News @ M-Media

Tag: IslamicArt

  • ကာတာရှိ ပညာရေးမြို့တော်မှ အစ္စလာမ့်ရေးရာဌာနနှင့် ဗလီဝတ်ကျောင်းတော်

    ကာတာရှိ ပညာရေးမြို့တော်မှ အစ္စလာမ့်ရေးရာဌာနနှင့် ဗလီဝတ်ကျောင်းတော်

    မေ-၈ ၊ ၂၀၁၅
    M-Media
    လေးမောင် တင်ဆက်သည်။
    .1B8A9838-771x514
    – ၃ နှစ်တာ ထူးထူးခြားခြား ကြိုးပမ်းမှုတွေ ပြုလုပ်ပြီးနောက် ကာတာရဲ့ ပညာရေးမြို့တော်မှာ ကာတာအစ္စလမ့်ရေးရာ လေ့လာမှုဌာနက ၎င်းတို့တည်ဆောက်ထားတဲ့ ပထမဆုံး ဗလီဝတ်ကျောင်းတော်ကို ဖွင့်လှစ်လိုက်ပါတယ်။ အဲဒီ ပညာရေးမြို့တော်ကို ကာတာဖောင်ဒေးရှင်းက စီစဉ် တည်ဆောက်တာဖြစ်ပါတယ်။
    .
    အစ္စလာမ့်ရေးရာလေ့လာမှုဌာန အဆောက်အဦးနဲ့ တွဲလျက်ရှိတဲ့ အဲဒီဗလီဝတ်ကျောင်းတော်မှာ ပြီးခဲ့တဲ့ သောကြာနေ့ ၀တ်ပြုမှုကို စတင်ခဲ့ပြီး ကျောင်းသားရာပေါင်းများစွာနဲ့ ကာတာဖောင်ဒေးရှင်း ဥက္ကဌ ရှိခ်ခါ မိုဇာ ဘင်သေ နဆီးရ်လည်း တက်ရောက်ခဲ့ပါတယ်။
    .
    အဖြူရောင်လှိုဏ်ဂူကြီးပုံစံ တည်ဆောက်ထားပြီး ကြီးမားတဲ့ မျက်နှာကျက်တွေမှာ ကုရ်အာန်ကျမ်းတော်မြတ်က ပါဒတော်တွေကို ဖောင်းကြွစာသားအလှတွေနဲ့ ရေးချယ်ထားကာ ရုတ်တရတ်ကြည့်လိုက်ရင် ကောင်းကင်က ကြယ်လေးတွေ မှိတ်တုတ်မှိတ်တုတ် ဖြစ်နေတဲ့ ပုံစံမျိုး မြင်တွေ့ရမယ့် မီးအလှတွေကိုလည်း အဲဒီဗလီဝတ်ကျောင်းတော်ထဲမှာ တပ်ဆင်ထားပါတယ်။
    .
    အဲဒီဗလီဝတ်ကျောင်းတော်ရဲ့ အတွင်းဘက် ၀တ်ပြုဆောင်နဲ့ အပြင်ဘက် ရင်ပြင်တွေမှာ ၀တ်ပြုသူဦးရေ ၁၈၀၀ လောက် တစ်ကြိမ်တည်း ၀တ်ပြုနိုင်ပါတယ်။
    .
    အောက်ထပ်မှာ အဓိက (အမျိုးသား) ၀တ်ပြုဆောင်ရှိပြီး စာအုပ်တွေမဖြည့်တင်းရသေးတဲ့ စာကြည့်တိုက်တစ်ခုနဲ့ ရွှေချထားတဲ့ မဟ်ရဘ် (၀တ်ပြုမှုကို ရှေ့ဆောင်ဦမာမ်က ဦးဆောင်ရသည့် အခန်းငယ်) တစ်ခု ရှိပါတယ်။ အဲဒီမဟ်ရဘ်ရဲ့ ဘေးပတ်လည်မှာတော့ ကုရ်အာန်ကျမ်းတော်မြတ်ရဲ့ ပါဒတော်ကို ရေးသား ချယ်မှုန်းထားပါတယ်။
    .
    အပေါ်ထပ်မှာတော့ အမျိုးသမီးဝတ်ပြုဆောင်ရှိပြီး သီးခြား ထိုင်လို့ရတဲ့နေရာတွေကိုလည်း လုပ်ပေးထားပါတယ်။
    .
    အဲဒီ ဗလီဝတ်ကျောင်းတော်ကို တိုင်ကြီး ၅ တိုင်နဲ့ တည်ဆောက်ထားတာဖြစ်ပြီး၊ ဗလီဝတ်ကျောင်းတော်ရဲ့အောက်မှာတော့ စမ်းချောင်း ၄ ခု စီးဆင်းနေပါတယ်။ အဲဒီစမ်းချောင်းတွေဟာ ဗလီဝတ်ကျောင်းတော် အနီးအနားမှာ တည်ဆောက်ထားတဲ့ ပန်းဥယျာဉ်ကနေ စီးဆင်းလာတာ ဖြစ်ပါတယ်။
    .
    ဒီအဆောက်အဦးတစ်လုံးကို ဆောက်လုပ်ခဲ့တဲ့ Art Scape ကုမ္ပဏီ ဖြစ်ပါတယ်။

    ဗလီဝတ်ကျောင်းတော်ရဲ့ တိုင်ငါးတိုင်ကတော့ အစ္စလာမ့်ရဲ့ မဏ္ဍိုင်ကြီး ငါးခုကို ကိုယ်စားပြုတာ ဖြစ်ပါတယ်။
    .
    အဲဒီဗလီဝတ်ကျောင်းတော် အပြင်ဘက် တစ်ဖက်တစ်ချက်မှာတော့ မင်နာရတ် (၀တ်ပြုရန် ဖိတ်ခေါ်သည့် မျှော်စင်) ၂ ခုကို တည်ဆောက်ထားပြီး မက္ကာမြို့ကို ဦးတည်ထားတဲ့ အဲဒီ မင်နာရတ် ၂ ခုရဲ့အမြင့်ဟာ မီတာ ၉၀ ရှိပါတယ်။
    .
    အစ္စလာမ့် လက်ရေးလက်သား အလှအပပုံစံတွေကတော့ ဒီအဆောက်အဦး ရဲ့ နှလုံးသားဖြစ်ပြီး ခေါင်မိုး၊ နံရံကြွေပြားတွေက စလို့ မှန်ပြတင်းပေါက်တွေအထိ ဗလီဝတ်ကျောင်းတော်ရဲ့ နေရာတိုင်း မှာ ရေးသား ချယ်မှုန်းထားပါတယ်။
    .

    1B8A9769-771x514
    အစ္စလာမ့်ရေးရာ လေ့လာမှု ဌာန
    ———————————
    ဗလီဝတ်ကျောင်းတော်အပြင် ဒီအဆောက်ဦးဟာ ကျောင်းသားပေါင်း ၁၁၄ ဦး တက်ရောက်သင်ကြားနိုင်မယ့် အစ္စလာမ့်ရေးရာ လေ့လာမှု ဌာနလည်း ဖြစ်ပါတယ်။ စာသင်ခန်း ၅၄ ခု၊ ဆရာတွေရဲ့ ရုံးခန်းတွေနဲ့ စာကြည့်တိုက်တို့ ပါဝင်ပြီး အဲဒီအခန်းတွေတိုင်းမှာ သမိုင်းဆိုင်ရာ၊ ရုက္ခဗေဒဆိုင်ရာနဲ့ သိပ္ပံဆိုင်ရာ စာတန်းတွေကို ရေးသားထာပါတယ်။
    .
    စာကြည့်တိုက်မှာတော့ စာအုပ်ပေါင်း ၁ သိန်းလောက် ထားဖို့ရှိပါတယ်။
    .
    လက်ရှိအချိန်မှာတော့ ဒီဌာနဟာ ဖေကဟ်ပညာ(ဓမ္မသတ်ပညာ)၊ အစ္စလာမ့် ပြည်သူ့ရေးရာ ပေါ်လစီ၊ အစ္စလာမ့်ဘဏ္ဍာရေး၊ ခေတ်ပြိုင် မွတ်စလင်လူ့အဖွဲ့အစည်းနှင့် အတွေးအခေါ်များ၊ အစ္စလာမ့်လူ့အဖွဲ့စည်းများ၏ မြို့ပြဒီဇိုင်းနှင့် ဗိသုကာပညာ၊ ဘာသာတရားများ နှိုင်းယှဉ်မှုဆိုင်ရာ အစ္စလာမ့်ရေးရာလေ့လာမှု စတဲ့ ဘာသာရပ်တွေမှာ မာစတာဘွဲ့အထိ ပေးအပ်သွားမှာဖြစ်ပါတယ်။
    .
    အစ္စလာမ့်ဘဏ္ဍာရေး၊ အစ္စလာမ့်ပြည်သူ့ရေးရာ ပေါ်လစီနဲ့ အစ္စလာမ့်ရေးရာ လေ့လာမှု စတဲ့ ဘာသာရပ် ၃ မျိုးအတွက်ကိုလည်း ဒီပလိုမာ ပေးအပ်သွားမှာ ဖြစ်ပါတယ်။
    .
    အဲဒီဆောက်အဦးမှာ သုတေသနစင်တာ ၅ ခုပါဝင်ပြီး အစ္စလာမ့် အလယ်အလတ်နှင့် ပြန်လည်ဆန်းသစ်ခြင်းဆိုင်ရာ အလ်ကွာရာဒါဝီ စင်တာ၊ အစ္စလာမ့်စီးပွားရေးနှင့် ဘဏ္ဍာရေးစင်တာ၊ ခေတ်ပြိုင်မွတ်စလင် လူ့အဖွဲ့အစည်းများ လေ့လာမှုဆိုင်ရာ စင်တာ၊ ခေတ်မီလူ့အဖွဲ့အစည်း အတွက် မွတ်စလင်များ၏ ကူညီ ပံ့ပိုးပေးမှုဆိုင်ရာ မိုဟာမက် ဘင် ဟာမဒ် အလ် သာနီ စင်တာနဲ့ အစ္စလာမ့် ဥပေဒတွေနဲ့ ကျင့်ဝတ်တွေကို ဖြေရှင်းပေးဖို့ ၂၀၁၁ ခုနှစ်မှာ ဖွဲ့စည်းခဲ့တဲ့ အစ္စလာမ့် ဥပဒေနှင့် ကျင့်ဝတ်ကျင့်ထုံးဆိုင်ရာ စင်တာတို့လည်း ပါဝင်ပါတယ်။
    .
    Ref: Doha News
    Photo by-Chantelle D’mello

    1B8A9754-771x514 1B8A9757 1B8A9810-771x514 1B8A9842-771x514 1B8A9858-771x514 B8A9788

  • ဂုဏ်ယူဖွယ်ရာ အစ္စလာမ့် လက်ရေးလှ Calligraphy အတတ်ပညာရပ်

    ဧပြီ ၂၉ ၊ ၂၀၁၄
    M-Media
    .ဆွေမွန်ရေးသားသည်။

    ဂုဏ်ယူဖွယ်ရာ အစ္စလာမ့် လက်ရေးလှ Calligraphy အတတ်ပညာရပ် (သို့) အစ္စလာမ့်ယဉ်ကျေးမှု၌သာ သီးသန့်ထွန်းကားနေဆဲဖြစ်သော လက်ရေးလှ Calligraphy အတတ်ပညာရပ်

    Calligraphy

    လက်ရေးလှ Calligraphy အတတ်ပညာရပ်ကို Oxford Advanced Learners’ အဘိဓာန်မှာ Beautiful handwriting that you do with a special pen or brush / The art of producing this လို့ ဖွင့်ပါတယ်။ အစ္စလာမ့်လက်ရေးလှ အတတ်ပညာရပ်ကို အာရဗီလက်ရေးလှ အတတ်ပညာရပ်လို့လည်း လူသိများကြပါသေးတယ်။ တကယ့်ကို အနုပညာမြောက်အောင် ရေးသားရတဲ့ ပညာရပ် တစ်ခုဖြစ်သလို တစ်ချို့စာလုံးတွေကို ရေးသားဖို့ လနဲ့ချီပြီး အချိန်ပေးကာ ရေးဆွဲရပါတယ်။ အစ္စလာမ့် လက်ရေးလှ အတတ်ပညာရပ်ဟာ ကမ္ဘာ့မွတ်ဆလင်မ် အားလုံး လွယ်ကူစွာ ဖတ်တတ်ကြတဲ့ အာရဗီစာလုံးတွေကိုပဲ အခြေခံကာ ရေးဆွဲသားရသလို ဖန်ဆင်းရှင် အလ္လာဟ်အရှင်ရဲ့ အမည်နာမံတော်တွေ၊ ဂုဏ်တော်တွေ၊ ကျမ်းတော်မြတ် ကုရ်အာန်လာ ကျမ်းချက်တွေ၊ အစ္စလာမ့်ယုံကြည်ချက်တွေ၊ ကဆွီဒါကဗျာတွေ၊ စကားပုံစတာတွေကို လက်ရာမြောက်စွာ လက်ရေးသီးသန့်နဲ့ပဲ တီထွင်ရေးသားရပါတယ်။

    အာရပ်၊ ပါရှန်၊ အော်တိုမန် လက်ရေးလှ အတတ်ပညာရပ်တွေဟာ ဗလီဝတ်ကျောင်းတော်တွေရဲ့ နံရံတွေ၊ မျက်နှာကျက်တွေကို အလှတန်ဆာဆင်ခဲ့ကြတဲ့ အာရပ်အနုပညာဒီဇိုင်းတွေနဲ့ များစွာ ဆက်နွယ်လျက်ရှိခဲ့ပါတယ်။ အစ္စလာမ့်လက်ရေးလှ အတတ်ပညာရပ်ဟာ ကျန်တဲ့အစ္စလာမ့် အနုပညာလက်ရာတွေကြားထဲမှာတော့ တကယ့်စွဲမှတ်အထင်ကြီးစရာ ပညာရပ်တစ်ခုဖြစ်ရတာက ကျမ်းတော်မြတ်ကုရ်အာန်က ကျမ်းချက်တွေကိုပဲ အခြေခံကျကျရေးဆွဲမှုကို ထိန်းသိမ်း မူမပျက်စေတဲ့ အကြောင်းတရားကြောင့်ပဲ ဖြစ်ပါတယ်။ ရုပ်ပုံတွေနဲ့ပုံဖော်တင်စားတဲ့ လက်ရေးလှအတတ်ပညာရပ်ဟာ အနုပညာပုံဖော်ခြင်းတစ်ရပ်အနေနဲ့ ခောတ်စားလာခဲ့ပေမယ့်လည်း ဘာသာရေးဆိုင်ရာ ကျမ်းချက်တွေကိုပဲ ရုပ်ပုံအနေနဲ့ အဓိကထားကာ ရေးဆွဲနေကြဆဲဖြစ်ပါတယ်။

    အာရဗီလက်ရေးလှ စာလုံးပုံစံတွေဟာ သူတို့အစပြုရာမြို့အမည်တွေကို အစွဲပြုပြီး ကူဖစ်ပုံစံ၊ ကာလဘ်တီပုံစံ၊ ဟီဂျာဇီပုံစံ၊ ပါရှန်ပုံစံစသည်ဖြင့် ခွဲခြားသလို တီထွင်ရေးသားသူတွေရဲ့ အမည်တွေကို အစွဲပြုပြီး ကာလယာကိုတာပုံစံ၊ ရီဟာနီပုံစံ၊ ဂဇ်လာနီပုံစံစသည်ဖြင့် ကွဲပြားကြပါသေးတယ်။

    ကူဖစ်ပုံစံလက်ရေးလှစာလုံးတွေဟာ ရိုးရှင်းတယ်၊ ဂျီသြမေထြီပုံစံကျတယ်၊ ရိုးရှင်းတဲ့ ကာရံတွေကို ရေညီမျဉ်းတွေနဲ့ ရေးသားလေ့ရှိပါတယ်။ သရစာလုံးတွေကို အနီရောင်အစက်တွေနဲ့ ရေးပြီး ဗျည်းတွေကို မျဉ်းတိုတွေနဲ့ ဖတ်ရလွယ်အောင် ခွဲခြားပေးပါတယ်။ တူနီးရှားနိုင်ငံ၊ ကိုင်ရိုအန်မြို့က ဗလီကြီးမှာ ကူဖစ်ပုံစံရေးထွင်းထားတဲ့ လက်ရေးလှစာလုံးတွေကို မြင်နိုင်သေးသလို ရှေးဟောင်း ဒင်္ဂါးပြားတွေမှာလည်း ကူဖစ်လက်ရေးလှတွေကို မြင်နိုင်ပါတယ်။ မဂ်ရီဗီ နဲ့ အန်ဒလူစီ မူကွဲတွေဟာ အကွေ့အကောက်တွေ ပိုမိုပါဝင်တဲ့ ကူဖစ်လက်ရေးလှပုံစံကွဲတွေဖြစ်ပါတယ်။ ကုရ်အာန်ကျမ်းတော်မြတ် နဲ့ အထောက်အထားတွေကို ရေးသားကြရာမှာ ပိုပြီးကွေ့ကောက်မှုတွေပါဝင်တဲ့ ကူဖစ်လက်ရေးလှတွေ အစားထိုးဝင်ရောက်ခဲ့ပြီ ဖြစ်ပါတယ်။

    နက်ရ်ှခ်လက်ရေးလှပုံစံကို ပါရှန်လူမျိုးဖြစ်တဲ့ Ibn Muqla Shirazi (d. 939) က ၁၀ ရာစုနှစ်မှာ ဦးဆောင်စတင်ခဲ့ပြီး သူ့ရဲ့ဆက်ခံသူတွေဖြစ်တဲ့ Ibn al-Bawwab (d. 1022) နဲ့ Yaqut al-Musta’simi (d. 1298) တို့က ပိုမိုကောင်းမွန်အောင် ပြုပြင်ရေးသားခဲ့ကြပါတယ်။ နက်ရ်ှခ်လက်ရေးလှပုံစံဟာ ပိုပြီး ရေးရ ဖတ်ရတာလွယ်ကူတဲ့အတွက် အစောပိုင်းကူဖစ်ပုံစံတွေထက် လူကြိုက်များခဲ့ကာ တန်ဆာဆင်ယင်တဲ့ ရည်ရွယ်ချက်တွေလည်း ပိုမိုပါဝင်လာခဲ့ပါတယ်။ နက်ရ်ှခ်လက်ရေးလှပုံစံဟာ ယခုအချိန်မှာတော့ ပြန့်နှံ့မှုအကောင်းဆုံးဖြစ်နေပြီး ကုရ်အာန်ကျမ်းတော်မြတ်ကို လက်ရေးလှရေးသားရာမှာ တရားဝင်ရုံးသုံးပုံစံဖြစ်နေပါပြီ။ ၁၇ ရာစုရဲ့ အထင်ရှားဆုံးနက်ရ်ှခ် လက်ရေးလှရေးဆွဲ သူကတော့ အော်တိုမန် လက်ရေးလှရေးဆွဲသူတစ်ဦးဖြစ်တဲ့ ဟာဖဇ် အွတ်ဆမန်ပဲဖြစ်ခဲ့ပါတယ်။ သူ့ရဲ့ လက်ရေးလှရေးဆွဲဟန်တွေဟာ ယနေ့ကျမ်းတော်မြတ် ကုရ်အာန်ပုံနှိပ် စာလုံးတွေရဲ့ အခြေခံဖြစ်ခဲ့ပါတယ်။

    တူလု့တ်လက်ရေးလှပုံစံကတော့ အခက်အနွယ်တွေနဲ့ ရှည်လျားလှတဲ့ ထောင်လိုက်မျဉ်းတွေသုံးကာ ပိုမိုအားရှိတဲ့ဖက်ကို ယိမ်းခဲ့ပါတယ်။ တူလု့တ်လက်ရေးလှပုံစံကို ၁၄ ရာစုကုန် ၁၅ ရာစုဆန်းစကာလတွေမှာ မာမ်းလုက်မျိုးနွယ်တွေက သုံးစွဲခဲ့ကြပါတယ်။ စွဲမက်စရာကောင်းလှတဲ့ ဒီလက်ရေးလှပုံစံတွေဟာ တူရကီနိုင်ငံက ဟူဆီရင် နဲ့ ဖူအတ်ဘာဆာဒေသတွေမှာ ရှင်သန်နေဆဲပါ။

    တာဝ်ကီလက်ရေးလှပုံစံဟာ အဘာဆစ်ဒ်ခါလီဖာတွေ လက်ထက်မှာ ပေါ်ပေါက်ထွန်းကားခဲ့ပါတယ်။ တရားဝင်ဥပဒေတွေကို ပြဌာန်းရာမှာ တရားဝင်သုံးစွဲခဲ့ကြပြီး ရှည်လျားလှတဲ့ဒေါင်လိုက်မျဉ်းကြီးတွေ၊ ကျယ်ပြန့်ကားလှတဲ့ အကွေ့ပုံစံတွေနဲ့တာဝ်ကီလက်ရေးလှပုံစံကတော့ အသုံးနည်းလျက်ရှိနေပါတယ်။ ရစ်ကာအာလက်ရေးလှပုံစံကတော့ တာဝ်ကီလက်ရေးလှပုံစံရဲ့သေးငယ်တဲ့မူကွဲပုံစံတစ်မျိုးပါ။

    ၁၇ ရာစုနောက်ပိုင်းမှာတော့ ပိုမိုပြီးအကွေ့အကောက်တွေနဲ့ တန်ဆာဆင်ယင်ထားတဲ့ အာရဗီလက်ရေးလှ စာလုံးပုံစံတွေဟာ တူရကီ နဲ့ ပါရှန်းမြေတွေမှာ ထွန်းကားလာခဲ့ပြန်ပါတယ်။ နာစ်တာလစ်က်လက်ရေးလှပုံစံ၊ ရှီကားစ်တက်လက်ရေးလှပုံစံစသည်ဖြင့် ပုံစံကွဲတွေ ရှိခဲ့ပြီး ဗလီဝတ်ကျောင်းတော်တွေရဲ့ ၀င်ပေါက်တွေမှာ တန်ဆာဆင်ယင်ခဲ့ကြပါတယ်။ ဒီဝန်နီလက်ရေးလှပုံစံတွေဟာ အော်တိုမန်တူရကီတွေ ၁၇ ရာစုက သုံးခဲ့တဲ့ ပုံစံဖြစ်ပါတယ်။

    တရုတ်ပြည်မှာတော့ ဆီနီလို့ခေါ်တဲ့ အာရဗီလက်ရေးလှ ပုံစံကွဲတစ်မျိုး ပေါ်ပေါက် ထွန်းကားခဲ့တာကို တွေ့မြင်နိုင်ကြပါသေးတယ်။

    လက်ရေးလှ Calligraphy အတတ်ပညာရပ်ဟာ မွတ်ဆလင်မ်တွေရဲ့ ကမ္ဘာမှာ အစ္စလာမ့်အနုပညာရပ်တစ်ခုအနေနဲ့ ထွန်းတောက်ထင်ရှားနေဆဲဖြစ်သလို စာလုံးတစ်လုံးနဲ့ တစ်လုံး ကူးယှက်နွယ်ကာ ရေးသားပြသတဲ့ လက်ရေးလှ အတတ်ပညာရပ်ဟာ ခေတ် အဆက်ဆက်က မြင်ရသူတိုင်းကို အာရဗီ ဘာသာစကားကို မတတ်မြောက်စေကာမူ သူ့ရဲ့ ခမ်းနားကြီးကျယ်နက်နဲမှုတွေ၊ လှပနူးညံ့မှုတွေနဲ့ ဖမ်းစားနေဦးမှာ အမှန်ပဲဖြစ်ပါတော့တယ်။

    ဆွေမွန်
    ၂၇ ဧပြီ ၂၀၁၄

  • အနုပညာလက်ရာ တစ်ထောင်၂၀၁၃ မဒီနဟ် အစ္စလာမ့် ယဉ်ကျေးမှု မြို့တော်ပြပွဲမှာ ပါဝင်ပြသ

    မေ-၁၆၊၂၀၁၃
    M-Media

    ကျောင်းသားများရဲ့အနုပညာလက်ရာတစ်ထောင်ပါ ပြကွက်စင်၂၀၁၃ မဒီနဟ် အစ္စလာမ့်ယဉ်ကျေးမှု မြို့တော်ပြပွဲမှာ ပါဝင်

    1368611812960020500

    Taibah University ရဲ့ အနုပညာဘာသာရပ် ကျောင်းသားများက မိမိတို့လုပ်ဆောင်ထားတဲ့လက်ရာများကို အနုပညာပြပွဲတစ်ခုမှာ ခင်းကျင်းပြသခဲ့ပါတယ်။ မဒီနဟ်မြို့ကို “ ၂၀၁၃ အစ္စလာမ့်ယဉ်ကျေးမှုမြို့တော် ”အဖြစ် ဖွင့်လှစ်ထားတဲ့ နှစ်လုံးပေါက်အခမ်းအနားအတွက် တက္ကသိုလ်ရဲ့ပါဝင်ဆောင်ရွက်ချက် တစ်ခုဖြစ်ပါတယ်။ တက္ကသိုလ်ဒါရိုက်တာ  Adnan bin Abdullah Al-Mazroua က ပြီးခဲ့တဲ့အင်္ဂါနေ့မှာ ပြပွဲအတွင်း ခင်းကျင်းပြသဖို့ ပါဝင်စေခဲ့ပါတယ်။

    အဲ့ဒီမှာ ကျောင်းသားတွေရဲ့ အနုပညာလက်ရာ တစ်ထောင်တိတိ ပါဝင်ပြီး မဒီနဟ်မြို့ရဲ့ထူးခြားထင်ရှားမှုကို ဇောင်းပေးဖော်ကျူးထားချက်တွေဖြစ်ပါတယ်။

    ကျောင်းသူကျောင်းသားတွေရဲ့ အနုပညာဖန်တီးချက်များဟာ မဒီနဟ်ကိုဂုဏ်တက်စေရေးအတွက် ရည်ရွယ်တာလို့ သွိုင်ဗာဟ်တက္ကသိုလ် အနုပညာဌာနမှူး Waleed Al-Qeen က ဆော်ဒီသတင်းဌာနကို ပြောကြားပါတယ်။ ကုဗာဟ်ဗလီအနီး ယဉ်ကျေးမှုပြခန်းထဲမှာ ဒီလက်ရာတွေအားလုံးကို ထည့်သွင်းပြသထားမှာဖြစ်ပြီး၊ ဒီပစ္စည်းတွေကို ခင်းကျင်းပြသတဲ့ ရှိုးကေ့စ် ပြကွက်စင် ဟာ မီတာ ၁၅၀၀ ခန့်အထိ နေရာယူရမှာဖြစ်တယ်။ အဲ့ဒီပြသမှုကို လာမယ့်တနင်္လာနေ့အထိ ခင်းကျင်းသွားမှာဖြစ်ပြီး ယနေ့မှာ အမျိုးသမီးတွေအတွက် ဖွင့်လှစ်ပေးထားမယ်လို့ သူက ဆိုပါတယ်။