Tag: KoungLoon

မေ ၁၃ ၊ ၂၀၁၅
M-Media
ကောင်းလွန်းရေးသည်။
.
Motivation ဟာ ဘာလဲလို့ မေးလာရင် အလွယ်ဆုံး အရိုးရှင်းဆုံးဖြေနိုင်တာက “တွန်းအား” ပါပဲ.. လုပ်ချင်ကိုင်ချင်စိတ် ပေါ်လာအောင် လုပ်နိုင်တဲ့ “တွန်းအား” ကို Motivation လို့ ခေါ်ပါတယ်..။
.
ကောင်းပါပြီ ဒါဆိုရင် ဘယ်အရာတွေက တွန်းအားကို ဖြစ်စေပါသလဲ..

လူဆိုတာ ခံစားတတ်တယ်.. တုန့်ပြန်တတ်တယ်..။ လူ့စိတ်ဟာ အချိန်တိုင်းပြောင်းလဲနေတယ်..။ အချိန်ပြည့် အလုပ်ထဲမှာ ချည်းပဲ အာရုံစိုက်မနေနိုင်ဘူး..။ အလုပ်လုပ်ချင်စိတ် ပေါ်တဲ့ အခါပေါ်တယ်.. မပေါ်တဲ့ အခါ မပေါ်ဘူး..။ ဒါကြောင့် Productivity ဆိုတဲ့ ထုတ်လုပ်နိုင်စွမ်းဟာ တသမတ်တည်း ရှိမနေနိုင်ဘူး .. အတက်အကျရှိမယ်..။ ဒါပေမယ့် အားလုံးပေါင်းပြီး ပျမ်းမျှ ယူလိုက်ရင်တော့ သတ်မှတ်စံချိန်အတွင်းမှာ ဘောင်ဝင်ဖို့ လိုတယ်..။
.
ဒါဆို အလုပ်ကို လုပ်ချင်စိတ်ရှိတဲ့ အချိန်မှာ ပိုလုပ်ပြီး လုပ်ချင်စိတ်မရှိတဲ့ အချိန်မှာ မလုပ်ပဲနားနေလို့ ရပါ့မလား..။ ဒါလဲသဘာဝ မကျပြန်ဘူး..။ ဒီတော့ လုပ်ချင်စိတ်ရှိလာအောင် လုပ်ရတော့မှာပေါ့ .. “တွန်းအား” တခုခု ရှိရတော့မှာပေါ့..။ အဲဒါဟာ Motivation ပါပဲ.။
.
ကဲ …. ဘယ်လိုလုပ်ကြမလဲ..။ ပထမဆုံး Motivation ကို အမျိုးအစား ခွဲရပါမယ်..။
.
၁။ Incentive ( မက်လုံး )
—————————-
Money is the best incentive လို့ ပြောလေ့ရှိကြပါတယ်..။ ရာခိုင်နှုန်းအတော်များများ မှန်ပါတယ်..။ နောက်ထပ် Incentive တစ်ခုက Promotion ပါ..။ ကိုယ်လုပ်လို့ ရလာတဲ့ ရလဒ် ပေါ်ကနေ ကိုယ်လဲအကျိုးအမြတ်ခံစားခွင့်ရှိတယ် ဆိုတာ သိလာရင် အဲဒီအသိဟာ Motivation ကို အလိုအလျောက်ဖြစ်စေပါတယ်..။ တခါ.. အလုပ်ကြိုးစားပမ်းစားလုပ်သူကို ရာထူးတိုးပေးတယ် ဆိုတာကလဲ Motivation ပါပဲ..။ လူဟာ အသိအမှတ်ပြုမှုကို ခံယူချင်ပါတယ်..။ ကြိုးစားသူ အတွက် ရာထူးတိုးပေးခြင်းဖြင့် အသိအမှတ်ပြု နိုင်ပါတယ်..။
.
၂။ Fear (လှန့်လုံး)
———————
မက်လုံးဟာ Motivation ကို ဖြစ်စေသလို ခြောက်လုံး လှန့်လုံးတွေကလဲ Motivation ကို ဖြစ်စေပါတယ်..။ Incentive နဲ့ Fear ဟာ Carrot and Stick ပါပဲ..။ ချော့လို့မရရင် ခြောက်ရတော့တာပေါ့..။ အပြစ်ဒဏ်ကို ပြပြီး ခြိမ်းခြောက်တာဟာ Fear ပါပဲ..။ Negative consequences of motivation လို့လဲပြောပါတယ်..။ သတ်မှတ်ထားတဲ့ ပြီးမြောက်စရာ တခုကို မပြီးမြောက်ရင် အပြစ်ဒဏ်တခုခုက လာတော့မယ်ဆိုတာကလည်း “တွန်းအား” ကိုဖြစ်စေပါတယ်..။
.
၃။ Achievement (အောင်မြင်မှု)
———————————
တခုခုကို အောင်မြင်အောင်လုပ်နိုင်တာကလဲ “တွန်းအား” ကို ဖြစ်စေတာပါပဲ..။ သုတေသန တစ်ခုအောင်မြင်တာမျိုး.. ပစ္စည်း တခုခု တီထွင်အောင်မြင်လိုက်တာမျိုး..။ ဒီဇိုင်းအသစ်တစ်မျိုး ဖန်တီးလိုက်နိုင်တာမျိုးဟာ ဆက်ပြီးလုပ်ချင်ကိုင်ချင်စိတ်ကို နှိုးဆွ တိုက်တွန်းပေးတဲ့ “တွန်းအား” ပါပဲ..။ အဲဒီအောင်မြင်မှုကို ကိုယ့်အထဲမှာတင် ကြိတ်ဂုဏ်ယူနေမယ့် အစား အပြင်ကို ထုတ်ပြလိုက်လို့ အပြင်က ၀ိုင်းပြီး အားပေးချီးကျူးကြမယ်ဆိုရင် အလွန်အရှိန်ကောင်းတဲ့ “တွန်းအား” ကိုရမှာပါ..။
.
၎။ Growth (ကြီးထွားခြင်း)
————————
ကိုယ်တခုခု လုပ်ပြလိုက်နိုင်ရင် ကိုယ့်အပေါ်ယုံကြည်မှုပိုလာကြမယ်..။အဲဒီအခါမှာ ပိုပြီး ရင့်ကျက်လာမယ်.. ရင့်ကျက်လာတာနဲ့ အမျှ ကြီးထွားလာမယ်..။ အဲဒါဟာ “တွန်းအား” ပါပဲ..။ ကြီးထွားခြင်းနဲ့ ရင့်ကျက်ခြင်းဟာ အမြဲတွဲနေတာတော့ မဟုတ်ဘုး..။ ကြီးထွားပြီး မရင့်ကျက်တာလဲရှိပါတယ်..။ “နုထွားကြီး” လို့ အပြောခံရတာကို ကျေနပ်မနေသင့်ပါဘူး..။ အဲဒါဟာ တနည်းအားဖြင့် “မရင့်ကျက်သေးဘူး” လို့ အပြောခံရတယ်လို့ မှတ်ပါ..။ ထွားကြိုင်းသန်မာလာခြင်းနဲ့ အတူ ရင့်ကျက်ခြင်းက တပါတည်း ပါလာမှသာ တကယ့် Growth ကို ရမှာဖြစ်ပါတယ်.. အဲဒီ Growth ရဖို့ ကတော့ အသိပညာဗဟုသုတ စုဆောင်းခြင်းကနေ ရနိုင်ပါတယ်..။ အဲဒါတွေ အလွယ်တကူရနိုင်အောင် ဖန်တီးပေးထားတာကလည်း “တွန်းအား” ကိုဖြစ်စေတာပါပဲ..။

၅။ Power (အာဏာ)
———————-
အာဏာကလည်း “တွန်းအား” တစ်ခုပါပဲ..။ အာဏာရှိတဲ့အတွက် ကိုယ့်ပတ်ဝန်းကျင်က လူတွေကို သူတို့ ကြိုက်ကြိုက်မကြိုက်ကြိုက် ကိုယ်ပြီးမြောက်စေချင်တာကို ပြီးမြောက်အောင် စွမ်းဆောင်လို့ရပါတယ်..။ အမှတ်စဉ် ၂ မှာ တင်ပြခဲ့တဲ့ Fear နဲ့ ခပ်ဆင်ဆင်ပါပဲ..။ အာဏာဟာ လိုရာပြီးမြောက်စေတဲ့ တန်ခိုးရှိပါတယ်..။ ကြိုက်တာ မကြိုက်တာ အသာထားလို့ အာဏာနဲ့ ဆင့်ပြီဆိုရင် ဘယ်သူမှ နေလို့ မရပါဘူး..။ ဒါကြောင့်မို့ ဒါဟာ သိပ်မကောင်းလှပေမယ့် “တွန်းအား” တခု ဖြစ်တယ်ဆိုတာကိုတော့ လက်ခံရမှာပါ..။
.
၆။ Social (လူမှုနယ်ပယ်)
—————————
လူမှုဆက်ဆံရေး ကောင်းခြင်းဟာလဲ “တွန်းအား” တစ်ခုဖြစ်ပါတယ်..။ ဆက်ဆံရေးပြေပြစ်ကောင်းမွန်ခြင်းဟာ Influence (သြဇာ) ကိုဖြစ်ပေါ်စေပါတယ်..။ အဲဒီအာဏာမဟုတ်တဲ့ သြဇာကပဲ အလုပ်တွေကို ပြီးမြောက်စေတဲ့ “တွန်းအား” ကို ဖြစ်စေတာပါပဲ..။
.
ကဲ… အလုပ်ပြီးမြောက်စေမယ့် “တွန်းအား” ခြောက်မျိုး အကြောင်းပြောလိုက်ပါပြီ..။ ကိုယ့်လုပ်ငန်းခွင်မှာ ဘာကို သုံးမလဲဆိုတာကိုတော့ လုပ်ငန်းရှင်များနဲ့ လုပ်ငန်းကို ဦးဆောင်သူများ ကိုယ်တိုင်ပဲ ဆုံးဖြတ်ကြပါ..။ ကိုယ်ကြိုက်တာ တစ်မျိုးထဲ ရွေးပြီးသုံးလို့ရသလို သင့်တော်ရာတွေကို အလှည့်ကျ သုံးပြီး “တွန်းအား” ကို ဖန်တီးလို့လဲ ရပါတယ်..။
.
တွန်းအားခြောက်မျိုးထဲမှာ နောက်ဆုံး နံပါတ်ခြောက်ကတော့ အခြေအနေ အမျိုးမျိုးမှာ သုံးလို့ရပါတယ်..။ “တွန်းအား” တွေကို ဖန်တီးရတာဟာ ဦးဆောင်သူတွေပါ..။ သူတို့ကိုယ်တိုင်လဲ “တွန်းအား” လိုပါတယ်..။ သူတို့လိုတဲ့ တွန်းအားကို ဘယ်သူ့ဆီကမှ မျှော်လင့်လို့ မရနိုင်သူတွေမို့ ကိုယ့်ကိုယ်ကိုပဲ တွန်းအားပေးရပါတယ်..။ အဲဒီအတွက် အကောင်းဆုံးနည်းလမ်း ကတော့ လူတွေနဲ့ ကောင်းမွန်ပြေပြစ်စွာဆက်ဆံခြင်းပါပဲ..။
.
ဟန်ဆောင်မှုကင်းတဲ့ ချစ်ခင်ရင်းနှီးမှုတွေကို ထူထောင်ရပါမယ်.။ ကိုယ့်လက်အောက်ငယ်သားတွေနဲ့ ပြေပြေပြစ်ပြစ် ဆက်ဆံရပါမယ်..။ သူတို့နဲ့ ရင်းနှီးခြင်းဟာ ကိုယ့်လုပ်ငန်းမှာ အကျိုးမယုတ်ဘူးဆိုတာ ယုံကြည်ရပါမယ်..။ သူတို့အပေါ်ယုံကြည်ခြင်းကြောင့် သူတို့ အလုပ်ပိုလုပ်ကြပါလိမ့်မယ်..။ လူ့စည်း ဘီလူးစည်းတော့ခွဲထားရမှာပေါ့..။ အလုပ်သမားတွေကို အရောဝင်ခြင်းဟာ ကိုယ့်ကိုယ်ရေးကိုယ်တာ သာယာမှုအတွက်မဖြစ်စေပဲ.. အလုပ်ကို ပျော်ပျော်ရွှင်ရွှင်နဲ့ ပြီးမြောက်အောင် လုပ်နိုင်စေဖို့ဖြစ်ပါတယ်..။ မျက်နှာရှစ်ခေါက်ချိုးနဲ့ စူပုပ်ပြီး အော်ဟစ်ဆူပူနေတဲ့ ခေါင်းဆောင်ရဲ့ အောက်မှာ ဘယ်သူမှ မပျော်ပါဘူး..။ မတတ်သာလို့ လုပ်နေရတာပါ..။ ဒါကြောင့်မို့ “တွန်းအား” အမျိုးမျိုးရှိတဲ့ အထဲမှာ အသင့်တော်ဆုံး နည်းလမ်းကို ရွေးပြီး ကိုယ့်လုပ်ငန်း ပြီးမြောက်အောင်မြင် အောင် ဆောင်ရွက်နိုင်ကြပါစေ..။
.
ချစ်ခင်စွာဖြင့်
ကောင်းလွန်း

ဇန်နဝါရီ ၈ ၊ ၂၀၁၅
.ကောင်းလွန်း ရေးသည်။

၂၀၁၅ မှာ ဖြစ်လာနိုင်တဲ့ မြန်မာ့အနာဂါတ်ကို ကြိုတင်ခံစားကြည့်ရာမှာ ရင်ခုံစရာတွေချည်းပါပဲ..။ ကောင်းလာနိုင်တာတွေ ရှိသလို ဆိုးသွားနိုင်တာတွေလဲ ရှိပါတယ်..။ အများသူငါကြိုက်တဲ့ .. မင်္ဂလာရှိစေမယ့် ကောင်းခြင်းတွေကိ်ု ကြိုတင်ခံစားကြည့်ရရင်ဖြင့်…..။

၂၀၁၅ မှာ ပညာရေး ကောင်းလာပါမယ်..။ ပညာရေးစနစ်ကောင်းလာမယ်လို့ ပြောတာမဟုတ်ပါ..။ ပညာရေး ဆိုတာကို လူတွေ ပိုပြီး စိတ်ဝင်စားလာမှာကို ပြောတာပါ..။ “ပညာသင်လဲ အလကားပါကွာ.. ပိုက်ဆံသာ ရအောင်ရှာပါ” ဆိုတဲ့ အတွေးအခေါ်က နှစ်ပေါင်း သုံးဆယ်လောက် ကောင်းကောင်းကြီးလွှမ်းမိုးခဲ့ပါတယ်..။ တကယ်လဲ ပညာ တတ်စရာမလိုပဲ ချမ်းသာ နေတဲ့လူတွေ များလာခဲ့ပါတယ်..။ ဝင်တတ် ထွက်တတ် ပြောတတ် ဆိုတတ် ပေါင်းတတ်သင်းတတ် ပေးတတ် ကမ်းတတ် ရင် အဆင်ပြေခဲ့ကြပါတယ်..။ အခုအထိလဲ အဆင်ပြေနေတုန်းပါပဲ..။ အဲဒီလို အဆင်ပြေနေတဲ့ လူတွေထဲမှာ ပညာတတ် တို့ ပညာရှင် တို့ ဆိုတဲ့ အခန်းကဏ္ဍ နည်းပါးလှတာကို တွေ့ ရပါမယ်.။ ဒါပေမယ့် ၂၀၁၅ ကစလို့ ပညာရှင် တွေရဲ့ အခန်းကဏ္ဍ အရေးပါလာပြီ ဆိုတာ တွေ့ရပါမယ်..။ အထူးသဖြင့် စီးပွားရေး ကို ငွေပင်ငွေရင်းနဲ့ ရင်းနှီးမြှုပ်နှံ လုပ်ကိုင်နေကြသူတွေဟာ ပညာကို ပိုပြီး စိတ်ဝင်စားလာတာကို တွေ့ရမှာပါ..။ လာပြီလေ.. အာဆီဆံ စီးပွားရေး အသိုက်အဝန်း ဆိုတာက တကယ်ကို နဖူးတွေ့ဒူးတွေ့ ရောက်လို့လာပါပြီ..။

အာဆီယံ အကြောင်းလေ့လာ မထားရင် စီးပွားရေး လုပ်ရတာ ခက်တော့မယ်…။ အာဆီယံထဲမှာကို ဖွံ့ဖြိုး စ.. ဖွံ့ဖြိုးဆဲ.. ဖွံ့ဖြိုးပြီး နဲ့ နောက်ကျန် နိုင်ငံတွေ ဆိုပြီး ရှိနေတာကို တွေ့ရမှာပါ..။ လာအို နဲ့ ကမ္ဘောဒီးယားလို နိုင်ငံမျိုးက ဖွံ့ဖြိုးစ.. အင်ဒိုနီးရှား တို့ ဖိလစ်ပိုင်တို့က ဖွံ့ဖြိုးဆဲ.. စင်္ကာပူ ဘရူနိုင်း မလေးရှား ထိုင်း စတာတွေက ဖွံ့ဖြိုးပြီး ဗီယက်နမ်က ဖွံဖြိုး ဆဲလို့ ပြောနေပေမယ့် တော်တော်ကို ရှေ့ရောက်နေပြီ..။ မြန်မာ က နိုင်ငံရေး မတည်ငြိမ် နိုင်သေးလို့ ဖွံ့ဖြိုးရေးဖက်ကိုမလှည့်နိုင်.. အားမစိုက်နိုင်သေး။ နောက်ဆုံး ဝင်လာမယ့် အရှေ့တီမောကတော့ တော်တော်ကို ကြိုးစားရဦးမှာ..။

ဒါပေမယ့် အာဆီယံ ရဲ့ စီးပွားရေး အသိုက်အဝန်း ကြီးကတော့ စတင်လည်ပတ်နေပါပြီ..။ ဒါကြောင့်မို့ ဖွံ့ဖြိုးစပဲဖြစ်ဖြစ် ဖွံ့ဖြိုးပြီးပဲ ဖြစ်ဖြစ်..။ ဖွံ့ဖြိုးဆဲပဲဖြစ်ဖြစ်..။ အာဆီယံရဲ့ စီးပွားရေး အသိုက်အဝန်းကြီးရဲ့ လားရာနောက်ကို လိုက်ပါရတော့မှာပါ..။ အံ့သြစရာ တခုက ကိုယ့်တိုင်းပြည်မှာ အာဆီယံနဲ့ ပတ်သက်တဲ့ ဗဟုသုတတွေနည်းနေသေးတာပါပဲ..။ ဘာဖြစ်လို့များ ကျောင်းတွေမှာ သင်မပေးသေးတာပါလိမ့်..။ အာဆီယံအဖွဲ့ဝင် နိုင်ငံတိုင်းမှာ အာဆီယံနဲ့ ပတ်သက်တဲ့ ဗဟုသုတတွေကို ကျောင်းတွေမှာ ဘာသာရပ် တခု အဖြစ်ပြဌာန်းပြီး သင်ပေးခဲ့ကြတယ်..။ ကိုယ့်ဆီမှာတော့ အာဆီယံရေးရာ ဦးစီးဌာန ဆိုတာ ရှိနေတယ် ဆိုတာကို တောင် သိသူနည်းနေသေးတာကို တွေ့ရပါတယ်..။ တကယ်တော့ အဲဒီ အာဆီယံရေးရာ ဦးစီးဌာန ရှိနေတာ အတော်ကြာပါပြီ..။ ဦးဆောင်ဦးရွက်ပြုခဲ့ကြသူတွေ ထဲက အငြိမ်းစားယူသူတွေ တောင် ရှိနေကြပါပြီ..။ မနေ့တနေ့ကမှ ပေါ်လာတဲ့ ဌာနမဟုတ်ပါဘူး..။ ဒါပေမယ့် ပျံ့နှံ့မှုကတော့ တော်တော်ကြီးကို နည်းနေပါသေးတယ်..။

အာဆီယံ စီးပွားရေး အသိုက်အမြုံရဲ့ သဘောထား အရင်း ဖြစ်တဲ့ လွတ်လပ်စွာ စီးဆင်းခွင့် “Free Flow” ဆိုတာကို များများ သိအောင် ဖြန့်ချိပေးကြရမှာဖြစ်ပါတယ်..။ ဖြန့်တော့ဖြန့်တယ်..။ နည်းနေသေးတယ်..။ သိပုံသိနည်း လွဲနေသလိုပဲ..။ အဲဒီ “Free Flow” ဆိုတာကို တားဆီးဖို့ ကြိုးစားချင်တဲ့ အသံတွေပဲ ကြားနေရတယ်..။ ဟိုဟာကို ကန့်သတ်ပေးပါ..။ ဒီဟာကို ကာကွယ်ပေးပါ..။ ဒါကို လက်မခံပါနဲ့ .. ဆိုတဲ့ ကိုယ့်ကိုယ်ကို ကာကွယ်ရေး အသံတွေကိုပဲ ကြားနေရတယ်..။ သူများ ကိုယ့်ဆီကို လာနိုင်သလို ကိုယ်လဲ သူများဆီကို သွားနိုင်တယ်.. သွားရဲတယ်.. သွားလုပ်မယ် ဆိုတဲ့ သတ္တိ သံတွေ မကြားရသေးဘူး.။ အဲဒါကလဲ “ပညာ” ကြောင့်ပဲ ဖြစ် ရတာပါ.။ ကိုယ့်ဆီမှာ သူများဆီ သွားပြီး ဝင်ဆန့်လောက်တဲ့ ပညာ လုံလောက်အောင် မရှိသေးဘူး ဆိုတာ သိနေကြတယ်..။ ဒါကြောင့် သူများဆီ သွားပြီး ထိုးဖေါက်ဖို့ထက် ကိုယ့်ဆီကို ဝင်မလာရေး.. ကိုယ်ရနေတဲ့ ဝေစု (ကြီး) လျော့မသွားရေးပဲ မဲတင်းပြီး ကာကွယ်ပေးဖို့ တောင်းဆိုနေကြတာပါ..။ မရတော့ပါဘူး..။ နှစ်ပေါင်းများစွာ “အဆင်သင့်မဖြစ်သေးလို့ပါ” ဆိုတဲ့ ဆင်ခြေနဲ့ ကာကွယ်ခဲ့ပြီးပါပြီ..။ အဲဒီလို ကာကွယ်ပေးခဲ့လို့လဲ.. အဆပေါင်းများစွာ ကြွယ်ဝခဲ့ကြပါပြီ..။ ဒီတခါကတော့ အားလုံး တပြေးညီ ဖြစ်ရတော့မှာ ဖြစ်တဲ့ အတွက် အဲဒီအထဲကို လိုက်ပါစီးမျောဖို့ အသင့်မဖြစ်ရင် အာဆီယံ ဆိုတဲ့ အသိုက်အဝန်းနဲ့ လက်တွဲဖြုတ်ရုံပါပဲ..။

ဒါကြောင့်မို့ ပညာ အဓိက အရေးပါလာတာ ဖြစ်ပါတယ်..။ မြန်မာ လုပ်ငန်းရှင်တွေ အတော်များများဟာ အတွေ့အကြုံ ကို အခြေခံတဲ့ စီးပွားရေးကို လုပ်နေကြတာပါ..။ ပညာကို အခြေခံတဲ့ စီးပွားရေး မဟုတ်သေးပါဘူး..။ လာမယ့် ၂၀၁၅ မှာတော့ ပညာကို မွတ်မွတ်သိပ်သိပ် ရှိလာကြပါလိမ့်မယ်..။ ကျောင်းပညာ အပါအဝင် ကျောင်းပြင်ပ ပညာရေးလဲ ဖွံ့ဖြိုး လာမှာပါ..။ အဓိက ဖွံ့ဖြိုးလာမှာကတော့ MBA ပါပဲ..။ MBA ဈေးကွက် ကျယ်ပြန့်လာမှာ ဖြစ်သလို စီးပွားရေး အတိုင်ပင်ခံ လုပ်ငန်းတွေ တော်တော် များများ ပေါ်ထွန်းလာဖို့ ရှိနေကြပါတယ်..။ လက်လှမ်းမီရာ သင့်တော်ရာကို ရွေးချယ်ပြီး လက်တွဲကြဖို့ပါပဲ..။

၂၀၁၅ မှာ အိမ်ခြံမြေ ဈေးကွက် က ဆက်ပြီး မငြိမ်မသက် ဖြစ်နေဦးမှာပါ..။ ဝင်လာကြမယ့် ရင်းနှီးမြှုပ်နှံသူတွေကို ရည်ရွယ်ပြီး အိမ်ခြံမြေဈေး ဆက်ပြီး ကစားကြဦးမှာပါ..။ နိုင်ငံတကာ ရင်းနှီးမြှုပ်နှံမှုကို နိုင်ငံဖွံ့ဖြိုးရေးအတွက် တကယ်လိုချင်တယ် ဆိုရင် အာဆီယံထဲမှာတင် ဥပမာရှိပါတယ်.. ဗီယက်နမ်လို လုပ်ရမှာပါ..။ တကယ်လုပ်ပေးနိုင်တာက အစိုးရပါပဲ..။ အမှန်တကယ် ရင်းနှီးမြှုပ်နှံမယ့် လုပ်ငန်းရှင်တွေကို အာမခံနဲ့ မြေယာဖေါ်ထုတ်ခွင့်ပေးလိုက်ပါ..။ သတ်မှတ်ချိန်အတွင်း အကောင်အထည် မဖေါ်ခဲ့ရင် ပြန်သိမ်းပါ..။ တကယ်လုပ်ပါ..။ ရပါတယ်..။ မြို့ကြီးပြကြီးတွေမှာ ဈေးကြီးချင်သလောက်ကြီးပါစေ..။ အစိုးရကသာ အာမခံ တာဝန်ယူပြီး ဖေါ်ထုတ်ပေးရင် ရင်းနှီးမြှုပ်နှံသူတွေ သေချာပေါက် ရောက်လာမှာပါ..။ မဝံ့မရဲ မစို့မပို့ နဲ့ ဟိုလူ့မျက်နှာကြည့်.. ဒီလူ့ မျက်နှာကြည့် လုပ်နေလို့ကတော့ ဒုံရင်း ပါပဲ..။

၂၀၁၅မှာ ငွေဖေါင်းပွမှု လဲ မြင့်တက်လာပါလိမ့်မယ်..။ ငွေတုတွေ လှိုင်လှိုင်ပေါလာနေတာ ကို မထိန်းချုပ်နိုင် မဖေါ်ထုတ်နိုင် ရင် သေချာပေါက် ဖေါင်းပွတော့မှာပါ..။ ဘဏ်တွေကလည်း ငွေတုတွေ့ရင် ဆုတ်ဖြဲပစ်ကြတဲ့ အတွက် ဘဏ်ကို ယုံပြီး ငွေလွှဲသူတွေမှာ အခက်ကြုံ ကြရပါတယ်.။ တစ်သောင်းတန် အရွက်တစ်ရာပါတဲ့ အုပ်တစ်အုပ်မှာ တစ်ရွက်ပဲ အဖြဲခံရတယ် ဆိုရင်တောင် တစ်ရာခိုင်နှုန်း အကြောင်းမဲ့ နစ်နာ သွားခဲ့ပါပြီ..။ ဒါကြောင့် ဘဏ်မဟုတ်တဲ့ ငွေလွှဲလုပ်ငန်းတွေ ဆက်ပြီး ရှင်သန်နေဦးမယ့်အပြင် ပိုပြီး တိုးတက် ခိုင်မာလာဖို့ ရှိနေပါတယ်..။ ဘဏ်လုပ်ငန်းတွေမှာလဲ အပြိုင်အဆိုင် ဖြစ်လာပါလိမ့်မယ်..။ ပြည်တွင်းငွေလွှဲ လုပ်ငန်းအပြင် ပြည်ပငွေလွှဲ (အဝင် အထွက်) ကိုပါ တိုးချဲ့ လာနိုင်မှာ ဖြစ်ပါတယ်..။ ကမ္ဘောဒီးယားဟာ မြန်မာပြည်ထက် ရှေ့ရောက်နေပါပြီ.. အကြောင်းရင်း တစ်ခုကတော့ သူ့ဆီမှာ နိုင်ငံတကာ ဘဏ်လုပ်ငန်းတွေ လည်ပတ် ရှင်သန်နေပါတယ်..။ ကိုယ့်ဆီမှာလဲ ဖွံ့ဖြိုးချင်ရင် အဝင်ကော အထွက်ပါ ဖွင့်ပေးမှ ဖြစ်မှာပါ..။ “ဝင်လာသမျှ ဝင်စေ.. ထွက်တော့ မထွက်စေနဲ့” ဆိုတဲ့ မူဝါဒတွေ လျှော့ချ ပြင်ဆင်လာမှာပါ..။

သယံဇာတ ကတော့ ကုန်လုနီးပါးဖြစ်တဲ့ အတွက် သယံဇာတကြောင့် ကြွယ်ဝလာနိုင်တယ် ဆိုတဲ့ အတွေးကို လျှော့ချရတော့မှာပါ..။ သယံဇာတကြောင့် တိုင်းပြည်ကြွယ်ဝတာလား.. လူတချို့ ကြွယ်ဝတာလား ဆိုတာ မေးစရာကို မလိုတဲ့ မေးခွန်းပါ..။ အဲဒီလုပ်ရပ်တွေဟာ ကမ္ဘာကျော် လုပ်ရပ်တွေ ဖြစ်တဲ့အတွက် ဘယ်လောက်ပဲ ဂရုမစိုက်ဘူး ဆိုဆို မစိုက်လို့ မရတဲ့ အခြေအနေပါ..။ ကိုယ်နေနေတာဟာ ကမ္ဘာကြီးထဲမှာပါ..။ ကမ္ဘာ့ အပြင်ဖက် မဟုတ်ပါဘူး..။ ဒါကြောင့်မို့ သယံဇာတ နေရာမှာ အစားထိုးနိုင်မယ့် ထုတ်ကုန်ကို အရေးတကြီး စဉ်းစား ဖေါ်ထုတ်ရမယ့် နှစ်ပါ..။
၂၀၁၅ မှာ မြန်မာ့ ထုတ်ကုန် တချို့ကို ဥရောပသမဂ္ဂဝင် နိုင်ငံတွေကို စပြီး တင်ပို့ နိုင်ပါလိမ့်မယ်..။ Made in Myanmar တံဆိပ် တပ်ဆင်ထားတဲ့ ပစ္စည်းတွေ ဖြစ်ပါတယ်..။ ဥရောပသမဂ္ဂ က မြန်မာကို အမျိုးအစား ရာချီတဲ့ ပစ္စည်းတင်ပို့ခွင့် ပြုပြီးပါပြီ..။ မြန်မာပြည်မှာ ထုတ်လုပ်သည် ဆိုတဲ့ အာမခံချက်နဲ့ ပို့ရမှာဖြစ်ပါတယ်..။ အဲဒီအခွင့်အရေးကို တော့ မြန်မာ့နယ်စပ်ကို ဝင်လာပြီး စက်ရုံတွေ တည်နေကြတဲ့ နိုင်ငံခြားသား ရင်းနှီးမြှုပ်နှံသူတွေက အရင် ရသွားမှာပါ..။ မြန်မာကတော့ အလုပ်အကိုင် အခွင့်အလမ်းတွေ အများ အပြား ဖန်တီးပေးနိုင်တယ် ဆိုပြီး ကျေနပ်နေရဦးမှာပါ..။ တကယ်တမ်း ရင်းနှီးမြှုပ်နှံသူတွေ အလုံးအရင်းနဲ့ ဝင်လာပြီ ဆိုရင် အဲဒီ ရင်းနှီးမြှုပ်နှံသူတွေကို ဘယ်လို ထိန်းသိမ်းကိုင်တွယ်မလဲ ဆိုတာ အခုအထိ မသိရသေးပါဘူး..။ သတိထားရမယ့် အချက်ကတော့ ရင်းနှီးမြှုပ်နှံမှု နဲ့ အတူ အဂတိလိုက်စားမှု ကျယ်ကျယ်ပြန့်ပြန့် ဖြစ်လာတော့မယ် ဆိုတာပါပဲ..။ သေချာပါတယ်..။ လုပ်ပိုင်ခွင့် ဘယ်သူရှိသလဲ ဆိုတာ လေ့လာပြီးရင် လဘ်ပေးလဘ်ယူ လုပ်ဖို့ ဆိုတာ အလွန်လွယ်တဲ့ တိုင်းပြည်ပါ..။ နာမည်ပျက်မှာ လဲ ဂရုစိုက်စရာ မလိုတဲ့ အတွက် ဒီကိစ္စဟာ ဆက်ပြီး ရှိနေဦးမယ့်အပြင် ပိုလို့တောင် များပြား လာပါလိမ့်ဦးမယ်..။

ရင်းနှီးမြှုပ်နှံမယ့်သူတွေဟာ ကမ္ဘာပတ်ပြီး နှစ်ပေါင်းရာချီ ပြီး စီးပွားရေး လုပ်လာတဲ့ လုပ်ငန်းရှင်တွေပါ..။ သူငယ်နှပ်စား တချီကောင်း ပွပေါက်တိုးလာတဲ့ သူဌေးတွေမဟုတ်ပါဘူး.။ သူတို့မှာ ကမ္ဘာ့ နိုင်ငံပေါင်းစုံရဲ့ ဥပဒေဆိုင်ရာ အတွေ့အကြုံတွေ ရှိပြီးသားပါ.။ ပြီးတော့ သူတို့လာမှာက အလှူအတန်းလုပ်ဖို့ မဟုတ်ဘူးဆိုတာလဲ သိထားကြဖို့ လိုပါတယ်..။ သူတို့ရဲ့ အခွင့်အရေး..သူတို့ရဲ့ အကျိုးအမြတ်အတွက် လာကြမှာ ဖြစ်ပါတယ်..။ ဒါကြောင့်မို့ သတိကြီးကြီးထားဖို့ လိုပါတယ်..။ ဘယ်လောက်ပဲ သတိထားနေနေ သူတို့ဟာ သူတို့ အတွက် ရှာတတ်ပါတယ်..။ ဒါကြောင့်မို့ ဝင်လာမယ့် လုပ်ငန်းရှင်တိုင်းကို သံသယမျက်စိနဲ့ ကြည့်မယ့်အစား ပညာမျက်စိနဲ့သာ ကြည့်ကြရမှာဖြစ်ပါတယ်..။ ပညာမတတ်ရင် ဒုက္ခသေချာပေါက် ရောက်ပါလိမ့်မယ်..။

၂၀၁၅ ဟာ လုပ်ငန်းတွေ ရဲ့ စီမံခန့်ခွဲပုံကို ပြင်ရမယ့် နှစ်ဖြစ်ပါတယ်..။ မိသားစုပုံစံ..တို့.. အမိန့်ပေး ပုံစံတို့ ဆိုတာတွေနဲ့ အုပ်ချုပ်စီမံလို့ မရတော့ပါဘူး..။ အဖွဲ့အစည်း အသွင် ပြောင်းရပါမယ်..။ တပြေးညီ ဆက်ဆံဖို့ လိုပါပြီ..။ လုပ်ပိုင်ခွင့်တွေ ခွဲပေးဖို့ လိုလာပါပြီ..။ ဘာမဆို အထက်ကို တင်ပြလိုက်ဦးမယ်.. ဆိုတဲ့ အတွေးအခေါ်တွေ လျှော့ချ ပြုပြင်ပြီး ကိုယ်ကိုယ်တိုင် ဆုံးဖြတ် လုပ်ကိုင်ရဲဖို့ လုပ်ကိုင်တတ်ဖို့ လိုပါပြီ..။ အခုအချိန်မှာတော့ လုပ်ငန်း ဆိုင်းဘုတ်ကလေး တင်တာကအစ တော်တော် ရာထူးကြီးတဲ့ လူဆီကို တင်ပြပြီးတာတောင် စိတ်မချရသေးပါဘူး..။ “အဘ မြို့တော်ဝန်ကြီးက မကြိုက်ရင်..။ အဘ ဝန်ကြီးချုပ်ကြီးက မကြိုက်ရင်” ဆိုတဲ့ အငုံ့စိတ်က လွှမ်းနေတုံးပါပဲ..။ တကယ်တော့ အဲဒီ ထိပ်ဆုံးက လူကြီးတွေက ဒီလောက် အမြင်မကျဉ်းပါဘူး.။ မေးလာရင် အကျိုးသင့် အကြောင်းသင့် ဖြေလိုက်ပေါ့..။  ဒါပေမယ့် အဲဒီလို အကျိုးသင့်အကြောင်းသင့် ဖြေကြားဖို့ တာဝန်ယူမယ့်သူ မရှိသေးတာပါ..။ ကိုယ့်တာဝန် ကိုယ်ယူပြီး လုပ်ရမှာထက် ကိုယ့်ရာထူး တည်မြဲရေး ကိုယ်အပြောမခံရရေးကို ပိုပြီး ဂရုစိုက်နေရသေးလို့ပါ..။ ၂၀၁၅ မှာတော့ အထိုက် အလျောက် ပြောင်းလဲလာမယ် လို့ မျှော်လင့်ရပါတယ်..။

၂၀၁၅ မှာ ရာဇဝတ်မှုတွေ .. မတော်တဆမှုတွေ.. မြင့်တက်လာဖွယ်ရှိပါတယ်..။ နိုင်ငံကို မတည်ငြိမ်စေချင်တဲ့ လူတစုက ဒီကိစ္စတွေကို ဆက်လက်ဖန်တီးနေမှာဖြစ်ပါတယ်..။ မာဖီးယား လိုလို ယာကူဇာ လိုလို ရာဇဝတ်ဂိုဏ်းတွေ ရှိလာနေပါတယ်..။ အဲဒါတွေ ပိုပြီးကျယ်ပြန့်မလာအောင် ထိန်းသိမ်းဖို့ လိုပါတယ်..။ မူးယစ်ဆေးဝါးဟာ ဝင်ငွေ အင်မတန် ကောင်းတဲ့ စီးပွားရေး ဖြစ်ပါတယ်..။ ခေတ် အဆက်ဆက်ကလဲ လုပ်ခဲ့ကြပါတယ်..။ အခုပိုများလာပါတယ်..။ တိုးတက်လာတဲ့ နှုန်းအတိုင်းဆိုရင် ၂၀၁၅ မှာ ဆက်လက်ပြီး ခေါင်းထောင်နေဦးမယ်လို့ ခန့်မှန်းနိုင်ပါတယ်..။ ရဲတပ်ဖွဲ့ကို မြင့်မြင့်မားမား ဖွဲ့စည်း တိုးချဲ့ ဖို့ လိုပါတယ်..။ ဗိုက်ပူနံကားနဲ့ ယူနီဖေါင်းဝတ်ပြီး ညှပ်ဖိနပ်စီးတတ်တဲ့ အလေ့အကျင့်ကိုလဲ ပြင်ရမှာပါ..။ Smart Police ဖြစ်စေချင်ပါတယ်..။ အခုအချိန်အထိကတော့ ရဲအရာရှိတွေရဲ့ လက်ထဲမှာ စာအုပ်ကိုယ်စီ ကိုင်ထားဆဲပါပဲ..။ အဲဒီစာအုပ်တွေဟာ အထက်လူကြီး ပြောသမျှကို လိုက်ရေးဖို့ သာ ဖြစ်နေပါသေးတယ်..။ အကောင်အထည် ဖေါ်ဖြစ် မဖေါ်ဖြစ် ဆိုတာကတော့ မသေချာပါ..။ မြန်မာ ရုပ်ရှင်ကားများမှာလဲ ရဲအရာရှိ ရောက်လာရင် လက်ထဲမှာ စာအုပ်ကလေးနဲ့ပါပဲ..။ ၂၀၁၅ မှာတော့ တကယ့်ကို ပြတ်ပြတ်သားသား ရှင်း “ရဲ” လင်း “ရဲ” တာဝန်ခံ “ရဲ” တဲ့ “ရဲ” များ လိုအပ်ပါတယ်..။ ရဲတပ်ဖွဲ့ရဲ့ စွမ်းဆောင်ရည်ကို မြှင့်တင်ရာမှာ ပညာရည် မြှင့်ဖို့ အရေးကြီးပါတယ်..။

၂၀၁၅ မှာ အင်္ဂလိပ်စာ သင်ကြားလိုသူ ပိုများလာနိုင်ပါတယ်..။ နိုင်ငံတကာနဲ့ တကယ်တန်းဆက်ဆံရတော့မှာပါ..။ ဘွဲ့ရရုံ ကျောင်းပြီး ရုံနဲ့ ပညာတတ်လို့ မသတ်မှတ်နိုင်တော့ပါဘူး..။ နိုင်ငံတကာက ပညာရှင်တွေ စီးပွားရေးလုပ်ငန်းရှင်တွေ နဲ့ ဒူးတင် ပေါင်တင် ဆွေးနွေးနိုင် ဖို့.. ကိုယ့်အယူအဆကို နိုင်ငံတကာ အလယ်မှာ ရဲရဲဝံ့ဝံ့ တင်ပြနိုင်ဖို့ .. တခြားသူတွေ မေးသမျှ ထဲထဲဝင်ဝင် ဖြေနိုင်ဖို့ အင်္ဂလိပ်စကား အင်္ဂလိပ်စာ သင်ကြား တတ်မြောက်ဖို့ လိုပါတယ်..။ ကျွန်ပညာရေးပဲဆိုဆို ကျွန်စော်နံတယ် ပဲပြောပြော.. ကိုယ့်ဝပ်ကျင်းထဲကနေ အပြင်ကို ထွက်ကြည့်လိုက်ရင် အင်္ဂလိပ်စာ အင်္ဂလိပ်စကား ဘယ်လောက်အရေးပါတယ်ဆိုတာ သိနိုင်ပါတယ်..။

အင်္ဂလိပ်စာနဲ့ အတူ ၂၀၁၅ မှာ အလေးထားပြီးလေ့လာကြရမှာက ဥပဒေ ဖြစ်ပါတယ်..။ ဥပဒေဘာသာရပ်ဟာ မြန်မာနိုင်ငံမှာ ညှိုးမှိန်သွားခဲ့တာ ကြာပါပြီ..။ “ဥပဒေကမည်သို့ပင်ဆိုစေကာမူ” ဆိုတဲ့ ဥပဒေအထက်က လူတွေ ကြောင့် မြန်မာ့ ဥပဒေ ညှိုးမှိန်ခဲ့ရတာပါ..။ ဥပဒေဟာ နိုင်ငံတနိုင်ငံရဲ့ အသက်ပါ..။ အမိန့်ဟာ အုပ်စိုးသူလူတစုရဲ့ အသက်သာဖြစ်ပါတယ်..။ ဥပဒေကို လေးစားဖို့ လိုက်နာဖို့ စောင့်ရှောက်ဖို့ ကာကွယ်ဖို့ နိုင်ငံသားတိုင်းမှာ တာဝန်ရှိပါတယ်..။ ဥပဒေကို နားလည်မှလဲ လေးစားမှု လိုက်နာမှု ရှိမှာပါ..။ အဲဒီဥပဒေကို ရေးဆွဲသူများကိုယ်တိုင်ကလဲ ယုံကြည်ဖို့လိုပါတယ်.. ဥပဒေဆိုတာ တရားမျှတခြင်း အတွက် ရှိနေရတာပါ..။ ဥပဒေမရှိရင် တရားမျှတခြင်း မရှိနိုင်ပါဘူး..။ တရားမျှတခြင်း မရှိရင် အဲဒီတိုင်းပြည်ဟာ ဘယ်လိုမှ မတိုးတက်နိုင်ပါဘူး..။ ဒါကြောင့်မို့ ဥပဒေ ဘာသာရပ်ကို နိုင်ငံ့ဝန်ထမ်း တွေသာမက နိုင်ငံသားတိုင်း သိထား တတ်ထားဖို့က အမျိုးသားရေး အမြင် ဖြစ်သင့်လှပါတယ်..။ ကျောင်းစ နေတဲ့ အရွယ်ကတည်းက ဥပဒေရဲ့ အဆုံးအမတွေကို သင်ပေးသင့်လှပါတယ်..။ ဥပဒေ ဆိုတာ လိုအပ်တဲ့ အခါကျမှ လက်နက်အဖြစ် ထုတ်သုံးတာမျိုး မဖြစ်သင့်တော့ပါဘူး..။

၂၀၁၅ မှာ နောက်ထပ် ဖွံ့ဖွံ့ဖြိုးဖြိုးနဲ့ လူတွေ စိတ်ဝင်စားလာမယ့် အကြောင်းအရာက ဘဏ္ဍာရေး ဖြစ်ပါတယ်..။ စတော့ရှယ်ယာ ဈေးကွက် စတင်တော့မှာ ဖြစ်တဲ့အတွက် လိုအပ်တဲ့ ပြင်ဆင်မှုတွေ လုပ်ရတဲ့ အထဲမှာ အရေးကြီးဆုံးက ဘဏ္ဍာရေး ဆိုင်ရာ ဗဟုသုတပဲ ဖြစ်ပါတယ်..။ စတော့ပွဲစား ရှယ်ယာပွဲစား ဆိုတာ အိမ်ခြံမြေ ပွဲစား ကားပွဲစား ကျောက်ပွဲစား တွေနဲ့ သဘာဝခြင်းမတူပါဘူး.။ ဘဏ္ဍာရေးပညာရပ်ကို နားလည် တတ်မြောက်သူတွေ ဖြစ်ရသလို နိုင်ငံတကာ စတော့အိပ်ချိန် တွေနဲ့ ဆက်စပ် လုပ်ကိုင်ရတဲ့ အခါမှာ လက်မှတ် ရှိဖို့ လိုပါတယ်..။ အဲဒီလက်မှတ်ကို ရဖို့ စာမေးပွဲဖြေရပါတယ်.။ တကြိမ်ဖြေပြီးလို့ ရထားတဲ့ အောင်လက်မှတ်ဟာ တသက်စာ မဟုတ်ပါဘူး..။ အဲဒီအောင်လက်မှတ်မှာ သက်တမ်းရှိပါတယ်..။ သတ်မှတ် သက်တမ်းရောက်ရင် စာမေးပွဲထပ်ဖြေရပါတယ်..။ အဲဒီလို ဖြေဆိုအောင်မြင်ပါမှ စတော့ ပွဲစား အဖြစ် တရားဝင် ရပ်တည် နိုင်မှာပါ..။ စတော့ ပွဲစားတွေဟာ ဝင်ငွေခွန် ဆောင်ရပါတယ်..။ ပွဲခကို တရားဝင် ရပါတယ်..။ ရုံးခန်း အတည်တကျ ရှိရပါတယ်..။ လမ်းလျှောက်ပွဲစား.. လဘက်ရည်ဆိုင် ပွဲစား လုပ်လို့မရပါဘူး..။ စတော့ ဈေးကွက်ထဲမှာ ကျင်လည်ဖို့ရာ ပညာ အဓိက ဖြစ်ပါတယ်..။ ဒါကြောင့် မြန်မာပြည်မှာ ဘဏ္ဍာရေး ပညာ ကဏ္ဍကို စိတ်ဝင်စားလာကြတော့မှာပါ..။

၂၀၁၅ ဟာ ပညာနှစ်ဖြစ်ပါတယ်..။ တဆက်တည်းမှာပဲ ပညာကိုရင်းပြီး ဥစ္စာရှာကြရမှာလဲဖြစ်ပါတယ်..။ ပညာရှင်ကို မှီပြီး လုပ်စားကြမယ့် လူလည် လူနပ်တွေလဲ ခတ်ကွင်းပြင်နေပါပြီ..။ “ပညာရွှေအိုး လူမခိုး” လို့ စကားပုံက ဆိုပေမယ့်လဲ ခိုးတော့ မခိုးဘူး.. လိမ်စား သွားတတ်ပါတယ်..။ ပညာရှင်ကို ဗန်းပြပြီး လိမ်လည် စားသောက်မယ့်သူတွေလဲ အများအပြား ပေါ်လာမှာပါ..။ မုဒိတာပွားပြီး ဥပေက္ခာ ပြုနိုင်ရင်တော့ အကျိုးများ မှာပါ..။ “အာဏာ” ကို “ ပညာ” နဲ့ ထိန်းကျောင်း နိုင်ဖို့ လိုပါတယ်..။ အာဏာ ရှိသူတွေ ပညာတတ် ဖြစ်ဖို့ရယ်.. ပညာတတ်သူတွေ လုပ်ပိုင်ခွင့် ရလာဖို့ရယ် ပဲ လိုတာပါ..။

ချစ်ခင်စွာဖြင့်
.ကောင်းလွန်း

စာရေးသူ၏ FB စာမျက်နှာမှာ ဖော်ပြချက်ကို ခွင့်ပြုချက်တောင်း၍  ကူးယူ့ ဖော်ပြပါသည်။