News @ M-Media

Tag: Labour

  • ကာတာ အလုပ်သမား ဥပဒေ လာမည့်နှစ်ဆန်းတွင် ပြောင်းမည်။

    ကာတာ အလုပ်သမား ဥပဒေ လာမည့်နှစ်ဆန်းတွင် ပြောင်းမည်။

    နိုဝင်ဘာ ၁၇ ၊ ၂၀၁၄
    M-Media
    201327151223258734_20
    – ရွှေ့ပြောင်းလုပ်သားများ၏ အခွင့်အရေးများနှင့် အခြေအနေများအား ကောင်းမွန်အောင် ဆောင်ရွက်ပေးရန် နိုင်ငံတကာမှ ဖိအားပေးမှုများကို ရင်ဆိုင်နေရသည့် ကာတာနိုင်ငံက ၎င်းတို့အနေဖြင့် လာမည့် ၂၀၁၅ ခုနှစ် နှစ်ဆန်းပိုင်းတွင် အလုပ်သမား ဥပဒေအသစ်တစ်ခုကိုပြဌာန်းမည်ဟု ကတိပြု ပြောဆိုလိုက်သည်။

    Kafala ဟုခေါ်တွင်ပြီး ယခုလက်ရှိ ပြဌာန်းထားသည့် အဆိုပါ အလုပ်သမားဥပဒေမှာ နိုင်ငံခြားအလုပ်သမားများ၏ အခွင့်အရေးများကို ကန့်သတ်ထားပြီး၊ ခေါင်းပုံဖြတ်မှုများရှိသည်ဟု စွပ်စွဲမှုများ ရှိနေသည်။ ထို့ပြင် နိုင်ငံခြားအလုပ်သမားများမှာ တိုင်းပြည်မှထွက်ခွာခြင်း၊ အလုပ်ပြောင်းခြင်းတို့ကို ဆောင်ရွက် မရဘဲ၊ ဥပဒေသစ်တွင် ထိုအချက်များကို ဖယ်ရှားမည်ဖြစ်ကာ အလုပ်သမားများအား စာချုပ်ဖြင့် ခန့်အပ်ခြင်းကို အစားထိုးမည်ဖြစ်သည်။

    ဥပဒေသစ်အား ဆန်းစစ်လေ့လာမှုများ ပြုလုပ်နေပြီး လာမည့်နှစ်အစောပိုင်းတွင် ထုတ်ပြန်ကြေညာမည်ဟု အလုပ်သမားနှင့် လူမှုရေးရာ ၀န်ကြီးဌာနမှ ထုတ်ပြန်သော အစီရင်ခံစာတွင် ဖော်ပြထားသည်။

    “ဥပဒေသစ်ကို လာမယ့်နှစ်အစောပိုင်းမှာ ကြေညာနိုင်မယ်လို့ မျှော်လင့်ပါတယ်” ဟု အဆိုပါ ကြေညာချက်တွင် ရေးသားထားသည်။

    လက်ရှိတွင် နိုင်ငံခြား အလုပ်သမားများ အနေဖြင့် အလုပ်ပြောင်းချင်ပါက တိုင်းပြည်မှ အရင်ထွက်ခွာရပြီး ထိုစနစ်က ခေတ်သစ် ကျွန်စနစ်ဖြစ်သည်ဟု လူ့အခွင့်အရေး အဖွဲ့များက ပြောကြားခဲ့သည်။

    စာချုပ်ဖြင့် ခန့်ထားမည့် ဥပဒေသစ်တွင်မူ နိုင်ငံခြား အလုပ်သမားများမှာ စာချုပ်ပြည့်သည်နှင့် အခြားအလုပ်များသို့ ပြောင်းနိုင်မည်ဖြစ်သည်။ အဆိုပါ ဥပဒေသစ်အား လာမည့် မေလတွင် စတင် ကျင့်သုံးသွားမည်ဟု သိရသည်။

    ref_Al Jazeera

  • FDI ကြိတ်ဆုံထဲက မြန်မာ့လုပ်သားများ

    FDI ကြိတ်ဆုံထဲက မြန်မာ့လုပ်သားများ

    အောက်တိုဘာ ၂၉ ၊ ၂၀၁၄
    M-Media
    .မြင့်မိုရ်မောင်မောင် ဘာသာပြန်သည်။

    ၂၀၁၄ ခုနှစ် အောက်တိုဘာလ ၉ ရက်တွင် မြန်မာနိုင်ငံ၊ ရန်ကုန်တိုင်းရှိ အကြီးမားဆုံးစက်မှုဇုံ လှိုင်သာယာမှ စက်ရုံတစ်ခု၏ကုန်ပစ္စည်းများကို လေလံတင်ရောင်းချရန် လက်ဦးအဆိုပြုခံရသည်။

    ၎င်းသည် တောင်ကိုးရီးယားပြည်ပရင်းနှီးမြှုပ်နှံမှု နှင့် မြန်မာ့စက်မှုနယ်ပယ် အခင်းအကျင်းတို့၏ ကမောက်ကမနိုင်လှသော သဘာဝကို မီးမောင်းထိုးပြလိုက်သည့် အလုပ်သမားရေးရာအငြင်းပွားမှု အဆုံးသတ်ချက်ရုပ်လုံးပင်။

    Myanmar Labor Unrest
    ၂၀၁၄ ခုနှစ် ဇူလိူင် ၁၇ တွင် Master အားကစားဖိနပ် စက်ရုံကို ဆန္ဒပြခဲ့ကြသည့် အလုပ်သမားများ (AP Photo/Gemunu Amarasinghe)

    ထိုအဆောက်အဦကို တစ်ချိန်က Master အားကစားဖိနပ် ထုတ်စက်ရုံ ဟု ခေါ်ဆိုသည်။ အပြေး/လမ်းလျှောက်ဖိနပ်များကို ထုတ်လုပ်သည့် ထိုစက်ရုံအား တောင်ကိုးရီးယား လုပ်ငန်းရှင် ဘန်အင်ဟိုက ကမကထပြုခဲ့ခြင်းဖြစ်သည်။ ၎င်း၏ လက်ဝေခံဖောက်သည်မှာ တောင်ကိုးရီးယား ချည်မျှင်နှင့်အထည်စက်ရုံကြီးဖြစ်သော Kolon စက်မှုလုပ်ငန်းစုဖြစ်၍ အမေရိကန်ဒေါ်လာ ၁.၃၁ ဘီလီယံ တန်ကြေးရှိသည်။

    ဘန်သည် စက်ရုံအား ဇွန်လ ၂၆ ရက်တွင် ရုတ်တရက် ပိတ်လိုက်ပြီး စက်ရုံလုပ်သား ၇၅၀ ကျော်၏ လုပ်ခကိုမပေးပဲ ဇူလိုင်လ၌ နိုင်ငံတွင်းမှ ထွက်ပြေးခဲ့သည်ဟု သတင်းများကဆိုသည်။

    သူ့ထံ၌ လုပ်သားများလခ တစ်လစာ စုစုပေါင်း ကျပ်ငွေ ၆၅ သန်း(အမေရိကန်ဒေါ်လာ ၆၅,၅၀၀)အပြင်၊ သတိပေး အကြောင်းကြားချက်မရှိပဲ ၀န်ထမ်းကန်ထရိုက် ရပ်တန့်ခြင်းအပေါ် လျော်ကြေးငွေ ကျပ်သန်း ၁၃၀ (အမေရိကန်ဒေါ်လာ ၁၃၁,၀၀၀) ကြွေးတင်ကျန်ရစ်နေသည်။

    သို့သာမက Master Sports စက်ရုံသည် လုပ်သားများကို လုပ်ငန်းရပ်စဲ လျော်ကြေးငွေအစား ဇွန်လ၏ လစာကိုသာ လက်ခံရန် အတင်းအကြပ် လက်မှတ်ထိုးဖို့ ဖိအားပေးခဲ့ကြောင်း စွပ်စွဲမှုလည်း ရှိသည်။

    ၀န်ထမ်းလုပ်သား ၅၈ ဦးသာ တရားဝင်လက်မှတ်ထိုးခဲ့ပြီး၊ ကျန်လုပ်သားအားလုံးနီးပါးမှာ စက်ရုံရှေ့တွင်လည်းကောင်း၊ ရန်ကုန်မြို့ရှိ တောင်ကိုးရီးယား သံရုံးရှေ့တွင် လည်းကောင်း လမ်းမပေါ်ထွက်ဆန္ဒပြခဲ့ကြသည်။

    စက်ရုံ၏ ရွှေ့ပြောင်းနိုင်သောပစ္စည်းများ လေလံတင်ရောင်းချမှုအောင်မြင်လျှင် ရရှိလာသည့် ကျပ်သန်း ၂၈၀(အမေရိကန်ဒေါ်လာ ၂၈၂,၀၀၀)ဖြင့် လုပ်သား ၀န်ထမ်းတို့အား ပြန်လည်ပေးဆပ်နိုင်မည်ဖြစ်သည်။

    Myanmar Labor Unrest
    ၂၀၁၄ ခုနှစ် ဇူလိူင် ၁၇ တွင် Master အားကစားဖိနပ် စက်ရုံကို ဆန္ဒပြခဲ့ကြသည့် အလုပ်သမားများ (AP Photo/Gemunu Amarasinghe)

    မြန်မာနိုင်ငံ ကုန်သွယ်ကူးသန်းရောင်းဝယ်ရေး အသင်းစု Federation of Trade Unions Myanmar (FTUM)၏ အတွင်းရေးမှူးချုပ် ဦးမောင်မောင်က ယင်းလုပ်ရပ်အား ကြိုဆိုလိုက်သည်။

    “ လုပ်သားပေါင်း ၇၅၇ ဦးကို ပေးဖို့က ကျပ်ငွေ ၂၁၀ သန်း(အမေရိကန်ဒေါ်လာ ၂၁၁,၇၀၀)ရှိနေတော့ အဲ့ဒီတန်ကြေးက သူတို့ရဲ့လစာတွေကို အပြည့်အ၀ပေးချေနိုင်လိမ့်မယ်လို့ မျှော်လင့်ရပါတယ်”။

    သို့သော် Master လုပ်ငန်းစု၏ဖြစ်စဉ် ဇာတ်လမ်းရှည်ကြီးက မြန်မာနိုင်ငံတွင် အလုပ်သမား အခွင့်အရေးကိုကာကွယ်ပေးသော အခြေခံလိုအပ်ချက်များ မရှိသေးကြောင်း၊ ပြည်ပ ရင်းနှီးမြုပ်နှံမှုမှ လုပ်သားများ အပေါ် အတိုင်းအတာ တစ်ရပ်အထိ ခေါင်းပုံဖြတ်နိုင်သေးကြောင်း ဖော်ကျူးလျက်ရှိနေပေသည်။

    ကျင့်ဝတ်မဲ့ရင်းနှီးမြုပ်နှံသူ၊ ကြေးနည်း လုပ်သားနှင့် ပြဿနာအလားအလာ
    —————————————————————————–
    မြန်မာနိုင်ငံသည် ၂၀၁၁ ခုနှစ်တွင် တစ်ပိုင်းတစ်စဒီမိုကရေစီအသွင် ကူးပြောင်းလာကတည်းက တောင်ကိုးရီးယား အပါအ၀င် မြန်မာရှိ ပြည်ပ တိုက်ရိုက်ရင်းနှီးမြုပ်နှံမှု Foreign Direct Investment (FDI) မှာ အဆမတန် မြင့်မားလာခဲ့သည်။ ၂၀၁၃ နှစ်နှောင်းပိုင်းဝယ် FDI စုစုပေါင်း၏ ၆.၉ ရာခိုင်နှုန်း(အမေရိကန်ဒေါ်လာ ၃.၀၄ ဘီလီယံ)မှာ တောင်ကိုးရီးယား တစ်နိုင်ငံတည်းမှ ဖြစ်နေသည်။ တရုတ်ပြည်က ၃၂.၁၇ ရာခိုင်နှုန်းဖြင့် ထိပ်ဆုံးမှ ရပ်တည်နေပြီး၊ ထိုင်းနိုင်ငံသည် ၂၂.၆၇၊ ဟောင်ကောင်သည် ၁၄.၆၄၊ ယူကေသည် ၆.၉၃ ရာခိုင်နှုန်းအသီးသီး ရှိခဲ့ကြသည်။

    Coca Cola ၊ DuPont နှင့် Procter & Gamble စသော နိုင်ငံတကာစီးပွားရေးလုပ်ငန်းစုများမှာ မြန်မာနိုင်ငံတွင် လုပ်ကိုင် လည်ပတ်နေပြီဖြစ်သည်။ Colgate-Palmolive သည်လည်း မကြာတော့သည့် ကာလအတွင်း စက်ရုံသစ်တစ်ခု လာရောက်ဖွင့်မည်ဟု ယူဆရသည်။

    မြန်မာ့စက်မှုလုပ်ငန်းကော်မရှင်၏ ခန့်မှန်းချက်အရ အထည်လုပ်ငန်းသည် ယခုနှစ်တွင် အမေရိကန်ဒေါ်လာ ၄ ဘီလီယံအထိပင် မြုပ်နှံထားပြီး FDI ၏ အကြီးမားဆုံးအကျိုးအမြတ်ကို ရရှိထားပြီးဖြစ်သည်။

    ဘန်သည် မြန်မာ့ကြေးနိမ့် လုပ်သားကြောင့် အကျိုးအမြတ်ကြီးစွာ ခံစားနေရသူ နိုင်ငံခြားရင်းနှီးမြုပ်နှံသူများအနက် တစ်ဦးအပါအ၀င် ဖြစ်သည်။

    Master Sports ၌ ပို့ကုန်သွင်းကုန်ဆိုင်ရာ စီမံမန်နေဂျာဟုဆိုသူ ဂျောင်ဟေအွန်း၏ အဆိုအရ ဘန်သည် တစ်ခါက တရုတ်ပြည်၊ ကျင်းဒေါင်တွင် ကုန်ထုတ်လုပ်ခဲ့သော်လည်း တရုတ်ပြည်လုပ်သားခကြီးမြင့်လာမှုနှင့်အစီအမံများကြောင့် တရုတ်ပြည်ရှိစက်ရုံကို ပိတ်ပစ်ရန် ဆုံးဖြတ်ခဲ့ဖူးကြောင်း သိရသည်။ သို့ဖြင့် စက်ရုံပြောင်းရွှေ့ရန် မြန်မာနိုင်ငံကို ရွေးချယ်ခဲ့ခြင်းဖြစ်သည်။

    သူသည် တောင်ကိုးရီးယား၊ ဂျောင်ဂီဒိုး၌ Master Sports အမည်ရှိ အထည်အလိပ် ကုမ္ပဏီတစ်ခု ပိုင်ဆိုင်ပြီး တရုတ်ပြည်ထွက် တံဆိပ်မျိုးစုံ အားကစားဝတ်စုံ/ အတည်များကို ပြည်တွင်းဈေးကွက်ထဲတွင် ယမန်နှစ်အထိ ရောင်းချခဲ့သည်ဟု လူထုသတင်းများမှဆိုသည်။

    ၎င်းနောက် ကြီးမားသည့် ငွေကြေးပြဿနာတို့နှင့် ကြုံဆုံရပြီး ၂၀၁၃ ခုနှစ် အောက်တိုဘာ ၂ ရက်မှစ၍ သူ့လုပ်ငန်းစုဆိုင်ရာ ငွေကြေးစီးကြောင်း ရပ်တန့်သွားသည်။ မကြာမီ ဒေ၀ါလီခံတော့မည့် လက္ခဏာထင်ရှားနေကြောင်း Korea Financial Telecommunications & Clearings Institute (KFTC) မှ မှတ်တမ်းတင်ခဲ့သည်။

    Equal Times မှ အင်တာဗျူးအတွက် အကြိမ်ကြိမ် ဖုန်းဆက်၍ စာပို့အကြောင်းကြားသော်လည်း ဘန်မှ လက်ခံဖြေကြားခြင်း မရှိကြောင်း ဆိုသည်။

    တောင်ကိုးရီးယားရှိ ဘန်၏ကုမ္ပဏီ၌ ယင်းသို့ဖြစ်ပျက်စဉ် ကာလအတွင်း တရုတ်ပြည်မှ စက်ရုံကို မြန်မာပြည်သို့ရွှေ့ပြောင်း ခဲ့ခြင်းဖြစ်သည်ဟု မြန်မာစက်ရုံမန်နေဂျာ ဂျောင်က ပြောကြားသည်။

    “ ကျွန်တော် သိရသလောက်တော့ လှိုင်သာယာစက်ရုံကို ၂၀၁၂ ဒီဇင်ဘာလထဲမှာ ငှားရမ်းတယ်။ စက်တွေဆင်ပြီး ရုံးခန်းထိုင်ပြီးတဲ့နောက် စက်ရုံစတင်လည်ပတ်တဲ့နေ့က ၂၀၁၃ ခုနှစ် မေလ ၂၃ ဆိုတာ ကျွန်တော် မှတ်မိနေပါတယ်”။

    ဘန်သည် တရုတ်ပြည်၌ လုပ်သားခကြီးမြင့်လာခြင်းနှင့် တောင်ကိုးရီးယား၌ ဒေ၀ါလီခံလုဆဲဆဲ ကြားကာလတွင် ရန်ကုန်၌ စက်ရုံ စတင်လည်ပတ်လိုက်ခြင်းဖြစ်သည်။

    သူ့အား ကူညီပေးခဲ့သူမှာ ဂျောင် ဖြစ်သည်။ ဂျောင်သည် ၂၀၀၄ ခုနှစ်ကတည်းက မြန်မာနိုင်ငံတွင် နေထိုင်သူဖြစ်ပြီး အောင်မြင်သော စီးပွားရေးလုပ်ငန်းရှင် ညီမဖြစ်သူမှတဆင့် ရန်ကုန်ရှိ တောင်ကိုးရီးယား စီးပွားရေးအသိုက်အ၀န်းထဲ ၀င်ရောက်လာသူဖြစ်သည်။ သူမသည် တရုတ်အနွယ် မြန်မာနိုင်ငံသားနှင့် လက်ဆက်ထားသည်။

    သို့ရာတွင် ဘန်၏ လုပ်ငန်းသစ် ကျရှုံးခဲ့သည်၊ ရုံးထိုင်နှင့်စီမံဝန်ထမ်းတို့သာ လစာပေးပြီးနောက် တောင်ကိုးရီးယားသို့ ပြန်သွားသည်။

    စက်ရုံသည် ငွေကြေးလည်ပတ်မှု မမှန်ကန်သည့်ပြဿနာကြုံရပြီး လုပ်သားများက လုပ်ခနှင့်စပ်လျဉ်း၍ အကြိမ်ကြိမ် ဆန္ဒပြမှုကြောင့် ထုတ်ကုန်အရည်အသွေး နိမ့်ကျသွားသည်။ ထိုအခါ Kolon စက်မှုလုပ်ငန်းစုမှ ကုန်အမှာပမာဏ လျှော့ချခဲ့သည်ဟု ဂျောင်က ဆိုသည်။

    ဂျောင်ထံ၌လည်း တစ်စိပ်တစ်ပိုင်းအားဖြင့် တာဝန်ရှိကြောင်း Kolon Industries FnC ၏ ဖက်ရှင်ကော်ပိုရေးရှင်းဌာနခွဲမှ ပြောခွင့်ရှိသူ ကင်မ်ဟီးဂျင်မှ ပြောကြားသည်။

    Master Sports ထုတ်ကုန်များသည် Kolon ၏ သတ်မှတ်စံနှုန်းအတိုင်း မထုတ်လုပ်နိုင်ခဲ့၊ တောင်ကိုးရီးယား၌ မဖြန့်ဖြူးမီ အရည်အသွေးစစ်ဆေးမှုတစ်ရပ်ကို သူမ၏ကုမ္ပဏီက ထပ်မံ ပြုလုပ်နေခဲ့ရကြောင်း ကင်မ်မှ ဖုန်းအင်တာဗျူးတစ်ရပ်တွင် ပြောပြခဲ့သည်။ Master Sports နှင့် Kolon တို့၏ လက်ဦးသဘောတူချက်များကိုမူ ကုန်သွယ်ရေးလျှို့ဝှက်ချက်ဟုဆိုကာ ဖြေကြားရန် ရှောင်လွှဲသွားခဲ့၏။

    မုသာဝါဒီ အာဏာပိုင်များ
    ————————-
    ဘန်၏ ပျောက်ခြင်းမလှ ပျောက်ကွယ်မှု၏နောက် လုပ်သားတို့သည် ဇူလိုင်လတွင် စတင်ဆန္ဒပြခဲ့သည်။ သို့သော် သူတို့၏အမျက်ဒေါသမှာ Master Sports ကိုသာမက မြန်မာအစိုးရအပေါ်သို့လည်း ဦးတည်ခဲ့သည်။

    မဇ္ဈိမသတင်းဌာန၏ YouTube ဗီဒီယိုကလစ်တစ်ခုတွင် ၂၀၁၄ ဇူလိုင် ၁၇ ဆန္ဒပြပွဲ၌ Master Sports လုပ်သားများက အချက်များစွာ တောင်းဆိုသည်ကို တွေ့ရသည်။ Master Sports အား အရေးယူ၍ အမည်ပျက်စာရင်းသွင်းရန်၊ တောင်ကိုးရီးယားလုပ်ငန်းရှင်ထံမှ လာဘ်ယူထားသော အစိုးရအာဏာပိုင်များကိုလည်း ပြစ်ဒဏ်ချမှတ်ပေးရန်တို့ ပါဝင်သည်။

    “မြန်မာနိုင်ငံမှာတော့ ဒီပြဿနာတွေက ဖြစ်နေမှာပဲ။ ဘာဖြစ်လို့လဲဆိုတော့ အဲ့ဒါနဲ့ပတ်သက်ပြီး ပြည်တွင်းဥပဒေတွေ မရှိဘူး။ ပြီးတော့ အစိုးရနဲ့ ကုမ္ပဏီပိုင်ရှင်တွေက နားလည်မှုဆိုင်ရာ လာဘ်ပေးလာဘ်ယူကဏ္ဍတွေ ဖြစ်နေကြတယ်။ ဒါကြောင့် လာဘ်စားတဲ့ အာဏာပိုင်တွေကို ပြစ်ဒဏ်ပေးဖို့ တောင်းဆိုမှုတွေ ပါဝင်လာရတာပါပဲ” ဟု လုပ်သားများဖက်မှ ရှေ့နေအဖြစ်ဆောင်ရွက်သူ ဦးဌေးက ဆိုသည်။

    Master Sports စက်ရုံဖွင့်လှစ်ခြင်း၌ လာဘ်ပေးလာဘ်ယူကိစ္စ ပါဝင်ခြင်းရှိမရှိပင် တပ်အပ်မဆိုနိုင်ကြောင်း အချို့ကဆိုသည်။

    သို့သော် Transparency International မှ အကျင့်ပျက်ခြစားမှု အခြေပြနိုင်ငံစာရင်း ၁၇၇ နိုင်ငံ၌ မြန်မာနိုင်ငံအား အဆင့် ၁၅၇ တွင် ၂၀၁၃ ခုနှစ်က သတ်မှတ်ဖော်ပြခဲ့သလို၊ BBC ကလည်း မြန်မာပြည်နှင့်စပ်လျဉ်း၍ “အခရာကျသည့် စက်မှုလုပ်ငန်းများကို စစ်တပ်မှ ယခင်ကတည်းကပင် ထိန်းချုပ်ထားပြီး အကျင့်ပျက်ခြစားမှုမှာ ထမင်းစားရေသောက်သဖွယ် ဖြစ်နေသည်” ဟု ရှင်းပြတ်စွာ ဖော်ပြခဲ့သည်။

    ၂၀၁၄ ခုနှစ် ဇွန်လ ၅ ရက်တွင် နိုင်ငံခြား ၀င်ငွေ ဆွဲဆောင်ရေး ရည်မျှော်ချက်ဖြင့် ရင်းနှီးမြုပ်နှံမှုတိုးမြင့်ရေးနှင့်ကာကွယ်ပေးရေးဆိုင်ရာ သဘောတူညီချက်တစ်ရပ်ကို တောင်ကိုးရီးယားနိုင်ငံနှင့် သဘောတူ လက်မှတ်ရေးထိုးလိုက်ပြီး ရက်အနည်းငယ်အတွင်း Master Sports ၏ ရုပ်ပျက်ဆင်းပျက်ဖြစ်စဉ် ပေါ်ပေါက်ခြင်းက အစိုးရပိုင်းအဖို့ ပို၍ လူသိရှင်ကြား ဆိုးဝါးသွားပါသည်။

    နှစ်နိုင်ငံအကြားစီးပွားရေး ဆက်ဆံမှုကို ယင်းပဋိညာဉ်အားဖြင့် ပိုမိုနွေးထွေးစေရန် မျှော်လင့်ထားကြ၍ ဖြစ်သည်။

    တောင်ကိုးရီးယားသံရုံးသည် ၎င်းတို့၏၀က်ဘ်ဆိုဒ်ပေါ်တွင် “ကျွန်ုပ်တို့ တောင်ကိုးရီးယား ကော်ပိုရေးရှင်းများ မြန်မာပြည်အတွင်း အောင်မြင်စွာ တိုးချဲ့သွားနိုင်ရန် မျှော်လင့်ကြောင်း” ဟူ၍ အထူးသတင်းကောင်းအဖြစ် ဖော်ပြခဲ့သည်။

    အမျက်သင့်ပေါက်ကွဲလာမှုအား ဖြေလျှော့ရန် အတွက် အလုပ်သမား၊ အလုပ်အကိုင်ရှာဖွေရေးနှင့် လူမှုဖုံလုံရေးဝန်ကြီးဌာနသည် Master Sports အနေဖြင့် လုပ်သားများ၏ လူမှုဖူလုံရေး အပေါ် အပြည့်အ၀ဆောင်ရွက်ပေးရန် တိုက်တွန်းချက်တစ်ရပ်ကို ဇူလိုင်လ ၁၉ ရက်တွင် ထုတ်ပြန်ခဲ့သည်ဟု DVB သတင်းဌာနမှ ဖော်ပြခဲ့သည်။

    အစိုးရဖက်ကလည်း ဂျောင် အပါအ၀င် ကုမ္ပဏီအရာရှိနှစ်ဦးကို အလုပ်သမားဥပဒေချိုးဖောက်မှုဖြင့် အရေးယူခဲ့သည်။

    ရှေ့ဆက်ပြီး ရှောင်တိမ်းနေသူ စက်ရုံ၏ CEO ဘန်အင်ဟိုအား မြန်မာပြည်သို့ပြန်လာ၍ အစစ်ဆေးခံရန် တောင်ကိုးရီးယားသံရုံးမှ ဆင့်ဆိုဖို့ မေတ္တာရပ်ခံသော်လည်း အရာမရောက်ခဲ့ချေ။

    “ဘန်အင်ဟိုကို ဆင့်ဆိုမယ့်ကိစ္စနဲ့ပတ်သက်ပြီး ကျွန်တော်တို့ မလုပ်ဆောင်နိုင်ပါဘူး။ မကူညီနိုင်ပါဘူး။ ဒါက ရာဇ၀တ်မှု မဟုတ်တဲ့အပြင် ဥပဒေကြောင်းအရ ကျွန်တော်တို့ ပါဝင်စွက်ဖက်ခွင့် မရှိလို့ဖြစ်ပါတယ်။ သို့သော် သံရုံးကနေ ဘန်ရဲ့ တောင်ကိုးရီးယားမိုဘိုင်းဖုန်းကို ကြိမ်ဖန်များစွာ ခေါ်ဆိုပေမယ့် အဆက်အသွယ် မရရှိခဲ့ပါဘူး” ဟု တောင်ကိုးရီးယားသံရုံးဝန်ထမ်းတစ်ဦးမှ Equal Times သို့ ပြောကြားသည်။

    စက်တင်ဘာလလယ်တွင် အနေအထားက ဆင့်ကဲဆိုးဝါးလာသည်။ စက်ရုံသို့ စစ်ဆေးရေး ၀င်ရောက်စဉ် လုပ်သားများနှင့် အာဏာပိုင်အရာရှိများ ထိပ်တိုက်တိုးရာမှ ရဲဝန်ထမ်း ၇ ဦး ထိခိုက်ဒဏ်ရာရရှိပြီး၊ စက်ရုံနှင့်လုပ်ငန်းစစ်ဆေးရေးဒါရိုက်တာ ဦးဝင်းရှိန်မှာ ဓားစာခံပြုလုပ်ခံရကြောင်း သတင်းထွက်ရှိလာသည်။ သို့သော် အလုပ်သမားများက ယင်းသို့မဟုတ်ကြောင်း ငြင်းဆိုထားသည်။

    စက်ရုံမှ လုပ်သားတို့၏လစာများ၊ ရုတ်တရက်ရပ်တန့်မှုအတွက် နစ်နာကြေးများပေးရန် ပျက်ကွက်ပြီးနောက် နောက်ဆုံးတွင် စက်တင်ဘာ ၁၉ ရက်၌ အလုပ်သမားဝန်ကြီးဌာနမှ စက်ရုံအား ငွေကြေးအဖြစ်ပြန်ဖော်ရန် ကြေငြာခဲ့သည်။

    စက်ရုံပိုင်ပစ္စည်းများ လေလံတင်ရောင်းချမှုကို အောက်တိုဘာ ၉ ရက်တွင် သတ်မှတ်လိုက်သည်။ လုပ်သားများအားလုံးကို လုံလောက်စွာ နစ်နာကြေးပေးနိုင်လောက်သည့်အထိ ပမာဏတစ်ရပ်ဖြင့် စက်ရုံနှင့်ပစ္စည်းအပေါင်းကို ၀ယ်လက်တစ်ဦးတည်းမှ ရယူခဲ့သည်။ ထို့နောက် အခြေအနေကို ထိန်းချုပ်နိုင်ခဲ့သည်။

    အနာဂတ်စော်ကားချက် ကာကွယ်တားဆီးရေး
    ———————————————-
    Master Sports လုပ်သားများအဖို့ ၎င်းမှာ သတင်းကောင်းဖြစ်ပေသည်။

    သို့သော် မြန်မာနိုင်ငံသည် ပြည်တွင်း၌ ရင်းနှီးမြုပ်နှံလိုသူ ပြည်ပ လုပ်ငန်းရှင်များအား လောက်လောက်လားလား စိစစ်မှု မပြုသေးသကဲ့သို့ အလုပ်သမားအခွင့်အရေးကို အပြည့်အ၀ကာကွယ်ပေးသော လုပ်သားဥပဒေများလည်း မရှိသေးချေ။

    လုပ်သားငှားရမ်းမှု သဘောတူညီချက်အား လုပ်ငန်းရှင်ဖက်မှ အဆုံးသတ် ရပ်တန့်ခဲ့သော် အလုပ်သမားကို တစ်လကြိုတင် အကြောင်းကြားပြီး၊ ချုပ်ဆိုထားသော သက်တမ်းကာလ အပြည့်အထိ လစာကို တွက်ပေးရန် အလုပ်သမားရေးရာ အာဏာပိုင်များက တိုက်တွန်းကျင့်သုံးသည့် လုပ်ထုံးရှိသည်ဟု အလုပ်သမားရေးရာ တက်ကြွလှုပ်ရှားသူနှင့်သုတေသီ တောင်ကိုးရီးယားသား ဂျင်ယောင်ပတ်က ရေးသားထားသည်။

    အမေရိကန် သမ္မတ ဘားရက် အိုဘားမား ကလည်း ပြန်လည်ပြုပြင်ရေး လုပ်ငန်းစဉ်နှောင့်နှေးနေသည်ကို တွေ့မြင်ရသည့် အတွက် မြန်မာနိုင်ငံအပေါ် စီးပွားရေးပိတ်ဆို့မှုအချို့ကို နောက်ထပ် တစ်နှစ် တိုးမြှင့်လိုက်ကြောင်း မေလက ဆုံးဖြတ်လိုက်သည်။ သူသည် လာမည့်နိုဝင်ဘာလအတွင်း မြန်မာနိုင်ငံသို့ ဒုတိယအကြိမ် အလည်အပတ်လာရောက်ရန်ရှိနေသည်။

    မြန်မာနိုင်ငံ၏ အလုပ်သမားဆိုင်ရာ ကိစ္စများ တိုးတက်မြှင့်တင်ရေးအတွက် အမေရိကန် ဦးဆောင်သော ပံ့ပိုးကူညီမှုများ ရှိနေသည့်တိုင် အခြေခံအလုပ်သမား လူတန်းစားတို့၏ဘ၀များအပေါ် မည်သို့ သက်ရောက်စေမည်ကိုမူ ရှင်းလင်းစွာ မသိရသေးပေ။

    ပို၍အရေးကြီးသည်မှာ မြန်မာနိုင်ငံအတွင်း တိုက်ရိုက်ရင်းနှီးမြှုပ်နှံသူ အဓိကဇာတ်ကောင်များ၏ သဘောထားပင်။

    တောင်ကိုးရီးယားကတော့ ၎င်းတို့၏ ကုမ္ပဏီတို့အပေါ် ပြည်ပဥပဒေစည်းမျဉ်းများအတိုင်း မဆောင်ရွက်စေရန် ရင်းနှီးမြှုပ်နှံမှုကို အကန့်အသတ်နှင့် ပြုခိုင်းထား၏။

    မြန်မာနိုင်ငံရှိ ကိုးရီးယားကုန်သွယ်မှုနှင့် ရင်းနှီးမြုပ်နှံမှုတိုးမြင့်ရေးအေဂျင်စီရုံး၏ တာဝန်ရှိသူတစ်ဦးက Master Sports နှင့်ပတ်သက်၍ ကိုးရီးယားသံရုံးသို့မေးမြန်းသည့် မေးခွန်းအားလုံးအပေါ် “ကျွန်တော်တို့ကတော့ အဲ့ဒီကိစ္စထဲ ပါဝင်ပတ်သက်မှု မရှိခဲ့ဘူး၊ အဲ့ဒီ ကုမ္ပဏီကိုလည်း အားပေးကူညီခဲ့တာလည်း မရှိဘူး” ဟု ဖော်ပြခဲ့သည်။

    တောင်ကိုးရီးယားသံရုံးကလည်း အလားတူစွာပင် ယင်းပြဿနာကိုကိုင်တွယ်ရန် တာဝန် မယူခဲ့ချေ။

    လက်ကိုင်ပြုရန်ဥပဒေ မရှိခြင်း၊ အကျင့်ပျက်ခြစားမှုရောဂါ ပျံ့နှံ့နေခြင်း၊ ဖိနှိပ်နိုင်ငံရေးစနစ် အစရှိသောအချက်များက မြန်မာလုပ်သားတို့၏အခြေအနေကို တိုးတက်စေလိမ့်မည် မဟုတ်တော့၊ အခြေခံစနစ်တစ်ရပ်လုံးအား ဒီမိုကရေစီပုံသွင်းနိုင်မှ သိသာထင်ရှားစွာ ပြောင်းလဲနိုင်ပေလိမ့်မည်။

    နိုင်ငံတကာ စီးပွားရေးလုပ်ငန်းစုများကို စောင့်ကြည့်လေ့လာနေသော NGO အဖွဲ့ Korean House for International Solidarity (KHIS) ၏ အလုပ်အမှုဆောင်ဒါရိုက်တာ မီကျွမ်းချိုးမှလည်း အလားတူအမြင်ရှိနေကြောင်း ပြောဆိုလိုက်သည်။

    “ကိုးရီးယားကုမ္ပဏီတွေက ဒီမိုကရေစီအဆင့် အင်မတန်နိမ့်ကျလွန်းတဲ့ နိုင်ငံတွေကိုသွားပြီး  ရသမျှ အမြတ်ထုတ်လေ့ရှိကြပါတယ်။ ပထမဆုံး ထိပ်တန်းဦးစားပေးဆွေးနွေးဖို့ လိုအပ်နေတာကတော့ မြန်မာနိုင်ငံရဲ့ ဒီမိုကရေစီဖော်ဆောင်မှု အတိုင်းအတာပါပဲ။ သို့မှသာ ဒေသခံပြည်သူတွေအနေနဲ့ ကိုယ်ပိုင်ရပ်တည်မှုကို ဖော်ဆောင်နိုင်ပြီး ဖိနှိပ်စော်ကားမှုကို တွန်းလှန်ဖယ်ရှားနိုင်မှာ ဖြစ်ပါတယ်”။

    xxxxxxxxxxxxxxxxxxxxxx

    Equal Times မှဖော်ပြသော  Se-Woong Koo ၏ “Myanmar: where workers pay the price for FDI” ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုရေးသားသည်။

  • နိုင်ငံတကာ အလုပ်သမားညီလာခံ တက်ရောက်မည့် ကိုယ်စားလှယ် အစိုးရ ရွေးချယ်မှု အလုပ်သမားသမဂ္ဂ အဖွဲ့များ ကန့်ကွက်

    ဧပြီ ၄၊ ၂၀၁၄
    M-Media
    လမင်း

    ရန်ကုန်  ။      ။း ၂၀၁၄ ခုနှစ်အတွက် ဂျီနီဗာမြို့တွင် ပြုလုပ်မည့် အပြည်ပြည်ဆိုင်ရာ အလုပ်သမား ညီလာခံ သို့ သွားရောက်မည အလုပ်သမားထု ကိုယ်စားလှယ်အာ့် ရွေးချယ်ခွင့်နှင့် ပတ်သက်ပြီး အစိုးရမှရွေးချယ် ကန့်သတ်မည့် အပေါ် မြန်မာနိုင်ငံအလုပ်သမား အဖွဲ့ချုပ် ဥက္ကဌ ဦးအောင်သိန်းလင်းက အလုပ်သမားတွေက ခေါင်းဆောင်ရွေးချယ်ပိုင်ခွင့် မရှိတာဟာ အလုပ်သမားထုကို စော်ကားရာရောက် ပါတယ်လို့ ပြောခဲ့သည်။

    DSC00584

    ဦးအောင်သိန်းလင်းသည် ယနေ့ပြုလုပ်သော အပြည်ပြည်ဆိုင်ရာ အလုပ်သမားညီလာခံသို့ တက်ရောက်မည့် မြန်မာအလုပ်သမား ကိုယ်စားလှယ်ရွေးချယ်မှု ဆိုင်ရာ သတင်းစာ ရှင်းလင်းပွဲတွင် ပြောကြားခဲ့ခြင်း ဖြစ်သည်။ “အစိုးရအနေနဲ့ အလုပ်သမားတွ တန်ဖိုးကိုမြှင့်တင်ပေးပြီး လွတ်လပ်စွာ ရွေးချယ်ခွင့်ပေးရမှာဖြစ်တယ်။ ဟိုကိုရောက်သွားမဲ့သူက မြန်မာပြည်မှာ ဖြစ်ပျက်နေတာတွေကို အားလုံး သိအောင် ပြောပြရမှာဖြစ်တယ်။ အစိုးရကသာ ရွေးချယ်ပေးမယ် ဆိုရင် အစိုးရရဲ့ အာဘော်တွေပဲ ဖြစ်လာမှာဖြစ်တယ်”ဟု ၎င်းက ဆက်လက်ပြောကြားခဲ့သည်။

    ၂၀၁၄ ခုနှစ် ဇွန်လတွင် ဂျနီဗာနိုင်ငံ၌ပြုလုပ်မည့် အပြည်ပြည်ဆိုင်ရာ အလုပ်သမားညီလာခံသို့ တက်ရောက်ရန် အလုပ်သမား ခေါင်းဆောင်တစ်ဦးကို သက်ဆိုင်ရာ အစိုးရမှ ရွေးချယ်ပေးမည်ဆိုခြင်းကို အလုပ်သမား သမဂ္ဂ အဖွဲ့များမှ ပြင်းထန်စွာ ကန့်ကွက်ရှုတ်ချခဲ့ကြသည်။

    “အလုပ်သမားတွေ မရွေးချယ်ပေးလိုက်တဲ့လူဆိုရင် အလုပ်သမားတွေ အတွက်နစ်နာသွားပါ့မယ်။ ဒီမှာဖြစ်နေတဲ့ အသံတွေ ပြဿနာတွေ ပါသွားမှာမဟုတ်ပါဘူး။ အစိုးရဖက်က ဒီမိုကရေစီ အခွင့်အရေးကို အပြည့်အ၀မပေးနိုင်တဲ့သဘောပါ။ သွားရမယ့် ကိုယ်စားလှယ် အလုပ်သမား အစစ်အမှန်ဖြစ်ပြီး အလုပ်သမားထုကထောက်ခံတာ ပဲဖြစ်သင့်တယ်”ဟု အလုပ်သမား ကာကွယ်ရေး မြှင့်တင်သူများအဖွဲ့မှ ဒေါ်အိရွှေစင်ညွန့် ကပြောခဲ့သည်။

    မြန်မာနိုင်ငံသည် အပြည်ပြည်ဆိုင်ရာ အလုပ်သမားညီလာခံသို့ ၂၀၁၂ ခုနှစ်မှစတင် တက်ရောက်ခဲ့ပြီး ၎င်းညီလာခံသို့ မြန်မာနိုင်ငံမှ အလုပ်သမား ကိုယ်စားလှယ်တစ်ဦး၊ အလုပ်ရှင်ကိုယ်စားလှယ်တစ်ဦးနှင့် အစိုးရမှတာဝန်ရှိ ပုဂ္ဂိုလ်နှစ်ဦး တက်ရောက်ရမည် ဖြစ်ကြောင်းသိရသည်။ ၎င်းညီလာခံတွင်နိုင်ငံပေါင်း ၁၈၆ နိုင်ငံကျော်မှ တက်ရောက်ပြီး အလုပ်သမားများ အခွင့်အရေး အတွက် ဆွေးနွေးသွားကြမည် ဖြစ်ကြောင်းသိရသည်။

  • အင်ဒိုနီရှားနိုင်ငံသို့ ရေပိုင်နက် ကျူးကျော်မှုဖြင့် ဖမ်းဆီး ထိန်းသိမ်းခံရသော မြန်မာရေလုပ်သားများ မိမိနေရပ်သို့ ပြန်လည်ရောက်ရှိ

    အင်ဒိုနီရှားနိုင်ငံသို့ ရေပိုင်နက် ကျူးကျော်မှုဖြင့် ဖမ်းဆီး ထိန်းသိမ်းခံရသော မြန်မာရေလုပ်သားများ မိမိနေရပ်သို့ ပြန်လည်ရောက်ရှိ

    စက်တင်ဘာ-၁၀၊ ၂၀၁၃
    M-Media
    သတင်း – ဆူးထက်

    ရန်ကုန်  ။        ။      အင်ဒိုနီရှားနိုင်ငံ၊ ဆာတန်း ဆိပ်ကမ်းမြို့တွင် ရေပိုင်နက် ကျူးကျော်၍ ငါးဖမ်းမှုဖြင့် ထိန်းသိမ်းခံနေရသော မြန်မာရေလုပ်သားများသည် စက်တင်ဘာ ၉-ရက်နေ့၊ မွန်းတည့် ၁၂-နာရီက မင်္ဂလာဒုံ လေဆိပ်သို့ ပြန်လည် ရောက်ရှိခဲ့ကြပါသည်။

    “ထိုင်းနိုင်ငံက သင်္ဘောမှာ သူ့နည်းသူ့ဟန်နဲ့ တရားဝင်ရော တရားမ၀င်ရော သွားလုပ်နေကြတယ်။ အဲဒီတော့ အဲဒီ့နိုင်ငံက ငါးဖမ်း သဘောင်္ပိုင်ရှင်က သူကလည်း ငါးရှိတဲ့နေရာကို လိုက်ရှာမယ်။ ရှာတော့ အခြားနိုင်ငံရဲ့ ရေပြင်ကို သွားတော့ အဲဒီနိုင်ငံရဲ့ဥပဒေအရ အရေးယူ ခံရမယ်။ ဒါတွေ ဘာကြောင့် ဖြစ်နေတာလဲဆိုတော့ ကျွန်တော်တို့နိုင်ငံမှာ အလုပ်အကိုင် အခွင့်အလမ်း နည်းသေးလို့ ၊ အလုပ်အကိုင် ရှားပါးလို့ အခုလို အခြားနိုင်ငံမှာ သွားလုပ်နေကြရတာ ဖြစ်တယ်”ဟု မြန်မာနိုင်ငံ ငါးလုပ်ငန်း အဖွဲ့ချုပ်မှ ဒု-ဥက္ကဌ ဦးကြီးငွေက M-Media သို့ပြောကြားလိုက်သည်။

    မြန်မာပြည်တွင် အလုပ်ကြမ်း လုပ်ကိုင်သူများမှာ တနေ့လျှင် ၀င်ငွေ-၁၅၀၀၊ ၂၀၀၀-ခန့်သာရရှိ၍ မိသားစု စားဝတ်နေရေး မပြေလည်ကြောင်း၊ ၀င်ငွေ ပိုရသော ဆီသို့ နည်းလမ်းပေါင်းစုံနှင့် သွားရောက် လုပ်ကိုင်နေကြကြောင်း၊ ကရင်ပြည်နယ်၊ မွန်ပြည်နယ်များတွင် အမျိုးသားများမှာ တစ်ဖက်ကမ်းမှာ ရှိသော အခြားနိုင်ငံမှာ သွားအလုပ် လုပ်ကိုင် နေကြသည်ကို တွေ့ရှိရကြောင်း ၎င်းက သုံးသပ်ပြောကြားသည်။

    “ထိုင်းနိုင်ငံ ငါးဖမ်းစက်လှေပေါ်ကို လူမှောင်ခို ပွဲစားတွေက ရောင်းစားခဲ့တယ်။ လုပ်ခ ကောင်းကောင်းမရဘူး။ ကမ်းကို ဆင်းခွင့်မပေးဘူး။ သဘောံ ပေါ်မှာ တော်တော်ဒုက္ခရောက်ရတယ်။ ဒုက္ခရောက်လို့ ကိုယ့်နိုင်ငံ ပြန်ချင်တယ် မလုပ်ချင်တော့ဘူး ဆိုရင်လည်း ငြင်းလို့မရဘူး။ နိုင်ငံရပ်ခြားဆိုတာကြီး ကို ကြောက်သွားပါပြီဗျာ။ ဒီမှာပဲ ရရ အလုပ်လုပ်ပြီး မိသားစုနဲ့ မခွဲမခွာနေတော့မယ်” ဟု ကော့သောင်းမြို့က ရေလုပ်သား တစ်ဦး ဖြစ်သော ကိုမိုးသက်က M-Media သို့ပြောသည်။

    မြန်မာနိုင်ငံ ငါးလုပ်ငန်း အဖွဲ့ချုပ်မှ တာဝန်ရှိသူ တစ်ဦးက ” ကိုယ့်နိုင်ငံသားတွေ သူများနိုင်ငံမှာ ဒုက္ခရောက်ရတဲ့ အဖြစ်မျိုး၊ မသိနားမလည်ဘဲ ပြစ်မှု ကျူးလွန်မိတဲ့ အဖြစ်မျိုး မဖြစ်စေချင်ဘူး။ အထူးသဖြင့် ပြည်ပနိုင်ငံတွေမှာ ပြစ်ဒဏ်ချခံရတဲ့အဖြစ်မျိုး၊ နောက် သူများ နှိပ်စက်ခံရတဲ့ အဖြစ်မျိုး မဖြစ် စေချင်ဘူး” ဟု မီဒီယာ များသို့ ပြောသည်။

    “သဘောင်္ပေါ်မှာ အလုပ်လုပ်တာ ၁၁-ရက်လောက်ပဲ ရှိသေးတယ်။ ရေပိုင်နက် ကျူးကျော်လို့ အင်ဒိုနီးရှားနိုင်ငံက ထိန်းသိမ်းခဲ့တယ်။ ကျွန်တော်တို့ ကတော့ ပိုက်ချ ငါးရွေး အလုပ်ကို လုပ်ရတာ ဆိုတော့ သူများ ရေပိုင်နက်ထဲ ရောက်တယ်၊ မရောက်ဘူး ဆိုတာကို မသိပါဘူး။ အဆက်အသွယ် မရလို့ အင်ဒိုနီရှား ကျွန်းမှာ ၈-လလောက် နေခဲ့ရတယ်။ ဒုက္ခရောက်တဲ့အချိန်မှာ နိုင်ငံတော် အစိုးရ ကူညီလို့ ပြန်ရောက်ခဲ့တာပါ။”

    ယင်း ရေလုပ်သားများကို လူမှုဝန်ထမ်း ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန၊ ကယ်ဆယ်ရေးနှင့် ပြန်လည် နေရာ ချထားရေး ဦးစီးဌာန၊ မြန်မာနိုင်ငံ ငါးလုပ်ငန်း အဖွဲ့ချုပ်တို့မှ သွားရောက်တွေ့ဆုံ ကြိုဆို၍ ၎င်းတို့နေထိုင်ရာ အရပ်ဒေသ အသီးသီးသို့ ပြန်လည် ရောက်ရှိရေး အတွက် ကိုယ်စားလှယ်များထံ အလှူငွေများ ပေးအပ်ခဲ့ကြောင်း သိရသည်။

    တနလာင်္ရီတိုင်းမှ ရေလုပ်သား ၁၂-ဦး၊ ပဲခူးတိုင်းမှ ၆-ဦး၊ မွန်ပြည်နယ်မှ ၅-ဦး၊ ကရင်ပြည်နယ်မှ ၄-ဦး၊ ဧရာဝတီတိုင်းမှ ၃-ဦး၊ မန္တလေးတိုင်းမှ ၁-ဦး၊ မကွေးတိုင်းမှ ၁-ဦး၊ ရန်ကုန်တိုင်းမှ ၅-ဦး၊ စုစုပေါင်း (၃၇)ဦး ပြန်လည်ရောက်ရှိခဲ့ကြောင်း သတင်းရရှိသည်။

    အင်ဒိုနီးရှား အစိုးရ အနေဖြင့် လူဝင်မှု ထိန်းသိမ်းရေး စခန်းတွင် ထိန်းသိမ်းခြင်း ခံနေရသော မြန်မာနိုင်ငံသား ရေလုပ်သားများကို ဖမ်းဆီး အရေးယူ ခြင်း မပြုဘဲသက်ဆိုင်ရာ မြန်မာသံရုံးများသို့ အကြောင်းကြားကာ တွေ့ဆုံညှိုနှိုင်း၍ ၎င်းတို့ကို ပေးအပ်ခဲ့ကြောင်း၊ နိုင်ငံတော် အစိုးရ အနေဖြင့် ကုန်ကျ စရိတ်များကို နိုင်ငံတော်မှ ကျခံ ပေးခဲ့ကြောင်းလည်း သိရသည်။

  • ဟုန်ရှင်းစက်ရုံ အလုပ်သမားများ သပိတ်စခန်း ပိတ်သိမ်း

    စက်တင်ဘာ ၂၃၊ ၂၀၁၃၊
    M-Media
    လင်းလင်း
    02
    ရန်ကုန် ။ ။ တောင်ဒဂုံ စက်မှုဇုံရှိ ဟုန်ရှင်းအအေးခန်းစက်ရုံမှ စက်ရုံပိတ်သိမ်းမည်ဆိုကာ အလုပ်ထုတ်ခံလိုက်ရသော စက်ရုံ ၀န်ထမ်းများသည် သူတို့အား အလုပ်ပြန်ခန့်ရန်အတွက် မနေ့က နေ့လည် ၂း၃၀-နာရီမှ စတင်ကာ ရန်ကုန်မြို့တော်ခန်းမရှေ့တွင် ဆန္ဒပြခဲ့ကြပါတယ်။

    ဟုန်ရှင်းအအေးခန်းစက်ရုံသည် စက်ရုံပိတ်သိမ်းတော့မည်ဟုဆိုကာ အလုပ်သမားများ ၂၀၀-ကျော်အား အလုပ်ဖြုတ်ခဲ့ကာ လျော်ကြေးပေးခဲ့ကြောင်း၊ ဟုန်ရှင်းအအေးခန်းစက်ရုံသည် ပိတ်သိမ်းတော့မည်မဟုတ်တော့ပဲ နာမည်ပြောင်းလဲ ဖွင့်လှစ်မည်ဖြစ်သဖြင့် အလုပ်သမားအများစုမှ လျော်ကြေးမလိုချင်ပဲ အလုပ်ပြန်လည်ခန့်ထားမှုကိုသာ လိုချင်ကြောင်း ဆန္ဒထုတ်ဖော်ကာ မနေ့ နေ့လည်မှစတင်၍ သပိတ်စခန်းဖွင့်လိုက်ခြင်း ဖြစ်ပါတယ်။ ယနေ့ညနေပိုင်းမှာတော့ သပိတ်စခန်းရုပ်သိမ်းသွားပြီဖြစ်ပါတယ်။
    ယနေ့ နေ့လည်ပိုင်းက သပိတ်စခန်းသို့ လွှတ်တော်ကိုယ်စားလှယ် ဒေါ်ခင်ဝိုင်းကြည်၊ ဒေါ်စန္ဒာမင်းနှင့် မြန်မာနိုင်ငံလုံဆိုင်ရာ ကျောင်းသားသမဂ္ဂအဖွဲ့ချုပ်မှ ကိုကျော်ကိုကိုတို့ ရောက်ရှိလာပြီး အလုပ်သမားများအား ငြိမ်းချမ်းစွာ ဖြေရှင်းကြရန်၊ အလုပ်ရှင်နှင့် ညှိနှိုင်းမှုများ ပြုလုပ်ရန် လာရောက်အားပေးမှုများ ပြုလုပ်ခဲ့ပါတယ်။

    “အလုပ်သမားနဲ့ အလုပ်ရှင်ကြားမှာ ပွင့်လင်းမြင်သာမှုရှိရင် တစ်ဖက်နဲ့တစ်ဖက် လိုအပ်တာလေးတွေကို နားလည်မှုနဲ့ ဖြည့်ပေးနိုင်လို့ရှိရင် ကြားထဲမှာ ပြဿနာမရှိဘူး။ အဲဒီတော့ သူနဲ့တိုက်ရိုက်မတွေပဲနဲ့ ကြားထဲက ဥပမာ ရုပ်ပိုင်းဆိုင်ရာ၊ စိတ်ပိုင်းဆိုင်ရာအရ စော်ကားတာတွေပါလာရင် ပြဿနာတက်မယ်လေ။ အဲဒါကြောင့် မနေ့ကပြောလိုက်တယ်လေ ဦးအောင်သိန်းကို ဖုန်းဆက်တော့ ဇုံမှာတောင်ဒဂုံနဲ့ ဒဂုံဆိပ်ကမ်းရဲ့ဇုံ ဥက္ကဋ္ဌရှိတယ်။ သူ့ရှိကိုလဲဖုန်းဆက်ပြီး ပြောပေးပါလို့ ပြောလိုက်တယ်။ အားလုံးအေးဆေးပါ။ တကယ်လို့တွေ့ရလို့ ပြောပြီးပြီ ဆိုရင်တော့ အေးအေးဆေးဆေးနေလိုက်ကြပါလို့ မေတ္တာရပ်ခံတယ်။ အဓိကတော့ သားတို့က သူများလို ထိုင်စားနိုင်တာမဟုတ်ဘူးလေ။ အလုပ်လုပ်မှ စားရမှာလေ အန်တီတို့အနေနဲ့ တင်ပြသင့်တာတင်ပြမယ်၊ တောင်းဆိုသင့်တာတောင်းဆိုမယ်၊ မေတ္တာရပ်ခံသင့်ရင်မေတ္တာ ရပ်ခံမယ်။ သို့သော် အန်တီ အခုဒီကိုလာတာက လွှတ်တော် ကိုယ်စားလှယ်တစ်ယောက်အနေနဲ့လာတာပါ”လို့ လွှတ်တော် ကိုယ်စားလှယ် ဒေါ်ခင်ဝိုင်းကြည်က ပြောကြားခဲ့ပါတယ်။

    လွှတ်တော်ကိုယ်စားလှယ် ဒေါ်စန္ဒာမင်းကလည်း “စပြီးတော့နည်းနည်းလေး နားလည်မှုတွေလွဲပြီ ဆိုကတည်းကိုက အလုပ်ရှင်ကိုယ်တိုင် ဆင်းလာရမယ်။ ဒီလို အလုပ်ရှင်ရဲ့ ကိုယ်စားလှယ်နဲ့ မလွှဲထားရဘူး။ နောက်ပြီးတော့ အလုပ်သမားဦးစီးကလဲ ချက်ချင်းဆင်းပြီးတော့ ရှင်းပေးရမယ်။ ဒီလိုမျိုးမှန်ကန်တဲ့လမ်းကြောင်းကနေ အမြန်ဆုံးနည်းနဲ့ရှင်းပေးလိုက်ရင် ဒီလို ဆန္ဒပြမှုတွေမဖြစ်လာဘူး။ ဒီလိုမဖြေရှင်းပေးတဲ့အတွက် ကျွန်မတို့ အလုပ်သမားတွေဘက်က လယ်သမားဥပဒေကို သွားရတယ် ဥပဒေကိုချိုးဖောက်သလို ဖြစ်သွားတဲ့အခါကျတော့ ပုဒ်မ ၁၈ ကို သွားငြိတာမျိုးတွေ ဖြစ်လာတယ်။ မလိုလားအပ်တဲ့ နောက်ဆက်တွဲ အာဏာပိုင်ကနေ အရေးယူဆောင်ရွက်မှုတွေကလည်း ဆက်ဖြစ်လာတဲ့အခါကျတော့ ကျွန်မတို့ ပြည်သူတွေရဲ့ရင်ထဲမှာ နာကျည်းမှုတွေ ဆက်ပြီးဖြစ်တာမျိုး ကျွန်မတို့မလိုချင်ဘူး။ အဲဒါကြောင့် ဒီနေရာက ကျွန်မရဲ့နယ်မြေတော့မဟုတ်ပါဘူး ကျွန်မတို့ရဲ့ဒေါက်တာမျိုးအောင်ရဲ့နေရာပါ ဒေါက်တာမျိုးအောင်က ခရီးသွားနေလို့ ကျွန်မသူကိုယ်စားလာရောက်ဖြေရှင်းပေးတာပါ။ အခု ကျွန်မအလုပ်သမားတွေဘက်က အကောင်းဆုံးဖြစ်အောင် ကျွန်မလိုက်သွားမယ်၊ လိုက်သွားပြီးကျွန်မဖြေရှင်းပေးပါမယ်။”လို့ Media ကို ပြောပြခဲ့ပါတယ်။

    သူတို့တောင်းဆိုနေတဲ့ လုံခြုံရေးကို တတ်နိုင်သမျှ ကျွန်တော်တို့အနေနဲ့ ရှိတဲ့ကျောငိးသား အရေအတွက်နဲ့ မဟုတ်တာ မမှန်တာတွေ မဖြစ်ရအောင် ဒီမှာ အကြမ်းဖက် တိုက်ခိုက်မှုတွေ မကြုံတွေ့ရအောင် တတ်နိုင်သမျှ ကာကွယ်ပေးနိုင်ရုံနဲ့ နောက်တစ်ချက်ကတော့ သူတို့ရဲ့တောင်းဆိုချက်-၃ ချက်ဖြစ်တဲ့ အလုပ်သမားထုသွေးစည်း ညီညွှတ်ရေး၊ အလုပ်သမား တန်းသူအခွင့်အရေးရရှိရေးနဲ့ ဟုန်ရှင်းစက်ရုံ အလုပ်သမားသမဂ္ဂ မပြိုကွဲရေးကို တောင်းဆိုထားတယ် အဲဒီတောင်းဆိုချက်ကိုထောက်ခံ အားပေးတဲ့ အနေနဲ့ ကြေငြာချက်တွေ ထွက်မယ်။ ပြီးတော့သူတို့ရဲ့သွေးစည်းညီညွှတ်ရေးနဲ့ သူတို့အောင်ပွဲရရှိအောင် ချီတက်နိုင်ဖို့အတွက် ကျွန်တော် စိတ်ဓာတ်ရေးရာအရကူညီပံပိုးသွားနိုင်ပါတယ်။”လို  မြန်မာနိုင်ငံလုံးဆိုင်ရာ ကျောင်းသားသမဂ္ဂ အဖွဲ့ချုပ်မှ ကိုကျော်ကိုကိုကလည်း ပြောကြားခဲ့ပြန်ပါတယ်။

    ဟုန်ရှင်းအအေးခန်းစက်ရုံကို ဆက်လက်၍ ဖွင့်လှစ်သည်ဖြစ်စေ၊ အမည်ပြောင်းလဲ ဖွင့်လှစ်လျှင်ဖြစ်စေ၊ လုပ်ငန်းပြောင်းလဲ ဖွင့်လှစ်လျှင်ဖြစ်စေ ရန်ကုန်တိုင်းအစိုးရအဖွဲ့မှ အရေးယူသွားမည်ဖြစ်ပြီး၊ အလုပ်သမားများ အလုပ်ပြန်လည်ရရှိရေးကိုလည်း ဆောင်ရွက်ပေးသွားမည်ဖြစ်ကြောင်းကို ရန်ကုန်တိုင်းဒေသကြီး အစိုးရ၀န်ကြီး ဦးစိုးမင်းကလည်း ပြောကြားခဲ့ပါတယ်။

    ဓါတ်ပုံများ FB  တွင် ကြည့်လိုလျှင် Link