ကာ ရဲတပ်ဖွဲ့ဝင် ၅ ဦး၊ အရပ်သား ၆ ဦး ဒဏ်ရာရရှိခဲ့ပါတယ်။ ဆော်ဒီမီဒီယာတွေကတော့ တိုက်ခိုက်ဖို့ ကြံစည်ပြီး အသေဖမ်းဆီးရမိခဲ့သူဟာ အကြမ်းဖက်မှုအတွက် အလိုရှိနေတဲ့ IS အဖွဲ့ဝင်တစ်ဦး ဖြစ်တယ်လို့ ဖော်ပြခဲ့ပါတယ်။

    အစ္စလာမ်ဘာသာဝင်တို့ အထွဋ်အမြတ်ထားရာ ဒီ မတ်စ်ဂျစ်ဒ်ဟရမ်ကို အကြမ်းဖက်တိုက်ခိုက်ဖို့ ကြံစည်မှုနဲ့ ပတ်သက်ပြီး ကမ္ဘာတစ်ဝှမ်း မွတ်စလင်နိုင်ငံတွေက ပြင်းပြင်းထန်ထန် ရှုတ်ချခဲ့ပါတယ်။

    ယူအေအီး

    ယူအေအီး နိုင်ငံခြားရေးနဲ့ နိုင်ငံတကာ ပူးပေါင်ဆောင်ရွက်ရေးဝန်ကြီး အဘ်ဒူလာ ဘင် ဇေယဒ် ဘင် ဆူလ်တန် အလ် နဟ်ယန်က ဒီလို တိုက်ခိုက်ဖို့ ကြံစည်မှုဟာ အကြမ်းဖက်ဝါဒကို ထောက်ခံသူတွေအပေါ် တိုက်ဖျက်ဖို့ ‘မိမိတို့ရဲ့ စိတ်ဆန္ဒ’ ကို ပိုမို ခိုင်မာစေတယ်လို့ ပြောကြားခဲ့ပါတယ်။

    “ဒီ စက်ဆုပ်ဖွယ်ရာ ရာဇ၀တ်မှုက အကြမ်းဖက်ဝါဒနယ်ပယ်နဲ့ ကြမ်းကြုတ်မှု ဘယ်လောက်ထိကျယ်သွားလဲဆိုတာကို ပြသနေပါတယ်။ ဒီလုပ်ရပ်အတွက် ဘယ်လို လူကောင်းသူကောင်းကမှ ဖာထေးလို့၊ ဆင်ခြေပေးလို့ မရပါဘူး” လို့ အလ် နဟ်ယန်က ပြောကြားခဲ့ပါတယ်။

    နောက်ပြီး သူက ဒီလိုတိုက်ခိုက်မှုကို ဖော်ထုတ်နိုင်ခဲ့တဲ့ ဆော်ဒီ လုံခြုံရေးလုပ်ငန်းစဉ်ကိုလည်း ချီးကျူးခဲ့ပါတယ်။

    ဂျော်ဒန်

    ဂျော်ဒန် မီဒီယာနဲ့ ဆက်သွယ်ရေးဆိုင်ရာ ၀န်ကြီး မိုဟာမက် မိုမာနီက ဒီကြံစည်မှုကို ရှုတ်ချခဲ့ပြီး အကြမ်းဖက်ဝါဒကို တိုက်ဖျက်ရာမှာ ဆော်ဒီအာရေဗျကို ထောက်ခံသွားမယ်လို့ ဆိုပါတယ်။

    အစိုးရပြောရေးဆိုခွင့်ရှိသူ တစ်ဦးလည်းဖြစ်တဲ့ မိုမာနီက အကြမ်းဖက်သမားတွေနဲ့ အကြမ်းဖက်အဖွဲ့အစည်းကို ချေမှုန်းရေး နိုင်ငံတကာက စုစုစည်စည်းနဲ့ ကြိုးပမ်းအားထုတ်ဖို့လည်း တိုက်တွန်းခဲ့ပါတယ်။

    အီရန်

    မတ်စ်ဂျစ်ဒ်ဟရမ် ဗလီဝတ်ကျောင်းတော်ကို အကြမ်းဖက်တိုက်ခိုက်ဖို့ ကြံစည်မှုကို ပြင်းပြင်းထန်ထန် ရှုတ်ချတယ်လို့ အီရန်နိုင်ငံခြားရေးဝန်ကြီးဌာနက ပြောကြားလိုက်ပြီး ဒီလုပ်ရပ်က အကြမ်းဖက်ဝါဒမှာ စည်းမရှိဘူးဆိုတာ ပြသနေတယ်လို့လည်း ဆိုပါတယ်။

    အီရတ်

    အီရတ်လွှတ်တော်ဥက္ကဌ စလင်း အလ်-ဂျာဘူရီက IS အကြမ်းဖက်အဖွဲ့ သိမ်းပိုက်ထားတဲ့ နယ်မြေတွေကို လွတ်မြောက်အောင်လုပ်တာထက် ‘အစွန်းရောက် အတွေးအခေါ်တွေ လွတ်မြောက်အောင်လုပ်ဖို့’ ပိုပြီး အရေးကြီးတယ်လို့ ပြောကြားခဲ့ပါတယ်။

    “ဒီလို အတွေးအခေါ်တွေကို တိုက်ဖျက်ဖို့အတွက် အစွန်းလွတ် အစ္စလာမ်သာသနာကို ပိုမို ပံ့ပိုးပေးရေး ကျွန်တော်တို့ ညီညီညွတ်ညွတ်နဲ့ ရပ်တည်ဖို့ လိုပါတယ်” လို့ ဂျာဘူရီက ပြောကြားခဲ့ပြီး မွတ်စလင်လူငယ်တွေမှာ အတွေးအခေါ် ရင်းနှီးမြှုပ်နှံမှုလုပ်ပေးဖို့လိုတယ်လို့ တိုက်တွန်းခဲ့ပါတယ်။

    အစွန်းရောက် အတွေးအခေါ်တွေဟာ တစ်နေရာမှာ အခြေမလှရင် နောက်တစ်နေရာ ရှာတတ်တာကြောင့် ဒါကို အမြစ်ဖြတ်ရမယ်လို့လည်း သူက ဆိုပါတယ်။

    အီဂျစ်

    အီဂျစ် သာသနာရေးဆိုင်ရာဝန်ကြီး မိုဟာမက် မွခ်တာရ် ဂွမ်မာကလည်း ဒီလို တိုက်ခိုက်ဖို့ ကြံစည်မှုကို ရှုတ်ချခဲ့ပြီး အီဂျစ်နိုင်ငံဟာ အကြမ်းဖက်ဝါဒတိုက်ဖျက်ရေးမှာ ဆော်ဒီနဲ့အတူ ညီရင်းအစ်ကိုပမာ ရပ်တည်သွားမယ်လို့ ပြောကြားခဲ့ပါတယ်။

    အီဂျစ်အစိုးရနဲ့ မွဖ်သီ ဓမ္မသတ်မှူးချုပ်ကလည်း ဒီအစီစဉ်ကို ရှုတ်ချခဲ့ပါတယ်။

    ဘာရိန်း

    ဘာရိန်းကလည်း ဒီလုပ်ရပ်နဲ့ပတ်သက်လို့ ကြေငြာချက်ထုတ်ပြန်ခဲ့ပြီး ဖော်ထုတ်တားဆီးနိုင်ခဲ့တဲ့ ဆော်ဒီအစိုးရကို ကျေးဇူးတင်ကြောင်း၊ အကြမ်းဖက်အဖွဲ့အစည်းတွေကို အမြစ်ဖြတ်ဖို့ ဆော်ဒီရဲ့ ဆောင်ရွက်မှုတိုင်းကို ဘာရိန်းနိုင်ငံ အပြည့်အ၀ထောက်ခံသွားမှာဖြစ်ကြောင်း ပြောကြားခဲ့ပါတယ်။

    ကမ္ဘာ့မွတ်စလင်လိဂ်

    ကမ္ဘာ့မွတ်စလင်လိဂ် အတွင်းရေးမှူး ရှိခ် မိုဟာမက် ဘင် အဘ်ဒူလ် ကရမ် အလ်-အီဆာက မတ်စ်ဂျစ်ဒ်ဟရမ် ဗလီဝတ်ကျောင်းတော်ကို တိုက်ခိုက်ဖို့ ကြံစည်မှုကို ရှုတ်ချခဲ့ပြီး အစ္စလာမ်အပေါ် ဒီလို ကြမ်းကြုတ်တဲ့လုပ်ရပ်တွေကို ဆောင်ရွက်ဖို့ အကြမ်းဖက်ဝါဒဟာ လူတွေကို လှည့်ဖျားနေတယ်လို့ ပြောကြားခဲ့ပါတယ်။

    အိုအိုင်စီ

    အိုအိုင်စီ အထွေထွေအတွင်းရေးမှူး ဒေါက်တာ ယူဆက်ဖ် ဘင် အဟ်မဒ် အလ်-အိုသိုင်မင်ကလည်း ဒီလုပ်ရပ်ကို ပြင်းပြင်းထန်ထန် ရှုတ်ချခဲ့ပြီး ဆော်ဒီလုံခြုံရေးတပ်ဖွဲ့တွေကို ချီးကျူးခဲ့သလို၊ အကြမ်းဖက်ဝါဒရဲ့ ပုံစံအားလုံးကို ရှုတ်ချတယ်လို့ ပြောကြားခဲ့ပါတယ်။

    ပါလက်စတိုင်း

    ပါလက်စတိုင်းသမ္မတ မဟ်မူးဒ်အဘတ်စ်ကလည်း ဒီအကြမ်းဖက်လုပ်ရပ်ကို ရှုတ်ချခဲ့ပြီး အကြမ်းဖက်ဝါဒနဲ့ အစွန်းရာက်ဝါဒကို ရင်ဆိုင်ရာမှာ ပါလက်စတိုင်ပြည်သူတွေဟာ ဆော်ဒီအာရေဗျဘက်က အပြည့်အ၀ ရပ်တည်မယ်လို့ ပြောကြားခဲ့ပါတယ်။

    ကူဝိတ်

    ကူဝိတ် နိုင်ငံခြားရေးဝန်ကြီးဌာနက ထုတ်ပြန်တဲ့ ကြေငြာချက်မှာ ဒီလိုအကြမ်းဖက်ဖို့ စီစဉ်မှုအပေါ် ပြင်းပြင်းထန်ထန်ရှုတ်ချကြောင်း၊ ဒီလုပ်ရပ်ဟာ မွတ်စလင်တွေရဲ့ အထွဋ်အမြတ်ထားရာတွေအပေါ် ရန်လိုခြင်းကို ထင်ထင်ရှားရှား ပြသတာဖြစ်ကြောင်း ပြောကြားခဲ့ပါတယ်။

    ပါကစ္စတန်

    ပါကစ္စတန် အိုလမာ အစ္စလာမ့် သာနသာပညာရှင်ကောင်စီကလည်း ဒီလိုအကြမ်းဖက်ဖို့ စီစဉ်မှုကို ပြင်းပြင်းထန်ထန် ရှုတ်ချကြောင်း ထုတ်ပြန်ခဲ့ပါတယ်။

    Ref: Alarabiya, Press TV

  • IS အကြမ်းဖက်အဖွဲ့ ခေါင်းဆောင် ဘဂ္ဂဒါဒီ သေဆုံးပြီဟု သတင်းထွက်ပေါ်

    IS အကြမ်းဖက်အဖွဲ့ ခေါင်းဆောင် ဘဂ္ဂဒါဒီ သေဆုံးပြီဟု သတင်းထွက်ပေါ်

    ဇွန် ၁၆၊ ၂၀၁၇
    M-Media

    IS အကြမ်းဖက်အဖွဲ့ခေါင်းဆောင် အဘူ ဘာကာရ် အလ်-ဘဂ္ဂဒါဒီ

    – ဆီးရီးယားတွင် ရုရှားက ပြုလုပ်ခဲ့သည့် လေကြောင်းတိုက်ခိုက်မှုအတွင်း IS အကြမ်းဖက်အဖွဲ့ခေါင်းဆောင် အဘူ ဘာကာရ် အလ်-ဘဂ္ဂဒါဒီ သေဆုံးသွားသည်ဆိုသော သတင်းများကို အတည်ပြုနိုင်ရန် ဆောင်ရွက်နေသည်ဟု ရုရှား ကာကွယ်ရေး ၀န်ကြီးဌာနက ယနေ့တွင် ပြောကြားလိုက်သည်။

    ရုရှား တိုက်လေယာဉ် Su-34 နှင့် Su-35 တို့မှာ မေလ ၂၈ ရက်နေ့က ဆီးရီးယားနိုင်ငံမြေက်ပိုင်း IS ခြေကုပ်ယူရာ ရက်ကာမြို့တွင် လေကြောင်းမှ တိုက်ခိုက်မှု ပြုလုပ်ခဲ့ပြီး၊ IS ထိပ်တန်းခေါင်းဆောင်များ ပြုလုပ်ခဲ့သည့် အစည်းအဝေးကို ပစ်မှတ်ထားခဲ့ခြင်းဖြစ်သည်။

    ထိုအစည်းအဝေးတွင် အလ်-ဘဂ္ဂဒါဒီလည်း တက်ရောက်ခဲ့သည်ဟု သတင်းများ ထွက်ပေါ်ခဲ့သည်။

    “လက်ရှိမှာ နည်းလမ်းပေါင်းစုံနဲ့ အတည်ပြုဖို့လုပ်နေတဲ့ သတင်းအချက်အလက်အရ IS ခေါင်းဆောင် အီဘရာဟင် အလ်-ဘာကာရ် အလ်-ဘဂ္ဂဒါဒီဟာ အစည်းအဝေးမှာ ရှိနေခဲ့ပြီး တိုက်ခိုက်မှုကြောင့် သေဆုံးသွားတယ်လို့ ဆိုပါတယ်” ဟု ရုရှားကာကွယ်ရေးဝန်ကြီးဌာနက ထုတ်ပြန်သော ကြောငြာချက်တွင် ဖော်ပြထားသည်။

    ထိုတိုက်ခိုက်မှု ပြုလုပ်မည့် နေရာ၊ အချိန်တို့နှင့် ပတ်သက်သည့် အချက်အလက်များကို အမေရိကန်အား အသိပေးခဲ့ဟုလည်း ၀န်ကြီးဌာနက ထည့်သွင်းပြောကြားခဲ့သည်။

    Ref: RT

  • ဘဂ္ဂဒတ်တွင် ရေခဲမုန့်ဝယ်နေသူများကို IS က ကားဗုံးခွဲတိုက်ခိုက်

    ဘဂ္ဂဒတ်တွင် ရေခဲမုန့်ဝယ်နေသူများကို IS က ကားဗုံးခွဲတိုက်ခိုက်

    မေ ၃၀၊ ၂၀၁၇
    M-Media

    – အီရတ်နိုင်ငံ ဘဂ္ဂဒတ်မြို့ရှိ နာမည်ကြီး ရေခဲမုန့်ဆိုင်တွင် ယနေ့မနက် အစောပိုင်းက အသေခံဗုံးခွဲသမားတစ်ဦးက ကားဗုံးခွဲ တိုက်ခိုက်ခဲ့သောကြောင့် အနည်းဆုံး ၁၃ ဦး သေဆုံးခဲ့သည်ဟု သိရသည်။

    ဘဂ္ဂဒတ်မြို့လယ်ကောင် ကာရာဒါရပ်ကွက်တွင် ဖြစ်ပွားခဲ့သည့် အဆိုပါ တိုက်ခိုက်မှုအတွင်း အနည်းဆုံး လူ ၃၀ ဏ်ရာရရှိခဲ့သည်။ သေဆုံးဒဏ်ရာရသူများတွင် အမျိုးသမီးများနှင့် ကလေးငယ်များလည်း ပါဝင်သည်။

    အမည်မဖော်လိုသည့် တာဝန်ရှိသူများက ရပ်ထားသောကားတွင် ပေါက်ကွဲစေတတ်သော ပစ္စည်းများ တပ်ဆင်ကာ ဗုံးခွဲသမားတစ်ဦးက စနက်တံ ဖြုတ်ခဲ့ခြင်းဖြစ်သည်ဟု ပြောကြားခဲ့သည်။

    IS အကြမ်းဖက်အဖွဲ့က ထိုတိုက်ခိုက်မှုမှာ ၎င်းတို့၏လက်ချက်ဖြစ်သည်ဟု ပြောကြားခဲ့ပြီး၊ အသေခံဗုံးခွဲသမားတစ်ဦးမှာ ရှီအာများ စုဝေးရာနေရာကို ပစ်မှတ်ထား တိုက်ခိုက်ခဲ့သည်ဟု ပြောကြားခဲ့သည်။ ပြီးခဲ့သည့်နှစ် ရမ်ဇာန်ဥပုသ်လကလည်း IS အကြမ်းဖက်အဖွဲ့မှာ ထရပ်ကားဖြင့် ဗုံးခွဲခဲ့ပြီး လူရာချီ သေဆုံးခဲ့သည်။

    Ref: Aljzeera

  • IS ကို အရင်းတည်ပြီး အစ္စရေးက လုပ်စားနေလား

    IS ကို အရင်းတည်ပြီး အစ္စရေးက လုပ်စားနေလား

    မေ ၁၈၊ ၂၀၁၇
    M-Media

    – ပြီးခဲ့တဲ့တစ်ပတ် ရုရှားနိုင်ငံခြားရေးဝန်ကြီးနဲ့ အိမ်ဖြူတော်မှာတွေ့ဆုံတဲ့အချိန် ထရမ့်က ပြောကြားခဲ့တဲ့ ISနဲ့ပတ်သက်တဲ့ ထိပ်တန်းလျှို့ဝှက်ချက်ရဲ့ ထောက်လှမ်းရေးရင်းမြစ်က အစ္စရေးဖြစ်နေတယ်လို့ အမေရိကန် သတင်းဌာနတွေက ဖော်ပြလိုက်ပြီး သောကပတ်လည်ဝိုင်းနေတဲ့ ထရမ့်အစိုးရအတွက် နောက်ထပ် အငြင်
းပွားဖွယ် ကိစ္စတစ်ခု ဖြစ်လာပါတယ်။

    နယူးယောက်တိုင်းမ်စ်က အင်္ဂါနေ့ ဖော်ပြမှုမှာ ထရမ့်က ရုရှားတွေကို ပြောလိုက်တယ်ဆိုတဲ့ လျှို့ဝှက်ချက်ဟာ အစ္စရေးက အမေရိကန် ထောက်လှမ်းရေးအေဂျင်စီတွေကို ပေးထားတဲ့ သတင်းဖြစ်တယ်လို့ ဆိုပါတယ်။

    အဲဒီသတင်းက IS အကြမ်းဖက်အဖွဲ့ဟာ လက်တော့ကွန်ပျူတာတွေကို အသုံးပြုကာ လေယာဉ်တွေပေါ်မှာ ဖောက်ခွဲရေးတွေလုပ်ဆောင်ဖို့ ကြံစည်နေတယ်ဆိုတဲ့ သတင်းပါ။

    အမေရိကန် အမျိုးသားလုံခြုံရေးအကြံပေး အိခ်ျအာရ် မက်မာစတာက ထရမ့်အနေနဲ့ ဒီလို ပြောကြားခဲ့တာမျိုး မရှိဘူးလို့ ငြင်းဆိုခဲ့ပြီး အရင်ဆုံးဖော်ပြတဲ့ ၀ါရှန်တန်ပို့စ်က သတင်းဟာ သတင်းမှားဖြစ်တယ်လို့ ဆိုပါတယ်။

    အလ်ဂျာဇီးရားသတင်းဌာနနဲ့ မေးမြန်းမှုကို CIA ပြောရေးဆိုခွင့်ရှိသူတစ်ဦးက မှတ်ချက်ပေးဖို့ ငြင်းဆိုခဲ့ပြီး အမေရိကန်အမျိုးသား လုံခြုံရေးကောင်စီကို ညွှန်ခဲ့ပါတယ်။

    နောက်ပိုင်းမှာ ထရမ့်က သူ့အနေနဲ့ ရုရှားတွေကို နိုင်ငံရဲ့ ထိပ်တန်းလျှို့ဝှက်ချက်တွေ ပြောခဲ့တယ်ဆိုတာ ၀န်ခံခဲ့ပါတယ်။

    IS က လက်တော့တွေအသုံးပြုပြီး လေယာဉ်တွေကို ဖောက်ခွဲမယ်ဆိုတဲ့ သတင်းကို အစ္စရေး ပေးတယ်ဆိုတဲ့အကြောင်း အခြားသော အမေရိကန်မီဒီယာတွေကကလည်း သူတို့နည်းသူတို့ဟန်နဲ့ စုံစမ်းပြီး နယူးယောက်တိုင်းမ်စ်ရဲ့ ဖော်ပြမှုကို အတည်ပြုခဲ့ပါတယ်။

    အမေရိကန်နိုင်ငံဆိုင်ရာ အစ္စရေးသံအမတ် ရွန် ဒါရ်မာရ်က ထုတ်ပြန်တဲ့ ကြေငြာချက်မှာ အစ္စရေးအနေနဲ့ အမေရိကန်နဲ့ ထောက်လှမ်းရေးသတင်း မျှဝေမှုလုပ်ငန်းမှာ ယုံကြည်မှု အပြည့်အ၀ရှိတယ်လို့ ဆိုပါတယ်။ ဒါပေမယ့် နယူးယောက်တိုင်းမ်စ်ရဲ့ ဖော်ပြမှုနဲ့ပတ်သက်ပြီး သီးခြားမှတ်ချက်ပေးတာမျိုး မပါဝင်ခဲ့ပါဘူး။

    IS ဟာ လက်တော့ကွန်ပျူတာတွေမှာ ဗုံးတွေထည့်နိုင်တဲ့ စွမ်းရည် ရရှိသွားပြီဆိုတဲ့ စိုးရိမ်မှုတွေနဲ့ပတ်သက်ပြီး အစ္စရေးရဲ့ ထောက်လှမ်းရေးအချက်အလက်ပေါ်မှာ သံသယတွေလည်း ရှိနေပါတယ်။

    မတ်လအတွင်း အမေရိကန်က မွတ်စလင်အများစုရှိရာ နိုင်ငံ ၈ နိုင်ငံက လာရောက်မယ့် လေယာဉ်တွေပေါ်မှာ အရွယ်အစားကြီးမားတဲ့ အီလက်ထရောနစ်ပစ္စည်းတွေ လူနဲ့အတူ မတင်ရဘူးဆိုတဲ့ အမေရိကန်အစိုးရရဲ့ တားမြစ်ချက်ဟာ ဒီသတင်းကြောင့် ဖြစ်တယ်လို့လည်း ပြောဆိုမှုတွေ ရှိနေပါတယ်။

    ဒီတားမြစ်ချက်ကို ခံစားခဲ့ရတဲ့ လေကြောင်းလိုင်းတွေက Royal Jordanian Airlines၊ EgyptAir၊ Turkish Airlines၊ Saudi Airlines၊ Kuwait Airways၊ Royal Air Maroc၊ Qatar Airways၊ Emirates နဲ့ Etihad Airways တွေ ဖြစ်ပါတယ်။

    အမေရိကန်ကို တိုက်ရိုက်ပျံသန်းကြတဲ့ ဒီလေကြောင်းလိုင်းတွေဟာ အမေရိကန် လေကြောင်းကုမ္ပဏီတွေအတွက် ကြီးမားတဲ့ ပြိုင်ဆိုင်မှုတွေဖြစ်နေပြီး အထူးသဖြင့် နွေရာသီကာလတွေမှာ ဖြစ်ပါတယ်။

    စီအိုင်အေ အရာရှိဟောင်း ဂျွန် ကီရီယာကူက IS ရဲ့ ဒီလိုကိစ္စနဲ့ပတ်သက်ပြီး အင်မတန်အရေးပါတဲ့ ထောက်လှမ်းရေးအချက်အလက်တွေကို အစ္စရေးက ရရှိတယ်ဆိုတဲ့အပေါ်မှာ သင်္ကာမကင်း ဖြစ်နေပါတယ်။

    “ဂျော်ဒန်၊ တူရကီထောက်လှမ်းရေးတွေက ဒီလို သတင်းရတယ်ဆိုရင် ဒါက ပိုပြီး ယုတ္တိရှိတယ်ဗျ။ ဘာ့ကြောင့်လည်းဆိုတော့ ဒီအဖွဲ့တွေက IS လိုအဖွဲ့မျိုးနဲ့ ရင်ဆိုင်ရတဲ့ အချိန်အတိုင်းအတာက ကြာပြီလေ။ အရှေ့အလယ်ပိုင်း လေကြောင်းစီးပွားရေးကို ကဖျက်ယဖျက်လုပ်ပြီး ကိုယ်ကျိုးရှာချင်လို့ အစ္စရေးက ဒီလိုလု
    ပ်တယ် ဆိုရင်လည်း ကျွန်တော် အံ့သြမိမှာ မဟုတ်ပါဘူး” လို့ ကီရီယာကူက ပြောပါတယ်။

    CNN က အမေရိကန်ကိုလာမယ့် လေကြောင်းလိုင်းတွေပေါ်မှာ လက်တော့တွေကို ပိတ်ပင်မယ့်သတင်းကို မတ်လ ၃၁ ရက်နေ့က ဖော်ပြရမှာ ထောက်လှမ်းရေးနဲ့ဆိုင်တဲ့ အချက်အလက်တွေကို ချန်ခဲ့ရခြင်းဟာ အမေရိကန် ထောက်လှမ်းရေး တာဝန်ရှိသူတွေက အမျိုးသားလုံခြုံရေး စိုးရိမ်မှုကြောင့် မဖော်ပြဖို့ မေတ္တာရပ်ခံတဲ့အတွက် ဖစ်တယ်လို့ အင်္ဂါနေ့မှာ ဖော်ပြခဲ့ပါတယ်။

    “မတ်လနှောင်းပိုင်းမှာ အမေရိကန်တာဝန်ရှိသူတွေက -ထောက်လှမ်းရေးသတင်းရရှိတဲ့ မြို့တစ်ခု အပါအ၀င် – တစ်ချို့အချက်အလက်တွေကို ဖော်ပြရင် ရန်သူတွေကို ထောက်လှမ်းရေးရင်းမြစ်တွေ၊ နည်းလမ်းတွေ အသိပေးသလို ဖြစ်သွားနိုင်တယ်လို့ ပြောခဲ့ပါတယ်” လို့ CNN က ရေးသားခဲ့ပါတယ်။

    Ref: Aljazeera

  • ပါကစ္စတန်ရှိ မွတ်စလင် သူတော်စင်၏ ဂူဗိမာန်အား IS က ဗုံးခွဲတိုက်ခိုက်

    ပါကစ္စတန်ရှိ မွတ်စလင် သူတော်စင်၏ ဂူဗိမာန်အား IS က ဗုံးခွဲတိုက်ခိုက်

    ဖေဖော်ဝါရီ ၁၇၊ ၂၀၁၇
    M-Meadia

    – ပါကစ္စတန်နိုင်ငံ ဆင်းပြည်နယ်ရှိ မွတ်စလင်သူတော်စင် တစ်ပါး၏ ဂူဗိမာန်တွင် IS အကြမ်းဖက်အဖွဲ့က အသေခံ ဗုံးခွဲတိုက်ခိုက်ခဲ့သောကြောင့် အမျိုးသမီးနှင့် ကလေးငယ်များအပါအ၀င် လူပေါင်း ၁၀၀ နီးပါး သေဆုံးခဲ့သည်ဟု သိရသည်။

    တိုက်ခိုက်ခံရသည့် နေရာမှာ ဆဟ်ဝမ်မြို့တွင် ဆူဖီသူတော်စင် တစ်ပါးကို မြှုပ်နှံထားရာ လာရှာဘက်ဇ် ကွာလန်ဒါ ဗိမာန်ဖြစ်သည်။ IS က ၎င်းတို့၏ လက်ချက်ဖြစ်သည်ဟု ကြေငြာခဲ့သည်။

    ဟိုက်ဒရာဘတ် ရဲတပ်ဖွဲ့မှ တာဝန်ရှိသူ ခါဒင်မဟူစိန်က ယမန်နေ့ တိုက်ခိုက်မှုကြောင့် အနည်းဆုံး ၇၅ ဦး သေဆုံးခဲ့ပြီး ၂၀၀ ကျော် ဒဏ်ရာရရှိခဲ့သည်ဟု ပြောကြားခဲ့သည်။ သေဆုံးသူများတွင် အမျိုးသား ၄၃ ဦး၊ အမျိုသမီး ၉ ဦး၊ ကလေးငယ် ၂၀ ဦးတို့ ပါဝင်ပြီး သေဆုံးသူအရေအတွက်မှာ မြင့်တက်ဖွယ်ရှိနေသည်။

    လာရှာဘက်ဇ် ကွာလန်ဒါဗိမာန်တွင် ဘာသာရေးအခမ်းအနား ပြုလုပ်နေစဉ် တိုက်ခိုက်ခံခဲ့ရခြင်းဖြစ်ပြီး ပါကစ္စတန်နိုင်ငံတွင် ၂ နှစ်အတွင်း အဆိုးရွားဆုံး တိုက်ခိုက်မှုလည်း ဖြစ်သည်။

    အဆိုဗိမာန်မှာ လာလ် ရှာဘက်ဇ် ကွာလန်ဒါဟု လူသိများပြီး ဆူဖီသူတော်စင် နှင့် ကဗျာဆရာဖြစ်သူ ဆယဒ် မိုဟာမက် အွတ်စ်မန် မာရ်ဝမ်ဒီ မြှုပ်နှံထားရာ မြေပုံကို အထွဋ်အမြတ်ထားကာ ၁၃၅၆ ခုနှစ်တွင် တည်ဆောက်ခဲ့ခြင်းဖြစ်သည်။ အွတ်စ်မန် မာရ်ဝမ်ဒီမှာ ပါကစ္စတန်တွင် ကြည်ညိုလေးစားခံရဆုံး သူတော်စင်များထဲမှ တစ်ပါးဖြစ်သည်။

    ပြီးခဲ့သည့်နှစ် နိုဝင်ဘာလကလည်း ဘာလိုချစ္စတန်ပြည်နယ်ရှိ ရှားနူရာနီ ဆူဖီသူတော်၏ ဂူဗိမာန်မှာ IS အကြမ်းဖက်အဖွဲ့၏ အသေခံ ဗုံးခွဲတိုက်ခိုက်မှုကို ခံခဲ့ရသည်။

    ပါကစ္စတန်နိုင်ငံတွင် ယခုတစ်ပတ်အတွင်း ဖြစ်ပွားခဲ့သည့် အကြမ်းဖက် တိုက်ခိုက်မှုများ

    Ref: Aljazeera