News @ M-Media

Tag: Islam in Malaysia

  • သူတစ်ပါးကို မပုတ်ခတ်ဘဲ မိမိကိုယ်ကို မြှင့်တင်ခြင်းဖြင့် မွတ်စလင်လူ့အဖွဲ့အစည်းကို တည်ဆောက်ရန် မလေးဘုရင် ပြော

    သူတစ်ပါးကို မပုတ်ခတ်ဘဲ မိမိကိုယ်ကို မြှင့်တင်ခြင်းဖြင့် မွတ်စလင်လူ့အဖွဲ့အစည်းကို တည်ဆောက်ရန် မလေးဘုရင် ပြော

    သြဂုတ် ၂၇၊ ၂၀၂၄
    M-Media

    (ဓာတ်ပုံ – ညီလာခံပြီးနောက် တွေ့ရသည့် ဘုရင် မူအီဇူဒင် (လယ်) နှင့် တာ၀န်ရှိသူများ)

    -အကြောက်တရား ရိုက်ထည့်ပေးခြင်းထက်၊ မိမိတို့စွမ်းအားကို ကိုယ်တိုင်မြှင့်တင်ခြင်းနဲ့သာလျင် မွတ်စလင် လူ့အဖွဲ့အစည်း ရှင်သန်ရပ်တည်ရေး ဆောင်ရွက်သွားရမယ်လို့ မလေးရှားက ဘုရင်တစ်ပါးဖြစ်တဲ့ ဆူလ်တန် နဇ်ရင် မူအီဇူဒင်ရှားက ပြောပါတယ်။

    အခုတစ်ပတ် အစောပိုင်းက ပြုလုပ်တဲ့ ၇၂ ကြိမ်မြောက် အစ္စလာမ့်ရေးရာကောင်စီ နှစ်ပတ်လည် ညီလာခံမှာ ဘုရင်ကြီးက ပြောကြားခဲ့တာပါ။ ဘုရင် မူအီဇူဒင်ရှားဟာ ကောင်စီဥက္ကဌဖြစ်ပြီး ညီလာခံကို ဦးဆောင်ကျင်းပခဲ့တာ ဖြစ်ပါတယ်။

    အခြားဘာသာ၀င်တွေနဲ့ပတ်သက်ပြီး မွတ်စလင်လူ့အဖွဲ့အစည်းမှာ အကြောက်တရား ရိုက်ထည့်ပေးခြင်းဟာ ကလေးငယ်တွေကို သရဲပုံပြင်တွေပြောပြီး ခြောက်လှန့်တာနဲ့ ဆင်တူကြောင်း၊ မွတ်စလင်မဟုတ်တဲ့ လူ့အဖွဲ့အစည်းတွေကိုလည်း စိတ်အနှောက်အယှက်ဖြစ်စေကြောင်း ဘုရင်ကြီးက ဆိုပါတယ်။

    “အကြောက်တရားရိုက်ထည့်ခြင်းဟာ လူ့အဖွဲ့အစည်းကို အလွန်ထိခိုက်ပါတယ်။ မိမိကိုယ်ကို ယုံကြည်မှု လျော့ကျစေတယ်။ ကိုယ့်လူ့အဖွဲ့အစည်းရဲ့ ပြင်ပ၊ အထူးသဖြင့် ကမ္ဘာနဲ့ချီပြီး ယှဥ်ပြိုင်ရတဲ့ အခါမျိုးမှာ ကိုယ့်လူ့အဖွဲ့အစည်းရဲ့ စွမ်းဆောင်ရည်ကို ကျဆင်းစေပါတယ်”

    လူ့အဖွဲ့အစည်းနဲ့ အစ္စလာမ်သာသနာရဲ့ ဂုဏ်သိက္ခာကို ထိခိုက်ပျက်ဆီးစေတဲ့ လုပ်ရပ်မျိုးတွေကို မွတ်စလင်လူ့အဖွဲ့အစည်းက လုံး၀ လက်မခံဖို့လည်း ဘုရင် မူအီဇူဒင်က တိုက်တွန်းခဲ့ပါတယ်။

    ညီလာခံကို မလေးရှား၀န်ကြီးချုပ် အန်၀ါရ် အီဘရာဟင်နဲ့ အစိုးရ၀န်ကြီးတစ်ချို့လည်း တက်ရောက်ခဲ့ပါတယ်။

    Ref: The Straits Times


  • ကမ်ပုန် တွန်ကူဗလီ (သို့) အော်တစ်ဇင်ကလေးများ နားခိုရာ

    ကမ်ပုန် တွန်ကူဗလီ (သို့) အော်တစ်ဇင်ကလေးများ နားခိုရာ

    စက်တင်ဘာ ၁၈၊ ၂၀၂၀
    M-Media

    -မလေးရှားနိုင်ငံ မြို့တော်ကွာလာလမ်ပူ ဆင်ခြေဖုံးမှာ တည်ရှိတဲ့ Kampung Tunku ဗလီဝတ်ကျောင်းတော်ဟာ အပြင်ကနေကြည့်မယ်ဆိုရင် ဝတ်ပြုရာနေရာတစ်ခု၊ ဒေသခံ အစ္စလာမ်ဘာသာဝင်တွေအတွက် ဘာသာရေးအရအားကိုးအားထားပြုစရာ နေရာတစ်ခုသာ ဖြစ်ပါတယ်။

    ဒါပေမယ့် ပြီးခဲ့တဲ့ ၂ နှစ်ခွဲတာကာလအတွင်း ဒီဗလီကို အစ္စလာမ်ဘာသာဝင်မဟုတ်သူတွေ ပိုပိုပြီး ရောက်လာကြပါတယ်။ ဘာသာရေးအတွက် လာရောက်တာမဟုတ်ဘဲ အော်တစ်ဇင်ဖြစ်နေတဲ့ သူတို့ရဲ့ ကလေးငယ်တွေအတွက် ခိုလှုံရာအဖြစ် လာရောက်ကြတာ ဖြစ်ပါတယ်။

    အော်တစ်ဇင်ကလေးငယ်တွေကို ပြုစုပြိုးထောင်ပေးတဲ့ Kumpulan Anak Autisme Masjid (Kami) Playgroup အဖွဲ့ကို ဒီဗလီမှာ ၂၀၁၇ ခုနှစ်က စတင် တည်ထောင်ခဲ့တာပါ။ မိဘတွေနဲ့ မိသားစုတွေပါ ပါဝင်နိုင်တဲ့ ပန်းချီဆွဲတာ၊ ဂိမ်းကစားတာနဲ့ အားကစားလှုပ်ရှားမှုတွေ လုပ်ဆောင်ပေးတဲ့ ဒီနေရာလေးဟာ အော်တစ်ဇင်ကလေးငယ်တွေအတွက် ခိုနားရာနေရာတစ်ခု ဖြစ်လာပါတယ်။

    ဗလီဂေါပကအဖွဲ့အကြီးအကဲ ၀မ် ဟူဇိုင်နီ ဝမ် ဟူစိန်က Kami Playgroup ဟာ ဘာသာလူမျိုးမခွဲခြားဘဲ လာရောက်သမျှလူ အားလုံးကို စောင့်ရှောက်ပျိုးထောင်ပေးနေတယ်လို့ ပြောကြားခဲ့ပါတယ်။

    “အော်တစ်ဇင်ကလေးငယ်တွေရဲ့ အထူးလိုအပ်ချက်တွေကို ဖြည့်ဆည်းပေးဖို့က အဓိကအရေးကြီးဆုံးပါ”

    ကလေးငယ်များ ပန်းချီဆွဲနေစဉ်

    ဗလီကဦးစီးပြီး ဆောင်ရွက်နေတဲ့ အော်တစ်ဇင်ကလေးငယ်များ ကူညီရေးလှုပ်ရှားမှုမှာ ပါဝင်နေတဲ့ ဆရာတစ်ဦးက ဒီအဖွဲ့ဖွဲ့ဖို့ အကြံရခဲ့တာလို့ ဝမ်ဟူစိန်က ပြောပါတယ်။

    အဖွဲ့စဖွဲ့ပြီးကတည်းက ကလန်းဗာလီမြို့နယ်က မိဘတွေရဲ့ ချီးကျူးမှုကို ရခဲ့ပြီ လူသတင်းလူချင်းဆောင်ကာ အခြားမြို့နယ်တွေက မိဘတွေရဲ့ ပူးပေါင်းမှုကိုပါ နောက်ပိုင်းမှာ ရခဲ့တယ်လို့ ဝမ်ဟူစိန်က ထည့်သွင်းပြောကြားခဲ့ပါတယ်။

    “Kami Playgroup ဟာ အော်တစ်ဇင်ကလေးငယ်ရှိတဲ့ မိဘတွေ သူတို့ရဲ့ စိတ်ခံစားမှု၊ ပြဿနာတွေနဲ့ သတင်းအချက်အလက်တွေကို မျှဝေရာ နေရာတစ်ခုဖြစ်တယ်လို့ ကျွန်တော် အမြဲ ပြောပါတယ်။ သူတို့ဟာ အထီးကျန်စရာမလိုဘဲ ကျွန်တော်တို့ဆီ့က ပံ့ပိုးကူညီမှု ရရှိမှာ ဖြစ်ပါတယ်”

    ဒေသခံပြည်သူတွေက ဒီလှုပ်ရှားမှုကို လက်ခံရုံသာမက ပံ့ပိုးကူညီကြတဲ့အတွက် အလွန်ကျေးဇူးတင်တယ်လို့လည်း ဟူစိန်က ဆိုပါတယ်။ Kami Playgroup ကို စေတနာ့ဝန်ထမ်းတွေနဲ့ လည်ပတ်နေတာ ဖြစ်ပါတယ်။

    “ဗလီဆိုတာ ဝတ်ပြုဆုတောင်းရာ နေရာတစ်ခုသာ မဟုတ်ဘူးဆိုတာကို ပြသဖို့အတွက် သူတို့အားလုံးဟာ အစွမ်းကုန် ပံ့ပိုးကူညီကြပါတယ်”

    အော်တစ်ဇင်ကလေးငယ်တွေအတွက် သီးသန့် ပုဂ္ဂလိကကျောင်းတွေဟာ စျေးအရမ်းကြီးတဲ့အတွက် Kami Playgroup ဟာ ဝင်ငွေနည်းတဲ့ မိသားစုတွေ အားထားရာ နေရာတစ်ခု ဖြစ်လာတယ်လို့ အဖွဲ့အကြီးအကဲ အဒ်လင်း အဘ်ဒူလ် ဂနီက ပြောပါတယ်။

    ဆရာ၊ ဆရာမများ

    “ကျွန်မမှာ အော်တစ်ဇင်ကလေးရှိပြီး ဒီလိုကလေးမျိုးရှိတဲ့ အခြားမိဘတွေလိုပဲ အခက်အခဲတွေကို ကြုံရပါတယ်။ ဒါ့ကြောင့် သူတို့ရဲ့လိုအပ်ချက်ကို ကျွန်မ နားလည်ပါတယ်။ ကလေးတွေဟာ ကစားခုန်စားဖို့နဲ့ လှုပ်ရှားမှုတွေလုပ်ဖို့ နေရာတစ်ခု လိုပ်ပါတယ်” လို့ အဒ်လင်းက ပြောပါတယ်။

    Kami Playgroup အတွက် လခက တစ်လကို မလေးရှားရင်းဂစ် ၃၀ (ကျပ်တစ်သောင်းဝန်းကျင်) သာ ဖြစ်ပါတယ်။

    အဖွဲ့ဟာ အော်တစ်ဇင်ကလေးငယ်တွေရဲ့ ဆက်သွယ်ပြောဆိုမှု၊ စိတ်ခံစားမှု၊ လူမှုရေးဆက်ဆံရေးနဲ့ မိမိကိုယ်ကို ယုံကြည်မှုရှိရေး စတဲ့စွမ်းရည်တွေ တိုးတက်အောင် ဆောင်ရွက်ပေးနေတယ်လို့လည်း အဒ်လင်းက ထည့်သွင်းပြောကြားခဲ့ပါတယ်။

    “စိန်ခေါ်မှုတစ်ခုက အသက်အရွယ်မတူတဲ့ ကလေးတွေအတွက် သီးခြားလှုပ်ရှားမှုတွေကို စီစဉ်ပေးရတာပါ။ အသက် ၃ နှစက်နေ ၁၃ နှစ်အရွယ်အထိ ကျွန်မတို့ လက်ခံပါတယ်”

    Covid-19 ကပ်ရောဂါကို ဒီကျောင်းကို ခေတ္တပိတ်ထားပေမယ့် မကြာခင်မှာ ပြန်ဖွင့်ခွင့်ရအောင် စီစဉ်နေတယ်လို့ အဒ်လင်းက ပြောပါတယ်။ ဒီလှုပ်ရှားမှု ပြန်လည်ဖွင့်လှစ်နိုင်ဖို့ အဒ်လင်းတို့အဖွဲ့က အာဏာပိုင်ကို စာတင်သွားမှာဖြစ်ပြီး၊ ကလေးတွေနဲ့ အုပ်ထိန်းသူတွေ အန္တရာယ်ကင်းစေဖို့အတွက် ဆောက်ရွက်ထားတာတွေကိုလည်း တစ်ပါတည်း အသိပေးသွားမှာ ဖြစ်ပါတယ်။

    “အရင်အခြေအနေမျိုး မဟုတ်ဘူးဆိုတာ ကျွန်မတို့ သိပါတယ်။ ဒါ့ကြောင့် ကလေးငယ်တွေကို ကာကွယ်ဖို့ စည်းမျဉ်းစည်းကမ်းတွေ လိုပါတယ်။ ကျွန်မတို့ကိုယ်တိုင်နဲ့ သာမန်ကလေးတွေတောင် အိမ်မှာနေရတဲ့ စိတ်ဖိစီးမှုကို ကျော်လွှားနေရတယ်ဆိုရင် အော်တစ်ဇင်ကလေးငယ်တွေက ပိုဆိုးတာပေါ့။ ဘာတွေဖြစ်နေလဲဆိုတာ သူတို့လေးတွေ သိမှာတောင် မဟုတ်ပါဘူး” လို့ အဒ်လင်းက ထည့်သွင်း ပြောကြားခဲ့ပါတယ်။

    ကျောင်း ဘယ်​တော့ပြန်ဖွင့်မလဲဆိုတာကို မိဘတွေက လှမ်းလှမ်းမေးကြတယ်လို့လည်း သူမက ဆိုပါတယ်။

    Ref: Free Malaysia Today

  • KL မွတ်စလင်ခေါင်းဆောင်များ ထိပ်သီးအစည်းအဝေးမှာ မဟာသီဘာပြောလဲ

    KL မွတ်စလင်ခေါင်းဆောင်များ ထိပ်သီးအစည်းအဝေးမှာ မဟာသီဘာပြောလဲ

    ဒီဇင်ဘာ ၁၉၊ ၂၀၁၉
    M-Media

    -မလေးရှားက ဦးဆောင်ကျင်းပတဲ့ မွတ်စလင်ခေါင်းဆောင်များ ထိပ်သီးအစည်းအဝေး ( Kuala Lumpur Summit 2019) ဟာ ဘယ်နိုင်ငံကိုမှ ခွဲခြားဖို့၊ သီးသန့်ဖယ်ထုတ်ဖို့မဟုတ်ဘဲ မွတ်စလင်ကမ္ဘာက လက်ခံနိုင်မယ့်၊ အလုပ်ဖြစ်မယ့် အဆိုပြုချက်တွေ၊ အဖြေတွေကို ရှာဖွေဖို့ဖြစ်တယ်လို့ မလေးရှားဝန်ကြီးချုပ် မဟာသီယာ မိုဟာမက်က ပြောကြားလိုက်ပါတယ်။

    အဲဒီထိပ်သီးအစည်းအဝေးဟာ ရှိပြီးသား OIC အဖွဲ့ကို စင်ပြိုင်လုပ်တယ်လို့ ဆော်ဒီအာရေဗျက စွပ်စွဲထားပြီး တက်ရောက်ခြင်းလည်း မရှိပါဘူး။ OIC အဖွဲ့ဝင်နိုင်ငံ ၅၇ နိုင်ငံကို မလေးရှားက ဖိတ်ကြားရာမှာ နိုင်ငံ ၂၀ လောက်သာ တက်ရောက်ပါတယ်။

    မလေးရှားဝန်ကြီးချုပ်က ထိပ်သီးအစည်းအဝေးရဲ့ ရည်ရွယ်ချက်ဟာ ဘာသာရေးဆွေးနွေးဖို့မဟုတ်ဘဲ ‘ဒုက္ခသုက္ခရောက်နေတဲ့’ မွတ်စလင်ကမ္ဘာက ပြဿနာတွေကို ဆွေးနွေးအဖြေရှာဖို့ဖြစ်တယ်လို့ အဖွင့်မိန့်ခွန်းမှာ ပြောကြားခဲ့ပါတယ်။

    “ဘယ်နေရာကိုကြည့်လိုက်ကြည့်လိုက် မွတ်စလင်နိုင်ငံတွေ ဖျက်ဆီးခံနေရတယ်။ နိုင်ငံသားတွေ ထွက်ပြေးနေရတယ်။ မွတ်စလင်မဟုတ်တဲ့နိုင်ငံတွေမှာ ဒုက္ခသည်တွေအဖြစ် သွားရောက်ခိုလှုံနေရတယ်။ လူထောင်သောင်းချီသေဆုံးပြီး၊ ခိုလှုံခွင့်တွေလည်း ငြင်းပယ်ခံနေရတယ်။ တစ်ဖက်ကိုကြည့်လိုက်ရင်လည်း မွတ်စလင်တွေဟာ အကြမ်းဖက်ဖို့၊ အပြစ်မဲ့သူတွေ၊ အမျိုးသားတွေ၊ အမျိုးသမီးတွေ၊ ကလေးငယ်တွေ၊ နေထိုင်မကောင်းသူတွေကို သတ်ဖြတ်ဖို့ လုပ်နေကြတယ်”

    အခု ထိပ်သီးအစည်းအဝေးဟာ ဒီကိစ္စတွေကိုဖြေရှင်နိုင်ရေး အစပျိုးတာဖြစ်တယ်လို့လည်း မဟာသီက ထည့်သွင်းပြောဆိုခဲ့ပါတယ်။

    “ကျွန်တော်တို့ ဘယ်သူ့ကိုမှ ခွဲခြားတာ၊ ပစ်ပယ်တာ မရှိပါဘူး။ သေးသေးလေးကနေ စတင်တာဖြစ်တယ်။ ဒီကထွက်လာမယ့် အတွေးအမြင်တွေ၊ အဆိုပြုချက်တွေ၊ အဖြေတွေဟာ လက်ခံနိုင်စရာဖြစ်မယ်၊ အလုပ်ဖြစ်မယ်ဆိုရင် ပိုပြီး ကြီးမားထိရောက်တဲ့ လုပ်ငန်းတွေ လုပ်ဆောင်ဖို့ မျှော်လင့်ထားပါတယ်”

    မဟာသီဟာ ထိပ်သီးအစည်းအဝေးရဲ့ ဥက္ကဌအဖြစ် တာဝန်ယူထားပါတယ်။ အစည်းအဝေးမှာ ကမ္ဘာတစ်ဝှမ်း ပြန့်နှံ့နေတဲ့ အစ္စလာမ်ကြောက်ရောဂါကို ဖြေရှင်းရေး၊ မွတ်စလင်ကမ္ဘာက ချို့ယွင်းချက်တွေကို ပြုပြင်ရေး၊ မွတ်စလင်တွေရဲ့ အသက်ရှင်နေထိုင်မှုအခြေအနေ တိုးတက်ကောင်းမွန်ရေး ဆွေး‌နွေးသွားမယ်လို့ ထုတ်ပြန်ထားပါတယ်။

    မွတ်စလင်နိုင်ငံတွေမှာ ဂိုဏ်းကနပဋိပက္ခတွေ၊ ပြည်တွင်းစစ်တွေဖြစ်နေတာ၊ ခိုင်မာတောင့်တင်းတဲ့ အစိုးရမရှိတာနဲ့ အခြား ပြဿနာတွေကို မဟာသီက ထောက်ပြခဲ့ပြီး ဒါတွေကိုဖြေရှင်းရေး ခိုင်မာတဲ့ ဆောင်ရွက်မှုမျိုးကိုလည်း မတွေ့ရဘူးလို့ ထည့်သွင်းပြောဆိုခဲ့ပါတယ်။

    “ဒုတိယကမ္ဘာစစ်ကြောင့် ပျက်ဆီးသွားတဲ့ နိုင်ငံတစ်ချို့ဟာ အလျင်အမြန် ပြန်လည်ထူထောင်နိုင်ရုံသာမက၊ ခိုင်မာတဲ့ ဖွံ့ဖြိုးတိုးတက်မှုတွေ ရရှိတာကို ကျွန်တော်တို့ မြင်တွေ့ခဲ့ရတယ်။ ဒါပေမယ့် မွတ်စလင်နိုင်ငံ တစ်ချို့ကတော့ ဖွံ့ဖြိုးဖို့၊ သာယာ၀ပြောဖို့မပြောနဲ့ ‌ကောင်းမွန်တဲ့အုပ်ချုပ်ရေးမျိုး ရှိလာအောင်တောင် မလုပ်နိုင်ပါဘူး”

    ဒါတွေကို နားလည်အောင်ကြိုးစားခြင်းဟာ မွတ်စလင်ကမ္ဘာကို နိမ့်ပါးစေတဲ့ ပြဿနာတွေကို ကျော်ဖြတ် ဖြေရှင်းနိုင်ရေး လမ်းကြောင်းတစ်ခုပေါ်လာအောင် မျက်စိဖွင့်ပေးလိမ့်မယ်လို့လည်း မလေးရှားဝန်ကြီးချုပ်က ထည့်သွင်းပြောဆိုခဲ့ပါတယ်။

    ၃ ရက်တာကြာမြင့်မယ့် Kuala Lumpur Summit 2019 ထိပ်သီးအစည်းအဝေးကို အီရန်သမ္မတ ဟာဆန်ရူဟာနီ၊ တူရကီသမ္မတ အာဒိုဂန်တို့ အပါအဝင် မွတ်စလင်ကမ္ဘာက ခေါင်းဆောင်တစ်ချို့ တက်ရောက်ခဲ့ကြပါတယ်။

    Ref: The Star

  • ကောင်းမြတ်သော အကျင့်သီလများဖြင့် အစ္စလာမ့်သတင်းစကားဖြန့်ချီရန် မွတ်စလင်များကို မဟာသီ တိုက်တွန်း

    ကောင်းမြတ်သော အကျင့်သီလများဖြင့် အစ္စလာမ့်သတင်းစကားဖြန့်ချီရန် မွတ်စလင်များကို မဟာသီ တိုက်တွန်း

    နိုဝင်ဘာ ၃၀၊ ၂၀၁၉
    M-Media

    -မွတ်စလင်မဟုတ်သူတွေ အစ္စလာမ်သာသနာကို နားလည်လာစေဖို့ဆိုရင် မွတ်စလင်တွေက ကောင်းမြတ်တဲ့ ကိုယ်ကျင့်သီလတွေကို ‌မွေးမြူပြသဖို့ လိုအပ်တယ်လို့ မလေးရှားဝန်ကြီးချုပ် မဟာသီယာ မိုဟာမက်က ပြောကြားလိုက်ပါတယ်။

    မလေးရှား မွတ်စလင်ရေးရာအဖွဲ့အစည်း (Perkim) ရဲ့ ၅၈ နှစ်မြောက် နှစ်ပတ်လည် ညစာစားပွဲကို မနေ့က ပြုလုပ်ခဲ့ပြီး ဝန်ကြီးချုပ် မဟာသီ တက်ရောက်မိန့်ခွန်းပြောကြားခဲ့တာပါ။ မဟာသီဟာ Perkim ရဲ့ ဥက္ကဌလည်း ဖြစ်ပါတယ်။

    မစဉ်းစားမဆင်ခြင်တာ၊ အခြားလူမျိုး၊ အခြားဘာသာတရားတွေကို စော်ကားတာ၊ သဘောထား မတိုက်ဆိုင်မှုအပေါ် ငြင်းခုံရန်ဖြစ်တာလို မကောင်းတဲ့ အကျင့်မျိုးတွေကို မမွေးဘဲ စစ်မှန်တဲ့ အစ္စလာမ်ဘာသာဝင်တစ်ယောက် ဖြစ်လာရေးအတွက်လည်း တိုက်တွန်းခဲ့ပါတယ်။

    “ကျွန်တော်တို့ ကိုယ်တိုင်က ကိုယ်ကျင့်တရားမကောင်းဘူး၊ ဘ၀မှာ မအောင်မြင်ဘူးဆိုရင် မွတ်စလင်မဟုတ်သူတွေက ကျွန်တော်တို့ကို ဝိုင်းပယ်မှာပါ။ ကောင်းမြတ်တဲ့အကျင့်သီလတွေကို ကျွန်တော်တို့ ပြသဖို့လိုတယ်။ ဒါမှ သူတို့တွေဟာ ကျွန်တော်တို့ရဲ့ လုပ်ရပ်ကို သဘောကျပြီး အစ္စလာမ်ရဲ့ သွန်သင်မှုတွေအပေါ် လက်ခံယုံကြည်လာမှာပါ”

    အတ္တကို ရှေ့တန်းမတင်ဘဲ အများနဲ့ လိုက်လျောညီထွေနေ‌ကြဖို့လည်း မဟာသီက တိုက်တွန်းခဲ့ပါတယ်။

    “လူသားတွေဟာ လူ့အဖွဲ့အစည်းတွေ စုပေါင်းနေထိုင်ကြတာပါ။ သီးခြားနေထိုင်တာမဟုတ်ပါဘူး။ စိတ်ခံစားမှုကို ရှေ့တန်းမတင်ဖို့လိုအပ်တယ်။ အဲဒီလို ရှေ့တန်းတင်တင်နေမယ်ဆိုရင် ပြဿနာတွေဖြစ်ပြီး အားလုံးဆုံးရှုံးမှာပါ”

    နိုင်ငံအတွင်းမှာ ပြည်သူတွေအချင်းချင်း တိုက်ကြခိုက်ကြမယ်ဆိုရင် ငြိမ်းချမ်းတော့မှာမဟုတ်ဘဲ တစ်ခြားနိုင်ငံတွေက ဝင်ရောက် အခွင့်အရေးရယူသွားလိမ့်မယ်လို့ မဟာသီက ထည့်သွင်း သတိပေးခဲ့သလို၊ Perkim အနေနဲ့ အစ္စလာမ့်သတင်းစကား ဖြန့်ချီရေးမှာ တက်တက်ကြွကြွဆက်လက်ဆောင်ရွက်သွားဖို့လည်း တိုက်တွန်းခဲ့ပါတယ်။

    Perkim ရဲ့ ဒုတိယဥက္ကဌ ၁ ဒါတွတ်ဆရီ ရှာဟီဒန် ကာဆင်ကလည်း မဟာသီရဲ့ ပြောကြားမှုကို ကြိုဆိုခဲ့ပြီး မွတ်စလင်တွေအနေနဲ့ အစ္စလာမ်ရဲ့ စစ်မှန်တဲ့ သွန်သင်မှုအောက်မှာ ညီညွတ်ဖို့လိုအပ်တယ်လို့ တိုက်တွန်းပြောဆိုခဲ့ပါတယ်။

    “မွတ်စလင်တွေ စည်းလုံးညီညွတ်ရေး ဆောင်ရွက်တဲ့ ခေါင်းဆောင်တစ်ယောက် လိုအပ်ပါတယ်။ ဒေါက်တာမဟာသီ ဝန်ကြီးချုပ်အဖြစ် တာဝန်ယူတဲ့အချိန်မှာတော့ သူက ဒီတာဝန်တွေကို ထမ်းဆောင်တယ်။ တစ်ခြားလူတွေအားလုံးရဲ့ ပူးပေါင်းဆောင်ရွက်မှုလည်း လိုအပ်ပါတယ်”

    Ref: Malay Mail

  • အစၥလာမ္တြင္ ‘ဘာသာတူရာဆိုင္မွာ အားေပးပါ’ လႈပ္ရွားမႈကို လက္ခံခြင့္ျပဳထားသလား

    အစၥလာမ္တြင္ ‘ဘာသာတူရာဆိုင္မွာ အားေပးပါ’ လႈပ္ရွားမႈကို လက္ခံခြင့္ျပဳထားသလား

    စက္တင္ဘာ ၉၊ ၂၀၁၉
    M-Media

    -မြတ္စလင္မဟုတ္သူမ်ားက ထုတ္လုပ္သည့္ ပစၥည္းမ်ားကို မြတ္စလင္မ်ားက သပိတ္ေမွာက္ျခင္း၊ မြတ္စလင္ထုတ္ပစၥည္းမ်ားကို မြတ္စလင္မဟုတ္သူမ်ားက သပိတ္ေမွာက္ျခင္းတို႔သည္ တစ္ဖက္ႏွစ္တစ္ဖက္ ေသြးကြဲေစၿပီး လူမ်ိဳးစံုဘာသာစံုရွိသည့္ လူ႕အဖြဲ႕အစည္းတြင္ မလိုမုန္းထားမႈကိုသာ ေပါက္ဖြားေစသည္။ အျပန္အလွန္ တုန္႔ျပန္မႈကို ဖိတ္ေခၚေနသည့္ ထိုလႈပ္ရွားမႈသည္ ဗဟုလူ႕အဖြဲ႕အစည္းအတြက္ အနာဂတ္ေကာင္း ျဖစ္လာမည္မဟုတ္။

    အမွန္ကိုဆိုရလွ်င္ – မြတ္စလင္မဟုတ္သူမ်ား၏ ပစၥည္းမ်ားကို သပိတ္ေမွာက္ရန္ အုပ္စုတစ္ခ်ိဳ႕က လတ္တေလာ ေဆာ္ၾသေဆာင္ရြက္ေနမႈ အဓိကအေၾကာင္းအရင္းမွာ ႏိုင္ငံေရးအက်ိဳးစီးပြားျဖစ္ၿပီး၊ ႏိုင္ငံ၏ လူမ်ိဳးစံု ညီၫြတ္ေနမႈကို ဖ်က္ဆီးသည့္ လႈံ႕ေဆာ္မႈမ်ိဳး ျဖစ္လာႏိုင္သည္။ မြတ္စလင္အခ်င္းခ်င္း လုပ္သည္ျဖစ္ေစ၊ မြတ္စလင္မဟုတ္သူမ်ားႏွင့္ လုပ္သည္ျဖစ္ေစ သမၼာအာဇီ၀မက်ေသာ စီးပြားေရးမ်ိဳးကိုသာ အစၥလာမ္သာသနာက တားျမစ္ထားျခင္းျဖစ္သည္။

    သပိတ္ေမွာက္လႈပ္ရွားမႈကို ေဆာင္ရြက္သူမ်ားက ဆိုရွယ္မီဒီယာကို အသံုးျပဳ၍ ဝါဒျဖန္႔ရာတြင္ မြတ္စလင္မဟုတ္သူမ်ား ပိုင္ဆိုင္သည္ဟုဆိုသည့္ ကုမၸဏီမ်ား၊ အမွတ္တံဆိပ္မ်ားကိုပင္ စာရင္းထုတ္ထားသည္။ ထိုလုပ္ငန္းမ်ား အမွတ္တံဆိပ္မ်ားကို သပိတ္ေမွာက္ျခင္းသည္ စိန္ေခၚမႈတစ္မ်ိဳးျဖစ္ၿပီး ေအာင္ျမင္မည္လည္း မဟုတ္ေပ။ ႏိုင္ငံအတြင္း သံုးစြဲေနသည့္ ျပည္တြင္းထုတ္ပစၥည္း၊ ႏိုင္ငံျခားမွ တင္သြင္းသည့္ပစၥည္းအမ်ားစုကို မြတ္စလင္ မဟုတ္သူမ်ားက ထုတ္လုပ္ျဖန္႔ျဖဴးျခင္းျဖစ္သည္။

    ျပည္တြင္းကို ၾကည့္လွ်င္ မြတ္စလင္မဟုတ္သူမ်ားပိုင္ဆိုင္သည့္ ကုမၸဏီအားလံုးနီးပါးက ေထာင္ေသာင္းခ်ီေသာ မြတ္စလင္မ်ားကို အလုပ္ခန္႔ထားသည္။ မြတ္စလင္မ်ား၏ ၀င္ေငြရင္းျမစ္ျဖစ္သည္။

    ဖိႏွိပ္ျခင္း၊ ၿခိမ္းေျခာက္ျခင္း၊ မသမာသည့္နည္းလမ္းမ်ား အသံုးျပဳျခင္း မရွိသည့္ စီးပြားေရးလုပ္ငန္းမ်ားကို သပိတ္ေမွာက္ရန္ လိုအပ္ပါ၏ေလာ??? မြတ္စလင္မဟုတ္သူမ်ား ထုတ္လုပ္ေသာ္လည္း တစ္ပါးသူကို ထိခိုက္နစ္နာေစျခင္းမရွိသည့္ ကုန္ပစၥည္းမ်ားကို သပိတ္ေမွာက္ျခင္းသည္ အစၥလာမ္သာသနာ၏ အေျခခံသင္ၾကားမႈႏွင့္ ဆန္႔က်င္ေနသည္။ စီးပြားေရးလုပ္ရာတြင္ျဖစ္ေစ၊ ေပါင္းသင္းဆက္ဆံရာတြင္ျဖစ္ေစ ‘ကၽြန္းကိုင္းမွီ ကိုင္းကၽြန္းမွီ’ နည္းလမ္းကိုသာ အစၥလာမ္ သာသနာက အားေပးထားသည္။ မိမိတို႔၏ စီးပြားေရးသည္ အျခားသူမ်ား၏ သာယာ၀ေျပာမႈကို မထိခိုက္ေစရန္ အၿမဲတမ္း အျပန္အလွန္ နားလည္မႈထားရွိရမည္ ဟူ၏။

    အစၥလာမ့္သမိုင္းက သင္ခန္းစာမ်ား

    လြန္ခဲ့သည့္ ႏွစ္ေပါင္း ၁၄၀၀ အစၥလာမ္သာသနာ ေပၚေပါက္စဥ္ကတည္းက အစၥလာမ္ဘာသာ၀င္မ်ားသည္ လူမ်ိဳးစံု၊ ဘာသာစံု လူ႕အဖြဲ႕အစည္းအျဖစ္ ရပ္တည္ေနထိုင္လာခဲ့ၾကၿပီး ယခုကဲ့သို႔ ‘သူ၊ ငါ စည္းျခား’ လႈပ္ရွားမႈလည္း အလ်င္းမရွိခဲ့။ တကယ္ေတာ့ ထိုလႈပ္ရွားမႈကို ေဆာ္ၾသသူမ်ားကိုယ္တိုင္ အစၥလာမ္သမိုင္းကို ထဲထဲ၀င္၀င္ နားမလည္ၾက။

    သမိုင္းကိုျပန္ၾကည့္လွ်င္ မြတ္စလင္မဟုတ္သူမ်ားႏွင့္ ေပါင္းသင္းဆက္ဆံျခင္း၊ စီးပြားေရးျပဳလုပ္ျခင္း မွားယြင္းသည္ဟု အစၥလာမ္က မေျပာခဲ့။ တမန္ေတာ္ မုဟမၼဒ္သခင္၏ ဇနီးျဖစ္သူ ခတီဂ်ာသခင္မကိုယ္တိုင္ ဂ်ဴးမ်ားအပါအ၀င္ မြတ္စလင္မဟုတ္သူမ်ားႏွင့္ လူမႈေရး၊ စီးပြားေရး ဆက္ႏြယ္ပတ္သက္မႈ ရွိသည္။ သူမသည္ အလြန္ေအာင္ျမင္ေသာ စီးပြားေရးလုပ္ငန္းရွင္တစ္ဦးလည္း ျဖစ္သည္။

    တမန္ေတာ္ မုဟမၼဒ္သခင္ ကိုယ္ေတာ္တိုင္ပင္ ဂ်ဴးမ်ားႏွင့္ စီးပြားေရးဆက္ဆံမႈကို ထိန္းသိမ္းထားခဲ့သည္။ ခိုင္ဘာေဒသ စီးပြားေရးစီမံခန္႔ခြဲမႈမ်ားအတြက္ အက်ိဳးအျမတ္မွ်စားသည့္ ပံုစံျဖင့္ တမန္ေတာ္က ဂ်ဴးမ်ားကို ယံုၾကည္စြာ လႊဲအပ္ တာ၀န္ေပးခဲ့သည္။ တမန္ေတာ္မွာ ကြယ္လြန္ခ်ိန္အထိ ဂ်ဴးမ်ားႏွင့္ စီးပြားေရးအဆက္အသြယ္ ျပဳခဲ့ေလသည္။

    အီမာမ္ ဘူခါရီ၊ အီမာမ္ မြတ္စလင္၊ အီမာမ္ အဟ္မဒ္ႏွင့္ အျခားေသာ အစၥလာမ့္ပညာရွိ ကဝိေက်ာ္မ်ားကလည္း ၎တို႔၏ ဟဒီးစ္ၾသဝါဒေတာ္က်မ္းမ်ားတြင္ ေအာက္ပါအတိုင္း မွတ္တမ္းတင္ထားသည္။

    “…..တစ္ခါက တမန္ေတာ္ျမတ္ (ၿငိမ္းခ်မ္းမႈအေပါင္း သက္ေရာက္ပါေစ) သည္ ဂ်ဴးကုန္သည္တစ္ဦးထံမွ ဂ်ံဳအနည္းငယ္ ၀ယ္ယူခဲ့သည္။ သို႔ေသာ္လည္း ေပးေခ်စရာ ေငြမရွိေသာေၾကာင့္ ဒိုင္းလႊားတစ္ခုကို အေပါင္အျဖစ္ ဂ်ဴးကုန္သည္ထံ ထားခဲ့ေလသည္။ ကိုယ္ေတာ္သည္ ကြယ္လြန္သြားသည့္အခ်ိန္အထိ အဆိုပါ ဒိုင္းလႊားကို ေငြသားျဖင့္ ျပန္လည္ေရြးယူႏိုင္ျခင္းမရွိေပ”

    တမန္ေတာ္၏ေနာက္ပိုင္း ၾသဇာအာဏာ အထြပ္အထိပ္သို႔ ေရာက္ခဲ့သည့္ အခ်ိန္တြင္လည္း မြတ္စလင္မ်ားသည္ အျခားဘာသာ၀င္မ်ားႏွင့္ စီးပြားေရးေဆာင္ရြက္မႈကို ရပ္တန္႔ခဲ့ျခင္းမရွိေပ။ အူမရ္ အစ္ဗေန႔ အလ္ ခသဘ္ ဘုန္းမီးေနလ ထြန္းေတာက္သည့္ အခ်ိန္တြင္ ထိုအေျခအေနက ဆက္ရွိေနခဲ့သည္။ မြတ္စလင္မ်ားအျခား အျခားဘာသာ၀င္မ်ားအၾကား တစ္ဖက္ႏွစ္တစ္ဖက္ ရန္ေစာင္ေနသည့္အခ်ိန္မ်ိဳးတြင္ပင္ စီးပြားေရးဆက္ဆံမႈက ပ်က္သုဥ္းျခင္းမရွိဘဲ ပိုမိုတိုးတက္၍လာခဲ့သည္။ အူမရ္သခင္သည္ ၎၏ အင္ပါယာအတြင္းသို႔ ၀င္ေရာက္ ေရာင္း၀ယ္ေဖာက္ကားသည့္ မြတ္စလင္မဟုတ္ေသာ စီးပြားေရးလုပ္ငန္းရွင္မ်ားကို တန္းတူညီမွ် ဆက္ဆံခဲ့သည့္ သမိုင္းလည္း ရွိခဲ့သည္။

    အတိတ္ကိုျပန္ၾကည့္လွ်င္ တမန္ေတာ္ မုဟမၼဒ္သခင္သည္ ဂ်ဴးမ်ိဳးႏြယ္တစ္ခ်ိဳ႕၊ ကို႐ိုက္ရွ္မ်ိဳးႏြယ္တို႔ႏွင့္ ၿငိမ္းခ်မ္းေရးစာခ်ဳပ္မ်ား ခ်ဳပ္ဆိုခဲ့သည္။ အစၥလာမ္သာသနာ စတင္ေပၚေပါက္လာခဲ့သည့္အခ်ိန္မွ အထြပ္အထိပ္သို႔ ေရာက္ရွိခ်ိန္၊ ‘အစၥလာမ့္ေရႊေခတ္’ ဟု ေခၚတြင္သည့္ ၈ ရာစုမွ ၁၄ ရာစုကာလတို႔ကို ေလ့လာၾကည့္လွ်င္ ထိုကာလသည့္ အစၥလာမ့္သမိုင္းတြင္ ယဥ္ေက်းမႈ၊ စီးပြားေရးႏွင့္ သိပၸံဆိုင္ရာ တိုးတက္ထြန္းကားဆံုးျဖစ္သည္ကို ေတြ႕ရမည္။ အျခားဘာသာ၀င္မ်ားႏွင့္ စီးပြားဆက္ႏြယ္သည့္ မြတ္စလင္မ်ား၏ အေလ့အထလည္း ေျပာင္းလဲမႈမရွိေပ။ ယေန႔ကမ႓ၻာတြင္လည္း မြတ္စလင္ကမ႓ၻာသည္ မြတ္စလင္မဟုတ္သည့္ ႏိုင္ငံမ်ားႏွင့္ ကုန္သြယ္ေနၾကသည္။ စီးပြားေရးလုပ္ရာတြင္ မည္သည့္မြတ္စလင္ႏိုင္ငံကမွ အပယ္ခံလိုျခင္း မရွိၾက။ သိပၸံႏွင့္ နည္းပညာဆိုင္ရာ ျဖစ္ေပၚတိုးတက္မႈအပါအ၀င္ မြတ္စလင္ႏိုင္ငံမ်ားသည့္ မြတ္စလင္မဟုတ္သည့္ႏိုင္ငံမ်ားမွ အမ်ားအျပား ရယူခံစားေနၾကသည္။

    အထက္ပါအခ်က္မ်ားက တရားေတာ္တြင္တားျမစ္ထားသည့္ လုပ္ငန္းမ်ားအပ အျခားဘာသာ၀င္မ်ားႏွင့္ စီးပြားေရး ဆက္ႏြယ္ပတ္သက္မႈကို အစၥလာမ္က လက္ခံသည္ဆိုသည့္ အေထာက္အထားပင္ ျဖစ္သည္။

    တားျမစ္ထားမႈမရွိ

    ႏိုင္ငံတကာကုန္သြယ္မႈတြင္ မြတ္စလင္ႏိုင္ငံ၊ မြတ္စလင္မဟုတ္သည့္ႏိုင္ငံ စသျဖင့္ မည္သည့္ႏိုင္ငံႏွင့္ ကုန္သြယ္သင့္သည္ဆိုသည္ကို ဆံုးျဖတ္ရန္မွာ အစိုးရ၏ အခန္းက႑ျဖစ္သည္။ ႏိုင္ငံေရးအက်ိဳးစီးပြား ေမွ်ာ္ကိုးသည့္ အဖြဲ႕မ်ား၏ ကိစၥမဟုတ္။ တရားေတာ္ႏွင့္ မကိုက္ညီသည့္ ကုန္ပစၥည္းမ်ားကို ပိတ္ပင္ျခင္း၊ အျခားႏိုင္ငံမ်ားက ကုန္ပစၥည္းမ်ားကို သပိတ္ေမွာက္ျခင္း တင္သြင္းခြင့္ပိတ္ပင္ျခင္း စသည့္ဆံုးျဖတ္ခ်က္မ်ားသည္ အစိုးရအာဏာပိုင္မ်ား၏လက္တြင္သာရွိၿပီး သာမန္ႏိုင္ငံသားမ်ားႏွင့္ မဆိုင္ေပ။ အစိုးရက ဆံုးျဖတ္ျခင္းမဟုတ္ဘဲ မိမိတို႔၏ ႏိုင္ငံေရးအက်ိဳးစီးပြားအတြက္ ထိုကဲ့သို႔ သပိတ္ေမွာက္မႈကို ခြင့္ျပဳေပးထားပါက လူမ်ိဳးစံု ဘာသာစံုရွိေသာ မိမိတို႔တိုင္းျပည္တြင္ မလိုလားအပ္သည့္ ဆိုးက်ိဳးမ်ားကိုသာ ျဖစ္လာေစမည္ျဖစ္သည္။

    ျပည္တြင္းတြင္ မြတ္စလင္ႏွင့္ မြတ္စလင္မဟုတ္သူ စီးပြားေရးလုပ္ငန္းမ်ားမွ ထုတ္လုပ္ေသာ ကုန္ပစၥည္းမ်ားကို မေလးရွားႏိုင္ငံသားအမ်ားစုက လက္ခံသံုးစြဲၾကသည္။ မေလးရွားႏိုင္ငံသား လူမ်ိဳးစံုသည္ ႏိုင္ငံအတြင္း ၿငိမ္းခ်မ္းစြာ၊ သဟာဇတျဖစ္စြာ ေနထိုင္ေနၾကၿပီး တစ္မိုးေအာက္တြင္ အလုပ္အတူ တြဲလုပ္ၾကသည္။ ျပည္တြင္း ျပည္ပ စီးပြားေရးလုပ္ငန္းမ်ားတြင္ မိတ္ေကာင္းေဆြေကာင္းမ်ား ျဖစ္ေနၾကသည္။ တရားေတာ္ကတားျမစ္ထားသည့္ ပစၥည္းမ်ိဳး မဟုတ္လွ်င္ မြတ္စလင္မဟုတ္သူမ်ား ထုတ္လုပ္ေရာင္းခ်သည့္ ပစၥည္းမ်ားကို ၀ယ္ယူသံုးစြဲမႈကို တားျမစ္ထားျခင္းမရွိဆိုသည့္ သေဘာထားမ်ိဳးကို လက္ခံၾကပါစို႔။ မြတ္စလင္မဟုတ္သူမ်ားကလည္း မြတ္စလင္မ်ား ထုတ္လုပ္သည့္ ထုတ္ကုန္မ်ားကို မ၀ယ္ဘဲ ေရွာင္ရွားမႈမ်ိဳး မရွိသင့္ေပ။

    Ref: Freemalaysiatoday

    ( မေလးရွားႏိုင္ငံသား Moaz Nair ေရးသားထားၿပီး Free Malaysia Today တြင္ လႊင့္တင္ထားသည့္ ေဆာင္းပါးကို ေလးေမာင္က ဆီေလ်ာ္ေအာင္ ဘာသာျပန္ဆိုပါသည္။ ေဆာင္းပါးသည္ မေလးရွားႏိုင္ငံတြင္ ၿပီးခဲ့တစ္ပတ္က ေပၚထြက္လာေသာ ‘မြတ္စလင္ထုတ္ကုန္မ်ားကို အရင္၀ယ္ပါ’ ဆိုသည့္ လႈပ္ရွားမႈကို သံုးသပ္ေရးသားထားျခင္းျဖစ္ပါသည္။)