မေ ၁၈၊ ၂၀၂၀
M-Media

ဂိုးအကျယ်တိုးမြှင့်ရန် သုတေသနပညာရှင်များ လေ့လာဆန်းစစ်နေ

လက်ရှိ ဘောလုံးသမားတွေရဲ့ ပျမ်းမျှအရပ််ဟာ ဘောလုံးအားကစားနည်းစတင်စဉ်က ကစားသမားတွေရဲ့ ပျမ်းမျှအရပ်ထက် ပိုမြင့်တယ်ဆိုရင် ဂိုးအကျယ်ကို ပိုကြီးဖို့ အဆိုပြုမယ်လို့ အမေရိကန်နဲ့ အင်္ဂလန် သုတေသနပညာရှင်တွေက ပြောပါတယ်။ လက်ရှိမှာ ဒီအတွက် သုတေသနလုပ်နေပြီး အရင်ခေတ် ဘောလုံးပို့စ်ကဒ်တွေ၊ ဓာတ်ပုံတွေကို မျှဝေကာ ပူးပေါင်းပါဝင်ပေးကြဖို့လည်း တိုက်တွန်းခဲ့ပါတယ်။ လက်ရှိ ဂိုးတိုင်ဟာ အကျယ် ၂၄ ပေ၊ အမြင့် ၈ ပေ ရှိနေ​ပြီး ၁၈၈၂ ခုနှစ်ကတည်းက သတ်မှတ်ထားတာ ဖြစ်ပါတယ်။

ဆာလာဟ်ကို ဒဏ်ရာရစေသည့် ရာမို့စ်ကို အီတလီနောက်ခံလူ ထောက်ခံ

၂၀၁၈ ချန်ပီယံလိဂ် ဖိုင်နယ်မှာ လီဗာပူးလ်တိုက်စစ်မှူး မိုဟာမက် ဆာလာဟ်အပေါ် ရီးယဲလ်နောက်ခံလူ ရာမို့စ်ရဲ့ တုန့်ပြန်မှုဟာ ဆုံးဖြတ်ချက်ပြတ်သားတဲ့ လုပ်ရပ်မျိုးဖြစ်ပြီး ရာမို့စ်ဟာ အကောင်းဆုံး နောက်ခံလူဖြစ်တယ်လို့ အီတလီနောက်ခံလူဟောင်း ဂျော်ဂျီယို ချီလီနီက ပြောကြားလိုက်ပါတယ်။ ရီးယဲလ်က ၃ ဂိုး ၁ ဂိုးနဲ့ ဗိုလ်စွဲခဲ့တဲ့ အဲဒီပွဲမှာ ပထမပိုင်းစလို့ သိပ်မကြာခင်မှာပဲ ရာမို့စ်ရဲ့ ဆွဲလှဲမှုကြောင့် ဆာလာဟ်ဟာ ပုခုံးဒဏ်ရာရပြီး လူစားလဲခဲ့ရပါတယ်။ ချီလီနီက ရာမို့စ်ဟာ နည်းစနစ်ပိုင်း ကျွမ်းကျင်ပြီး အရေးပါတဲ့ ပြိုင်ပွဲတွေမှာ ဘယ်လို တုန့်ပြန်ရမယ်ဆိုတာကိုလဲ ကောင်းကောင်းသိတယ်လို့ ဆိုပါတယ်။

လာကာဇက် ပူဖေါင်းမှအငွေ့ရှူသည့်ဓာတ်ပုံအတွက် အာဆင်နယ် စုံစမ်းနေ

တိုက်စစ်မှူး လာကာဇက်တစ်​ယောက် ပူဖောင်းကနေ အငွေ့ရှူနေတဲ့ ပုံအတွက် အသင်းအတွင်း စုံစမ်းစစ်ဆေးမှု ပြုလုပ်နေတယ်လို့ အာဆင်နယ်အသင်းက ပြောကြားလိုက်ပါတယ်။ ပူဖောင်းကနေ အငွေ့ရှူကာ ဆိုဖာမှာ လဲလျောင်းနေ ဗီဒီယိုတစ်ခုကို လာကာဇက်က မိတ်ဆွေတွေထံ ပေးပို့ခဲ့ပြီး အဲဒီပုံကို Daily Star သတင်းစာက ရှေ့မျက်နှာဖုံးမှာ ဖော်ပြခဲ့တာပါ။ ဒီဗီဒီယိုကို ဘယ်တုန်းက ရိုက်ကူးတာလဲဆိုတာနဲ့ လာကာဇက် ဘာကိုရှူနေလဲဆိုတာကို အတိအကျ မသိရပါဘူး။ အသင်းက တားမြစ်တဲ့ အပြုအမူမျိုးဆိုရင်တော့ သူဟာ ၂ ပတ်စာ လုပ်ခလစာ ဒဏ်ငွေရိုက်ခံရတဲ့ ပြစ်ဒဏ်မျိုး ကြုံတွေ့ရနိုင်ပါတယ်။

မန်ယူတွင် ပက်ဂျီဆန်က ရော်နယ်ဒိုကဲ့သို့ပင် အရေးပါခဲ့

တောင်ကိုရီးယား ကွယ်လယ်လူ ပက်ဂျီဆန်ဟာ အသင်းမှာ ရော်နယ်ဒိုလိုပဲ အရေးပါတဲ့ ကစားသမားတစ်ယောက် ဖြစ်ခဲ့တယ်လို့ မန်ယူတိုက်စစ်မှူးဟောင်း ဝိန်းရူနီက ပြောကြားလိုက်ပါတယ်။ ၂၀၀၉ ခုနှစ် ရော်နယ်ဒို ရီးယဲလ်မက်ဒရစ်ကို ပြောင်းသွားတဲ့ အချိန်အထိ ပက်ဂျီဆန်နဲ့ ရော်နယ်ဒိုတိုဟာ မန်ယူမှာ ၄ နှစ်တာ ကစားကာ ပရီးမီးယားလိဂ်၊ ချန်ပီယံလိဂ်၊ လိဂ်ဖလားတွေ ရရှိခဲ့ပါတယ်။ ရူနီက ဘောလုံးနိုင်နင်းမှု၊ ဂိုးသွင်းမှု၊ လျင်မြန်မှုတွေကြောင့် ရော်နယ်ဒိုကို လူတွေက သိကြပေမယ့် အုပ်စုဖွဲ့ကစားမှုမှာ ပက်ဂျီဆန်က ရော်နယ်ဒိုလောက်ကို အသင်းအတွက် အရေးပါကြောင်း၊ အသင်းလိုက် အားကစားမှာ မကျော်ကြားတဲ့သူတွေက အသင်းအတွက် ပိုပြီးအရေးပါတတ်ကြောင်း ရူနီက ဆိုပါတယ်။

Ref: Goal

ဧပြီ ၃၀၊ ၂၀၂၀
M-Media

စပါးကိုပြန်လာကာ ဆုဖလားရယူချင်နေသည့် ပိုချက်တီနို

အနာဂတ်မှာ စပါးအသင်းကို ပြန်လာချင်ပြီး အသင်းနဲ့အတူ ဆုဖလားတွေ ရယူချင်တယ်လို့ နည်းပြဟောင်း မော်ရီစီယို ပိုချက်တီနိုက ပြောကြားလိုက်ပါတယ်။

အသင်းကို ၅ နှစ်ကြာ တာဝန်ယူခဲ့တဲ့ ပိုချက်တီနိုဟာ ရလဒ်ဆိုးရွားမှုကြောင့် ပြီးခဲ့တဲ့နှစ် နိုဝင်ဘာလမှာ ထုတ်ပယ်ခံခဲ့ရပါတယ်။ သူကိုင်တွယ်တဲ့အချိန်အတွင်း ပရီးမီးယားလိဂ် ဒုတိယနေရာကို ၂ ကြိမ်၊ တတိယနေရာကို ၁ ကြိမ် ရခဲ့ပြီး၊ ၂၀၁၈-၁၉ ချန်ပီယံလိဂ်မှာ နောက်ဆုံးဗိုလ်လုပ်ပွဲအထိ တက်ရောက်နိုင်ခဲ့ပါတယ်။ ဒါပေမယ့် ဆုဖလားတစ်လုံးမှ ရရှိခြင်းမရှိခဲ့ပါဘူး။

ပိုချက်တီနိုက အသင်းအပေါ်မှာ သံယောဇဉ်ရှိနေဆဲဖြစ်ပြီး ထွက်ခွာပြီးတဲ့နောက် ပြန်လာဖို့သာ အိပ်မက်မက်နေတယ်လို့ ဆိုပါတယ်။

စပိန်လာလီဂါကို ဇွန်လအလယ်ပိုင်းတွင် ပြန်စရန် စီစဉ်

စပိန်လာလီဂါ​ ပြိုင်ပွဲကို လာမယ့် ဇွန်လအလယ်ပိုင်းလောက်မှာ ပြန်လည်စတင်ဖို့ စီစဉ်​နေတယ်လို့ သိရိပါတယ်။

စပိန်ဟာ ကိုရိုနာဗိုင်းရပ်စ်ဒဏ်ကို အဆိုးဝါးဆုံး ခံရတဲ့ ဥရောပနိုင်ငံတွေထဲက တစ်ခုဖြစ်ပါတယ်။ ဗိုင်းရပ်စ်ကြောင့် ဘောလုံးပြိုင်ပွဲတွေကို မတ်လကတည်းက ရပ်ဆိုင်းထားခဲ့ရတာပါ။ အသင်းတွေက ဘောလုံးသမားတွေကို အိမ်မှာပဲ လေ့ကျင့်ခိုင်းထားပါတယ်။

ဒါပေမယ့် နောက်တစ်ပတ်ကစပြီး လေ့ကျင့်ရေးကွင်းတွေမှာ လေ့ကျင်ဖို့ စပိန်ဝန်ကြီးချုပ် ပက်ဒရိုဆန်းချက်က မနေ့မှာ ခွင့်ပြုခဲ့ပါတယ်။ ဘောလုံးသမားတွေဟာ လေ့ကျင့်ရေးမဆင်းခင် အရင်ဆုံး ဗိုင်းရပ်စ် ရှိ၊ မရှိ စစ်ဆေးရမှာ ဖြစ်ပါတယ်။

ကစားသမား ၅ ဦးအထိ ဝယ်ယူရန် မန်ယူကို တိုက်စစ်မှူးဟောင်း တိုက်တွန်း

မန်စီးတီးနဲ့ လီဗာပူးလ်အသင်းတို့ကို လိုက်မီဖို့အတွက် မန်ယူဟာ ကစားသမား ၄ ဦးကနေ၊ ၅ ဦးအထိ ဝယ်ဖို့လိုတယ်လို့ တိုက်စစ်မှူးဟောင်း အန်ဒီကိုးလ်က ပြောကြားလိုက်ပါတယ်။

၂၀၁၃ ခုနှစ် ဆာအဲလက်စ်ဖာဂူဆန် အနားယူသွားပြီးနောက်ပိုင်း မန်ယူဟာ ပရီးမီးယားလိဂ်မှာ ရုန်းကန်ခဲ့ရပြီး ဒေးဗစ်မိုယက်စ်၊ ဗန်ဟားလ်နဲ့ မော်ရင်ဟိုတို့ တာဝန်ယူခဲ့ပေမယ့် အောင်မြင်မှု မရခဲ့ပါဘူး။

အန်ဒီကိုးလ်က ပရီးမီးယားလိဂ်ချန်ပီယံဖြစ်ဖို့ လက်တစ်ကမ်းအလိုရောက်နေတဲ့ လီဗာပူးလ်အသင်း ဒီအခြေအနေကိုရောက်ဖို့ နှစ်ပေါင်း ၃၀ လောက် စောင့်လိုက်ရတာဟာ အသင်းတွေအကြား ကွာဟချက် တစ်ဖြည်းဖြည်း ကြီးမားလာလို့ဖြစ်ကြောင်း၊ မန်ယူဟာ ဒီကွာဟာချက်ကို ဖြည့်ဖို့လိုအပ်ပြီး နိုင်လိုစိတ်ရှိဖို့ လိုအပ်ကြောင်း ထည့်သွင်း ပြောဆိုခ့ဲပါတယ်။

Ref: Goal

mmFootballNews