News @ M-Media

Tag: Islam In UK

  • ဗိသုကာနှင့် သဘာဝပတ်ဝန်းကျင်နယ်ပယ်တွင် တစ်ခေတ်ဆန်းမည့် ဗလီတစ်လုံး ယူကေတွင် တည်ဆောက်

    ဗိသုကာနှင့် သဘာဝပတ်ဝန်းကျင်နယ်ပယ်တွင် တစ်ခေတ်ဆန်းမည့် ဗလီတစ်လုံး ယူကေတွင် တည်ဆောက်

    ဧပြီ ၂၆၊ ၂၀၁၇
    M-Media

    ဗလီဝတ်ကျောင်းတော် နမူနာပုံစံ

    – ဗြိတိန်က နာမည်ကျော် ကမ်းဘရစ်ခ်ျတက္ကသိုလ်ရှိရာ ကမ်းဘရစ်ခ်ျမြို့လေးမှာ ဗိသုကာ နယ်ပယ်မှာရော၊ သဘာဝတ်ပတ်ဝန်းကျင် ထိန်းသိမ်းရေး နယ်ပယ်မှာပါ တော်လှန်ပြောင်းလဲနိုင်မယ့် ဗလီဝတ်ကျောင်းတော်တစ်လုံးကို ဆောက်လုပ်နေပါတယ်။

    အစ္စလာမ်ဘာသာဝင် ၆ ထောင်နီးပါးလောက်ရှိနေတဲ့ ဒီမြို့လေးမှာ လက်ရှိ အသုံးပြုနေတဲ့ ဗလီဝတ်ကျောင်းတော်ဟာ မလုံလောက်တော့တာကြောင့် ဗလီဝတ်ကျောင်းတော်အသစ်ကို ၂၀၁၆ ခုနှစ် စင်တင်ဘာ ၅ ရက်နေ့မှာ စတင်ဆောက်လုပ်ခဲ့တာဖြစ်ပြီး ကန်ဒေါ်လာ ၁၈ သန်းလောက် ကုန်ကျမှာပါ။

    ဗလီဝတ်ကျောင်းတော်ကို ဆောက်လုပ်မယ့် ကွန်ကရစ်ကို မက္ကာမြို့က ဇမ်ဇမ်ရေနဲ့ ဖျော်မှာဖြစ်ပြီး၊ ပထမအဆင့်မှာ အုတ်မြစ်ချတာ၊ မြေအောက် ကားပါကင်တည်ဆောက်တာတွေ ပါဝင်မှာဖြစ်ကာ အခုနှစ် ဇွန်လအတွင်းမှာ အပြီးသတ်ဖို့ မျှော်မှန်းထားပါတယ်။

    ဒုတိယအဆင့်မှာတော့ အဆောက်အဦးအထက်ပိုင်း တည်ဆောက်မှာဖြစ်ပြီး၊ အမျိုးသမီး ၀တ်ပြုဆောင်လည်း ပါဝင်မှာဖြစ်တာကြောင့် ပြီးစီးသွားတဲ့အခါမှာ တစ်ကြိမ်ကို အမျိုးသား ၇၀၀၊ အမျိုးသမီး ၃၀၀ စုစုပေါင်း လူ ၁၀၀၀ ၀တ်ပြုနိုင်မှာ ဖြစ်ပါတယ်။ ဒီဗလီဝတ်ကျောာင်းတော်ကို လာမယ့်နှစ်မှာ ဖွင့်လှစ်ဖို့ စီစဉ်ထားပါတယ်။

    ‘ကမ်းဘရစ်ခ်ျ ဗလီဝတ်ကျောင်းတော်’ ဂေါပကအဖွဲ့က ဥက္ကဌ အဘ်ဒဲလ် ဟာကင် မူရဒ်က ဗလီဝတ်ကျောင်းတော် ဆောက်လုပ်ရေးမှာ အမျိုးသမီးတွေဟာလည်း အရေးပါတဲ့ အခန်းကဏ္ဍကနေ ပါဝင်တယ်လို့ ဆိုပါတယ်။

    “ဒီဇိုင်းဆွဲတဲ့နေရာမှာရော၊ ရန်ပုံငွေ ကောက်ခံတဲ့နေရာမှာရော အမျိုးသမီးတွေဟာ တက်တက်ကြွကြွ ပါဝင်ခဲ့ကြပါတယ်။ ကင်ဆာရောဂါခံစားနေရတဲ့ ကမ်းဘရစ်ခ်ျကျောင်းသူ ဘာရာကာ ခန်းဆိုရင် သူမကွယ်လွန်ခင်မှာ ရန်ပုံငွေ ပေါင် ၂ သိန်းကျော်လောက်ကို အံ့ဖွယ် ကောက်ခံပေးခဲ့ပါတယ်” လို့ မူရဒ်က ဆိုပါတယ်။

    မူရဒ်ကိုယ်တိုင်လည်း ကမ်းဘရစ်ခ်ျတက္ကသိုလ်မှာ အစ္စလာမ့်ရေးရာနဲ့ပတ်သက်လို့ သင်ကြားပို့ချနေသူ တစ်ဦးပါ။

    ဗလီဝတ်ကျောင်းတော်မှာ အမျိုးသမီးတွေနဲ့ ကလေးငယ်တွေအတွက် အသံလုံခန်း၊ အမျိုးသမီးတွေ သာမန်ရောဂါတွေကို ကုသပေးဖို့ ဆေးခန်းတွေ ပါဝင်မှာဖြစ်သလို၊ ဈာပနအခမ်းအနားကျင်းပနိုင်မယ့် နေရာတစ်ခု၊ ကော်ဆီဆိုင်တစ်ဆိုင်၊ ကလေးငယ်တွေအတွက် နည်းပညာအခြေပြု ကုရ်အာန်သင်တန်းကျောင်း၊ လူတိုင်း လာရောက်အပန်းဖြေနိုင်မယ့် ပန်းဥယျာဉ်လည်း ပါဝင်မှာဖြစ်ပါတယ်။

    ပန်းဥယျာဉ်မှာတော့ ကုရ်အာန်ကျမ်းတော်မြတ်မှာ ဖော်ပြထားတဲ့ သီးပင်၊ စားပင်တွေကို စိုက်ပျိုးပေးထားမှာ ဖြစ်ပါတယ်။

    နောက်ပြီး တူရကီရဲ့ ယဉ်ကျေးမှုမွေအနှစ်ကို လူတိုင်းလေ့လာနိုင်မယ့် နေရာတစ်ခုလည်း ပါဝင်မှာဖြစ်ပါတယ်။

    ဗလီဝတ်ကျောင်တော်မှာ အသုံးပြုမယ့် ဗိသုကာလက်ရာဟာ နာမ်ပိုင်းဆိုင်ရာ ဒဿနကို လစ်လျမရှုဘဲ ခေတ်ပြိုင် အတွေးခေါ်တွေကို ထင်ဟပ်စေမယ့် လက်ရာမျိုး ဖြစ်ရမယ်လို့ ဗလီဝတ်ကျောင်းတော်ရဲ့ ဗိသုကာ အတိုင်ပင်ခံ တူရကီ ဗိသုကာပညာရှင် ဗီဒတ် တော့က်ယေးက ပြောကြားခဲ့ပါတယ်။

    ဒါ့ကြောင့် အခု ကမ်းဘရစ်ခ်ျ ဗလီဝတ်ကျောင်းတော်ဟာ ရိုးရာနဲ့ ခေတ်ပေါ် ဗိသုကာ အတွေးအခေါ်တွေကို ပေါင်းစပ်ထားမှာဖြစ်တယ်လို့လည်း သူက ဆိုပါတယ်။

    စွမ်းအင်ပေးတဲ့နေရာမှာလည်း နေစွမ်းအင်သုံး ဂျင်နရေတာ၊ အပူစုပ်စက်တွေကို အသုံးပြုမှာဖြစ်ပြီး ကမ္ဘာကြီးနဲ့ ကမ္ဘာပေါ်က ရင်းမြစ်တွေကို ဖြုန်းတီးမှုမရှိဘဲ စောင့်ရှောက်ဖို့ဆိုတဲ့ အစ္စလာမ်သာသနာရဲ့ သင်ကြားမှုကို ထင်ဟပ်စေဖို့ဖြစ်တယ်လို့ မူရဒ်က ဆိုပါတယ်။

    ဒီ ဗလီဝတ်ကျောင်းတော် ဆောက်လုပ်ဖို့အတွက် ရန်ပုံငွေကို ဒေသခံ မွတ်စလင်ထောင်ပေါင်းများစွာရဲ့ လှူဒါန်းငွေတွေမကဘဲ အင်ဒိုနီးရှား၊ ဟောင်ကောင်နဲ့ အမေရိကန်တို့က မွတ်စလ်တွေရဲ့ အလှူငွေတွေလည်း ပါရှိပါတယ်။

    ဆော်ဒီ တော်ဝင်မိသားစုဝင်တစ်ဦး၊ ကာတာက အလှူရှင် တစ်ဦးတို့ကလည်း ဒီ ဗလီဝတ်ကျောင်းတော် ဆောက်လုပ်ရေးမှာ ပါဝင်လှူဒါန်းခဲ့ကြပါတယ်။

  • ဖုန်းဖြင့် မီး အဖွင့်အပိတ်ပြုလုပ်နိုင်သည့် ဆော့ဖ်ဝဲကို ဗြိတိန်မွတ်စလင်လူငယ်တစ်ဦး တီထွင်

    ဖုန်းဖြင့် မီး အဖွင့်အပိတ်ပြုလုပ်နိုင်သည့် ဆော့ဖ်ဝဲကို ဗြိတိန်မွတ်စလင်လူငယ်တစ်ဦး တီထွင်

    ဧပြီ ၈၊ ၂၀၁၇
    M-Media

    ရင်းနှီးမြှုပ်နှံသူများနှင့် စကားပြောဆိုနေသည့် ယာစီရ်

    – နေအိမ်မီးတွေကို မိုဘိုင်းဖုန်းကနေ ဖွင့်နိုင်ပိတ်နိုင်တဲ့ အက်ပလီကေးရှင်းတစ်ခုကို တီထွင်ခဲ့တဲ့ ဗြိတိန်-ပါကစ္စတန် မွတ်စလင်လူငယ်လေးတစ်ဦးဟာ ကန်ဒေါ်လာ ၁.၂ သန်းတန် ရင်းနှီးမြှုပ်နှံမှု အခွင့်အလမ်းတစ်ခုကို ရရှိခဲ့ပါတယ်။

    အသက် ၂၁ ရက်အရွယ် ယာစီရ် ခက်တက်ဆိုသူဖြစ်ပြီး သူဟာ Den လို့ခေါ်တဲ့ နည်းပညာကုမ္ပဏီရဲ့ စီအီးအိုလည်းဖြစ်ပါတယ်။

    ၂၀၁၁ ခုနှစ်ရဲ့ ညတစ်ညမှာ GCSEs စာမေးပွဲအတွက် စာကျက်နေရင်း မိုဘိုင်းဖုန်းအသုံးပြုကာ ဖွင့်နိုင်ပိတ်နိုင်မယ့် မီးခလုပ်နဲ့ အထိုင်ခွက်တစ်ခုကို တီထွင်ဖန်တီးဖို့ စိတ်ကူးရလာတာဖြစ်တယ်လို့ သူ့ရဲ့ ကုမ္ပဏီဝဘ်ဆိုက်မှာ ဖော်ပြထားပါတယ်။

    “ကျွန်တော်တို့ရဲ့ ရည်ရွယ်ချက်က ဆန်းသစ်ပြီး ပတ်ဝန်းကျင်ကို ထည့်သွင်းစဉ်းစားထားတဲ့ ပစ္စည်းတွေကို ဖန်တီးထုတ်လုပ်ဖို့ ဖြစ်ပါတယ်။ စွမ်းအင် ပိုပြီးချွေတာနိုင်တဲ့ ကမ္ဘာကြီးကို ကျွန်တော်တို့ ဖန်တီးချင်တယ်။ Den က ကျွန်တော်တို့ရဲ့ လုပ်ဆောင်မှုကနေတစ်ဆင့် ဒီရည်ရွယ်ချက်ကို အမှန်တကယ်ဖြစ်လာအောင် ဆောင်ရွက်နိုင်မယ်လို့ ကျွန်တော်တို့ ယုံကြည်ပါတယ်” လို့ Den ၏ ၀ဘ်ဆိုက်မှာ ဖော်ပြထားပါတယ်။

    ယာစီရ်တီထွင်တဲ့ ဒီ အက်ပလီကေးရှင်းဟာ စွမ်းအင်သုံးစွဲမှု ပမာဏကို တွက်ချက်နိုင်ပြီး၊ အသုံးပြုသူကို ဘေးအန္တရာယ်ကင်းရှင်းရေး ကြိုတင် သတိပေးမှုတွေလည်း ပြုလုပ်နိုင်ပါတယ်။ ပြီးတော့ စွမ်းအင်ကို ချွေတာနိုင်မှာဖြစ်သလို၊ အက်ပလီကေးရှင်းကနေတစ်ဆင့် ဘေးအန္တရာယ်ကင်းရှင်းရေး သတိပေးချက်တွေကို ပေးပို့မှာ ဖြစ်ပါတယ်။

    Ref: Alarabiya

  • လန်ဒန်အကြမ်းဖက်မှုကိုရှုတ်ချသည့် လှုပ်ရှားမှု ဗြိတိန်မွတ်စလင်အမျိုးသမီးများ ပြုလုပ်

    လန်ဒန်အကြမ်းဖက်မှုကိုရှုတ်ချသည့် လှုပ်ရှားမှု ဗြိတိန်မွတ်စလင်အမျိုးသမီးများ ပြုလုပ်

    မတ် ၂၇၊ ၂၀၁၇
    M-Media

    – ဗုဒ္ဓဟူးနေ့က လန်ဒန်မြို့လယ်ကောင်မှာ ဖြစ်ပွားခဲ့တဲ့ အကြမ်းဖက်တိုက်ခိုက်မှုမှာ ကွယ်လွန်သေဆုံးသွားသူ၊ ထိခိုက်ခံစားရသူတွေနဲ့ တစ်သားတည်းရှိကြောင်း ပြသဖို့အတွက် မွတ်စလင်အမျိုးသမီးအဖွဲ့တစ်ခုဟာ ယမန်နေ့က လှုပ်ရှားမှုတစ်ခု ပြုလုပ်ခဲ့ပါတယ်။

    ၀က်စ်မင်စတာတံတားပေါ်မှာ လက်ချင်းချိတ်ကာ ၅ မိနစ်ကြာ မတ်တတ်ရပ်ခဲ့တဲ့ လှုပ်ရှားမှုဖြစ်ပြီး၊ သူတို့ ၀တ်ဆင်လာတဲ့ အပြာရောင်ဟာ မျှော်လင့်ခြင်း အမှတ်အသားဖြစ်တယ်လို့လည်း ဆိုပါတယ်။

    ခါလစ်မာဆွတ်ဆိုသူက ၀က်စ်မင်စတာ တံတားပေါ်မှာ ပြည်သူတွေကို ကားနဲ့လိုက်တိုက်မှုကြောင့် မွတ်စလင် အမျိုးသမီးတစ်ဦးအပါအ၀င် လူ ၃ ဦး သေဆုံးခဲ့ပြီး၊ ပါလီမန်အဆောက်အဦးရှေ့မှာ ရဲတပ်ဖွဲ့ဝင်တစ်ဦးကိုလည်း မာဆွတ်က ဓားနဲ့ ထိုးသတ်ခဲ့ပါသေးတယ်။

    “ဗုဒ္ဓဟူးနေ့က ဒီမှာဖြစ်တဲ့ အဖြစ်အပျက်ရဲ့ ခံစားရမှုက သိပ်ပြင်းထန်ပါတယ်။ ကားနဲ့ တိုက်သတ်ခံလိုက်ရတဲ့ ပြည်သူတွေကို အမှတ်ရပြီး ဒီမှာ ကျွန်မတို့ မတ်တပ်ရပ်နေတာဟာ သိပ်ပြီးတော့ ကြေကွဲဝမ်းနည်းစရာလည်း ကောင်းပါတယ်” လို ဆာရ်ဘီတန်က အသက် ၄၀ အရွယ် ဆရာဝန် ဖာရီဟာခန်းက ပြောကြားခဲ့ပါတ
    ယ်။

    ဒီလို လက်ချင်းချိတ်ပြီး စီတန်းမတ်တပ်ရပ်တဲ့ လှုပ်ရှားမှုဟာ အကြမ်းဖက်တိုက်ခိုက်မှုကို ရှုတ်ချပြီး၊ အကြမ်းဖက်ဝါဒကို ဆန့်ကျင်တယ်ဆိုတာ ပြသဖို့လည်းဖြစ်တယ်လို့ ဒီမွတ်စလင်အမျိုးသမီးတွေက ဆိုပါတယ်။

    “လန်ဒန်မှာ တိုက်ခိုက်မှုဖြစ်တော့ ကျွန်မ တိုက်ခိုက်ခံရသလိုပါပဲ။ ဒါက ကျွန်မတို့အားလုံးကို တိုက်ခိုက်မှုပါ။ အစ္စလာမ်သာသနာက ဘယ်လို အကြမ်းဖက်မှုမျိုးကိုမဆို ရှုတ်ချပါတယ်။ ဒါဟာ ကျွန်မတို့အတွက် စက်ဆုပ်ရွံရှာစရာကောင်းတဲ့ လုပ်ရပ်ပါပဲ” လို့ အသက် ၅၇ နှစ်အရွယ် ဆာရာ ၀ါစင်မ်က ပြောကြားခဲ့ပါတယ်။

    နောက်ထပ် မွတ်စလင်အမျိုးသမီးတစ်ဦးဖြစ်တဲ့ အိုက်ရှာ မာလစ်ကတော့ အခု လှုပ်ရှားမှုက ဒီမိုကရေစီကို ထောက်ခံရာမှာ လန်ဒန်မြို့သူမြို့သားတွေဟာ စည်းလုံးညီညွတ်မှုရှိတယ်လို့ ဖော်ပြတာဖြစ်ကြောင်း ပြောကြားခဲ့ပါတယ်။

    အငြိမ်းစာ ကျန်းမာရေးဝန်ထမ်းတစ်ဦးဖြစ်တဲ့ မေရီ ဘန်းနက်က ဒီလှုပ်ရှားမှုမှာ သူမ ပါဝင်တာဟာ “ပြယုဂ်လေးတစ်ခု” ဖြစ်တယ်လို့ ဆိုပါတယ်။

    “လန်ဒန်မှာ ကျွန်မတို့ နှစ်သက်တဲ့ပုံစံနဲ့ ရှေ့ဆက်လျှောက်မယ်၊ နှစ်သက်တဲ့ပုံစံ ဆက်လုပ်သွားမယ်ဆိုတာကို တိတ်ဆိတ်ငြိမ်သက်တဲ့နည်းလမ်းနဲ့ ပြသဖို့ ကျွန်မ ဒီမှာ ရောက်နေတာပါ။ ဒါဟာ ကျွန်မရဲ့မြို့ပါ။ ဒီလှုပ်ရှားမှုဟာ သေးငယ်တဲ့ ပြယုဂ်ကလေးတစ်ခု ဖြစ်ပေမယ့် ဘ၀ဆိုတာ ဒီလို သေးငယ်တာလေးတွေ စုပေါင်းပြီး ဖွဲ့စည်းထားတာ မဟုတ်လား” လို့ မေရီက ထည့်သွင်း ပြောဆိုခဲ့ပါတယ်။

    ဗုဒ္ဓဟူးနေ့က အကြမ်းဖက်တိုက်ခိုက်မှုကို လန်ဒန်ရဲ့ မွတ်စလင်မြို့တော်ဝန် ဆာဒစ်ခန်း အပါအ၀င် ယူကေက ထင်ရှားတဲ့ မွတ်စလင်တွေ၊ မွတ်စလင်အသင်းအဖွဲ့တွေက ရှုတ်ချခဲ့ကြပြီး ထိခိုက်ခံစားရသူတွေ၊ သူတို့ရဲ့ မိသားစုဝင်တွေကို ကူညီထောက်ပံ့ပေးဖို့ ရန်ပုံငွေတွေကိုလည်း မွတ်စလင်တွေက ကောက်ခံပေး
    ကြပါတယ်။

    Ref: Dailymail

  • လန်ဒန်တိုက်ခိုက်မှုတွင် ထိခိုက်ခံစားရသူများအတွက် ဗြိတိန်မွတ်စလင်တစ်ဦး ရန်ပုံငွေ ရှာဖွေပေး

    လန်ဒန်တိုက်ခိုက်မှုတွင် ထိခိုက်ခံစားရသူများအတွက် ဗြိတိန်မွတ်စလင်တစ်ဦး ရန်ပုံငွေ ရှာဖွေပေး

    မတ် ၂၆၊ ၂၀၁၇
    M-Media

    – ကြာသာပတေးနေ့က လန်ဒန်မြို့မှာ ဖြစ်ပွားခဲ့တဲ့ အကြမ်းဖက်တိုက်ခိုက်မှုကို မျက်မြင်ကြုံတွေ့ခဲ့ရသူ ဗြိတိန်မွတ်စလင်တစ်ဦးက အဲဒီတိုက်ခိုက်မှုမှာ ထိခိုက် ခံစားခဲ့ရသူတွေကို ထောက်ပံ့ဖို့အတွက် ရန်ပုံငွေရှာဖွေရေး လှုပ်ရှားမှုတစ်ခုကို ပြုလုပ်ခဲ့တယ်လို့ သိရပါတယ်။

    မူဒါဆာ အဟ်မဒ်ဆိုသူဖြစ်ပြီး အကြမ်းဖက်သမားက တိုက်ခိုက်နေတဲ့အချိန်မှာ ၀က်စ်မင်စတာတံတားအနီးက အဆောက်အဦးတစ်ခုပေါ်မှာ ရှိနေခဲ့တာပါ။

    ၀က်စ်မင်စတာ တံတားတစ်လျှောက် လူတွေကို ကားနဲ့လိုက်တိုက်ပြီး ပါလီမန်အဆောက်အဦးမှာ ရဲကို ဓားနဲ့ထိုးခဲ့တဲ့ ဒီတိုက်ခိုက်မှုအတွင်း ရဲတစ်ဦး အပါအ၀င် လူ ၄ ဦး သေဆုံးခဲ့ပြီး ၄၀ ကျော်လောက် ဒဏ်ရာရရှိခဲ့ပါတယ်။ အကြမ်းဖက်သမားကိုတော့ ရဲက ပစ်သတ်ခဲ့ပါတယ်။

    “ကျွန်တော် အဲဒီမှာ ရှိနေခဲ့ပြီး တုန်လည်း တုန်လှုပ်ခဲ့ပါတယ်။ ဘာ့ကြောင့်လည်းဆိုတော့ ဘာဖြစ်လဲဆိုတာကို ကျွန်တော် မြင်တွေ့ခဲ့လို့ပါ။ ထိခိုက်ခံစားခဲ့ရသူတွေအတွက် တစ်ခုခု လုပ်ပေးရမယ်လို့ ကျွန်တော် ခံစားရပါတယ်။ ကျွန်တော့် ရန်ပုံငွေကို အလျင်အမြန် ရှာဖွေချင်တာကြောင့် အဲဒီညနှောင်းပိုင်းမှာပဲ ဒီ
    လှုပ်ရှားမှုကို လုပ်လိုက်ရတာပါ” ဟု အဟ်မဒ်က ပြောကြားခဲ့ပါတယ်။

    နောက်ပြီး ဒီရန်ပုံငွေရှာဖွေရေးဟာ တိုက်ခိုက်မှုအတွင်း ထိခိုက်ခံစားရသူတွေကို ကူညီပေးဖို့ အဓိကဖြစ်ပြီး ကျန်ရစ်သူ မိသားစုတွေအတွက် အထောက်အပံ့ဖြစ်စေဖို့၊ စာနာထောက်ထားမှု ဖြစ်စေဖို့ ဖြစ်တယ်လို့လည်း သူက ဆိုပါတယ်။

    အဟ်မဒ်က ဒီရန်ပုံငွေရှာဖွေရေးအတွက် သူငယ်ချင်းတွေကိုပါ စည်းရုံးအကူအညီတောင်းခဲ့ပြီး မနေ့က နေ့လည်အထိ အမေရိကန်ဒေါ်လာ ၃၃၅၀၀ လောက်ရနေကာ လှူဒါန်းသူက ၁၀၀၀ ကျော်လောက် ရှိနေပါပြီ။ အဟ်မဒ်ရဲ့ ပစ်မှတ်ကတော့ ဒေါ်လာ ၃၇၀၀၀ လောက် ရရှိဖို့ဖြစ်ပါတယ်။

    Muslims United for London လို့ အမည်ပေးထားတဲ့ ဒီလှုပ်ရှားမှုကို ဗြိတိန်မွတ်စလင်လွှတ်တော်အမတ်တွေကလည်း ထောက်ခံအားပေးခဲ့ကြပါတယ်။

    Ref: Aljazeera

  • ဗြိတိန်ကို ကြီးကျယ်အောင်လုပ်ခဲ့သည့် မွတ်စလင် ၁၀ ဦး

    ဗြိတိန်ကို ကြီးကျယ်အောင်လုပ်ခဲ့သည့် မွတ်စလင် ၁၀ ဦး

    မတ် ၂၅၊ ၂၀၁၇
    M-Media

    – နိုင်ငံတကာ အကြမ်းဖက်ဝါကို အားကျတဲ့ လူတစ်ယောက်က ပြုလုပ်တဲ့ တိုက်ခိုက်မှုတစ်ခု ဥရောပမှာ ထပ်ဖြစ်ပါတယ်။

    လန်ဒန်မြို့က ၀က်စ်မင်စတာ တံတားပေါ်မှာဖြစ်ပြီး အကြမ်းဖက်သမားအပါအ၀င် လူ ၄ ဦး သေဆုံးခဲ့ကာ အနည်းဆုံး လူပေါင်း ၃၀ လောက်ဒဏ်ရာရရှိတယ်လို့ ဆိုပါတယ်။ ၇ ဦးကတော့ ဆေးရုံးမှာ အတွင်းလူနာအဖြစ် ကုသနေရပါတယ်။

    ဒီလိုအဖြစ်အပျက်မျိုး ဖြစ်ပွားရင် အချက်အလက်သေးစိတ်ကို ရှင်းရှင်းလင်းလင်း မသိရသေးပေမယ့်လည်း လူတစ်ယောက်နှစ်ယောက်လောက်ကလုပ်တဲ့ ကိစ္စအတွက် မွတ်စလင်အားလုံးအပေါ် အပြစ်ပုံချ ပြောဆိုတတ်တာက ထုံးစံတစ်ခုလို ဖြစ်နေပါပြီ။ တစ်ချို့ကလည်း လန်ဒန်ရဲ့ မွတ်စလင်မြို့တော်ဝန် ဆာဒစ် ခန်းကို အြ
    ပစ်တင်ကြပြီး သူ့ရဲ့ ရပ်တည်ချက်က ဒါမျိုးတွေကို ဖြစ်စေတယ်လို့ ပြောကြပါတယ်။

    တကယ်တော့ ခန်းနဲ့ အခြားသော ယူကေမွတ်စလင်တွေဟာ တစ်နိုင်ငံလုံးက လူတွေလိုပဲ ဒီတိုက်ခိုက်မှုကို ပြင်းပြင်းထန်ထန် ရှုတ်ချခဲ့တာပါ။ ဘုရင့်နိုင်ငံကို ဒီနေ့ခတ် အင်အားကြီးမားတဲ့ နိုင်ငံအဖြစ် ရောက်စေခဲ့မှုမှာ ဗြိတိန်မွတ်စလင်တွေရဲ့ လွန်ခဲ့တဲ့ ရာစုနှစ်တွေကတည်း ဗြိတိန် လူ့အဖွဲ့အစည်းနဲ့ ယဉ်ကျေးမှုအပေါ် ကူညီပံ့ပိုးပေးခဲ့မှုတွေလည်း ပါဝင်ပါတယ်။

    ယူကေကို ကြီးကျယ်အောင် လုပ်ပေးခဲ့တဲ့ မွတ်စလင်တွေထဲက ၁၀ ဦးကို ဖော်ပြပေးလိုက်ပါတယ်။

    ၁။ ဆာဒစ်ခန်း-လန်ဒန်မြို့တော်ဝန်

    ၂၀၁၆ ခုနှစ်မှာ ဆာဒစ်ခန်းဟာ လန်ဒန်မြို့ရဲ့ ပထမဆုံး မွတ်စလင်မြို့တော်ဝန် ဖြစ်လာခဲ့ပါတယ်။ နာမည်ကျော် နိုင်ငံရေးသမားတစ်ယောက်ဖြစ်ပြီး နိုင်ငံအတွင်းက နိုင်ငံခြားသားကြောက်ရောဂါကို ဆန့်ကျင်မှုမှာ မားမားမတ်မတ် ရပ်တည်ခဲ့သူလည်း ဖြစ်ပါတယ်။

    ကမ္ဘာပေါ်က ကြီးကျယ်တဲ့ မြို့ကြီးတွေထဲက တစ်မြို့ရဲ့ ခေါင်းဆောင်အဖြစ် ခန်းဟာ ကမ္ဘာပေါ်က သြဇာလွှမ်းမိုးတဲ့ မွတ်စလင်တွေထဲက တစ်ဦးလည်းဖြစ်ပါတယ်။

    ၂။ ဘာရိုနက်စ် ဆိုက်ယေဒါ ၀ါစီ – လွှတ်တော်အမတ်

    ၂၀၀၉ ခုနှစ်မှာ Guardian သတင်းစာက ဆိုက်ယေဒါဝါစီဟာ ဗြိတိန်ရဲ့ သြဇာလွှမ်းမိုးမှုအရှိဆုံး မွတ်စလင်အမျိုးသမီးလို့ သတ်မှတ်ခဲ့ပါတယ်။

    နိုင်ငံရေးသမား၊ ရှေ့နေနဲ့ ပါမောက္ခတစ်ယောက်ဖြစ်တဲ့ ၀ါစီဟာ လက်ရှိမှာ ယူကေပါလီမန်ရဲ့ အမတ်တစ်ဦး ဖြစ်နေပါတယ်။ အရင်ကလည်း နိုင်ငံခြားရေးနဲ့ ဓနသဟာယဆိုင်ရာ အကြီးတန်းဝန်ကြီး၊ ယုံကြည်မှုနှင့် လူ့အဖွဲ့အစည်းဆိုင်ရာ ၀န်ကြီးအဖြစ် တာဝန်ထမ်းဆောင်ခဲ့ဖူးပါတယ်။

    ၃။ မဟ်ဒီဟာဆန် – နိုင်ငံရေး ဂျာနယ်လစ်

    မဟ်ဒီဟာဆန်ဟာ အလ်ဂျာဇီးရားသတင်းဌာနရဲ့ Café နဲ့ Head to Head and UpFront ဆိုတဲ့ အစီအစဉ်တွေကို တင်ဆက်နေသူပါ။

    ပြီးတော့ Huffington Post သတင်းဌာနရဲ့ ယူကေဆိုင်ရာ နိုင်ငံရေးအယ်ဒီတာအဖြစ်လည်း ဆောင်ရွက်နေပြီး စာရေးဆရာတစ်ယောက်လည်း ဖြစ်ပါတယ်။

    ၄။ ရှီလီနာ ဂျန်မိုဟာမဒ် – စာရေးဆရာ

    ကြော်ငြာလုပ်ငန်းနဲ့ စာရေးဆရာမတစ်ယောက်အဖြစ် ဆောင်ရွက်နေသူပါ။ ပြီးတော့ အကြံပေးလုပ်ငန်း တစ်ခုဖြစ်တဲ့ Ogilvy Noor ရဲ့ ဒု ဥက္ကဌလည်းဖြစ်ပါတယ်။ ရှီလီနာဟာ Generation M: Young Muslims Changing the World နဲ့ Love in a Headscarf ဆိုတဲ့ စာအုပ်နှစ်အုပ်ကိုလည်း ရေးသားခဲ့ပါတယ်။

    သူမဟာ ယူကေရဲ့ သြဇာလွှမ်းမိုးမှုအရှိဆုံး အမျိုးသမီး စာရင်းထဲမှာ ပါဝင်သူတစ်ဦးပါ။

    ၅။ ဇေယန်မာလစ် – အဆိုတော်

    One Direction ရဲ့ အဖွဲ့ဝင်ဟောင်း ဇေယန်မာလစ်ကို မသိတဲ့သူ သိပ်မရှိပါဘူး။ သူဟာ သူ့ရဲ့ မွတ်စလင်အမွေအနှစ်ကို တစ်ကြိမ်ထက်မက ထုတ်ပြောခဲ့သူပါ။

    One Direction က ထွက်ခွာခဲ့ပြီးတဲ့နောက်မှာ သူဟာ တစ်ကိုယ်တော်အခွေတွေ ထုတ်ခဲ့ပြီး ယူကေနဲ့ နိုင်ငံတကာ ဂီတလောကမှာ သီတင်းပတ်တော်တော်ကြာ ထိပ်ဆုံးမှာ ရှိခဲ့ပါတယ်။

    ၆။ မာရီယာဟ် အစ်ဒရီစီ – မော်ဒယ်နှင့် တက်ကြွလှုပ်ရှားသူ

    မာရီယာဟ် အစ်ဒရီစီဟာ ၂၀၁၅ ခုနှစ်က H&M’s Close the Loop လှုပ်ရှားမှုမှာ ပါဝင်ခဲ့ပြီးနောက် ကမ္ဘာကျော်လာတာဖြစ်ပါတယ်။ ပြီးတော့ အဓိကမော်ဒယ်ပြိုင်ပွဲတွေမှာ ဟီဂျဘ်ဝတ် ယှဉ်ပြိုင်တဲ့ ပထမဆုံး မွတ်စလင်အမျိုးသမီးအဖြစ်လည်း မှတ်တမ်းဝင်ခဲ့ပါတယ်။

    ပထမဆုံး ပွဲမှာပဲ သူဟာ မော်ဒယ်အေဂျင်စီ တော်တော်များများနဲ့ စာချုပ်ချုပ်နိုင်ခဲ့ပါတယ်။

    “အရှေ့နဲ့အနောက်ကြားက လစ်ဟာမှုကို ကျွန်မ ပေါင်းကူးပေးချင်ပါတယ်” ဆိုပြီး MailOnline ကို ပြောကြားခဲ့ဖူးပါတယ်။

    ၇။ အမ်ဂျဒ် ဟူစိုင် – ရေတပ်အရာရှိ

    တော်ဝင်ရေတပ်မှာ အရာရှိတစ်ယောက်အဖြစ် ဆောင်ရွက်နေတဲ့ ဟူစိုင်ဟာ ဗြိတိန်က လူနည်းစုတွေ ဗြိတိန်စစ်တပ်မှာ တာဝန်ထမ်းဆောင်သူတွေထဲမှာ ရာထူးအမြင့်ဆုံးကို ရရှိထားသူတစ်ဦးပါ။ လက်ရှိမှာ သူဟာ ရေတပ်အထူးတပ်ဖွဲ့ဌာနချုပ်မှူးအဖြစ် တာဝန်ထမ်းဆောင်နေပြီး ဘုရင်မကြီးက ချီးမြှင့်တဲ့ Companion of the Order of the Bath ဆုတံဆိပ်ကိုလည်း ရရှိထားပါတယ်။

    ၈။ မီရှဲလ် ဟူစိန် – ရုပ်သံတင်ဆက်သူ

    မီရှဲလ်ဟူစိန်ဟာ BBC ရဲ့ နာမည်ကြီး သတင်းတင်ဆက်သူတစ်ယောက်ဖြစ်ပြီး Today၊ BBC World News နဲ့ BBC Weekend News စတဲ့ အစီအစဉ်တွေကို တာဝန်ယူထားရပါတယ်။ အရင်က HARDtalk နဲ့ BBC Breakfast အစီအစဉ်တွေကိုလည်း တင်ဆက်ခဲ့ဖူးပါတယ်။

    Guardian က ၂၀၀၉ ခုနှစ်မှာ ထုတ်ပြန်တဲ့ ဗြိတိန်ရဲ့ လွှမ်းမိုးမှုအရှိဆုံး အမျိုးသမီးစာရင်းထဲမှာ သူမလည်း ပါဝင်ခဲ့ပါတယ်။

    ၉။ မူဟ်ဘင်း ဟူစိုင် – တက်ကြွလှုပ်ရှားသူ

    British Muslim Youth အဖွဲ့ကို တည်ထောင်သူနဲ့ ဥက္ကဌအဖြစ် ဆောင်ရွက်နေသူ မူဟ်ဘင်း ဟူစိုင်ဟာ ဗြိတိန်မွတ်စလင်တွေအတွက် သည်းခံမှုနဲ့ နားလည်မှုတွေကို တိုးမြှင့်အောင် ဆောင်ရွက်ပေးနေသူပါ။

    Twiiter စာမျက်နှာမှာတော့ “ဗြိတိသျှတစ်ယောက်ဖြစ်ရတာနဲ့ မွတ်စလင်တစ်ယောက်ဖြစ်ရတာဟာ အတူတူပါပဲ” လို့ သူက ရေးသားထားပါတယ်။

    ၁၀။ ဒီနာ တိုကီယို – ဖက်ရှင်ကြယ်ပွင့်

    ရိုးရိုးယဉ်ယဉ် ဖက်ရှင်ဟာ အခုနောက်ပိုင်း ဖက်ရှင်လောကမှာ တစ်ဟုန်တိုး အားကောင်းလာမှုနဲ့အတူ ဒီနာ တိုကီယိုဟာ ဆိုရှယ်မီဒီယာမှာ အောင်မြင်ကျော်ကြားသူတစ်ယောက် ဖြစ်လာပါတယ်။ ဖက်ရှင်တွေကိုသာ တင်တဲ့ သူမရဲ့ Instagram၊ Twitter နဲ့ အခြား ဆိုရှယ်မီဒီယာအကောင့်တွေကလည်း သူမရဲ့ အောင်မြ
    င်မှုကို ပိုပြီး ကျော်ကြားစေခဲ့ပါတယ်။

    ဗြိတိန်ကို ကြီးကျယ်အောင်လုပ်တဲ့ မွတ်စလင်တွေဟာ ဒီ ၁၀ ဦးတင် မကပါဘူး။ နောက်ထပ် မွတ်စလင် ဂီတပညာရှင်တွေ၊ နိုင်ငံရေးသမားတွေလည်း အများကြီး ရှိပါသေးတယ်။ မွတ်စလင်တွေဟာ ယူကေရဲ့ မရှိမဖြစ် အစိတ်အပိုင်းဖြစ်ပါတယ်။

    Ref: Stepfeed