Tag: Islamic inventions

ဇွန်လ ၂၃ ရက်၊ ၂၀၁၄
M-Media
Credit to -အောင်သန်းလွင် (UCSY)

ခေတ်သစ်သိပ္ပံပညာရပ်ရဲ့ မြောက်မြားစွာသောအသုံးအနှုန်းတွေဟာ အာရဗီစကားလုံးအရင်းမြစ်တွေဖြစ်နေပါတယ်။ သိပ္ပံဝေါဟာရတစ်ချို့ Algebra (အယ်လ်ဂျီဘရာ-အက္ခရာသင်္ချာ)၊ Algorithm (အယ်လ်ဂိုရစ်သမ်) ၊ Alkaline (အယ်လ်ကာလိုင်း) စတဲ့စကားလုံးတွေကို အာရဗီဘာသာစကားနဲ့ရင်းနှီးသူ တစ်ယောက်ဟာ ချက်ချင်း အာရဗီ စကားလုံးတွေလို့သိနိုင်ပါတယ်။ ဒီစကားလုံးတွေဟာ သိပ္ပံပညာရပ်တွေ အခြေ တည်ပြန့်ပွားရာလည်းဖြစ်ပါတယ်။ Algebra (အက္ခရာသင်္ချာ) သာမရှိရင် ယနေ့ ခေတ်သစ် သင်္ချာပညာရပ် (Modern Mathematics)၊ ခေတ်သစ် ရူပဗေဒပညာရပ် (Modern Physics) တွေရှိလာမှာ မဟုတ်ပါဘူး။ Algorithm (အလ်ဂိုရစ်သမ်) တွေမရှိရင် ကွန်ပျူတာတွေ ဖြစ်လာမှာမဟုတ်သလို Alkaline (အယ်လ်ကာလိုင်း) ဆိုတာမရှိရင်လည်း ဓာတုဗေဒ (Chemistry) ဆိုတာ ဖြစ်လာမှာမဟုတ်ပါ။

  ကမ္ဘာ့သမိုင်းတစ်လျှောက် အစ္စလာမ့် သိပ္ပံပညာရှင်တွေဟာ အံ့သြဖွယ်ကောင်းလောက်အောင် များပြားလှတဲ့ အထင်ကရ မှတ်တိုင်တွေ စိုက်ထူခဲ့ပါတယ်။ ( ၉ ) ရာစုက ဘဂ္ဂဒက် သင်္ချာပညာရှင် မိုဟမ္မဒ် အိဗ်နေ့ မူဆာ အယ်လ်ခဝါရစ်ဇ်မီ (Al-Khawarizmi) ဟာ အက္ခရာသင်္ချာပညာရပ် (Algebra) ကို တီထွင်ခဲ့ပါတယ်။ အစပိုင်းမှာတော့ ဒီပညာရပ်က ပစ္စည်းပိုင်ဆိုင်မှုဆိုင်ရာ အငြင်းပွားမှုတွေကို ဖြေရှင်းဖို့ဖြစ်ပါတယ်။ အယ်လ်ခဝါရစ်ဇ်မီ ဟာ ကိန်းစဉ်တန်းတွေနဲ့ နှစ်ထပ် ကိန်းတန်းတွေကို အဆင့်ဆင့် (သို့) ကြိမ်ဖန် တလဲလဲ ပြဿနာဖြေရှင်းနည်းစနစ် ( Algorithm ) တွေ အသုံးပြုပြီးဖြေရှင်းခဲ့ပါတယ်။ အယ်လ်ဂိုရစ်သမ်တွေဟာ ကွန်ပျူတာ ပရိုဂရမ်းမင်း (ကွန်ပျူတာ အလုပ်လုပ်ရန် ညွှန်ကြားချက်ပေးသည့် နည်းပညာရပ်) ရဲ့ အခြေခံလည်းဖြစ်ပါတယ်။ အယ်လ်ဂိုရစ်သမ် ဆိုတဲ့ စကားလုံးဟာလည်း အယ်လ်ခ ဝါရစ်ဇ်မီ ရဲ့ နာမည်ကနေ ဆင်းသက်လာတာဖြစ်ပြီး သင်္ချာပညာရပ်အတွက် အဖိုးမဖြတ်နိုင်တဲ့ လက်ဆောင်လို့ပြောရမှာဖြစ်ပါတယ်။ သူ့ရဲ့ ” ပေါင်းဖြည့်ခြင်းနှင့် တန်ဖိုးညှိခြင်း အနှစ်ချုပ်ကျမ်း ” (The Compendious Book on Calculation by Completion and Balancing”) တွက်ချက်မှုဆိုင်ရာ ကျမ်းစာအုပ်ကို ခေတ်သစ် အက္ခရာသင်္ချာရဲ့ အခြေခံလို့ သတ်မှတ်ကြပါတယ်။ ဒီစာအုပ်ဟာ နှစ်ထပ်ကိန်းတန်းတွေကို ဒုတိယ ဒီဂရီထိ ဖြေရှင်းဖို့ ပြည့်ပြည့်စုံစုံ ဖော်ပြထားပါတယ်။ ဒါ့အပြင် ကိန်းတန်းတွေ တွက်ချက်ရာမှာသုံးတဲ့ နှုတ်ခြင်းနဲ့ ချေခြင်း နည်းစနစ် (Reduction and Balancing) တွေကိုလည်း မိတ်ဆက်ပေးခဲ့ပါတယ်။

အယ်လ်ခဝါရစ်ဇ်မီ ရဲ့ အက္ခရာသင်္ချာပညာ(Algebra) တီထွင်မှုဟာ တကယ့်ကို အရေးပါ အရာရောက်ပါတယ်။ ဒါဟာ ဂရိတွေရဲ့ ဂျီသြမေတြီ ပညာရပ်အပေါ်မှာ ချည်းသက်သက် အခြေခံထားတဲ့ ဂရိသင်္ချာ ပညာရပ်ကို တော်လှန်ပြောင်းလဲလိုက်တဲ့ စွမ်းဆောင်ချက်လည်းဖြစ်ပါတယ်။ ဒ့ါအပြင် အတိတ်ကာလမှာ ဘယ်တုန်းကမှမရှိခဲ့တဲ့ တိုးတက်မှုတွေ ဖြစ်ပေါ်အောင် အက္ခရာသင်္ချာပညာရပ်ကို ပိုမိုတိုးတက်အောင် လမ်းဖွင့်ပေးခြင်းလည်းဖြစ်ခဲ့ပါတယ်။ အက္ခရာသင်္ချာကို တိုးတက်အောင် နောက်ထပ်ဖြည့်စွက်သူကတော့ ယနေ့ ကျော်ကြားတဲ့ ကဗျာဆရာအဖြစ်သိကြတဲ့ အိုမာ ခယမ် (Omar Al-Khayyam) ပဲဖြစ်ပါတယ်။ သူ့ကို အေဒီ ( ၁၀၄၈ ) မှာ မွေးဖွားပါတယ်။ သူဟာ ထပ်တိုးပြီး သုံးထပ် ကိန်းတန်းတွေကို ဂျီသြမေတြီနည်းနဲ့ အပြည့်အစုံ ရှင်းပြခဲ့သူဖြစ်ပါတယ်။

ဂဏန်းသင်္ချာပညာရပ် ( Arithmetic ) အပေါ် အယ်လ်ခဝါရစ်ဇ်မီ ရဲ့ အရေးပါတဲ့ နောက်ထပ်အကျိုးပြုဖြည့်စွက်မှုကတော့ အိန္ဒိယ သင်္ချာပညာရပ်မှာ တီထွင်ခဲ့တဲ့ အိန္ဒိယ ကိန်းစနစ်ကို အခြေခံတဲ့ ဟိန္ဒူ-အာရဗီ ကိန်းဂဏန်း (Arabic Numerals) တွေကို မိတ်ဆက်ပေးခဲ့တာဖြစ်ပါတယ်။ အစ္စလာမ့်အင်ပါယာအောက်မှာ တိုးတက်ထွန်းကားနေတဲ့ မွတ်စလင်တိုင်းပြည်တွေအတွက် စီးပွားရေးလုပ်ငန်းတွေနဲ့ နေ့စဉ်အသုံးပြုရာမှာ လွယ်ကူတဲ့ သင်္ချာပညာရပ်က မရှိမဖြစ်အရေးပါပါတယ်။ အဲ့ဒီအချိန်မှာ သူတို့ဟာ စာနဲ့ရေးသားတဲ့ ကိန်းဂဏန်းစနစ် ( Finger-reckoning) ၊ အာရဗီစကားလုံးအသုံးပြုတဲ့ ဘေဘီလိုးနီးယန်းတွေသုံးခဲ့တဲ့ ကိန်းဂဏန်းစနစ်( Babylonian Sexagesimal System) နဲ့ အသုံးအများဆုံးဖြစ်တဲ့ အိန္ဒိယ-အာရဗီ ကိန်းဂဏန်းစနစ် (Arabic Numerals) သုံးမျိုးတို့ကိုအဓိက အသုံးပြုခဲ့ကြပါတယ်။

အယ်လ်ခဝါရစ်ဇ်မီ ဟာ အိန္ဒိယသင်္ချာစနစ်က ယူသုံးတဲ့ ကိန်းဂဏန်း (၉) လုံးနဲ့ အာရဗ်မွတ်စလင်တွေတီထွင်တဲ့ ၀ (သုည) ကို အသုံးပြုပြီး တစ်ဆယ်ရဲ့ ဆပွားကိန်းတွေဖြစ်တဲ့ တစ်ရာ၊ တစ်ထောင်၊ တစ်သောင်း စသဖြင့် တွက်ချက်ရေးသားရာမှာ အသုံးပြုနိုင်ဖို့ ရှင်းပြပေးခဲ့ပါတယ်။ အာရဗီ ကိန်းဂဏန်း မတိုင်ခင် ရှေးဟောင်း ကိန်းဂဏန်း စနစ်တွေဟာ အသုံးပြုရာမှာ ရှုပ်ထွေး ခက်ခဲပြီး ( ၅ ) ရဲ့ ဆပွားကိန်း၊ (၁၂)ရဲ့ ဆပွားကိန်း၊ (၆၀) ရဲ့ ဆပွားကိန်းစသဖြင့် ဖြစ်ပါတယ်။ ရောမ ကိန်းဂဏန်းတွေ (ဥပမာ I,II,C,X ) ဟာလည်း ကျစ်လစ်မှုမရှိဘဲ တွက်ချက်ရာမှာ အလွန်ခက်ခဲပါတယ်။ အိန္ဒိယ-အာရဗီ ကိန်းဂဏန်း(Arabic Numerals) တွေဟာ ဂဏန်းသင်္ချာကို ပိုရှင်းလင်းပြီး လျှင်မြန်စွာ တွက်ချက်နိုင်ဖို့လွန်စွာမှပဲ အထောက်အကူပေးခဲ့ပါတယ်။ သင်္ချာပညာရပ်မှာ အရေးပါတဲ့ ဒဿမစနစ် (Decimal System) တွေကိုလည်း အာရဗ်မွတ်စလင်တွေပဲ စတင်တီထွင် အသုံးပြုခဲ့ကြတာဖြစ်ပါတယ်။ မွတ်စလင်တွေဟာ အလယ်ခေတ် သင်္ချာပညာရပ်ရဲ့ ဦးဆောင်သူတွေဖြစ်ကြပါတယ်။

အာရဗီ ကိန်းဂဏန်းတွေကို ဥရောပနဲ့ မိတ်ဆက်ပေးသူတွေထဲမှာ ထင်ရှားသူတစ်ချို့ကတော့ ရောဘတ် ချက်စတာ (Robert of Chester) နဲ့ ဖီဘိုနာချီ (Fibonacci-Italay) တို့ပဲဖြစ်ပါတယ်။ ရောဘတ် ချက်စတာ ဟာ အယ်လ် ခဝါရစ်ဇ်မီ ရဲ့ အာရဗီ ကိန်းဂဏန်းတွေအကြောင်းဖော်ပြတဲ့ ဒုတိယစာအုပ်ကို (၁၂) ရာစုမှာ ဘာသာပြန်ဆိုခဲ့သူဖြစ်ပါတယ်။ လီယိုနာဒို ပီစာ (Leonardo from Pisa) လို့လည်းသိကြတဲ့ ဖီဘိုနာချီ ကတော့ အာရဗ်သင်္ချာပညာရပ်တွေကို ဥရောပလူထုအမြာက်အများဆီရောက်အောင် ပို့ဆောင်ခဲ့သူဖြစ်ပါတယ်။ ဖီဘိုနာချီ ဟာ မြို့တော်ဘဂ္ဂဒက်နဲ့ မိုဆိုးလ်တို့မှာ သင်္ချာပညာရပ်သင်ကြားတဲ့ ဆီဒီ အိုမာ (Sidi Omar) ထံကနေ သင်္ချာပညာရပ်ကိုသင်ကြားခဲ့ပါတယ်။သူဟာ အလက်ဇန်းဒရီးယား၊ ကိုင်ရို ၊ ဒမတ်စကပ်စ် စတဲ့ မြို့တွေကစာကြည့်တိုက်တွေကို သွားရောက်လေ့လာပြီးတဲ့အခါမှာ လက်တင်ဘာသာနဲ့ နာမည်ကျော် ” တွက်ချက်မှုဆိုင်ရာကျမ်း ” ( Liber Abaci) ကိုရေးသားခဲ့ပါတယ်။ ဒီစာအုပ်မှာ အာရဗီ ကိန်းဂဏန်းတွေအကြောင်းအထူးဖော်ပြထားပါတယ်။

(1001 Inventions : Muslim Heritage in Our World)

အင်္ဂလန်နိုင်ငံ သိပ္ပံ၊နည်းပညာ နှင့် ယဉ်ကျေးမှု ဖောင်ဒေးရှင်းမှ ပုံနှိပ်သည်။ (Foundation for Science, Technology and Civilisation (FSTC), UK)

“ကျွန်ုပ်တို့ကမ္ဘာရှိ မွတ်စလင်များကပေးခဲ့သော အမွေအနှစ်များ” စာအုပ်မှ အကျဉ်းထုတ်နှုတ်ချက်
==========================
ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့၏ ဆန်းသစ် တီထွင်မှုများ – ၁ (စာသင်ကျောင်းများ) ဖတ်ရန်
http://www.m-mediagroup.com/news/27979

ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့ ၏ ဆန်းသစ်တီထွင်မှုများ – ၂ (ဓာတုဗေဒပညာရပ်)
http://www.m-mediagroup.com/news/28107

ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့ ၏ ဆန်းသစ်တီထွင်မှုများ – ၃ (ဆေးပညာ)
http://www.m-mediagroup.com/news/28166

ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့ ၏ ဆန်းသစ်တီထွင်မှုများ – ၄ (အနုပညာ)

http://www.m-mediagroup.com/news/28362

ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့ ၏ ဆန်းသစ်တီထွင်မှုများ – ၅ (ဗိသုကာပညာရပ်)

http://www.m-mediagroup.com/news/28555

ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့ ၏ ဆန်းသစ်တီထွင်မှုများ – ၆ (အာကာသ နက္ခတ္တဗေဒ ပညာရပ်)
http://www.m-mediagroup.com/news/28756

(အစ္စလာမ့် တီထွင်ဆန်းသစ်မှုများကို ဖော်ပြရခြင်းအကြောင်း)

ယနေ့ကာလမှာ ကမ္ဘာ့လူသားထုတိုးတက်ရေးအတွက် အစ္စလာမ်ကမ္ဘာကပြုလုပ်ခဲ့တဲ့ အရေးပါအရာ ရောက်လှတဲ့ ဖြည့်စွက်ချက်တွေကို အသိ နည်းနေကြ ပါသေးတယ်။ နှစ်ပေါင်း ( ၅ဝဝ ) ကျော်မျှ အစ္စလာမ်က သိပ္ပံပညာရပ်တွေမှာ ကမ္ဘာကို ဦးဆောင်ခဲ့ရုံမျှမက စည်းစနစ်ကျတဲ့ အသိပညာရှာဖွေမှုတွေမှာ တက်တက်ကြွကြွ ရှိနေခဲ့ကြတဲ့ တစ်ခုတည်းသော လူသားမျိုးနွယ် အစိတ်အပိုင်းဖြစ်ခဲ့ပါတယ်။

( ၈ ) ရာစုအလယ်က စလို့ သိပ္ပံနဲ့ ပညာရေးဟာ ဘဂ္ဂဒက်မြို့တော်ကိုအခြေပြုတဲ့ တန်ခိုးကြီး အစ္စလာမ့် အင်ပါယာအောက်မှာ မွတ်စလင်တွေရဲ့ လွှမ်းမိုးမှုအဖြစ်နဲ့ အကြီးအကျယ်ထွန်းကားနေခဲ့ပါတယ်။ ဒီတိုးတက်မှုအနေအထားဟာ နောင် နှစ်ပေါင်း (၅ဝဝ) ကြာပြီးတဲ့အခါ မွတ်စလင်တွေ နိုင်ငံရေးအရ ကျဆင်းလာတဲ့ အချိန်ကိုကျော်လွန်ပြီးတဲ့တိုင်အောင် ရှိနေခဲ့ပါတယ်။

အစ္စလာမ့် တီထွင်ဆန်းသစ်မှုများ အဖြစ်နဲ့ ဖော်ပြသွားမယ့် ဆောင်းပါးတွေဟာ အစ္စလာမ့် ရွှေခေတ် ( The Golden Age of Islam) လို့ခေါ်တဲ့ ကာလတွေမှာ မွတ်စလင်တွေဟာ အသိပညာရှာဖွေရာမှာနဲ့ အရေးပါအရာရောက်လှတဲ့ လူ့သမိုင်းတိုးတက်ရေးတွေမှာ ဘယ်လောက်တောင် ထူးချွန်ပြောင်မြောက် စွာဖြည့်စွက်ခဲ့ကြသလဲ ဆိုတာကို ဖော်ပြသွားဖို့ရည်ရွယ်ပါတယ်။ သမိုင်းအရ အလယ်ခေတ် အရှေ့တိုင်းတွင် မွတ်စလင်များဘက်ပေါင်းစုံ တိုးတက်ထွန်းကားနေခိုက် အနောက်တိုင်း ခရစ်ယာန်နိုင်ငံများမှာ Dark Ages ဟုခေါ်သည့် အမှောင်ခေတ်များကို ဖြတ်သန်းနေရတာဖြစ်ပါတယ်။

အောင်သန်းလွင် (UCSY)

ဇွန် ၁၅ ၊ ၂၀၁၄
M-Media
Credit to -အောင်သန်းလွင် (UCSY)

” လ ” ကို စောင့်ကြည့်လေ့လာရတဲ့ အလုပ်ဟာ အတိတ်ကာလမှာကော မျက်မှောက် ကာလမှာပါ မွတ်စလင်တွေ အတွက် အလွန်ပဲအရေးကြီးတဲ့ အခန်းကဏ္ဍက ပါဝင်ခဲ့တာပါ။ ဘာသာရေးအရပြောရမယ်ဆိုရင် မွတ်စလင်တွေဟာ လအပေါ်အခြေခံတဲ့ ပြက္ခဒိန်ကို သုံးစွဲကြပြီး လဆန်းခြင်း (ဆန်းဦးစ လကိုစောင့်ကြည့်ခြင်း) က ရမဒါန် ဥပုသ်လရဲ့ အစဦးနဲ့ ပြီးဆုံးတဲ့ကာလကို အမှတ်အသားပြုဆုံးဖြတ်ပေးပါတယ်။ ဒါ့အပြင် ဆော်ဒီအာရေဗီးယားနိုင်ငံရှိ ကာ့အ်ဗာ (Kabbah) ကျောင်းတော် တည်ရှိရာ မက္ကာမြို့ကို ဟဂ်ျ ခရီးထွက်ရတဲ့ကာလကိုလည်း အဆုံးအဖြတ်ပေးပြန်ပါတယ်။ ဥပုသ်စောင့်ခြင်း နှင့် ဟဂ်ျ ပြုခြင်း တို့ဟာ မွတ်စလင်တွေအပေါ် တာဝန်တင်ရှိတဲ့ ကြီးလေးတဲ့ တာဝန် ( ၅ ) ရပ်အနက်က ( ၂ ) ခုဖြစ်ပါတယ်။

ကမ္ဘာကို တိကျတဲ့ နေရာအရပ်နဲ့ဖော်ပြခြင်း (မြေပုံဆွဲခြင်း) အတတ်ပညာဟာ ဘာသာရေး လိုအပ်ချက်အရ တမဟုတ်ချင်း ပေါ်ထွက်လာခဲ့ခြင်းဖြစ်ပါတယ်။ အဲ့ဒါကတော့ ကစ်ဗ်လာ (Qibla) လို့ခေါ်တဲ့ ကာဘာကျောင်းတော်တည်ရှိရာ မက္ကာမြို့ရဲ့ တည်နေရာကို မှန်ကန်တဲ့ ကိုသြဒိနိတ် ပုံအမှတ်အသား တွေက တစ်ဆင့်သတ်မှတ် တိုင်းတာဖို့ လိုအပ်လာတာပါ။ အကြောင်းအရင်းက မွတ်စလင်တွေ တစ်နေ့ ( ၅ ) ကြိမ် ဦးချဝတ်ပြုရာမှာ မက္ကာမြို့တော်ရဲ့ဦးတည်ရာဘက်ကို သိရှိဖို့ပဲဖြစ်ပါတယ်။ အဆုံးမှာ မွတ်စလင်တွေကြိုးစားရှာဖွေ သိရှိလာတဲ့ တြီဂိုနိုမေတြီ (တြိဂံထောင့်များနှင့်ဆက်စပ်ဆိုင်သော သင်္ချာပညာရပ်) အဖြေဟာ လွန်စွာပဲ အသိဉာဏ် အဆင့်မြင့်မားလှပါတယ်။ တကယ်တော့ တြီဂိုနိုမေတြီ ပညာရပ်ကိုက မွတ်စလင်တွေရဲ့ တီထွင်တိုးတက်မှုလို့တောင် ပြောနိုင်ပါတယ်။ သူတို့ဟာ ကမ္ဘာ့မြေပုံကိုရေးဆွဲခဲ့တဲ့အပြင် ကမ္ဘာကိုယ်တိုင်(မိမိဝင်ရိုးပေါ်)လည်ပတ်မှုရဲ့ တွက်ချက်မှုအခြေခံကိုပါ တွေ့ရှိခဲ့တာပဲဖြစ်ပါတယ်။ ရလာဒ်အားဖြင့် ကမ္ဘာအနှံ့ကနေ ကစ်ဗ်လာ (ဝတ်ပြုချိန်ဦးတည်ရာဘက်) ကိုတိကျစွာသတ်မှတ်နိုင်ခဲ့ပါတယ်။

အစ္စလာမ့် အင်ပါယာအောက်မှာရှိစဉ်က ဆမာကန် (Samarkand – ဥဇဘတ်ကစ္စတန်ရှိ ဒုတိယအကြီးဆုံးမြို့) နှင့် အစ္စတန်ဘူ (Istanbul – တူရကီ၏ အကြီးဆုံးမြို့တော်) တို့မှာတွေ့ရတဲ့ အာကာသ နက္ခတ္တဗေဒဆိုင်ရာ ရှာဖွေတွေ့ရှိမှုတွေဟာ အလွန်ပဲ အဆင့်အတန်းမြင့်မားပါတယ်။ အဲ့ဒီမှာ နေ၊ ကြယ်တာရာ စသည်တို့၏ အမြင့်တိုင်းကိရိယာ (Astrolabes)၊ နေနာရီ ၊ ဂြိုဟ် နက္ခတ် တာရာတို့၏ လှုပ်ရှားသွားလာမှုတိုင်း ကိရိယာ(Armiliary Sphere – စက်လုံးပုံစံကိရိယာ) တို့ကို စွဲမက်ဖွယ်ကောင်းလောက်အောင် တပ်ဆင်အသုံးပြုနေခဲ့ကြပါတယ်။ယင်းမြို့များမှာ အင်ပါယာအောက်မှ အာကာသနက္ခတ်ဗေဒပညာရှင်များဟာ စုပေါင်းစူးစမ်းရှာဖွေမှုတွေလုပ်ဆောင်နေခဲ့ကြပါတယ်။ (ယခုခေတ်သစ် နိုင်ငံတကာ စုပေါင်းလေ့လာမှုများ (Interantional Research Agencies) နှင့်အလားတူ) ( ၉ ) ရာစုမှာ အရှေ့တိုင်းရဲ့ အကျော်ကြားဆုံး အာကာသနက္ခတ်တဗေဒ ပညာရှင်ဖြစ်သူ အယ်လ် ဘက်တနီ (Al-Battani) ဟာ သိပ္ပံပညာရပ်နဲ့ဆိုင်တဲ့ စာတမ်းပေါင်းမြောက်များစွာရေးသားခဲ့ပါတယ်။ သူဟာ နှစ်စဉ် နေကြတ်ခြင်းဖြစ်နိုင်ကြောင်းကို ရှင်းလင်းပြသခဲ့တယ်။

နေကြတ်ခြင်းဖြစ်စဉ် အတွင်း အလင်းအဝန်းအဝိုင်းဟာ နေကြတ်ရာအစိတ်အပိုင်း(လ)ကို ဝန်းရံထားမိကြောင်း နှင့် နေ၏ အချင်းအတိုင်းအတာတို့မှာ တသမတ်မဟုတ်ဘဲ ပြောင်းလဲမှုရှိကြောင်းတို့ကိုလည်း ဖော်ပြခဲ့ပါတယ်။ သူဟာ တော်လမီ ပြဆိုတဲ့ လနဲ့ အခြားဂြိုဟ်များရဲ့ သွားရာ လမ်းကြောင်းအမှားတွေကို ပြင်ဆင်ပေးခဲ့ပါတယ်။ ဒီထက်မက လဆန်းကို မြင်နိုင်တဲ့ အချက်အလက်ဆိုင်ရာ တွက်ထုတ်ပုံ သီအိုရီသစ်ကိုလည်း တီထွင်ခဲ့ပါတယ်။ သူ (အယ်လ် ဘက်တနီ) နဲ့ အခြား အာရဗ် နက္ခတ္တပညာရှင်တွေဟာ တော်လမီရဲ့ ကမ္ဘာဗဟိုပြုစနစ်ကို သဘောမတွေ့ခဲ့ကြပါ။ သူတို့ဟာ ပြင်ဆင်မှုပေါင်း များစွာ လုပ်ဆောင်ခဲ့ကြပြီး နောင် နှစ်ပေါင်း ( ၇၀၀ ) အကြာမှာထွက်ပေါ်လာမယ့် ပိုလန်လူမျိုး နက္ခတ္တဗေဒ ပညာရှင် ကောပါးနီးကပ်စ်ရဲ့ နေဗဟိုပြုစနစ်ကို လမ်းခင်းပေးခဲ့ကြပါတယ်။ ကောပါးနီးကပ်စ် ရဲ့ နေဗဟိုပြုစနစ် အကြောင်းဖော်ပြတဲ့ စာအုပ်မှာ အယ်လ် ဘက်တနီ ကို နာမည်နှင့်ဖော်ပြထားပြီး အခြားနာမည်မဖော်ပြတဲ့ အာရဗ်မွတ်စလင် နက္ခတ္တဗေဒ ပညာရှင်တွေ (ဥပမာ – အယ်လ် တူစီ) ထံမှ အမြောက်အများ ကိုးကားထားပါတယ်။

အယ်လ် တူစီ အကြောင်း အပြည့်အစုံဖတ်ရန် =>http://www.m-mediagroup.com/news/23466

နက္ခတ္တဗေဒဆိုင်ရာ ကိရိယာများ

အာရဗ်မွတ်စလင်တွေဟာ နက္ခတ္တဗေဒဆိုင်ရာ ကိရိယာတွေ တီထွင်တဲ့နေရာမှာလည်း ထူးချွန်ခဲ့ကြပါတယ်။ အလယ်ခေတ် မွတ်စလင်တွေတီထွင်တဲ့ နက္ခတ်ကြယ်တာရာများနှင့် ဂြိုဟ်များ၏ လမ်းကြောင်းပြကိရိယာ (Armillary Sphere) ဟာ အာကာသကို သုံးဘက်မြင် ရုပ်ပုံ (3D) နဲ့ ပုံဖော်ထား သလိုဖြစ်ပြီး ကမ္ဘာဂြိုဟ်ကို ဗဟိုပြုပြီး အခြားကြယ်တာရာများက (ဂရိနက္ခတ္တဗေဒ ပညာကျော် တော်လမီ၏ သဘောအတိုင်း) လှည့်ပတ်နေကြပါတယ်။ အဲ့ဒီမှာ ကမ္ဘာကို စက်လုံးပုံနဲ့ ကိုယ်စားပြုပါတယ်။ နောက် တစ်ခုကတော့ ကြယ်တွေရဲ့ တည်နေရာကို ရှာဖွေဖို့နဲ့ လမ်းညွှန်ရာမှာ အသုံးပြုတဲ့ ကြယ်တာရာ အမြင့်တိုင်း ကိရိယာ (Astrolabes) ပဲဖြစ်ပါတယ်။ အစ္စလာမ့် အင်ပါယာ လက်အောက်က စပိန် မာရာဂါမြို့နဲ့ ဥဇဘက်ကစ္စတန် ဆမာကန်တို့မှာ သုံးတဲ့ Astrolabes တွေဟာ ဥရောပမှာ တယ်လီစကုပ် မှန်ပြောင်းတွေ မပေါ်ခင်အထိသုံးကြတဲ့ နက္ခတ္တဗေဒဆိုင်ရာ ကိရိယာတွေနဲ့ အနှစ်သာရအားဖြင့် အတူတူသာဖြစ်ပါတယ်။ ( ၁ဝ ) ရာစုက အစောဆုံး သရုပ်ပြ နက္ခတ္တဗေဒဆိုင်ရာကျမ်း လက်ရေးမူဟာ မွတ်စလင် အာကာသ နက္ခတ္တဗေဒပညာရှင် အဗ်ဒူလ် အယ်လ် ရာဟ်မာန် အယ်လ် ဆူဖီ ရဲ့ ” တည်ငြိမ်ကြယ်များအကြောင်းပြဆိုရာကျမ်း ” (Book of the fixed Stars) အမည်ရတဲ့ စာအုပ်ပဲဖြစ်ပါတယ်။ များစွာသော ကြယ်တာရာများ၏ အမည်များဟာလည်း တိုက်ရိုက် (သို့) ပြောင်းလဲရွေ့လျောလာတဲ့ အာရဗ် အမည်များသာဖြစ်ပါတယ်။

ကမ္ဘာလုံးဝန်းတဲ့သဘောတရားကို မွတ်စလင်တွေကပဲစဦးပြောပြခဲ့ကြတဲ့ နောက်အချက်တစ်ခုဖြစ်ပါတယ်။ အဲ့ဒါက ( ၁၁ ) ရာစုမှာ စစ်စလီကျွန်းရဲ့ နော်မန် ဘုရင် (King Roger II) က မွတ်စလင် ပထဝီပညာရှင် အယ်လ် အစ်ဒ်ရစ်စီ (Al-Idrisi) ကို ကမ္ဘာမြေပုံပြုလုပ်ဖို့ ကြီးကြပ်စေခဲ့ပါတယ်။ သူဟာ Book of Roger လို့ခေါ်တဲ့ မြေပုံ ( ၇ဝ ) ခန့်ပါတဲ့ မြေပုံစာအုပ်ကို ပြုလုပ်ခဲ့ပါတယ်။ အဲ့ဒီမြေပုံမှာ ကမ္ဘာမြေကြီးဟာ စက်လုံးပုံ လုံးဝန်းကြောင်းဖော်ပြထားပါတယ်။ ဒီအချက်ကို ပိုခိုင်မာစေဖို့အတွက် သူဟာ ငွေသတ္တုနဲ့စက်လုံးပုံစံ ကမ္ဘာလုံးပုံ နမူနာကိုလည်း ပြုလုပ်ခဲ့ပါတယ်။

(1001 Inventions : Muslim Heritage in Our World)

အင်္ဂလန်နိုင်ငံ သိပ္ပံ၊နည်းပညာ နှင့် ယဉ်ကျေးမှု ဖောင်ဒေးရှင်းမှ ပုံနှိပ်သည်။ (Foundation for Science, Technology and Civilisation (FSTC), UK)

“ကျွန်ုပ်တို့ကမ္ဘာရှိ မွတ်စလင်များကပေးခဲ့သော အမွေအနှစ်များ” စာအုပ်မှ အကျဉ်းထုတ်နှုတ်ချက်
==========================
ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့၏ ဆန်းသစ် တီထွင်မှုများ – ၁ (စာသင်ကျောင်းများ) ဖတ်ရန်
http://www.m-mediagroup.com/news/27979

ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့ ၏ ဆန်းသစ်တီထွင်မှုများ – ၂ (ဓာတုဗေဒပညာရပ်)
http://www.m-mediagroup.com/news/28107

ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့ ၏ ဆန်းသစ်တီထွင်မှုများ – ၃ (ဆေးပညာ)
http://www.m-mediagroup.com/news/28166

ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့ ၏ ဆန်းသစ်တီထွင်မှုများ – ၄ (အနုပညာ)

http://www.m-mediagroup.com/news/28362

ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့ ၏ ဆန်းသစ်တီထွင်မှုများ – ၅ (ဗိသုကာပညာရပ်)

http://www.m-mediagroup.com/news/28555

(အစ္စလာမ့် တီထွင်ဆန်းသစ်မှုများကို ဖော်ပြရခြင်းအကြောင်း)

ယနေ့ကာလမှာ ကမ္ဘာ့လူသားထုတိုးတက်ရေးအတွက် အစ္စလာမ်ကမ္ဘာကပြုလုပ်ခဲ့တဲ့ အရေးပါအရာ ရောက်လှတဲ့ ဖြည့်စွက်ချက်တွေကို အသိ နည်းနေကြ ပါသေးတယ်။ နှစ်ပေါင်း ( ၅ဝဝ ) ကျော်မျှ အစ္စလာမ်က သိပ္ပံပညာရပ်တွေမှာ ကမ္ဘာကို ဦးဆောင်ခဲ့ရုံမျှမက စည်းစနစ်ကျတဲ့ အသိပညာရှာဖွေမှုတွေမှာ တက်တက်ကြွကြွ ရှိနေခဲ့ကြတဲ့ တစ်ခုတည်းသော လူသားမျိုးနွယ် အစိတ်အပိုင်းဖြစ်ခဲ့ပါတယ်။

( ၈ ) ရာစုအလယ်က စလို့ သိပ္ပံနဲ့ ပညာရေးဟာ ဘဂ္ဂဒက်မြို့တော်ကိုအခြေပြုတဲ့ တန်ခိုးကြီး အစ္စလာမ့် အင်ပါယာအောက်မှာ မွတ်စလင်တွေရဲ့ လွှမ်းမိုးမှုအဖြစ်နဲ့ အကြီးအကျယ်ထွန်းကားနေခဲ့ပါတယ်။ ဒီတိုးတက်မှုအနေအထားဟာ နောင် နှစ်ပေါင်း (၅ဝဝ) ကြာပြီးတဲ့အခါ မွတ်စလင်တွေ နိုင်ငံရေးအရ ကျဆင်းလာတဲ့ အချိန်ကိုကျော်လွန်ပြီးတဲ့တိုင်အောင် ရှိနေခဲ့ပါတယ်။

အစ္စလာမ့် တီထွင်ဆန်းသစ်မှုများ အဖြစ်နဲ့ ဖော်ပြသွားမယ့် ဆောင်းပါးတွေဟာ အစ္စလာမ့် ရွှေခေတ် ( The Golden Age of Islam) လို့ခေါ်တဲ့ ကာလတွေမှာ မွတ်စလင်တွေဟာ အသိပညာရှာဖွေရာမှာနဲ့ အရေးပါအရာရောက်လှတဲ့ လူ့သမိုင်းတိုးတက်ရေးတွေမှာ ဘယ်လောက်တောင် ထူးချွန်ပြောင်မြောက် စွာဖြည့်စွက်ခဲ့ကြသလဲ ဆိုတာကို ဖော်ပြသွားဖို့ရည်ရွယ်ပါတယ်။ သမိုင်းအရ အလယ်ခေတ် အရှေ့တိုင်းတွင် မွတ်စလင်များဘက်ပေါင်းစုံ တိုးတက်ထွန်းကားနေခိုက် အနောက်တိုင်း ခရစ်ယာန်နိုင်ငံများမှာ Dark Ages ဟုခေါ်သည့် အမှောင်ခေတ်များကို ဖြတ်သန်းနေရတာဖြစ်ပါတယ်။

အောင်သန်းလွင် (UCSY)

ဇွန် ၂ ၊ ၂၀၁၄
M-Media
Credit to -အောင်သန်းလွင် (UCSY)

ကျော်ကြားတဲ့ ဆင့်ပြန်ချက်တွေ အရ ” အလ္လာဟ်အရှင်မြတ်သည် ကိုယ်တိုင်လှပသော ဂုဏ်တော်များရှိသကဲ့သို့ လှပမှုကိုလည်း ချစ်ခင်မြတ်နိုးတော်မူသည် ” ဟု တမန်တော် မိုဟမ္မဒ် (ငြိမ်းချမ်းခြင်း သက်ရောက်ပါစေ) မိန့်ကြားကြောင်း သိရှိရပါတယ်။

ဒီမိန့်ကြားချက်က မွတ်စလင်တွေကို လက်ရေးလှ အတတ်ပညာအသုံးပြုပြီး “အလ္လာဟ်” နဲ့ အခြားဂုဏ်တော်တွေကို လှပစွာပုံဖော်ဖို့ တွန်းအား တစ်ခုဖြစ်စေခဲ့ပါတယ်။ လက်ရေးလှအတတ်ပညာဟာ ဗျာဒိတ်ရကျမ်းစာ ကုရ်အာန် ကျရောက်ခြင်းနဲ့အတူ မွတ်စလင်တွေရဲ့ စိတ်နှလုံးထဲက လှိုက်လှိုက်လှဲလှဲ တုံ့ပြန်ချက် အနေနဲ့ ပေါ်ထွက်လာတာလို့လည်း ပြောနိုင်ပါတယ်။ လက်ရေးလှအတတ်ပညာဟာ ကုရ်အာန် ကျမ်းစာ စာသားတွေကို လှပစွာ ပုံဖော်ရာကနေ အရာဝတ္ထုတွေ၊ အိမ်တွေ၊ ဗလီဝတ်ကျောင်းတော်တွေကို လှပစွာ ပုံဖော်ကြတဲ့အထိ ရွေ့လျားကျယ်ပြန့်လာပြီး ဗိသုကာပညာရပ် တစ်ခုအဖြစ် တိုးတက်လာခဲ့ပါတယ်။

ဂျီသြမေတြီ (အရာဝတ္ထုပုံစံ၊ အရွယ်အစား စသည်လေ့လာခြင်း) ပညာရပ်ဟာ မွတ်စလင် ကမ္ဘာရဲ့ အနုပညာရပ်မှာ အရေးပါတဲ့ အခန်းကဏ္ဍက ပါဝင်လာခဲ့ပါတယ်။ သူတို့ဟာ စက်ဝိုင်းတွေကို အခြေခံပြီး ထပ်တလဲလဲ ဆက်စပ်ခြင်း၊ ခေါက်ချိုးချခြင်း၊ အရွယ်အစားပြောင်းလဲခြင်း စတာတွေနဲ့ ထူးခြားပြီး လှပတဲ့ ပုံစံထွက်လာအောင် ဖန်တီးယူကြပါတယ်။ ဒီတင်မက မွတ်စလင် အနုပညာရှင်တွေဟာ ကနုတ်ပန်းတွေ(Arabesque) ပုံဖော်တဲ့ ထိအောင် ထူးချွန်ပြောင်မြောက်လာကြတယ်။ ကနုတ်ပန်းတွေဟာ ဂျီသြမေတြီ အနုပညာဖြစ်ပြီး များစွာသော မတူညီတဲ့ ပုံသဏ္ဍန် အရွယ်အစားတွေကို ဆက်စပ်တွဲယှက်ရတဲ့ ပညာရပ်ပဲဖြစ်ပါတယ်။

မွတ်စလင်တွေရဲ့ အသိဉာဏ် အဆင့်မြင့်မားပြီး ထူးချွန်ပြောင်မြောက်တဲ့ အနုပညာရပ်ရဲ့ ဥပမာအနေနဲ့ မကြာသေးမီကမှ တူရကီနိုင်ငံ အစ္စတန်ဗူမြို့ (Istanbul) မှာ ဖော်ထုတ်တွေ့ရှိရတဲ့ တော့ပ်ကာပီ စာလိပ် ( Topkapi Scroll ) က သက်သေခံနေပါတယ်။ အဲ့ဒီစာလိပ်ထဲမှာ နံရံတွေနဲ့ အမိုးခုံးတွေမှာ ပုံဖော်တဲ့ မတူညီတဲ့ ဂျီသြမေတြီ ပုံစံပေါင်း ( ၁၁၄ ) မျိုးပါဝင်နေတယ်။ အဲ့ဒါဟာ ( ၁၅ ) ရာစုနဲ့ ( ၁၆ ) ရာစုမှာ အလုပ်လုပ်ခဲ့တဲ့ များစွာသော အဆောက်အဦးဆောက်သူတွေ(ဗိသုကာပညာရှင်တွေ)ရဲ့ လက်ရာပဲဖြစ်ပါတယ်။

ကျော်ကြားတဲ့ ကြိုးထုံး မှန်ကူကွက် ပုံစံကို အင်္ဂလန် ဘုရင် ဟင်နရီ (King Henry VIII) ရဲ့ ရုပ်ပုံလွှာက ဝတ်ရုံအနားနဲ့ လိုက်ကာတွေမှာ ပုံဖော် အသုံးပြုထားတာကိုပုံပါ အတိုင်းတွေ့ရပါလိမ့်မယ်။

ကမ္ဘာကျော် အီတလီ ပန်းချီပန်းပု ဆရာ လီယိုနာဒို ဒါဗင်စီဟာ ကနုတ်ပန်းတွေ (Arabesque) ရဲ့ ရွှင်မြူးဖွယ်ကောင်းတဲ့ လက်ရာကို သိရှိပြီး ရှုပ်ထွေးခက်ခဲတဲ့ ပုံစံတွေကို အချိန်ပေးပြီး တွက်ထုတ်နေလေ့ရှိပါတယ်။

(1001 Inventions : Muslim Heritage in Our World)

အင်္ဂလန်နိုင်ငံ သိပ္ပံ၊နည်းပညာ နှင့် ယဉ်ကျေးမှု ဖောင်ဒေးရှင်းမှ ပုံနှိပ်သည်။ (Foundation for Science, Technology and Civilisation (FSTC), UK)

“ကျွန်ုပ်တို့ကမ္ဘာရှိ မွတ်စလင်များကပေးခဲ့သော အမွေအနှစ်များ” စာအုပ်မှ အကျဉ်းထုတ်နှုတ်ချက်
==========================
ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့၏ ဆန်းသစ် တီထွင်မှုများ – ၁ (စာသင်ကျောင်းများ) ဖတ်ရန်
http://www.m-mediagroup.com/news/27979

ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့ ၏ ဆန်းသစ်တီထွင်မှုများ – ၂ (ဓာတုဗေဒပညာရပ်)
http://www.m-mediagroup.com/news/28107

ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့ ၏ ဆန်းသစ်တီထွင်မှုများ – ၃ (ဆေးပညာ)
http://www.m-mediagroup.com/news/28166

(အစ္စလာမ့် တီထွင်ဆန်းသစ်မှုများကို ဖော်ပြရခြင်းအကြောင်း)

ယနေ့ကာလမှာ ကမ္ဘာ့လူသားထုတိုးတက်ရေးအတွက် အစ္စလာမ်ကမ္ဘာကပြုလုပ်ခဲ့တဲ့ အရေးပါအရာ ရောက်လှတဲ့ ဖြည့်စွက်ချက်တွေကို အသိ နည်းနေကြပါသေးတယ်။ နှစ်ပေါင်း ( ၅ဝဝ ) ကျော်မျှ အစ္စလာမ်က သိပ္ပံပညာရပ်တွေမှာ ကမ္ဘာကို ဦးဆောင်ခဲ့ရုံမျှမက စည်းစနစ်ကျတဲ့ အသိပညာရှာဖွေမှုတွေမှာ တက်တက်ကြွကြွ ရှိနေခဲ့ကြတဲ့ တစ်ခုတည်းသော လူသားမျိုးနွယ် အစိတ်အပိုင်းဖြစ်ခဲ့ပါတယ်။

( ၈ ) ရာစုအလယ်က စလို့ သိပ္ပံနဲ့ ပညာရေးဟာ ဘဂ္ဂဒက်မြို့တော်ကိုအခြေပြုတဲ့ တန်ခိုးကြီး အစ္စလာမ့် အင်ပါယာအောက်မှာ မွတ်စလင်တွေရဲ့ လွှမ်းမိုးမှုအဖြစ်နဲ့ အကြီးအကျယ်ထွန်းကားနေခဲ့ပါတယ်။ ဒီတိုးတက်မှုအနေအထားဟာ နောင် နှစ်ပေါင်း (၅ဝဝ) ကြာပြီးတဲ့အခါ မွတ်စလင်တွေ နိုင်ငံရေးအရ ကျဆင်းလာတဲ့ အချိန်ကိုကျော်လွန်ပြီးတဲ့တိုင်အောင် ရှိနေခဲ့ပါတယ်။

အစ္စလာမ့် တီထွင်ဆန်းသစ်မှုများ အဖြစ်နဲ့ ဖော်ပြသွားမယ့် ဆောင်းပါးတွေဟာ အစ္စလာမ့် ရွှေခေတ်လို့ခေါ်တဲ့ ကာလတွေမှာ မွတ်စလင်တွေဟာ အသိပညာရှာဖွေရာမှာနဲ့ အရေးပါအရာရောက်လှတဲ့ လူ့သမိုင်း တိုးတက်ရေးတွေမှာ ဘယ်လောက်တောင် ထူးချွန်ပြောင်မြောက်စွာဖြည့်စွက်ခဲ့ကြသလဲ ဆိုတာကို ဖော်ပြသွားဖို့ရည်ရွယ်ပါတယ်။

အောင်သန်းလွင် (UCSY)

မေ ၂၈၊ ၂၀၁၄
M-Media
Credit to -အောင်သန်းလွင် (UCSY)

အာရဗ်မွတ်စလင်တွေရဲ့ ရှေးဦးဆေးပညာရပ်ဆိုင်ရာ အတွေးအခေါ်တွေ လှပစွာဝေဆာပွင့်ဖူးခဲ့တဲ့ကာလဟာ ( ၉ ) ရာစုမတိုင်ခင်မှာပဲ အစပြုနေပြီဖြစ်တယ်။

ပထမဦးဆုံး ထင်ရှားစွာပေါ်ထွက်လာတဲ့ ဆေးပညာရပ်ဆိုင်ရာ စွမ်းဆောင်မှုကတော့ အိဗ်နေ့ ဇကရီယာ အယ်လ် ရာဇီ (Ibn Zakaria Al-Razi) ရဲ့လက်ရာပဲဖြစ်ပါတယ်။ ဆေးပညာရပ်အပေါ် အထူးဂရုပြုခဲ့တဲ့ သူ့ကိုပဲ အနောက်တိုင်းက ရာဇတ်စ် (Rhazes) လို့သိကြပါတယ်။ သူ့ကို အစ္စလာမ့် ဆေးပညာရဲ့ အတော်ဆုံး လက်တွေ့ကုသခြင်းဆိုင်ရာသမားတော်အဖြစ်သာမက အကြီးကျယ်ဆုံး အတွေးအခေါ်ပညာရှင်အဖြစ်ပါ အသိအမှတ်ပြုကြပါတယ်။

စာအုပ်အရေအတွက်ပေါင်း ( ၂၃၇ ) အုပ်ခန့်ထုတ်ဝေခဲ့တဲ့ စာရေးကောင်းသူဖြစ်ပြီး အဲ့ဒီထဲက တစ်ဝက်ကျော်ဟာ ဆေးပညာနဲ့ စပ်ဆိုင်ပါတယ်။ ” ကလေးရောဂါများ ” (The diseases of children) လို့အမည်ရတဲ့ သူရေးသားတဲ့ စာအုပ်ဟာ အချို့သမိုင်း ပညာရှင်များအဖို့ ကလေးဆေးပညာရဲ့ ဖခင်လို့တောင် သတ်မှတ်ခေါ်ဝေါ်ရစေပါတယ်။

အယ်လ်ရာဇီ ဟာ ဓာတ်မတည့်ခြင်းနဲ့ဆိုင်တဲ့ အဖျားရောဂါ (Hay Fever) ကို ပထမဦးဆုံး တိတိကျကျ  သတ်မှတ်နိုင်တဲ့ သူဖြစ်ပြီး အဲ့ဒီ အဖျားရောဂါဖြစ်ရခြင်း အကြောင်းအရင်းကိုလည်း ဖော်ထုတ်နိုင် ခဲ့သူဖြစ်ပါတယ်။ ကျောက်ကပ် ကျောက်တည်ခြင်းနဲ့ ပတ်သက်တဲ့ သူ့ရဲ့ရေးသားမှုတွေဟာလည်း ဂန္ထဝင် လက်ရာ အဖြစ်ရှိခဲ့ပါတယ်။

ဒါ့အပြင် ယားနာတွေကို ကုသဖို့အတွက် ဆေးဖယောင်းချက်( Mercurial Ointment) တွေကို အဦးဆုံး မိတ်ဆက်ပေးတဲ့နေရာမှာ အခရာကျသူလည်းဖြစ်ပြန်ပါတယ်။ သူပြုစုတဲ့ အရေးပါတဲ့ ပထမဦးဆုံး  သုတေသနကျမ်းကတော့ အပိုင်း ( ၁ဝ ) ပိုင်း ပါဝင်တဲ့ အယ်လ် ကေတာဗ် အယ်လ် မန်ဆူရီ (Al-Kitab, Al-Mansuri) ဆိုတဲ့ကျမ်းပဲဖြစ်ပါတယ်။

အဲ့ဒီကျမ်းထဲမှာ ယေဘူယျ ဆေးပညာ သဘောတရားနဲ့ အဓိပ္ပာယ်ဖွင့်ဆိုချက်တွေ၊ အစားအသောက် နဲ့ ဆေးဝါးတို့ လူ့ခန္ဓာကိုယ်ကို အကျိုးသက်ရောက်ပုံ၊ မိခင်နဲ့ ကလေးစောင့်ရှောက်ခြင်း၊ အရေပြားရောဂါများ၊ ခံတွင်း သန့်ရှင်းရေး၊ ရာသီဥတုနဲ့ သဘာဝ ပတ်ဝန်းကျင်၏ လူ့ကျန်းမာရေးအပေါ် အကျိုးသက်ရောက်မှုများ၊ အရေပြား အပေါ်ယံလွှာနဲ့ အဆိပ်အတောက်ဖြစ်ခြင်း စတဲ့ ဆေးပညာရပ်ဆိုင်ရာ ကျယ်ပြန်တဲ့ သဘောတရားတွေကိုပြုစုထားပါတယ်။ အယ်လ်ရာဇီ ဟာ ပထမဆုံး  ကျောက်နဲ့ ဝက်သက်ရောဂါတွေ အတွက် အယ်လ် ဂျူဒါရီ ဝါ အယ်လ် ဟက်စ်ဗာ (Al-Judari wa al Hasbah) ဆိုတဲ့ သုတေသနကျမ်းကို ပြုစုခဲ့သူလည်းဖြစ်ပါတယ်။

အနောက်တိုင်းတွင် အဗီစီးနား (Avicena) လို့ကျော်ကြားတဲ့ ( ၁ဝ ) ရာစု က မွတ်စလင် သမားတော် အိဗ်နေ့ စီနာ ကိုတော့ သူ့ရဲ့ ခေတ်ပြိုင်တွေက “သမားတော်အရာမှာ အိမ်ရှေ့စံ” လို့ဖော်ပြကြပါတယ်။ သူဟာ ဆေးပညာနဲ့ ဆိုင်တဲ့ စာအုပ်ပေါင်း ( ၂ဝ )  ကျော်ရေးသားခဲ့ပါတယ်။ အဲ့ဒီထဲက တစ်အုပ်ကတော့ အယ်လ် ကေတာဗ် အယ်လ် ရှီဖာ (Al-Kitab Al-Shifa) ( သို့ ) အနာရောဂါပျောက်ကင်းရာကျမ်း (The book of Healing) လို့ခေါ်တဲ့ ဆေးပညာနဲ့ အတွေးအခေါ်ဆိုင်ရာ စွယ်စုံကျမ်း ပဲဖြစ်ပါတယ်။ ဒါပေယ့် သူ့ရဲ့ အထွတ်အထိပ် လက်ရာကတော့ အယ်လ် ကင်နွန် ဖီ အယ်လ် တစ်ဗ် (Al-Qanun fi al-Tibb) လို့ခေါ်တဲ့ ဆေးပညာရပ်ဆိုင်ရာ ညွန့်ပေါင်းကျမ်း (The Canon of Medicine) ပဲဖြစ်ပါတယ်။ စကားလုံးရေပေါင်း ( ၁ ) သန်း လောက်ပါဝင်တဲ့ အဲ့ဒီကျမ်းဟာ ရှိပြီးသား ဆေးပညာရပ်တွေကို အစီစဉ်တကျ ပြန်လည်စုစည်းထားတာ ပဲဖြစ်ပါတယ်။ အိဗ်နေ့ စီနာ ဟာ ခန္ဓာဗေဒ၊ ဇီဝကမ္မဗေဒ၊ဆေးဝါးဗေဒ၊ ရောဂါရှာဖွေရေး၊ ကုသရေး စတဲ့ အချက်အလက် အသီးသီးကို ပြန့်ကျဲနေတဲ့အကြောင်းအရာတွေ အဖြစ်ကနေ နေရာတကျဖြစ်အောင် အားထုတ် စုစည်းခဲ့တာဖြစ်ပါတယ်။

ညွန့်ပေါင်းကျမ်း( The Canon ) ထဲမှာ အစားအသောက် အဟာရရဲ့ အရေးကြီးပုံ၊ ရာသီဥတုနဲ့ ပတ်ဝန်းကျင်ဟာ ကျန်းမာရေးအပေါ် လွှမ်းမိုးပုံတို့ကို အလေးပေးဖော်ပြထားပါတယ်။ ဒီထဲမှာ ခွေးရူးပြန်ရောဂါ၊ မုတ်ရောဂါ၊ ရင်သားကင်ဆာ၊ အကျိတ်၊ ကိုယ်ဝန် အဆိပ်တက်ခြင်းနှင့် ကုသခြင်းတွေ အကြောင်း ဆွေးနွေးချက် စတာတွေလည်း ပါဝင်ပါတယ်။ အိဗ်နေ့ စီနာ ဟာ ကျောက်ကပ်ရောင်ရမ်းခြင်း၊ မျက်နှာအရေပြားများ လျော့ရဲခြင်း၊ အစာအိမ် အချဉ်ပေါက်ခြင်း၊ အသည်းရောင်ရမ်းခြင်း အမျိုးအစားများစွာနဲ့ ၎င်းဖြစ်ရခြင်းအကြောင်းရပ်များကို ဖော်ပြခဲ့ပါတယ်။ ညွန့်ပေါင်းကျမ်းမှာ ဆေးဖက်ဝင် အပင်ပေါင်း (၇၆ဝ) ခန့်နဲ့ အဲ့ဒီကနေ ဖော်ထုတ်လို့ရနိုင်တဲ့ ဆေးဝါးပေါင်း များစွာကိုဖော်ပြထားပါတယ်။ ဒီကျမ်းဟာ ချက်ချင်းဆိုသလိုပဲ အစ္စလာမ်ကမ္ဘာရဲ့ ဆေးပညာရပ်ဆိုင်ရာ စံပြုရာ အညွှန်းကျမ်းဖြစ်လာခဲ့ပါတယ်။ ဥရောပ ဆေးပညာကျောင်းများတွင်လည်း အိဗ်နေ့ စီနာ (အဗီစီးနား) ရဲ့ ညွှန့်ပေါင်းကျမ်းကို ( ၁၇ ) ရာစုတိုင် ပြဌာန်း ကျမ်းစာအဖြစ် အသုံးပြုခဲ့ကြပါတယ်။

(1001 Inventions : Muslim Heritage in Our World)

အင်္ဂလန်နိုင်ငံ သိပ္ပံ၊နည်းပညာ နှင့် ယဉ်ကျေးမှု ဖောင်ဒေးရှင်းမှ ပုံနှိပ်သည်။ (Foundation for Science, Technology and Civilisation (FSTC), UK)

“ကျွန်ုပ်တို့ကမ္ဘာရှိ မွတ်စလင်များကပေးခဲ့သော အမွေအနှစ်များ” စာအုပ်မှ အကျဉ်းထုတ်နှုတ်ချက်
==========================
ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့၏ ဆန်းသစ် တီထွင်မှုများ – ၁ (စာသင်ကျောင်းများ) ဖတ်ရန်
http://www.m-mediagroup.com/news/27979

ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့ ၏ ဆန်းသစ်တီထွင်မှုများ – ၂ (ဓာတုဗေဒပညာရပ်)
http://www.m-mediagroup.com/news/28107

(အစ္စလာမ့် တီထွင်ဆန်းသစ်မှုများကို ဖော်ပြရခြင်းအကြောင်း)

ယနေ့ကာလမှာ ကမ္ဘာ့လူသားထုတိုးတက်ရေးအတွက် အစ္စလာမ်ကမ္ဘာကပြုလုပ်ခဲ့တဲ့ အရေးပါအရာ ရောက်လှတဲ့ ဖြည့်စွက်ချက်တွေကို အသိ နည်းနေကြပါသေးတယ်။ နှစ်ပေါင်း ( ၅ဝဝ ) ကျော်မျှ အစ္စလာမ်က သိပ္ပံပညာရပ်တွေမှာ ကမ္ဘာကို ဦးဆောင်ခဲ့ရုံမျှမက စည်းစနစ်ကျတဲ့ အသိပညာရှာဖွေမှုတွေမှာ တက်တက်ကြွကြွ ရှိနေခဲ့ကြတဲ့ တစ်ခုတည်းသော လူသားမျိုးနွယ် အစိတ်အပိုင်းဖြစ်ခဲ့ပါတယ်။

( ၈ ) ရာစုအလယ်က စလို့ သိပ္ပံနဲ့ ပညာရေးဟာ ဘဂ္ဂဒက်မြို့တော်ကိုအခြေပြုတဲ့ တန်ခိုးကြီး အစ္စလာမ့် အင်ပါယာအောက်မှာ မွတ်စလင်တွေရဲ့ လွှမ်းမိုးမှုအဖြစ်နဲ့ အကြီးအကျယ်ထွန်းကားနေခဲ့ပါတယ်။ ဒီတိုးတက်မှုအနေအထားဟာ နောင် နှစ်ပေါင်း (၅ဝဝ) ကြာပြီးတဲ့အခါ မွတ်စလင်တွေ နိုင်ငံရေးအရ ကျဆင်းလာတဲ့ အချိန်ကိုကျော်လွန်ပြီးတဲ့တိုင်အောင် ရှိနေခဲ့ပါတယ်။

အစ္စလာမ့် တီထွင်ဆန်းသစ်မှုများ အဖြစ်နဲ့ ဖော်ပြသွားမယ့် ဆောင်းပါးတွေဟာ အစ္စလာမ့် ရွှေခေတ်လို့ခေါ်တဲ့ ကာလတွေမှာ မွတ်စလင်တွေဟာ အသိပညာရှာဖွေရာမှာနဲ့ အရေးပါအရာရောက်လှတဲ့ လူ့သမိုင်း တိုးတက်ရေးတွေမှာ ဘယ်လောက်တောင် ထူးချွန်ပြောင်မြောက်စွာဖြည့်စွက်ခဲ့ကြသလဲ ဆိုတာကို ဖော်ပြသွားဖို့ရည်ရွယ်ပါတယ်။

အောင်သန်းလွင် (UCSY)