News @ M-Media

Tag: islam_History

  • သမိုင်းကြောင်းက ပြောသော အစ္စလာမ့် ခေတ်၏ ဆေးပညာ အဆင့်အတန်း (အပိုင်း-၁)

    စက်တင်ဘာ- ၆ ရက်၊ ၂၀၁၃
    M-Media
    ဒေါက်တာ သန့်ဇင်ထွန်း

    အာရဗ်များသည် ဆေးပညာ၌ မည်သို့ကြိုးပမ်းအားထုတ် ပါဝင်ခဲ့ကြသည်ကို  နားလည်သဘောပေါက်ရန် အာရဗ်ခေတ် မတိုင်မီက ဆေးပညာ၏ ပုံရိပ်ကိုစိတ်မှာ ပုံဖော်ကြည့်မိရန် လိုအပ်သည်။ ယေဘုယျအားဖြင့်ဆိုသော် လက်တွေ့ အသုံးချ ဆေးပညာ ကဏ္ဍ၌ အပိုင်းနှစ်ပိုင်းက ပါဝင် ပတ်သက်နေသည်။

    01

    (၁)လူအင်အား

    ကမ္ဘာပေါ်တွင် အာရဗ်တို့၏ အုပ်ချူပ်မှုအောက်(သို့) အာရဗ်တို့နှင့် ထိတွေ့မှုနောက်ကျခဲ့သော ဆေးရုံ များစွာရှိသည်။ ဥပမာ ဆီးရီးယားနိုင်ငံ၌ ဆေးပညာသည် လူနေမှုစနစ် ထွန်းကားချိန်၌ ၄င်းတို့၏ သြဇာ အာဏာသက်ရောက် မှုနှင့် အတူ များစွာ တိုးတက် ထွန်းကားလာခဲ့သည်။ ၄င်းတို့သည် စီးပွားရေးနှင့် အုပ်ချူပ်ရေးကိုပါ လွှမ်းမိုးနိုင်ခဲ့သည်။ ၅ ရာစုမှစ၍ ဂရိသည် ဆီးရီးယားနိုင်ငံ၌ သင်ကြားသည့် ဘာသာစကား တစ်ခုဖြစ်လာသည်။ ဂရိ ယဉ်ကျေးမှု ထွန်းကားသော ကာလရှိ အာရဗ်များသည် ဂရိဘာသာမှ အရဗီ ဘာသာသို့ ပြန်ဆိုပေးသော ဆီးရီးယားရှိ ပညာရှင်များထံမှ တစ်ဆင့် အသိပညာဗဟုသုတများ ရရှိခဲ့သည်သာဖြစ်သည်။

    အီဂျစ်၌ အလက်ဇန္ဒားသည် ယဉ်ကျေးမှုများ ရှိရာ နေရာ တစ်ခုဖြစ်သည်။ အာရဗ် များသည် ရှေးဦးအီဂျစ်နှင့် ဂရိတို့၏ ယဉ်ကျေးမှုတိုးတက် ထွန်းကားမှုများကို အီဂျစ် ပညာရှင်တို့ထံမှ သင်ယူရရှိခဲ့သည်။ ပါရှန်းတွင်လည်း ဂျွန်ဒီရှပါရ် ခေါ်ဆေး တက္ကသိုလ်တစ်ခုရှိရာ ဆေးပညာ များထွန်းကားခဲ့လေသည်။ ၈ရာစု အဘာဆီကလစ်ပ် က ပါရှန်းရှိ သမားတော်များအား အရဗီဘာသာသို့ ဆေးပညာ ဗဟုသုတများ ဘာသာပြန်ရန် တွန်းအားပေးခဲ့သည်။ ထိုမှတစ်ဆင့် ပါရှန်း အင်ပါယာ၏ မြို့တော်ဖြစ်သော ဘဂ္ဂဒက်မြို့၌ ဆေးရုံများ တည်ဆောက်ပြီး ဆေးကုသမှု လုပ်ငန်းများ လုပ်ကိုင်စေခဲ့သည်။ ထိုမှတဆင့် ကမ္ဘာ့ အရှေ့ပိုင်းသို့ ပြန့်နှံ့ပြီး အာရဗ်များသည် အိန္ဒိယနှင့် တရုတ်နိုင်ငံတို့မှ ဆေးပညာဆိုင်ရာ အတွေး အခေါ်များ၊ လုပ်ထုံး လုပ်နည်းများကို ရခဲ့သည်သာမက သင်္ချာပညာ၊ ဓာတုဗေဒ၊ အတွေး အခေါ်ပညာစသည့် ပညာရပ်တို့ကိုပါ ရခဲ့လေသည်။

    (၂)ဆေးရုံများ

    ဆေးရုံများသည် ယခုခေတ်အနေအထားကဲ့သို့ မဟုတ်သေးပေ။ နာမကျန်းသူများ အတွက် နေထိုင်ရာနေရာ ဖြစ်သည် မှန်သော်လည်း ဆေးရုံဆိုရာ၌ ခရစ်ယာန် ဘုန်းတော်ကြီးများ အလုပ်လုပ်ရာ ဘုရားကျောင်း(သို့) ဘုရားကျောင်း၏ အဖီများသာဖြစ်သည်။ ရောဂါကို ပျောက်ကင်းအောင် ကုသပေးနိုင်သည်မှာလည်း နတ်ဘုရားများသာဖြစ်သည်။ ဥပမာအားဖြင့် အီဂျစ်ရုပ်ထု နတ်ဘုရား တိုရာရစ် သည် ကိုယ်ဝန်ဆောင်ခြင်း၊ မီးဖွားခြင်းနှင့် ကိုယ်ဝန်ဆောင်အား ကာကွယ်ပေးသည့် နတ်ဘုရားအဖြစ် သတ်မှတ်ထားကြသည်။ ၄င်း၏ ပုံပန်းသဏ္ဍာန်မှာ ကိုယ်ဝန် ဆောင်ရေမြင်းသည် မတ်တပ်ရပ်၍ ရှေးခေတ်အီဂျစ် လျို့ဝှက်စာလွှာကို ကိုင်ဆောင် ထားသည်။ ဆိုလိုသည်မှာ ၄င်း၏ ခြေဖဝါးတစ်ဖက်သည် ကိုယ်ဝန်ဆောင်အား ကာကွယ်ပေးပြီး၊ အခြားတစ်ဖက်သည် အသက်ရှင်သန်ခြင်း အထိမ်းအမှတ်ဖြစ်သည်။  တိုရာရစ်နတ်ဘုရား၏ ပုံတူ ပုံစံငယ်ကို အဆောင်လက်ဖွဲ့အဖြစ် ထားရှိခြင်းမှာလည်း ရေပန်းစားခဲ့သည်။ ထိုခေတ်ကာလက သာသနာပိုင်မြေများ၊ ဘုရားရှိခိုးဝတ်ပြုမှုများ၊ ဂါထာရွတ်ဖတ် မန်းမှုတ်ခြင်းများနှင့် အိပ်ငွေ့ချခြင်းတို့သည် ဆေးကုသမှု၏ အစိတ်အပိုင်းများအဖြစ် ပါဝင်နေခဲ့သည်။ ဆေးရုံဆောက်ရန် နေရာ ရှာဖွေပုံမှာလည်း စိတ်ဝင်စား စရာပင်ဖြစ်သည်။ အသားစိမ်းကို နေရာမြောက်များစွာတွင် တပြိုင်နက် ချိတ်ဆွဲ ထားပြီး အနှေးဆုံးပုပ်သည့် အသားဆွဲထားရာ နေရာကို ဆေးရုံဆောက်ရန် ရွေးချယ်ကြသည်။

    အစ္စလာမစ် ဆေးရုံများ၏ ဝိသေသလက္ခဏာများ

    အစ္စလာမ့်ယဉ်ကျေးမှု တိုးတက်ထွန်းကားလာချိန်တွင် ဆေးရုံများသည် အလွန်တိုးတက်လာပြီး ထူးခြားသော ဝိသေသ လက္ခဏာများလည်း ရှိလာခဲ့သည်။

    လောကီတာဝန်များ

    ဆေးရုံများသည် လူမျိုးအသား အရောင် မခွဲခြား၊ ဆွေမျိုး မိတ်ဆွေ အင်အားကြီးသည်၊ ငယ်သည် မခွဲခြားဘဲ ဝန်ဆောင်မှုပေးခဲ့သည်။ ထိုဆေးရုံများကို ခရစ်ယာန် ဘုရားကျောင်းများ၏ လက်အောက်တွင် မထားရှိဘဲ အစိုးရကသာ အုပ်ချူပ်လုပ်ကိုင်သည်။ ထို့ပြင် ဆေးရုံ၌ အုပ်ချူပ်ညွှန်ကြားသူများမှာလည်း လူမျိုးဘာသာ မခွဲခြားတတ်သော သမားတော်ကြီးများဖြစ်ကြသည်။ ထိုဆေးရုံများတွင် ယုံကြည်ကိုးကွယ်ရာ ဘာသာပေါင်းစုံမှ သမားတော်ကြီးများသည် လူနာများ၏ ကျန်းမာရေးကိုသာ ရှေးရှုပြီးအတူ လက်တွဲကာ အလုပ် လုပ်ကိုင်ကြသည်။

    အဆောင်များ သီးသန့်ထားရှိခြင်း

    ဆေးရုံများတွင် လူနာများကို ကျား၊မ ခွဲခြားကာ သီးသန့်အဆောင်များ ထားရှိသည်။ ထို့ပြင် ရောဂါအလိုက် အထူးသဖြင့် ကူးစက်ရောဂါသည်များ ကိုလည်း သီးသန့်ထားရှိသည်။ သီးသန့်သူနာပြုများထားရှိခြင်း။ အမျိုးသမီး လူနာများအတွက် အမျိုးသမီး သူနာပြု၊ အမျိုးသားလူနာများ အတွက် အမျိုးသားသူနာပြုများကို သီးသန့်ခွဲထားသည်။

    ရေချိုးခန်းများနှင့် ရေပေးဝေမှု

    တစ်နေ့လျှင် ငါးကြိမ်ဝတ်ပြုရမည်မှာ အစ္စလာမ်၏ အရေးကြီးသော မဏ္ဍိုင်တစ်ခုဖြစ်သည်။ ကျန်းမာသူများသာမက မကျန်းမာသူများ အတွက်လည်း အစ္စလာမ်၏ မလုပ်မနေရ တာဝန်ဖြစ်သည်။ သို့သော် မကျန်းမာသူများအတွက် ဝတ်ပြုရာတွင် ပြုလုပ်ရမည့် ခန္ဓာကိုယ်လှုပ်ရှားမှုများက ၄င်း၏ ကျန်းမာရေး အခြေ အနေပေါ်မူတည်သည်။ သို့ဖြစ်ရာ မကျန်းမာသူတစ်ဦးသည် အိပ်ယာပေါ် လဲလျောင်းလျက်ပင် နမာဇ် ဝတ်ပြုနိုင်ပါက ဝတ်ပြုရမည်ဖြစ်သည်။ ထိုသို့ ဝတ်ပြု ရာ၌ မျက်နှာခေါင်းခြေလက်တို့အား တတ်နိုင်လျှင် ရေဖြင့် ဆေးကြောရမည် ဖြစ်သည်။ (တစ်နည်း- ဝုဇူပြုရမည်။) အချို့သော အခြေအနေ၌ ရေချိုးရမည် ဖြစ်သည်။ ထို့ကြောင့် ထိုဆေးရုံများတွင် ရေပေါ များစွာရရှိရန်နှင့် ရေချိုးရန်လိုအပ် သော ပစ္စည်းအစုံအလင်ကိုလည်း ထားရှိပေးသည်။သမားတော်များ တာဝန် ထမ်းဆောင်ခြင်း အရည်အချင်းပြည့်မှီသော သမားတော်များကိုသာ ဆေးကုသရန် ဥပဒေ ထုတ်ပြန်ထားသည်။ အေဒီ ၉၃၁တွင် အဘ္ဘဆီယာမင်းဆက်မှ ခလီဖာကြီး အလ်မုခ်သဒီရ်က သမားတော်ချုပ်ဖြစ်သော ဆီနန်ဘင်(န်)သာဘိဒ်အား ဘဂ္ဂဒက်ရှိ သမားတော်ချုပ်ဖြစ်သော ဆီနန်ဘင်(န်)သာဘိဒ်အား ဘဂ္ဂဒက်ရှိ သမားတော်ချုပ် ၈၆ဝဦးအား သေချာစွာ စိစစ်စေပြီး အရည်အချင်းပြည့်မှီသော သမားတော်များကို သာဆေးကုသခွင့် လိုင်စင်ထုတ်ပေးရန် လမ်းညွှန်ခဲ့သည်။ အိဗ်နေ့သာဘိဒ်ကဲ့သို့ပင် ထိုကိစ္စကို ဒမတ်စကတ်၊ မက္ကာနှင့် မဒီနာတို့တွင် ပြုလုပ်ရန် အဘူအွတ်စမာန်စအိဒ် ဘင်(န်)ယာကူဘ်အား တာဝန်ပေးအပ်ခဲ့သည်။ မက္ကာနှင့် မဒီနာတွင် ဤသို့ပြုလုပ် ရခြင်းမှာ ထောင်ပေါင်းများစွာသော ဟာဂျီများက ထိုဒေသများသို့ နှစ်စဉ်လာ ရောက်ကြရာ ထိုဟာဂျီများ ကျန်းမာရေးလုပ်ငန်းများတွင် ဝင်ရောက်အခွင့်အရေး မယူရန်နှင့် ရောဂါ ကူးစက်ပြန့်ပွားမှုကို တားဆီးကာကွယ်ရန်ဖြစ်သည်။

    ဆေးတက္ကသိုလ်များ

    ဆေးရုံများသည် ဆေးကုသရာဌာနဖြစ်သည်သာမက ဆေးကျောင်းသားများကို ပညာသင်ကြားရာ၊ ဆေးပညာ ဗဟုသုတများ ဖလှယ်ရာ၊ ဆေးပညာအဆင့် အတန်းမြှင့်တင်ရာ နေရာဌာနလည်းဖြစ်သည်။ ဆေးရုံများနှင့် တွဲဖက်၍ နောက်ဆုံး ပေါ်ဆေးကျမ်းများ ရှိသော တန်ဖိုးကြီး စာကြည့်တိုက်များ၊ အစည်းအဝေး ကျင်းပရန်နှင့် စာသင်ကြားရန် ခန်းမဆောင်များ၊ ဆေးကျောင်းသားများနှင့် အလုပ်သင် ဆရာဝန် များအတွက် အဆောင်များကိုလည်း ထားရှိသည်။

    လူနာများ၏ ဆေးမှတ်တမ်းများ စနစ်တကျထားရှိခြင်း

    သမိုင်းတွင် ပထမဦးဆုံးအဖြစ် ထိုဆေးရုံများတွင် လူနာများ၏ ဆေးမှတ်တမ်းများနှင့် ကုသမှုဆိုင်ရာများကို စနစ်တကျ မှတ်တမ်း တင်ထားခဲ့သည်။

    ဆေးဝါးဌာန

    အစ္စလာမ့်ခေတ်အခါ၌ ဆေးသိပံ္ပနှင့် ဆေးဝါးလုပ်ငန်းများ များစွာ ထွန်းကားခဲ့သည်။ အာရပ်တို့၏ ဆေးဝါးကုန်ကြမ်း များလည်းပေါကြွယ်ဝလှသည်။ ကမ္ဘာတစ်ဝှမ်းရှိ အာရပ် လက်အောက်ခံ နိုင်ငံများနှင့်လည်းကောင်း အဆက်အသွယ်ရှိ သောကြောင့် ဆေးဝါး အသစ်များနှင့် ဆေးအုပ်စု အသစ်များလည်းရရှိခဲ့သည်။ အာရပ်သင်္ဘောများသည် တရုတ်နှင့်ဖိလစ်ပိုင်နိုင်ငံများသို့ ရွက်လွှင့်ခဲ့ပြီး သင်္ဘောရှိ အစောင့်တပ်သားတို့ကလည်း အာဖရိက၊ ဥရောပနှင့် အာရှတစ်ခွင်သို့ ကူးသန်း ရောင်းဝယ်ခဲ့ကြသည်။ ဓာတုဗေဒသည် တိုးတက်သော သိပံ္ပပညာရပ် တစ်ရပ် ဖြစ် လာသည့်အတွက် ဆေးဝါးဖော်စပ်သည့် အတတ်ပညာအတွက် နည်းလမ်းများနှင့် လိုအပ်မှုများကိုလည်း ရရှိလာခဲ့သည်။

    သို့ဖြစ်ရာ အာရပ်တိုင်းပြည်များ၏ အဓိကကျသောဆေးရုံများသည် နောင်အခါဥရောပအလယ်ပိုင်းတွင် တည်ဆောက်လာသောဆေးရုံများ အတွက် စံနမူနာများဖြစ်ခဲ့သည်။ ကမ္ဘာ အရှေ့အနောက်မှ အဆင့်မြင့်ဆေးပညာ သင်ကြား ရှာဖွေကြသော ကျောင်းသားများ ပညာ သင်ကြားရာ ဆေးတက္ကသိုလ်များအသွင် အဖြစ်လည်း ရပ်တည်ခဲ့သည်။

    အစ္စလာမ်မစ်ဆေးရုံများ၏အဆင့်အတန်း

    အစ္စလာမ့်အင်ပါယာလက်အောက်တွင် ဆေးရုံများ၏ အဆင့်အတန်းသည် ရှေးယခင်က ထက်သာလွန်ပြီး ရွှေရောင်လွှမ်းခဲ့ လေသည်။ ထိုအဆင့်အတန်းမျိုးရရှိ  ခဲ့ခြင်း၏အဓိက အကြောင်းအရင်းများမှာ-

    လူနေမှုစနစ်ထွန်းကားလာခြင်း၏ အစိတ်အပိုင်းတစ်ခုဖြစ်ခြင်း

    ထိုခေတ်က လူတို့သည်ကြီးပွားအောင်မြင်ကြသဖြင့် သူတို့၏ကျန်းမာရေးကို ဂရုစိုက်လာနိုင်ကြပြီး အကောင်းဆုံးသောဆေး ကုသမှုကိုလည်း ခံယူလာနိုင်ကြ သည်။ အစ္စလာမ် သာသနာကလည်း ရောဂါတိုင်းအတွက် ကုသနည်းတစ်ခုစီလိုအပ် သည်ကို အောက်ပါ ဟဒီးဆ်တော်ဖြင့် မီးမောင်းထိုးပြထားသည်။

    ‘အလ္လာဟ်အရှင်မြတ်သည် ရောဂါတစ်ခုစီအတွက် ပျောက်ကင်းစေမည့် နည်းလမ်း တစ်ခုစီကိုပေးထားသည်။’ ထိုမျှမကသေး ကောင်းမွန်သောဆေးကုသမှု ပေးနိုင်ရန် လိုအပ်သော သိပ္ပံပညာရပ်တို့၏ အဆင့်အတန်းကလည်း အထွတ်အထိပ် ထိရောက်ခဲ့သည်။ ဥပမာအာရဗ်တို့သည် ဓာတုဗေဒ၊ သင်္ချာပညာ၊ အုပ်ချူပ်မှု ပညာ၊ ဆေးဝါးပညာနှင့် ဆေးပညာတို့၌ တိုးတတ်ခဲ့သည်။ ပြည့်စုံမှု မရှိသော ရောမ ကိန်းဂဏာန်းများနေရာတွင် ကိန်းဂဏာန်း စနစ်သစ်တစ်ခုကို ကမ္ဘာပေါ်တွင် တီထွင် ဖန်တီးပေးခဲ့သူမှာလည်း အာရဗ်များပင်ဖြစ်သည်။

    ထို့ပြင်ဓာတု ဓာတ်ပြုခြင်းများ ဖြစ်သော အခဲမှ အရည်-အရည်မှအခဲသို့ ကူးပြောင်း သန့်စင်ခြင်း၊ အနည်ကျခြင်း၊ အရည်စစ်ခြင်းနှင့် ပေါင်းခံခြင်းစသည့် နည်းပညာများကိုလည်း အာရဗ်များက စတင် ခဲ့သည်။
    အာရဗ်လူမျိုး ဓာတုဗေဒ အကျော်အမော်ဖြစ်သော ဂျဗားရ်အိဗ်နေ့ ဟရန်က  ဆာလဖြူရစ်အက်ဆစ်နှင့် နိုက်ထရစ် အက်ဆစ်တို့ကို ရှာဖွေတွေ့ရှိခဲ့သူဖြစ်သည်။  ဝက်ဘ်စတား အဘိဓာန် အရ သကြား (Sugar) ၊အရက် (Alcohol)၊အယ်ကာလီ (Alkali) အချိုရည်(syrup)၊ကော်ဖီ(coffee)၊ ဝါဂွမ်း(cotton) စသည်တို့သည် အရဗီ စကားလုံးများဖြစ်ကြသည်။ ကျော်ကြားသော စာအုပ် တစ်အုပ် ဖြစ်သည့် ‘ဆေးပညာသမိုင်း’ စာအုပ်ကိုရေးသားခဲ့သူ အိခ်ျဂရိစွန် က ‘မွတ်စလင်များသည် အက္ခရာသင်္ချာ၊ ဓာတုဗေဒပညာနှင့် ပထဝီပညာတို့ကိုစတင် ဖော်ထုတ်ခဲ့သူများသာမက လူနေမှုစနစ်ထွန်းကားလာခြင်း ကို ထပ်မံတိုးတက်အောင် (သို့) အမှားကင်းစင်အောင် ပြုလုပ်သည့် အရာများ ဖြစ်သော လမ်းမီးများ၊ ပြတင်းပေါက်မှန်များ၊ အချက်ပြမီးများ၊ ကြိုးတပ် တူရိယာများ၊ စိုက်ပျိုးသီးနှံများ၊ ရေမွှေး အမျိုးမျိုး၊ ဟင်းခတ် အမွှေးအကြိုင် အမျိုးမျိုးတို့ကို လည်း တီထွင်နိုင်ခဲ့သည်။

    Dr.သန့်ဇင်ထွန်း
    ===================

    Muslims' contributions to the sciences and art
    အထက်တွင်ဖော်ပြထားသော ဆောင်းပါးပါ အချက်အလက်များမှာ “သိပ္ပံ-ဝိဇ္ဖာနယ်ပယ်တွင် မွတ်စလင်(မ်) တို့၏ကြိုးပမ်းဆောင်ရွက်များ” စာအုပ်မှဖြစ်ပါသည်။

    အဆိုပါ စာအုပ်တွင် သမိုင်းတစ်လျှောက် မွတ်စလင်(မ်)တို့၏ ကြိုးပမ်း ဆောင်ရွက်ချက်များကို ဘာသာရပ်အလိုက်တင်ပြပေးထားသည်။ ဘာသာရပ်အလိုက်စွမ်းစွမ်း တမံ ဆောင်ရွက်ခဲ့သော ပညာရှင်များကိုလည်း တစ်ဦးချင်းအလိုက် တင်ပြပေးထားသည်။

    အစ္စလာမ်နှင့် Civilization၊ သိပ္ပံပညာရပ်များကို ကျမ်းမြတ်ကုရ်အာန်က တင်ပြထားပုံ၊ အစ္စလာမ်တွင်ပညာ၏ အရေးပါမှု၊ ဘာသာရေးပညာနှင့် ခေတ်ပညာ Golden Age နှင့် Dark Age ကျမ်းမြတ်ကုရ်အာန် အပေါ်ခေတ်သစ်သိပ္ပံ ပညာရှင်များ၏ မှတ်ချက်များ စသည့်အကြောင်းအရာများကို ကာလာဓာတ်ပုံများဖြင့် တင်ပြထားပါသည်။

    စာအုပ်ရေးသားပြုစုသူမှာ ဒေါက်တာသန့်ဇင်ထွန်းဖြစ်ပြီး ပင်ရင်း သန့်ဇင်ထွန်း ပုံနှိပ်တိုက်/ရွက်စုံစာပေ (၁၈၅၊၃၈လမ်း) နှင့် အမြို့မြို့အနယ်နယ်ရှိ စာပေတိုက်များတွင် ၀ယ်ယူရရှိနိုင်ပါသည်။

  • သမိုင်းဟူသည် ဤသို့တည်-၈ [မဂိုမင်းဆက် သမိုင်းအမှန် – အိမ်တွင်းပုန်းတာ အစ္စလာမ်ကြောင့်လား]

    M-Media
    ရဲရင့်သစ္စာ

    ယခုဆောင်းပါးမှာ အစ္စလာမ်သာသနာ နှင့်ပတ်သတ်ပြီး သမိုင်းအလွဲများစွာ ထည့်သွင်းေ၇းသားထားတဲ့ ဗုဒ္ဓဘာသာမြစ်ဖျား နှင့် သမိုင်းရှုထောင့် မူ၇င်းစာအုပ်လင်ခ့် စာအုပ်ကိုဤ ကျမ်းငယ်ပြုစုသူ ရဲရင့်သစ္စာမှ သမိုင်းအမှန်များ ဖြင့် ပြန်လည်ဖြေရှင်းရေးသားသာ စာအုပ်မှ အခန်းဆက်ဖော်ပြချက်ဖြစ်ပါသည်

    Thamine-Hu-the

    မဂိုမင်းဆက် သမိုင်းအမှန်

    သမိုင်းအမှားကြီး နောက်တစ်ချက်ကိုတင်ပြရမယ် ဆိုရင်ဖြင့်- မဂိုမင်းဆက်တွေ အိန္ဒိယကို စိုးစံခဲ့တဲ့ နှစ်အရေအတွက်ပါ။ ဗုဒ္ဓဘာသာမြစ်ဖျားနှင့် သမိုင်းရှုထောင့်စာအုပ် စာမျက်နှာ (၄၉)မှာ မဂို မင်းဆက်တွေဟာ အိန္ဒိယကို နှစ်ပေါင်း (၁၃၀) ခန့်စိုးစံ ခဲ့တယ်လို့ ရေးသားထားပါတယ်။ အမှန် တစ်ကယ် ကတော့ မဂိုမင်း ဘာဘရ် က စလို့ မဂိုနောက်ဆုံးမင်းဆက် ဘဟာဒူရ်ရှားဟ်(၂) အထိ စုစုပေါင်းနန်းစံသက် (၃၃၁) နှစ်ရှိပါတယ်။ မဂိုမင်း ဘာဘရ် လက်ထက် (၁၅၂၆) ကနေ မဂိုမင်း ဩရန်ဇစ်(၁၇၀၇) အထိ တွက်မယ်ဆိုရင်တောင် နှစ်ပေါင်း (၁၈၁) နှစ်ရှိနေပါပြီ။ အဲဒါကြောင့် မဂိုမင်းဆက်တွေဟာ အိန္ဒိယကို နှစ်ပေါင်း (၁၃၀) ခန့်စိုးစံခဲ့တယ် လို့ ရေးသားခြင်း ဟာ သမိုင်းအမှန် နဲ့ ယှဉ်ရင် လွဲမှားကွာဟနေပါတယ်။ (ကိုးကား-The Mughals of India)

    ဗုဒ္ဓဘာသာမြစ်ဖျားနှင့်သမိုင်းရှုထောင့် စာအုပ်စာမျက်နှာ(၅၀)ပါ သမိုင်းအမှားကြီး တစ်ခုကတော့ မဂိုမင်းဩရန်ဇစ်ကို နောက်ဆုံး မင်းဆက်လို့ရေးသားထားပြီး၊ဩရန်ဇစ်မင်းနောက်ပိုင်း အိန္ဒိယနိုင်ငံမှာ မင်းဆက် လုံးဝ ပြတ်ဆဲသွားခဲ့တယ်လို့ ရေးသားထားခြင်းပါဘဲ။ မဂိုမင်းဆက်ရဲ့နောက်ဆုံး မင်းဟာ ဩရန်ဇစ် မင်းလုံးဝ မဟုတ်သလို၊ ဩရန်ဇစ်မင်းနောက်ပိုင်းအိန္ဒိယနိုင်ငံ မှာ မဂိုမင်းဆက်ပြတ် ဆဲသွားခဲ့တာလည်း လုံးဝ မဟုတ်ပါဘူး။ မဂိုမင်းဆက်ရဲ့နောက်ဆုံးမင်းဟာ ဘဟာဒူရ်ရှားဟ်(၂) (ခ) အဗူဇဖရ် စေရာ ဂျုဒ်ဒီးန် မုဟမ္မဒ်ဘဟာဒုရ် ရှားဟ်ဇဖရ် ဖြစ်ပါတယ်။ အဲဒီမင်းကို အင်္ဂလိပ်နယ်ချဲ့ဟာ ၁၈၅၈ ခုနှစ်မှာ ရန်ကုန်မြို့ကို ခေါ်ဆောင်လာပြီး အကျဉ်းချထားခဲ့ပါတယ်။ မဂိုမင်းဆက် ဟာ အဲဒီ မင်းနောက်ပိုင်းမှာ မှ ပြတ်စဲ သွားတာဖြစ်ကြောင်းပါ။

    အိမ်တွင်းပုန်းတာ အစ္စလာမ်ကြောင့်လား

    အိန္ဒိယမှာဟိန္ဒူအမျိုးသမီးတွေဟာ မွတ်စ်လင်မ်မဂိုမင်းတွေ လက်ထက်ကနေစပြီး အိမ်တွင်း ပုန်းတွေဖြစ်သွားတာ မဟုတ်ပါဘူး။ အစ္စလာမ်ဘာသာကလည်း အမျိုးသမီးတွေကို အိမ်တွင်းပုန်း ခိုင်းထားတဲ့ဘာသာ မဟုတ်ပါဘူး။ အစ္စလာမ်ဘာသာရဲ့ သွန်သင်ချက်က အမျိုးသမီးတွေဟာ တစ်စိမ်း အမျိုးသား တွေနဲ့ ဒွေးရောယှက်တင်မနေဖို့၊ ဝတ်စားဆင်ယင်တဲ့ အခါမှာ ခန္ဓာအလှအပကို ဖော်မဝတ်ဖို့၊ အကြောင်းတစ်စုံတစ်ရာ မရှိဘဲ ပြင်ပကိုထွက်ပြီး လမ်းမသလားဖို့စတာတွေပါ။ အကြောင်း တစ်စုံ တစ်ရာရှိရင်တော့ အိနြေ္ဒရှိစွာ ဝတ်ဆင်ပြီး ပြင်ပကို ထွက်ခွင့်ရှိပါတယ်။ တစ်ကယ်တော့ မွတ်စ်လင်မ် အမျိုးသမီးတွေ အတွက် သတ်မှတ်ထားတဲ့ နေထိုင်သွားလာပုံ၊ ဝတ်စားဆင်ယင်ပုံ၊ ပြောဆိုဆက်ဆံပုံတွေဟာ အခြား အခြားသော ဘာသာတွေရဲ့သီလရှင် (သို့) Nuns တွေရဲ့ စည်းကမ်းတွေနဲ့ခပ်ဆင်ဆင်ပါဘဲ။ အခြား ဘာသာတွေနဲ့ အဓိက ကွာတာကတော့ အစ္စလာမ်မှာက မွတ်စ်လင်မ် အမျိုးသမီးတိုင်းဟာ တစ်စိမ်း အမျိုးသားတွေနဲ့ရောနှောမနေဖို့၊ ဝတ်စားဆင်ယင်တဲ့အခါမှာ ခန္ဓာအလှအပကို ဖော်မ ဝတ်ဖို့၊ အကြောင်း တစ်စုံတစ်ရာမရှိဘဲ ပြင်ပကိုထွက်ပြီး လမ်းမသလားဖို့ ပြဋ္ဌာန်း ထားပေမဲ့၊ အခြားဘာသာတွေမှာတော့ အဲဒီလိုစည်းကမ်းဟာ သီလရှင် Nuns လူတန်းစားတစ်ရပ်အတွက်ဘဲ ဖြစ်နေတာပါ။ (ဥပမာ-ခရစ်ယာန်သီလရှင်များ)

    ဟိန္ဒူဘာသာရဲ့ကျမ်း၊ ရိဝေဒ (Rig Veda) ကျမ်းအမှတ် ၈၊ မန္တန် အမှတ် ၃၃၊ အပိုဒ် ၁၉ မှာ အမျိုးသမီးတွေ အနေနဲ့ မိမိရဲ့မျက်လွှာကိုချထားဖို့၊ မိမိအဝတ်အစားနဲ့ ခေါင်းမြီးချုံ က ဖုံးကွယ်ထား တဲ့ အစိတ်အပိုင်းတွေကို မဖော်ဖို့၊ မိမိတို့ရဲ့ခြေထောက်တွေကို ခွဲမထားဖို့(စေ့ထားဖို့) ပြဋ္ဌာန်း ထားပါတယ်။

    ခရစ်ယာန်ဘာသာရဲ့သမ္မာကျမ်း ၊ ကောရိန္တုဩဝါဒစာ (၁)၊ ၁၁း၅၊၆ မှာ “မိန်းမမည်သည်ကား၊ မိမိ ခေါင်းကိုမဖုံးဘဲ ဆုတောင်းသော်၎င်း၊ ပရောဖက် ပြုသော၎င်း၊ မိမိခေါင်းအသရေကိုရှုတ်ချ၏။ ထိုသို့ပြုလျှင် ဆံပင်ရိတ်သည်နှင့်တူ၏။ မိန်းမသည်မိမိ ခေါင်းကိုမဖုံးလျှင် ဆံပင်ကိုဖြတ်စေ။ ဆံပင် ဖြတ်ခြင်း၊ ဆံပင်ရိတ်ခြင်းအရာသည် ရှက်စရာရှိလျှင်ခေါင်းကိုဖုံးစေ။”

    ဟိန္ဒူဘာသာမှာအမျိုးသမီးတွေကို ခြေထောက်တောင် ခွဲမထားဖို့ (ကားမထားဖို့) တားမြစ် ထားတဲ့နောက်တော့ အိမ်တွင်းပုန်းခိုင်းထားသလား မပုန်းခိုင်းထားဘူးလား ဆိုတာကိုတော့ ကိုယ့်ဟာ ကိုယ်သာဆင်ခြင်ကြည့်ပါတော့လို့။ ရိဝေဒကျမ်းဟာ တမန်တော်မုဟမ္မဒ် မမွေးဖွားခင် နှစ်ပေါင်းများစွာ အရင်ကတည်းက ပေါ်ပေါက်ခဲ့တယ်ဆိုတာလောက်ကိုတော့သိမယ်လို့ ယူဆပါတယ် ခင်ဗျား။ ခရစ် ယာန် ဘာသာမှာတော့ အမျိုးသမီးတွေ ဦးခေါင်းကို မဖုံးရင် ဆံပင်ကိုရိတ်လို့တောင်ပြစ်ဒဏ် ပြဋ္ဌာန်း ထားပါသေးတယ်။ အစ္စလာမ် ဘာသာမှာတော့
    အမျိုးသမီးတွေ ဦးခေါင်း မဖုံးရင်၊ အကြောင်းတစ်စုံ တစ်ရာမရှိဘဲ အပြင်ထွက်ရင် အပြစ်ဒဏ်ပေးရတာမျိုး လုံးဝ မရှိပါခင်ဗျား။

    ဆက်ရန်- သမိုင်းဟူသည် ဤသို့တည် [“ဒါကာ” နှင့် “ဓားကာ” အလွဲ- လူတို့သဘာဝ]

    ref

  • သမိုင်းဟူသည် ဤသို့တည်-၇ [ထေရဝါဒ အိန္ဒိယက ကွယ်ရခြင်း တရားခံ- ဘုန်းတော်ကြီးများကိုလေးစားပါ ]

    M-Media
    ရဲရင့်သစ္စာ

    ယခုဆောင်းပါးမှာ အစ္စလာမ်သာသနာ နှင့်ပတ်သတ်ပြီး သမိုင်းအလွဲများစွာ ထည့်သွင်းေ၇းသားထားတဲ့ ဗုဒ္ဓဘာသာမြစ်ဖျား နှင့် သမိုင်းရှုထောင့် မူ၇င်းစာအုပ်လင်ခ့် စာအုပ်ကိုဤ ကျမ်းငယ်ပြုစုသူ ရဲရင့်သစ္စာမှ သမိုင်းအမှန်များ ဖြင့် ပြန်လည်ဖြေရှင်းရေးသားသာ စာအုပ်မှ အခန်းဆက်ဖော်ပြချက်ဖြစ်ပါသည်။

     

    Thamine-Hu-the

    ထေရဝါဒ အိန္ဒိယက ကွယ်ရခြင်း တရားခံ

    ထေရဝါဒသာသနာ အိန္ဒိယ က ကွယ်ရခြင်းအကြောင်းရဲ့ တရားခံ ဟာ မွတ်စ်လင်မ် တွေဘဲ လို့ သတ်မှတ်လို့လုံးဝမရပါဘူး။ ဘာကြောင့်လဲ ဆိုရင် ထေရဝါဒ သာသနာဟာ တူရကီ ခိလ်ဂျီ ရဲ့ စစ်တပ် အိန္ဒိယကို မတိုက်ခိုက်ခင်ကတည်းက ကွယ်ပနေခဲ့တာဖြစ်ပြီး၊ အဲဒီအချိန်ကရှိနေခဲ့တဲ့ အယူဝါဒ ဟာလည်း ထေရဝါဒဗုဒ္ဓဘာသာလုံးဝ မဟုတ်ဘဲ၊ ဗုဒ္ဓဘာသာအမည်ခံ အရည်းကြီးဝါဒ သာဖြစ်နေလို့ပါ။ ဘယ်လိုဘဲ ဖြစ်ပါစေ၊ ခိလ်ဂျီရဲ့စစ်တပ်ဟာ လက်နက်ကိုင်ဆောင်စစ်ပြုခြင်း မရှိတဲ့မှော်ဆရာ အရည်းကြီးတွေကိုသတ်ဖြတ်မီးရှို့၊ တက္ကသိုလ်ကြီးကို ဖျက်စီးခဲ့တယ်ဆိုတာမှန်ခဲ့ရင် လည်း အဲဒီလုပ်ရပ်ကို အစ္စလာမ်ဘာသာက ပြင်းပြင်းထန်ထန်ရှုံ့ချပါတယ်။

    ဘုန်းတော်ကြီးများကိုလေးစားပါ

    မွတ်စ်လင်မ်တွေကို စစ်မပြုတဲ့ ဘာသာခြားတွေကို သတ်ဖြတ်ဖို့ အစ္စလာမ်က လုံးဝခွင့်မပြုထားကြောင်း အထက်မှာ ကုရ်အာန်ကျမ်းရဲ့ပြဋ္ဌာန်းချက်တွေကိုတင်ပြပြီးပါပြီ။ အခု ဒီတစ်ခါ ဘာသာ ခြားဘုန်းကြီး ရဟန်းတွေကို မသတ်ဖြတ်ဖို့ တမန်တော်မုဟမ္မဒ် ကပြဋ္ဌာန်းခဲ့ကြောင်း ဩဝါဒတော်ကို တင်ပြပေးပါ့မယ်။

    တမန်တော်မုဟမ္မဒ် ရဲ့ ဩဝါဒမှတ်တမ်းကျမ်းတစ်ကျမ်းဖြစ်တဲ့ မုစန်နဖ် အိဗ်နုအဗီရှိုင်ယ်ဗဟ်အတွဲ (၆)၊ ဩဝါဒ အမှတ် (၃၃၁၃၂) မှာ တမန်တော်မုဟမ္မဒ် ရဲ့ တပည့်သားချင်းကြီး တစ်ဦး ဖြစ်တဲ့ အိဗ်နု အဗ္ဗာစ် က ဆင့်ပြန်ခဲ့တာက- တမန်တော်မုဟမ္မဒ် ဟာ သူ့ရဲ့ စစ်တပ်တွေကို ခုခံစစ် ဆင်နွှဲဖို့ ဩဝါဒခြွေတဲ့အခါတိုင်းမှာ “ဘုန်းကြီးကျောင်းတွေမှာ သီတင်းသုံးနေတဲ့ သူတွေကို မသတ်ဖြတ်ကြနဲ့” လို့ မှာကြားလေ့ရှိပါတယ်။ ဒီ ဩဝါဒ ဟာ မွတ်စ်နဒ်အဗီယအ်လာဩဝါဒ ကျမ်း အတွဲ (၅) မှာ ဩဝါဒ အမှတ် (၂၆၅၀) အနေနဲ့ ပါရှိပါသေးတယ်။ ဒါ့အပြင် မွတ်စ်နဒ် အဟ်မဒ် ဩဝါဒကျမ်း အတွဲ (၄) မှာ လည်း ဩဝါဒ အမှတ် (၂၇၂၈) အနေနဲ့ပါရှိ ပါသေးတယ်ခင်ဗျား။

    အစ္စလာမ်ဘာသာဟာ လူတစ်ဦးတစ်ယောက်မွေးဖွားတဲ့အချိန်ကစလို့ သေဆုံးတဲ့ အထိကျင့်သုံးရတဲ့ စည်းမျဉ်းစည်းကမ်း ဥပဒေဘောင်တွေ အတိအလင်းပြဋ္ဌာန်းထားတဲ့ ဘာသာဖြစ်ပါတယ်။ မွတ်စ်လင်မ်တစ်ဦးဟာ ချမ်းသာသူဖြစ်နေရင်ကျင့်သုံးရမယ့် ဥပဒေတွေရှိသလို၊ ဆင်းရဲသူဖြစ်နေရင်လည်း ကျင့်သုံးရမယ့်ဥပဒေတွေ ရှိပါတယ်။ စစ်မက် တိုက်ခိုက်ရင်လည်းဘဲ လိုက်နာကျင့်သုံး ရမယ့် ဥပဒေတွေရှိပါတယ်။ သက်ကြီးရွယ်အိုတွေ၊ ကလေးသူငယ်တွေ၊အမျိုးသမီးတွေ၊ ဘုန်းကြီး ရဟန်း တွေကိုတိုက်ခိုက်ခြင်း မပြုရရုံမက လက်နက်ကိုင်ဆောင်ထားခြင်းမရှိတဲ့ ရန်သူတွေကိုတောင် တိုက်ခိုက်ခြင်းမပြုရပါဘူး။ ကုန်ကုန်ပြောရရင် ရန်သူတစ်ဦးဟာ မွတ်စ်လင်မ်တွေကို စစ်မြေပြင်မှာ တိုက် ခိုက် သတ်ဖြတ်နေတယ်ဆိုပါစို့၊ အကြောင်းမလှလို့တစ်ကြိမ် မှာ သူဟာ မွတ်စ်လင်မ်တစ်ဦး ရဲ့ တိုက်ခိုက် သတ်ဖြတ်ခြင်းကို ခံရတော့ မယ်ဆိုပါစို့၊ အဲဒီအချိန်မှာသူဟာ ကိုင်စွဲထားတဲ့ လက်နက်တွေကို လွှတ်ချပြီး “ငါဟာ မင်းကိုတိုက်ခိုက်သူမဟုတ်ပါ” လို့ ဆိုလာခဲ့ရင်၊ အဲဒီလူကို မွတ်စ်လင်မ် က တိုက်ခိုက်သတ်ဖြတ်လို့မရတော့ပါဘူး။ အစ္စလာမ်က ပြဋ္ဌာန်းထားတဲ့ စစ်သည်တော်ကျင့်ဝတ် ဟာ အဲဒီလောက်အထိ သိမ်မွေ့ပါတယ်။ ဖြူစင်တဲ့နှလုံးသားကိုရင်မှာပိုက်ပြီး အစွဲကင်းကင်း နဲ့လေ့လာကြည့်ပါလို့ တိုက်တွန်းအပ်ပါတယ်။

    ဆက်ရန်- သမိုင်းဟူသည် ဤသို့တည် [မဂိုမင်းဆက် သမိုင်းအမှန် – အိမ်တွင်းပုန်းတာ အစ္စလာမ်ကြောင့်လား)

  • သမိုင်းဟူသည် ဤသို့တည်-၆ [နာလန္ဒ နှင့် တက္ကသိုလ်ကြီးများ ထေရဝါဒလား?- နာလန္ဒ နှင့်တူရကီ]

    သမိုင်းဟူသည် ဤသို့တည်-၆ [နာလန္ဒ နှင့် တက္ကသိုလ်ကြီးများ ထေရဝါဒလား?- နာလန္ဒ နှင့်တူရကီ]

    M-Media
    ရဲရင့်သစ္စာ

    ယခုဆောင်းပါးမှာ အစ္စလာမ်သာသနာ နှင့်ပတ်သတ်ပြီး သမိုင်းအလွဲများစွာ ထည့်သွင်းေ၇းသားထားတဲ့ ဗုဒ္ဓဘာသာမြစ်ဖျား နှင့် သမိုင်းရှုထောင့် မူ၇င်းစာအုပ်လင်ခ့် စာအုပ်ကိုဤ ကျမ်းငယ်ပြုစုသူ ရဲရင့်သစ္စာမှ သမိုင်းအမှန်များ ဖြင့် ပြန်လည်ဖြေရှင်းရေးသားသာ စာအုပ်မှ အခန်းဆက်ဖော်ပြချက်ဖြစ်ပါသည်။

    Thamine-Hu-the

    နာလန္ဒ နှင့် တက္ကသိုလ်ကြီးများ ထေရဝါဒလား?

    အိန္ဒိယမှာ အေဒီ (၅၀၀) ကျော်ကစပြီး မဟာယနတက္ကသိုလ်ကြီးတွေ ပေါ် ပေါက်လာခဲ့ပါတယ်။ အဲဒီ တက္ကသိုလ်ကြီးတွေဟာ ထေရဝါဒ တက္ကသိုလ်ကြီး တွေ လုံးဝမဟုတ်ဘဲ၊ ထေရဝါဒနဲ့ မအပ်စပ် တဲ့ မဟာယန အယူဝါဒတွေကို ဖြန့်ချီ တဲ့ တက္ကသိုလ်တွေဖြစ်ပါတယ်။ အေဒီ (၉၀၀) နောက်ပိုင်းမှာတော့ အဲဒီတက္ကသိုလ်တွေ ဟာ ဝဇီရယာန အရည်းကြီးအယူကိုဖြန့်ချီတဲ့ ဗဟိုဌာနကြီး တွေဖြစ်လာပါတော့တယ်။ အဲဒီတက္ကသိုလ်ကြီးတွေမှာထင်ရှားတဲ့ တက္ကသိုလ်ကြီးတွေကတော့ဘီဟာရ် နယ်ရှိနာလန္ဒတက္ကသိုလ်၊ အိန္ဒိယ အနောက်ပိုင်းမှာရှိတဲ့ဝလဘိတက္ကသိုလ်၊ ဘီဟာရ် နယ်ရှိ ဝိက္ကမသီလာ (ဗိက်ရမ် ရှီလာ) တက္ကသိုလ် ၊ ဘင်္ဂလား ပြည်မြောက်ပိုင်းရှိ ဇဂဒ္ဒလ (Jagaddala) တက္ကသိုလ်၊ ဘီဟာရ် နယ်ရှိ ဩဒန္တပူရီ တက္ကသိုလ် တို့ဘဲ ဖြစ်ကြပါတယ်။

    ဒီတက္ကသိုလ်ကြီးတွေ ဟာ ဗုဒ္ဓဘာသာတက္ကသိုလ်တွေလို့ယနေ့ခေတ် ပုဂ္ဂိုလ်အချို့က ရောချ ဝါဒဖြန့်နေပေမဲ့ သမိုင်းကိုတစ်ကယ်လေ့လာကြည့်ရင် သိရ မှာက အဲဒီတက္ကသိုလ်တွေ ဟာ ထေရဝါဒ အယူဝါဒကို သင်ကြားပေးတဲ့ တက္ကသိုလ်တွေ လုံးဝ မဟုတ်ပါဘူး ဆိုတာပါ။ ထေရဝါဒအယူဝါဒ နဲ့လားလားမျှ မဆိုင်တဲ့ ၊ဂေါတမဗုဒ္ဓ ကိုယ်တော် ဟောကြားခဲ့တဲ့ သာသနာ ကို ပုံပျက်စေတဲ့တန္တရ မန္တရ ဝဇီရယာန စုန်း ကဝေ အောက်လမ်း ဝါဒကို ဖြန့်ချီပေးတဲ့ ဗဟိုဌာန ကြီးတွေသာ ဖြစ်ပါတယ်။ ကိုးကား-[မောင်အံ့ ၏ ဗုဒ္ဓသာသနာတော် ၂၅၀၀ ခရီး] ၊ [ဦးစိန်ထွန်း (မာမက-သုတေသီ) ၏ ကမ္ဘာပတ်၍ ဘုရားရှာခြင်း]၊ [ရေစကြို အရှင် ဧသိက ၏ထေရဝါဒဗုဒ္ဓဘာသာ]၊[ရွှေကျင်ဆရာတော်၏ဗုဒ္ဓနိုင်ငံတော်အတွဲ(၂)။] [D.G. Apte’s Universities in Ancient India]

    နာလန္ဒ နှင့်တူရကီ

    ရာဇဂြိုဟ်အနီး ဘီဟာနယ် အတွင်းမှာရှိတဲ့ နာလန္ဒတက္ကသိုလ် ဟာ ထေရ ဝါဒ ကိုသင်ကြားဖြန့်ချီတဲ့ တက္ကသိုလ်လုံးဝ မဟုတ်ဘဲ၊ တန္တရ မန္တရ အယူတွေကို ပို့ချတဲ့ မဟာယန ဝဇီရယာန တက္ကသိုလ် သာဖြစ် ကြောင်း ထေရဝါဒ ဗုဒ္ဓဘာသာ ဝင်များရေးတဲ့ကျမ်းတွေကို ကိုးကားပြီး အထက်မှာရေးသားခဲ့ပါတယ်။ အဲဒီ တက္က သိုလ်ကြီး ကို အစ္စလာမ်ဘာသာဝင် တူရကီစစ်ဗိုလ် မုဟမ္မဒ် ဘင်န်ဘခ် သီယာရ် ခိလ်ဂျီရဲ့ စစ်တပ်က မီးရှို့ဖျက်ဆီးခဲ့ကြောင်း သမိုင်းဟာ ပါရှန်းသမိုင်းဆရာ မင်န်ဟာ ဂျုဒ်ဒီးန်ဘင်န်စိရာဂ်ျ(မင်န်ဟာ ဂျေစီရာဂ်ျ)ရဲ့ သွဗကာသိနာစိရီ မှာရေးထားပါတယ်။ မြန်မာပြည် က စာရေးဆရာ အချို့က တော့ မသိနားမလည်စွာနဲ့ တူရကီရာဇဝင် ဆရာမင်ဟဇဒ် လို့ရေးသားကြပါတယ်။ သူ့ရဲ့ ရာဇဝင် စာအုပ်ကိုလည်း စာရေး ဆရာအချို့က “တဗကတအင်နာဆီတီ” လို့ ရမ်းသမ်းရေးကြပါတယ်။  ဦးစိန်ထွန်း (မာမက-သုတေသီ) က သူ့ရဲ့ကမ္ဘာပတ်၍ ဘုရားရှာခြင်း (၁၉၉၈ ထုတ်) စာမျက် နှာ ၂၇၃ မှာ “မင်ဟဇဒ်”၊ “တဗကတ အင်နာဆီတီ”လို့ရမ်းမှန်းရေးထားကြောင်း လေ့လာကြည့်နိုင်ပါတယ်။

    နာလန္ဒတက္ကသိုလ်ကိုတူရကီစစ်ဗိုလ်ဘင်န်ဘခ်သီယာရ်ခိလ်ဂျီကမီးရှို့ဖျက် ဆီးခဲ့ကြောင်း တန္တရ်မန္တရ် အရည်းကြီးမှော်ဆရာတွေအပါအဝင် အရည်းကြီးတပည့် (၁၀,၀၀၀) ကျော်ကို သတ်ဖြတ်ခဲ့ကြောင်း သမိုင်းဟာ အထက်ပါ သွဗကာသိနာစိရီ မှာဘဲပါရှိပါတယ်။ အခြားဘယ်ရာဇဝင်ကျမ်းမှာမှ မပါပါဘူး။ နောက်ပိုင်း ရာဇဝင် ဆရာတွေအနေနဲ့ အိန္ဒိယပြည် ဘင်္ဂလားပြည်နယ်ရဲ့ သမိုင်းကို ရေးသားရာမှာ အဲဒီ သွဗကာသိနာစိရီ ကိုဘဲ ကိုးကားရေးကြတာဖြစ်ပါတယ်။ အဲဒီ ကျမ်းမှာလည်းဘဲ ပါရှန်း ရာဇဝင် ဆရာကြီး မင်န်ဟာဂျေစီရာဂ်ျ က တူရကီစစ်ဗိုလ် ခိလ်ဂျီရဲ့ လုပ်ရပ် ကို ရှုံ့ချ ရေးထားတာဖြစ်ပါတယ်။  ထောက်ခံရေးထားတာ မဟုတ် ပါဘူး။ မင်န် ဟာဂျုဒ်ဒီးန် ဘင်န်စိရာဂ်ျ ရဲ့ သွဗကာသိနာစိရီ ကို HG Raverty က အင်္ဂလိပ် ဘာသာပြန်ဆိုထားပါတယ်။ Bibliotheca Indica Volume 44 မှာ အင်္ဂလိပ် ဘာသာပြန်အဖြစ်ရှိနေပါတယ်။ လက်လှမ်းမှီ တယ်ဆိုရင် ဖတ်ရှုလေ့လာကြည့်စေ လိုပါတယ်။

    ဟိန္ဒူသေနမင်းဆက် (Sena Dynasty) ဘုရင်က နာလန္ဒတက္ကသိုလ်ကို ခံတပ်ကြီးအဖြစ်ပြုပြီး ခုခံနေလို့သာ ခိလ်ဂျီရဲ့ စစ်တပ်က တိုက်ခိုက်ရခြင်း ဖြစ် တယ် လို့အချို့ပညာ ရှင်တွေက ယူဆရေးသားထားတာတွေ ရှိပါသေးတယ်။ ကြီး မားတဲ့ အဆောက်အအုံကြီးကို ခံတပ်ကြီး အဖြစ်အသုံးချပြီးဟိန္ဒူဘုရင် ရဲ့စစ်သားတွေ တပ်စွဲခုခံတာ ဖြစ်နိုင်သလို၊ တန္တရ်မန္တရ် အရည်းကြီး မှော်ဆရာတွေ က အဆောက်အအုံကြီး ထဲကနေ အစီအရင် အမျိုးစုံလုပ်ပြီး ဟန်ရေးပြနေလို့ ခိလ်ဂျီ ရဲ့ စစ်တပ်ကရန်သူ့ခံတပ် အမှတ်နဲ့ တိုက်ခိုက်တာ ဖြစ်နိုင်ပါတယ်။ နာလန္ဒ တက္ကသိုလ် နဲ့ အပြိုင်ဖြစ်တဲ့၊ ဘီဟာရ် နယ်မှာရှိတဲ့ ဝိက္က မသီလာ(ဗိက်ရမ် ရှီလာ) တက္ကသိုလ် ကို ဘင်န်ဘခ်သီ ယာရ်ခိလ်ဂျီရဲ့စစ်တပ်က တိုက်ခိုက်ခဲ့ခြင်းဟာ စစ် ခံတပ်အမှတ် နဲ့ မှားယွင်းတိုက် ခိုက်မိခြင်းသာဖြစ်ကြောင်း၊ စစ်ခံတပ် မဟုတ်မှန်း နောက်မှသာ သိရှိခဲ့ကြတယ်လို့ D.G. Apte ကသူ့ရဲ့ Universities in Ancient India၊ စာမျက်နှာ (၅၆) မှာရေး သားထားပါတယ်။

    ဆက်ရန်- သမိုင်းဟူသည် ဤသို့တည် [ထေရဝါဒ အိန္ဒိယက ကွယ်ရခြင်း တရားခံ- ဘုန်းတော်ကြီးများကိုလေးစားပါ)

  • သမိုင်းဟူသည် ဤသို့တည်-၅ [အိန္ဒိယ နှင့် ထေရဝါဒ- တန္တရ မန္တရ အယူဝါဒ]

    သမိုင်းဟူသည် ဤသို့တည်-၅ [အိန္ဒိယ နှင့် ထေရဝါဒ- တန္တရ မန္တရ အယူဝါဒ]

    M-Media
    ရဲရင့်သစ္စာ

    ယခုဆောင်းပါးမှာ အစ္စလာမ်သာသနာ နှင့်ပတ်သတ်ပြီး သမိုင်းအလွဲများစွာ ထည့်သွင်းေ၇းသားထားတဲ့ ဗုဒ္ဓဘာသာမြစ်ဖျား နှင့် သမိုင်းရှုထောင့် မူ၇င်းစာအုပ်လင်ခ့် စာအုပ်ကိုဤ ကျမ်းငယ်ပြုစုသူ ရဲရင့်သစ္စာမှ သမိုင်းအမှန်များ ဖြင့် ပြန်လည်ဖြေရှင်းရေးသားသာ စာအုပ်မှ အခန်းဆက်ဖော်ပြချက်ဖြစ်ပါသည်။

    တဆက်ထဲမှာ ယခု ရက်ပိုင်းအတွင်း News Watch ဂျာနယ်တွင် သမိုင်းဆိုင်ရာ အချက်အလက် အမှားများစွာနှင့် အစ္စလာမ်သာသနာအား တဖက်သက်တိုက်ခိုက် ရေးသားထားသည့် ရေးသားသူ သရ၀ဏ် (ပြည်) ဆိုသူရဲ့ အာဖဂန်နစ္စတန်တွင် ဗုဒ္ဓဘာသာပျောက်ကွယ်သွားခြင်းအကြောင်း –  ပါ အကြောင်းအရာများကို ယှဉ်တွဲဖတ်ရှု့ကြပါရန်။

     

    အိန္ဒိယ နှင့် ထေရဝါဒ

    ကုသိနာရုံမှာ ဗုဒ္ဓဘာသာရဟန်းတော်တွေကို မွတ်စ်လင်မ်တွေက ဂူပေါက် ပိတ်မီးပူဇော်ခဲ့တယ်လို့  ဘယ်ကမ္ဘာကျော် သမိုင်းကျမ်းမှာ ပါရှိသလဲ ဆိုတာကိုတော့ မသိပါ။ တစ်ကယ်လို့ အဲဒီလိုဖြစ်ရိုး မှန်ခဲ့ရင်လည်း အဲဒီရဟန်းတွေ ဟာထေရဝါဒ ဗုဒ္ဓဘာသာဝင်တွေ လုံးဝမဖြစ်နိုင်ပါဘူး။ကုသိနာရုံ (Kushinagar) ဟာ အိန္ဒိယရဲ့ မြောက်ပိုင်းပြည်နယ်ဥတ္တရပရာဒေ့ရ်ှမှာတည်ရှိပါတယ်။ အိန္ဒိယပြည် မြောက်ပိုင်းနဲ့ နောက် မြောက်ပိုင်းတွေမှာထေရဝါဒဗုဒ္ဓဘာသာဟာ (သာသနာနှစ် ၆၀၀၊ အေဒီ ၁၀၀ခန့်) က တည်းကိုက ကွယ်ပခဲ့ပြီ ဖြစ်ကြောင်း၊ အဓမ္မဝါဒီ ဂိုဏ်းကွဲတွေဖြစ် ကြတဲ့မဟာသံဃိကဂိုဏ်း နဲ့သဗ္ဗတ္ထိဂိုဏ်းဝါဒ တွေသာလွှမ်းမိုးခဲ့ကြောင်း မောင်အံ့ မဟာ ဝိဇ္ဇာ (ဘုံဘေ) က သူ့ရဲ့ ဗုဒ္ဓ သာသနာတော် ၂၅၀၀ ခရီး စာမျက်နှာ ၈၂၊ ၈၃ မှာ ရေးသားထားပါတယ်။

    ထေရဝါဒဗုဒ္ဓသာသနာပြု အသောကမင်းကြီးရဲ့ မောရိယမင်းဆက် နောက် ပိုင်းမှာသုင်္ဂမင်း (သုင်္ဂပုရှာမိတြ)ဟာမဂဓအင်ပါယာကို စိုးစံခဲ့ပါတယ်။ အဲဒီမင်းဟာ ဗုဒ္ဓဘာသာဂိုဏ်းကွဲတိုင်း ကိုပြင်းပြင်းထန်ထန်ဖိနှိပ်ခဲ့တဲ့ဗြာဟ္မဏ(ဟိန္ဒူဘာသာဝင်) မင်းဖြစ်ပါတယ်။ ဘုန်းကြီးခေါင်း တစ်လုံးဖြတ်ဆက်သလျှင် ဆုငွေ (၁၀၀၀) ပေးမည် လို့ ကြေညာပြီး  နှိပ်ကွပ်ခဲ့တဲ့ဘုရင်ပါ။ ထေရဝါဒ ဗုဒ္ဓဘာသာ နဲ့ ထေရဝါဒ ရဟန်း တော်တွေဟာ ဗြာဟ္မဏဘာသာဝင် သုင်္ဂပုရှာမိတြ ရဲ့ သုင်္ဂမင်းဆက် လက်ထက် မှာတင် အိန္ဒိယ မှာ ကွယ်ပခဲ့ပြီဖြစ်ကြောင်း၊ အေဒီ ၁ ရာစု အတွင်း မှာ ထေရဝါဒ ဗုဒ္ဓဘာသာဟာ အိန္ဒိယမှာ လုံးဝမရှိတော့ဘဲ သီဟိုဠှ် နဲ့ သုဝဏ္ဏဘူမိ သထုံပြည် တို့မှာ သာ ကျန်ရှိတော့ကြောင်း၊ ဟိန္ဒူဗြာဟ္မဏ ဘာသာဝင် ဘုရင်တွေ ဟာ ဗုဒ္ဓ ဂယာ က မဟာဗောဓိ ပင်ကို အကြိမ်ကြိမ် ခုတ်ထစ်တူးဖော် မီးရှို့ခဲ့ကြကြောင်း ဦးစိန် ထွန်း (မာမက-သုတေသီ) က သူ့ရဲ့ ကမ္ဘာပတ်၍ ဘုရားရှာခြင်းစာအုပ်၊စာမျက်နှာ (၂၄၂၊ ၂၄၃) မှာ အခိုင်အမာရေးပြထားပါတယ်။

    အေဒီ ၃ ရာစု မှ ၄ ရာစုအတွင်း ပေါ်ပေါက်လာခဲ့တဲ့ မဟာယနဂိုဏ်းဟာ အိန္ဒိယမြောက်ပိုင်းဒေသတွေမှာ ထွန်းကားနေခဲ့ပြီး ပင်မထေရဝါဒဟာတော့ သီဟိုဠှ် နဲ့ မြန်မာပြည်ဘက်မှာ ထွန်းကားနေခဲ့ တယ်လို့ရေစကြိုအရှင်ဧသိက က သူ့ရဲ့ ထေရဝါဒ ဗုဒ္ဓဘာသာစာအုပ် စာမျက်နှာ (၃၁) မှာ အခိုင်အမာ ရေးသားထား ပါတယ်။ ဒီလောက်ဆို သမိုင်း အထောက်အထားတွေနဲ့ သေသေချာချာ သိရတာက အာဖဂန် ဘုရင် စူလ်တန်မဟ်မူဒ် အိန္ဒိယ ကို ဝင်ရောက် တိုက်ခိုက်တဲ့အချိန်၊ အိန္ဒိယမြောက်ပိုင်းနဲ့အနောက်မြောက်ပိုင်းတွေမှာ ထေရဝါဒ ဗုဒ္ဓသာသနာဟာ ကွယ်ပနေခဲ့ပြီးဖြစ်ကြောင်းနဲ့ မဟာသံဃိက အစရှိတဲ့ အဓမ္မ ဝါဒီဂိုဏ်းကွဲတွေ နဲ့ မဟာ ယန အယူအဆတွေသာကြီးစိုးနေခဲ့တယ်ဆိုတာပါ။

    မဟာယန အယူအဆ တွေကြီး စိုးနေတယ်လို့ ဆိုရာမှာလည်း အဓိက ကြီးစိုးနေခဲ့တာက မဟာယနအသွင်ကို ဆောင်ထားတဲ့ တန္တရ မန္တရ အယူဝါဒသာဖြစ်ပါတယ်။ အဲဒီ တန္တရ မန္တရအယူကို ဝဇီရယာနလို့လည်း ခေါ်ပါတယ်။

    တန္တရ မန္တရ အယူဝါဒ

    ဒီနေရာမှာ အလျဉ်းသင့်တဲ့ အတွက် တန္တရ မန္တရ အယူဝါဒ ဘာလဲ ဆိုတာ ကို အကျဉ်းတင်ပြလိုပါတယ်။ တန္တရ မန္တရ အယူဝါဒ ဆိုတာကို ပညာရှင်အချို့က ဗုဒ္ဓဘာသာနဲ့ပတ်သက်ဆက်နွှယ် ရေးသား ကြပေမဲ့၊ တစ်ကယ်တော့အဲဒီအယူဝါဒ ကျင့်စဉ် ယုံကြည်ချက်တွေဟာ ဂေါတမ ဗုဒ္ဓရဲ့ အဆုံးအမ တွေနဲ့ ဖီလာဆန့်ကျင် လျှက်ရှိပါတယ်။ တန္တရ မန္တရအယူဝါဒ ရဲ့ အဓိကကျင့်စဉ် တွေက မန္တန်၊ အင်းအိုင် ခါးလှဲ့လက်ဖွဲ့ အစီအရင် တွေ အပေါ်အခြေခံပြီး၊ အဲဒီလိုကျင့်စဉ် တွေကျင့်ခြင်း အားဖြင့် နိဗ္ဗာန်ကိုရောက်တယ်လို့ အယူရှိကြသူတွေဖြစ်ပါတယ်။ ဒီ တန္တရ မန္တရ အယူဝါဒရှင်တွေဟာ အိန္ဒိယပြည် ဂုပ္ပတမင်းဆက် အစပိုင်း (အေဒီ ၃၂၀)မှ ဟဿဝဒ္ဓနမင်း လက်ထက် (အေဒီ ၆၀၆) အထိ ကာလအတွင်း မန္တရားကျမ်း အတော်များများကိုရေးသားပြုစုခဲ့ကြပါတယ်။ အဲဒီကျမ်းတွေ ထဲမှာ  မန္တရား၊ အင်း အိုင်၊ လက်ဖွဲ့အစီအရင်တွေ အကြောင်း၊ အရက်သောက်ခြင်း၊ မေထုန်မှီဝဲခြင်း စသည့်အကြောင်း တွေကို ဖော်ပြထားတဲ့အပြင်၊ လုယက်ခြင်း၊ လိမ်လည်ခြင်း၊ ခိုးခြင်း၊သူတစ်ပါးမယား ကြာခိုခြင်း စတဲ့ ယုတ်ညံ့တဲ့လုပ်ရပ်တွေကိုပါ ထောက်ခံ အားပေးထားတယ်လို့ဆိုကြပါတယ်။

    အဲဒီ တန္တရ မန္တရ အယူဝါဒရှင်တွေ ရဲ့ ဂိုဏ်း ဟာ ဝဇီရယာန ဂိုဏ်းလို့ကျော်ကြားပါတယ်။ သူတို့ ဟာမဟာယန ရဟန်း အသွင်ကို ဆောင်ထားပြီး အယုတ်ညံ့ဆုံး လုပ်ရပ်တွေကို လုပ်တဲ့လူတွေ ဖြစ်ပါ တယ်။သူတို့ရဲ့ အယူဝါဒဟာ တစ်ဖြည်းဖြည်းနဲ့ ကျယ်ပြန့်လာပြီး အဲဒီခေတ်က ဘုရင်တွေတောင် စစ်ထွက် စစ်ချီတဲ့ အခါ တန္တရ မန္တရမန်းမှုတ်တတ်သူတွေကို ခေါ် ပြီး စစ်ချီလေ့ရှိပါတယ်။ တန္တရ မန္တရ အယူဆရာကြီးတွေဟာ ဘုရင့်သမီးထံက ကာမ အလှုခံတဲ့အထိ ခေတ်စားလာခဲ့ပါတယ်။

    အေဒီ (၈၀၀) ခန့်မှာ အိန္ဒိယမှာရှိတဲ့ မဟာယန တွေဟာ တန္တရ မန္တရ အယူဝင် မဟာယနတွေသာ ဖြစ်တယ် လို့ ဦးစိန်ထွန်း (မာမက-သုတေသီ) က သူ့ရဲ့ကမ္ဘာပတ်၍ဘုရားရှာခြင်းစာအုပ်၊ စာမျက်နှာ(၂၆၈) မှာရေးသားထားပါတယ်။ ဒီ တန္တရ မန္တရ ဝဇီရယာန အယူဝါဒ ဟာ ဂေါတမဗုဒ္ဓကိုယ်တော်ရဲ့ တရားတော် အဆုံးအမတွေနဲ့ဖီလာဆန့်ကျင်နေရုံမက၊ ဂေါတမဗုဒ္ဓကိုယ်တော်ရဲ့ သာသနာကို အလွန်ဆိုးဆိုးရွားရွားဖျက်ဆီးတဲ့ အယူဝါဒသာဖြစ်ပါတယ်။ တန္တရမန္တရဝဇီရယာန အယူဝါဒကို မြန်မာနိုင်ငံ ပုဂံသမိုင်း မှာ အရည်းကြီးဝါဒ လို့လူသိများပါတယ်။

    ဆက်ရန်- သမိုင်းဟူသည် ဤသို့တည် [နာလန္ဒ နှင့် တက္ကသိုလ်ကြီးများ ထေရဝါဒလား?-နာလန္ဒ နှင့်တူရကီ]