Tag: Islam In UK

ဇူလိုင် ၁၊ ၂၀၁၇
M-Media

– မွတ်စလင်သားအမိနှစ်ဦးအား စော်ကားပြောဆိုမှုများ ပြုလုပ်ခဲ့ပြီးနောက် ဆယ်ကျော်သက် သမီးဖြစ်သူကို ၀က်အူချောင်းနှင့် ပစ်ပေါက်ခဲ့သည့် အမျိုးသားကို ဗြိတိန်တရားရုံးက ကြာသာပတေးနေ့တွင် ထောင်ဒဏ် ၆ လချမှတ်လိုက်သည်ဟု သိရသည်။

အသက် ၃၆ နှစ်အရွယ် အဲလက်စ် ချီဗားစ်ဆိုသူဖြစ်ပြီး ဇွန်လ ၈ ရက်နေ့က လန်ဒန်မြို့မြောက်ပိုင်းတွင် မွတ်စလင်သားအမိနှစ်ဦးထံသို့ ချဉ်းကပ်ကာ အစ္စလာမ်သာသနာအား စော်ကားသည့် စကားများ ပြောဆိုခဲ့ပြီးနောက် သမီးဖြစ်သူကို ၀က်အူချောင်းဖြင့် ပစ်ပေါက်ခဲ့သည်ဟု ရဲတပ်ဖွဲ့က သောကြာနေ့တွင် ပြောကြားခဲ့သည်။

ချီဗားစ်ကလည်း ဘာသာရေးနှင့် လူမျိုးရေးဆိုင်ရာ စော်ကားမှု ပြုလုပ်ခဲ့သည်ဟု ၀န်ခံခဲ့ကာ လန်ဒန်တရားရုံးက လက်ရောက်မှု၊ ငြိမ်ဝပ်ပိပြားရေးကို ထိခိုက်စေမှုတို့ဖြင့် ထောင်ချခဲ့သည်။

စုံထောက်တစ်ဦးဖြစ်သည့် ဂျိမ်းစ်ပေနီက ထိုအဖြစ်အပျက် ဖြစ်ပွားစဉ် အခြားသူများလည်း ရှိနေခဲ့ပြီး တစ်ဦးက ဗီဒီယိုမှတ်တမ်းတင်ခဲ့သည်ဟု ဆိုသည်။

ချီဗားစ်၏ ထိုတိုက်ခိုက်မှုမှာ လန်ဒန်တံတားနှင့် ဘိုရိုဈေးတို့တွင် ဖြစ်ပွားခဲ့သည့် အကြမ်းဖက်တိုက်ခိုက်မှုပြီးနောက် ၅ ရက်အကြာတွင် ဖြစ်ပွားခဲ့ခြင်းဖြစ်သည်။

Ref: Arab News

ဇွန် ၂၁၊ ၂၀၁၇
M-Media

– တနင်္လာနေ့မနက်က ဗလီဝတ်ကျောင်းတော်မှ ထွက်လာသူ မွတ်စလင်များအား ကားဖြင့် ၀င်တိုက်ခဲ့သူကို အကြမ်းဖက်မှုဖြင့် တရားစွဲဆိုထားသည်ဟု ယူကေရဲတပ်ဖွဲ့က ပြောကြားလိုက်သည်။

လန်ဒန်မြောက်ပိုင်း ဖင်စ်ဘူရီပါ့ခ်ဗလီမှ ၀တ်ပြုဆုတောင်းပြီး ထွက်လာသော မွတ်စလင်များကို အသက် ၄၇ နှစ်အရွယ် ဒါရန် အော့စ်ဘုန်းဆိုသူက ဗန်ကားဖြင့် ၀င်တိုက်ခဲ့ခြင်းဖြစ်ပြီး လူအများအပြား ဒဏ်ရာရရှိခဲ့သည်။

လန်ဒန်ရဲတပ်ဖွဲ့က ဗန်ကားမောင်းသူကို ကနဦးတွင် လူသတ်ရန် ကြိုးစားမှုဖြင့် ဖမ်းဆီးထားသော်လည်း နောက်ပိုင်းတွင် လူသတ်မှု၊ လူသတ်ရန် ကြိုးပမ်းမှုများအပါဝင် အကြမ်းဖက်လုပ်ရပ်ကို လှုံ့ဆော်မှု၊ ပြင်ဆင်မှု ဆောင်ရွက်မှုများဖြင့် တရားစွဲဆိုခဲ့သည်။

“အခုအချိန်အထိ စုံစမ်းစစ်ဆေးမှုအရတော့ သံသယရှိသူဟာ တစ်ယောက်တည်းလုပ်တယ်လို့ ယုံကြည်ရပါတယ်။ ဒါပေမယ့် ဒီလိုတိုက်ခိုက်မှုကို ဦးတည်စေတဲ့ အဖြစ်အပျက်အားလုံးကို ကျွန်တော်တို့ စုံစမ်းစစ်ဆေးနေပါတယ်” ဟု ရဲတပ်ဖွဲ့က ထုတ်ပြန်သော ကြေငြာချက်တွင် ဖော်ပြထားသည်။

ထို့ပြင် ထိခိုက်ဒဏ်ရာရသူများ အားလုံးမှာ ဖင်စ်ဘူရီပါ့ခ်ရှိ မွတ်စလင်လူ့အဖွဲ့အစည်းမှဖြစ်ကြောင်း၊ ထိုပတ်ဝန်းကျင် အထူးသဖြင့် ရမ်ဇာန်ဥပုသ်လကို ဖြတ်သန်းကြသူများ ဘေးအန္တရာယ်ကင်းရေးအတွက် ရဲတပ်ဖွဲ့ဝင်များကို ထပ်တိုးချသွားမည်ဖြစ်ကြောင်း ရဲတပ်ဖွဲ့က ပြောကြားခဲ့သည်။

Ref: Aljazeera

ဇွန် ၂၀၊ ၂၀၁၇
M-Media

– လန်ဒန်မြို့ ဗလီတစ်လုံးကနေ ထွက်လာတဲ့ ၀တ်ပြုဆုတောင်းသူတွေဟာ လမ်းပေါ်မှာ မူးလဲသွားတဲ့ အဘိုးအိုတစ်ယောက်ကို ပြုစုနေချိန် ဗန်ကားတစ်စီးက သူတို့ကို တမင်ဝင်တိုက်တာကို ခံခဲ့ရပါတယ်။ ဗန်ကားမောင်းသူက “ငါ မွတ်စလင်တွေအာားလုံးကို သတ်ချင်တယ်” လို့ အော်ခဲ့ကြောင်း မျက်မြင်သက်သေတွေက ဆိုပါတယ်။

သန်းကောင်ချိန်အကျော်လေးမှာ အဲဒီဗန်ကားဟာ ဖင်စ်ဘူရီပါ့ခ်ဗလီဝတ်ကျောင်းတော်နဲ့ မွတ်စလင်လူမှုဖူလုံရေးအသင်း အဆောက်အဦးကနေ ၀တ်ပြုဆုတောင်းပြီး ထွက်လာတဲ့ မွတ်စလင်လူအုပ်ကို ပစ်မှတ်ထားခဲ့တာပါ။

လဲကျသွားတဲ့အဖိုးအိုဟာ နေရာမှာတင် သေဆုံးခဲ့ပြီး လူ ၁၀ ယောက် ဒဏ်ရာရကာ ၈ ယောက်က ဆေးရုံမှာ ကုသမှု ခံနေရဆဲ ဖြစ်ပါတယ်။

ဗန်ကားမောင်းသမားဟာ ၀ိုင်းဝန်းဖမ်းဆီးခြင်း ခံခဲ့ရပြီး ဒေါသထွက်နေတဲ့ လူတစ်ချို့ရဲ့ ရိုက်နှက်ခြင်းကို ခံရတော့မယ့်အချိန်မှာ မွတ်စလင်လူမှုဖူလှုံရေးအသင်း အဆောက်အဦးက ဗလီဆရာတစ်ဦးဟာ ၀င်ရောက်ကာကွယ်ပေးခဲ့ပြီး ဒေါသထွက်နေ လူငယ်တွေကို ဝေးဝေးမှာနေခိုင်းခဲ့ပါတယ်။

“သူက လူအုပ်ထဲကို မောင်းလာတာဗျ။ တစ်ချို့ဆိုရင် အဝေးကို လွင့်သွားကြတာ။ အဘိုးအိုက မြေပြင်ပေါ်မှာ လဲကျနေပြီး တစ်ချို့လူတွေ ဒဏ်ရာရသွားတာကိုလည်း ကျွန်တော် တွေ့ခဲ့ရပါတယ်။ တစ်ချို့ဆို တော်တော် ဆိုးဆိုးဝါးဝါးတွေပါ” လို့ မျက်မြင်သက်သေ အဘ်ဒီ ကာဒရ် ၀ါရာက AFP သတင်းဌာနကို ပြောကြားခဲ့ပါတယ်။

နောက်ထပ် မျက်မြင်သက်သေတစ်ယောက်ကတော့ မိုဟာမက် အဘ်ဒူလာက “သူက လူအုပ်ကို ချိန်ပြီး ကားနဲ့ဝင်ဆောင့်တာဗျ။ နောက်ပိုင်း ကျွန်တော်တွေ့တာကတော့ လူတွေ အတိုက်ခံရတာပါ” လို့ Sky News ကို ပြောကြားခဲ့ပါတယ်။

သူ့ကို ကျွန်တော် ကာကွယ်ပေးတယ်

အခင်းဖြစ်ပြီးတဲ့နောက်ပိုင်းမှာ ဒေသခံတွေဟာ ကားမောင်းသမားဆီ ၀ိုင်းအုံလာပြီး အမျိုးသား ၂ ယောက် ၃ ယောက်လောက်က သူ့ကို မြေပြင်ပေါ် လှဲချခဲ့ပါတယ်။ အခြားလူတွေကလည်း ဒီကားမောင်းသမားကို ရိုက်နှက်ကန်ကျောက်ဖို့ ကြိုးစားလာခဲ့ကြပါတယ်။

အဲဒီအချိန်မှာ အီမာမ် မိုဟမက် မဟ်မူးဒ် ၀င်ရောက်လာခဲ့ပြီး ဒေါသထွက်နေတဲ့သူတွေကို ဝေးဝေးသွားနေဖို့ ပြောကာ ဒီကားမောင်းသမားရဲ့ အသက်ကို ကာကွယ်ပေးခဲ့တယ်လို့ ဒီအဖြစ်အပျက်ကို ကြည့်ရှုနေသူတွေက ပြောကြားခဲ့ပါတယ်။

“သူ့ကို လူ ၃ ယောက်လောက်က ၀ိုင်းဖမ်းပေးခဲ့ကြပါတယ်။ သေဆုံးသွားသူနဲ့ ဒဏ်ရာရသူတွေအတွက်လည်း လုပ်ဆရာရှိတာတွေ လုပ်ပေးနေကြတယ်။ လုပ်အုပ်စုတစ်ခုက တိုက်ခိုက်သူရဲ့ ဘေးနားမှာ ၀ိုင်းလာကြတာကို ကျွန်တော်တို့ တွေ့ခဲ့ရပြီး တစ်ချို့တွေက ရိုက်ဖို့၊ နှက်ဖို့ ကြိုးစားလာကြပါတယ်။ အလ္လာဟ်အရှင်မြတ်ရဲ့ အလိုတော်နဲ့ ကျွန်တော် သူ့နားသွားကာ သူ့ကို မထိခိုက်စေဖို့ ကာကွယ်ပေးနိုင်ခဲ့ပါတယ်” လို့ အီမာမ် မဟ်မူးဒ်က ပြောကြားခဲ့ပါတယ်။

ဗန်းကားနဲ့ ၀င်တိုက်တဲ့သူဟာ အသက် ၄၇ နှစ်အရွယ် ဒါရင် အော့စ်ဘုန်းဖြစ်တယ်လို့ ရဲတပ်ဖွဲ့က နောက်ပိုင်းမှာ သတင်းထုတ်ပြန်ခဲ့ပါတယ်။

မွတ်စလင် လူမှုဖူလှုံရေးအသင်းကလည်း ဒီ ဗလီဆရာရဲ့ လုပ်ရပ်ကို ချီးကျူးခဲ့ပါတယ်။

“ကျွန်တော်တို့ရဲ့ အီမာမ် မိုဟာမက် မဟ်မူးဒ်ကို အထူးကျေးဇူးတင်ကြောင်း ကျွန်တော် ပြောချင်ပါတယ်။ သူဟာ ပြဿနာဖြစ်ပွားပြီးနောက်ပိုင်း ရုတ်တရက် ပေါ်ပေါက်လာတဲ့ အခြေအနေကို ရဲရဲဝံ့ဝံ့နဲ့ ထိန်းသိမ်းနိုင်ခဲ့ပြီး၊ ထိခိုက်ဒဏ်ရာရရှိမှုတွေ၊ အသက်ဆုံးရှုံးမှုတွေ ထပ်ဖြစ်မလာအောင် ကာကွယ်ပေးခဲ့ပါတယ်” လို့ အသင်းက ထုတ်ပြန်တဲ့ ကြေငြာချက်မှာ ဖော်ပြခဲ့ပါတယ်။

Ref: CNA,RT