News @ M-Media

Tag: israeli-raids-gaza

  • ဂါဇာတိုက်ခိုက်မှု အတွင်း မြင်သမျှ ပါလက်စတိုင်း အားလုံး ပစ်ရန် အစ္စရေး စစ်တပ် အမိန့်ပေးခဲ့ကြောင်း အစီရင်ခံစာထွက်

    ဂါဇာတိုက်ခိုက်မှု အတွင်း မြင်သမျှ ပါလက်စတိုင်း အားလုံး ပစ်ရန် အစ္စရေး စစ်တပ် အမိန့်ပေးခဲ့ကြောင်း အစီရင်ခံစာထွက်

    မေ ၅၊ ၂၀၁၅
    M-Media

    – ပြီးခဲ့သည့်နှစ် နွေရာသီက ဂါဇာကမ်းမြှောင်အား ကျူးကျော်တိုက်ခိုက်မှုအတွင်း အစ္စရေးစစ်သားများမှာ မြင်မြင်သမျှကို ပစ်ခတ်ရန် အမိန့်ပေးခြင်း ခံခဲ့ရပြီး ဂါဇာပြည်သူများနေထိုင်ရာ နေရာများမှာလည်း တိကျမှုမရှိသော လက်နက်များဖြင့် တမင်တကာ ပစ်ခတ်ခြင်းခံခဲ့ရသည်ဟု အစ္စရေး NGO အဖွဲ့တစ်ခုဖြစ်သော Breaking the Silence အဖွဲ့မှ ထုတ်ပြန်သည့် အစီရင်ခံစာတွင်
    ဖော်ပြထားသည်။

    အစ္စရေးစစ်သားဟောင်းများက ဆောင်ရွက်နေသည့် အဆိုပါ NGO မှာ ဂါဇာပြည်သူ ၂၂၀၀ ကျော် သေဆုံးခဲ့သည့် ထိုတိုက်ခိုက်မှုပြီးနောက် ၈ လကြာ စုံစမ်းစစ်ဆေး မှုများ ပြလုပ်ခဲ့ပြီး ၂၃၇ မျက်နှာပါသော အဆိုပါအစီရင်ခံစာကို ယမန်နေ့က ထုတ်ပြန်ခဲ့သည်။

    ရက် ၅၀ ကြာမြင့်ခဲ့သည့် ဂါဇာတိုက်ခိုက်မှုအတွင်း ပါဝင်ခဲ့သော အစ္စရေး ကြည်း၊ ရေ၊ လေ တပ်ဖွဲ့များမှ ဗိုလ်မှူးအဆင့်အထိ စစ်သားများကို စုံစမ်းစစ်ဆေးမှု အတွင်း တွေ့ဆုံမေးမြန်းခဲ့သည်။ အစီရင်ခံစာတွင် လည်း စစ်သားများ၏ အဆင့်နှင့် တာဝန်ထမ်းဆောင်သည့် တပ်ဖွဲ့တို့ကိုသာ ဖော်ပြခဲ့ပြီး ၎င်းတို့၏ လုံခြုံမှုကို ကာကွယ်ရန် အမည်များကို ဖော်ပြခဲ့ခြင်း မရှိပေ။

    ဟာမက်စ်မှ ဒုံးကျည်များ ပစ်လွှတ်မှုအား တုံ့ပြန်သည်ဟုဆိုကာ ပြုလုပ်ခဲ့သည့် အဆိုပါ တိုက်ခိုက်မှုအတွင်း အရပ်သားများ သေကြေပျက်ဆီးမှုကို ရှောင်ရှားရန် ဂရုစိုက်ခဲ့သည်ဟု အစ္စရေး တာဝန်ရှိသူများက ပြောကြားခဲ့သော်လည်း Breaking the Silence ၏
    တွေ့ရှိမှုများမှာ ထိုပြောကြားချက်နှင့် ကွဲလွဲနေသည်။ ဝေဖန်သူများကလည်း အစ္စရေးစစ်သားများမှာ မလျော်ကန်စွာ တုန့်ပြန်ခဲ့သည်ဟု ပြောကြားခဲ့ကြသည်။

    Breaking the Silence မှ စုဆောင်းရရှိခဲ့သည့် အစ္စရေးစစ်သားများ၏ ၀န်ခံမှုတွင် စစ်သားတစ်ဦးချင်းစီမှာ ဂါဇာပြည်သူများအား ပစ်သတ်ခြင်း၊ အခြားသော ဆောင်ရွက်မှုများကို လုပ်နိုင်သည့်အချိန်တွင် ပြည်သူများအ အသက်အန္တရာယ်ရှိစေသာ ကိစ္စများကို အစ္စရေးစစ်ဘက် ထိပ်တန်းအရာရှိများက ဆုံးဖြတ်ခြင်း စသည်တို့ ပါဝင်သည်။

    ထို့ပြင် ဂါဇာကမ်းမြှောင်အတွင်း တွေ့ရှိရသည့် မည်သူမဆို ရန်သူအဖြစ် ယူဆရမည်ဟု အစ္စရေးစစ်သားများအား ညွှန်ကြားထားကြောင်း၊ ထိုယူဆချက်ကြောင့် တပ်မှူးများကလည်း တွေ့ရှိသူတိုင်းကို ပစ်သတ်ရန် လက်အောက်ရှိ စစ်သားများအား အမိန့်ပေးထားကြောင်း အဆိုပါ အစီရင်ခံစာတွင် ဖော်ပြထားသည်။

    စစ်သားတစ်ဦကမူ စေ့စပ်မှုစည်းကမ်းများတွင် အစ္စရေးစစ်သားအချင်းချင်း ပြန်၍ မပစ်ခတ်ရဟူသော စည်းကမ်းချက်တစ်ခုသာရှိသည်ဟု ဆိုသည်။

    “တိုက်ပွဲစတိုင်းမှာ သူတို့က “မြင်မြင်သမျှ ပစ်သာပစ်” လို့ ကျွန်တော်တို့ကို ပြောပါတယ်။ IDF (အစ္စရေး ကာကွယ်ရေးတပ်ဖွဲ့) က အဲဒီမှာ အရပ်သားတွေနေတယ်လို့ မယူဆပါဘူ” ဟု ၎င်းက ပြောကြားခဲ့သည်။

    အခြားစစ်သားတစ်ဦးက ချက်ခြင်းတိုက်ခိုက်မည်ဟူသော သတိပေး စာရွက်အား ဂါဇာတွင် ကြဲချခဲ့ပြီးသည့်နောက် ထိုဒေသအတွင်း ကျန်ရှိနေသူအားလုံးမှာ စစ်သွေးကြွများသာဖြစ်သည်ဟု မိမိတို့က ယူဆကြောင်း ပြောကြားခဲ့သည်။

    အဆောက်အဦးများအား ဗုံးကြဲမှုတွင်လည်း အစ္စရေးက မိမိတို့မှာ ဗုံးမကြဲခင် အရပ်သားများ တိမ်းရှောင်ချိန်ရရန်အတွက် သတိပေးဗုံးတစ်ခုကို ချပြီး ထိုသို့ လုပ်ဆောင်ခြင်းကြောင့် အရပ်သား ထိခိုက်ဒဏ်ရာရမှုမှာ အနည်းဆုံး ဖြစ်ခဲ့သည်ဟု ပြောကြားခဲ့သော်လည်း လက်တွေ့တွင် ထိုကဲ့သို့ မဟုတ်သည်ကိုလည်း တွေ့ရှိခဲ့ရသည်။

    အစ္စရေးစစ်သားတစ်ဦးက ခီရန်ဘတ် ခူဇာဒေသရှိ ၅ ထပ်အဆောက်အဦးအား ဗုံးကြဲရာတွင် သတိပေးဗုံးချပြီး ချက်ခြင်းဆိုသလိုပင် ဗုံးအစစ်ကို ချခဲ့ကြောင်း၊ အချိန် စက္ကန့် ၃၀နှင့် ၁ မိနစ်အတွင်း ပြည်သူများမှာ ဘေးလွတ်ရာသို့ ပြောင်းရွှေ့ရန်မှာ မဖြစ်နိုင်ကြောင်း ၀န်ခံခဲ့သည်။

    Breaking the Silence ကမူ အစ္စရေးစစ်တပ်မှ လက်နက်ကြီးများ၊ မော်တာများကဲ့သို့ တိကျမှုမရှိသော လက်နက်များဖြင့် တိုက်ခိုက်ခြင်းကို ၎င်းတို့၏ အစီရင်ခံစာတွင် ရှုတ်ချခဲ့သည်။

    အစ္စရေးက ထိုအစီရင်ခံစာအား ပယ်ချခဲ့ပြီး ထိုအစီရင်ခံစာပါ အချက်များမှာ သက်သေမရှိဘဲ၊ မိမိတို့ကလည်း စုံစမ်းစစ်ဆေးမှု မပြုလုပ်နိုင်ဟု ပြောကြားခဲ့သည်။ သို့သော်လည်း ထိုအစီရင်ခံစာမှာ အစ္စရေးက ဂါဇာအားတိုက်ခိုက်မှုအတွင်း စစ်ရာဇ၀တ်မှုများ ကျူးလွန်ခဲ့သည်ဆိုသော ပါလက်စတိုင်း၏ တိုင်ကြားမှုအား ပိုမိုအားကောင်းသွားစေခဲ့သည်။

    Ref: RT, Aljazeera

    http://wp.me/p2QCYJ-awL

     

  • စိတ်ဒဏ်ရာများနှင့် မရေရာသော အနာဂတ်များကြားက ဂါဇာမှ မိဘမဲ့ကလေးများ

    စိတ်ဒဏ်ရာများနှင့် မရေရာသော အနာဂတ်များကြားက ဂါဇာမှ မိဘမဲ့ကလေးများ

    ဇန်နဝါရီ ၁၄ ၊ ၂၀၁၅
    M-Media

    Gazaorphan
    – Donald Duck ကာတွန်းမှ သရုပ်ဆောင်လေးများ၏ စတစ်ကာများကို ကပ်ထားသော နံရံများနှင့် အစာသွတ် ၀က်ဝံရုပ်ကလေးများကို အစီအရီချထားသော သန့်ရှင်းသည့် အိပ်ရာလေးများရှိနေသော ဂါဇာစီးတီးရှိ အလ်-အမဲလ် မိဘမဲ့ဂေဟာမှ အခန်းလေးများမှာ ကလေးငယ်တိုင်းနှင့် ပတ်သက်နေသည်။

    သို့ရာတွင် ဆွဲဆောင်မှုအရှိဆုံးက အဆိုပါ မိဘမဲ့ဂေဟာ မျက်နှာစာရှိ နံရံများတွင်ဖြစ်သည်။ ဒုံးကျည်များကိုရေးဆွဲထားသည်။ အစ္စရေး တိုက်လေယာဉ်များ၊ အပိုင်းပိုင်းပြတ်တောက်နေသော လူကိုယ်ခန္ဓာကိုယ် အစိတ်အပိုင်းများ စသဖြင့် စစ်၏ အနိဌာရုံများကို ရေးခြစ်ထားကြသည်။ နှလုံးသားနုနယ်သော ထိုကလေးများအဖို့ စစ်ပွဲသာလျှင် ၎င်းတို့သိထားသည့် တစ်ခုတည်းသော အရာဖြစ်လေသည်။

    `လေယာဉ်ပျံအသံကြားတဲ့အခါ၊ သမီးကြောက်ကြောက်လာတယ်´ ဟု ဂေဟာ အခန်းကျယ်ရှိ ကူရှင်တစ်ခုပေါ်တွင် ဒူးတုပ်ထိုင်နေသော အသက် ၈ နှစ်အရွယ် အိုင်ရှာ အလ်-ရှင်ဘာရီက ပြောသည်။

    `စစ်ဖြစ်တုန်းက သမီးရဲ့အိမ် ပြိုသွားတယ်လေ။ အိမ်လည်း မမှတ်မိတော့ပါဘူး။ သမီးက သေချင်တာ။ အဲဒါမှ မေမေ့ဆီသွားနိုင်မှာပေါ့´ သူမက ထပ်ပြောသည်။

    ဖခင်မှာ ဓမ္မတာအတိုင်းသေဆုံးသွားပြီး အကိုဖြစ်သူမှာလည်း အစ္စရေး၏ လေကြောင်းမှတိုက်ခိုက်မှုတွင် သေဆုံးခဲ့ရပြီးနောက် ခိုကိုးရာမဲ့သော အိုင်ရှာလေးမှာ အမဲလ် မိဘမဲ့ဂေဟာသို့ လွန်ခဲ့သည့် နှစ်အနည်းငယ်က ရောက်ရှိလာခဲ့သည်။ မိခင်ဖြစ်သူက ကလေးများအားလုံးကို မစောင့်ရှောက်နိုင်၍ မိဘမဲ့ဂေဟာသို့ ပို့လိုက်ခြင်းဖြစ်သည်။

    ၂၀၁၄ ခုနှစ် အစ္စရေး၏ တိုက်ခိုက်မှုအတွင်း အိုးအိမ်စွန့်ခွာ ထွက်ပြေးခဲ့ရသော ဂါဇာပြည်သူများအတွက် ကယ်ဆယ်ရေးစခန်းအဖြစ် ပြုလုပ်ပေးရသောကြောင့် ဂေဟာရှိ မိဘမဲ့ကလေးများကို ဆွေမျိုးများဆီ ပြန်ပို့ပေးခဲ့သည်။ ထို့ကြောင့် အိုင်ရှာလေးမှာ မိခင်ဖြစ်သူ၏ ရင်ခွင်တွင် တစ်ဖန်ပြန်၍ ခိုလှုံခွင့် ရခဲ့လေသည်။ သို့ရာတွင် သိပ်မကြာလိုက်။ မိခင်မှာလည်း အစ္စရေး၏လက်ချက်ကြောင့်ပင် ဘ၀တစ်ပါးသို့ ကူးပြောင်းခဲ့ရပြန်သည်။

    ယခုတွင်တော့ ချစ်လှစွာသော မေမေက အိုင်ရှာ၏ အိပ်မက်ထဲသို့သာ ရောက်ရောက်လာတတ်သည်။ ချစ်စရာ့သမီးငယ်လေးကို နွေးထွေးသော ရင်ခွင်ထဲတွင် ထွေးပွေ့ထားပြီး အနမ်းလေးတွေပေးသည်။ ထို့နောက်တွင်တော့ ပြန်လည်ပျောက်ကွယ်သွားလေ၏။ အိပ်ရာမှ နိုးလာသည့်အခါတွင် အိုင်ရှာလေးက ဒုံးကျည်ပုံများ ရေးဆွဲတတ်သည်ဟု ဂေဟာအုပ်ချုပ်သူက ဆိုသည်။

    အစ္စရေး၏ ၀န်းရံပိတ်ဆို့မှုကို ခံထားရသည့် ဂါဇာဒေသတွင်တော့ အိုင်ရှာလေး၏ ရင်နင့်ဖွယ်ကောင်းသည့် ဇာတ်လမ်းက ထူးထူးဆန်းဆန်းဇာတ်လမ်းမဟုတ်တော့။ ၂၀၁၄ ဇူလိုင်လတွင် စတင်ခဲ့သည့် အစ္စရေး၏ ၅၁ ရက်ကြာတိုက်ခိုက်မှုအတွင်း ဂါဇာပြည်သူ ၂၂၀၀ သေဆုံးခဲ့ရသည်။ ဒဏ်ရာရသူများကလည်း ရေတွက်၍မရ။ မိဘမဲ့ကလေးများ ထောင်ပေါင်းများစွာ ရှိနေသော ဂါဇာတွင် ထိုတိုက်ခိုက်မှုကြောင့် မိဘမဲ့ကလေးငယ် ၁၅၀၀ ကျော် ထပ်တိုးလာသည်ဟု အမဲလ်မိဘမဲ့ဂေဟာ ဒါရိုက်တာအဖွဲ့ ဥက္ကဌ အဘဒ် အလ်-မဂျစ် အလ်ခိုဒါရီက ပြောလေသည်။

    လွန်ခဲ့သည့် နှစ်ပေါင်း ၆၀ ကျော်က တည်ဆောက်ခဲ့သည့် အဆိုပါ မိဘမဲ့ဂေဟာက ဂါဇာရှိ မိဘမဲ့ ကလေးသူငယ်များအတွက် တစ်ခုတည်းသော ခိုလှုံရာနေရာဖြစ်သည်။ ဂါဇာရှိ များပြားလှသော မိဘမဲ့ကလေးများအားလုံးကို တာဝန်မယူနိုင်သောကြောင့် အချို့တဲ့ဆုံးသော ကလေးများကိုသာ မိဘမဲ့ဂေဟာမှ လက်ခံသည်။

    `ဒီကလေးတစ်ချို့ဟာဆိုရင် သူတို့ရဲ့ မိခင်တွေ၊ မိသားစုတွေ သူတို့ရှေ့မှာ သေဆုံးတာကို မြင်ခဲ့ကြတယ်´ ဟု အလ်ခိုဒါရီက ဖွင့်ဟခဲ့သည်။

    ၂၀၁၄ ခုနှစ် အစ္စရေး၏ ကျူးကျော်တိုက်ခိုက်မှုပြီးနောက် အမဲလ် မိဘာမဲ့ဂေဟာတွင် လာရောက်ခိုလှုံကြသည့် မိဘမဲ့ကလေးများ၏ အရေအတွက်မှာ ၂ ဆတိုးလာပြီး ၁၅၀ အထိ ရှိလာသည်။ ဂေဟာသမိုင်းတွင် အမြင့်ဆုံး ပမာဏလည်းဖြစ်သည်ဟု ဘုတ်အဖွဲ့ဝင် ကမားလ် မက်ဘင်ကဆိုပြီး နှစ်မကုန်ခင် မြင့်တက်မည်ဟု ခန့်မှန်းရကြောင်းလည်း ပြောခဲ့သည်။ ရန်ပုံငွေကို ကိုယ့်နည်းကိုယ့်ဟန်ဖြင့် ရှာဖွေနေရသည့် ဂေဟာအနေဖြင့် စုပြုံကျလာသည့် ကလေးများအတွက် နေရာထိုင်ခင်းပေးရန် နေရာကို တိုးချဲ့ဆောက်လုပ်နေရသည်။ ကလေးငယ်များအား စောင့်ကြည့်ရန်၊ ကျွေးမွေးရန်၊ စာသင်ပေးရန်၊ ကစားပေးရန်နှင့် ကလေးငယ်များ၏ စိတ်ဒဏ်ရာများကို ကုစားပေးရန်အတွက် ၀န်ထမ်း ၅၀ ကျော်က နေ့မအား၊ ညမနား ဆောင်ရွက်ပေးနေကြသည်။

    `မျက်စိရှေ့မှာတင် မိသားစုတွေ အသတ်ခံလိုက်ရတဲ့ကလေးတွေ၊ တစ်ခုခုသွားဝယ်ပြီး အပြန်မှာ မိသားစုအားလုံးသေဆုံးနေ တာကို တွေ့လိုက်ရတဲ့ကလေးတွေ၊ ဒီကလေးတွေအတွက် စိတ်ပိုင်းဆိုင်ရာ အခြေအနေက မြင်ရသမျှထဲမှာ အဆိုးဆုံးပါပဲ´ ဟု မက်ဘင်ကဆိုသည်။ ထို့ပြင် ကလေးအများစုမှာ နက်ရှိုင်းလှသည့် စိတ်ပိုင်းဆိုင်ရာ ပြဿနာများဖြင့် ရုန်းကန်နေရပြီး စိုးရိမ်ထိတ်လန့်မှုကိုလည်း အကြီးအကျယ် ခံစားနေရသည်ဟု ထည့်သွင်းပြောကြားခဲ့သည်။

    `သူတို့ အိပ်လို့မရကြဘူး။ အမြဲတမ်းကြောက်ရွံ့နေကြတယ်။ ဒါမျိုးတွေကို သူတို့လေးတွေ ကျော်လွှားနိုင်ဖို့ ကျွန်တော်တို့က တတ်နိုင်သလောက် အချိန်ပေးကြပါတယ်´

    အသက် ၁၀ နှစ်အရွယ်ရှိ နောင်ဝလ် ယာစင်းတစ်ယောက် ပြီးခဲ့သည့်နှစ် အောက်တိုဘာလက အမဲလ် မိဘမဲ့ဂေဟာကို ရောက်ရှိ လာသည်။ ဦးလေးဖြစ်သူက ဖုန်းကို နောင်ဝလ်၏ ဖခင်ကို ပေးထားပြီး အစ္စရေးဘက်က ဖုန်းခေါ်သည့်အခါ ဖခင်ဖြစ်သူက `ခင်ဗျားတို့ ကျုပ်ညီဆီက ဘာလိုချင်လို့လဲ´ ဟု မေးလိုက်သည်ဟု နောင်ဝလ်လေးက ပြောပြသည်။ တစ်ဖက်မှလူက `မင်းညီကို ဘယ်နေရာမှာပဲ ဖွက်ထားထား၊ ငါတို့လိုက်ရှာပြီး သတ်ပစ်မယ်´ ဟု ပြောသည်ဟူ၏။

    `သမီးဖေဖေက အဲဒီအစ္စရေးတွေကို ပြန်ပြောလိုက်တာပေါ့။ `ငါတို့ တယ်လ်အဗီးလ်ကို လာပြီး မင်းတို့လည်ပင်းကို နင်းပစ်လိုက်မယ်´လို့´ ဟု နောင်ဝလ်လေးက ဆိုလေသည်။ ထိုအချိန်တွင်တော့ သူမ၏ ချစ်စရာမျက်နှာလေးတွင် ဂုဏ်ယူမှုအလင်းတန်းလေးက ဖျတ်ခနဲ ၀င်းလက်သွားသည်။

    ဂေဟာမှ တာဝန်ရှိသူ ရီဝေဒါ ကာဆက်က ထိုအကြောင်းအရာမှာ တကယ်မဟုတ်ဘဲ ဖခင်အား သူရဲကောင်းတစ်ယောက်အဖြစ် ထင်မှတ်စေရန်အတွက် မိခင်ဖြစ်သူမှ ဖန်တီးထားသော ဇာတ်လမ်းတစ်ခုဖြစ်သည်ဟု နောင်ဝလ်လေးမကြားအောင် ရှင်းပြသည်။ တကယ်တော့ နောင်ဝလ်၏ ဖခင်မှာ နှလုံးသို့ ဒုံးကျည်မှအမြောက်ဆန် မှန်သောကြောင့် ဆေးရုံသို့အပို့-၎င်းတို့စီးလာသည့်ကားကို အစ္စရေးက ဗုံးကြဲလိုက်ရာမှ သေဆုံးခဲ့ရခြင်းဖြစ်သည်။ သေဆုံးကြောင်းကို ၎င်းဝတ်ဆင်ထားသော အ၀တ်အစားအပိုင်းအစကို ကြည့်ရှု၍သာ ဆုံးဖြတ်နိုင်ခဲ့လေသည်။

    မန်နဲလ် အဘူ တိုင်ယီမာမှာ အသက် ၁၁ နှစ်ရှိပြီး ခန်ယူနစ်ဒေသမှဖြစ်သည်။ သူမ၏ ဖခင် သေဆုံးမှုကို ကွက်ကွက် ကွင်းကွင်းပင် ပြောပြသည်။ `ပြတင်းပေါက်နားမသွားနဲ့´ ဟုဖခင်ဖြစ်သူက လှမ်းသတိပေးသည်ကို သူမ မှတ်မိနေ၏။ ခဏအကြာတွင်တော့ ဒုံးကျည် ၂ လုံးက သူမတို့အိမ်ကို ထိမှန်ခဲ့သည်။

    `တစ်လုံးက သမီးရဲ့ ၀မ်းကွဲမောင်တစ်ဦးဆီကို တည့်တည့်ကျသွားပြီး အစိတ်စိတ် အမွှာမွှာဖြစ်သွားတယ်။ နောက်တစ်ခုကတော့ အဖေ့ပေါ် ကျသွားတယ်လေ´ ဟု ဆို့နင့်ကြေကွဲသံဖြင့် သူမက ပြောခဲ့သည်။ မျက်နှာမှာတော့ ရင့်ကျက်သည့် အမျိုးသမီးတစ်ဦး၏ ပုံစံမျိုးဖြင့်။

    `အဖေ့ခေါင်းကို ပွင့်ထွက်သွားတာပါပဲ´

    ထိုကဲ့သို့ပြောနေစဉ်အတွင်း တိုင်ယီမာတစ်ယောက် သူကမ၏ လက်ကလေးနှစ်ဘက်ကို ဖျစ်ညှစ်နေသည်။ ဘေးနားတွင် ထိုင်နားထောင်နေသော သူမ၏ အမကလည်း ထိုအမူအရာကိုပင် လုပ်နေ၏။

    `လူနာတင်ယာဉ်သံတွေကြားတာနဲ့ သမီးငိုတာပဲ။ စစ်ပွဲတုန်းကဆို ခဏခဏကြားရတယ်လေ။ ဂေဟာမှာ လုံခြုံပေမယ့် ဂါဇာကတော မလုံခြုံပါဘူး။ အမြဲတမ်း စစ်ဖြစ်မယ်လို့ပဲ ထင်နေတယ်´ ဟု သူမ၏ စိုးရိမ်ကြောင့်ကြနေမှုကို ဖွင့်ဟခဲ့သည်။

    ဂေဟာ၏ လူသွားလမ်း တစ်ဖက်တစ်ချက်တွင်တော့ အသက် ၁၄ နှစ်အရွယ် ယူဆက်ဖ် အလ်-ရှင်ဘာရီက အမြောက်ဆန်မှန်၍ ရထားသော ခြေချင်းဝတ်မှ အနာရွတ်ကြီးကို ပြသရန် ဘောင်းဘီကို ခေါက်တင်နေသည်။ ကယ်ဆယ်ရေးစခန်းအဖြစ်လုပ်ထားသော ကုလသမဂ္ဂ၏ စာသင်ကျောင်းအတွင်း မိသားစုနှင့်အတူ ခိုလှုံနေစဉ် ထိုကျောင်းအား အစ္စရေးက ဗုံးကြဲတိုက်ခိုက်မှုမှ ရရှိခဲ့သည့် ဒဏ်ရာဖြစ်သည်။

    ထိုတိုက်ခိုက်မှုအတွင်း ရှင်ဘာရီ၏ ညီမငယ်ကတော့ ခြေထောက်  နှစ်ဘက်စလုံး ဖြတ်ပစ်လိုက်ရပြီး ဆေးကုသရန်အတွက် တူရကီသုိ့လွှတ်လိုက်ရသည်။

    `ညီမလေးကိုမြင်တိုင်း ကျွန်တော် ထိတ်လန့်တုန်လှုပ်ရပါတယ်။ ဘာဖြစ်ခဲ့သဲဆိုတာကိုလည်း ကျွန်တော် မှတ်မိနေပါတယ်´

    အထစ်ထစ်အငေါ့အငေ့ါဖြင့် ယူဆက်ဖ်က ပြောပြနေသည်။

    အမဲလ် မိဘမဲ့ဂေဟာရှိ ကလေးအချို့ကတော့ ဖျက်ဆီးခံလိုက်ရသည့် အဆောက်အဦးများအား ကစားစရာ ပလတ်စတစ်တုံးလေးများဖြင့် ဖန်တီးနေကြသည်။ အချို့ကတော့ ထိုဂေဟာမှ မိဘမဲ့ကလေးတစ်ဦးဖြစ်သည့် ပန်းချီ ပန်းပုပညာရှင် မဟ်မူးဒ် အီးဒ်နှင့် လေ့ကျင်နေကြသည်။ အသက် ၂၀ စွန်းစွန်း ရှိပြီဖြစ်သည့် မဟ်မူးဒ်အီးဒ်၏ လက်ရာများကို ပြသရန် အတွက် ဂေဟာထဲတွင် ပြခန်း တခန်း ဖန်တီးပေးထားသည်။ ထိုပြခန်းတွင် သစ်သားဖြင့် ပြုလုပ်ထားသော ပါလက်စတိုင်းမြေပုံ၊ ရွှံ့ဖြင့်ပြုလုပ်ထားသော အိုးများ၊ စိတ္တဇပန်းချီများနှင့် ကြောက်စရာမျက်နှာများ စသည့် မဟ်မူးဒ်၏ လက်ရာများကို ပြသထားသည်။

    ဂေဟာရှိအချို့သောကလေးငယ်များ၏ လက်ရာများကိုလည်း အဆိုပါ ခန်းမတွင် ပြသထားသည်။ စိတ်နှလုံးညှိုးနွမ်းဖွယ်ရာများတော့ မဟုတ်။ နေမင်းကြီးပုံ၊ ရွက်လွှင့်နေသော လှေပုံ စသည့် ခွန်အားပေးသော၊ လွတ်မြောက်ခြင်းကိုပြသော ပန်းချီများ၊ မှန်ပေါ်တွင် ရေးဆွဲ ထားသော ပန်ချီးကားများကို ပြသထားခြင်းဖြစ်လေ၏။ အဆိုပါ ကလေးငယ်များ၏ ဘ၀ ဆက်လက်တောက်ပနေမည်ဆိုသည်ကို အတည်ပြုခြင်းမျိုးလည်း ဖြစ်လေသည်။

    အချိန်ကြာလာသည့်နှင့်အမျှ စစ်မဖြစ်ခင် ၎င်းတို့၏ ဘ၀များ၊ မိသားစုများ စသည့် အမှတ်တရ အချိန်ကလေးများမှာ ပို၍ ဝေးကွာ သွားမည်ဖြစ်၏။ သို့ရာတွင် ထိုအရာများမှာ မည်သည့်အချိန်မှ ပျောက်ပျက်သွားမည်မဟုတ်ဟု မက်ဘင်က ပြောကြားခဲ့လေသည်။

    `ဘယ်သူမှ မေ့ပျောက်ကြမှာ မဟုတ်ပါဘူး။ အထူးသဖြင့် ကလေးတွေပေါ့ဗျာ။ ကလေးတွေက သူတို့ရဲ့ မိသားစုကို ဘယ်တော့မှ မေ့မှာမဟုတ်ပါဘူး။ (ပါလက်စတိုင်းသားအားလုံးက) ကျွန်တော်တို့ ပိုင်နက် သိမ်းပိုက်ခံလိုက်ရတဲ့ ၁၉၄၈ ခုနှစ်ကို သတိရနေကြမှာပါ။ အစ္စရေးကတော့ ကျွန်တော်တို့ကို မေ့စေချင်ကြတယ်လေ။ ဒါပေမယ့် ကျွန်တော်တို့ ဘယ်တော့မှ မေ့မှာ မဟုတ်ပါဘူး´

    ref: Al Jazeera
    .လေးမောင် ဘာသာပြန်ဆို တင်ဆက်သည်။

  • ဂါဇာရှိ ကုလစာသင်ကျောင်းများကို အစ္စရေး၏ တိုက်ခိုက်မှုအား စစ်ဆေးရန် အဖွဲ့ ဘန်ကီမွန်း ဖွဲ့စည်း

    ဂါဇာရှိ ကုလစာသင်ကျောင်းများကို အစ္စရေး၏ တိုက်ခိုက်မှုအား စစ်ဆေးရန် အဖွဲ့ ဘန်ကီမွန်း ဖွဲ့စည်း

    နိုဝင်ဘာ ၁၁ ၊ ၂၀၁၄
    M-Media
    _78441060_024389900-1
    – သီတင်းပတ် ၆ ပတ်တာ ကြာမြင့်ခဲ့သည့် ဂါဇာကမ်းမြှောင်အား အစ္စရေးမှ ကျူးကျော်တိုက်ခိုက်မှုအတွင်း ကုလသမဂ္ဂ စာသင်ကျောင်းများ တိုက်ခိုက်ခံရမှုကို စုံစမ်းစစ်ဆေးရန်အတွက် အဖွဲ့ဝင် ၅ ဦးပါဝင်သော အဖွဲ့တစ်ခုကို ကုလ အတွင်းရေးမှူးချုပ် ဘန်ကီမွန်က ဖွဲ့စည်းလိုက်သည်ဟု သိရသည်။

    အဆိုပါ စုံစမ်းစစ်ဆေးရေးအဖွဲ့ကို ဒက်ခ်ျဗိုလ်ချုပ်ဟောင်း ပက်ထရစ် ကမ်မာအက်က ဦးဆောင်မည်ဖြစ်ပြီး ဇူလိုင် ၈ ရက်မှ သြဂုတ်လ ၂၆ ရက်အထိ ပြုလုပ်ခဲ့သော အစ္စရေး၏ ကျူးကျော်တိုက်ခိုက်မှုအတွင်း သေဆုံးဒဏ်ရာရမှုများ ဖြစ်ပွားခဲ့သော ဖြစ်ရပ်များနှင့် ကုလသမဂ္ဂ အဆောက်အအုံများ တိုက်ခိုက်ခံရမှုများအတွက် စုံစမ်းစစ်ဆေးမှုများ ပြုလုပ်သွားမည်ဟု ကုလသမဂ္ဂမှ ပြောရေးဆိုခွင့်ရှိသူ ဖာဟန် ဟက်က ယမန်နေ့တွင် ပြောကြားခဲ့သည်။

    အစ္စရေး၏ အဆိုပါ ကျူးကျော်တိုက်ခိုက်မှုအတွင်း အနည်းဆုံး ကုလစာသင်ကျောင်း ၅ ခု ပျက်ဆီးခဲ့ပြီး ကလေးငယ်များ အပါအ၀င် လူအများအပြားသေဆုံးခဲ့သည်ဟု ပါလက်စတိုင်းဆိုင်ရာ ကုလသမဂ္ဂ ဒုက္ခသည်များ အေဂျင်ဆီ UNRWA က သတင်းထုတ်ပြန်ခဲ့သည်။

    အဆိုပါ စာသင်ကျောင်းများမှာ တိုက်ခိုက်မှုများကြောင့် အိုးအိမ်စွန့်ခွာ ထွက်ပြေးရသူများအတွက် ခိုလှုံရာ ဒုက္ခသည်စခန်းအဖြစ် အသုံးပြုခဲ့သော နေရာများဖြစ်သည်။

    ဘန်ကီမွန်မှာ ပြီးခဲ့သည့်လအတွင်း ဂါဇာရှိ တိုက်ခိုက်ခံနေရာများသို့ သွားရောက်ကြည့်ရှုခဲ့ပြီး ပျက်ဆီးဆုံးရှုံးမှုများမှာ ဖော်မပြနိုင်သော အနေအထားတွင် ရှိသည်ဟု ပြောကြားခဲ့သည်။

    Agencies

  • ဂါဇာတွင် ကျူးလွန်ခဲ့သည့် စစ်ရာဇဝတ်မှု အစ္စရေး တာဝန်ယူ ရမည်ဟု ဂျီနီဗာ အခြေစိုက် လူ့အခွင့်အရေး အဖွဲ့ပြော

    ဂါဇာတွင် ကျူးလွန်ခဲ့သည့် စစ်ရာဇဝတ်မှု အစ္စရေး တာဝန်ယူ ရမည်ဟု ဂျီနီဗာ အခြေစိုက် လူ့အခွင့်အရေး အဖွဲ့ပြော

    နိုဝင်ဘာ ၃ ၊ ၂၀၁၄
    M-Media
    &MaxW=640&imageVersion=default&AR-140809986
    – ဇူလိုင်လ အစောပိုင်းမှ စတင်ကာ သြဂုတ်လနှောင်ပိုင်းအထိ ဂါဇာဒေသအား အစ္စရေးတို့က ကျူးကျော်တိုက်ခိုက်မှုတွင် ပါလက်စတိုင်းအရပ်သားများကိုဖမ်းကာ ဓားစားခံလုပ်သည့်အတွက် အစ္စရေးအနေဖြင့် တာဝန်ယူရမည်ဟု ဂျီနီဗာအခြေစိုက် လူ့အခွင့်အရေးစောင့်ကြည့်အဖွဲ့ Euro-Mid Observer အဖွဲ့က ပြောကြားလိုက်သည်။

    အောက်တိုဘာ ၁ ရက်နေ့က ထုတ်ဝေခဲ့သော အစီရင်ခံစာတွင် ထိုကဲ့သို့ ပြောကြားလိုက်ခြင်းဖြစ်ပြီး ထိုတိုက်ခိုက်မှုအတွင်း အစ္စရေးတို့၏ ယုတ်မာရက်စက်မှုများကို ဖော်ပြထားသည်။

    “ကျွန်တော်တို့ရဲ့ စုံစမ်းစစ်ဆေးမှုမှာ အစ္စရေးဟာ ပါလက်စတိုင်း အရပ်သားတွေအပေါ် ညှာတာခြင်းမရှိ တိုက်ခိုက်တယ်ဆိုတာနဲ့ ပါလက်စတိုင်းတွေကိုဖမ်းကာ ဓားစာခံအဖြစ် အသုံးချခဲ့တယ်ဆိုတာကို တွေ့ရှိမှတ်တမ်းတင်ခဲ့ပါတယ်” ဟု Euro-Mid အဖွဲ့မှ ဥပဒေ အရာရှိ အစ်ဟ်ဆန် အဒဲလ်က ပြောကြားခဲ့သည်။

    အဆိုပါအဖွဲ့မှာ အရှေ့အလယ်ပိုင်း၊ မြောက်အာဖရိကဒေသတို့နှင့် ပတ်သက်၍ လူ့အခွင့်အရေး အခြေအနေများကို အာရုံစိုက် စောင့်ကြည့်နေသော အစိုးရမဟုတ်သည့် အဖွဲ့အစည်းတစ်ခုဖြစ်သည်။

    အစ္စရေး၏ တိုက်ခိုက်မှုများတွင် တိကျသော စစ်ဘက်ဆိုင်ရာပစ်မှတ်မရှိကြောင်း၊ တိုက်ခိုက်မှု၏ အကျိုးသက်ရောက်မှုကိုလည်း ကန့်သတ်ထားခြင်းမရှိကြောင်း၊ ထို့ပြင် တိုက်ခိုက်ရေးသမားနှင့် အရပ်သားများအား ခွဲခြားမှုမရှိခဲ့သောကြောင့် နိုင်ငံတကာ ဥပဒေအရ အစ္စရေး၏ တိုက်ခိုက်မှုများမှာ မဆင်မခြင် ပြုလုပ်ခဲ့သည့် တိုက်ခိုက်မှုများသာဖြစ်ကြောင်၊ အစ္စရေး စစ်တပ်မှာ ဂါဇာပြည်သူများအပေါ် ရည်ရွယ်ချက်ရှိရှိ တိုက်ခိုက်ခဲ့ခြင်းဖြစ်ကြောင်း Euro-Mid Observer အဖွဲ့၏ အဆိုပါ အစီအရင်ခံစာတွင် ထည့်သွင်းဖော်ပြခဲ့သည်။

    ထို့ပြင် ပါလက်စတိုင်းတိုက်ခိုက်ရေးသမားများက ပြည်သူများအား လူသားတံတိုင်းများအဖြစ် အသုံးပြုခဲ့သည်ဟူသော စွပ်စွဲချက်ကိုလည်း ငြင်းဆိုခဲ့သည်။

    Human Rights Watch နှင့် Amnesty International တို့ကဲ့သို့ နိုင်ငံတကာ လူ့အခွင့်အရေး အဖွဲ့များကလည်း အစ္စရေးမှာ ဂါဇာကမ်းမြှောင်တွင် စစ်ရာဇ၀တ်မှုကို ကျူးလွန်ခဲ့သည်ဟု စွပ်စွဲထားသည်။

    ref_ Press TV

  • အစ္စရေး တိုက်ခိုက်မှုကြောင့် ဂါဇာပြည်သူများ ခံစားရမှုကို ရွှံ့ရုပ်ထုဖြင့် ပါလက်စတိုင်း ပန်းပုပညာရှင် တစ်ဦး ဖန်တီး

    အစ္စရေး တိုက်ခိုက်မှုကြောင့် ဂါဇာပြည်သူများ ခံစားရမှုကို ရွှံ့ရုပ်ထုဖြင့် ပါလက်စတိုင်း ပန်းပုပညာရှင် တစ်ဦး ဖန်တီး

    အောက်တိုဘာ ၃၀၊ ၂၀၁၄
    M-Media
    28-10-14_Clay-Sculptures-Capture-Gazans-Pain
    – လူပေါင်း ၂၀၀၀ ကျော်သေဆုံးခဲ့သည့် အစ္စရေးတို့၏ ကျူးကျော်တိုက်ခိုက်မှုအတွင်း တိုက်လေယာဉ်များမှ ကျရောက်လာသော ဗုံးများကို ရှောင်ရှားရန် အိုးအိမ်စွန့်ခွာ ထွက်ပြေးခဲ့ရသည့် ဂါဇာပြည်သူများ၏ နာကျင်ခံစားရမှုများကို ဖော်ပြသော ရွှံ့ရုပ်ထုများကို ပါလက်စတိုင်း ပန်းပုပညာရှင်တစ်ဦးက ထုလုပ်ခဲ့သည်ဟု သိရသည်။

    “ဒီရုပ်ထုတွေဟာ အနုပညာပုံစံသစ်တစ်ခု ဖြစ်ပြီး ဂါဇာပြည်သူတွေရဲ့ နာကျင်ခံစားရမှုတွေကို ဖော်ပြခြင်းတစ်မျိုးပါပဲ” ဟု အဆိုပါ ရွှံ့ရုပ်ထုများကို ထုလုပ်သူ ပန်းပုပညာရှင် အိုင်ယဒ် ဆက်ဘဟ်က France Press သို့ အောက်တိုဘာ ၂၈ ရက်နေ့တွင် ပြောကြားခဲ့သည်။

    ရုပ်ထုများတွင် ခြေဗလာနှင့် အမျိုးသမီးမှာ အ၀တ်အစားမရှိသော ကလေးငယ်အား ချီလာပုံ၊ အသက်အရွယ်ကြီးရင့်သော အဖိုးအိုတစ်ယောက်မှာ တုတ်တစ်ခုကို အားပြုကာ ခက်ခက်ခဲခဲ လက်လျှောက်နေရပုံ စသည့် အစ္စရေးတို့၏ ကျူးကျော်တိုခိုက်မှုကြောင့် ထွက်ပြေးခဲ့ရသော ဂါဇာပြည်သူများ၏ ပုံရိပ်များကို လက်ရာမြောက်စွာ ထုလုပ်ထားသော ရုပ်ထုများလည်း ပါဝင်သည်။

    အဆိုပါ ရုပ်ထုများကို ဖိုင်ဘာမှန်များဖြင့် ထုလုပ်ပြီးနောက် ဆက်ဘဟ်မှာ ရွှံ့များဖြင့်ကျံခဲ့ပြီး အစ္စရေးတို့၏ ကျူးကျော်တိုက်ခိုက်မှုကို အများဆုံး ခံခဲ့ရသည့် ဂါဇာစီတီးအရှေ့ပိုင်း ရှီဂျိုင်ယာခရိုင်ရှိ ပြိုကျပျက်ဆီးနေသော အိမ်ရာများအနီးတွင် ရုပ်ထုများအား ထားရှိခဲ့သည်။ ထိုရုပ်ထုများထဲမှ အချို့တွင် သွေးပုံအနီရောင် ဆေးများကိုလည်း ချယ်သခဲ့သည်။

    ဆက်ဘဟ်၏ အားထုတ်မှုများအား ဂါဇာပြည်သူများကလည်း ချီးကျူးခဲ့ကြသည်။

    ဇူလိုင် ၈ ရက်နေ့မှ စတင်ခဲ့ပြီး သီတင်းပတ် ၇ ပတ်တာ ကြာမြင့်ခဲ့သည့် ဂါဇာဒေသအား အစ္စရေးတို့၏ ကျူးကျော်တိုက်ခိုက်မှုအတွင်း ပါလက်စတိုင်းပြည်သူ ၂၂၀၀ ကျော် သေဆုံးခဲ့ကာ ဂါဇာရှိ နေအိမ်များ၊ စာသင်ကျောင်းများ၊ ၀တ်ပြုရာအဆောက်အဦးများ၊ ကုလသမဂ္ဂ ကယ်ဆယ်ရေးစခန်းများ၊ ဆေးရုံများ၊ မသန်စွမ်းကုသရေးစင်တာများ စသည့် အများပြည်သူနှင့် သက်ဆိုင်သော နေရာများအား ပစ်မှတ်ထား ဖျက်ဆီးခြင်း ခံခဲ့ရသည်။

    “ဒီရုပ်တုတွေက ကျူးကျော်တိုက်ခိုက်မှုကို ပြန်လည်အမှတ်ရစေပါတယ်။ အမျိုးသားတွေ၊ အမျိုးသမီးတွေ၊ ကလေးတွေနဲ့ ကျွန်တော်တို့ ထွက်ပြေးတုန်းကဆိုရင် တစ်ချို့ဆို အတွင်းခံအ၀တ်အစားတွေနဲ့ ပြေးခဲ့ကြရတာပါ” ဟု အစ္စရေး၏ ဒရုန်းဖြင့်တိုက်ခိုက်မှုကြောင့် နေအိမ်ပျက်ဆီးသွားခဲ့သည့် အသက် ၂၀ အရွယ် မိုဟာမက် အလ်-လတစ်ဖ်က ၎င်း၏ နေအိမ် မဖျက်ဆီးခံရမီ ထွက်ပြေးခဲ့သည့် အချိန်အား ပြန်ပြောင်းပြောပြခဲ့သည်။

    ကမ္ဘာကြီးအတွက် သတင်းစကား

    ဆက်ဘဟ်ကမူ မျက်နှာပေါ်တွင် နာကျင်ခံစားရမှုပုံရိပ်များ ထင်ဟပ်နေသည့် ၎င်း၏ ရုပ်ထုများမှာ “ဂါဇာရှိနေအိမ်များ၊ အခြေခံအဆောက်အဦးများကို ဖျက်ဆီးခြင်းက ဂါဇာပြည်သူတစ်ရပ်လုံးအား ဖျက်ဆီးခြင်းသာဖြစ်သည်” ဟူသော သတင်းစကားတစ်ရပ်အား အစ္စရေးသို့ ပေးပို့နိုင်မည်ဟု မျှော်လင့်နေသည်။

    အနုပညာဆိုင်ရာ ပါမောက္ခ တစ်ဦးဖြစ်သူ မိုဟာမက် မွတ်စလင်ကလည်း ဆက်ဘဟ်၏ အားထုတ်မှုက စစ်ပွဲ၏ အနိဌာရုံများကို ပြန်ပြောင်း သတိရစေသည်ဟု ပြောကြားခဲ့သည်။

    အစ္စရေး၏ ကျူးကျော် တိုက်ခိုက်မှုကြောင့် ဂါဇာကမ်းမြှောင်တွင် နေအိမ် ၅၅၁၀ လုံးမှာ လုံးဝ ပြိုသွားခဲ့ပြီး ၃၁၀၀၀ မှာ ဆိုးဆိုးဝါးဝါး ပျက်ဆီးခဲ့သည်ဟု ကုလ၏ ထုတ်ပြန်မှုတွင် ဖော်ပြထားသည်။

    ဂါဇာဒေသ ပြန်လည်တည်ဆောက်မှုများ ဆောင်ရွက်ရန် ကုလသမဂ္ဂနှင့် ကမ္ဘာ့နိုင်ငံများက ထောက်ပံ့ငွေများပေးအပ်မည်ဟု ကတိပြုထားပြီး ကျူးကျော် တိုက်ခိုက်မှု ပြီးသွားသည်မှာ ၂ လကျော် ကြာမြင့်ခဲ့ပြီးဖြစ်သော်လည်း အစ္စရေး၏ ပိတ်ဆို့ထားမှုကြောင့် ဂါဇာဒေသအတွင်းသို့ ဆောက်လုပ်ရေး ပစ္စည်းများ ၀င်ရောက်လာနိုင်ခြင်း မရှိသေးပေ။

    “နိုင်ငံရေးသမားတွေကတော့ ဂါဇာဒေသပြန်လည် တည်ဆောက်ဖို့ ရုပ်ပိုင်းဆိုင်ရာ ပျက်ဆီးမှု တွေကို ပြန်လည်ပြင်ဆင်ဖို့ ပြောကြပါတယ်။ ဒါပေမယ့် ဂါဇာပြည်သူ အားလုံးကို ထိခိုက်စေခဲ့တဲ့ စိတ်ပိုင်းဆိုင်ရာ ထိခိုက် ခံစားရမှုတွေကို အာရုံစိုက်ဖို့ ကျွန်တော်သူတို့ကို ပြောချင်ပါတယ်” ဟု ဆက်ဘဟ်က ထည့်သွင်းပြောကြားခဲ့သည်။

    Source: OnIslam & News Agencies