Tag: IslamInWorld

မတ်လ၊ ၁၆၊ ၂၀၁၃
M-Media
စုစည်းတင်ပြသူ- ဂျူလိုင်ရဲရင့်
ကမ္ဘာ့နိုင်ငံများမှ မွတ်စလင်များ ကဏ္ဍ

ဂျပန် နှင့် အစ္စလာမ်
ဂျပန်နိုင်ငံနှင့်အစ္စလာမ်သာသနာထိတွေ့မှုမှာ အခြားကမ္ဘာ့တိုင်းပြည်များ၏ဘာသာတရားများ အခြေတည်မှုထက်စာလျှင် တိုတောင်းသည်ဟု ဆိုရပေမည်။

ရှေးဦး သမိုင်း

ဂျပန်နိုင်ငံသည် ၁၈၅၃ ခုနှစ် တံခါးဖွင့်ဝါဒ မကျင့်သုံးမီအထိ အစ္စလာမ်နှင့်သီးခြားဖြစ်နေခဲ့သည်။ သို့သော် ရှေးရာစုနှစ်များ အတွင်း မွတ်စ်လင်မ် အချို့သည် ဂျပန်သို့ ရောက်ခဲ့သည်ဟု မှတ်တမ်း တစ်ချို့က ဆိုသည်။

မွတ်စ်လင်မ်တို့နှင့်ထိတွေ့ဆက်ဆံမှုမှာ ၁၉ ရာစုနှောင်းပိုင်း ဗြိတိသျှနှင့်ဒတ်ခ်ျသင်္ဘောသားများအဖြစ် တာဝန်ထမ်းဆောင်သည့် မလေးလူမျိုးတို့မှ စတင်သည်။ ၄င်းသည် ဂျပန်လူထုထံ အစ္စလာမ်ပြန့်ပွားခြင်း လမ်းစဖြစ်သော်ငြား ယဉ်ကျေးမှုသမိုင်းကဏ္ဍ၏ တစ်စိတ်တစ်ပိုင်း အဖြစ်သာ ကျန်ရစ်ခဲ့သည်။

နောက်ထပ်ထူးခြားသောထိတွေ့မှုတစ်ရပ်ကို ၁၈၉၀ ခုနှစ်၌ တွေ့ရသည်။ ၄င်းအလျင်နှစ်များစွာက ကွန်စတန်တီနိုပယ်သို့ ဂျပန်ဘုရင့်မင်းသား ကိုမတ်စု အကီဟီတို အလည်အပတ်ရောက်ခဲ့မှုအပေါ် တုန့်ပြန် အသိအမှတ်ပြုသောအားဖြင့် အော်တိုမန် အင်ပါယာမှ ရေကြောင်းသင်္ဘောတစ်စင်းကို လက်ဆောင်အဖြစ်ပေးပို့ခဲ့သည်။ ယင်းစစ်သင်္ဘော အမည်မှာ Ertugrul ဖြစ်သည်။ သို့သော် ၁၈၉၀ ခုနှစ်၊ စက်တင်ဘာ၊ ၁၆ ရက်၊ ညနေ၊  ၀ါကာယာမားကမ်းခြေဒေသတစ်လျှောက်တွင် တိုက်ခတ်သော လေပြင်းမုန်တိုင်းကြောင့် ၄င်းမှာ ပျက်စီးသွားခဲ့ရသည်။

၂၀ ရာစုဖြစ်စဉ်

ဟဂ်ျခရီးသွားရောက်ခဲ့သည့် ပထမဦးဆုံးသော ဂျပန်လူမျုိုးမှာ  ကိုတာရို ယာမအိုခ ဖြစ်၏။ သူသည် ရုရှားနိုင်ငံဖွား စာရေးဆရာ Abdürreşid İbrahim နှင့် သိကျွမ်းခဲ့ပြီးနောက်ပိုင်း ၁၉၀၉ ခုနှစ်၊ ဘုံဘေမြို့၌ အစ္စလာမ်သို့ ကူးပြောင်းသက်ဝင်ခဲ့ပြီး အုမရ် ယာမအိုခ ဟူသော အမည်ကို ခံယူလိုက်သည်။ သူတို့နှစ်ဦးလုံးသည် နဂါးနက်အဖွဲ့(Kokuryūkai) ကဲ့သို့သော ဂျပန်အမျိုးသားရေး အုပ်စုများ၏ ပံ့ပိုးမှုဖြင့် ခရီးသွားခဲ့ကြသည်။ စင်စစ် ယာမာအိုခ သည် ရုရှ-ဂျပန်စစ်ပွဲအတွက် မန်ချူးရီးယားနယ်၌ ထောက်လှမ်းရေးတာဝန်ဖြင့် သွားရောက်ခဲ့ခြင်းဖြစ်သည်။ ယင်းခရီးစဉ်၌ သူ၏ တရားဝင် အကြောင်းပြချက်မှာ  တိုကျိုမြို့တွင် ဗလီဝတ်ကျောင်းတစ်လုံးဆောက်လုပ်နိုင်ရန် စုလ်တန်ဘုရင်ထံ သွားရောက်တင်ပြ ကမ်းလှမ်းခြင်း ဖြစ်သည်။ ထိုစဉ်က ခလီဖဟ် နှင့် အမီးရုလ် မုအ်မိနီးန် (မွတ်စ်လင်မ်အပေါင်း၏ခေါင်းဆောင်)အဖြစ် ခံယူထားသော စုလ်တန် Abdülhamid II မှ ယင်းကိစ္စကို လိုအပ်ချက်အရ လက်ခံခဲ့သည် ( ထိုဝတ်ကျောင်းတော်အား ၁၉၃၈ ခုနှစ်တွင် ဆောက်လုပ်ပြီးစီးသည်)။

အစောဆုံး မွတ်စ်လင်မ်သစ်လွင်ဂျပန်လူမျိုးများအနက် နောက်တစ်ဦးမှာ ဘွန်ပါချိရို အရိဂါ ဖြစ်သည်။ သူသည်လည်း ထိုကာလနှင့်မရှေးမနှောင်း မှာပင် အိန္ဒိယနိုင်ငံသို့ ကူးသန်းရောင်းဝယ်မှု အလို့ငှါ သွားရောက်ရာတွင် ၄င်းရှိဒေသခံမွတ်စ်လင်မ်များကို လေးစားအားကျသည်၌ အစ္စလာမ်သို့ ကူးပြောင်းသက်ဝင်ပြီး အဟ်မဒ် အရိဂါ ဟူသော အမည်အား ရယူခဲ့သည်။ ယာမာဒါ တိုအာဂျီရို သည် အစ္စတန်ဘူလ်သို့သွားရောက်သည့် တစ်ဦးတည်းသော ဂျပန်ကုန်သည် ဖြစ်သည်။ ၁၈၉၂ ခုနှစ်မှ နှစ်ပေါင်း ၂၀ နီးပါးကူးသန်းသွားလာရာတွင် မိမိဆန္ဒအလျောက် အပျော်တမ်းကောင်စစ်ဝန်အဖြစ် ဆောင်ရွက်ခဲ့သည်။ ၄င်းနောက် သူသည် အစ္စလာမ့်ရိပ်မြုံအတွင်း ၀င်ရောက်၍ အဗ်ဒုလ် ခလီးလ် ဟူသော အမည်ကိုခံယူကာ အိမ်တော်ပြန်ခရီးတွင် ဟဂ်ျပြုနိုင်ခဲ့သူ ဖြစ်သည်။

သီးသီးသန့်သန့်မွတ်စ်လင်မ်အသိုင်းအ၀ိုင်းဟူ၍ မရှိခဲ့။ အောက်တိုဘာတော်လှန်ရေး ဂယက်ကြောင့် ရုရှားနိုင်ငံနှင့်ဗဟိုအာရှဒေသမှ ရာနှင့်ချီသော တူရကီ-တာတာ မွတ်စ်လင်မ် ဒုက္ခသည်များ ရောက်ရှိလာသည့်အခါတွင်မှ စတင်ဖြစ်ထွန်းသည်။ ထိုမွတ်စ်လင်မ်တို့သည် ဂျပန်နိုင်ငံတ၀ှန်း အဓိက မြို့ကြီးများစွာ၌ ခိုလှုံခွင့်ရရှိပြီး လူ့အဖွဲ့အစည်းငယ်လေးများ ဖြစ်လာသည်။ ယင်းဒုက္ခသည်များမှာ ၁၉၃၈ ခုနှစ်တွင် ဂျပန်နိုင်ငံ၌ လူဦးရေ ၆၀၀ နီးပါး၊ အာရှတိုက်အတွင်း ထောင်ဂဏန်းခန့်ရှိခဲ့သည်ဟု ခန့်မှန်းကြသည်။ ဤမွတ်စ်လင်မ်တို့အားဖြင့် အချို့ ဂျပန်လူမျိုးတို့ အစ္စလာမ်ကို လက်ခံကျင့်သုံးခဲ့ကြသည်။

ကိုဘေးမြို့ဗလီအား ၁၉၃၅ ခုနှစ်တွင် တူရကီ-တာတာ အသိုင်းအ၀ိုင်းရှိ ကုန်သည်များ၏ ပံ့ပိုးကူညီမှုဖြင့် တည်ဆောက်သည်။ တိုကျိုဗလီကိုလည်း the zaibatsu ၏ ရက်ရောစွာကူညီမှုဖြင့် ၁၉၀၈ ခုနှစ်မှစတင်စီစဉ်ပြီး ၁၉၃၈ ခုနှစ်တွင် အပြီးသတ်ခဲ့သည်။ ထိုဝတ်ကျောင်း၏ ပထမဆုံး ရှေ့ဆောင်ဆရာများမှာ Abdürreşid İbrahim (1857–1944) နှင့် Abdulhay Qorbangali (1889–1972) တို့ဖြစ်၏။ ယင်းဝတ်ကျောင်းတော်များကို တည်ဆောက်ရာ၌ ဂျပန်မွတ်စ်လင်မ်တို့၏ပါဝင်မှု အားနည်းခဲ့သည်။  တိုကျိုမြို့၊ the Ahlulbayt Islamic Centre ရှိ အိမာမ် Shaykh Ibrahim Sawada မှလွဲ၍ မည်သည့်ဗလီဝတ်ကျောင်းတွင်မှ ဂျပန်လူမျိုး အိမာမ် မထွက်ပေါ်ခဲ့ချေ။

ရှီအဟ်

ရှီအဟ်မွတ်စ်လင်မ်မိသားစုအချို့သည် ဂျပန်သို့ ၁၉၆၀ နှစ်များတွင် ရောက်ရှိအခြေချပြီး ပထမဆုံး အဇာဒရီိကို တည်ထောင်သည်။ အများအားဖြင့် မိသားစုအရေးအတွက် ဆုံစည်းရာနှင့် အသံသွင်းခွေများ နားဆင်သည့် စုရပ်လေးသာဖြစ်သည်။ ၁၉၇၀ နှစ်များတွင် ပါကစ္စတန် လုပ်ငန်းရှင် စိုင်ယဒ် အာရှစ်က် အလီ ဗုခါရီမှ ဦးစီး၍ သူ၏အခြေစိုက်နေထိုင်ရာနှင့် သူ့မိတ်ဆွေ နာဇင် ဇိုင်ဒီ၏အိမ်၌ ပထမဆုံး မဂျလစ္စကို စတင်သည်။ သူတို့သည် မိမိတို့၏အိမ်များတွင် မုဟရ်ရမ်လ ၇ ရက်မှ ၁၂ ရက်အထိ မဂျလစ္စအား ပြုလုပ်လေ့ရှိသည်။ စဦးပိုင်းတွင် အသံသွင်း တိတ်ခွေများကို အသုံးပြုကြသည်။ နောက်ပိုင်းတွင် ဗီဒီယိုခွေများဖြင့် အသုံးပြုလာခဲ့သည်။ ၁၉၇၀ နှစ်များအထိ ယင်းသို့အခြေအနေမျိုးသာ ရှိခဲ့သည်။ ပါကစ္စတန်နှင့် အီရန်သား ရှီအဟ် အလုပ်သမားများ ဂျပန်သို့လာသည့်အခါတွင်မှ ၄င်းတို့၏အကူအညီဖြင့် တိုကျိုမြို့တွင် ပို၍ စုစည်းကျစ်လစ်သော အဇာဒရီ ဖြစ်လာသည်။ ထိုအချိန်မှစ၍ နှစ်စဉ် မုဟရ်ရမ်လအတွင်း အဇာဒရီကို ပြုလုပ်ဆောင်ရွက်လာကြသည်။

အစ္စလာမ့်ပညာရေး

 ဂျပန်မွတ်စ်လင်မ်အဖွဲ့ချုပ်ကြီး (Dai Nihon Kaikyō Kyōkai 大日本回教協会) ကို ၁၉၃၀ ခုနှစ်၊ ဒုတိယကမ္ဘာစစ်အတွင်း၌ တည်ထောင်သည်။ ၄င်းသည် ဂျပန် နိုင်ငံမှ ပထမဆုံးသော အစ္စလာမ့်ရေးရာ အဖွဲ့အစည်း ဖြစ်သည်။ နန်းတွင်း အသိုင်းအ၀ိုင်း၏ ပံပိုးကူညီမှုရှိခဲ့ပြီး၊ အစ္စလာမ့်ပညာရေး ဖူးပွင့်လာသည်။ ယင်းကာလအတွင်း အစ္စလာမ့်စာအုပ်စာတမ်းနှင့်ဂျာနယ်ပေါင်း ၁၀၀ မက ဂျပန်တွင် ပုံနှိပ်ထုတ်ဝေနိုင်ခဲ့သည်။ ဤအဖွဲ့အစည်းတို့၏ မူလရည်ရွယ်မှုမှာ ဂျပန်စစ်တပ်နှင့်ပညာရှင်တို့အား ပညာတိုးပွားစေရန် နှင့် အစ္စလာမ်ကမ္ဘာကို နားလည်စေရန် ဖြစ်သည်။ သို့သော် ဂျပန်နိုင်ငံ၏ နောက်တိုး ရည်မှန်းချက်ဖြစ်သော မဟာအာရှစီမံကိန်းကြောင့် ထိုရည်ရွယ်ချက်မှာ ထင်သလောက် ခရီးမရောက်ခဲ့ပေ။ ဂျပန်လူမျိုးနှင့် မွတ်စ်လင်မ်ပညာရှင်တို့သည် ၂၀ ရာစုအစောပိုင်း ကာလ တစ်လျှောက် မိမိတို့တိုးဝင်လာသော အနောက်တိုင်းကိုလိုနီဝါဒအား လွှမ်းမိုးအနိုင်ယူရေးအတွက် အကောင်အထည်ဖော်နေရခြင်း၊ မွတ်စ်လင်မ်တို့၏ နောက်ဆုံး အရှိန်အ၀ါ ဖြစ်သည့် အော်တိုမန်အင်ပါယာ ပြိုကွဲပျက်စီးခြင်း၊ ဒုတိယကမ္ဘာစစ် အတွင်း ရန်သူများပြားလာခြင်း စသည်တို့ကြောင့် ပညာရေးနှင့်နိုင်ငံရေး အပြောင်းအလဲဖြစ်သွားရသည်။ မဟာမိတ်အင်အာစုများက ထိပ်တန်းရောက်သွားသည်။ သို့ဖြစ်ရာ ထိုအရေးအရာများကို ပြန်လည်ရရှိအောင် အပြင်းအထန်အားထုတ်ခဲ့သည်။ ပညာရှင်များ၊ မွတ်စ်လင်မ်ခေါင်းဆောင်များ၊ ပြုပြင်ပြောင်းလဲရေး သမား များစွာတို့ကို ဂျပန်သို့ ဖိတ်ကြားခေါ်ယူခဲ့ကြသည်။

Ajia Gikai ကဲ့သို့သော အမျုိုးသားရေးအဖွဲ့အစည်းတို့သည် ဗုဒ္ဓ၊ ခရစ်ယာန်၊ ရှင်တိုဝါဒများအတိုင်း အစ္စလာမ်ကိုလည်း ဂျပန်နိုင်ငံ၏ ဘာသာတရားတစ်ခုအဖြစ်

တရားဝင်အသိအမှတ်ပြုလာအောင် လျှောက်ထားစွမ်းဆောင်နိုင်ခဲ့သည်။ မတည်ရင်းနှီးမှုလည်း ပေးခဲ့သည်။ ၄င်းပြင် ဒတ်ခ်ျ ကိုလိုနီတို့အား ဆန့်ကျင်တော်လှန်နိုင်ရန် ဟစ်ဇ်ဘိုလာကဲ့သို့သော အတိုက်အခံမွတ်စ်လင်မ်အုပ်စုတစ်စုကို အရှေ့တောင် အာရှတွင် ထောက်ပံ့လေ့ကျင့်မှုများ ပြုလုပ်၍ ဂျပန်မှ ထောက်ပံ့ပေးခဲ့သည်။ ထိုကာလအတွင်း အစ္စလာမ့်ပညာရှင်နှင့်ဂျပန်လူမျိုးပညာရှင်တို့၏ ပညာဖလှယ်မှုမှာ အထွဋ်အထိပ်သို့ ရောက်ခဲ့သည်။ ဂျပန်ကျဆုံးခန်းနှင့်အတူ အစ္စလာမ့်ပညာရေးကဏ္ဍ အများအပြားလည်း ပျောက်ကွယ်ခဲ့ရသည်။ ပညာရေး ဌာနများစွာ ပိတ်ပင်ခံရသည်။ အကြောင်းမှာ ၄င်းတို့သည် အနောက်တိုင်းကိုလိုနီဝါဒအား ရှေ့တန်းမှ ဆန့်ကျင်ခဲ့ကြသောကြောင့် ဖြစ်သည်။ သို့ရာတွင် ဂျပန်နိုင်ငံရေးလောက၌ ထင်ရှားသော Ajia Gikai နှင့် တပည့်ဖြစ်သူ Toshihiko Izutsu အပါအ၀င် ထိပ်တန်းပုဂ္ဂိုလ်များမှ ကျမ်းမြတ်ကုရ်အာန် ဘာသာပြန် အတွဲများစွာ ရေးထုတ်နိုင်ခဲ့ကြသည်။ အတည်မပြုနိုင်သေးသည့် အချက်အလက်များအရ ၄င်းအားဖြင့် ဂျပန်နိုင်ငံရေးလောက၏ ထိပ်သီးအကျော်အမော်များက ကူးပြောင်းသက်ဝင်လာမှုရှိခဲ့သည်ဟု ဆို၏။

ဂျပန်အစိုးရ နှင့် ဂျပန်-အစ္စလာမ်ပညာဖလှယ်ရေးကဏ္ဍနှစ်ရပ်လုံး၌ အဆင့်မြင့်ထိပ်တန်းပုဂ္ဂိုလ်တစ်ဦးဖြစ်သည့် Shūmei Ōkawa သည် အကျဉ်းစံဘ၀တွင် မိမိ၏ကုရ်အာန်ဘာသာပြန်ကို အပြီးသတ်ရေးသားခဲ့သည်။ သူ့အား နောက်ကွယ်မှကြိုးကိုင်သည့် Class -A အဆင့်ဝင် စစ်ရာဇ၀တ်ကောင် အဖြစ်စွပ်စွဲ၍ အောင်နိုင်သူမဟာမိတ်တပ်များက ဖမ်းဆီးထိန်းသိမ်းခဲ့ခြင်း ဖြစ်သည်။ ၄င်းနောက် ကိုယ်ကျင့်တရားဖောက်ပြန်မှုဟူသော စွဲချက်တင်ကာ ပြစ်ဒဏ်ချခဲ့သည်။ ယင်းစွဲချက်တို့မှာ အဓိပ္ပါယ်မဲ့ဖန်တီးချက်များသာဖြစ်သည်ဟု သူက ဆိုခဲ့သည်။ နောင်သော် စိတ်ကစဥ့် ကလျားဖြစ်နေသည့်မှတ်ချက်ဖြင့် ဆေးရုံတစ်ခုသို့လွှဲပြောင်းလိုက်ပြီး များမကြာမီ အကျဉ်းထောင်မှ လွတ်မြောက်သည်။ ထို့နောက် ရှင်သန်ကျန်ရစ်နေသေးသော ဇနီးနှင့်အတူ ဇာတိကျေးရွာသို့ပြန်လာပြီး ပညာရေး ပို့ချပေးနေလျက် ၁၉၅၇ ခုနှစ်တွင် ကွယ်လွန်သည်။

အဟ်မဒီယာမွတ်စ်လင်မ်အသိုင်းအ၀ိုင်းကို ဂျပန်နိုင်ငံ၌ ၁၉၃၅ ခုနှစ်တွင် တည်ထောင်သည်။

ဒုတိယကမ္ဘာစစ်အပြီး အခြေအနေနှင့် ကိုဘေး ဗလီ

အစ္စလာမ့်ပွင့်လန်းမှုသည် ၁၉၇၀ နှစ်များတွင် နောက်တစ်ကြိမ် ဖြစ်ပေါ်လာသည်။ ဤသည်မှာ ၁၉၇၃ ခုနှစ် ရေနံအကြပ်ဆိုက်မှုပြဿနာ နောက်ပိုင်း အာရေဗျ၏စန်းပွင့်မှု ကြောင့်ဟု ဆိုရပေမည်။ အရှေ့အလယ်ပိုင်းဒေသ နှင့် ၄င်း၏ ကြွယ်ဝလှသောရေနံများက ဂျပန့်စီးပွားအရေးအတွက် အရေးပါလှကြောင်း သိမြင်လာသည့်နောက် ဂျပန်မီဒီယာတစ်ရပ်လုံးက မွတ်စ်လင်မ်နှင့်အာရဗ်ကမ္ဘာအတွက် အတားအဆီးမရှိ တံခါးဖွင့်ပေးလိုက်ကြသည်။

ယနေ့ကာလအထိ ဂျပန်၌ အခိုင်မာဆုံးမွတ်စ်လင်မ်အသိုင်းအ၀ိုင်းမှာ တူရကီ ဖြစ်၏။ စစ်ကြိုခေတ်က ဂျပန်နိုင်ငံသည် မွတ်စ်လင်မ်တို့အပေါ် ဆိုဗီယက်ဆန့်ကျင်သူအင်အားစုတစ်ရပ်အဖြစ်အမြင်ရှိပြီး၊ နားလည်လက်ခံမှုရှိကြောင်း ဗဟိုအာရှတစ်လွှား ကျော်ကြားလှသည်။ ထိုအချိန်များတွင် ထောက်လှမ်းရေးနယ်ပယ်မှဂျပန်အချို့သည် ၄င်းတို့နှင့် အဆက်အသွယ်ရှိကြသည်။ ယင်းဆက်သွယ်ချက်အားဖြင့် စစ်ပြီးသောအခါ လူအချို့သည် အစ္စလာမ်ကို ကူးပြောင်းသက်ဝင်လာခဲ့ကြသည်။

ဒုတိယကမ္ဘာစစ်အတွင်း တရုတ်ပြည်နှင့်အရှေ့တောင်အာရှဒေသများသို့ ဂျပန်၏ကျူးကျော်မှုက ဂျပန်လူမျိုးများစွာအား မွတ်စ်လင်မ်တို့နှင့် ထိတွေ့ခွင့် ရသွားစေခဲ့သည်။ အစ္စလာမ်သာသနာကို သက်ဝင်လက်ခံပြီး အမိမြေပြန်ရောက်လာသူတို့က ၁၉၅၃ ခုနှစ်တွင် Sadiq Imaizumi ၏ ဦးဆောင်မှုအောက်မှ ပထမဆုံး ဂျပန်မွတ်စ်လင်မ်အဖွဲ့အစည်းကို ထူထောင်ကြသည်။ စတင်သောကာလ၌ အဖွဲ့ဝင် ၆၅ ဦးသာရှိခဲ့ပြီး၊ ယင်းပုဂ္ဂိုလ်ကွယ်လွန်ပြီး ၆ နှစ်ကြာသောအခါ လူဦးရေပမာဏ နှစ်ဆတိုးတက်လာခဲ့သည်။

အဖွဲ့၏ဒုတိယမြောက်ဥက္ကဌမှာ Umar Mita ဖြစ်၏။ သူသည် ဂျပန်အင်ပါယာလက်အောက်ခံနယ်ပယ်များအတွင်း အစ္စလာမ်ကို ဆည်းပူးလေ့လာခဲ့သည့် လက်ဦးမျုိုးဆက်၏စံပြပုဂ္ဂိုလ်တစ်ဦးဖြစ်သည်။ သူသည် တရုတ်ပြည်အရှေ့မြောက်ပိုင်း ဂျပန်ပိုင်နက်တွင် မန်ရှုရထားလမ်း ဖောက်လုပ်ရေးကုမ္ပဏီအတွက် သွားရောက်အလုပ်လုပ်စဉ် ပီကင်း(ပေကျင်း)ရှိ အစ္စလာမ်ဘာသာဝင်တရုတ်လူမျိုးတို့နှင့် ဆက်နွှယ်မိရာမှ မွတ်စ်လင်မ်အဖြစ်သို့ ရောက်ရှိသည်။ စစ်ပြီးသည့်နောက် ပြည်တော်ပြန်ရာဝယ် ဟဂ်ျပြုခဲ့ရာ စစ်လွန်ကာလ၏ ပထမဆုံး ဂျပန်ဟာဂျီ ဟူ၍ စာရင်းဝင်ခဲ့သည်။ သူသည် ကျမ်းမြတ်ကုရ်အာန် ဂျပန်ဘာသာပြန်ဋီကာကျမ်းတစ်စောင်ကိုလည်း  မွတ်စ်လင်မ်တစ်ဦး၏ရှုထောင့်မှ ပထမဆုံး ပြန်ဆိုပြုစုခဲ့သည်။ ဂျပန်နိုင်ငံနှင့်အစ္စလာမ်သာသနာအကြောင်းကို အလ်ဂျဇီးရားသတင်းဌာနမှ “Road to Hajj – Japan” အမည်ဖြင့် သတင်းမှတ်တမ်းတစ်ရပ် ဆောင်ရွက်ထားပါသည်။ အစ္စလာမ့်ရေးရာအဖွဲ့များမှာ ၁၉၀၀ ခုနှစ်များအတွင်း အလျှိုလျှိုထွက်ပေါ်လာခဲ့သော်လည်း ထိရောက်သောနိုးကြားတက်ကြွမှု မရှိနိုင်ခဲ့ချေ။

မွတ်စ်လင်မ်ဦးရေစာရင်း ၊ ဗလီဝတ်ကျောင်းတော် နှင့် လိုအပ်ချက်များ

တာတာမွတ်စ်လင်မ်တို့ ရုရှားနယ်ချဲ့မှုမှအလွတ်ရုန်းထွက်လာသည့် ၁၉၀၀ ခုနှစ်များအစောပိုင်းကာလတွင်မှ ဂျပန်သို့ အစ္စလာမ်ရောက်ရှိသည်ဟု ထင်မြင်ယူဆစရာဖြစ်ခဲ့ကြသည်။ သို့သော် လွန်ခဲ့သော နှစ်ပေါင်း ၁၀၀ ကျော်ကတည်းကပင် မွတ်စ်လင်မ်လူ့အစုအဝေးမှာ ရှိခဲ့ပြီးဖြစ်သည်။ သမိုင်းမှတ်တမ်းအချို့ကမူ ထို့ထက်ပင်စောသည်ဟု ဆိုထားသည်။ သမိုင်းပညာရှင် Caeser E. Farah ၏ မှတ်တမ်းအရ ၁၉၀၉ ခုနှစ်တွင် ဂျပန်တိုင်းရင်းမျိုးနွယ်အနက်ှ အစ္စလာမ်ဘာသာသို့ပထမဆုံးကူးပြောင်းသူမှာ Abdul-Rashid Ibrahim ဖြစ်သည်၊ ဂျပန်နိုင်ငံတွင် ပထမဆုံးအစ္စလာမ့်အဆောက်အဦမှာ ၁၉၃၅ ခုနှစ်တွင် တည်ဆောက်သော ကိုဘေးဗလီ ဟု ဆိုထား၏။

၁၉၈၂ ခုနှစ်တွင် မွတ်စ်လင်မ်ဦးရေမှာ သုံးသောင်းရှိပြီး ယင်းပမာဏ၏ထက်ဝက်မှာ ဒေသခံဖြစ်သည်ဟု အချို့အချက်အလက်များ၌ တွေ့ရသည်။  အတည်မပြုနိုင်သေးသောအချက် အလက်များအရ အာရှတိုက်သားများ တအုံတကျင်း ရောက်ရှိယှက်နွှယ်လာပြီး ဒေသခံလူဦးရေ ထပ်ဆင့်များပြားလာသော ၁၉၈၀ ခုနှစ်များ ဂျပန်စီးပွားရေးဦးမော့ကာလအတွင်း ဂျပန်တိုင်းရင်းနွယ်များစွာ အစ္စလာမ်သို့ ကူးပြောင်းလာကြသည်ဟု ဖော်ပြ၏။ မွတ်စ်လင်မ် လူဦးရေမှာ တစ်သိန်းဝန်းကျင်ခန့်ရှိမည်ဟု အများစုက ခန့်မှန်းကြသည်။ ဂျပန်တွင် အစ္စလာမ်သည် လူနည်းစုဘာသာတရားတစ်ခုဖြစ်နေရာ တိုးပွားမှုအခြေအနေနှင့်ပတ်သက်၍ အထောက်အထားအတိအကျ မရှိနိုင်ပေ။

၁၉၉၀ ခုနှစ်များအစောပိုင်းကာလတွင် ထင်ထင်ရှားရှားကူးပြောင်းလာသူအများစုမှာ ငယ်ရွယ်သော အိမ်ထောင်ရှင်အမျိုးသမီးများ ဖြစ်ကြသည်ဟု ဂျပန်တိုင်းမ်စ်မှ တင်ပြခဲ့သည်။ ၂၀၀၀ ခုနှစ်တွင် ဂျပန်ဒေသခံ မွတ်စ်လင်မ်များမှာ ၆၃၅၅၂ ဦး၊ ဂျပန်တွင်နေထိုင်လျက်ရှိသော နိုင်ငံခြားသား မွတ်စ်လင်မ်များမှာ ခုနှစ်သောင်းမှ တစ်သိန်းအထိ ရှိမည်ဟု Keiko Sakurai က ခန့်မှန်းသုံးသပ်ထားသည်။ သို့သော် ဆောင်းပါးရှင် Michael Penn  ကမူ ၉၀ % မှာ နိုင်ငံခြားသား မွတ်စ်လင်မ်များဖြစ်ပြီး ၁၀ % သာ ဂျပန်တိုင်းရင်း မွတ်စ်လင်မ် များဖြစ်ကြသည်ဟု ဖော်ပြခဲ့သည်။ မည်သို့ ဆိုစေကာမူ ထပ်ဆင့်ဖော်ပြချက်များ ရှိနေသော်လည်း စာရင်းအမှန်ကိုကား မသိကြသေးချေ။ ဂျပန်နိုင်ငံတွင် ဘာသာရေး လွတ်လပ်ခွင့်ကို အလေးထားသောအားဖြင့် ဘာသာတရားဆိုင်ရာ လူဦးရေ စစ်တမ်းကို အစိုးရမှ ကောက်ယူခြင်း မရှိပါ။

“ ဂျပန်အစိုးရဟာ ဂျပန်မှာရှိတဲ့ မွတ်စ်လင်မ်လူဦးရေစာရင်းကို ကောက်ယူလေ့မရှိပါဘူး။ သက်ဆိုင်ရာအစိုးရဌာနများကလည်း ဂျပန်လူမျိုးတွေကိုဖြစ်စေ၊   လာရောက်နေထိုင်တဲ့ နိုင်ငံခြားသားကိုဖြစ်စေ ဘယ်ဘာသာဝင်ဆိုတာ  မေးမြန်းတာမျိုး ဘယ်တုန်းကမှ မလုပ်ကြပါဘူး ” ဟု Penn မှ ဖော်ပြထားသည်။

japanfocus.org မှ ဤသို့ဖော်ပြထားသည်။ “ ဂျပန်မှာ လက်ရှိအနေအထားအရ single-story (တစ်ထပ်ဆောင်) ဗလီဝတ်ကျောင်းတော် ၃၀ ကနေ ၄၀ အကြား ရှိပါတယ်။ ထပ်တိုးဝတ်ပြုဆောင်များကတော့ ၁၀၀ လောက်ရှိပါတယ်။ ဒါပေမယ့် များသောအားဖြင့် အိမ်ခန်း၊တိုက်ခန်းသာ ဖြစ်ပြီး ၀တ်ပြုရေးအတွက် ပြည့်ဝစုံလင်မှု မရှိသေးပါဘူး ” ။

လူဦးရေ သန်း ၁၂၀ ရှိသည့် ဂျပန်၌ ကူးပြောင်းသက်ဝင်သူမွတ်စ်လင်မ်အသိုင်းအ၀ိုင်းသည် မဆိုစလောက်သော ပမာဏမျှသာ ဖြစ်နေ၏။ ကျောင်းသူ ကျောင်းသား များသည် ရွှေ့ပြောင်း လုပ်သားများနှင့် အတူ မွတ်စ်လင်မ် ရပ်ဝန်းအား အဓိကမြို့ကြီးများဖြစ်ကြသော ဟီရိုရှီးမား၊ ကျိုတို၊ နာဂိုယာ၊ အိုဆာကာ နှင့် တိုကျိုတို့၌ ဦးတည်ချဲ့ထွင်ကြသော်လည်း ၄င်းတို့အားလုံးစုပေါင်းလိုက်လျှင်ပင် အလွန်သေးငယ်သည့်လူနည်းစုသာ ဖြစ်လျက်ရှိနေသည်။ မည်သို့ဆိုစေကာမူ မွတ်စ်လင်မ်ကျောင်းသားများ အသင်းအဖွဲ့နှင့် ဒေသဆိုင်ရာလူ့အဖွဲ့အစည်းတို့သည် မွတ်စ်လင်မ်များ ကျစ်လစ်ညီညွတ်ရေးအတွက် စခန်းသွင်းသင်ကြား ပျိုးထောင်မှုများနှင့်တွေ့ဆုံ စုစည်းမှုများကို အားသွန်ခွန်စိုက် ဆောင်ရွက်လျက်ရှိနေပေသည်။

မွတ်စ်လင်မ်တို့ တွေ့ကြုံရင်ဆိုင်နေရသည့် အခြားအခက်အခဲများမှာ (အချင်းချင်း) ဆက်သွယ်ရေး၊ အိုးအိမ် (စုပေါင်းအိမ်ရာ)၊ ကလေးသူငယ်ပညာရေး၊ ဟလာလ် အစားအသောက် နှင့် အစ္စလာမ့် စာပေ ကဏ္ဍများ ဖြစ်သည်။ ထို့ကြောင့် ဂျပန်နိုင်ငံတွင် ဒအ်ဝဟ် လုပ်ငန်းစဉ်များ အရေးတကြီး လိုအပ်လျက်ရှိနေပါသည်။

Ref: Wiki

မတ်လ၊ ၂ ၊ ၂၀၁၃
M-Media
ကမ္ဘာ့နိုင်ငံများမှ မွတ်စလင်များ ကဏ္ဍ

တောင်ကိုရီးယားသမ္မတနိုင်ငံ နှင့် အစ္စလာမ်သာသနာ

  ကိုရီးယားစစ်ပွဲပြီးသည့်နောက် မကြာမီပင် တောင်ကိုရီးယားနိုင်ငံသည် အစ္စလာမ့်အယူဝါဒနှင့် စတင်ထိတွေ့ခဲ့သည်။ ထိုအချိန်မှစ၍ မွတ်စ်လင်မ် လူဦးရေမှာ တစ်စစဖြင့် တိုးတက်များပြားလာကြ၏။ ကိုးရီးယားလူမျိုး သာမက အခြားနွယ်ဖွားတို့ပါဝင်နေသော မွတ်စ်လင်မ်လူ့အဖွဲ့အစည်းသည် ဆိုးလ်မြို့တော်တွင် အဓိကအခြေပြုနေပြီး ၄င်း၌ ၂၀ ရာစုလက်ရာ ဗလီဝတ်ကျောင်းတော်ကြီး တစ်ခု ရှိသည်။ ထိုကျောင်းတော်အား မလေးရှား အစ္စလာမ့် သာသနာပြု လုပ်ငန်းနှင့်အခြား အစ္စလာမ်နိုင်ငံများမှ ရန်ပုံငွေဖြင့် ၁၉၇၆ ခုနှစ်တွင် တည်ဆောက်ခဲ့သည်။

ကိုရီးယားတိုင်းရင်းသား မွတ်စ်လင်မ်တို့သည် လူဦးရေသုံးသောင်းထက် မပိုသေး။ တောင်အာရှ၊ အရှေ့အလယ်ပိုင်း(အီရတ်)၊ အင်ဒိုနီးရှား၊ မလေးရှားမှ ရွှေ့ပြောင်းလုပ်သားတို့သည် ၁၉၉၀ နှင့် ၂၀၀၀ နှစ်များအတွင်း ရောက်ရှိလာသည်။ ယင်းရွှေ့ပြောင်း လုပ်သားတို့အများစုမှာ မွတ်စ်လင်မ်များဖြစ်ကြပြီး တောင်ကိုရီးယား၌ အခြေစိုက်နေထိုင် သူများလည်း ရှိသည်။ ထိုသူများကိုပါထည့်တွက်ပါက စုစုပေါင်း မွတ်စ်လင်မ် လူဦးရေပမာဏသည် ၃၅၀၀၀ ထက်မနည်း ရှိနေပြီဖြစ်သည်။

မြောက်ကိုရီးယားနိုင်ငံတွင် အစ္စလာမ်နှင့်ပတ်သက်၍ ထူးခြားထင်ရှားမှု မရှိလှချေ။ (မွတ်စ်လင်မ်များ မရှိသလောက်ဟု ယူဆရသည်)။ သာသနာ့ရေးရာ သီးသန့်လှုပ်ရှားဆောင်ရွက်ချက်များကို ဟုတ်တိပတ်တိ ဟူ၍ မတွေ့ရသောကြောင့် ဖြစ်သည်။

 ကနဦးပိုင်းက သမိုင်းကြောင်း
အေဒီ ၇ ရာစုအလယ် နောက်ပိုင်းကာလများအတွင်း ခလီဖဟ်နယ်မြေမှ မွတ်စ်လင်မ် ကုန်သည်များသည် တရုတ်ပြည်သို့ဖြတ်သန်း သွားရောက်ရာ လမ်းရှိ ကိုးရီးယားပိုင်နက်သုံးခုအနက် တစ်ခုဖြစ်သော စီလာနှင့် အဆက်အသွယ် ရှိခဲ့ကြသည်။ အေဒီ ၇၅၁ ခုနှစ်တွင် Goguryeo  မျိုးနွယ်မှဆင်းသက်သူ  Gao Xianzhi ဆိုသူ တန်မင်းဆက်၏ တရုတ်ဗိုလ်ချုပ်တစ်ဦးသည် အဗ္ဗာစစ်ခလီဖဟ်အား ဆန့်ကျင်သည့် Talas စစ်ပွဲကို ဆင်နွှဲသည်။ သို့သော် အနိုင် မရခဲ့ချေ။ အရှေ့အာရှထွက်သမိုင်းကျမ်း မဟုတ်သော အေဒီ ၉ ရာစုအလယ်မှ Ibn Khurdadbih ရေးသားပြုစုခဲ့သည် General Survey of Roads and Kingdoms  စာအုပ်၌ ကိုးရီးယားအကြောင်းဖော်ပြချက်ကို အစောဆုံး တွေ့ရသည်။

အေဒီ ၉ ရာစုမတိုင်မီက “ စီလာဒေသပေါင်းစည်းရေး ” ကာလအတွင်း  ကိုးရီးယားသို့ ပါးရှန်းနှင့်  အာရဗ် ရေကြောင်းခရီးသည်များ၊ ကုန်သည်များနှင့်အတူ အစ္စလာမ်သာသနာရောက်ရှိခဲ့ကြောင်း ထင်ရှားသည်။ အေဒီ ၉ ရာစုမှ ပါးရှန်းမွတ်စ်လင်မ် စွန့်ဦးဖွေရှာသူနှင့်ပထ၀ီဝင်ဗေဒပညာရှင် Ibn Khurdadhbih အပါအ၀င် မြောက်များစွာသော မွတ်စ်လင်မ်ပထ၀ီဝင်ဆရာများ၏အဆိုအရ ယင်းခရီသွားကုန်သည်အမြောက်အများတို့သည် ကိုးရီးယားဒေသ၌ ဓားမဦးချ အခြေစိုက်ကာ မွတ်စ်လင်မ်ရွာများ တည်ဆောက်နေထိုင်ခဲ့သည်ဟု ဆိုထား၏။ ထိုအခြေချနေထိုင်သူများအနက် အီရတ်မှ လာသူများ မနည်းလှကြောင်း အချို့မှတ်တမ်းများက ဖော်ပြသည်။ အခြားမှတ်တမ်းအချို့ကမူ ၄င်းတို့မှာ အာလာဝီ ရှီအဟ် ဂိုဏ်းခွဲမှ လူပေါင်းများစွာတို့သည် ကိုးရီးယားဒေသတွင် အခြေစိုက်ခဲ့သည်ဟု သုံးသပ်ထားသည်။ စီလာ၌ရှိသော အရှေ့အလယ်ပိုင်းသားမွတ်စ်လင်မ်လူ့အဖွဲ့အစည်းအတွင်း ပါးရှန်းလူမျိုးတို့၏စရိုက်သဘာဝများ ထင်ရှားစွာရှိခဲ့သည်ဟု အခြားဖော်ပြမှုက ဆိုသည်။ နောင်သောအခါ မွတ်စ်လင်မ်အမြောက်အများမှာ ကိုးရီးယားတို့နှင့် သွေးနှောခဲ့ကြသည်။ မွတ်စ်လင်မ်ကမ္ဘာနှင့် အဆက်ပြတ်နေသည့် ကိုရီးယား၏နယ်မြေအနေအထားကြောင့် အချို့မှာ ဗုဒ္ဓဘာသာသို့ လည်းကောင်း၊ အချို့မှာ နတ်ကိုးကွယ်မှုဝါဒသို့လည်းကောင်း ကူးပြောင်းသွားကြသည်။

မွတ်စ်လင်မ်ကမ္ဘာနှင့် ကိုရီးယားကျွန်းဆွယ်အကြား ကုန်သွယ်ရေးဆက်စပ်မှုမှာ Goryeo မင်းဆက် အောင်နိုင်စိုးမိုးခဲ့သည့် ၁၅ ရာစုနှစ် တစ်လျှောက်၌ ပြန်လည် သက်ဝင်လာသည်။ ဆက်လက်၍ အာရှအလယ်ပိုင်းနှင့် အရှေ့ဖျားပိုင်းမှ မွတ်စ်လင်မ် ကုန်သည် အများအပြားတို့ ကိုရီးယားတွင် အခြေချနေထိုင်ပြီးနောက်  မွတ်စ်လင်မ် မိသားစုများ ပေါက်ဖွားလာကြသည်။ Toksu  ကျေးရွာမှ ကိုရီးယားမူရင်းတိုင်းရင်းနွယ်တစ်ခုဖြစ်သည့် Chang မိသားစုကြီးက မိမိတို့မှာ မွတ်စလင်မ် အဆက်အနွယ်များဖြစ်ကြကြောင်း ထုတ်ဖော်ပြောဆိုသည်။ တရုတ်ပြည်မှ တရုတ်မွတ်စ်လင်မ် (ဟွေလူမျိုးစု) အနွယ်အချို့ကလည်း Goryeo မင်းဆက်ကာလ၌  ထပ်မံရောက်ရှိ နေထိုင်မှု ဖြစ်လာသည်။ ၁၁၅၄ ခုနှစ်၊ အာရဗ်လူမျိုး ပထ၀ီဝင်ဗေဒပညာရှင်ကြီး Muhammad al-Idrisi ရေးဆွဲသော Tabula Rogeriana. အမည်ရှိ ကမ္ဘာ့မြေပုံတွင် ကိုရီးယားဒေသကို ထည့်သွင်းထားကြောင်း တွေ့ရသည်။ ရှေးအကျဆုံး ကိုးရီးယားမြေပုံမှာ အစ္စလာမ့်ပထ၀ီ ဆရာများ၏ကြိုးပမ်းမှုများမှ အနောက်တိုင်းဒေသ ဆိုင်ရာ အချက်အလက်များအားဖြင့် ရေးဆွဲထားခြင်းဖြစ်သည်။

ဥဂါးရ်လူမျုိုးစုတို့နှင့်လည်း အလွန်ရင်းနှီးစွာ ပတ်သက်ခဲ့သော သာဓကအချို့ရှိနေသည်။ ကိုရီးယားစကားရှိ အစ္စလာမ့်အသုံးအနှုန်း၌ ဟိုးကျို /ဟွေကျောက် (회교, 回敎) ဟူ၍ တွေ့ရသည်။ ၄င်းမှာ ဥဂါးရ်လူမျိုးစုအမည်၏ရှေးအသုံးဖြစ်သည့် ဟွေဟွေ့ (回紇),  ဟူသော တရုတ်ဝေါဟာရမှ ဆင်းသက်သည်။ Goryeo ခေတ်နှောင်းပိုင်းအတွင်း Gaeseong နေပြည်တော်၌ ဗလီဝတ်ကျောင်းတော်များစွာ ရှိခဲ့သည်။ ကိုးရီးယား၌ မွန်ဂိုများ အုပ်စိုးစဉ်ကာလ တစ်လျှောက်တွင်လည်း မွန်ဂိုတို့သည် ဥဂါးရ်တို့အား အထူး အားထားခဲ့ရသည်။ ဥဂါးရ်တို့၏ စာပေစကား နှင့်အတွေ့အကြုံများက ကုန်သွယ်ရေး နယ်ပယ်များ၌ သြဇာလွှမ်းမိုးနေသဖြင့် မွန်ဂိုအင်ပါယာကျယ်ပြန့်ရေးအတွက် အသုံးချနိုင်သောကြောင့်ဖြစ်သည်။ ကိုရီးယားတိုင်းရင်း မျိုးနွယ်စုများအနက် အပြီးပိုင် အခြေချနေထိုင်ခဲ့သည့် ဥဂါးရ်တို့မှ ဆင်းသက်ပေါက်ဖွားသည့် မျိုးစု ၂ စု အနည်းဆုံးရှိနေသည်။

ကိုရီးယားသို့ရွှေ့ပြောင်းလာသော ဗဟိုအာရှသားတစ်ဦးသည် King Chungnyeol ထံသို့ ဆက်သထိမ်းမြားစေခဲ့သော မွန်ဂိုမင်းသမီး၏ ကိုယ်ရံတော် ဖြစ်သည်။ ထိုသူ၏ မူလအမည်မှာ ဆမ်ဂါ ဖြစ်သော်လည်း ကိုရီးယားကို အမိမြေဟုသတ်မှတ်လိုက်သည့်နောက် Jang Sunnyong   ဟူသည့် ကိုရီးယား အမည်ကို ခံယူခဲ့သည်ဟု  Goryeo  သမိုင်းမှတ်တမ်းများက ဆိုသည်။ Jang  သည် ကိုးရီးယားသူနှင့်လက်ဆက်ခဲ့ပြီး သူ၏မျိုးနွယ်မှာ Deoksu Jang ဟူ၍ အမည်တွင်လာသည်။ ရာစုနှစ်များစွာ ထိုမျိုးဆက်ထဲမှ များပြားလှသည့် အရာရှိကြီးများ၊ ကွန်ဖြူးရှပ် ၀ါဒ ပညာရှင်များ ထွန်းပေါ်ခဲ့သည်။ မျိုးဆက် ၂၅ ဆက်ရောက်သည့်အခါတွင် သူ၏မျိုးရိုးစဉ်ဆက် ကိုရီးယားလူမျိုးမှာ ပမာဏ သုံးသောင်းအထိ ဖြစ်လာသည်။ ၄င်းတို့၏ ဘိုးဘေးကြီး Jang Sunnyong မှာ ကိုးရီးယား လူမျိုးစစ်စစ် မဟုတ်ကြောင်း ကိုလည်း သိမှတ် လက်ခံကြသည်။ ၄င်းသည် အာရဗ်မွတ်စ်လင်မ်တစ်ဦးဟု အများစုက ယူဆထားသည်။ သို့ရာတွင် ယင်း မျိုးနွယ်စု၏အစဉ်အလာဓလေ့ထုံးတမ်းများ၌ အစ္စလာမ့်ယဉ်ကျေးမှုဆိုင်ရာအထောက်အထားကိုမူ မတွေ့ရချေ။ အလားတူ စွာ နောက်ထပ် ဗဟိုအာရှသား တစ်ဦး၏ဖြစ်စဉ်လည်း ရှိ၏။  ဥဂါးရ် လူမျိုးဟုယူဆရသော Seol Son အမည်ရှိ ဗဟိုအာရှသားတစ်ဦးသည် မွန်ဂိုတို့၏ ယွမ်မင်းဆက်နှောင်းပိုင်း ဗောင်းထုပ်နီတော်လှန်ရေး – Red Turban Rebellion ဖြစ်ပွားစဉ် ကိုရီးယားသို့ ထွက်ပြေးရောက်ရှိလာသည်။ သူလည်း
ကိုးရီးယားသူနှင့် အိမ်ထောင်ကျကာ Gyeongju Seol ဟူသော မျိုးရိုးအမည်ကိုခံယူခဲ့ရာ ယခုအခါ သူ့မျိုးဆက်ဦးရေသည် ၂၀၀၀ ကျော်ရှိသော်လည်း ၄င်းတို့အတွင်း မွတ်စ်လင်မ့် အငွေ့အသက်များကို ထူးထူးခြားခြား မတွေ့မြင်ရချေ။

Joseon ခေတ်ဦးပိုင်းတွင် တရုတ်ရိုးရာပြက္ခဒိန်များအစား ထူးခြားမှန်ကန်မှုရှိသော အစ္စလာမ့် ပြက္ခဒိန်ကို အစားထိုးလက်ခံလာကြသည်။ ၁၅ ရာစုနှစ်၊ Joseon Dynasty မင်းဆက်၊ Sejong the Great ဘုရင် လက်ထက်တွင် ကိုးရီးယားနိုင်ငံတွင် အစ္စလာမ့်နက္ခတ်ဗေဒနှင့် တရုတ်နက္ခတ် ပညာနှစ်ရပ်ကိုပေါင်းစပ်၍ ကိုးရီးယားဘာသာ စကားဖြင့် ပြန်ဆိုထားသည့် သင်ရိုး – Huihui Lifa ကို သင်ကြားစေခဲ့သည်။ ထိုဘာသာရပ်မှာ ၁၉ ရာစုဦးပိုင်းအထိ အစဉ်အလာကြီးခဲ့သည်။

သို့တစေ ကိုရီးယားနိုင်ငံ၏ နယ်မြေဒေသ နှင့် နိုင်ငံရေးအနေအထားမှာ ထီးတည်းဖြစ်နေသဖြင့်  Joseon ခေတ်ကာလအတွင်း အစ္စလာမ်မှာ ပျောက်ကွယ် တိမ်ကောသွားခဲ့ပြီး ၂၀ ရာစုအတွင်းမှာမှ ပြန်လည် ထိတွေ့ပေါ်လွင်လာခြင်းဖြစ်သည်။ သို့သော် Manchuria နယ်၌ အခြေချနေထိုင်ခဲ့သော ကိုရီးယားတို့သည် အစ္စလာမ်နှင့် ထပ်မံထိစပ်မှုရှိရာမှ လက်ရှိခေတ်ကာလ၏ ပထမဆုံး ကိုရီးယားမွတ်စလင်မ်များ ဖြစ်လာသည်ဟု ဆိုသည်။

ကိုရီးယားတိုင်းရင်းမွတ်စ်လင်မ်တို့၏ ရှေးဦးမှတ်တမ်း၌ ၄င်းတို့သည် Manchuria နယ်တွင် ၁၉ ရာစုကပင် ကိုယ်ပိုင် မွတ်စ်လင်မ် လူ့အစုအဝေးကြီး တစ်ရပ်အဖြစ် ထင်ထင်ရှားရှား ရပ်တည်နေပြီဖြစ်ကြောင်း ဖော်ပြသည်။ ၄င်းတို့သည် အဓိကအားဖြင့် Manchuria နယ်ရှိ မြို့ကြီးများ၌ အခြေချနေထိုင်ခဲ့ကြသော ဗဟိုအာရုကုန်သည်မျိုးဆက်များ ဖြစ်ကြသည်။ အစ္စလာမ်သာသနာကို ပထမဆုံးလက်ခံ သက်ဝင်ကြသော တိုင်းရင်း ကိုရီးယားများ ဖြစ်သည်။ မည်သို့ပင်ဆိုစေကာမူ ကိုးရီးယားစစ်ပွဲပြီးသည့်နောက်မှာမှ ကိုရီးယားတွင် အစ္စလာမ်သည် သိသာစွာ ဖွံ့ဖြိုးကြီးထွားလာသည်။ စစ်အတွင်းဝယ် ကိုးရီးယားတို့ကို လာရောက်ကူညီခဲ့သည့် တူရကီစစ်ကူအားဖြင့် အစ္စလာမ် နှင့် ကိုးရီးယား နီးစပ်လာခဲ့ချိန်ကတည်းက ကိုရီးယား၌ အစ္စလာမ်သည် ဖြည်းဖြည်းနှင့်မှန်မှန် ဖွံ့ဖြိုး ကြီးထွားလျက် ရှိနေပေသည်။ နယ်ခံတိုင်းရင်း ကိုရီးယားမွတ်စ်လင်မ်တို့ဦးရေမှာလည်း အတန်အသင့် တိုးပွားလာခဲ့သည်။

၂၀ ရာစုမှ တစ်ကျော့ပြန် ထိတွေ့မှု

ကိုရီးယားစစ်ပွဲအတွင်း တူရကီနိုင်ငံသည် ကမ္ဘာ့ကုလသမဂ္ဂမှ တာဝန်ပေးချက် အရ တောင်ကိုးရီးယားသို့ စစ်ကူ တပ်သားများစွာ စေလွှတ်ခဲ့သည်။ ၄င်းကို တူရကီပေါင်းကူး တပ်ဖွဲ့ Turkish Brigade ဟု ခေါ်ကြသည်။ ၄င်းတို့သည် စစ်မြေပြင်၌ ပါဝင်တိုက်ခိုက်သလို လူသားချင်းစာနာမှု လုပ်ငန်းများ၊ စစ်ဒဏ်ခံမိဘမဲ့ ကလေးသူငယ် ကယ်ဆယ်ရေး လုပ်ငန်းများကိုလည်း ကြီးစွာ ပံ့ပိုးကူညီခဲ့ကြ၏။ စစ်မက်ကာလပြီးဆုံး၍ မရှေးမနှောင်းတွင် တူရကီအချို့သည် ကုလသမဂ္ဂငြိမ်းချမ်းရေး တပ်ဖွဲဝင်များ အဖြစ် တောင်ကိုရီးယား၌ စခန်းချကြရသောအခါ ကိုရီးယားတို့ထံ အစ္စလာမ် အကြောင်း ဖြန့်ချိပို့ချကြသည်။ ၁၉၅၅ ခုနှစ်တွင် လက်ဦး မွတ်စ်လင်မ်သစ်လွင်တို့မှ ကိုရီးယားမွတ်စ်လင်မ် ရပ်ဝန်းကိုထူထောင်၍ ဗလီဝတ်ကျောင်းတော် တစ်ခုကို ပထမဆုံး တည်ဆောက်နိုင်ခဲ့ကြသည်။ ကိုရီးယား မွတ်စ်လင်မ်လူ့အဖွဲ့အစည်း ကြီးထွားလာသည်၌  ၁၉၆၇ ခုနှစ်တွင် ကိုးရီးယား မွတ်စ်လင်မ်သမဂ္ဂ ဖြစ်ပေါ်လာ၏။

မျက်မှောက်ကာလ

၁၉၆၂ ခုနှစ်တွင် ဆိုးလ်မြို့တော်၌် ဗလီဝတ်ကျောင်းကြီးတစ်ခုတည်ဆောက်ရန် မလေးရှားအစိုးရမှ အမေရိကန်ဒေါ်လာ ၃၃၀၀၀ ကူညီပံ့ပိုးသည်။ သို့ရာတွင် ငွေကြေးဖောင်းပွမှုပြဿနာကြောင့် အစီအစဉ် လွဲချော် ရပ်တန့်ခဲ့ရသည်။ တောင်ကိုးရီးယား သမ္မတနိုင်ငံသည် အရှေ့အလယ်ပိုင်း တိုင်းပြည်များနှင့် စီးပွားရေး မိတ်ဖက်များဖြစ်လာသော ၁၉၇၀ နှစ်များတွင်မှ အစ္စလာမ်သာသနာ အပေါ် တိမ်းညွှတ်မှု ပြန်လည်ခေါင်းထောင်လာသည်။ ဆော်ဒီအာရေဗျသို့ သွားရောက် အလုပ်လုပ်နေသည့် ကိုရီးယားအချို့ အစ္စလာမ်ကို လက်ခံသက်ဝင်ခဲ့ပြီး၊ လုပ်သက်စာချုပ် သက်တမ်းစေ့၍ ကိုးရီးယားသို့ ပြန်လာရာတွင် တိုင်းရင်းမွတ်စ်လင်မ် ဦးရေများစွာကို ကျားကန်ပေးခဲ့ကြသည်။ နောက်ဆုံးတွင် ဆိုးလ်မြို့တော်၏ Itaewon ဆင်ခြေဖုံး အရပ်ဝယ် ဆိုးလ်ဗဟိုမြို့မ ဗလီကြီးအား ၁၉၇၆ ခုနှစ်၌ အပြီးသတ် တည်ဆောက်နိုင်ခဲ့သည်။ ယခုအခါ Busan, Anyang, Gwangju, Jeonju, Daegu နှင့်  Kaesong မြို့များတွင်လည်း ဗလီဝတ်ကျောင်းတော်များ ရှိနေလေပြီ။

ကိုရီးယားအစ္စလာမ်တက္ကသိုလ်အကြီးအမှူး Lee Hee-Soo (Yi Hui-su) ၏အဆိုအရ တောင်ကိုးရီးယား သမ္မတနိုင်ငံ၌ စာရင်းရ မွတ်စ်လင်မ် ဦးရေမှာ လေးသောင်းခန့် ရှိပြီး၊ အစ္စလာမ့်နည်းကျ ပီပြင်စွာ ဘ၀တည်ဆောက်နေသူ များမှာ တစ်သောင်းခန့်ရှိသည် ဟု သိရှိရသည်။

“ မင်းသား စုလ်တာန်ဗင်န်အဗ်ဒုလ်အဇီးဇ် ပင်မကျောင်း ” အမည်ဖြင့် အစ္စလာမ်အခြေခံပညာကျောင်း တစ်ကျောင်းကို ကိုရီးယား မွတ်စလင်မ်များ၏ သာသနာ့ပညာ အထောက်အကူ အတွက် ၂၀၀၉ ခုနှစ်၊ မတ်လ တွင် တရားဝင်ကျောင်း တစ်ကျောင်းအဖြစ် မိမိတို့မှ ဖွင့်လှစ်ရန်ကြိုးပမ်းခဲ့ကြောင်း ကိုရီးယားမွတ်စ်လင်မ်ဖောင်ဒေးရှင်းက ဆိုသည်။ ယဉ်ကျေးမှုစင်တာတစ်ခု၊ အလယ်တန်းကျောင်းများသာမက တက္ကသိုလ်ဖွင့်လှစ်နိုင်ရေးအထိ စီစဉ်ထားသည်။ ဆိုးလ်၌ ဆော်ဒီအာရေဗျ၏ သံအမတ်ကြီးအဖြစ် တာဝန်ထမ်းဆောင်သူ Abdullah Al-Aifan မှ ယင်းဖောင်ဒေးရှင်းအား ဆော်ဒီအာရေဗျ အာဏာပိုင်အစိုးရ ကိုယ်စား အမေရိကန်ဒေါ်လာ ငါးသိန်း လှူဒါန်းခဲ့သည်။

ထိုကျောင်း မတည်ထောင်မှီက “စုလ်တာန်ဗင်န်အဗ်ဒုလ်အဇီးဇ် မဒ်ရဆဟ် ” အမည်ဖြင့် ၁၉၉၀ နှစ်များအတွင်း ကလေးငယ်များကို အရဗီ၊ အင်္ဂလိပ်နှင့် အစ္စလာမ့်ယဉ်ကျေးမှု သင်ကြားပေးနိုင်ရေးအတွက် ဆောင်ရွက်လည်ပတ်ခဲ့သည်။

မိမိတို့၏ မတူကွဲပြားသော ဘ၀နေဟန်က လူ့အဖွဲ့အစည်းရှိ အခြားသူများထက် တမူထူးခြားနေခြင်းမျိုး မရှိဟု ကိုးရီးယား မွတ်စ်လင်မ် များစွာမှ ပြောကြားသည်။  သို့သော်ငြား ၂၀၀၁ ခုနှစ်၊ ၉/၁၁ အကြမ်းဖက် တိုက်ခိုက်မှု၏နောက်တွင် မလိုလားခံရမှုများရှိလာကြောင်း သူတို့မှ ခံစားမိသည်ဟု ဆိုကြသည်။ ကိုရီးယားနိုင်ငံ၏ ရုပ်သံဌာနတစ်ခုဖြစ်သော Arirang TV မှလည်း အိမာမ် Hak Ap-du ( ဟပ်က် အဗ်ဒူးဟ် ) နှင့် ကိုးရီးယားရှိ အစ္စလာမ်အကြောင်းကို ၉ မိနစ်စာ အစီရင်ခံတင်ဆက်မှု ပြုလုပ်ပေးခဲ့သည်။

Ref: http://en.wikipedia.org/wiki/Islam_in_Korea မှ ဖော်ပြချက်ကို M-Media မှ ဆီလျော်အောင် ဘာသာပြန်ဆိုပါသည်။

wiki update date (2-3-2013)

Sources

•     Baker, Don (Winter 2006). “Islam Struggles for a Toehold in Korea”. Harvard Asia Quarterly. Retrieved 2007-04-23.
•     Kwon, Young-pil. (1991). Ancient Korean art and Central Asia: Non-Buddhist art prior to the 10th century. Korea Journal 31(2), 5-20.
•     Lee, Hee-Soo. (1991). Early Korea-Arabic maritime relations based on Muslim sources. Korea Journal 31(2), 21-32.