သြဂုတ် ၇၊ ၂၀၁၇
M-Media
– ဂျေရုစလင် အခြေစိုက်တဲ့ အလ်ဂျာဇီးရားသတင်းဌာနရုံးက ၀န်ထမ်းတွေအပေါ် အသိအမှတ်ပြုထားမှုကို ရုပ်သိမ်းဖို့ အစ္စရေးက စီစဉ်နေပြီး ဒါဟာ သတင်းဌာနတစ်ခုလုံးကို ပိတ်ပစ်ဖို့ ခြေလှမ်းအစလည်း ဖြစ်ပါတယ်။
မနေ့ကပြုလုပ်ခဲ့တဲ့ သတင်းစာရှင်းလင်းဖွဲမှာ အစ္စရေးပြန်ကြားရေးဝန်ကြီး အေယူဘ် ကာရာက ဒီအစီအစဉ်ကို ကြေငြာလိုက်တာဖြစ်ပြီး အလ်ဂျာဇီးရားရုံးတွေကို ပိတ်ပစ်ကာ၊ သူတို့အလုပ်တွေကို တားမြစ်လိုက်တဲ့ ဆွန်နီအာရပ်လေးနိုင်ငံရဲ့ ဆုံးဖြတ်ချက်ကို အခြေခံတာဖြစ်တယ်လို့ ဆိုပါတယ်။
သူ့ရဲ့ ဒီတောင်းဆိုမှုကို နောက်တစ်ခါ လွှတ်တော်အစည်းအဝေးမှာ ဆွေးနွေးပေးဖို့လည်း ကာရာက မျှော်လင့်နေပါတယ်။
“ကျွန်တော် လွတ်လပ်စွာဆောင်ရွက်နိုင်ခွင့် ရလာဖို့အတွက် ဥပဒေပြုရေး လွတ်တော်လမ်းကြောင်းကနေတစ်ဆင့် ဒါကိုလုပ်သွားမှာ။ တတ်နိုင်သမျှမြန်မြန် ဒါကို အဆုံးသတ်ဖို့ ကျွန်တော်တို့ ကြိုးစားသွားမှာပါ” လို့ ၀န်ကြီးက ပြောကြားခဲ့ပါတယ်။
အသိအမှတ်ပြုမှု ရုပ်သိမ်းခံရမယ့် သတင်းထောက်တွေက အလ်ဂျာဇီးရားရဲ့ အာရပ်နဲ့ အင်္ဂလိပ်အစီအစဉ် နှစ်ခုစလုံးက ဖြစ်ပါတယ်။
ပါလက်စတိုင်းပိုင်နက်တွေ ကျူးကျော်ခံနေရတာ၊ ပါလက်စတိုင်းပြည်သူတွေကို အစ္စရေးက ဖိနှိပ်သတ်ဖြတ်နေတာတွေကို ဖော်ပြမှုအတွက် အစ္စရေးက အလ်ဂျာဇီးရားသတင်းဌာနအပေါ် အမြင်မကြည်တာ ကြာမြင့်နေပါပြီ။
ပြီးခဲ့တဲ့လက ပါလက်စတိုင်းပိုင် အရှေ့ဂျေရုစလင်မှာရှိနေတဲ့ အလ်-အက်ဆာ ဗလီဝတ်ကျောင်းတော်ကို အပိုင်စီးလိုပြီး ပါလက်စတိုင်းတွေ ၀င်ရောက်ခွင့်ကို ပိုမို တင်းတင်းကျပ်ကျပ် ထိန်းချုပ်လိုတဲ့ အစ္စရေးရဲ့ ဆောင်ရွက်ချက်တွေကို မြေပြင်အရှိအတိုင်း အလ်ဂျာဇီးရားသတင်းဌာနက နေ့စဉ်လိုလို တင်ပြခဲ့မှု နောက်ပိုင်းမှာတော့
အစ္စရေးဟာ ဂျေရုစလင်က ရုံးခန်းကို ပိတ်ပစ်ဖို့အထိ ကြိုးစားလာပါတယ်။
ဒီသတင်းဌာနကို ပိတ်ပစ်မယ်လို့ အကြိမ်ကြိမ်ခြိမ်းခြောက်ခဲ့တဲ့ အစ္စရေးဝန်ကြီးချုပ် နေတန်ယာဟုဟာ ဇူလိုင်လ ၂၇ ရက်နေ့မှာ ဒီစကားကို ထပ်ပြောခဲ့ပြီး အလ်ဂျာဇီးရားသတင်းဌာနဟာ အကြမ်းဖက်မှုဖြစ်အောင် သွေးထိုးလှုံ့ဆော်နေတယ်လို့ ပြောကြားခဲ့ပါတယ်။
လက်ရှိမှာ အလ်ဂျာဇီးရားသတင်းထောက်တွေရဲ့ အသိအမှတ်ပြုလက်မှတ်တွေကို ရုပ်သိမ်းပြီးတဲ့နောက်ပိုင်း ဂျေရုစလင်က ရုံးကိုက ပိတ်ပစ်ဖို့ အစ္စရေးက စီစဉ်နေတာဖြစ်ပြီး ပါလက်စတိုင်းပိုင်နက်တွေဖြစ်ကာ အစ္စရေးက ကျူးကျော်သိမ်းပိုက် ပိတ်ဆို့ထားတဲ့ အနောက်ဖက်ကမ်းနဲ့ ဂါဇာဒေသတွေက ရုံးတွေကိုကတော့ ဒီကိစ္စမှာ ပါဝင်ဖွယ် မရှိပါဘူး။
ဒီကိစ္စကို အစ္စရေးအစိုးရက ဘယ်တော့ ဆောင်ရွက်မလဲဆိုတာကို ရှင်းရှင်းလင်းလင်း မသိရပါဘူး။
သတင်းဌာန၏ တုန့်ပြန်မှု
အလ်-အက်ဆာဗလီကိစ္စမှာ မိမိတို့အနေနဲ့ ကျင့်ဝတ်မဲ့စွာ ဖော်ပြတာမျိုး မရှိဘူးလို့ အလ်-ဂျာဇီးရားက သတင်းဌာနက ပြောကြားခဲ့ပြီး၊ အစ္စရေးရဲ့ ဒီလုပ်ရပ်တွေကိုလည်း ရှုတ်ချကြောင်း မနေ့ကထုတ်ပြန်တဲ့ ကြေငြာချက်မှာ ဖော်ပြထားပါတယ်။
“အစ္စရေးရဲ့ ဆုံးဖြတ်ချက်ကနေ ထွက်လာမယ့် အခြေအနေတွေကို အနီးကပ်စောင့်ကြည့်နေမှာဖြစ်ပြီး၊ ဥပဒေကြောင်းအရ လိုအပ်တာတွေ လုပ်သွားမယ်” လို့ ကြေငြာချက်က ဆိုပါတယ်။
ကျူးကျော်သိမ်းပိုက်ခံထားရတဲ့ ပါလက်စတိုင်းပိုင်နက်တွေက သတင်းတွေကို ကျင့်ဝတ်နဲ့ ညီညွတ်စွာ တိတိကျကျ ဖော်ပြပေးသွားမယ်လို့လည်း သတင်းဌာနက ပြောကြားခဲ့ပါတယ်။
သတင်းအဖွဲ့များကလည်း ဆန့်ကျင်
ဘေရွတ် အမေရိကန်တက္ကသိုလ်က ရာမီ ခူရီက အစ္စရေးရဲ့ ဒီအစီအစဉ်ကို ရှုတ်ချခဲ့ပြီး ဒါဟာ ဒေသတွင်းက အာဏာရှင်တွေ ပုံမှန်လုပ်လေ့ရှိတဲ့ လုပ်ရပ်မျိုးဖြစ်တယ်လို့ ပြောကြားခဲ့ပါတယ်။
“အာဏာဆုပ်ကိုင်ထားချင်တဲ့ အာဏာရှင်တွေ အမြဲတမ်းလိုလို ပစ်မှတ်ထားတာက ၂ ခုရှိပါတယ်။ တစ်ခုက မီဒီယာဖြစ်ပြီး နောက်တစ်ခုက နိုင်ငံခြားသားတွေပါ။ အာဏာရှင်တိုင်းက မီဒီယာကို ပစ်မှတ်ထားပါတယ်”
လန်ဒန်အခြေစိုက် ဂျာနယ်လစ်ဇင်အဖွဲ့ Ethical Journalism Network ဒါရိုက်တာဖြစ်သူ အိုင်ဒန် ၀ှိုက်ကလည်း အစ္စရေးရဲ့ ဒီလုပ်ရပ်ဟာ လွတ်လပ်စွာ သတင်းတင်ပြခွင့်ကို တိုက်ခိုက်လိုက်တာဖြစ်တယ်လို့ ဆိုပါတယ်။
“တုန်လှုပ်စရာကောင်းတဲ့ ထုတ်ပြန်ချက်ပဲဗျ။ ဒေသတွင်းမှာ တစ်ခုတည်းသော ဒီမိုကရေစီနိုင်ငံ ဖြစ်တယ်ဆိုတဲ့ အစ္စရေးရဲ့ကျွေးကြော်မှုကို ဒါက လုံးဝဖျက်ဆီးလိုက်ပါပြီ။ ဘာ့ကြောင့်လည်းဆိုတော့ ဒါဟာ ဒီမိုကရေစီရဲ့ အရေးပါဆုံး အသင်းအဖွဲ့တွေထဲက တစ်ခုရဲ့အခြေကို သွားထိလိုက်လို့ပါပဲ။ အလ်ဂျာဇီးရားကို ဒီလိုတိုက်ခိုက်မှုဟာ လွတ်လပ်တဲ့ ဂျာနယ်လစ်ဇင်အားလုံးကို တိုက်ခိုက်မှုလည်းဖြစ်ပါတယ်”
The Committee to Protect Journalists ရဲ့ ဝေဖန်မှုမှာ အလ်ဂျာဇီးရားသတင်းဌာနကို ဆင်ဆာဖြတ်တာ၊ ပိတ်တာတွေ လုပ်တာက ဒေသတွင်းမှာ တည်ငြိမ်မှုကို ဆောင်ကျဉ်းမပေးနိုင်ကြောင်း၊ သတင်းလွတ်လပ်ခွင့်ရဲ့ ဒေသတွင်းက အဆိုးဝါးဆုံးရန်သူတော်စာရင်းမှာ အစ္စရေးကို ထည့်သွင်းလိုက်တာသာဖြစ်ကြောင်း၊ ဒီလို ဒီမိုကရေစီမကျတဲ့ လုပ်ရပ်တွေကို စွန့်လွှတ်ပြီး အလ်ဂျာဇီးရားနဲ့ သတင်းထောက်အားလုံးကို တစ်နိုင်ငံလုံးနဲ့ အစ္စရေးက သိမ်းပိုက်ထားတဲ့ ပါလက်စတိုင်းပိုင်နက်တွေမှာ လွတ်လပ်စွာ သတင်းရယူခွင့် ပြုသင့်ကြောင်း ပြောကြားခဲ့ပါတယ်။
ပြီးခဲ့တဲ့လအနည်းငယ်တုန်းက ဆော်ဒီနဲ့ ဂျော်ဒန်တို့ဟာ ကာတာအပေါ်ပြုလုပ်တဲ့ သံတမန်ရေးအရ ပိတ်ဆို့မှုအတွင်း အလ်ဂျာဇီးရားသတင်းဌာနကို ပိတ်ပင်ခဲ့ပြီး၊ ယူအေအီးကလည်း ပိတ်ပင်ထားပါတယ်။
အီဂျစ်ကတော့ လွန်ခဲ့တဲ့ နှစ်အနည်းငယ်ကတည်းက အလ်ဂျာဇီးရား သတင်းဌာနကို ပိတ်ပင်ထားတာဖြစ်ပါတယ်။
Ref: Aljazeera
