News @ M-Media

Tag: Kenya

  • မွတ်စလင်ခရီးသွားများအတွက် ကင်ညာက ဟာလာလ်စံနှုန်းများကို အဆင့်မြှင့်မည်

    မွတ်စလင်ခရီးသွားများအတွက် ကင်ညာက ဟာလာလ်စံနှုန်းများကို အဆင့်မြှင့်မည်

    ဖေဖော်ဝါရီ ၈၊ ၂၀၁၇
    M-Media

    – နိုင်ငံ၏ ခရီးသွားလုပ်ငန်းတွင် မွတ်စလင်ခရီးသည်များ ပိုမိုလာရောက်နိုင်ရေးအတွက် ကင်ညာနိုင်ငံမှာ နိုင်ငံတကာ အသိအမှတ်ပြု ဟာလာလ်လက်မှတ်ရရှိရေး စံနှုန်းများကို မြှင့်တင်နေသည်ဟု ကင်ညာ ခရီးသွား စည်းမျဉ်းစည်းကမ်းဆိုင်ရာ အာဏာပိုင်အဖွဲ့ (TRA) က ပြောကြားလိုက်သည်။

    ကင်ညာနိုင်ငံသို့ မွတ်စလင်ခရီးသွားများ လာရောက်မှုမှာ မြင့်တက်လာနေပြီး ၂၀၁၅ ခုနှစ်တွင် ယူအေအီးနိုင်ငံမှ လာရောက်သူ ၄၀၈၇၅ ဦး ရှိခဲ့ကာ ၂၀၁၄ ခုနှစ်က ၂၄၈၂၈ ဦးထက် မြင့်တက်လာခြင်းဖြစ်သည်။

    TRA မှ ညွှန်ကြားရေးမှူးချုပ် လာဂတ် ကစ်ပ်ကိုရာက ဟာလာလ်စံနှုန်းများ ဖော်ဆောင်ရာတွင် စံသတ်မှတ်ရေးဗျူရိုနှင့် ပူးပေါင်းဆောင်ရွက်နေသည်ဟု ပြောကြားခဲ့သည်။

    “မူကြမ်းရေးဆွဲတာ၊ သက်ဆိုင်သူတွေ ပါဝင်စေတာ၊ အရည်အသွေးစိတ်ချရအောင် ပြင်ဆင်တာ၊ ပစ္စည်းအသစ် မထုတ်လုပ်ခင် လေ့ကျင်သင်ကြားပေးတာတွေနဲ့ပတ်သက်လို့ အသေးစိတ်ကို ကျွန်တော်တို့ စီစဉ်ပြီးပါပြီ” ဟု ကစ်ပ်ကိုရာက ဆိုသည်။

    ထို့ပြင် အသက်အရွယ်နှင့် နေရာဒေသကိုလိုက်၍ မွတ်စလင်များ၏ ၀ယ်လိုအားက ခြားနားကြောင်း၊ ထို့ကြောင့် ၀န်ဆောင်မှုပေးရေး၊ နေရာထိုင်ခင်းပေးရေးတို့တွင် ဟာလာလ်နည်းကျ ဆောင်ရွက်နိုင်ရန် သေချာအောင် ဆောင်ရွက်နေကြောင်း၊ ညွှန်ကြားချက်များ၊ စံနှုန်းများကို အကောင်အထည်ဖော်ရာတွင် ငွေကြေးထောက်ပံ့ရေး ကိစ္စများ ဆောင်ရွက်နိုင်ရန် အကြံအဉာဏ်ရယူမှုများကို လုပ်ဆောင်နေကြောင်း ၎င်းက ထည့်သွင်း ပြောဆိုခဲ့သည်။

    ကင်ညာမှာ ယခုနှစ်နှောင်းပိုင်းတွင် ‘နိုင်ငံတကာ ဟာလာလ်ညီလာခံ’ တစ်ခုကို လက်ခံကျင်းပရန် ရှိနေပြီး၊ ယခု ဟာလာလ်စံနှုန်းများ အပြီးသတ် သတ်မှတ်နိုင်ရေး ၆ လခန့်ကြာမြင့်မည်ဖြစ်သည်။

    Ref : Daily Nation

  • အရောင်ဖြင့် ဘာသာရေးစည်းလုံးမှုကိုပြသည့် ကင်ညာပြည်သူများ

    အရောင်ဖြင့် ဘာသာရေးစည်းလုံးမှုကိုပြသည့် ကင်ညာပြည်သူများ

    အောက်တိုဘာ ၂၈၊ ၂၀၁၆
    M-Media

    church-4

    – မြို့တော်နိုင်ရိုဘီရှိ ကီဘီရာခရိုင်မှ ကမ်းရိုးတမ်းမြို့ဖြစ်သော မွမ်ဘာဆာအထိ ကင်ညာနိုင်ငံတစ်ဝှမ်းတွင် လူစည်ကားသော လမ်းများတစ်လျှောက် ထူးခြားသည့် အရိပ်အရောင်များ တွေ့နေရသည်။

    ဗလီဝတ်ကျောင်းတော်များက အစိမ်းရောင်ဆေးသုတ်ထားသော ၎င်းတို့၏ မျက်နှာစာများကို ပြောင်းနေကြပြီး ခရစ်ယာန်ဘုရားကျောင်းများကလည်း ၎င်းတို့၏ တည်ကြည်ခန့်ညားသောအရောင်များကို ချွတ်နေသည်။ တောက်ပပြီး၊ အစွန်းအထင်းမခံသည့် အ၀ါရောင်များဖြင့် ပြောင်းလဲချယ်သနေကြခြင်း ဖြစ်သည်။ တစ်ချို့ကတော့ အ၀ါရောင်မှာ ဟိတ်ဟန်များလွန်းသည့်အရောင်ဖြစ်သည်ဟု ဆိုကြသည်။

    ‘ယုံကြည်မှုရောင်စဉ်’ (Color in Faith) ဟု အမည်ပေးထားသည့် အဆိုပါ လှုပ်ရှားမှုက ကင်ညာနိုင်ငံအတွင်းရှိ ဘာသာရေးလူ့အဖွဲ့အစည်းများကို ညီညွတ်စေရန်ဖြစ်ပြီး ကိုလံဘီယံ-အမေရိကန် အနုပညာရှင် ယက်ဇ်မာနီ အာဘိုလီဒါနှင့် ၎င်း၏ မိတ်ဖက် ကင်ညာနိုင်ငံသား အနုပညာရှင် နာဘီဘာ အလီဘိုင်တို့က ဦးဆောင်ခဲ့ခြင်းဖြစ်သည်။

    ဘာသာရေးခေါင်းဆောင်များကတော့ ထိုကဲ့သို့ အ၀ါရောင်များပြောင်းသုတ်ခြင်းမှာ အမှတ်သညာတစ်ခုအဖြစ် ပုံဖော်လိုခြင်းဖြစ်သည်ဟုဆိုသည်။

    “ကျွန်မအတွက်တော့ အ၀ါရောင်ဟာ နေရဲ့အရောင်ဖြစ်တယ်လို့မှတ်ယူတယ်။ နေက လူတိုင်းအပေါ်မှာ ယှက်ဖြာလွှမ်းခြုံပါတယ်” ဟု ခရစ်ယာန် သီလရှင် ရို့စ် မွန်ဂါဖူက ဆိုသည်။ မွမ်ဘာဆာရှိ သူမ၏ဘုရားကျောင်းကို ဒေသတွင်းမွတ်စလင်လူ့အဖွဲ့အစည်းနှင့် ပူးပေါင်းကာ မကြာသေးမီက အ၀ါရောင်သုတ်ခဲ့သည်။

    “ကျွန်မတို့ ဘာသာရေးခေါင်းဆောင်တွေဟာ ညီညီညွတ်ညွတ်ရှိကြတယ်ဆိုတာကို ကျွန်မတို့ ပြည်သူတွေကို ပြသဖို့အတွက် ဒီလို အရောင်တွေ ခြယ်သကြတာဖြစ်ပါတယ်။ ဒါမှသာ မွတ်စလင်တွေနဲ့ ခရစ်ယာန်တွေဟာ ညီရင်းအစ်ကိုအဖြစ် သိကြမှာပါ။ ဒီနေရာကို ဖြတ်သွားတဲ့သူတိုင်းက ကျွန်မတို့ဟာ ငြိမ်းချမ်းစွာနေထိုင်ကြတယ်ဆိုတာ သိမှာဖြစ်ပါတယ်” ဟု မွန်ဂါဖူက ထည့်သွင်းပြောကြားခဲ့သည်။

    ကင်ညာမှာ သမိုင်းကြောင်းအရ ဘာသာပေါင်းစုံနေထိုင်သည့်တိုင်းပြည်ဖြစ်သော်လည်း အစွန်းရောက် အလ်ရှာဘတ်အဖွဲ့ ပေါ်ပေါက်လာခြင်းက နိုင်ငံအတွင်းရှိ ခရစ်ယာန်နှင့် မွတ်စလင်တို့အကြား သပ်လျှိုပေးသကဲ့သို့ ဖြစ်ခဲ့သည်။

    အဆိုပါ အကြမ်းဖက်အုပ်စုက ခရစ်ယာန်များကိုရွေး၍ တိုက်ခိုက်မှုများ ဆောင်ရွက်သည်။ ပြီးခဲ့သည့်နှစ်က Garissa တက္ကသိုလ်တိုက်ခိုက်မှုကဲ့သို့ဖြစ်ပြီး လူ ၁၄၈ ဦး သေဆုံးခဲ့သည့် အဆိုပါတိုက်ခိုက်မှုတွင် သေဆုံးသူအများစုမှာ မနက်ပိုင်း ဘုရားဝတ်တက်နေသူများ ဖြစ်လေသည်။

    အကြမ်းဖက်ခြိမ်းခြောက်မှုကို တုန့်ပြန်သည့်အနေဖြင့် ကင်ညာလုံခြုံရေးတပ်ဖွဲ့က အကြမ်းဖက်ဆန့်ကျင်ရေး လှုပ်ရှားမှုကို ဆောင်ရွက်ခဲ့သည်။ ကင်ညာအမျိုးသားလူ့အခွင့်အရေးကော်မရှင်နှင့် အခြားသောအဖွဲ့များက လုံခြုံရေးတပ်ဖွဲ့ဝင်များမှာ ဆိုမာလီပြည်သူများအပေါ် တရားလက်လွတ်သတ်ဖြတ်ခြင်း၊ အတင်းအဓမ္မ မောင်းထုတ်ခြင်းတို့ ပြုလုပ်သည်ဟု ပြောကြားခဲ့သည်။ ကင်ညာအစိုးရကတော့ အဆိုပါ စွပ်စွဲချက်များကို ငြင်းဆိုခဲ့သည်။

    “ဘုရားကျောင်းတစ်ခု ဒါမှမဟုတ် ခရစ်ယာန်တစ်ယောက်ကို တွေ့ပြီဆိုရင် သူတို့က ‘ဒါက အစိုးရလူဖြစ်တယ်။ သူတို့ဟာ ငါတို့ကို မတရားလုပ်ခဲ့တဲ့အဖွဲ့ဖြစ်တယ်လို့’ ပြောကြပါတယ်” ဟု ကီဘီရာရှိ ဂျစ်ဒါ ဗလီဝတ်ကျောင်းတော်မှ ရှေ့ဆောင်အီမာမ် ရှိခ် ယူစွဖ် နာဆူရ် အဘူဟမ်ဇာက ပြောကြားခဲ့သည်။

    church-3

    မူဆာ ဗလီဝတ်ကျောင်းတော်

    ရဲတပ်ဖွဲ့က မူဆာဗလီဝတ်ကျောင်းတော်မှာ အစွန်းရောက်များဖြစ်အောင် သိမ်းသွင်းသည့်အနေရာ၊ အလ်ရှာဘတ်များကို စုဆောင်းသည့်နေရာဖြစ်သည်ဟု နှစ်ပေါင်းများစွာ စွပ်စွဲခဲ့သည်။ လွန်ခဲ့သည့် ၂ နှစ်အရင်က ရဲတပ်ဖွဲ့မှာ ဗလီဝတ်ကျောင်းတော်ကို ၀င်ရောက်စီးနှင်းခဲ့ပြီး ၀တ်ပြုသူ ၃ ဦးကို သတ်ဖြတ်ခဲ့ကာ ၁၃၀ ကို ဖမ်းဆီးခဲ့သည်။ ထို့ပြင် လက်နက်များ အလ်ရှာဘတ်နှင့် သက်ဆိုင်သည့် ပစ္စည်းများ တွေ့ရှိခဲ့သည်ဟု ရဲတပ်ဖွဲ့က ပြောကြားခဲ့သည်။

    “လူတွေက တော်တော်ကြောက်သွားပြီး ဗလီဝတ်ကို ၀တ်ပြုဖို့ မသွားကြတော့ပါဘူး” ဟု မွမ်ဘာဆာတွင်နေထိုင်သူ ခါလီမာ မိုဟာမက်က ပြောကြားခဲ့သည်။ သူမက ၂၀၁၄ ခုနှစ် ရဲတပ်ဖွဲ့နှင့် ပြည်သူလူထုအကြား ထိပ်တိုက်တွေ့မှု၌ ရဲတပ်ဖွဲ့၏ မှားယွင်းပစ်ခတ်မှုကြောင့် တူဖြစ်သူ သေဆုံးခဲ့သည်ဟု ဆိုသည်။

    ထိုအချန်မှစ၍ မွမ်ဘာဆာတွင် မတည်ငြိမ်မှုမှာ ချုပ်ငြိမ်းသွားသည်။ မူဆာ ဗလီဝတ်ကျောင်းတော်ကတော့ မကြာသေးမီကပင် အ၀ါရောင်တောက်လာခဲ့သည်။

    “ကျွန်မတို့ ပဝေသဏီကတည်းက အတူတကွနေလာခဲ့ပြီးမှ ဘာ့ကြောင့် တိုက်ခိုက်တာတွေ ဖြစ်နေလဲဆိုပြီးတော့ ကျွန်မ ကိုယ့်ကိုယ်ကို ပြန်မေးမိပါတယ်။ ကျွန်မဟာ လူ့အဖွဲ့အစည်းရဲ့ တစ်စိတ်ပိုင်းဖြစ်တယ်ဆိုတာကို ပြသဖို့၊ ကျွန်မတို့ လုံးဝ သွေးကွဲမှုမရှိတော့ဘူးဆိုတာကို ပြသဖို့ ဗလီဝတ်ကျောင်းတော်ကို အ၀ါရောင် ချယ်သချင်ခဲ့ပါတယ်” ဟု ခါလီမာက ထည့်သွင်းပြောကြားခဲ့သည်။

    ကင်ညာနိုင်ငံတစ်ဝှမ်းရှိ ဗလီဝတ်ကျောင်းတော်နှင့် ခရစ်ယာန်ဘုရားကျောင်း ၉ ခုမှာ အ၀ါရောင်ချယ်သခဲ့ပြီးဖြစ်လေသည်။ အာဘိုလီဒါကတော့ နောက်ထပ် ၀တ်ပြုရာနေရာ ၄၀ မှာ ၎င်းတို့၏ ထိုလှုပ်ရှားမှုတွင် ပူးပေါင်းပါဝင်ချင်ကြောင်း ပြောကြားသည်ဟု ဆိုသည်။

    အနုပညာရှင် အာဘိုဒါက အဆိုပါ အ၀ါရောင်သုတ်ထားသည့် အဆောက်အဦးများကို “မြေပြန့်လွင်ပြင်မှ ကျောက်ဆစ်လက်ရာ” ဟု အမည်ပေးထားပြီး အဆိုပါ အဆောက်အဦးများက ပြုပြင်ပြောင်းလဲမှု ကြားခံများဖြစ်မည်ဟု မျှော်လင့်နေသည်။

    “ကျွန်တော်တို့ရဲ့ တူညီမှုတွေအပေါ်မှာ အာရုံစိုက်ခြင်းအားဖြင့် လူတွေဟာ သူတို့အတွက် ပိုကောင်းတဲ့အနာဂတ်ကို ဘယ်လို စိတ်ကူးဖော်ဆောင်နိုင်မလဲဆိုတာနဲ့ပတ်သက်ပြီး ကျွန်တော်တို့ ဥပမာတွေ ချပြနေတာ ဖြစ်ပါတယ်” ဟု အာဘိုလီဒါက ပြောကြားခဲ့သည်။

    ထို့ပြင် ၎င်း၏ အဓိကရည်ရွက်ချက်က အယူမတူသော ပြည်သူများအနေဖြင့် ၎င်းတို့၏ ၀တ်ပြုရာနေရာများအတွက် အတူတကွ ညီညီညွတ်ညွတ်ဆောင်ဆောက်ရွက်စေရန်ဖြစ်သည်ဟုလည်း ဆိုလေသည်။

    Ref: CNN

  • အာဖရိကတွင် လူမျိုးရေး၊ ဘာသာရေး ပြန်လည်ရင်ကြားစေ့ရန် ပုပ်ရဟန်းမင်းကြီး တိုက်တွန်း

    အာဖရိကတွင် လူမျိုးရေး၊ ဘာသာရေး ပြန်လည်ရင်ကြားစေ့ရန် ပုပ်ရဟန်းမင်းကြီး တိုက်တွန်း

    နိုဝင်ဘာ ၂၈၊ ၂၀၁၅
    M-Media

    pope

    – အာဖရိက ၃ နိုင်ငံ သမိုင်းဝင်ခရီးရဲ့ အစအဖြစ် ကင်ညာနိုင်ငံ နိုင်ရိုဘီမြို့ကို နိုဝင်ဘာ ၂၅ ရက်နေ့က ရောက်ရှိလာတဲ့ ပုပ်ရဟန်းမင်းကြီး ဖရန်စစ်ဟာ လူမျိုးရေးနဲ့ ဘာရေးဆိုင်ရာ ပြန်လည်ရင်ကြားစေ့ရေးဆောင်ရွက်ဖို့အတွက် တိုက်တွန်းဆော်သြလိုက်ပါတယ်။

    ဒီခရီးစဉ်ဟာ အာဖရိကတိုက်အတွက် ပုပ်ရဟန်းမင်းကြီးရဲ့ ပထမဆုံးခရီးစဉ် ဖြစ်ပါတယ်။ ရောက်ရောက်ခြင်းပဲ ကင်ညာနိုင်ငံသားတွေအနေနဲ့ ငြိမ်းချမ်းရေး၊ သည်းခံခွင့်လွှတ်ရေးအတွက် ဆောင်ရွက်ကြဖို့ တိုက်တွန်းခဲ့ပြီး ပဋိပက္ခကို ဖြစ်ပေါ်စေတဲ့ အဓိကအချက်ဖြစ်တဲ့ ဆင်းရဲမွဲတေမှုပြဿနာကို ဖြေရှင်းဖို့လည်း သတိပေးခဲ့ပါတယ်။

    “အတွေ့အကြုံတွေအရ အဲဒီအကြမ်းဖက်မှု၊ ပဋိပက္ခနဲ့ အကြမ်းဖက်ဝါဒတွေဟာ ကြောက်ရွံ့မှု၊ မယုံသင်္ကာမှုတွေကို ဖြစ်ပေါ်စေပြီး၊ ဆင်းရဲမွဲတေမှုနဲ့ စိတ်ပျက်မှုကနေ မျှော်လင့်ချက်ပျက်သုဉ်းမှုတွေကို မွေးဖွားပေးပါတယ်” လို့ ပုပ်ရဟန်းမင်းကြီးက နိုင်ရိုဘီမှာ ပြောကြားခဲ့ပါတယ်။

    “အဲဒီအတွက်ကြောင့် ကျွန်တော်တို့ရဲ့ လူ့အဖွဲ့အစည်းအစည်းဟာ သွေးကွဲမှုတွေကို ကြုံတွေ့နေရပါတယ်။ ဘယ်လူမျိုး၊ ဘယ်ဘာသာ၊ ဘယ်စီးပွားရေးပဲဖြစ်ဖြစ် စိတ်ထားကောင်းမွန်တဲ့ အမျိုးသား၊ အမျိုးသမီးတွေအားလုံးဟာ ပြန်လည်ရင်ကြားစေ့ရေး၊ ငြိမ်းချမ်းရေး၊ ခွင့်လွှတ်သည်းခံမှုနဲ့ စိတ်ဒဏ်ရဟောင်းများ ပပျောက်ရေး အတူဆောင်ရွက်ကြဖို့ တိုက်တွန်းပါတယ်”

    ကင်ညာသမ္မတ အူဟူရူ ကန်ညက်တာနဲ့ ရိုးရာ အကပညာရှင်တွေ၊ ဂီတပညာရှင်တွေဟာ နိုင်ရိုဘီလေဆိပ်ကို ရောက်ရှိလာတဲ့ ပုပ်ရဟန်းမင်းကြီး ဖရန်စစ်ကို ကြိုဆိုခဲ့ကြပါတယ်။ ကင်ညာ၊ ယူဂန်ဒါ၊ မွတ်စလင်နဲ့ ခရစ်ယာန်တွေကြား တိုက်ခိုက်မှုတွေ၊ မတည်ငြိမ်မှုတွေ ဖြစ်နေတဲ့ ဗဟိုအာဖရိကနိုင်ငံတွေကိုသွားမယ့် ပုပ်ရဟန်းမင်းကြီးရဲ့ ဒီခရီးစဉ်ဟာ ၆ ရက်တာ ကြာမြင့်မှာဖြစ်ပါတယ်။

    ကင်ညာနိုင်ငံကိုရောက်ပြီး နိုင်ငံတော်ဧည့်ဂေဟာမှာ ပြောကြားခဲ့တဲ့မိန့်ခွန်းမှာ ပုပ်ရဟန်းမင်းကြီးက နောက်လာမယ့်မျိုးဆက်တွေအတွက် သဘာဝပတ်ဝန်းကျင်ကို ထိန်းသိမ်းဖို့ တာဝန်ယူနိုင်စွမ်းရှိတဲ့ စီးပွားရေးဖွံ့ဖြိုးတိုးတက်မှုကို ရရှိအောင်ဆောင်ရွက်ဖို့လည်း ကမ္ဘာ့ခေါင်းဆောင်တွေကို တိုက်တွန်းခဲ့ပါတယ်။

    Ref: Aljazeera

  • ကင်ညာတက္ကသိုလ်တစ်ခုသို့ အလ်ရှာဘတ်များ ၀င်ရောက်စီးနင်းပစ်ခတ်

    ကင်ညာတက္ကသိုလ်တစ်ခုသို့ အလ်ရှာဘတ်များ ၀င်ရောက်စီးနင်းပစ်ခတ်

    ဧပြီ ၂၊ ၂၀၁၅
    M-Media

    57da136b78fc449ebcd0c52ad52f4bd0_18

    – ကင်ညာနိုင်ငံ အရှေ့မြောက်ပိုင်း ဂါရစ်ဆာမြို့ရှိ တက္ကသိုလ်တစ်ခုအတွင်း အလ်ရှာဘတ်လက်နက်ကိုင်များက ၀င်ရောက်ပစ်ခတ်မှုဖြစ်ပွားခဲ့ပြီး အနည်းဆုံး ၁၅ ဦးသေဆုံးခဲ့ကာ ဓားစားခံများကိုလည်း ဖမ်းဆီးထားသည်ဟု ရဲတပ်ဖွဲ့က
    ပြောကြားလိုက်သည်။

    ယနေ့နံနက် စောစောပိုင်းတွင် ဂါရစ်ဆာတက္ကသိုလ်ဝင်းအတွင်းသို့ သေနတ်သမားများက ၀င်ရောက်၍ အဆောင်များအား
    ပစ်ခတ်ခဲ့ခြင်းဖြစ်ပြီး ဒဏ်ရာရရှိသူမှာ ၆၀ ကျော်ခန့် ရှိသည်။ မျက်မြင်သက်သေများကမူ တက္ကသိုလ်ဝင်းအတွင်း ပစ်ခတ်သံများနှင့် ပေါက်ကွဲသံများကို ကြားရပြီး ဒဏ်ရာရရှိသူများကိုလည်း လူနာတင်ယာဉ်ဖြင့် ဆေးရုံသို့ ပို့ဆောင်နေသည်ဟု ဆိုသည်။

    ကင်ညာ ကြက်ခြေနီအဖွဲ့ကမူ သေနတ်သမားများမှာ အရေအတွက်မည်မျှမှန်း မသိရသည့် ကျောင်းသားများကို ဓားစားခံအဖြစ် ဖမ်းထားကြောင်း၊ ကျောင်းသား ၅၀ ကျော်မှာ လွတ်မြောက်လာကြောင်း ပြောကြားခဲ့သည်။ ရဲတပ်ဖွဲ့များကမူ သေနတ်သမားများအား ချေမှုန်းရန် ကြိုးစားနေသည်။

    ဆိုမာလီယာမှ အလ်ရှာဘတ်အဖွဲ့မူ ကင်ညာစစ်တပ်အနေဖြင့် ဆိုမာလီယာတွင် မိမိတို့အား တိုက်ခိုက်မှုအတွက် လက်စားချေခြင်းဖြစ်ပြီး ၎င်းတို့၏ သေနတ်သမားများမှာ ခရစ်ယာန်ဓားစားခံများကို ဖမ်းထားသည်ဟု ကြေညာခဲ့သည်။

    ကင်ညာကတ်ဘိနတ်မှ အတွင်းရေးမှူးဖြစ်သူ ဂျိုးဆက်ပ် အန်ကာအစ္စရီကမူ သေနတ်သမားတစ်ဦးအား အခင်းဖြစ်ပွားရာနေရာမှ ထွက်ပြေးစဉ် ဖမ်းဆီးမိထားသည်ဟု ဂါရစ်ဆာမှတစ်ဆင့် ပြောကြားခဲ့သည်။ ကင်ညာရဲတပ်ဖွဲ့မှ ထုတ်ပြန်သောကြေညာချက်တွင် သေနတ်သမားများမှာ ကျောင်းဝင်းအတွင်း ပစ်ခတ်ခဲ့ပြီး အဆောင်များကို စောင့်နေသည့် ရဲတပ်ဖွဲ့များနှင့် ပြင်းထန်သော ပစ်ခတ်မှုများ ဖြစ်ပွားခဲ့သည်ဟု ဖော်ပြထားသည်။

    ရဲတပ်ဖွဲ့ပြောရေးဆိုခွင့်ရှိသူ ဇစ်ပိုရာ အမ်ဘိုရိုကီကမူ အခြေအနေမှာ ဆက်လက်ဖြစ်ပွားနေပြီး သေနတ်သမားများမှာ တက္ကသိုလ်ဝင်းအတွင်း ပုန်းနေသည်ဟု ဆိုသည်။

    “သေနတ်သမားတွေက ဂိတ်ပေါက်ဝမှာရှိတဲ့ ရဲတွေကို ပစ်ခတ်ပြီး ရဲတွေကလည်း ပြန်ပစ်ခဲ့ပါတယ်။ ဒါပေမယ့် သေနတ်သမားတွေက အဆောင်ထဲကို ၀င်နိုင်ခဲ့ကြပါတယ်။ ကင်းသမား ၂ ယောက်သေဆုံးသွားတယ်လို့ ကျွန်တော်တို့ အတည်ပြုနိုင်ပါတယ်။ ကျောင်းသားတွေ ထိခိုက်ဒဏ်ရာရမှုနဲ့ပတ်သက်လို့တော့ အတည်မပြုနိုင်သေးပါဘူး။” ဟု အမ်ဘိုရိုကီက ပြောကြားခဲ့သည်။

    လက်ရှိတွင် ကင်ညာရဲတပ်ဖွဲ့ဝင်များနှင့် စစ်တပ်များက အခြေအနေကို ထိန်းသိမ်းရန် ကြိုးစားနေသည်။

    Ref: Aljazeera

  • ဖမ်းဆီးရမိသည့် ဆင်စွယ် ၁၅ တန်အား ကင်ညာ မီးရှို့ဖျက်ဆီး

    ဖမ်းဆီးရမိသည့် ဆင်စွယ် ၁၅ တန်အား ကင်ညာ မီးရှို့ဖျက်ဆီး

    မတ် ၄၊ ၂၀၁၅
    M-Media

    ivory

    – တိရစ္ဆာန်များ တရားမ၀င် ဖမ်းဆီသတ်ဖြတ်ခြင်းနှင့် ဆင်စွယ်များ ရောင်းဝယ်ခြင်းတို့ကို တားဆီးရန် ရည်ရွယ်၍ ကမ္ဘာ့တောရိုင်းတိရိစ္ဆာန်များနေ့တွင် ဖမ်းမိထားသည့် ဆင်စွယ် ၁၅ တန်ကို ကင်ညာနိုင်ငံ၌ မီးရှို့ဖျက်ဆီးခဲ့သည်ဟု သိရသည်။

    လွန်ခဲ့သည့် ၂၅ နှစ် ဆင်စွယ်ရောင်းဝယ်မှု ပိတ်ပင်ခဲ့ကတည်းက ထွက်ပေါ်လာခဲ့သည့် မှောင်ခိုဈေးကွက်ကြောင့် အာဖရိကရှိ ဆင်နှင့် ကြံ့များမှာ မှောင်ခိုသမားများ၏ ခြိမ်းခြောက်မှုကို ခံနေရသည်ဟု ကင်ညာမြို့တော် နိုင်ရိုဘီရှိ အမျိုးသားပန်းခြံတွင် ယမန်နေ့က ပြုလုပ်သော အဆိုပါ မီးရှို့ပွဲအခမ်းအနား၌ ကင်ညာသမ္မတ ယူဟူရူ ကန်ညက်တာက ပြောကြားခဲ့သည်။

    ဆင်စွယ်ဝယ်လိုအား မြင့်တက်လာခြင်းက အာဖရိကတစ်ဝှမ်းရှိ ဆင်များအား တရားမ၀င်သတ်ဖြတ်မှုများကို မီးထိုးပေးလျက်ရှိနေပြီး ၂၀၁၀ မှ ၂၀၁၂ ခုနှစ်အတွင်း အာဖရိကတစ်ဝှမ်းတွင် ဆင်ပေါင်း ၁ သိန်းခန့် အသတ်ခံခဲ့ရသည်ဟု လန်ဒန်ခြေစိုက် Save The Elephants အဖွဲ့မှ ပြီးခဲ့သည့်နှစ်က သတင်း ထုတ်ပြန်ခဲ့သည်။

    “ဒီဆင်စွယ်အများစုဟာ ရာဇ၀တ်ကောင်တွေရဲ့ လိုချင်တပ်မက်မှုတစ်ခုတည်းကြောင့် သတ်ဖြတ်ခဲ့တဲ့ ဆင်တွေဆီကပါ။ ဒီထူးခြားဆန်းကျယ်တဲ့ သတ္တ၀ါကြီးတွေရဲ့ ကျက်သရေနဲ့ အလှအပတွေကို ကင်ညာပြည်သူတွေ၊ အာဖရိကပြည်သူတွေနဲ့ ကမ္ဘာ့ပြည်သူတွေကို ထိတွေ့ခံစားစေချင်ပါတယ်” ဟု ဆင်စွယ်ပုံအား မီးမရှို့ခင် ကန်ညက်တာက ပြောကြားခဲ့သည်။

    ဆင်စွယ်အများဆုံး ၀ယ်ယူသည့်နိုင်ငံမှာ တရုတ်နိုင်ငံဖြစ်ပြီး ဝေဖန်မှုများရှိနေချိန်တွင် တရုတ်အစိုးရက ဆင်စွယ်တင်သွင်းခွင့်ကို တစ်နှစ်ပိတ်ပင်လိုက်သည်ဟု ပြီးခဲ့သည့် ကြာသာပတေးနေ့ အမိန့်ထုတ်ပြန်ခဲ့သည်။ Save The Elephants အဖွဲ့ကို တည်ထောင်သူ အီယန် ဒေါက်ဂလပ်စ် ဟာမီလ်တန်ကမူ တရုတ်နိုင်ငံတွင် ၂၀၁၀ ခုနှစ်မှစ၍ ဆင်စွယ်ဈေးနှုန်းမှာ ၃ ဆ တက်သွားသည်ဟု ဆိုသည်။

    ထို့ပြင် တန်ဇန်းနီးယား၊ ဂါဘွန်၊ ကင်မရွန်း၊ ဗဟိုအာဖရိက၊ မိုဇမ်ဘတ်၊ ကွန်ဂိုတို့ရှိ ဆင်များမှာ တရားမ၀င် ဖမ်းဆီးသူများ၏ ခြိမ်းခြောက်မှုကို ခံနေရပြီး ကွန်ဂိုမှာ အဆိုးဆုံးဖြစ်နေသည်ဟု ဟာမီလ်တန်က ထပ်လောင်းပြောကြားခဲ့သည်။

    Ref: Aljazeera