News @ M-Media

Tag: Kanbalu

  • Sagaing:ထန်းကုန်း မှ အဓမ္မပြုကျင့်ရန် ကြံစည်ဟု စွပ်စွဲခံရသူကို ထောင် ၇ ခုနှစ်ချခံရ တရားမျှတမှုအတွက် မေးခွန်းထုတ်စရာဖြစ်နေ

    စက်တင်ဘာ ၆၊ ၂၀၁၃
    M-Media
    ထွန်းတောက်

    1239478_10152727562997588_1641565395_n
    မီးလောင်ပြင်မှ မွတ်စလင်မ် သားအမိ ၂ ယောက် Photo-AP

    ကန့်ဘလူ ။              ။           စစ်ကိုင်းတိုင်း၊ ကန့်ဘလူမြို့နယ်၊ ထန်းကုန်းရွာတွင် သြဂုတ်လအတွင်းကဖြစ်ပွားခဲ့သော အကြမ်းဖက်မှုစတင်ဖြစ်ပေါ်လာစေသည့် အကြောင်းကိစ္စဖြစ်သည့် မိန်းကလေးတစ်ဦးအား အဓမ္မပြုကျင့်သည့် တရားခံအဖြစ် သတ်မှတ်ခံရသူအား ကန့်ဘလူမြို့နယ် တရားရုံးမှ ထောင်ဒဏ် ၇-နှစ်ကျခံစေရန် စက်တင်ဘာ ၄-ရက်နေ့က အမိန့်ချမှတ်လိုက်ကြောင်း သတင်းရရှိသည်။

    ဆန်းမင်းဦးအား ကန့်ဘလူမြို့နယ် တရားရုံးမှ ပုဒ်မ ၃၇၆ ဖြင့် ထောင်ဒဏ် ၅-နှစ်နှင့် ပုဒ်မ ၅၁၁ ဖြင့် ထောင်ဒဏ် ၂-နှစ်၊ စုစုပေါင်း ထောင်ဒဏ် ၇-နှစ်ကို သီးခြား ကျခံစေရန် စက်တင်ဘာ ၄-ရက်နေ့က အမိန့်ချမှတ်ပြီးနောက် မန္တလေးမြို့ အိုးဘို အကျဉ်းထောင်သို့ ပို့ဆောင်လိုက်ကြောင်းသိရသည်။

    ဆန်းမင်းဦးသည် အမျိုးသမီးတစ်ဦးအား အဓမ္မပြုကျင့်သည်ဟု သတင်းများ ထွက်ပေါ်ပြီးနောက် မကျေနပ်သော လူအုပ်ကြီးမှ ထန်းကုန်းမြို့တွင် အကြမ်းဖက်မှုများ စတင်ခဲ့ခြင်းဖြစ်သည်။ အဆိုပါ အကြမ်းဖက်ခံရခြင်း၏ တရားခံအဖြစ် သတ်မှတ်ခံရသူ ဆန်းမင်းဦးသည်  အသက် ၁၆-နှစ်သာ ရှိသေးသည်ဟု မွေးစာရင်းအရသိရပြီး ဥာဏ်ရည်မပြည့်ဝသူတစ်ဦးဖြစ်ကြောင်းလည်း သိရသည်။ ဆန်းမင်းဦးအား ပြစ်ဒဏ်ချမှတ်ပြီးနောက် လူငယ်ပြုပြင်ရေးသင်တန်းကျောင်းသို့ ပို့ဆောင်ရန် စီစဉ်ခဲ့သော်လည်း အသက် ၁၆- နှစ်ကျော်လွန်နေသည်ဟုဆိုကာ အိုးဘို အကျဉ်းထောင်သို့သာ ပို့ဆောင်ခဲ့ကြောင်း သိရသည်။

    “မိန်းကလေးတစ်ယောက်ကို လက်ဆွဲတယ်ဆိုတာ ကာအိနြေ္ဒပျက်အောင်လုပ်တာ။ ကာအိနြေ္ဒပျက်အောင်လုပ်တဲ့အမှုက အမြင့်ဆုံးအပြစ်ဒဏ်အနေနဲ့ ၂-နှစ်နဲ့ ငွေဒဏ်ချလို့ ရတယ်။ ငွေဒဏ်က အင်္ဂလိပ်ခေတ်က ငွေနဲ့ဆို ၅၀-၁၀၀ သတ်မှတ်လို့ရတယ်။ ပုဒ်မ ၃၇၆ rape  case က အမြင့်ဆုံးပြစ်ဒဏ် ၇-နှစ် ချလို့ရတယ်။ ဒါပေမယ့် ပုံမှန်ချတာက ၅-နှစ်ခွဲ ၆-နှစ် ချတယ်။ ပုဒ်မ ၅၁၁ က rape case ဖြစ်အောင် အားထုတ်တာ။ ဒီပုဒ်မက တကယ် အမှုမြောက်ခဲ့ရင် ပြစ်ဒဏ် ခေါက်ချိုးချတာ။ ခေါက်ချိုး ချတယ်ဆိုတာ ဥပမာ ၇-နှစ် ပြစ်ဒဏ်ချလိုက်တယ်ဆိုရင် ၃-နှစ်ခွဲချတာ။

    အခု ပုဒ်မ ၃၇၆ ရယ် ၅၁၁ ရယ်  ပုဒ်မ နှစ်ခုတွဲပြီးချတယ်ဆိုတာ မဟုတ်သေးဘူးဗျ။ တစ်မျိုးဖြစ်နေတယ်။ အဲဒီ ပုဒ်မ နှစ်ခု တွဲထားပြီဆိုရင် အလွန်ဆုံးချလို့ရတာ ၃-နှစ်ခွဲပဲ ချလို့ရမယ်။ ဘာလို့လဲဆိုတော့ ပုဒ်မ ၅၁၁ ပါနေတဲ့အတွက်။ ၅၁၁ က ပြစ်ဒဏ်ရဲ့ ထက်ဝက်ပဲ ချလို့ရတာ။ ၅၁၁ ပါလာရင် သူက ပြစ်မှုတစ်ခုကို ကျူးလွန်ဖို့ အားထုတ်တာ။ ဒါပေမယ့် ပြစ်မှုတော့ မမြောက်ဘူး။ အဲဒါဆိုရင် ၅၁၁ သုံးတယ်။ တကယ်လို့ ကျူးလွန်မှုမြောက် သွားရင် ၃၇၆ သီးသန့် သွားရမယ်။ ဒီတော့ ပုဒ်မ ၃၇၆ နဲ့ ၅၁၁ ကို တွဲပြီး ပြစ်ဒဏ်ချထားတာ  လုံးဝ ပုံစံမကျဘူး။ မှားနေတယ်။ တခါတလေ တရားရုံးက သူတို့လုပ်ချင်တာလုပ်တယ်။ ကိုယ့်ဘက်က တရားမျှတမှုအတွက် ပြန်လိုက်ရမယ်။

    တစ်ခုရှိတာက တစ်ကျွန်းထိုက်တဲ့အမှုဆို ၅၁၁ ကို ချတတ်တယ်။ ဒါပေမယ့် အခု ၃၇၆ နဲ့ ၅၁၁ ကိုတွဲပြီး ၃၇၆ က ၅-နှစ်၊ ၅၁၁ က ၂-နှစ်ဆိုတာ လုံးဝ အဓိပ္ပါယ် မရှိဘူး။ ဒီအမှုကို ရှေ့နေနဲ့ သေချာ လိုက်ဖို့လိုတယ်။”လို့ ရန်ကုန်မြို့ရှိ တရားရုံးရှေ့နေတစ်ဦးမှ M-Media ကို  ပြောပြခဲ့ပါတယ်။

     

    ထန်းကုန်းမှ အဆိုပါဖြစ်စဉ်ကို ဘီဘီစီရဲ့ သတင်းမှာ ဖော်ပြထားတာက “ဖက်ဖို့ကြိုးစားသည်” ဟု သက်ဆိုင်ရာမြို့နယ် ရဲစခန်းက ဖြေကြားကြောင်းပါရှိသည်။
    ဤဖြစ်စဉ်ကို အကြောင်းပြုပြီး မွတ်စလင် ဆန်ကျင့်ရေး အဓိကရုဏ်း ဖန်တီးသူများ က  ထန်းကုန်းကျေးရွာရှိ မွတ်စလင်မ် နေအိမ်များကို  ဩဂုတ် ၂၄ ရက်က အကြမ်းဖက် မီးရှို့ ဖျက်ဆီးခဲ့ကြသည်။ ဖျက်ဆီးမှုကြောင် ထန်းကုန်ကျေးရွာတွင် နေအိမ် ၅၁ လုံး၊ ဆိုင်ခန်း ၁၃ ခန်း၊ ကြက်ခြံ ၂ ခြံ၊ ဆန်စက် ၁ လုံး၊ အိမ်ထောင်စု ၄၈ စုမှ လူဦးရေ (၂၆၇) ဦး အကြမ်းဖက်ခံ ဘဝသို့ကြရောက်ပြီး အိုးအိမ် စည်းစိမ်များ ပျက်ဆီးဆုံးရှုံးခဲ့ရသည်။

    အဆိုပါဖြစ်စဉ်ကို ရဲတပ်ဖွဲ့ ပြစ်မှုကျူးလွန်သည်ဟု ယူဆရသူ (၁၁) ဦးကို ဖမ်းဆီးထားပြီး အရေးယူ အမိန်ချမှတ်မှုကို တစုံတရာ သတင်းထုတ်ပြန်မှု မရှိသေးပေ။

    ၂၀၁၂-ခုနောက်ပိုင်းဖြစ်ပွားခဲ့သော ဘာသာတစ်ခုမှ အခြားဘာသာတစ်ခုသို့ အကြမ်းဖက်မှုများတွင် စတင်အကြောင်းရင်းခံတစ်ခုအဖြစ် အဓမ္မပြုကျင့်သည်ဟုသည် ဆိုသည်ကို အဓိကပစ်မှတ်ထားလုပ်ဆောင်လာကြပြီး၊ အခြားအကြောင်းပြချက် အကြောင်းရင်းခံများ၏ တရားခံဟု သတ်မှတ်ခံရသူ အများစုမှာ စိတ်မနှံ့သူများ ဖြစ်နေသည်ကို တွေ့ရှိ ရသောကြောင့် အကြမ်းဖက်လိုသူများမှ စိတ်မနှံ့သူများအား သွေးထိုး လှုံ့ဆော်ပေးပြီး လုပ်ဆောင်နေကြသည်လားဟု သံသယဖြစ်ဖွယ် သုံးသပ်တွေ့ရှိလာရပါတယ်။

    Ref: The Voice,BBC

  • “ညီမလေးသို့ပေးစာ”

    ရေးသူ- မ Kay Kay FB စာမျက်နှာမှ ကူးယူမျှဝေပါသည်။
    ၂၇.၈.၂၀၁၃

    the voice
    ညီမလေးရေ … … …

    ဒီနေ့တော့ ပေးထားတဲ့ကတိကို မမဖျက်ရလိမ့်မယ်။ ညီမလေးကို မမကတိပေးဖူးပါတယ်။ ဒီလိုအကြောင်းအရာတွေနဲ့ ပတ်သတ်ပြီး ဘာမှ မမရေးတော့ပါဘူးလို့။ အခုတလော ၀ိဝါဒ ကွဲပြားနေတဲ့အကြောင်းတွေကို လက်ရှောင်ပေးပါတဲ့ ညီမလေးပြောဖူးတယ်။ အဲဒီတခေါက်က မမက အသစ်ထွက်နေတဲ့ ဥပဒေနဲ့ ပတ်သတ်ပြီး status တခု ရေးတင်ပြီးကာစ “ကျမဘယ်လိုပြန်ပြောရပ” ဆိုတဲ့ ခေါင်းစဉ်နဲ့။ မမနားလည်ပါတယ်။ ညီမလေးကအဝေးမှာ ပညာတွေသင်ပြီး အိမ်အတွက် မမထက်ပိုထောက်ပံ့နိင်အောင် ကြိုးစားနေတဲ့သူပါ… ဒီအချိန်မှာညီမလေးက မမကိုပြန်ပြီးစိတ်ပူစရာဖြစ်မယ့် အကြောင်းအရာတွေကို မမမရေးသင့်ပါဘူး..

    ကတိအတိုင်းပဲလေ နောက်ပိုင်းမှာ မမဒါတွေကို မရေးခဲ့ပါဘူး။ ဒါပေမယ့် ညီမလေးရယ် ဘုန်းကြီးပျံပွဲဆိုရွာမှာလာကြတဲ့ ခြောက်ကောင်ဝိုင်းတွေ စကားကို မမငှားသုံးစမ်းပါရစေဦး။ မမကသာလက်ရှောင်နေတာပါ။ ပေါက်ကောင်တွေက ဆက်တိုက်ဆိုသလိုကို ဆက်တိုက်ဖွင့်နေတာပါ။

    မနေ့က ညီမလေးစိုးရိမ်တကြီးနဲ့ ဖုန်းဆက်လာတယ်နော်။ CNN သတင်းမှာ မြင်လိုက်ရပြီပေါ့ မမညီမလေးကို တမင်မပြောပဲထားတာပါ…. ဖြစ်တာကိုမမသိပါတယ်။ အဲဒီနေ့ မမကမန္တလေးကိုလွမ်းပြီး စာတပုဒ်တင်ပြီးကာစ ရွာသတင်းကိုကြားလိုက်တော့ အသက်ကြီးမှကွဲသွားတဲ့ ရည်းစားကို လွမ်းနေဆဲ ငယ်ချစ်ရဲ့နာရေးသတင်းကို ဖတ်လိုက်ရသလိုပါလား ညီမလေးရယ်။ ဒီခံစားမှုထက်လည်း ပိုလေးနက်နိင်ပါရဲကွယ်။

    ဟုတ်ပါတယ် ညီမလေးရေ ဒီသတင်းကို အတည်ယူလိုက်ပါ… ဒီတခါ အလှည့်ကျလာတာ မမတို့မောင်နှမသုံးယောက်လုံး မွေးဖွားခဲ့တဲ့ ထန်းကုန်းရွာပါပဲ။ ဒီရွာလေးမှာ ကိုကိုက ခုနှစ်တန်းထိ၊ မမကခြောက်တန်း၊ ညီမလေးကနှစ်တန်းထိ နေခဲ့ကြတယ်နော်။ မေမေ အလယ်တန်းပြ ကျောင်းဆရာမဘ၀ကိုလည်း ဒီရွာ အ-လ-ပြ ကျောင်းကနေ ဆေးပင်စင်ယူနားခဲ့ရတယ်။ ဖေဖေလည်း ဒီကျောင်းကနေပဲ ကျောင်းဆရာဘ၀ကို ပြည်ဖုံးကားချပြီး မမတို့မောင်နှမသုံးယောက် အသုံးကျတဲ့လူတွေဖြစ်ဖို့ ဒီရွာလေးကနေပြီး စီးပွားရေး ရေယာဉ်ကြောမှာ စတင်ကူးခတ်ရှာဖွေ ကျွေးမွေးခဲ့တယ်ပေါ့။

    ပြောရရင်လေ မမတို့အတွက် ရွာလေးက ချက်မြှုတ် ရာဇာတိသာမက မမတို့ မိသားစုရဲ့ ဘ၀အစလည်း ဖြစ်ပါရဲ့လေ။
    ဖေဖေနဲ့ မေမေက ထန်းကုန်းကျောင်းမှာ စတွေ့ခဲ့ကြတာကိုး။ အဲဒီတော့ သတင်းစကြားတော့ မမဘယ်လိုနေလဲ ဟုတ်လား။ ဘဘနဲ့ အမေကြီးတို့ဆုံးတာ ကြာပေမယ့် မမတို့ကို ချစ်ခင်သူတွေ သူငယ်ချင်းတွေ ဘဘတို မိတ်ဆွေတို့ ကျန်သေးတယ်လေ။ နောက် အမ၀မ်းကွဲမိသားစုလည်း ရှိနေတယ်။ အို – ဒီလိုအမျိုးတော်သူတွေ ရှိနေသေးလို့ စိုးရိမ်တာမဟုတ်ပါဘူး။ ရွာလေးအတွက် မမကစိုးရိမ်တာပါ။ ညီမလေးကငယ်တော့ မှတ်မိပါ့မလား? ၁၉ဂ၉ က မမတို့ အလှူလေ။ အဲဒီအလှူမှာလေ ညီမလေးသူငယ်ချင်း မိုးသွယ်က အိဖြိုးကျော်တို့ ဇင်မြင့်ဝင်းတို့ ပရိတ်အိုးကိုင်တော့ သူလည်းကိုင်ချင်ပါရော မိုးသွယ်ဘယ်ဘာသာလဲ ညီမလေးသိပါတယ်နော်။ သူငယ်ချင်းတွေကိုင်တော့ သူကလည်းကိုင်ချင်တာလေ။ ဒါကိုသူ့အမေ မအေးဝင်းက ခွင့်ပြုခဲ့တယ် မအေးဝင်းဆိုတာ ညီမလေးရယ် အဲဒီဘာသာအမျိုးအကြီးကြီး ဒေါ်နီသမီးပါ။

    သူတို့တမျိုးလုံး အဲဒီဘာသာပါ ညီမလေးရယ်။ မိုးသွယ် အဲဒီလိုပရိတ်အိုးကိုင်တာကို သူတို့ဘာသာဝင်တွေ ဘယ်သူကမှ မကဲ့ရဲ့ခဲ့ကြဘူး။ မဖယ်ကျဉ်ခဲ့ကြဘူး။ ဒီလိုရွာလေးပါညီမလေးရဲ့။

    ပြီးတော့ အေးမာ သူလည်း အဲဒီဘာသာနော်။ ညီမလေးတို့ နားသလှည်းယာဉ်တစီးက သူ့လှည်းလေ။ သူကိုယ်တိုင်မောင်းခဲ့တာ။ ကျွေးဖို့ မွေးဖို့ ငါးခြောက်တွေက ကိုချစ်ပိုဆိုင်က လိုသလောက်အကြွေးယူသုံးထားတယ်။ ကိုချစ်ပိုဆိုတာတော့ ညီမလေးသိပါတယ်။ ဖေဖေ ရထားနဲ့ စုန်ချီ ဆန်ချီဈေးအ၀ယ်တော်လုပ်တုန်းက ဖေဖေရဲ့ ရဲဘော်ရဲဘက်တယောက်ပဲ ဖေဖေတို့ ညအိပ်ညနေ အတူသွားလာခဲ့တယ်။ ရွေဘို ထန်းကုန်း အစုန်အဆန်ရထားစီးပြီး မိသားစုတွေကိုယ်စီအတွက် ရုန်းကန်ခဲ့ကြတယ်။ သူတို့ အစ်နေ့ဆို အမဲသားမစားတဲ့ မမတို့အိမ်ကို စမိုင်ကို တမင်သပ်သပ်လေး ကျိူပို့တဲ့အိမ်။ မမတို့ တန်ဆောင်တိုင် ပိုက်ဆံတောင်းကြရင် ဖေဖေနဲ့အသိ သူတို့ဘာသာတွေဆီ သွားတောင်းမိတယ်။ မေမေတို့သိတော့ “စိတ်မရှိပါနဲ”့ ပြောတော့ ‘မဟုတ်ပါဘူး ဒီလိုမုန့်ဖိုးပေးရတာ သဘောကျပါတယ်။  နောင်နှစ်တွေလည်းလွှတ်ပါ”တဲ့ မေမေတို့အားနာကြောင်း ပြောလိုက်ကာမှ မမတို့တတွေ တရားဝင်ပါမစ်ရခဲ့လေတယ်။ ဒီလိုရွာပါကွယ့် ကလေးရဲ့။

    ညီမလေးရေ မမဘာကိုပြောချင်နေတာလဲ ညီမလေးတော့ သိတယ်မို့လား? ညီမလေးနားလည်ရဲ့လား? မမတို့ရွာမှာ အမုန်းတွေ သိမ်းထားတာမရှိဘူးကွယ့် မမတို့ရွာမှာ အညှိုးအတေးတွေ လှောင်ထားတာလည်းမရှိဘူးကွယ့်။ မမတို့ရွာ မမတို့ဒေသ ဘယ်တုန်းကမှ သမိုင်းမဆိုးခဲ့ဘူးညီမလေး။

    ဘယ်တုန်းကမှလည်း ရာဇ၀င်မရိုင်းခဲ့ပါဘူး။ ထွက်သင့်တဲ့အချိန်မှာမှ မမတို့ရွာထွက်ခဲ့တယ်။ ရှစ်ဆယ့်ရှစ်သက်သေရှိတယ်။ လွှတ်တော်ကိုယ်စားလှယ် ဒေါက်တာမြင့်နိင်သက်သေရှိတယ်။ CRPP က တသီးပုဂ္ဂလ အမတ်ဖြစ်ခဲ့သူ ဦးသိန်းဖေသက်သေရှိတယ်။ ဒီလိုလူတွေထွက်တဲ့ဒေသ ဒီလောက်ညဏ်မနည်းဘူး။ ဒီလောက်မိုက်ရူးရဲ မဆန်ဘူး။ ဒီလောက်ဆင်ခြင်ဥာဏ် မနည်းပါဘူးညီမလေးရဲ့။

    ဒါဆိုဘယ်ကစသလဲ? ညီမလေးလည်းကြားလိမ့်မယ်။ ဒီလိုပါပဲညီမလေးရယ် ညီမလေးဖတ်ဖို့ voice က သတင်းဖြတ်ပိုင်းလေး မမ ထည့်ပေးလိုက်တယ်။ ဆိုတောကွယ့် ဖြစ်စဉ်ကို မမထည့်မပြောတော့ပါဘူး။ ဒါပေမယ့် မမသိတယ်လေ။ မမညီမလေးက ဘာပဲပြောပြော သုံးသပ်ချက်တော့ ကြားချင်တတ်သူပဲ။

    နည်းနည်းဆန်းကြယ်တာလေးတွေ မမ ထောက်ပြမယ်နော်။ စိတ်မပူပါနဲ့ညီမလေးရယ် ဟိုဘက်ဒီဘက်ရပ်တဲ့စကားမျိုး မမ မပြောပါဘူး။ အဲဒီလိုပြောဟန်တွေကို မမပင်ကိုယ်ကလည်း အားမသန်ပါဘူး။ ပြီးတော့ အခုက ဘယ်လိုအခြေအနေတွေဆိုတာလည်း မမသိပါတယ်။ စိတ်မပူပါနဲ့ကွယ်။ ဒါပေမယ့် ဒီလောက်ကလေးတော့ သေသွားတဲ့ မမငယ်ချစ်အတွက်ထောက်ပြရလိမ့်မယ်။

    =================

    အခု ညီမလေး အရင်ဆုံး မေးချင်နေတာကို သိပါတယ်။ မမတို့ရွာ ဘယ်လိုဖြစ်သွားပြီလဲဆိုတာကို ညီမလေး မှန်းကြည့် နိင်ပါတယ်။ တခြားဖြစ်ခဲ့တဲ့ရွာများ နည်းတူပါပဲ။ ကယ်ဆယ်ရေး စခန်းဆိုတာပေါ်လာပြီ။ လူဦးရေသုံးရာကျော် အဲဒီမှာ ရောက်နေပြီ အိမ်ခြေ ငါးဆယ်ကျော် ဖျက်ဆီးခံခဲ့ရတယ်။ စစ်ကိုင်းတိုင်းဒေသကြီး အစိုးရမှ လှူဒါန်းသည်ဆိုတဲ့ ဆန်အိတ်တွေ ဆီပုံးတွေလက်ခံနေတဲ့ မမတို့ ရွာကလူတွေကို မနေ့က ရုပ်သံမှာ တွေ့လိုက်ရတယ်။ ဘာပစ္စည်းတွေ လက်ခံနေသလဲဆိုတာ မမ အာရုံ မရှိပါဘူး။ မမ ငေးကြည့်နေမိတာက မမတို့ ရွာသားတွေရဲ့ မျက်နှာပေး မျက်နှာထား မျက်နှာဟန်ပန်တွေကိုပဲ။ ညီမလေးက မေးလိမ့်မယ် “ငိုနေကြသလား မမကေ?”လို့ငိုနေတာတော့ မမကြည့်မိတဲ့ထဲမှာ မပါပါဘူး။ တချို့က ၀မ်းနည်းနေတဲ့မျက်နှာ တချို့က ခံပြင်းတဲ့ပုံစံ မေးရိုးထောင်အောင် အံကိုကြိတ်လိုပေါ့ အများစုက ဘယ်လို မျက်နှာဖြစ်နေသလဲ။

    ညီမလေးသိလား – အေးကွယ် ငိုနေတဲ့ မျက်နှာထက်ကို မမ အတွက်တော့ ခံစားရပါရဲ့။ ဘယ်လိုမျိုးလဲ ဆိုတော့ မမတို့ ငယ်ငယ်တုန်းက ကောင်လေးတွေ လိုက်စရင် ပြန်ပြောတဲ့ “ရုပ်ကိုက အူတိအူကြောင်နဲ့” ဆိုတာလေ။ ညီမလေးရယ် အဲဒီ ရုပ်တွေက အခုမှ အစစ်ဖြစ်နေတာကွယ် ညီမလေး ကြည့်မိစေချင်တယ်။

    လာလှူတဲ့ ခေါက်ဆွဲခြောက်ထုတ် ဆန်အိတ်တွေကို ဒီအူတိအူကြောင် မျက်နှာလေးတွေနဲ့ ငေးနေတာများ ညီမလေး မြင်ရင် ငိုမိနိင်တယ်။

    ညီမလေးရေ … …
    ကယ်ဆယ်ရေး ထမင်းထုတ် ဆိုတာကွယ် မမတို့ရွာမှာ မကြားရတာ ဘယ်လောက်တောင် ကြာပြီလဲ။ မူးနား မြစ်နား ကပ်နေတဲ့ ဒေသလည်း မဟုတ်ဘူး။ မီးရေး ထင်းရေးကလည်း မမတို့ ဆယ်နှစ်သမီးက အကြီးအကျယ်လောင်ခဲ့တယ်။ အဲဒီနောက်ပိုင်း မီးလောင်တာ မကြားဖူးခဲ့တော့ဘူး။

    အော် – ညီမလေးရယ် မမစိတ်ထဲ ဆန်းကြယ်တယ် ထင်လို့ပါ။ အခုန ပြောတဲ့ မီးအကြီးအကျယ် လောင်တုန်းကလည်း အခုလိုပဲ အိမ်ခြေက ငါးဆယ်ကျော်။ ဒါပေမယ့် မမတို့ ရွာသားတွေ ဒီလို အူတိအူကြောင် မျက်နှာပေး မဖြစ်ခဲ့ရဘူး။ ဘာလို့လဲ သိလား? ဘယ်ကနေစဖြစ်တာလဲ သိတယ်လေ။ ရန်သူက စလောင်တဲ့အိမ်က မီး၊ ရန်သူက သဘာဝဘေးမီး၊ ပြေးရသူက ရွာသူရွာသား ဖြစ်စဉ်က ရှင်းတာကိုးကွယ်။

    အခုကတော့ ပြေးလို့သာ သူတို့မှာ ပြေးရတယ်။ ဘယ်ကစတဲ့ ပြသနာကြောင့်လဲ ခြေခြေမြစ်မြစ်မသိ။ လာမီးရှို့တဲ့သူတွေကိုလည်း သူတို့ မသိ။ ရွာထဲလမ်းပေါ် လူစိမ်းတွေတွေ့ရင် အိမ်က ထွက်ပြေးလာသူတိုင်း ဘာသာနှစ်ခုလုံးက ဒီလူစိမ်းတွေကို ကြောက်လန့်နေရှာတယ်။ လူစိမ်းက လာလုပ်တာကိုး သူတို့သိတာက ညီမလေးရယ် ……

    တကယ်က လူစိမ်းထဲမှာ တို့ ရွာကို ကူညီလာသူတွေပါမှာပဲ။ ဒါပေမယ့် ဘယ်လူစိမ်းကိုမှ အကူအညီမတောင်းရဲဘူး။ သံလမ်း အနောက်ဘက်မှာ ဖြစ်နေလို့၊ သံလမ်းအရှေ့ဘက် ရပ်ကွက်ရောက်အောင်သာ အားကုန်သုတ်ပြေးကြသတဲ့ မမတို့ အရင်ကဆိုရင် ရွာထဲ လမ်းတွေမှာ၊ ကျောင်းသွားတဲ့ လမ်းတွေမှာ တယောက်နဲ့တယောက် တွေ့ ကြရင် ဘယ်ဘာသာဝင်ဆိုတာ ဘယ်တုန်းကမှ မတွေးမိဘဲ နှုတ်ဆက်ခဲ့ကြတယ်။ အဲဒီနေ့ကတော့ တို့ဘာသာနဲ့ သူတို့ဘာသာ ဖြစ်ကြပြီဆိုတဲ့အသိနဲ့ ချစ်ခင်ပြီးသား ဘာသာမတူ တို့ ရွာသားတွေ ဟာ လမ်းရဲ့တဖက်တချက်မှာကပ်ပြီး ရှောင်တိမ်းပြေးကြသတဲ့ ညီမလေးရယ်။ အဲဒီနေ့က ထန်းကုန်းလမ်းတွေသာ အသက်ရှိခဲ့ ရင် အဲဒီမြင်ကွင်းကို ရင်နာလို့ ”တောက်” ပြင်းပြင်း တချက်တော့ ခေါက်မိလိမ့်မယ်နဲ့ တူပါရဲ့ကွယ်။

    နောက်ထပ် မမ အဆန်းတကြယ် ထင်မိတာတွေ ဆက်ပြောအုံး မယ် ညီမလေး ဆက်နားထောင် မယ်ဆိုရင် မမကိုတခုတော့ ပေးပါ။ အခုချိန်ကစပြီး ညီမလေးက ဘယ်ဘာသာဝင်ကို ကိုးကွယ်နေတာလဲဆိုတာ ခဏဖျောက်ပေးပါ မေ့ထားပေးပါ မမစာဆုံးတဲ့အထိ ညီမလေး မေ့ထားနိင်မယ်ဆိုမှ စာကိုဆက်ဖတ်ပါ။

    ညီမလေး အပါအ၀င် တခြားမည်သူမဆို မိမိဘယ်ဘာသာဝင်ဆိုတာ ခဏ မေ့မထားနိင်သူမှန်သမျှ ဒီစာကို ဆက်မဖတ်ကြဘို့  ကြိုကြိုတင်တင် မေတ္တာရပ်ခံပါတယ်။ ဘာလို့လဲဆိုတော့ ရေးသူ မမကိုယ်တိုင်က ဘာသာကို သိုဝှက်ပြီး အစွဲကင်းစွာ ပြောမှာ ဖြစ်လို့ နားထောင်သူကလည်း အစွဲကင်းပါမှ ရင်ဘတ်ချင်းနီးပြီး အပြန်အလှန်နားလည်နိင်မှာပါ။

    ဒီလိုသာမဟုတ်ပဲ အစွဲရှိသူဖတ်မယ်ဆိုရင် မလှပသော ဆွေးနွေးချက်များကို မမ ရပါလိမ့်မယ်။ မမ လိုချင်တာ ငြိမ်းချမ်းရေး၊ ပိုင်ဆိုင်လိုတာလည်း ငြိမ်းချမ်းရေး၊ တောင့်တနေမိတာလည်း ငြိမ်းချမ်းရေးပါ။ နောက်ထပ် တခြားရွာတွေ မြို့တွေ ဒေသတွေ အဲဒီကလူတွေ ထပ်မခံစားရစေဖို့ ရည်ရွယ်ချက်နဲ့  မမတတ်သမျှ စကားလုံးတွေနဲ့ စတင်ကမ်းလှမ်းတဲ့ ငြိမ်းချမ်းရေးစကားပါ။ ဒါပေမယ့် အရာတိုင်း မျော်လင့်သလို မဖြစ်နိင်ပါဘူးလေ။ အကယ်၍ ဒီစာကြောင့် မမကို မသိသောသူတွေကဖြစ်စေ မမကိုသိပြီးသားသူတွေကဖြစ်စေ ပြစ်တင်ခဲ့ရင် ရှုတ်ချခဲ့ရင် ဆဲဆိုခဲ့ရင် မမတယောက်တည်းနဲ့သာ သက်ဆိုင်တယ်လို့ ခံယူပါတယ် မမရဲ့မိဘ များနဲ့သော်လည်းကောင်း ဆရာသမားများနှင့်သော်လည်းကောင်း ဆွေမျိုး မိတ်သင်္ဂဟများနှင့်သော်လည်းကောင်း လုံးဝသက်ဆိုင်မှု မရှိဘူးလို့ ခံယူထားပါတယ်။

    ကဲ ဟုတ်ပါပြီလေ။

    ညီမလေးရေ အခုဆိုရင် ညီမလေးက မိမိဘယ်ဘာသာဝင်ဆိုတာခဏ မေ့ထားသော လူတယောက် သို့မဟုတ် ဒုက္ခရောက် ပြေးလွားခဲ့ရသော ထန်းကုန်းသူတယောက်ကို မမမေးပါရစေအုံး အဲဒီနေ့က ညီမလေး ဘာလို့  ထွက်ပြေးတာလဲ? လာမီးရှို့ သူတွေက ကိုယ်နဲ့ ဘာသာတူတွေဆိုရင် ညီမလေးတို့ကို ရန်မပြုဘူးမို့လား?

    လာတဲ့သူတွေ ကိုယ့်ဘာသာလား စောင့်မကြည့်တောပဲ ဘာလို့ အားကုန်သုတ် ထွက်ပြေးတာလဲ? စဉ်းစားကြည့်စမ်း ညီမလေး အဲဒီနေ့က ညီမလေးတို့တွေ လာမီးရှို့တဲ့သူတွေနဲ့ ဘာသာအတူတူရော ဘာသာမတူတာရော သွားတဲ့နေရာသာမတူမယ် ထွက်ပြေးတာအတူတူပဲမို့လား? ဘာလို့ ထွက်ပြေးတာချင်းတူတာလဲ ?

    အဲဒီ အချိန်မှာ လာတဲ့သူတွေတို့နဲ့ ဘာသာတူ ဘာသာမတူ ဆိုတာ တွေးဖြစ်လား? သူတို့ရှို့တဲ့မီး တို့အိမ်များလောင်သွားရင် တွေးမိလား? ရွာလမ်းပေါ်ရောက်တဲ့အခါ ငှက်ကြီးတောင် ဓါးကိုင်ထားတဲ့သူကို ဘယ်သာဝင်လဲ အရင်အကဲခတ်လား ? ငါ့ကို ဓါးနဲ့ လာထိုးချေသော်ဆိုပြီး အရင်ကြောက်မိလား? ၀ါးရင်းတုတ်ကိုင် လူတစုနဲ့ တိုးမိတော့ရော ကိုယ့်ဘာသာဝင်တွေဆို အားကိုးရချေရဲ့လို့  ညီမလေး အားတက်ပြီး သူတို့ နားပြေးသွားသလား? ငါ့ကိုဝိုင်းရိုက်ရင် သေပြီလို့ အရင်တွေးမိလား??

    ညီမလေးရေ လူဆိုတာ ဦးနှောက်ရှိတဲ့ သက်ရှိတွေပါ။ ဒီလိုအသက်ဘေးကြုံလာရင် ဒီလိုမိုးထဲရေထဲ ပြေးကြရရင် အဓိက အရေးပါတာကိုသာ ကြည့်မိတော့တယ်လေ။ ဘယ်ဘာသာဝင် ဖြစ်သလဲဆိုတဲ့ အတွေးကို သူရဲ့ပုံသဏ္ဍာန်နဲ့ သူ့လုပ်ရပ် ကြည့်ပြီး ညီမလေးကို ရန်ပြုမယ့်သူလားဆိုတဲ့ အတွေးက ဖုံးလွမ်းသွားပြီ မဟုတ်လား?

    ညီမလေးရေ …
    ဘာသာတရားတခုရဲ့ ဂုဏ်ဒြပ်က သူ့ကို လိုက်နာကျင့်ကြံ နေထိုင်သော လူတွေရဲ့ အမူအကျင့်နဲ့သာ ပြောင်ရောင်ထွန်းလင်းနိင်ပါတယ်။ စာအုပ်ထဲက စာများကြောင့် ပြောင်ရောင်ထွန်းလင်း နိင်တာမဟုတ်ပါဘူး။ စာတွေက လူတွေလိုက်နာဖို့ လမ်းညွန်ပါ။ နည်းပေးပါ လမ်းပြပါ။ ညီမလေး မလိုက်နာနိုင်သရွေ့ အဲဒီစာနဲ့ ညီမလေးနဲ့ လားလားမှမဆိုင်သေးပါဘူး။ နောက်တခုက ကိုးကွယ်ဆည်းကပ်ရာကို ရွှေ ကျောက်သံ ပတ္တမြား ကပ်ထားတာတွေဟာ ကြည်ညိုသူ ပိုမိုသဒ္ဒါပွားနိင်ဖို့ ပါ။

့ညီမလေးကိုးကွယ်တဲ့  ဘာသာနှင့် ညီမလေးကို တန်ဖိုးတက်စေဖို့ တခုတည်းသော နည်းလမ်းက ညီမလေးရဲ့ ကိုယ်ကျင့်တရား နှင့် ညီမလေးရဲ့ အကျင့်ပါ အဲဒါကသာ တန်ဖိုးတက်အောင် လုပ်နိင်မယ်။ တခြားနည်းလမ်း မရှိပါဘူးလို့  မမက ယုံကြည်မိပါရဲ့။ ဒီလိုပြောတော့ ညီမလေးက မမကို ပြုံးချင်လိမ့်မယ် သာသနာပြုပုဂ္ဂိုလ်လည်းမဟုတ်ပဲ မမရဲ့စကားက ဟန်ကြီးလှချီလားပေါ့။ ဟန်ကြီးဆို မမတွေ့ ဖူး နာယူဖူး ဆည်းကပ်ဖူးတဲ့ ပုဂ္ဂိုလ်တွေ လူတွေ ဆရာသမားတွေ စာအုပ်တွေ အကုန်လုံးက တန်ဖိုးလည်းရှိ ဟန်လည်းကြီးပေတာကိုး ဆိုတော့က မမအနေနဲ့ ဒီလို ခံယူချက်မျိုး ထွက်လာတာတော့ ဘယ်ဆန်းမှာလဲ ညီမလေး။

    ညီမလေးရေ ပြောပါဦး …
    ဘယ်လို ယူဆရမလဲကွယ်။ ကျေးရွာ အုပ်ချုပ်ရေးအဖွဲ့ဝင် မမ သူငယ်ချင်းကကို ဖြစ်စဉ်အမှန်အတိအကျ မသိသေးဘူးတဲ့။ ကာယကံရှင် မ်ိန်းကလေးက ထိခိုက်နစ်နာမှုအဆင့်ထိ မရောက်ဘူး။ ထိပါးနှောက်ယှက်တဲ့ အဆင့်ထိပဲရောက်တယ် ကြားတယ်။ အတိအကျတော့ မသိဘူး။ နှောက်ယှက်သူက သုံးယောက်လား ကြားပေမယ့်တစ်ယောက်တည်းလည်း ကြားတယ် အတိအကျတော့ မသိဘူး ရည်းစားစကားအရင်ကလည်း လိုက်ပြောဖူးတဲ့လူဆိုလား ကြားတယ် အတိအကျ တော့မသိဘူး။

    ညီမလေးရေ … …
    ကြားတယ် အတိအကျတော့ မသိဘူး စကားပဲ တွင်တွင်ပြောနေတဲ့ သူကို အတိအကျသိတာက ဘာတွေလည်း မေးရတော့တာပဲ သူအတိအကျ သိတာတွေက ရဲစခန်းကို ရွာက လူတွေ လာဝိုင်းမှ ထန်းကုန်းရွာခံတွေ ပြဿနာစပြီ ဆိုတာသိတယ်။ ထန်းကုန်းတရွာလုံးအနှံ့ သတင်းကမပြန့်သေးခင် ထန်းကုန်းတိုက်နယ်တခုလုံးလိုလို သတင်းရောက်နေပြီ။ မမတို့ ရွာနဲ့ နီးစပ်နေတဲ့ “ခင် သာ” “တောင်ကုန်း” “ယော” “လယ်လှ” “ရေကြည်” “ဇီးပင်သာ” “အုတ်ဖို”ဒါတွေကို ပြန့်တာ ထားလိုက်ဦး မမတို့ ရွာနဲ့ နီးတာကိုး။ လှမ်းနေတဲ့ ကြိုးကြာ” အင်ဖက်တော” “မိုးကြ်ိုး ပစ်” “တင်ကုတ်ကြီး” “ဘိုတဲကုန်း” အဲဒီကိုလည်း သတင်းပေါက်တယ်။ မမတို့ ရွာနဲ့ အလှမ်းဝေးလို့မှ ရွာမှာ မာရသွန်ပြေးပွဲလုပ်တုန်းက ပန်းတိုင်လုပ်ဖူးတဲ့ “ခေါ်သန္တီရွာ”ကတောင် လာနိင်သတဲ့  ညီမလေးရေ။ အချိန်တိုတိုလေးအတွင်း တိုက်နယ် တခုလုံးပြန့်သွားပြီး လူတထောင်ကျော်တောင် လာစုနိင်တာ သတင်းကွန်ရက်က ဘယ်ကသွားတာလဲ? မမတို့ရွာက လူတွေ အင်တာနက်သုံး ဖေ့ဘုတ်မကြည့်ဖူးပါဘူးကွယ့်။ ညီမလေးလည်း တွေးကြည့်စရာ ဒါက ပထမအချက်

    ညီမလေးရေ … …
    ရဲစခန်းမှာ ရွာကလူတွေ ၀ိုင်းနေတုန်း မမတို့ ရွာကလူတွေက ဖြစ်စဉ်နားမလည်တော့ ဘေးမှာရပ်ကြည့်တာပေါ့ အဲဒီမှာ လူဆယ်ယောက်လောက်က ဈေးထဲက ဘာသာခြားဆိုင်တွေကို မီးရှို့ပြီး သွားဖျက်သတဲ့ ဖျက်တာ ရှို့တာလည်း မြန်သတဲ့  ဘယ်ရွာကလူတွေလဲ မသိဘူးတဲ့  ထန်းကုန်းရွာဈေးထဲကဆိုင်ကို ဘာသာခြားဆိုင်မှန်း သိတဲ့လူကို ထန်းကုန်းရွာခံကတော့ မသိပါဘူးတဲ့။ ညီမလေး စဉ်းစားဖို့ ဒုတိယအချက်

    ညီမလေးရေ … …
    တကယ်တမ်းပြောရရင် တကယ့်အဖြစ်မှန် ဖြစ်ခဲ့ဖူးတယ်။ ကြိုးကြာက မိန်းကလေးကို ရွာအပြန်လမ်းမှာ ကျူးလွန်လိုက်တယ် အဲဒီတုန်းက ဘဘတို့ ရှိလို့  အဲဒီပြသနာကို ကောင်းကောင်းကြားလိုက်တယ်။ ဒီလို မီးရှို့မယ်တွေဘာတွေ ဖြစ်လိုက်သေးတယ်။ အဲဒီတုန်းက သတင်းရင်းမြစ်က ဒီထက်တိကျတယ် ခိုင်လုံတယ်။ ဒါကို ဘယ်အိမ်မှမီးမလောင်ပဲ ရုတ်ရုတ် ရုတ်ရုတ်နဲ့ပဲ ပြီးခဲ့တယ်။ အဲဒီလို ရွာက အခု ကျူးလွန်တာ သေချာလား မသေချာလား အတိအကျမသိတဲ့ ဖြစ်ရပ်ကို ဒီလောက်အထိ အခြေအနေ ဆိုးဝါးသွားတာက တွေးစရာ တတိယအချက်။

    အဲဒီတုန်းက ထန်းကုန်းရွာ ရဲစခန်းတခုတည်းက ထိန်းနိင်တယ် အခု တခြားကလုံခြုံရေးတွေလာတာတောင် မထိန်းနိင်ခဲ့တာ အဲဒီလူတွေက တို့နယ်ကလူတွေ ဟုတ်ရဲ့လား? ဒါမှမဟုတ် တို့ဒေသက လူတွေပဲ ပြောင်းလဲကုန်တာလား? ဒါမှမဟုတ် အခုလာတဲ့ လုံခြုံရေးတွေက အရင်ကိစ္စဖြစ်တုန်းက တာဝန်ယူခဲ့တဲ့ ထန်းကုန်းက ရဲတွေလောက်ကို မတော်ကြလို့လား? ဒါကတွေးစရာ စတုထ္တအချက်။

    နောက်ပြောချင်တာက ရွာအစုံစုံက ချီတက်လာတဲ့ လူအုပ် ထန်းကုန်း အနောက်မြောင်းဘောင်ပေါ်မှာ စုမိကြတယ်။ လုံခြူံရေးကားတွေပေါ်ကနေ သေနတ်ဖောက်ပြီး လူစုခွဲတယ်။ သေနတ်တချက် ဖောက်လိုက်တိုင်း လူအုပ်ကြီးက ညာသံတချက်ပေးတယ်။ သေနတ် ဆယ်ချက်တိတိဖောက် လူစုခွဲတယ်။

    တချက်ပြီးတိုင်း ဟေး ခနဲ ညာသံတခါအော် ရှေ့သို့ သာတိုးလာကြသတဲ့။ ဘယ်လိုမှ လူစုခွဲမရဘူးတဲ့ ရွာသူတယောက်နေနဲ့ မမ အံ့သြတာပါ။ ဟိုအရင်က သူကြီး ဦးမြင့်ဆွေ ငှက်ပစ်တဲ့ လေသေနတ်သံတောင် ကြောက်တတ်လို့ ငြိမ်ကျသွားတဲ့ ထန်းကုန်းမြေမှာ လေသနတ်ထက် အဆင့်မြင့်တဲ့ လူသေ သေနတ်ကိုများ “ဟေး” တိုက်လို့  လုံခြူံရေးသနတ်ကျည်ဆံက မိုးယံသာ လွင့်ပြန်မယ်လို့ ယုံကြည်ထားတာလား? ဘာကြောင့်လဲ? ဒါက ပဉ္စမ အချက်။

    ဘယ်ရွာမှာဖြစ်ဖြစ် နစ်နာသူကမိန်းကလေး တယောက်တည်း အလုပ်သွားအလုပ်ပြန်သူ အဖော်မပါသူ။ ပြဿနာတိုင်းက မျက်မြင်သက်သေ ထွက်လာတာမကြားဖူးသေး။ ပြဿနာအစ မျက်မြင်သက်သေမရှိတာ မထူးဆန်းပေမယ့် ရွာတိုင်းမှာ မျက်မြင်သက်သေမရှိတာက စဉ်းစားစရာ နံပါတ်ခြောက်။

    နောက်ထပ်စဉ်းစားစရာ က ဒီလောက်အကဲဆတ်ပြီး ပြဿနာ ဖြစ်လွယ်နေတဲ့အချိန်မှာ မိန်းကလေးကို ပြသနာရှာသူက ရိုးရိုးလူမှ ဟုတ်ရဲ့လား? စိတ်ပေါ့သွတ်နေသူလား? ရူးသွတ်နေသူလား? ဆင်ခြင်ညဏ်နည်းပါးသူလား? ဒါမှမဟုတ် ဘယ်လိုလူလဲ? ဒါက နံပါတ် ခွန်။

    ဆင်တူယိုးမှား ပြဿနာတဂျိန်းဂျိန်း ဖြစ်တယ်။ ကာကွယ်တားဆီးရေး ကော်မတီတွေ လူထုဘက်ကသာ ဖွဲ့တယ် အူပ်ချူပ်သူများက အခုထိ ထိထိ ရောက်ရောက် တားဆိးနိင်တဲ့ နည်းလမ်းကို ရှာမရ သေးတာလား? မရှာကြ သေး တာလား? ဒါက ရှစ်ချက်မြောက် တွေးစရာ။

    ညီမလေးရေ နောက်တခုက မမသူငယ်ချင်းတဦးက ပြောတယ် ဒီပြသနာတွေက မတူညီတဲ့ ဘာသာနှစ်ခုအကြား ဖြစ်ပွားတဲ့ ပြဿနာပဲ။ ဖြစ်အောင်တမင်လှုံ့ဆော်သူ ရှိနေမယ် မယူဆဘူးတဲ့ အဲဒီလို ပြောနေတဲ့ မမသူငယ်ချင်းနဲ့ တခြားသူ တွေ အတွက် စဉ်းစားစရာက အဲဒီည အေးချမ်းမွန်ဆိုတဲ့ page က ဘာသာခြားတယောက်က ကျူးလွန်တယ် ကြားရတယ်လို့ တင်ထားတာကို နာမည်ကျော် accounts များက ဘာသာခြားသုံးယောက် တယောက်မဟုတ်ဘူး ဆိုပြီး ပီပီပြင်ပြင် ဆဲ ကြပါတယ်။

    ကိုယ့်ရွာဖြစ်လို့ ရွာကို ဖုန်းဆက်ကြည့်တော့ ကျေးရွာအုပ်ချုပ်ရေးကကို အပြောတွေပဲ သေချာမသိသေးဘူး ပြောတယ် လေလ်ှိုင်းပေါ်က လူတွေကတော့ အတိအကျကို သုံးယောက်၊ မုဒိမ်းမှုကလည်းအစစ်ပဲ ပြောတယ်။ မသေမချာ သဘောလေး သတင်းတင်တဲ့သူကို မအေ နှမ ဘာသာခြားပေးစားပြီးဆဲတယ်။

    ဒီဇာတ်ကို ဘာသာခြားသုံးယောက်ဆိုမှ ဇာတ်ရှိန် တက်မယ်။ မုဒိမ်းကျင့်တယ်ဆို မှ ဇာတ်ကောင်းခန်း ရောက်မယ်။ ဒီသဘော ယူဆပြီး သတင်းတွေ ရှယ်နေတဲ့သူ၊ သတင်းတင်တဲ့သူတွေကို ဘယ်လို နာမည်တပ်ရမလဲ? လိုလားသူလား? လက်ဆေ့ာသူလား? ဒါကစဉ်းစားစရာ ကိုးချက်မြောက်ပဲညီမလေး။

    နောက်ဆုံး ဆယ်ချက်မြောက်က မီဒီယာတချို့နဲ့  အဲဒီ မီဒီယာတွေကို သတိပေးခြင်း မရှိသေးသော တာဝန်ရှိသူတွေပဲ။

    ညီမလေးရေ … … ရခိုင်ကိစ္စကစပြီး မိထ္တီလား၊လားရှိုး၊ ဥက္ကံ ခရီးတွေ ပျံနှံ့ခဲ့ပြီ ဒီလိုဘာသာခြားနဲ့ ဖြစ်တဲ့ ကိစ္စတွေမှာ အမှုဖြစ်တဲ့ နှစ်ဘက်ရဲ့ ဘာသာတွေကို မထည့်မနေထည့်ဖို့ လိုသလား? အစဖြစ်တုန်းက ထည့်တာ ထားအုံး ဒီလောက် အကဲဆတ်လွယ် ကြေမွလွယ် ထိရှလွယ်တဲံ့ အချိန် မီဒီယာတွေ ဆက်ထည့်ဘို့ သင့်မသင့် မစဉ်းစားကြဘူးလား? တကယ်ဆိုရင်ကွယ် ပြသနာအစအချိန်မှာ တို့ဂျာနယ်က ဒီသတင်းမတင်ဘူး သတင်းပြန့်သလို ဖြစ်မှာစိုးလို့  ဒီလို ခံယူတဲ့ ဂျာနယ်တွေ မရှိကြတော့ဘူးလား? ဂျာနယ်တွေက ဒီလို မတွေးပေးတတ်ရင်လည်း တာဝန်ရှိသူများက ဒီလို ဘာသာမတူတဲ့လူ ပြသနာတွေ အစိုးရသတင်းကသာ ထုတ်ပြန်မယ့် ပြင်ပစာစောင်များ မထည့်ကြပါနဲ့တော့။ ဒီလို ထိန်းသင့်တဲ့ အချိန်မရောက်သေးဘူးလား ? ညီမလေးရေ. မီဒီယာတွေလည်းထိန်း တာဝန်ရှိသူများကလည်း ထိန်းပေးသင့်ကြောင်း အချိန်မကျသေးဘူးလား? ဒါက ဆယ်ချက်မြောက် တွေးစရာပဲ။

    ဒီလိုပြောလို့ ဒီမိုကရေစီလေ စာပေစိစစ်ရေးမရှိတော့ဘူးလို့တော့ မမကို လာမပြောပါနဲ့  ထိန်းသင့်တဲ့အချိန်မှာ ထိန်းပေးရမယ်။ မမပြောပြမယ် ဒီမိုကရေစီ ခေတ်မှာလည်း တာဝန်ရှိသူဆိုတာ တာဝန်ရှိတာပါပဲ။ ဒီမိုကရေစီဖြစ်လို့  ပြည်သူက လိုတာကို ထောက်ပြနိင်တယ် တာဝန်ရှိသူက တာဝန်ကို ယူနိင်ရမယ်။ မယူနိင်ရင် ယူနိင်သူကိုပေးရမယ် လတ်တလော အဖြစ်အပျက်တွေ ပရမ်းပတာတွေ က. တာဝန်မယူနိင်သေးလို့ ဖြစ်နေတာလား??

    ဒီမိုကရေစီဆိုတဲ့ စကားလုံးကြီးကြောင့် ထင်တိုင်းကျဲနေတာလား? ဒီစကားလုံးကို လူဆိုးဖြစ်အောင် လုပ်နေကြသလား?

    သဘာဝအလျောက် အလိုလို ဖြစ်နေတဲ့ ပြသနာတွေလား? ဒါကညီမလေး စဉ်းစားဖို့ နောက်ဆုံး ဆယ့်တစ်ချက် မြောက်ပါ။

    ညီမလေးရေ … …
    ဒီလောက်ဆို မမငယ်ချစ်အတွက် မေးချင်တဲ့ မေးခွန်းတွေ စဉ်းစားကြည့်စရာလေးတွေ မမပြောပြီးပါပြီ။
    ညီမလေးက ဖတ်လို့ ပြီးတာနဲ့  ပြောလာမဲ့ စကားတခွန်း ကိုလည်း သိပါတယ်။
    မမက သူများကိုပဲ မေးခွန်းထုတ်ပြီး တွေးခိုင်းတယ် မမအမြင်ကဘာလဲ ဘာမှပြောမသွားပါလား?
    နစ်နာတဲ့မိန်းကလေးအတွက်လည်း မိန်းကလေးအချင်းချင်း တစုံတရာတော့ ပြောသင့်တယ် ဒီလိုပြောလိမ့်မယ်

    ညီမလေးရေ … …
    ပထမဆုံး နစ်နာတဲ့ မ်ိန်းကလေးအတွက် မမပြောပါမယ် သူမအတွက်မမ. စိတ်မကောင်းပါဘူး။နစ်နာရင်လည်းစိတ်မကောင်းစရာ မနစ်နာရင်လည်း စိတ်မကောင်းစရာပါပဲ။
    ဘာလို့လဲဆိုတော့ သူမတကယ်မနစ်နာခဲ့ရင်တောင် “ဒီပြသနာအစ ငါက” ဆိုတဲ့ အတွေးဝင်သွားနိင်မယ်။ သူမနဲ့ တွဲပြီး အဖြစ်အပျက်ကို လူတွေမှတ်မိခြင်းခံရမယ်။ ဒါကသူမရဲ့ နစ်နာခြင်းတွေပေါ့။

    ဒုတိယဖြေချင်တာက ဒီဖြစ်စဉ် ဘယ်ကစတာအမှန်လဲသိဖို့ မမတော့ အားမစိုက်ချင်ပါဘူး။ ဖြစ်စဉ်အမှန်ကို ဖော်ထုတ်ပေးဖို့က ပြည်သူတွေရဲ့ အဓိကအလုပ်မဟုတ်ဘူးလေ။ အဲဒီအလုပ်က တရားဥပဒေ စိုးမိုးရေးကို တာဝန်ယူထားသူ တွေက ဖော်ထုတ်ပေးလိမ့်မယ် ညီမလေးရေ။

    မမတို ပြည်သူတွေက တရားခံကို ဘယ်သိနိင်မှာလဲ? ပြည်သူတွေအလုပ်က ဒီအဖြစ်အပျက်ကြောင့် မမတို့ ပြည်သူအနေနဲ့ ဘယ်လိုထိခိုက်ကြောင်း တာဝန်ရှိသူများကို ပြောပြဖို့ မမတို့ အမြင်ကို အသိပေးဖို့ပဲလေ။

    နောက်တခုက မမအမြင်ကို မပြောပဲ ညီမလေးကို မေးခွန်းတွေ မေးပြီး အဆုံးသတ်ထားတာက အကြောင်းရှိလို့ပါ။
    ညီမလေး ကြားဖူးလား
    ပုံပြောသူ သုံးမျိုးရှိတယ်လေ “အမှန်ပုံပြောသူ” သူက ပုံပြင်ကို ပြောသွားပြီး တွေးစရာ ဘာတွေရှိလဲ အစပျိုးပေး ထားခဲ့တဲ့နည်း၊ နားထောင်သူက ပေးထားတဲ့လမ်းကြောင်းကို လိုက်တွေးလိုရင်တွေးလို့ ရတယ် မတွေးလိုရင် ကိုယ့်နည်းကိုယ့်ဟန်နဲ့ ကိုယ်တွေးချင်တာတွေးပြီး ကိုယ်ယူဆချင်သလို ယူဆနိင်တယ်။ အတွေးကလွတ်လပ်တယ်။ ပုံပြောသူနဲ့ သဘောကွဲချင်ကွဲမယ် တူချင်လည်းတူမယ်။ ကြိုက်ရာဖြစ်နိင်တယ်။

    နောက်တယောက်က “ပုံပြောကောင်းသူ ” သူကတော ပုံပြင်ပြောပြီးသွားရင် ဒီပုံပြင်လေးကို ကြည့်ခြင်းအားဖြင့်လို့  အစချီပြီး သူပေးချင်တဲ့ အယူအဆကိုပေးမယ်။ စည်းရုံးတဲ့ ပုံပြောသူပေါ့။ နားထောင်သူက နားထောင်လို့ တော့ကောင်းတယ်။ ဒါပေမဲ့  သူပေးတဲ့ အတွေးကလွဲပြီး ကျန်တာမတွေးမိတော့ဘူး။

    နောက်ဆုံး တယောက်က “ပုံပြောရိုးသူ” သူကတော့ ပုံပြင်ကို ဇာတ်လမ်းတပုဒ်လို ပြောသွားတယ် ဘာမှတွေးစရာမလိုဘူး ကလေးတွေငြိမ်ငြိမ်နေဖို။ ရည်ရွယ်ချက်တခုနဲ့သာ ပုံပြောသလိုမျိူး ထူးထူးခြားခြား ရည်ရွယ်ချက် မရှိဘူးပေါ့။

    အေးကွယ် အခုလည်း မမက တို့ရွာလေးအကြောင်းကို စိတ်မကောင်းစရာ ပုံလေးတပုဒ်လို ပြောသွားတာပါ ဒါပေမယ့် မမက “အမှန်ပုံပြောသူ” တယောက်ဖြစ်ချင်တာမို့ မမအတွေးနဲ့ ဘောင်ခတ်မထားပဲ ညီမလေးကိုလည်း တွေးခိုင်းထားတာပါ။ ဒီအဖြစ်အပျက်အပေါ်မှာ ညီမလေးက ဘယ်လိုတွေးပြီး ဘယ်လိုယူဆတယ်ဆိုတာကိုလည်း မမဆီကို စာပြန်ပါအုံးနော်။ တို့နှစ်ယောက်အမြင်က တူချင်မှတူမှာပေါ့လေ။ မမတို့ ညီအစ်မနှစ်ယောက် အမြင်တွေ ဖလှယ် ကြသေးတာပေါ့။

    ချစ်တဲ့ မမ
    2:00pm – 27.8.13

    မှတ်ချက်။     ။ မ Kay Kay ရဲ့ Facebook စာမျက်နှာတွင် ရေးသားဖော်ပြထားသည့် “ညီမလေးသို့ပေးစာ ၁ နှင့် ၂ ” ကို ကူးယူဖော်ပြခြင်းဖြစ်ပါသည်။ စာလုံးပေါင်းသတ်ပုံ အနည်းငယ်နှင့် စာဖတ်ရတာ အဆင်ပြေအောင် Format ညှိရုံကလွဲပြီး မူရင်းအတိုင်းကူးယူ မျှဝေထားခြင်းဖြစ်ပါသည်။
    Link >>http://goo.gl/xzEDbl

  • ကန့်ဘလူမြို့ ထန်းကုန်းရွာ မွတ်စလင်မ်အိုးအိမ်များအား မီးရှို့အကြမ်းဖက်ခံရမှု ရုပ်သံသတင်း

    သြဂုတ်လ- ၂၆ ရက်၊ ၂၀၁၃
    ရုပ်သံ မူရင်း- BBC မြန်မာပိုင်း

    Gov
    ကန့်ဘလူမြို့က အကြမ်းဖက်ဖြစ်ရပ်ပုံရိပ်တချို့။ (ဓာတ်ပုံ – ပြန်ကြားရေးဝန်ကြီးဌာန) သြဂုတ်လ ၂၅ ရက်၊ ၂၀၁၃။

    ဘီဘီစီ မြန်မာပိုင်းမှ ထုတ်လွှင်ပြသခဲ့သော ကန့်ဘလူမြို့ ထန်းကုန်းရွာ မွတ်စလင်မ်အိုးအိမ်များအား မီးရှို့အကြမ်းဖက်မှု ရုပ်သံသတင်းဖြစ်ပါသည်။
    ယခင်က မတူညီတဲ့ဘာသာကြီး ၂ ခုမှ ပြည်သူများ ချစ်ချစ်ခင်ခင်နေထိုင်လာခဲ့ကြပေမယ့် လွန်ခဲ့သည့် ၃ လ ခန့်မှ သွေးကွဲလာကြကြောင်း။ တယောက်နှင့် တယောက်မကြည်မလင်တွေ ဖြစ်လာကြကြောင်း ၊အကြောင်းအရင်းမှာ ၉၆၉ အဖွဲ့ရဲ့ လမ်းစဉ်ပေါ်လစီတွေကြောင့်ဖြစ်ကြောင်းကို အဆိုပါရုပ်သံ သတင်းမှာ မီးရှို့ဖျက်ဆီးမှုခံခဲ့ရသော ဒေသခံ မွတ်စလင်မ် တဦးမှ ပြောကြားခဲ့ပါသည်။

    လိုင်းမကောင်းသော M-Media ပရိတ်သတ်များ Download ယူပြီးကြည့်ရန်လင့်ခ်
    File Size= 5.8 MB
    Google Dive >>http://goo.gl/ahspbo

  • ကန့်ဘလူမြို့ ထန်းကုန်း အကြမ်းဖက် မီးရှို့ကြောင့် မွတ်စလင် အိုးအိမ်များ ပျက်ဆီးဆုံးရှုံးမှုနှင့် ဓါတ်ပုံ မှတ်တမ်း

    သြဂုတ်- ၂၆ ရက်၊ ၂၀၁၃
    M-Media
    မောင်ပုည

    Gov
    ကန့်ဘလူမြို့က အကြမ်းဖက်ဖြစ်ရပ်ပုံရိပ်တချို့။ (ဓာတ်ပုံ – ပြန်ကြားရေးဝန်ကြီးဌာန) သြဂုတ်လ ၂၅ ရက်၊ ၂၀၁၃။

    ၂၀၁၃ ခုနှစ် သြဂုတ်လ – ၂၄ ရက်နေ့က ကန့်ဘလူ ထန်းကုန်းမှ အကြမ်းဖက် မီးရှို့ဖျက်ဆီးခံရသည့် မွတ်စလင်မ် အိုးအိမ် များနှင့် ဒုက္ခသည်တို့၏ မှတ်တမ်း ပုံရိပ်များဖြစ်ပါသည်။ ဓါတ်ပုံများကို အွန်လိုင်း မီဒီယာတို့ ကူးယူ စုစည်းဖော်ပြခြင်းဖြစ်ပါသည်။

    ဗုဒ္ဓဘာသာဝင် အမျိုးသမီး တယောက်ကို မွတ်စလင်မ် အမျိုးသား တယောက်က လက်ဆွဲသည်ကို ဗလက်ကာယပြုကျင့်သည်ဟု ကောလဟာလ သတင်းများ ပြန်နှံခဲ့ပြီး အကြမ်းဖက် သမားများက ထန်းကုန်းရှိ မွတ်စလင်မ်တို့၏ အိုးအိမ်စည်းစိမ်များကို မီးရှို့ဖျက်ဆီးလုယက်မှုများပြုလုပ်ခဲ့ခြင်းဖြစ်သည်။

    အကြမ်းဖက်မှုကြောင့် ထန်းကုန်း ကျေးရွာမှာ နေအိမ် ၄၄ လုံး မီးလောင်ပျက်ဆီးခဲ့ပြီး၊ ဈေးဆိုင် ၉ ဆိုင်၊ အိမ်ဆိုင် ၄ ဆိုင် ဖျက်ဆီးခံခဲ့ရသလို မီးသတ်သမား တဦးနဲ့ တခြား လူတဦးတို့ ထိခိုက် ဒဏ်ရာ ရခဲ့တယ်လို့ အစိုးရက သတင်းထုတ်ပြန်ပါတယ်။

    ပြစ်မှုကျူးလွန်သူလို့ ယူဆရသူ တဦးနဲ့ မီးရှို့ ဖျက်ဆီးသူတွေလို့ ယူဆရသူ ၁၂ ဦးကို အာဏာပိုင်တွေက ဖမ်းဆီးစစ်ဆေးနေကြောင်း အစိုးရသတင်းထုတ်ပြန်ချက်များအရသိရပါတယ်။

    အကြမ်းဖက်မီးရှို့မှုကြောင့် မွတ်စလင်မ် အိမ်ထောင်စု ၅၀ မှ ဒုက္ခသည် စုစုပေါင်း လူဦးရေ ၂၆၅ ဦးယာယီကယ်ဆယ်ရေးစခန်းမှာ ခိုလှုံနေရကြောင်း သတင်းရှိပါသည်။

     

  • ကလေးရေ၊ တိတ်ပါတော့ …

    ရေးသူ- ဆွေမွန်

    BBC-6

    မနေ့က အိမ်နဲ့
    ဒီနေ့ အိမ်မဲ့

    ပျော်နေတဲ့ နှလုံးသားလေးကို ၀မ်းနည်းတတ်အောင်
    ရယ်သံတွေစည်ဝေနေတဲ့ နေရာကို ငိုသံတွေ လွှမ်းစေအောင်၊

    မနေ့ကကျက်စရာစာအုပ်
    ဒီနေ့ ပြာထုတ်ဖြစ်အောင်၊

    ဘယ်လို ကြင်နာတတ်တဲ့ နှလုံးသားပိုင်ရှင်တွေက
    စေခိုင်းလိုက်ပါလိမ့်နော်။

    ဒီကနေ့ ဒီကလေးရဲ့ မျက်ရည်တစ်စက်အတွက်
    နောင်ဘ၀ အဆက်ဆက်

    ခင်ဗျားတို့ မပျက်မကွက်
    ၀ဋ်လည်ပါစေကြောင်း

    တစ်ရက်တစ်လေလေးတောင်
    မပျက်မပြယ်ဘဲ တိုက်ကြမယ့်
    ကျိန်စာဆိုးတွေနဲ့

    ဒီတစ်သက် မသေသေးသရွေ့
    ပို့ကြမယ့် မေတ္တာကျိုးတွေကို

    နောင်ဘ၀ အစဉ်အမြဲနေရမယ့်
    အ၀ီစိငရဲ ထိအောင်
    ကိုယ့်စရိတ်နဲ့ ကိုယ်သယ်ကြပေတော့ဗျို့။

    ဆွေမွန်
    ၂၅၊ ၈ ၊၂၀၁၃

    Original Link >>http://goo.gl/MuHAb5
    ဓါတ်ပုံ-ရိုက်တာ
    ဓါတ်ပုံရှင်းလင်းချက်- သြဂုတ်လ- ၂၄ ၇က်နေတွင် ကန့်ဘလူမြို့ ကျွဲကုန်းတွင် အကြမ်းဖက်သမားများ၏ မီးရှို့ဖျက်ဆီးမှုကြောင့် မီးလောင်ပြင်မှ ၄င်းတို့ရဲ့ ကျန်ရစ်ပစ္စည်းများကို ရှာဖွေသယ်ယူနေသည့် မွတ်စလင်မ် ကလေးငယ်တစ်ဦးရဲ့ပုံရိပ်ပါ။