News @ M-Media

Tag: KamanEthnic

  • ရခိုင်ပြည်နယ်နေ့ကို ဂုဏ်ပြုသောအားဖြင့် ကမန် တိုင်းရင်းသားများ စုပေါင်းသွေးလှူ

    ရခိုင်ပြည်နယ်နေ့ကို ဂုဏ်ပြုသောအားဖြင့် ကမန် တိုင်းရင်းသားများ စုပေါင်းသွေးလှူ

    ဒီဇင်ဘာ ၁၉ ၊ ၂၀၁၆
    M-Media
    သတင်း-သီဟ
    15492114_1330496367009827_5612139277799958732_n
    ရခိုင်ပြည်နယ်နေ့ကို ဂုဏ်ပြုကြိုဆိုသော အားဖြင့် ကမန်တိုင်းရင်းသားများမှာ စုပေါင်းသွေးလှူပွဲ တရပ်ကို ၂၀၁၆ ခုနှစ် ဒီဇင်ဘာလ ၁၇ ရက်နေ့က ပြုလုပ်ခဲ့ကြကြောင်း သိရပါတယ်။

    ” ၄၂ ကြိမ်မြောက် ရခိုင်ပြည်နယ်နေ့ ကို ဂုဏ်ပြုကြိုဆိုသောအားဖြင့် ရခိုင် တိုင်းရင်းသား မျိုးနွယ် (၇) မျိုးထဲမှာ ၁ မျိုးအပါအဝင်ဖြစ်တဲ့ ကမန်တိုင်းရင်းသားတွေ စုပေါင်းသွေးလှူတာပါ။ လာမယ်လွတ်လပ်ရေးနေ့မှာလဲ အခုလိုပဲ သွေးလှူဒါန်းဖို့ စီစဉ်ထားပါတယ်။ ဒီကနေ့ လူ ၂၀ လောက်လောက် သွေးလှူဖြစ်ပါတယ်။ ”  လို့ အဆိုပါအသင်းရဲ့ ပြန်ကြားရေး တာဝန်ခံ ကိုတေဇ က M-Media ကို ပြောကြားခဲ့တာပါ။
    စစ်တွေခရိုင် ၊ ကမန်တိုင်းရင်းသား သာရေး၊ နာရေး လူမှုရေးအသင်းမှ ဦးစီးပြီး ရန်ကုန်မြို့ အမျိုးသား သွေးလှူဘဏ် မှာ ပြုလုပ်ခဲ့တာဖြစ်ပါတယ်။

    ဓါတ်ပုံ-Taiza Pyitphyo  FB

    15542013_1330496397009824_5404298557413331572_n

     

    15442131_1330496640343133_7081075568578520350_n

  • ကမန်တိုင်းရင်းသားတွေ လွတ်လပ်စွာသွားလာနိုင်

    ကမန်တိုင်းရင်းသားတွေ လွတ်လပ်စွာသွားလာနိုင်

    RFA မှ ကူးယူဖော်ပြသည်။
    Kaman Party

    ကမန်တိုင်းရင်းသားတွေအနေနဲ့ ပြည်တွင်းမှာ အထောက်အထားမလိုဘဲ လွတ်လပ်စွာ သွားလာခွင့်ရှိကြောင်း ရခိုင်ပြည်နယ် လူဝင်မှုကြီးကြပ်ရေးနဲ့ ပြည်သူ့အင်အားဦးစီးဌာန တာဝန်ရှိသူတွေက ကမန်အမျိုးသား တိုးတက်ရေး ပါတီနဲ့ တွေ့ဆုံစဉ်မှာ ပြောလိုက်ပါတယ်။

    အလုပ်သမားလူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေရဲ့ ညွန်ကြားချက်နဲ့ မြို့နယ်တိုင်းကို အကြောင်းကြားထားပြီးဖြစ်တယ်လို့ တွေ့ဆုံခဲ့တဲ့ ကမန်အမျိုးသား တိုးတက်ရေးပါတီ အထွေထွေအတွင်းရေးမှူး ဦးတင်လှိုင်ဝင်း က ပြောပါတယ်။

    အရင်က ကမန်တိုင်းရင်းသားတွေဟာ ပြည်နယ် အစိုးရနဲ့ သက်ဆိုင်ရာမြို့နယ်လဝကရုံးတွေမှာ ထောက်ခံချက်ရယူရပြီးမှသာ ရက်အကန့်အသတ်နဲ့ သွားလာခွင့်ရရှိတာ ဖြစ်ပါတယ်။

    ရခိုင်ပြည်နယ်မှာ ၂၀၁၂ ခုနှစ်က ဖြစ်ပွားခဲ့တဲ့ ပဋိပက္ခတွေကြောင့် မီးရှို့ဖျက်ဆီးခံရတဲ့ ကမန်တိုင်းရင်း သားတွေရဲ့ နေအိမ်တွေပြန်လည် တည်ဆောက်ပေးဖို့နဲ့ ပြန်လည်ထူထောင်ရေး လုပ်ငန်းတွေ လုပ်ဆောင်ပေးဖို့ ပြည်နယ်အစိုးရအဖွဲ့ လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးထိန်လင်းကို တင်ပြခဲ့တယ်လို့လည်း ပြောပါတယ်။

    ဒါ့အပြင် ပဋိပက္ခတွေကြောင့် ဒုက္ခသည်စခန်းတွေမှာ ရောက်ရှိနေတဲ့ ကမန်တိုင်းရင်းသား ကလေး ငယ်တွေရဲ့ ပညာရေးကိစ္စတွေနဲ့ နိုင်ငံသားစိစစ်ရေးကဒ်ပြားရရှိရေးကိစ္စတွေကိုလည်း ဝန်ကြီးချုပ် ဦးညီပုနဲ့ သက်ဆိုင်ရာအစိုးရအဖွဲ့တာဝန်ရှိသူတွေကို တွေ့ဆုံတင်ပြသွားဖို့ရှိပါတယ်။

    တစ်နိုင်ငံလုံးမှာ ကမန်တိုင်းရင်းသား အရေအတွက် ငါးသောင်းဝန်းကျင်ရှိပြီး ကမန်တိုင်းရင်းသား တွေဟာ ရခိုင်ပြည်နယ်နဲ့ ရန်ကုန်တိုင်းဒေသကြီးတွေမှာ အများဆုံးနေထိုင်ကြတာဖြစ်ပါတယ်။

    ဓါတ်ပုံအညွှန်း- ( ကမန်အမျိုးသားတိုးတက်ရေးပါတီ(ဗဟို)မှ ပါတီခေါင်းဆောင်များကို သြဂုတ်လ ၁၅ ရက်နေ့က ရန်ကုန်အပြည်ပြည်ဆိုင်ရာလေဆိပ်တွင် တွေ့ရစဉ် )
    Photo: ကမန်အမျိးသားတိုးတက်ရေးပါတီ/ Facebook

  • ကမန်များကို ဘင်္ဂလီသွေးနှောဟု ဖော်ပြမှုကြောင့် နိုင်ငံတော်သို့ ကမန်လူမှုကွန်ရက် တိုင်ကြား

    ကမန်များကို ဘင်္ဂလီသွေးနှောဟု ဖော်ပြမှုကြောင့် နိုင်ငံတော်သို့ ကမန်လူမှုကွန်ရက် တိုင်ကြား

    ဇူလိုင် ၂၁ ၊ ၂၀၁၆
    M-Media
    သတင်း- သူရိန်

    ရခိုင်ပြည်နယ် သံတွဲမြို့နယ် အတွင်းရှိ ဒေသခံ ကမန်တိုင်းရင်းသားများအား လ.ဝ.က က ဘင်္ဂလီသွေးနှောများ အဖြစ် ရေးသွင်းနေမှုများကို ကမန်တိုင်းရင်းသား လူမှုကွန်ရက်က ဇူလိုင်လ ၁၈ ရက်နေ့ ရက်စွဲဖြင့် နိုင်ငံတော် သမ္မတဦးထင်ကျော် နှင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တို့ထံ တိုင်ကြားလိုက်ပါတယ်။

    တိုင်ကြားမှုနှင့် ပတ်သက်၍ ကမန်တိုင်းရင်းသား လူမှုကွန်ရက် ဥက္ကဌ ဦးထွန်းငွေက ” ကျွန်တော်တို့ ၂၀၁၅မှာ မိုးပွင့် စီမံကိန်းနဲ့ လ.ဝ.က ဌာနကို အကြောင်းကြားခဲ့ပါတယ်။ ဒါပေမယ့် မဆောင်ရွက်နိုင်ခဲ့ပါဘူး။ အခုရက်၁၀၀ စီမံကိန်းဖြစ်တဲ့ သစ္စာစီမံချက်ပေါ့။ အဲ့ဒီထဲမှာလည်း ကျွန်တော်တို့ ဆော်သြခဲ့ပါတယ်။ မဆောင်ရွက်နိုင်တဲ့ အပြင် သူတို့ N.V.C လို့ခေါ်တဲ့ အစိမ်းရောင်ကဒ်တွေ ထုတ်ပေးတာတော့ ရှိပါတယ်။ နောက်ပြီးတော့ လ.ဝ.က က စာရင်းဇယားအရ ကမန်တိုင်းရင်းသား ကျေးရွာတွေကို သွေးနှောဆိုပြီး ဘင်္ဂလီဆိုပြီး ရေးထားတာတွေ့ရပါတယ်။ အဲ့ဒါနဲ့ ပတ်သက်လို့ ကမန်တိုင်းရင်းသားတွေရဲ့ အခွင့်အရေး ပြန်လည် ရရှိရေးနဲ့ မှန်မှန်ကန်ကန် ဖော်ထုတ်နိုင်ဖို့ နိုင်ငံတော် အတိုင်ပင်ခံပုဂ္ဂိုဟ်နဲ့ သမ္မတကြီးတို့ကို လိပ်မူပြီးတော့ လ.ဝ.ကတို့ ဘဘ ဦးတင်ဦးတို့ ရခိုင်ပြည်နယ် ဝန်ကြီးချုပ်တို့ကို မိတ္တူစာများ ပို့ပါတယ်” ဟု M-Media သို့ ပြောကြားပါတယ်။

    သံတွဲမြို့နယ်အတွင်း ကမန်ကျေးရွာ ၁၉ရွာရှိပြီး အဆိုပါ ကျေးရွာများတွင် လ.ဝ.က ၏ ဆောင်ရွက်မှုနှင့် စပ်လျဉ်း၍ ၎င်းက ” အဲ့ဒီကျေးရွာတွေအားလုံးကို ဘင်္ဂလီဆိုပြီး ခေါင်းစဉ်တပ်ထားတာ တစ်ရွာလုံးလို ဖြစ်နေပါတယ်။ အဲ့ဒီရွာတွေကို ပါပေါင်းလိုက်ရင် လူဦးရေက (၈၅၀၀) လောက်ရှိပါတယ်” လို့ ပြောပါတယ်။

    ရခိုင်ပြည်နယ် အတွင်းရှိ ဒေသခံကမန်လူမျိူးများဟာ မွေးရာပါ တိုင်းရင်းသားများ ဖြစ်လင့်ကစား လ.ဝ.က ဝန်ထမ်းများ၏ အစွန်းရောက်မှု၊ ဘာသာရေး ခွဲခြားဆက်ဆံမှုများကြောင့် တိုင်းရင်းသား၊ နိုင်ငံသား အခွင့်အရေး ဆုံးရှုံးနေပြီး ဘင်္ဂလီသွေးနှောများအဖြစ် ဖော်ပြခြင်းသည် ကမန်တိုင်းရင်းသားများ၏ ဂုဏ်သိက္ခာကို စော်ကားခြင်း ဖြစ်ကြောင်း၊ ကမန်တိုင်းရင်းသားများကို ပျောက်ပျက်သွားရန် ရည်ရွယ်ချက်ရှိရှိ လုပ်ဆောင်နေသည့် သဘောဖြစ်ကြောင်း အဆိုပါ တင်ပြတိုင်ကြားစာမှာ ပါရှိပါတယ်။

    တိုင်ကြားစာတွင် ကမန်ကျေးရွာများရှိ တိုင်းရင်းသား ကမန်များကို ဘင်္ဂလီသုံးနှုန်းမှုများအား ကမန်တိုင်းရင်းသား အဖြစ် ပြင်ဆင်ပေးပြီး တာဝန်ရှိသူများကို ထိရောက်စွာ အရေးယူပေးရန် တောင်းဆိုထားသည်။ ဒါ့အပြင် ကမန်တိုင်းရင်းသားများကို N.V.C ကဒ်ထုတ်ပေးနေခြင်းကို အမြန်ဆုံး ရပ်တန့်ပေးရန်နှင့် လ.ဝ.က ဌာန၏ သစ္စာစီမံချက်နှင့် အညီ မိဘဘိုးဘေးများကို မှန်ကန်စွာ စိစစ်ပြီး နိုင်ငံသား စိစစ်ရေး ကဒ်များ မရရှိသေးသူများကို အမြန်ဆုံး ထုတ်ပေးရန် ဖော်ပြပါရှိသည်။

    ကမန်တိုင်းရင်းသားများဟာ သမိုင်းကြောင်းအစဉ်အဆက်အရ မြန်မာပြည်တွင် နေထိုင်ခဲ့ကြသော ဘုရင့်အမှုထမ်း လေးသည်တော် မျိုးနွယ်ဆက်များ ဖြစ်ပြီး ယခက်ခေတ်အဆက်ဆက်တွင်လည်း ရခိုင်မျိုးနွယ်ဝင် ကမန်များကို ရခိုင် လူမျိုးဟုပင် လ.ဝ.က က မှတ်တမ်းပြုမှုရှိခဲ့ကြောင်းလည်း သိရသည်။

    **နိုင်ငံတော် သမ္မတဦးထင်ကျော် နှင့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ထံသို့ပေးပို့ထားသည့် စာအား ပူးတွဲ၍ ဖော်ပြလိုက်ပါသည်။

    ဆက်စပ်သတင်းဖတ်ရန်
    ———————-
    သန်းခေါင်စာရင်း ပျက်ဆီး၍ ပြန်လျောက်တဲ့ ကမန်အချို့ လူမျိုးနာမည် ပါမလာတော့

    http://www.m-mediagroup.com/news/57601

    13781923_269730393406021_4439538278015034119_n

    13718523_269730470072680_8224461878928223209_n

    13697294_269730533406007_2965651063927576660_n

  • ရန်ကုန်ရောက် ကမန် ၂ဝ နေရပ်ရင်းပြန်ရန် ဆန္ဒမရှိ

    ရန်ကုန်ရောက် ကမန် ၂ဝ နေရပ်ရင်းပြန်ရန် ဆန္ဒမရှိ

    Kaman2
    ရခိုင်ပြည်နယ်မှ ရန်ကုန်တိုင်း မင်္ဂလာဒုံမြို.နယ်သို့ရောက်ရှိနေသော ကမန်တိုင်းရင်းသားအချို.။ (ဓာတ်ပုံ- ကေဇွန်နွေး/Myanmar Now)

    ဒီဇင်ဘာ ၂၂ ၊ ၂၀၁၅

    မင်္ဂလာဒုံ (Myanmar Now)  — မကြာသေးမီက ရန်ကုန်မြို့သို့ရောက်လာသော ရခိုင်ပြည်နယ်မှ ကမန်တိုင်းရင်းသားတချို့သည် နေရပ်ရင်းပြန်ရန် ဖိအားပေးမှုများနှင့် ရင်ဆိုင်နေရသော်လည်း  နေရာသစ်တွင်သာ ဆက်လက်နေထိုင်ကြမည်ဟု တနင်္လာနေ့တွင် ပြောလိုက်သည်။

    ဒုက္ခသည်စခန်းမှ အသိမပေးဘဲ ထွက်ခွာလာသော ၎င်းတို့ကို နေရပ်ပြန်ရန် အာဏာပိုင်တို့က ကမန်နိုင်ငံရေးပါတီတစ်ခုမှတစ်ဆင့် ပြောကြားခဲ့သည်ဟု မင်္ဂလာဒုံမြို့နယ်၊ စိန်ရွှေကုန်းရပ်ကွက်တွင် နေထိုင်နေသူ မတင်ဇာနှင်းကပြောသည်။

    “ကျွန်မတို့ကတော့ ဖမ်းချင်ဖမ်းပလေ့စေ။ မပြန်ဘူး။ ကျွန်မတို့ကနို င်ငံသားလက်မှတ်လဲ ရှိပြီးသား။ ဖမ်းချင်တိုင်း ဖမ်းလို့တော့မရဘူးလို့ ယူဆတယ်”ဟု အသက် ၂၂ နှစ်အရွယ် မတင်ဇာနှင်းက Myanmar Now ကို ပြောသည်။

    ပြီးခဲ့သည့်ရက်ပိုင်းအတွင်း တည်းခိုရာနေအိမ်သို့ အာဏာပိုင်တို့ရောက်လာပြီး ဧည့်စာရင်း စစ်ခဲ့သေးသည်ဟု သူက ဆက်ပြောသည်။ ရန်ကုန်သို့ ရောက်လာသူများထဲတွင် အစ္စလမ်ဘာသာဝင်၂ဝ၊ ရခိုင်ဗုဒ္ဓဘာသာဝင် ၂ ဦး ပါဝင်ကြောင်း ကမန်လူမှုကွန်ယက်အဖွဲ့ ဥက္ကဋ္ဌ ဦးထွန်းငွေက ရှင်းပြသည်။

    ဆေးကုသရန်၊ အလုပ်လုပ်ကိုင်ရန်၊ ရန်ကုန်ရောက် မိသားစုများနှင့် ပြန်လည်ပေါင်းစည်းရန် စသည့် ရည်ရွယ်ချက် အသီးသီး ရှိကြသော ၎င်းတို့ထဲတွင် တက္ကသိုလ်တက်ရမည့်သူတချို့လည်း ပါဝင်ကြောင်း သူက ဆက်ပြောသည်။

    “အားလုံးက မှတ်ပုံတင်ရှိပြီးသား။ အကြောင်းမရှိ အကြောင်းရှာဖမ်းရင်ဥပဒေကြောင်းအရ ကျွန်တော်တို့ရင်ဆိုင်မယ်” ဟု ဦးထွန်းငွေက ပြောသည်။

    ရန်ကုန်၊ မရမ်းကုန်းမြို့နယ်တွင်လည်း ကမန်တိုင်းရင်းသား ၂ ဦးရောက်ရှိနေကြောင်း ကမန်ပါတီတစ်ခုက ဆက်သွယ် ပြောကြားလာသဖြင့် သိရသည်ဟု မြို့နယ် လူဝင်မှု ကြီးကြပ်ရေးနှင့် ပြည်သူ့အင်အား ဦးစီးဌာနမှအရာရှိတစ်ဦးဖြစ်သော ဦးမြင့်အောင်ကို ကိုးကားပြီး ဧရာဝတီ သတင်းဌာန၏သတင်းတစ်ပုဒ်တွင် စနေနေ့က ဖော်ပြထားသည်။

    “သူတို့ နေရပ် ပြန်တာရော၊ ဘာရော အကုန်လုံးကို ပါတီက တာဝန်ယူပါမယ်လို့ကျနော်တို့ကို ပြောထားပါတယ်။ ဘယ်တော့ ပြန်မယ်ဆိုတာကိုတော့ ကျနော်တို့လည်း မသိပါဘူး”ဟု ဦးမြင့်အောင်က ဧရာဝတီကို ပြောသည်။

    ကမန်ဆိုတာ ဘယ်သူတွေလဲ
    ————————–
    ကမန်တို့သည် ရခိုင်ပြည်နယ်ရှိ  ဘင်္ဂါလီ ခေါ် ရိုဟင်ဂျာမွတ်စလင်တို့နှင့် ကိုးကွယ်သည့် ဘာသာ တူညီသည်ကလွဲ၍ ကွဲပြားသည့်အခြေအနေရှိသူများ ဖြစ်သည်။

    သူတို့သည် ဗုဒ္ဓဘာသာအများစု နေထိုင်သည့် မြန်မာနိုင်ငံတွင်တရားဝင်အသိအမှတ်ပြုထားသော တိုင်းရင်းသားလူမျိုးစုများတွင်ပါဝင်သည်။

    လွန်ခဲ့သော ခြောက်ရာစုနှစ်ကျော်က ကမန်တိုင်းရင်းသားတို့သည်အစ္စလာမ်ဘာသာသို့ပြောင်းလဲ ကိုးကွယ်ခဲ့ကြသော်လည်း ရခိုင်တို့၏ လူမှုရေးထုံးတမ်း အစဉ်အလာများကို ဆက်လက် ကျင့်သုံးနေကြသည်။ ၎င်းတို့အများစုမှာ ပြည်နယ်တွင်း ကမ်းရိုးတမ်းမြို့များဖြစ်သော သံတွဲ၊ေ ကျာက်ဖြူ၊ စစ်တွေ၊ ရမ်းဗြဲတို့တွင် နေထိုင်ကြသည်။

    ၂ဝ၁၂ ရခိုင်ပြည်နယ်တွင် ဘာသာရေးလူမျိုးရေးအခြေခံသောပဋိပက္ခများဖြစ်ပြီးနောက်ပိုင်း အစ္စလာမ်ဘာသာကိုးကွယ်မှုကိုအကြောင်းခံ၍ အာဏာပိုင်တို့၏ ခွဲခြားဆက်ဆံမှုများကို ခံနေရပြီး ၎င်းတို့၏နို င်ငံသားအခွင့်အရေးများပါ ချိုးဖောက်ခံနေရသည်။

    ကမန်တိုင်းရင်းသားခေါင်းဆောင်တို့က ၎င်းတို့နှင့် ဘာသာတူသည့်ရခိုင်ပြည်နယ်ရှိ ဘင်္ဂါလီ ခေါ် ရိုဟင်ဂျာတို့နှင့် မဟာမိတ်ပြုမည့်အစား သူတို့သည် ရိုဟင်ဂျာမဟုတ်ကြောင်း ကွဲပြား ထင်ရှားအောင် ကြိုးစားနေကြသည်။၂ဝ၁၅  ရွေးကောက်ပွဲတွင် အတိုက်အခံ အမျိုးသားဒီမိုကရေစီအဖွဲ.ချုပ်က အပြတ်အသတ်အနိုင်ရရှိခဲ့မှုသည် ၎င်းတို့၏ ကံကြမ္မာကို အကောင်းဘက်သို့ ပြန်လည်ရောက်ရှိစေမည်ဟု မျှော်လင့်နေကြသည်။

    ရခိုင်ဒေသမှ ရန်ကုန်သို့
    ————————
    မကြာသေးမီက ရခိုင်ဒေသမှ ထွက်ခွာခဲ့သူ ၂ဝ ခန့်သည် ဒုက္ခသည်စခန်းတွင် ဘဝတိုးတက်လမ်း မရှိသည့်အတွက် ရန်ကုန်သို့ ရောက်လာခြင်း ဖြစ်သည်ဟု

    ကမန်လူမှုကွန်ယက်အဖွဲ့ ဥက္ကဋ္ဌ ဦးထွန်းငွေက သုံးသပ်သည်။ ရမ်းဗြဲမှ ရန်ကုန်သို့ မတူညီသည့် လမ်းကြောင်းမှ ရောက်လာခြင်း ဖြစ်ကြောင်း

    မင်္ဂလာဒုံမြို့နယ်တွင် နေထိုင်လျက်ရှိသော မဖြူဖြူမွန်က ပြောပြသည်။ “သံတွဲလေဆိပ်မှာရော၊ ရန်ကုန်လေဆိပ်မှာရော ဘာမှ အစစ်အဆေးလည်းမရှိခဲ့ဘူး။

    မှတ်ပုံတင် တရားဝင်ရထားတဲ့သူဆိုတော့ ဘယ်သူကမှလည်း အနှောက်အယှက်မပေးခဲ့ဘူး” ဟု မဖြူဖြူမွန်က ရှင်းပြသည်။

    သို့သော်လည်း ကိုပြည့်ဖြိုးအောင်ဟု အမည်ရသော လူငယ်တစ်ဦးကမူ ရခိုင်ပြည်နယ်ရှိ စစ်ဆေးရေးဂိတ်တစ်ခုတွင် သူ၏ နိုင်ငံသား စိစစ်ရေးကတ်ကို

    မိနစ် ၂ဝ ကြာ စစ်ဆေးခံခဲ့ရသည်ဟု ပြောသည်။ ယခုအခါ ၂၄ နှစ်အရွယ် ကိုပြည့်ဖြိုးအောင်သည် မင်္ဂလာဒုံမြို့နယ်တွင် နေထိုင်လျက်ရှိပြီးေ နရာသစ်သည်  ၎င်းတို့အတွက် ပညာရေး၊ လူမှုရေး၊ စီးပွားရေး တိုးတက်စရာလမ်းကြောင်း ဖော်ဆောင်ပေးနိုင်သည့် ဒေသ ဖြစ်မည်ဟုမျှော်လင့်လျက်ရှိသည်။

    သူ့နည်းတူ မင်္ဂလာဒုံသို့ ရောက်နေသော  ၃၉နှစ်အရွယ် မစိပ်က ၂ဝ၁၂ ခုနှစ် ရခိုင်ဒေသ ပဋိပက္ခများ ဖြစ်ပွားချိန်မှ စတင်ပြီး ဒုက္ခသည်စခန်းတစ်ခုတွင် နေထိုင်ခဲ့ရသည်ဟု Myanmar Now ကို ပြောသည်။

    (ထက်ခေါင်လင်း၊ ဖြိုးသီဟချိုတို့ ပူးပေါင်း ရေးသားသည်)

    Myanmar Now မှ ကူးယူဖော်ပြသည်။

    မူရင်းသတင်းလင်ခ်- http://www.myanmar-now.org/my/news/i/?id=d7e3fab5-93eb-4ada-891d-f339ed89c932

    ဆက်စပ်သတင်းများ ဖတ်၇န်
    ——————————
    ရန်ကုန်ရောက် နိုင်ငံသားစိစစ်ရေးကတ် ကိုင်ထားသူ ၂၀ ကို ရခိုင်သို့ ပြန်ရန် လဝက ညွန်ကြား
    http://www.m-mediagroup.com/news/50125

    ကမန်ဒုက္ခသည်များကို နေရပ်ရင်း အတင်းပြန်ခိုင်း
    www.m-mediagroup.com/news/50190