News @ M-Media

Tag: Islam In UK

  • လန်ဒန်အကြမ်းဖက်တိုက်ခိုက်မှုကို ယူကေမွတ်စလင်အသိုင်းအ၀ိုင်း ရှုတ်ချ

    လန်ဒန်အကြမ်းဖက်တိုက်ခိုက်မှုကို ယူကေမွတ်စလင်အသိုင်းအ၀ိုင်း ရှုတ်ချ

    မတ် ၂၄၊ ၂၀၁၇
    M-Media

    လန်ဒန်ရှိ East London ဗလီဝတ်ကျောင်းတော်

    – ကြာသာပတေးနေ့က လန်ဒန်မြို့လယ်ကောင်တွင် ဖြစ်ပွားခဲ့သည့် အကြမ်းဖက်တိုက်ခိုက်မှုကို ဗြိတိန်မွတ်စလင်ခေါင်းဆောင်များက ရှုတ်ချလိုက်ပြီး အကြမ်းဖက်ဝါဒကို တိုက်ဖျက်ရေး လူ့အဖွဲ့အစည်းအားလုံး အတူတကွ မားမားမတ်မတ် ရပ်တည်ကြရန်လည်း တိုက်တွန်းခဲ့သည်။

    ၀က်မင်စတာ တံတားတွင် ပြည်သူများကို ကားဖြင့် ၀င်တိုက်ပြီး၊ ပါလီမန်ဂိတ်ဝအရောက် ရဲတပ်ဖွဲ့နှင့် ပြည်သူများကို ဓားဖြင့်လိုက်ထိုးခဲ့သည့် ထိုအဖြစ်အပျက်တွင် ရဲတပ်ဖွဲ့ဝင်တစ်ဦး၊ မွတ်စလင်အမျိုးသမီးတစ်ဦး အပါအ၀င် လူ ၄ ဦး သေဆုံးခဲ့ပြီး ၄၀ ကျော် ဒဏ်ရာရရှိခဲ့သည်။

    အကြမ်းဖက်သမားကို ရဲတပ်ဖွဲ့က သေနတ်ဖြင့် ပစ်သတ်ခဲ့ပြီး IS အကြမ်းဖက်အဖွဲ့က ထိုတိုက်ခိုက်မှုမှာ ၎င်းတို့လက်ချက်ဖြစ်သည်ဟု ကြေငြာခဲ့သည်။ အကြမ်းဖက်သမားမှာ ဗြိတိန်တွင် မွေးဖွားသူ အသက် ၅၂ နှစ်အရွယ် ခါလစ် မာဆွတ်ဆိုသူ ဖြစ်သည်။

    ဗြိတိန်မွတ်စလင်ကောင်စီမှ ယမန်နေ့တွင် ထုတ်ပြန်သော ကြေငြာချက်၌ အဆိုပါတိုက်ခိုက်မှုမှာ ‘သူရဲဘောကြောင်ပြီး၊ အကျင့်ဖောက်ပြားသော တိုက်ခိုက်မှု’ ဖြစ်သည်ဟု ဖော်ပြခဲ့သည်။

    “ဒီလုပ်ရပ်ကို ဘာနဲ့မှ တန်းညှိလို့ မရပါဘူး။ ဒီ မတရားမှုအတွက် ကျွန်တော်တို့ အကောင်းဆုံး တုန့်ပြန်နိုင်တာက ကျွန်တော်တို့အားလုံကို စည်းလုံးညီညွတ်ပြီး အကြမ်းဖက်သမားတွေရဲ့ သွေးခွဲမှုကို ခွင့်မပြုတာပဲဖြစ်ပါတယ်။ ဒီလို အမုန်းတရားက ကျွန်တော်တို့ရဲ့ လူနေမှုဘ၀ကို ဖျက်ဆီးနိုင်မှာမဟုတ်ဘူး ဆိုတာကို ပြ
    သဖို့အတွက် မွတ်စလင် ညီအစ်ကို မောင်နှတွေအနေနဲ့ လန်ဒန်သားတွေ၊ ဗြိတိန်သားတွေနဲ့ တစ်သားတည်းရှိနေမယ်လို့ ကျွန်တော် မျှော်လင့်ပါတယ်” ဟု ဗြိတိန်မွတ်စလင်ကောင်စီ အတွင်းရေးမှူး ဟာရွန်ခန်းက ပြောကြားခဲ့သည်။

    မွတ်စလင်ကောင်စီမှာ သေဆုံးသွားသူများအတွက် စောစောပိုင်းကလည်း ၀တ်ပြုဆုတောင်းမှုကို ပြုလုပ်ပေးခဲ့သည်။

    လန်ဒန်မြို့တွင် သက်တမ်းအရင့်ဆုံး ဗလီဖြစ်သည့် East London ဗလီဝတ်ကျောင်းတော်ကလည်း ကြေငြာချက်ထုတ်ကာ ထိုအကြမ်းဖက်လုပ်ရပ်ကို ရှုတ်ချခဲ့သည်။

    “ဒီလို စက်ဆုပ်ဖွယ် အသိဉာဏ်မဲ့ အကြမ်းဖက်မှုကြောင့် ကျွန်တော်တို့ရဲ့ လူ့အဖွဲ့အစည်းတွေကြားထဲမှာ သွေးကွဲမှု၊ အမုန်းတရားတွေဖြစ်တာကို ခွင့်ပြုမှာ မဟုတ်ပါဘူး။ ဒါထက် ကျွန်တော်တို့ဟာ ပိုပြီးတော့တောင် ညီညွတ်ပြီး အားလုံး စည်းလုံးညီညွတ်လာမှာ ဖြစ်ပါတယ်” ဟု ကြေငြာချက်တွင် ဖော်ပြခဲ့သည်။

    လန်ဒန်မြို့၏ မွတ်စလင်မြို့တော်ဝန် ဆာဒစ်ခန်းအပါအ၀င် ထင်ရှားကျော်ကြားသည့် မွတ်စလင်များကလည်း ထိုတိုက်ခိုက်မှုကို ပြင်းပြင်းထန်ထန်ရှုတ်ချခဲ့ပြီး အမုန်းတရားလှုံ့ဆော်ရန် အသုံးပြုခွင့်ပေးမည်မဟုတ်ဟု ပြောကြားခဲ့သည်။

    “လန်ဒန်ကို အကြမ်းဖက်သမားတွေ တိုက်ခိုက်တဲ့ ရည်ရွယ်ချက်က ကျွန်တော်တို့ဟာ ခရစ်ယာန်၊ မွတ်စလင်၊ ဂျူး၊ ဟိန္ဒူ၊ ဆစ်ခ်၊ ဗုဒ္ဓဘာသာနဲ့ အခြားဘာသာဝင်၊ ဒါမှမဟုတ် ဘာသာမဲ့ ဘာပဲဖြစ်ဖြစ် တစ်ဦးနဲ့တစ်ဦး သည်းခံခွင့်လွှတ်ကြတာသာမကဘဲ တစ်ယောက်နဲ့တစ်ယောက် ဂုဏ်ပေးလေးစား ချစ်ခင်မှုကို သူတို့ မုန်းတီးတာကြောင့်ဖြစ်ပါတယ်။ ဒီအခြေအနေက ဆက်ကို ရှိနေမှာပါ” ဟု ဆာဒစ်ခန်းက ပြောကြားခဲ့သည်။

    Ref: Press TV

  • ဂျူး-မွတ်စလင် ပထမဆုံး အမျိုးသမီးညီလာခံ လန်ဒန်တွင် လုပ်မည်

    ဂျူး-မွတ်စလင် ပထမဆုံး အမျိုးသမီးညီလာခံ လန်ဒန်တွင် လုပ်မည်

    မတ် ၆၊ ၂၀၁၇
    M-Media

    Nisa-Nashim အဖွဲ့ကို့ ပူးတွဲတည်ထောင်ခဲ့သူ ဂျူ လီ ဆစ်ဒီကီနှင့် လော်ရာမာ့ခ်

    – ဂျူးနှင့် မွတ်စလင်အမျိုးသမီးများအကြား ပထမဆုံးညီလာခံကို လန်ဒန်မြို့ရှိ ၀က်စ်မင်စတာ တက္ကသိုလ်တွင် မတ်လ ၅ ရက်နေ့၌ ကျင်းပပြုလုပ်သွားမည်ဖြစ်ပြီး ယူကေရှိ လူနည်းစု လူ့အဖွဲ့အစည်းနှစ်ခု၏ ဖောက်ထွက်မှု တစ်ခုလည်းဖြစ်သည်။

    အဆိုပါ ညီလာခံကို Nisa-Nashim ဂျူး-မွတ်စလင် အမျိုးသမီး ကွန်ယက်မှ စီစဉ်ခြင်းဖြစ်ပြီး ‘တစ်ဆင့်စကားများကို ပြောင်းလဲခြင်း’ ဟူသည့် ခေါင်းစဉ်ဖြင့် ပြုလုပ်မည်ဖြစ်သည်။ နှစ်ဖက်အဖွဲ့အစည်းမှ အမျိုးသမီး ၁၅၀ ကျော်မှာ ထိုညီလာခံသို့ တက်ရောက်ရန် စာရင်းပေးထားကာ ဘာသာပေါင်းစုံမှ ပုဂ္ဂိုလ်များလည်း တက်ရောက်ရန် ရှိနေသည်။

    ညီလာခံတွင် အလုပ်ရုံဆွေးနွေးပွဲများ ပြုလုပ်ခြင်း၊ ဘာသာရေးအဖွဲ့အစည်းများ၊ ပြည်သူအခြေပြု အဖွဲ့အစည်းများနှင့် ပူးပေါင်းဆောင်ရွက်ခြင်၊ အမျိုးသမီးများ ၀တ်ပြုမှုနှင့် အသံထုတ်မှု စသည်တို့အပါအ၀င် မတူညီသော အကြောင်းအရာများကို ဆွေးနွေးသွားကြမည်ဖြစ်သည်။

    ထို့ပြင် ယူကေရှိ ထိပ်တန်း ဂျူးပညာရှင်များနှင့် မွတ်စလင်ပညာရှင်များ လာရောက်မိန့်ခွန်းပြောကြားရန်လည်း ရှိနေသည်။

    “ဂျူးနဲ့ မွတ်စလင်လူ့အဖွဲ့အစည်းတွေမှာ အမျိုးသမီးတွေဟာ အဓိကကျတဲ့ အခန်းကဏ္ဍမှာ ပါဝင်နေပါတယ်။ ဒါပေမယ့်လည်း တစ်ခါတစ်ရံမှာ သိပ်မကျော်ကြားဘဲ၊ လူတွေလည်း သိပ်မသိကြပါဘူး။ ဒီလူတွေကို ပေါင်းစည်းစေခြင်းအားဖြင့် ကျွန်မတို့ဟာ အမျိုးသမီးတွေရဲ့ စွမ်းဆောင်ရည်၊ လက်ရှိအချိန်မှာ ဖြစ်နေတဲ့ အဓိက ပြဿနာတွေအပေါ် သူတို့ရဲ့ စိတ်ဝင်စားမှု၊ အနှုတ်လက္ခဏာဆောင်တဲ့ တစ်ဆင့်စကားတွေကို ပြောင်းလဲဖို့ သူတို့ရဲ့စွမ်းရည်၊ လုပ်နိုင်စွမ်းတွေကို ပြသမှာ ဖြစ်ပါတယ်” ဟု Nisa-Nashim ကွန်ယက်ကို ပူးတွဲတည်ထောင်သူ လော်ရာမာ့ခ်က ပြောကြားခဲ့သည်။

    အဖွဲ့အား ပူးတွဲတည်ထောက်သူ နောက်တစ်ဦးဖြစ်သည့် ဂျူလီ ဆစ်ဒီကီကလည်း ယခုကဲ့သို့ တွေ့ဆုံမှုက မိမိတို့ လူ့အဖွဲ့အစည်းတွင် ကိစ္စရပ်များကို ဆောင်ရွက်ရန် မတူညီသော နည်းသစ်၊ လမ်းသစ်များကို ရှာဖွေနိုင်မည်ဟု ဆိုသည်။

    “တစ်ယောက်ဆီကတစ်ယောက်က သင်ယူနိုင်မယ်။ လူ့အဖွဲ့အစည်းရဲ့ ဆိုးရွားတဲ့ စိန်ခေါ်မှုတွေကို အတူတကွ တိုက်ဖျက်ဖို့ စတင်နိုင်မှာပါ။ ဒီလိုလုပ်နိုင်ဖို့ ညီလာခံအတွင်းနဲ့ ညီလာခံနောက်ပိုင်းမှာလည်း ဆက်လက်ရှာဖွေဆောင်ရွက်သွားမှာပါ”

    Ref: The JC

  • ယူကေဗလီများ၏ တံခါးဖွင့်လှုပ်ရှားမှု အောင်မြင်

    ယူကေဗလီများ၏ တံခါးဖွင့်လှုပ်ရှားမှု အောင်မြင်

    ဖေဖော်ဝါရီ ၆၊ ၂၀၁၇
    M-Media

    – အစ္စလာမ်သာသနာ၊ မွတ်စလင်လူ့အဖွဲ့အစည်းနဲ့ပတ်သက်လို့ မှားယွင်းတဲ့ယူဆချက်တွေကို တန်ပြန်ဖို့အတွက် အင်္ဂလန်က ဗလီဝတ်ကျောင်းတော်တွေဟာ တံခါးဖွင့်လှုပ်ရှားမှုကို ပြုလုပ်ခဲ့ပါတယ်။

    Visit My Mosque လိုအမည်ပေးထားတဲ့ အဲဒီလှုပ်ရှားမှုကို ဖေဖော်ဝါရီ ၅ ရက်နေ့က စတင်ခဲ့တာဖြစ်ပြီး ယူကေနိုင်ငံတစ်ဝှမ်းက ဗလီဝတ်ကျောင်းတော်ပေါင်း ၁၅၀ ကျော်လောက် ပါဝင်ခဲ့ကာ ဘာသာပေါင်းစုံ၊ လူ့အဖွဲ့အစည်းပေါင်းစုံက လာရောက်လည်ပတ်သူတွေလည်း မြောက်များစွာ ရှိခဲ့ပါတယ်။

    ဒီလှုပ်ရှားမှုကို ဂရိတ်ဗြိတိန် မွတ်စလင်ကောင်စီ (MCB) က ဦးဆောင်ပြုလုပ်တာဖြစ်ပြီး တက်ရောက်လာသူတွေရဲ့ မေးခွန်းတွေကိုလည်း ပြန်လည်ဖြေကြားပေးခဲ့ပါတယ်။

    ဗြိတိန်ရဲ့ ဒုတိယအကြီးဆုံ ဗလီဝတ်ကျောင်းတော်ဖြစ်တဲ့ ဘာမင်ဂမ်က Paigham-e-Islam မှာတော့ တက်ရောက်လာကြသူတွေဟာ အစ္စလာမ့် ဥပဒေ၊ ရှရီအာဥပဒေ၊ ခရစ်တော်အပေါ် မွတ်စလင်တွေရဲ့အမြင်၊ IS အကြမ်းဖက်အဖွဲ့ကို ဆန့်ကျင်ရေး ဗလီဝတ်ကျောင်းတော်တွေရဲ့ ဆောင်ရွက်နေမှု စတဲ့ မေးခွန်းပေါင်းမြောက်များစွာကို မေးမြန်းခဲ့ကြပါတယ်။

    မွတ်စလင်တွေရဲ့ ၀တ်ပြုဆုတောင်းမှုအကြောင်းနဲ့ပတ်သက်ပြီး တာဝန်ရှိသူတွေက ရှင်းပြခဲ့သလို၊ အကျွေးအမွေးတွေနဲ့လည်း ဧည့်ခံခဲ့ကြပါတယ်။

    ယူကေအတိုက်အခံ လေဘာပါတီခေါင်းဆောင် ဂျယ်ရီမီ ကော်ရ်ဘန်က လန်ဒန်မြောက်ပိုင်းမှာ ဖစ်ရ်ှဘူရီပါ့က်က ဗလီဝတ်ကျောင်းတော်ကို သွားရောက်လည်ပတ်ခဲ့ပြီး Twitter စာမျက်မှာ “လက်ဖက်ရည် အတူတူထိုင်သောက်တာဟာ တံတိုင်းကာဖို့ ကွန်ကရစ်လောင်းတာထက် ပိုပြီး ထိရောက်ပါတယ်” လို့ ရေးသားခဲ့ပါတယ်။

    MCB တာဝန်ရှိသူ အန်ဒရက်ဇ် ရှာရစ်ဖ်က ဒီဗလီဝတ်ကျောင်းတော် တံခါးဖွင့်လှုပ်ရှားမှုဟာ မွတ်စလင်တွေနဲ့ အခြားလူ့အဖွဲ့အစည်းတွေအကြား ဆက်ဆံရေး ခိုင်မာအားကောင်းစေဖို့ ရည်ရွယ်တယ်လို့ ပြောကြားခဲ့ပါတယ်။

    “ငြင်းခုံမှုတွေအစား ဆွေးနွေးမှုတွေကို ကျွန်တော်တို့ ဖန်တီးချင်ပါတယ်။ ငြင်းခုံမယ်ဆိုရင် ကိုယ်အနိုင်ရဖို့ ရည်ရွယ်ချက်ပါမယ်။ ဒါပေမယ့် ဆွေးနွေးမှုကတော့ ကိုယ့်ရဲ့ အယူအဆတွေကို မျှဝေတာမျိုးပါ” လို့ ရှာရစ်ဖ်က ပြောကြားခဲ့ပါတယ်။

    ၂၀၁၆ ခုနှစ်မှာလည်း ယူကေက ဗလီဝတ်ကျောင်းတော်တွေဟာ ဒီလို တံခါးဖွင့်လှုပ်ရှားမှု ပြုလုပ်ခဲ့ပြီး ဗလီဝတ်ကျောင်းတော်ပေါင်း ၈၂ ခု ပါဝင်ခဲ့ကာ ဒီနှစ်မှာတော့ ၂ ဆနီးပါးလောက် များပြားလာခဲ့တာ ဖြစ်ပါတယ်။

    ရှာရစ်ဖ်က လက်ယာစွန်းရောက်သဘောထားတွေ မြင့်တက်လာနေတဲ့အချိန် မွတ်စလင်တွေဟာ သူတို့ရဲ့ အယူအဆတွေကို မျှဝေဖို့ စိတ်အားထက်သန်တဲ့အတွက်လည်း ချီးကျူးခဲ့ပါတယ်။

    ဒီ တံခါးဖွင့်လှုပ်ရှားမှုကို တက်ရောက်လာသူတစ်ဦးဖြစ်တဲ့ ဂျီအို့ဖ် ဂါလဂ်ဟာက သူတို့အနေနဲ့ ဒီအစီအစဉ်ကနေ အတွေ့အကြုံကောင်းတွေ ရရှိခဲ့ပြီး မွတ်စလင်တွေနဲ့ပတ်သက်တဲ့ အနှုတ်လက္ခဏာဆောင်တဲ့ အမြင်တွေကို ဖယ်ရှားဖို့အတွက် နိုင်ငံတစ်ဝှမ်းမှာ ဒီလို လူ့အဖွဲ့အစည်းအကြား ဆက်ဆံရေးတည်ဆောက်မှုတွေ မကြာခဏ လုပ်သင့်တယ်လို့လည်း အကြံပြုခဲ့ပါတယ်။

    “မွတ်စလင်တွေဟာ အကြမ်းဖက်လိုတဲ့ ဘာသာရေးအုပ်စုမဟုတ်ဘဲ၊ လူ့အဖွဲ့အစည်းရဲ့ တစ်စိတ်တစ်ပိုင်းဖြစ်တယ်ဆိုတာ လူတိုင်းနားလည်ဖို့အတွက် နိုင်ငံတစ်ဝှမ်းမှာ လုပ်သင့်ပါတယ်”

    ယူကေလူဦးရေရဲ့ ၅ ရာခိုင်နှုန်းဖြစ်တဲ့ လူ ၃ သန်းဝန်းကျင်လောက်ဟာ အစ္စလာမ်ဘာသာကို သက်ဝင်ယုံကြည်ကြသူတွေ ဖြစ်ပြီး သူတို့ထဲက ထက်ဝက်လောက်ဟာ ယူကေဖွားတွေ ဖြစ်ကြပါတယ်။

    Ref: Aljazeera

  • ယူကေမွတ်စလင်များနှင့် ခရစ်ယာန်များပူးပေါင်းကာ ပရဟိတလုပ်ငန်းများ ဆောင်ရွက်

    ယူကေမွတ်စလင်များနှင့် ခရစ်ယာန်များပူးပေါင်းကာ ပရဟိတလုပ်ငန်းများ ဆောင်ရွက်

    ဒီဇင်ဘာ ၂၂၊ ၂၀၁၆
    M-Media

    uk

    – ခရစ္စမတ်ပွဲတော်ကာလအတွင်း နိုင်ငံအတွင်းရှိ အိမ်ယာမဲ့များနှင့် ချို့တဲ့သူများအား ကူညီရန်အတွက် ဗြိတိန်ရှိ မွတ်စလင်များနှင့် ခရစ်ယာန်အဖွဲ့များမှာ ပူးပေါင်းဆောင်ရွက်နေသည်ဟု သိရသည်။

    အဆိုပါ ပရဟိတ လှုပ်ရှားမှုတွင် Muslim Aid၊ Al-Khair Foundation နှင့် Streetlytes ကဲ့သို့ အသင်းအဖွဲ့များ၊ မြို့တော်လန်ဒန်အခြေစိုက် ခရစ်ယာန်ဘုရားကျောင်းများ ပါဝင်ပြီး အိမ်ယာမဲ့များနှင့် ချို့တဲ့သူများအတွက် အစားအသောက်များ၊ အိမ်ယာများ၊ ရွက်ဖျင်တဲများ ပေးအပ်သွားမည်ဖြစ်သည်။

    ၎င်းတို့၏ ရည်ရွယ်ချက်မှာ ခရစ္စမတ်အထိမ်းအမှတ် ရက်ရှည်အားလပ်ရက်အတွင်း ဈေးဆိုင်များ၊ ၀န်ဆောင်မှုလုပ်ငန်းများ ပိတ်မည်ဖြစ်သောကြောင့် အိမ်ယာမဲ့များ ကြုံတွေ့ရနိုင်သည့် ဆာလောင်မွတ်သိပ်မှုများနှင့် နေစရာအခက်အခဲများကို ဖြေရှင်းပေးရန်ဖြစ်သည်။

    အဆိုပါ မွတ်စလင်နှင့် ခရစ်ယာန်အဖွဲ့များက လန်ဒန်အနောက်ပိုင်းရှိ စိန့်စတီဖင် ဘုရားကျောင်း၊ စိန့်သောမတ်စ်ဘုရားကျောင်းတို့တွင် ပြုလုပ်ခဲ့သည့် ခရစ္စမတ်ညစာစားပွဲသို့ အိမ်ယာမဲ့ ၁၀၀ ကျော် တက်ရောက်ခဲ့ကြသည်။

    “အိမ်နီးချင်းက ဆာလောင်မွတ်သိပ်နေတဲ့အချိန် ကိုယ်က ဗိုက်အ၀စားပြီး အိပ်နေမယ်ဆိုရင် စစ်မှန်တဲ့ မွတ်စလင်မဟုတ်ဘူးလို့ အစ္စလာမ်က သွန်သင်ထားပါတယ်။ မွတ်စလင်တွေလည်း ဒီလို ပရဟိတအလုပ်တွေလုပ်တယ်ဆိုတာကို ပြသဖို့အတွက် ကျွန်တ်ာတို့ဟာ တစ်ခြားဘာသာဝင်တွေနဲ့ ပေါင်းပြီး ဆောင်ရွက်တာဖြစ်ပါတယ်။ ကျွန်တော်တို့ ကိုယ်တိုင်တင်မဟုတ်ဘဲ လူတိုင်း ရင်ဆိုင်ကြုံတွေ့နေရတဲ့ ပြဿနာကို ကျွန်တော်တို့ ဖြေရှင်းချင်ပါတယ်” ဟု Al-Khair Foundation မှ ဆယဒ်ဟူစိန်က ပြောကြားခဲ့သည်။

    Streetlytes အဖွဲ့မှ စေတနာ့ဝန်ထမ်းဖြစ်ပြီး ခရစ်ယာန် ပရက်စ်ဘက်တေးရီးယန်းအသင်းတော်မှ ဘုန်းတော်ကြီးဖြစ်သူ ခရစ္စဟက်ခ်ျက ပါဝင်သူများမှာ ဘာသာရေးတာဝန်တစ်ခုကို အကောင်အထည်ဖော်ခြင်း ဖြစ်သော်လည်း ၎င်းတို့၏ လှုပ်ရှားမှုက ဘာသာရေးကို အခြေခံခြင်းမဟုတ်ဟု ပြောကြားခဲ့သည်။

    “မွတ်စလင်နဲ့ ဂျူးအသင်းအဖွဲ့တွေလည်း ကူညီမှုမှာ ပါဝင်ကြပါတယ်။ ဒါ့ကြောင့် ဒီလှုပ်ရှားမှုဟာ ဘာသာတစ်ခုအတွက် ကန့်သတ်ထားတာမျိုး မဟုတ်ပါဘူး။ ဒါပေမယ့် အဓိကရည်ရွယ်ချက်က လိုအပ်နေသူတွေကို ကူညီဖို့ပါ” ဟု ဟက်ခ်ျက ဆိုသည်။

    Muslim Aid အဖွဲ့ကမူ အိမ်ယာမဲ့များအတွက် ရွက်ဖျင်တဲနှင့် အိပ်ယာခင်းများကို လှူဒါန်းခဲ့သည်။ အဖွဲ့၏ စီအီးအိုဖြစ်သူ ဂျီဟန်ဂီရ်မာလစ်က ယူကေတွင် အိမ်ယာမဲ့အရေအတွက် များပြားလာမှုအတွက် တုန်လှုပ်မိသည်ဟု ပြောကြားခဲ့သည်။

    ၎င်းတို့အဖွဲ့မှာ အိမ်ယာမဲ့များအတွက် အိပ်ရာလိပ် ၁၀၀၀ ကျော် လှူဒါန်းခဲ့ပြီး၊ ထောင်ပေါင်းများစွာကိုလည်း အစားအသောက်များ ဝေငှရန် အစီအစဉ်ရှိနေသည်။

    “ယူကေမှာ နေစရာနေရာမရှိတဲ့သူက သန်းဝက်လောက်ရှိတယ်ဗျ။ ဒီလိုချို့တဲ့မှုတွေကို ကျွန်တော်တို့ ဖြေရှင်းပေးချင်ပါတယ်” ဟု Muslim Aid မှ အဖွဲ့ဝင် အေကင်မ်က ပြောကြားခဲ့သည်။

    ပြီးခဲ့သည့်တစ်ပတ်ကလည်း Muslim Aid နှင့် အရှေ့လန်ဒန် ဗလီဝတ်ကျောင်းတော်တို့ ပူးပေါင်းကာ အိမ်ယာမဲ့များအတွက် စားသောက်ဖွယ်ရာပေါင်း ၁၀ တန်ကို လှူဒါန်းခဲ့သည်။

    Ref: Aljazeera

  • ခရစ္စမတ်အထိမ်းအမှတ်အဖြစ် ချို့တဲ့သူများကို အဟာရဒါနပြုသည့် လန်ဒန်မွတ်စလင်များ

    ခရစ္စမတ်အထိမ်းအမှတ်အဖြစ် ချို့တဲ့သူများကို အဟာရဒါနပြုသည့် လန်ဒန်မွတ်စလင်များ

    ဒီဇင်ဘာ ၁၈၊ ၂၀၁၆
    M-Media

    london-1

    – မကြာခင် ကျရောက်တော့မယ့် ခရစ်စမတ်ပွဲတော်ကို ဂုဏ်ပြုတဲ့အနေနဲ့ လန်ဒန်က မွတ်စလင်တွေဟာ အိမ်ယာမဲ့တွေအတွက် အစားအသောက် ၁၀ တန်လောက်ကို ဒါနပြုခဲ့ကြတယ်လို့ သိရပါတယ်။

    Muslim Aid အဖွဲ့နဲ့ ၀ှိုက်ချာပဲလ်ခရိုင်က East London ဗလီဝတ်ကျောင်းတော်တို့ ပူးပေါင်းစီစဉ်တဲ့ အဲဒီ ဒါနပြုမှုကို ဒေသခံမွတ်စလင်တွေက ဒီတစ်ပတ်သောကြာနေ့ ၀တ်ပြုဆုတောင်းမှုအစီအစဉ်မှာ အစားအသောက်တွေ ယူလာပြီး ပါဝင်ခဲ့ကြတာပါ။

    အဲဒီအစားအသောက်တွေကို အိမ်ယာမဲ့တွေကို ကူညီစောင့်ရှောက်ပေးနေတဲ့ Crisis အဖွဲ့ကို လှူဒါန်းသွားမှာဖြစ်ပြီး ဒီ ဒါနပြုမှုရဲ့ ၉၀ ရာခိုင်နှုန်းကျော်ကို မွတ်စလင်မဟုတ်သူတွေက အကျိုးခံစားရမှာ ဖြစ်ပါတယ်။

    “ဗလီဝတ်ကျောင်းတော်ကို ၀တ်ပြုသူတွေက အစားအသောက်တွေယူလာတာကို မြင်ရတာ ကြည်နူးစရာပါ။ ပြီးတော့ ဒါဟာ လူသားဆန်မှုရဲ့ ပြယုဂ်ကောင်းတစ်ခုလည်း ဖြစ်ပါတယ်။ ကျွန်တော်တို့ ဒီကိစ္စမှာ အားထုတ်လုပ်ဆောင်ဖို့လိုပြီး၊ ကံမကောင်းအကြောင်းမလှသူတွေကို တစ်နှစ်ပတ်လုံး လှူဒါန်းနိုင်အောင် လုပ်ရပါမယ်” လို့ East London ဗလီဝတ်ကျောင်းတော်က အမှုဆောင်ဒါရိုက်တာ ဒီလိုဝါရ်ခန်းက ပြောကြားခဲ့ပါတယ်။

    St Pauls, Bow Common Church ဘုရားကျောင်းက သိက္ခာတော်ရဆရာတော် ဘာရ်နာဒက်တီ ဟီဂါတီက “အလှူရေစက် လက်နဲ့မကွာဆိုတာ ခရစ်ယာန်နဲ့ အစ္စလာမ်သာသနာ နှစ်ခုစလုံးရဲ့ အရေးပါတဲ့ အစိတ်အပိုင်းတစ်ခု ဖြစ်ပါတယ်။ ပြီးတော့ ဒါဟာ ကျွန်တော်တို့ရဲ့ ညီအစ်ကို မောင်နှမတွေကို ကူညီဖေးမနိုင်ဖို့ ကျွန်တော်တို့ အတူတကွ အဓိကထား ဆောင်ရွက်ရမယ့် ကိစ္စတစ်ခုလည်း ဖြစ်ပါတယ်” လို့ ပြောကြားခဲ့ပါတယ်။

    london-2

    Muslim Aid က အမှုဆောင်အကြီးအကဲ ဂျီဟန်ဂီရန် မာလစ်က အစိုးရရဲ့ ချွေတာရေးပေါ်လစီ၊ အိမ်ယာအကျပ်အတည်းတွေကြောင့် လမ်းပေါ်ရောက်လာတဲ့လူတွေ ပိုများလာတယ်လို့ ဆိုပါတယ်။

    “မွတ်စလင်ပရဟိတအဖွဲ့ဖြစ်တဲ့ ကျွန်တော်တို့အနေနဲ့ ဘာသာလူမျိုးမခွဲခြားဘဲ ဒီခရစ္စမတ်မှာ ဒီနိုင်ငံက ကံမကောင်းအကြောင်းမလှသူတွေအတွက် ကူညီနိုင်တာအားလုံး ကူညီပေးသွားချင်ပါတယ်။ ချို့တဲ့သူတွေကို ကူညီခြင်းဆိုတာ အစ္စလာမ့်ရဲ့ မဏ္ဍိုင် ၅ ခုထဲ တစ်ခုပါ။ အေးစိမ့်နေတဲ့ ဒီလိုအချိန်မှာ အန္တရာယ်အရှိဆုံးသူတွေကို ကာကွယ်နိုင်ဖို့ လုပ်နိုင်သမျှ လုပ်သွားချင်ပါတယ်”

    East London ဗလီဝတ်ကျောင်းတော်က ရှေ့ဆောင်အီမာမ် ရှိလ် အဘ်ဒူလ် ကိုင်ယွမ်က ဘာသာလူမျိုးမရွေး တစ်ဖက်သားကို ကူညီဖို့ဆိုတာ မွတ်စလင်တွေအတွက် ဘာသာရေးတာဝန်တစ်ရပ်ဖြစ်သလို၊ ဒီလို စာနာထောက်ထားမှုကပဲ အစ္စလာမ်ရဲ့ သရုပ်မှန်ကို ရောင်ပြန်ဟပ်စေတယ်လို့ ဆိုပါတယ်။

    “သိပ်အေးတဲ့ ဆောင်းရာသီလို ကာလမျိုးမှာ အိမ်မှာ ဇိမ်ကျပြီး ပူပူနွေးနွေးအစားအသောက်တွေကို စားနေရတဲ့ကျွန်တော်တို့ ပတ်ဝန်းကျင်က လိုအပ်ချက်ရှိနေတဲ့ တစ်ခြားသူတွေကို အလွယ်တကူပဲ မေ့ထားတတ်ကြပါတယ်။ ဒါကို သိနေတာကြောင့်ပဲ ကျွန်တော်တို့ဟာ ဒီလို အစားအသောက်တွေ ဒါနပြုတာ ဖြစ်ပါတယ်”

    Ref: Telegraph