News @ M-Media

Tag: Kachin IDP

  • ကချင်စစ်ဘေးရှောင် ဒုက္ခသည်များ NLD အစိုးရကို အားကိုးတကြီးမျှော်လင့်

    ကချင်စစ်ဘေးရှောင် ဒုက္ခသည်များ NLD အစိုးရကို အားကိုးတကြီးမျှော်လင့်

    Feature2
    ဝင်ငွေရရန် ကချင်ရိုးရာခေါင်းပေါင်း ချုပ်လုပ်နေကြတဲ့ အမျိုးသမီးများ။ မိနစ်လေးငါးဆယ်ကြာ ချုပ်ရတဲ့ ခေါင်းပေါင်းတစ်ခုအတွက် ချုပ်ခ ကျပ်တစ်ရာ ရမှာ ဖြစ်ပါတယ် (ဓာတ်ပုံ – သင်းလဲ့ဝင်း/Myanmar Now)

    သင်းလဲ့ဝင်း/Myanmar Now

    မြစ်ကြီးနား (Myanmar Now) − ရွယ်ဂျာဟာ ၂ဝ၁၁ ခုနှစ်က သူတို့ရွာအနီးဝန်းကျင်မှာ အစိုးရတပ်နဲ့ ကချင်လွတ်မြောက်ရေးတပ် (KIA) တို့ရဲ့ တိုက်ပွဲတွေ ပြင်းထန်နေတဲ့ကြားက ထွက်မပြေးဘဲ  အိမ်မှာ ခြောက်လကျော် တင်းခံပြီး နေခဲ့ပါတယ်။   ဒီနေရာမှာပဲမွေး၊ ဒီနေရာမှာပဲကြီးပြင်း၊ လယ်ယာလုပ်တဲ့ ခင်ပွန်းသည်၊ ကလေးငယ်တစ်ဦးတို့နဲ့အတူ ဘဝလေးတစ်ခုကို တည်ဆောက်ခဲ့တာပါ။

    “ဒါပေမဲ့ အာဏာပိုင်တွေက ကချင်တွေဆို KIA နဲ့ ပတ်သက်မှုရှိနေတယ်လို့ မြင်လာတယ်။ စီးပွားရေး၊ လူမှုရေး ကြောင့် KIA ဆိုပြီး စွပ်စွဲရင် ဘာမှ စုံစမ်းစစ်ဆေးခြင်းမရှိဘူး။ ဖမ်းတာပဲ” လို့ ရွယ်ဂျာက ပြောပါတယ်။

    ခင်ပွန်းသည် ဒီလိုလိမ်လည်တိုင်ကြားခံမှာ စိုးတာရယ်၊ အဲဒီတုန်းက သူ့မှာ ဒုတိယကလေးကို ကိုယ်ဝန်အရင့်အမာလွယ်ထားရတာတို့ကြောင့် နောက်ဆုံးမှာတော့၂ဝ၁၂ ခုနှစ် မတ်လမှာ တာလောကြီးရွာကနေ ကားနဲ့ နှစ်နာရီလောက် သွားရတဲ့ မြစ်ကြီးနားမြို့ကို ထွက်ခွာခဲ့ရတယ်။

    စိန့်ပေါလ်ဂျန်မိုင်ကောင်း ဒုက္ခသည်စခန်းကို ရောက်ရှိပြီး နှစ်ပတ်အကြာမှာ သူတို့ရဲ့ ဒုတိယမြောက်ကလေးကို မွေးပါတယ်။

    “ဒီနေရာမှာ ဒီလောက်ကြာကြာနေရမယ်လို့ မထင်ခဲ့ဘူး” လို့ သက်ငယ်၊ ဓနိတွေနဲ့ ကာရံထားပြီး ဒုက္ခသည်စခန်းရဲ့ အစည်းအဝေးခန်းအဖြစ်  အသုံးပြုတဲ့ နေရာမှာ သူကပြောပြပါတယ်။ ဒီဒုက္ခသည်စခန်းလေးဟာ ကစ်သလစ်ဘုရားရှိခိုးကျောင်းက တည်ထောက်ထားတဲ့ ကရုဏာမြန်မာ လူမှုကူညီရေးအသင်းရဲ့ အထောက်အပံ့တွေနဲ့ အဓိကရပ်တည်နေတာဖြစ်ပြီး ဒီနှစ်ဆိုရင် ရွယ်ဂျာဟာ စခန်းတာဝန်ခံအဖြစ်  ထမ်းဆောင်နေတာပါ။

    သူတို့ရွာနား တိုက်ပွဲတွေ မဖြစ်တော့ပေမယ့် အစိုးရစစ်တပ်ရှိနေတာရယ်၊ အနှံ့အပြားထောင်ထားတဲ့ မိုင်းတွေ ဆက်ရှိနေတာတွေရယ်ကို ကြောက်တာကြောင့် သူတို့ မိသားစု ရွာကို မပြန်ရဲကြသေးပါဘူး။

    ဒါပေမဲ့ နေအိမ်ကနေ့ စွန့်ခွာလာပြီးကတည်းက ပထမဆုံးအကြိမ်အဖြစ် ရွယ်ဂျာ့မှာ မျှော်လင့်ချက်တွေရှိလာပါပြီ။

    “ကျွန်မ ၂ဝ၁ဝ ရွေးကောက်ပွဲတုန်းက မဲမထည့်ခဲ့ဘူး၊ ကိုယ်ထည့်လည်း မထူးခြားဘူးဆိုပြီးတော့။ ဒီတစ်ခေါက်တော့ အစောကြီး အိပ်ရာကထပြီး မဲသွားပေးတယ်။ ထင်ထားတဲ့အတိုင်းဘဲ NLD နိုင်လို့ အရမ်းပျော်တယ်။ ငြိမ်းချမ်းရေးကို ဦးစားပေးမယ်လို့ ထင်ပါတယ်။ အများကြီးပြောင်းလဲလိမ့်မယ်လို့ထင်တယ်” လို့ နိုဝင်ဘာ ၈ ရက် ရွေးကောက်ပွဲမှာ အပြတ်အသတ် အနိုင်ရခဲ့တဲ့ ဒေါ်အောင်ဆန်းစုကြည်ရဲ့ အမျိုးသားဒီမိုကရေစီအဖွဲ့ချုပ်ကို ရည်ညွှန်းပြောပါတယ်။

    ကျွန်မတွေ့ဆုံပြောဆိုခဲ့ရတဲ့ စစ်ဘေးရှောင်ဒုက္ခသည်တွေအားလုံးမှာ ဒီလိုမျှော်လင့်ချက်တွေ ရှိနေပါတယ်။ အစိုးရတပ်တွေနဲ့ ကချင်လက်နက်ကိုင်တပ်ဖွဲ့တွေအကြား တိုက်ပွဲပြန်စတာ ငါးနှစ်နီးပါးရှိခဲ့ဖြစ်လို့ NLD အစိုးရအနေနဲ့  ငြိမ်းချမ်းရေးရရှိအောင် အကောင်အထည်ဖော်၊ စစ်တပ်တွေကိုပြန်လည်ရုပ်သိမ်းပြီးရင် သူတို့အနေနဲ့ အိမ်ပြန်နိုင်လိမ့်မယ်လို့ မျှော်လင့်နေကြပါတယ်။

    တစ်ဖက်နှင့်တစ်ဖက် ကာလရှည်ကြာ မကျေနပ်မှုများကြောင့် အပစ်အခတ်ရပ်စဲရေး သဘောတူညီချက် ၁၇ နှစ်အကြာမှာ ပျက်စီးသွားခဲ့ပြီး ၂ဝ၁၁ ခုနှစ်၊ ဇွန်လမှာ ကချင်ပြည်နယ်၊ ရှမ်းပြည်နယ်မြောက်ပိုင်းတွေမှာ တိုက်ပွဲတွေ ပြန်လည်ဖြစ်ပွားခဲ့ရာကနေ အရပ်သား တစ်သိန်းခန့် အိုးအိမ်စွန့်ခွာ ထွက်ပြေးခဲ့ရတာပါ။

    ငြိမ်းချမ်းရေးရဖို့ကြန့်ကြာလာတာနဲ့အမျှ အစိုးရနဲ့တိုင်းရင်းသားလက်နက်ကိုင်အဖွဲ့တွေရဲ့ ထိန်းချုပ်ထားတဲ့ နေရာတွေမှာ ခိုလှုံကြတဲ့ ဒီစစ်ဘေးရှောင်ဒုက္ခသည်တွေဟာ ယုံကြည်မှုကျဆင်းလာကြပါတယ်။

    “ဒီစခန်းတွေမှာနေရတာ ကြာလာတာနဲ့အမျှ ဒုက္ခသည်တွေဟာ ငြီးငွေ့လာတယ်၊ အလုပ်အကိုင်ဆိုလည်း အနီးအနားမှာမရှိဘူး။ လုပ်ကိုင်စားသောက်ဖို့ဆိုတော့လည်း မြေအခက်အခဲရှိတော့ အဆင်မပြေဘူး။ ပြည်ပကကူညီတာတွေလည်း လျော့ကြလာတော့  တကယ်လိုအပ်ချက်တွေကို မဖြည့်ဆည်းပေးနိုင်တာတွေ ရှိလာတယ်။ အားလုံးက မရေမရာဆိုတော့ ကူညီသူတွေလည်း လက်ပန်းကျလာတယ်၊  ဒုက္ခသည်တွေလည်း စိတ်ဓာတ်ကျလာတယ်” လို့ မေတ္တာဖောင်ဒေးရှင်းမှ ဒေါ်အိဖြူအောင်က ပြောပါတယ်။
    ဒီဖောင်ဒေးရှင်းဟာ မြန်မာနိုင်ငံမှာ အင်အားအကြီးမားဆုံးသော NGO အဖွဲ့အစည်းတစ်ခုဖြစ်ပြီး ကချင်ပြည်နယ်က ဒုက္ခသည်တွေအပေါ် အရေးပေါ်အကူအညီပေးရေး လုပ်ငန်းတွေကို ၂ဝ၁၁ ကတည်းက စတင်လုပ်ဆောင်နေတာပါ။

    ဒီစခန်းတွေမှာလည်း အမျိုးသမီးတွေအပေါ် အကြမ်းဖက်မှုတွေကလည်း ဖြစ်ပေါ်နေပါသေးတယ်။ ခင်ပွန်းသည်တွေက သူတို့ရဲ့စိတ်မကျေနပ်မှုကို ဇနီးသည်အပေါ်မှာပုံချ၊ အကြမ်းဖက်တာတွေက အများဆုံးဖြစ်ပါတယ်လို့  ဒေါ်အိဖြူအောင်က ပြောပါတယ်။
    မေတ္တာဖောင်ဒေးရှင်းက ဒုက္ခသည်စခန်း ၄၁ မှာ ၂ဝ၁၄၊ ဧပြီကနေ ၂ဝ၁၅၊ မတ်လ အထိ ၁၅ လကြာ ကာလအတွင်း အမျိုးသမီးတွေ အကြမ်းဖက်နှိပ်စက်ခံရမှုပေါင်း ၅၈၃ ခု စာရင်းရရှိထားပါတယ်။

    Feature1
    စခန်းအတွင်း ကျောင်းဆင်းချိန် နေ့လယ်စာ စားနေတဲ့ ငါးနှစ်အရွယ် ကလေးငယ် (ဓာတ်ပုံ – သင်းလဲ့ဝင်း/Myanmar Now)

    အဲဒီတော့ ဒီစစ်ရှောင်ဒုက္ခသည်တွေဟာ ရွေးကောက်ပွဲရလဒ်အပေါ် စိတ်တွေလှုပ်ရှားနေတာဟာ အရမ်းအံ့သြစရာတော့မဟုတ်ပါဘူး။  လေ့လာစောင့်ကြည့်သူတွေကတော့ တိုင်းရင်းသားပြည်နယ် ဒေသတွေမှာ NLD ပါတီ အကြီးအကျယ် အနိုင်ရသွားတာကို အံ့အားသင့်သွားကြပါတယ်။ အမျိုးသားလွှတ်တော်နဲ့ ပြည်သူ့ လွှတ်တော်အတွက် ကချင်ပြည်နယ် မဲဆန္ဒနယ် ၃ဝ မှာ ၂၂ နေရာအတွက် NLD  အနိုင်ရခဲ့သလို ပြည်နယ်လွှတ်တော်မှာလည်း နေရာထက်ဝက်ကျော် နိုင်တာကြောင့် ဗဟိုအဆင့်နဲ့ ပြည်နယ်အဆင့်တွေမှာ အခိုင်အမာ ထောက်ခံမှုရရှိခဲ့တာပါ။

    “မျှော်လင့်တာက အစိုးရအသစ်ကို မျှော်လင့်နေတာပေါ့။ စစ်ပြေးတွေရော၊ အားလုံးရော၊ လူမျိုးဘာသာမခွဲခြားဘဲ အကုန်လုံးကို ငြိမ်းငြိမ်းချမ်းချမ်း ပျော်ပျော်ရွှင်ရွှင် တည်ထောင်ပေးမယ် လို့မျှော်လင့်တယ်” လို့ ဒေါ်ရွယ်ဂျာရဲ့  ဇာတိရွာမှ အသက် ၄ဝ အရွယ် ဒေါ်ဂါးခွန်ရာက ပြောပါတယ်။

    ထိခိုက်သွားတဲ့ ဘဝတွေ
    —————————–
    တိုက်ပွဲတွေ ပြန်လည်စဖြစ်ပြီးတဲ့နောက်ပိုင်း ဒုက္ခသည်စခန်းများဟာ နေရာ အခက်အခဲဖြစ်လာသလို မိုးတွင်းမှာ ရေကြီးမှုကိုလည်း ကြုံတွေ့ရပါတယ်။ နွေရာသီမှာတော့ မခံမရပ်နိုင်လောက်အောင် ပူပါတယ်။ သူတို့အတွက် အကူအညီအထောက်အပံ့တွေ ရရှိမှုနည်းလာသလို အနာဂတ်ဟာလည်း မသေချာပါဘူး။ ဒီဒုက္ခသည်တွေကို ကူညီဖို့ ဒေါ်လာ သန်း ၄ဝ လိုအပ်နေတဲ့ ကုလသမဂ္ဂ ကမ္ဘာ့စားနပ်ရိက္ခာအစီအစဉ်ကလည်း အစားအစာ မပေးတော့ဘဲ ငွေစတင်ပေးနေပါပြီ။ အစိုးရရဲ့ ထိန်းချုပ်မှုအပြင်ဘက်မှာ ရောက်နေတဲ့ ဒုက္ခသည်စခန်းတွေဟာ ဝေးလံခေါင်ဖျားတဲ့ အရပ်မှာရှိနေပြီး အကူအညီရရှိမှုလည်း နည်းနေတာကြောင့် အခြေအနေတွေက ပိုမိုဆိုရွားနေတာပါ။ အခြေအနေတွေ သည့်ထက်ပိုဆိုးလာမှာကိုလည်း စိုးရိမ်နေကြပါပြီ။

    “ဒီမှာကတော့ဝင်ငွေမရှိဘူး၊ ထွက်ငွေပဲရှိတယ်” လို့ အသက် ၄ဝ အရွယ် လတောင်ခွန်ရာက ပြောပါတယ်။

    “ကျွန်မမှာ ကလေး ၈ ယောက်ရှိတယ်။ ကျွန်မယောက်ျားကမနှစ်က ဆီးချိုဖြစ်လို့… အလုပ်ကြမ်းလည်း မလုပ်နိုင်ဘူး။ ဒီနေ့တော့ နေ့စားလုပ်ဖို့ဆိုပြီး သူငယ်ချင်းတွေနဲ့ထွက်သွားလေရဲ့” လို့ ဆိုပါတယ်။

    အလုပ်လုပ်ဖို့  သူတို့ ဝန်မလေးပေမယ့် အလုပ်အကိုင် အလွန်ရှားပါးတယ်လို့ စစ်ဘေးရှောင်ဒုက္ခသည်တွေက ဆိုပါတယ်။ ဆောက်လုပ်ရေးလုပ်ငန်းတွေမှာ အလုပ်သွားလုပ်မယ်ဆိုရင် အများဆုံးအနေနဲ့ အမျိုးသမီးတစ်ဦးကို တစ်နေ့ ကျပ်သုံးထောင်၊  အမျိုးသားဆိုရင် တစ်ဦးကို ခြောက်ထောင်လောက် ရတတ်တယ်။ အဲဒီလောက် မရတာလည်းရှိကြတယ်လို့ ဆိုပါတယ်။

    “အလုပ်ရှင်တွေကနှိမ်ကြတယ်။ ‘နင်တို့ကအကူအညီရနေတာ။ ၂,ဝဝဝ ပဲ ပေးလည်းရတယ်’ လို့ပြောတယ်။ ကျွန်မတို့က ချေးများလို့မရဘူး” လို့ ဒေါ်ဂါးခွန်ရာက ပြောပါတယ်။

    အနည်းငယ်ပိုကြီးတဲ့ ဇီအွန်စခန်းမှာတော့ ဒုက္ခသည် ၇၁ဝ လောက်ကို ကချင်နှစ်ခြင်းအဖွဲ့က အဓိက ကူညီထောက်ပံ့ထားပါတယ်။  အမျိုးသမီးတွေက ကချင်ရိုးရာခေါင်းပေါင်းလေးတွေကိုချုပ်ပြီး ကလေးတွေကို ထိန်းရင်း ဝင်ငွေရှာပါတယ်။ ခေါင်းပေါင်းတစ်ခု ကျပ် ၁ဝဝ ရဖို့အတွက် မိနစ် ၄ဝ ကနေ ၅ဝ အထိ ကြာမြင့်တတ်ပါတယ်။

    လူငယ်တွေကတော့ ကျောင်းကထွက်ပြီး ဝင်ငွေရမယ့် အလုပ်ကို ရှာလုပ်နေကြပါတယ်။

    အသက် ၂ဝ အရွယ် ဇော်ဖန်းကတော့ သူ့အနေနဲ့ အထက်တန်းပြီးအောင် ကျောင်းဆက်တက်ချင်တယ်လို့ ဆိုပါတယ်။ ပြီးခဲ့တဲ့ နှစ်က ဆယ်တန်းစာမေးပွဲ ကျပြီးတဲ့နောက်မှာ ပညာရေးကို စွန့်ခွာပြီး အခြားတစ်မြို့မှာ လယ်အငှားသွားလုပ်နေပါတယ်။ သူလည်းပဲ ရွေးကောက်ပွဲတုန်းက မဲမပေးခဲ့ပါဘူး။

    “နိုင်ငံရေးစိတ်မဝင်စားတာလဲပါတယ်၊ အလုပ်မအားလို့မလာဖြစ်တာလည်းပါတယ်။ ဒါပေမယ့် အပြောင်းအလဲကိုတော့ မျှော်လင့်နေပါတယ်။  ဘာဖြစ်မလဲတော့ မှန်းလို့မရဘူး” လို့ ဆိုတယ်။

    ဖျောက်ဖျက်ဖို့ မလွယ်တဲ့ ဒဏ်ရာတွေ
    ————————————-
    မျှော်လင့်ချက်တွေအရမ်းမကြီးဖို့ အကူအညီပေးရေးဝန်ထမ်းတွေက သတိပေးထားပါတယ်။

    “အစိုးရအသစ်တက်ရင်လည်း ဒီတစ်နှစ်၊ နှစ်နှစ်အတွင်း အရမ်းကြီးပြောင်းသွားမယ် မထင်ဘူး။ နိုင်ငံရေးအခြေအနေကောင်းသွားလို့ ပြန်လို့ရပြီဆိုရင်တောင် အရင်ကအတိုင်း လုပ်ကိုင်စားသောက်နိုင်ဖို့ အတွက် အကူအညီကတော့ ကျွန်မတို့ လုပ်ပေးနေရဦးမှာပဲ” လို့ မေတ္တာဖောင်ဒေးရှင်းက ဒေါ်အိဖြူအောင်က ပြောပါတယ်။

    အိမ်ဆိုင်လေးတစ်ဆိုင်ဖွင့်ခဲ့ဖူးတဲ့ ကလေး လေးယောက်အမေ အသက် ၃၉ နှစ်အရွယ် ဒေါ်လုဆန်ကတော့ ထွက်ပြေးလာပြီး လအနည်းအကြာမှာ မြစ်ကြီးနားမြို့ရဲ့ တစ်ဘက်ကမ်းမှာရှိတဲ့ သူတို့အိမ်ကို ဒုက္ခသည်စခန်းကနေ ခဏပြန်သွားဖို့အတွက် ထောက်ခံချက်တွေ၊ ခွင့်ပြုချက်တွေ အများကြီးယူပြီး ကြိုးပန်းခဲ့သေးတယ်လို့ ဆိုပါတယ်။ သူက ရွာမှာ  ဆိုင်ကိုရော၊ တင်းပေါင်းရာနဲ့ချီကျန်ခဲ့တဲ့ စပါးတွေကိုရော စွန့်ခွာပြီး ထွက်ပြေးခဲ့ရသူပါ။

    Feature3
    တိုက်ပွဲကြောင့် ပျက်သွားတဲ့ ရွာတွေမှာ ဒေသခံတွေကို နေရာပြန်လည်ချထားပေးဖို့၊ စစ်တပ်တွေ ရုပ်သိမ်းဖို့၊ မိုင်းရှင်းပေးဖို့ တောင်းဆိုလိုက်တဲ့ ၃၉ နှစ်အရွယ် ဒေါ်လုဆန် (ဓာတ်ပုံ – သင်းလဲ့ဝင်း/Myanmar Now)

    “ဘာမှမကျန်ဘူး။ စပါးတွေလည်း အကုန်ကုန်။ ပစ္စည်းအကောင်းတွေဆို အကုန်ယူသွားကြတာ။ နောက်မှကြားတာက စစ်တပ်ကယူသွားတယ်လို့ ပြောကြတယ်” လို့ သူက အသံတွေတုန်လာရင်း  ပြောပြပါတယ်။

    သူတို့ရဲ့ စိတ်ဒဏ်ရာတွေကိုလည်း ပျောက်ကင်းအောင် ကုသဖို့ လိုနေပါတယ်။ သူငယ်ချင်းတွေနဲ့ မိသားစုတွေ ဆုံးရှုံးခဲ့ရသလို အားလုံးနီးပါးမှာ လက်ဗလာဖြစ်နေပါပြီ။ သူတို့ ရွာအနီးနားနဲ့ တစ်ရွာတည်းနေတဲ့သူတွေ နှိပ်စက်ခံရတာ၊ ဒုက္ခိတဖြစ်သွားတာ၊ အသတ်ခံရတာတွေကို ကြားသိနေရပါတယ်။ အများစုက အစိုးရစစ်တပ်ကြောင့် ဖြစ်ပွားရတာဆိုတဲ့ သတင်းတွေကြောင့်လည်း အစိုးရတပ်တွေအပေါ်မှာ ရွံကြောက်ကြီးဖြစ်နေသလို အခြားတိုင်းရင်းသားတွေလည်း စုပေါင်းနေထိုင်တဲ့ ဒီရွာတွေမှာ အချင်းချင်း ယုံကြည်မှုတွေ ပျောက်ဆုံးနေပါပြီ။

    အသက် ၇၄ နှစ်ရှိပြီဖြစ်တဲ့ ဦးကွမ်ဘောလကတော့ ၁၉၆ဝ ပြည့်နှစ် ဝန်းကျင် စစ်အစိုးရက တိုင်းရင်းသားတွေအပေါ်မှာ ဒီလိုနှိုပ်စက်ခဲ့တာတွေကို ကြားခဲ့တယ်လို့ ဆိုပါတယ်။  ရှမ်း၊ ကချင်၊ ဗမာတိုင်းရင်းသားတွေနေထိုင်တဲ့ သူတို့ရွာမှာ တိုက်ပွဲတွေမဖြစ်ခင်က ပြည်သူတွေဟာ တစ်ဦးနဲ့တစ်ဦး ချစ်ချစ်ခင်ခင် နေထိုင်သလို  ခရစ်ယာန်ဘုရားရှိခိုးကျောင်းနဲ့ ဗုဒ္ဓဘာသာ ဘုန်းတော်ကြီးကျောင်းတို့ဟာလည်း လမ်းကလေးသာခြားပြီး ရင်းရင်းနှီးနှီး ရှိကြတယ်လို့ ဆိုပါတယ်။

    အခုအခါမှာတော့ ရွာအများအပြားမှာ KIA ရဲ့ အန္တရာယ်က ကာကွယ်ဖို့ ရှမ်းနဲ့ ဗမာတိုင်းရင်းသားတွေဟာ အစိုးရ ပေးထားတဲ့ လက်နက်တွေ ရရှိပြီး ပြည်သူ့စစ်တွေဖြစ်နေပါပြီလို့ စစ်ဘေးရှောင်ဒုက္ခသည်များက ပြောပါတယ်။

    ဒေါ်လုဆန်ကတော့ NLD နဲ့ ယခုနေပြည်တော်မှာ ပြည်ထောင်စုငြိမ်းချမ်းရေးညီလာခံကို တက်ရောက်နေတဲ့ နိုင်ငံရေးခေါင်းဆောင်တွေကို မေတ္တာရပ်ခံပေးပါလို့ ပြောလိုက်ပါတယ်။

    “၇ နှစ်ဆိုတော့ ရွာတွေလည်း ပျက်ကုန်ပြီ။ ကလေးတွေရှေ့ရေးလည်း မကောင်းဘူး။ စစ်ရှောင်တွေလည်း အရမ်းဒုက္ခရောက်တယ်။ ချထားတဲ့ စစ်တပ်တွေလည်းအမြန်သိမ်းပေးပါ။ နောက်ပြီး ပြန်လည်နေရာချထားရေး၊ မိုင်းရှင်းပေးရေးတွေလည်းလုပ်ပေးပါ။ ကျွန်မတို့က အရမ်းပြန်ချင်ပြီ”

  • ရခိုင်မှ ဒုက္ခသည်များ ရေရှည် လိုအပ်ချက်များ ရှိနေကြောင်း နိုင်ငံတကာ ကြက်ခြေနီ အဖွဲ့ပြောကြား

    ရခိုင်မှ ဒုက္ခသည်များ ရေရှည် လိုအပ်ချက်များ ရှိနေကြောင်း နိုင်ငံတကာ ကြက်ခြေနီ အဖွဲ့ပြောကြား

    စက်တင်ဘာ ၁၁ ၊ ၂၀၁၄
    M-Media

    OCHA
    ဓါတ်ပုံ အညွှန်း – ကုလသမဂ္ဂ OCHA အကြီးအကဲ John Ging မှ ရခိုင်ပြည်နယ် ဒုက္ခသည် စခန်းများသို့ စက်တင်ဘာ ၁၀ ရက်နေ့က သွားရောက်ကြည့်ရှုစဉ် Photo: OCHA / C. Learson

    – ရခိုင်ပြည်နယ်တွင် ၂၀၁၂ ခုနှစ်အတွင်း ဖြစ်ပွားခဲ့သည့် အကြမ်းဖက် တိုက်ခိုက်မှုများကြောင့် အိုးအိမ်စွန့်ခွာ ထွက်ပြေးခဲ့ရသည့် ဒုက္ခသည်များမှာ ရှေရှည် လိုအပ်ချက်များရှိနေသည်ဟု နိုင်ငံတကာ ကြက်ခြေနီအဖွဲ့ ICRC မှ စက်တင်ဘာ ၁၀ ရက်နေ့တွင် ထုတ်ပြန်ခဲ့သော အစီရင်ခံစာ၌ ဖော်ပြထားသည်။

    အကူအညီပေးရေးအဖွဲ့များအား ပစ်မှတ်ထားသည့် အကြမ်းဖက်တိုက်ခိုက်မှုများ ဖြစ်ပွားခဲ့ပြီးနောက် ပြီးခဲ့သည့်မေလမှစတင်ကာ ICRC မှ အကူအညီပေးရေး လုပ်ငန်းများကို ပြန်လည်လုပ်ဆောင်ခဲ့သည်။

    လက်ရှိအချိန်တွင် ရခိုင်ပြည်နယ်ရှိ ဒုက္ခသည်များအတွက် အရေးပါသည့် ကျန်းမာရေး စောင့်ရှောက်မှုများ လိုအပ်နေပြီး အစားသောက်နှင့် သောက်သုံးရေ ရရှိရေးတို့မှာလည်း အရေးကြီးနေကာ အကြမ်းဖက်မှုများက မွတ်စလင်နှင့် ရခိုင် လူ့အဖွဲ့အစည်းနှစ်ခုလုံးကို ရေရှည်ထိခိုက်နေသည်ဟု စစ်တွေရှိ ICRC ရုံးမှ အကြီးအကဲ အာကွင်း အိုချွာက ပြောကြားခဲ့သည်။

    ICRC ကမူ ရခိုင်ပြည်နယ်အတွင်း ကျန်းမာရေးလုပ်ငန်းများ၊ အစားအသောက်နှင့် သောက်သုံးရေ ရရှိရေး ဆောင်ရွက်ပေးခြင်း၊ ဆေးရုံ၊ ဆေးခန်းများ အတွက် ဆေးဝါးများ၊ ဆေးဘက်ဆိုင်ရာ ပစ္စည်းများ ထောက်ပံ့ခြင်း၊ တောင်သူလယ်သမားများအတွက် စိုက်ပျိုးရေးလုပ်ငန်းများ ပြန်လည်လုပ်ဆောင်ရန် အတွက် မျိုးစေ့များ၊ မြေသြဇာများဝေငှခြင်း စသည့် အကူအညီပေးရေးလုပ်ငန်းများကို လုပ်ဆောင်နေသည်။

    အစားသောက်ချက်ပြုတ်ရန် ထင်းမရရှိသည့် ဒုက္ခသည်စခန်း သုံးခုကိုလည်း စပါးခွံများမှ ပြုလုပ်ထားသည့် ထင်းအစားထိုးလောင်စာများ ပေးပို့ ကူညီထားသည်။ ထို့ပြင် မိုးရာသီ၌ အမိုးအကာများရရှိစေရန် တာပေါ်လင်စများ၊ ငါးဖမ်းသမားများအတွက် ငါးဖမ်း ပစ္စည်းကိရိယာများ စသည်တို့ကို ပေးအပ်ထားပြီး ခြောက်သွေ့ရာသီတွင် ဒုက္ခသည်မိသားစုများ ပုံမှန်ဝင်ငွေရရှိရေး အသေးစား စီးပွားရေးလုပ်ငန်းများကို ICRC မှ ထူထောင်ပေးရန် ရှိနေသည်။

    ICRC မှာ ကချင်ပြည်နယ်နှင့် အရှေ့ပိုင်းပြည်နယ်များရှိ စစ်ဘေးဒဏ်ခံပြည်သူများအတွက်လည်း အကူအညီပေးရေးလုပ်ငန်းများကို လုပ်ဆောင်နေပြီး ရုပ်ပိုင်းဆိုင်ရာ ပြန်လည်ထူထောင်ရေး စင်တာများကို ဖွင့်လှစ်ရန် စီစဉ်ထားသည်ဟု အဆိုပါ အစီရင်ခံစာတွင် ထည့်သွင်းဖော်ပြထားသည်။

    ref_ICRC

  • ဂီတဖြင့် အလှူငွေ ရှာပြီး လက်လုပ်လက်စား ပြည်သူများ အလှူငွေများ စုပေါင်းကာ ကချင်စစ်ဘေး ဒုက္ခသည်များကို  လှူဒါန်းခဲ့

    ဂီတဖြင့် အလှူငွေ ရှာပြီး လက်လုပ်လက်စား ပြည်သူများ အလှူငွေများ စုပေါင်းကာ ကချင်စစ်ဘေး ဒုက္ခသည်များကို လှူဒါန်းခဲ့

    ဇွန် ၁၇၊ ၂၀၁၄
    M-Media
    လမင်း

    DSC02701

    ရန်ကုန် ။       ။      ကချင်ပြည်နယ် ရှမ်းပြည်နယ်မြောက်ပိုင်းရှိ စစ်ဘေး ဒုက္ခသည်များကို လွတ်လပ်ငြိမ်းချမ်းပန်းရဲ့လမ်း လူမှုကွန်ရက်အသင်း၊ ရွှေသံစဉ် ဂီတ ဖောင်ဒေးရှင်း နှင့် The Action Times Foundation တို့မှ ပူးပေါင်းပြီး ဂီတဖြင့်ဖျော်ဖြေကာ အလှူငွေရှာပြီး သွားရောက် လှူဒါန်းခဲ့ကြရာ လမ်းတစ်လျှောက်တွင် လက်လုပ်လက်စားပြည်သူများ၏ အလှူငွေများဖြင့် ကချင်စစ်ဘေး ဒုက္ခသည်များကို သွားရောက်လှူဒါန်းခဲ့ခြင်းဖြစ်သည်ဟု ဟု The Action Times Foundation မှအတွင်းရေးမှူး မအိန္ဒြာနေနွယ် ကဆိုသည်။

    ကချင်ပြည်နယ် အတွင်းရှိ ဒုက္ခသည်စခန်းများကို ၎င်းအဖွဲ့သုံးဖွဲ့ပူးပေါင်းပြီး ဇွန်လ ၁ရက်နေ့မှစတင်ကာ ရန်ကုန်မြို့ အောင်မင်္ဂလာအဝေးပြေးဝင်းတွင် ဂီတဖြင့် ဖျော်ဖြေ အလှူခံပြီး မန္တလေးမြို့၊ ပြင်ဦးလွင်၊ နောင်ချို၊ ကျောက်မဲ၊ သီပေါ၊ လားရှိုး၊ ကွတ်ခိုင်၊ မူဆယ် စသည့်မြို့များတွင် ဖျော်ဖြေခဲ့ကြပြီး ကချင်ဒုက္ခသည် စခန်းများကို အလှူငွေများသွားရောက်လှူဒါန်းခဲ့ခြင်းဖြစ်ကြောင်း သိရသည်။

    အရင်က ရှိုးပွဲတွေမှာပဲ သီချင်းဆိုနေရာကနေ လမ်းဘေးမှာဆိုပြီး အလှူငွေရှာရမယ်ဆိုတော့ ရှက်ခဲ့မိကြောင်း သို့သော်လည်း ဒုက္ခသည်စခန်းကလူတွေအတွက် မိမိတတ်နိုင်တဲ့ဘက်ကနေကူညီဆောင်ရွက်ပေးမယ်ဆိုပြီး စိတ်အားထက်သန်စွာဖြင့် ကူညီသီဆိုပေးခဲ့ခြင်းဖြစ်သည်ဟု ရွှေသံစဉ် ဂီတဖောင်ဒေးရှင်းမှ ကချင် အဆိုတော် Mဆိုင်းလာတို့က ၎င်းအစီအစဉ်တွင် ပါဝင်ဖြစ်ခဲ့ကြောင်း ပြောသည်။

    ၎င်းအဖွဲ့ သုံးဖွဲ့ပေါင်းပြီး ခရီးစဉ်တစ်လျှောက်တွင် ရွှေစင်စင်္ကြာ ကားဂိတ်ပိုင်ရှင်နှင့် ရန်ကုန် နာရေးကူညီမှုအသင်းတို့မှလည်း လှူဒါန်းခဲ့ကြပြီး ငွေသား၊ ဆေးဝါး၊ အသုံးအဆောင်ပစ္စည်း စုစုပေါင်း သိန်း ၃၀၀ ကျော်ရရှိခဲ့သည်ဖြစ်သည်။

    ကချင်ဒုက္ခသည်စခန်းတွင် ဒုက္ခသည်ပေါင်း ၅၅၀၀ ကျော်ရှိသည်ဖြစ်ပြီး ယခုလတ်တလော ကျောင်းဖွင့်ရာသီတွင် ကျောင်းနေရွယ်ကလေးများ ကျောင်းတက်နိုင်ရေး အတွက် အဓိကလှူဒါန်းခဲ့ကြောင်း သိရသည်။ ယခုကဲ့သို့လှူဒါန်းခြင်းသည် ပထမဆုံးအကြိမ်ဖြစ်ပြီး နောင်တွင်လည်း သွားရောက်လှူဒါန်းရန် ကြိုးပမ်းလျက်ရှိကြောင်း သိရသည်။

  • ကချင်ဒေသစစ်ပွဲများကြောင့် ကလေးငယ်များ အန္တရာယ်များ ပိုလာသည်ဟု ယူနီဆက်ဖ်ဆို

    ဧပြီ ၂၄ ၊ ၂၀၁၄
    M-Media

    – မကြာသေးခင်က မြန်မာနိုင်ငံတွင်ဖြစ်ပွားခဲ့သည့် အစိုးရစစ်တပ်နှင့် ကချင်လက်နက်ကိုင်တို့အကြား တိုက်ပွဲများက စစ်တပ်မှ လူသစ်စုဆောင်မှုများ၊ အခြေခံလိုအပ်ချက် ကန့်သတ်ခံရမှုများနှင့် မြေမြှုပ်မိုင်း အန္တရာယ်များအပါအ၀င် လူငယ်များ ရင်ဆိုင်ရမည့် အန္တရာယ်များကို တိုးစေသည်ဟု ယူနီဆက်ဖ်က ပြောကြားလိုက်သည်။

    04-22-2014KachinState

    ကချင်ပြည်နယ်တောင်ပိုင်း ဒေသများတွင် ကချင်လွတ်မြောက်ရေးတပ်နှင့် မြန်မာစစ်တပ်တို့အကြား တိုက်ခိုက်မှုများကြောင့် အိုးအိမ်စွန့်ခွာ ထွက်ပြေးရသည့် ကလေးငယ်အရေအတွက်မှာ ၁၀၀ နီးပါးရှိသည်ဟု ယူနီဆက်ဖ်မှ ထုတ်ပြန်သည့် အစီရင်ခံစာတွင် ဖော်ပြထားသည်။

    “တိုက်ခိုက်မှုတွေနဲ့ မိသားစုလိုက် ထွက်ပြေးရတာတွေက ကလေးတွေအတွက် ကျန်းမာရေး အန္တရာယ်တွေကို တိုးစေပါတယ်။ လုံခြုံမှုနည်းတယ်၊ စိတ်ချရတဲ့သောက်သုံးရေနဲ့ ကျန်းမာရေးအတွက် သန့်ရှင်းမှု မရတာပါတွေပါပဲ” ဟု မြန်မာနိုင်ငံဆိုင်ရာ ယူနီဆက်ဖ် ကိုယ်စားလှယ် ဘာထရန် ဘိန်ဗဲလ်က ပြောကြားခဲ့သည်။

    ထို့ပြင် မြန်မာနိုင်ငံရှိ ကချင်ပြည်နယ်နှင့် ရှမ်းပြည်နယ် မြောက်ပိုင်း ဒေသများမှာ မြေမြှုပ်မိုင်း အများဆုံးရှိရာ ဒေသများစာရင်းတွင်ပါဝင်သည်။ ထိုကဲ့သို့ မြေမြှုပ်မိုင်းများ ကျန်ခဲ့ခြင်း၊ တမင်ရည်ရွယ်၍ မြှုပ်နှံခြင်းတို့မှာ ကလေးငယ်များ၊ လူသားချင်း စာနာထောက်ထားမှုဆိုင်ရာ အကူအညီများ ခြေလျင်သွားရောက် ပေးအပ်နေရသူများ အပါအ၀င် ပြည်သူများအတွက် အန္တရာယ်များ ဆက်လက်ဖြစ်ပွားစေသည်ဟု ယူနီဆက်ဖ်က ဖော်ပြထားသည်။

    “ကလေးငယ်တွေ ရင်ဆိုင်ရမယ့် အန္တရာယ်ဟာ တိုက်ခိုက်မှုတွေ ရပ်သွားရင်တောင်မှ ပျောက်ကွယ်သွားမှာ မဟုတ်ပါဘူး။ ဘာ့ကြောင့်လည်းဆိုတော့ ပုံမှန်လိုသုံးနေကြတဲ့ မြေမြှုပ်မိုင်းတွေ တက်နင်းမိနိုင်တဲ့ အန္တရာယ်နဲ့ လက်နက်ကိုင်တပ်ဖွဲ့တွေအတွင်း သွတ်သွင်းခံရနိုင်တဲ့ အန္တရာယ်တွေက တိုးလာတာကြောင့်ပါ” ဟု မစ္စတာ ဘိန်ဗဲလ်က ပြောကြားခဲ့သည်။

    ယူနီဆက်ဖ်မှာ မြန်မာနိုင်ငံရှိ စစ်ဘေးသင့်မိသားစုများနှင့် ကလေးငယ်များအား ကူညီရန် အခြားသော အန်ဂျီအိုအဖွဲ့များနှင့် လုပ်ဆောင်နေသည်။ ထိုဒေသများတွင် အကူအညီများကို ရွှေ့ပြောင်းလုပ်ဆောင်နေရပြီး စစ်ဘေးဒဏ်ခံနေရသည့် လူများ အထူးသဖြင့် ကလေးငယ်များအတွက် အကူအညီများ တိုးမြှင့်ပေးရန် လိုအပ်နေကြောင်း ယူနီဆက်ဖ်က ဆိုသည်။

    မြန်မာအစိုးရတပ်များနှင့် ကချင်လက်နက်ကိုင်များအကြား လွန်ခဲ့သည့် ၂ နှစ်ခန့်ကတည်းက ဖြစ်ပွားခဲ့သည့် တိုက်ခိုက်မှုများကြောင့် လူပေါင်း ၇၅၀၀၀ ကျော် နေရပ်စွန့်ခွာ ထွက်ပြေးခဲ့ရပြီး၊ မကြာသေးခင်က ဖြစ်ပွားခဲ့သည့် နောက်ဆုံးတိုက်ခိုက်မှုများတွင်လည်း လူအများအပြား ထွက်ပြေးခဲ့ရသည်။

    “ကလေးတွေရဲ့ အကျိုးအတွက် ပါတီတွေအားလုံးဟာ ဒီတိုက်ခိုက်မှုတွေအဆုံးသတ်ဖို့ လုပ်နိုင်တာအားလုံး ချက်ခြင်း လုပ်ရပါမယ်။ ကလေးတွေကို မြေမြှုပ်မိုင်းအန္တရာယ်က ကာကွယ်နိုင်ဖို့၊ လက်နက်ကိုင် တပ်တွေကို အတင်းအဓ္ဓမ သွတ်သွင်းခံရခြင်းကနေ လွတ်ဖို့နဲ့ ငြိမ်းချမ်းဖို့အတွက်ပါပဲ” ဟု ဘိန်ဗဲလ်က အဆုံးသတ်ပြော ကြားခဲ့သည်။

    Ref: UN

    Photo: OCHA/Eva Modvig
    ဓါတ်ပုံအညွှန်း – ကချင်ဒေသ စစ်ဘေးရှောင် IDP စခန်းများမှ ကလေးငယ် ၂ ဦး

  • စစ်ဘေးရှောင် ကချင် ပြည်သူများသို့ တရုတ်မှ လူသားချင်းစာနာ ထောက်ထားရေး အကူအညီပေးပို့

    စစ်ဘေးရှောင် ကချင် ပြည်သူများသို့ တရုတ်မှ လူသားချင်းစာနာ ထောက်ထားရေး အကူအညီပေးပို့

    ဖေဖော်ဝါရီ ၂၂ ၊ ၂၀၁၄
    M-Media

    ဘေဂျင်း။    ။ တရုတ်ကြက်ခြေနီအသင်းမှ မြန်မာနိုင်ငံ ကချင်ပြည်နယ်ရှိ အိုးအိမ်မဲ့မိသားစုပေါင်း တစ်သောင်းအတွက် လူသားချင်းစာနာထောက်ထားရေး အထောက်အပံ့ကို ပေးပို့လိုက်သည်။

    ယူနန်ပြည်နယ်မြို့တော် ခွန်းမင်(ကူမင်း)မှ ပြီးခဲ့သည့် ဗုဒ္ဓဟူးနေ့တွင် စတင်ထွက်ခွာလာသည့် ၎င်းထောက်ပံ့ပစ္စည်းများ၌ ဆန်၊ ဟင်းချက်ဆီ၊ ဆား နှင့် အိပ်ယာခင်း ခန်းဆီးများ စသည်တို့ ပါဝင်သည်ဟု ကူညီရေး စီမံချက်ကြီးကြပ်သူနှင့် ကြက်ခြေနီအသင်း အဖွဲ့ဝင် Sun Shuopeng က ကြာသပတေးနေ့က ပြောကြားသည်။

    မြန်မာနိုင်ငံ ကြက်ခြေနီအသင်း၏ အကူအညီတောင်းခံမှုကိုအပေါ် တရုတ်ပြည်မှပေးပို့လာသော ယင်းထောက်ပံ့ပစ္စည်းတို့မှာ ယခု ရက်သတ္တပတ်အကုန်တွင် ကချင်ပြည်နယ်သို့ ရောက်လာမည်ဟု ခန့်မှန်းထားကြောင်း ဆင်ဟွာသတင်းဌာနမှ ဆိုသည်။