Tag: LaLiga

သြဂုတ် ၅၊ ၂၀၁၅
M-Media

– ကြီးမားသည့် ဝေဖန်မှုများကို ခံနေရသည့် မက်ဆီနေရာတွင် မိမိသာဖြစ်ပါက လက်ရွေးစင်ကစားသမားဘ၀ကို စွန့်လွှတ်လိမ့်မည်ဟု အာဂျင်တီးနားနည်းပြ မာတီနိုက ပြောကြားလိုက်သည်။

ဘာစီလိုနာတွင် လေးစားခံရသော်လည်း အသက် ၂၈ နှစ်အရွယ် မက်ဆီမှာ နိုင်ငံအသင်းတွင် ဆိုးရွားသည့် တုံ့ပြန်မှုများနှင့် ရင်ဆိုင်နေရပြီး ပြီးခဲ့သည့်နှစ်များအတွင်း အာဂျင်တီးနားအသင်း ဆုတံဆိပ်မရခဲ့မှုအတွက် ဝေဖန်ရေးသမားများနှင့် ပရိတ်သတ်များက မက်ဆီအား ပြစ်တင်ပြောဆိုခဲ့ကြသည်။

အာဂျင်တီးနားထက် ဘာစီလိုနာတွင် ပိုကောင်းအောင် ကစားသည်ဆိုသော ဝေဖန်မှုများက မက်ဆီ၏ ကစားသမားဘ၀ တစ်လျှောက်လုံးတွင် ရှိနေခဲ့ပြီး၊ ယခုနှစ်နွေရာသီ ချီလီ၌ ကျင်းပခဲ့သော ကိုပါအမေရိက ဖလားဗိုလ်လုပွဲတွင် အာဂျင်တီးနားအသင်း ကျရှုံးခဲ့ပြီးနောက်ပိုင်း မက်ဆီအပေါ် ဝေဖန်မှုများက မြင့်တက်လာခဲ့သည်။

၂၀၁၄ ခုနှစ် ကမ္ဘာ့ဖလားပြီးကတည်းက အာဂျင်တီးနားအသင်းအား ပြန်လည်ကိုင်တွယ်ခဲ့သည့် မာတီနိုကမူ အာဂျင်တီးနားပြည်သူများ၏ ဆက်ဆံပုံအတွက် မက်ဆီမှာ စိတ်ပျက်ခွင့်ရှိသည်ဟု ဆိုသည်။

“မက်ဆီရဲ့စွမ်းဆောင်ရည်ကို ဝေဖန်တဲ့သူတွေဟာ ဘောလုံးအကြောင်း ဝေဖန်ဆန်းစစ်ဖို့ မထိုက်တန်ပါဘူး။လက်ရွေးစင်ဘောလုံးအသင်းကနေ အနားယူဖို့ သူ(မက်ဆီ) စဉ်းစားနေတယ်ဆိုတဲ့ စကားဟာ စိတ်ပျက်စရာဖြစ်ပေမယ့် နားလည်လက်ခံနိုင်စရာပါပဲ။ ကျွန်တော်သာ မက်ဆီဖြစ်ရင် အာဂျင်တီးနားအသင်းမှာ ကစားတာကို ရပ်လိုက်တာ ကြာပါပြီ” ဟု မာတီနိုက Fox Sports သို့ ပြောကြားခဲ့သည်။

မက်ဆီမှာ နိုင်ငံအသင်းအတွက် ၁၀၃ ပွဲ ပါဝင်ကစားပေးခဲ့ပြီး ၄၆ ဂိုး သွင်းယူပေးခဲ့သည်။ သို့သော်လည်း နိုင်ငံအသင်းနှင့် ရရှိခဲ့သည့် ဆုတံဆိပ်မှာ ၂၀၀၅ ခုနှစ် ယူ ၂၀ ကမ္ဘာ့ဖလား ချန်ပီယံနှင့် ၂၀၀၈ ခုနှစ် အိုလံပစ်ချန်ပီယံဘွဲ့တို့သာ ရှိနေသည်။

Ref: Goal

ဇူလိုင် ၂၅၊ ၂၀၁၅
M-Media

– ရုပ်သံထုတ်လွှင့်ခွင့် အသစ်အတွက် ပေါင် ၅.၁ ဘီလီယံ ရရှိခဲ့သည့် ပရီးမီးယားလိဂ်၏ ချမ်းသာကြွယ်ဝမှုကို မိမိတို့အနေဖြင့် ယှဉ်ပြိုင်သွားမည်ဟု ဘာစီလိုနာဥက္ကဌ ဂျိုးဆက်ပ်ဘာတိုမြူက ပြောကြားလိုက်သည်။

လာမည့် ၂၀၁၆-၁၇ ဘောလုံးရာသီအတွက် ရရှိခဲ့သည့် အဆိုပါ ရုပ်သံလွှင့်ခွင့် ငွေကြေးကြောင့် ပရီးမီးယားလိဂ်ကလပ်အသင်းများမှာ ဘဏ္ဍာရေးအကျိုးအမြတ်များကို ပိုရမည်ဖြစ်ပြီး ကမ္ဘာ့အကောင်းဆုံး ကစားသမားများမှာလည်း အင်္ဂလန်သို့ ဦးတည်လာနိုင်သည်။

ပြီးခဲ့သည့် ဘောလုံးရာသီများတွင် နေးမာ၊ ဂါရက်ဘေးလ်နှင့် လူးဝစ်ဆွာရက်ဇ်တို့မှာ မြင့်မားသော ပြောင်းရွှေ့ကြေးများဖြင့် စပိန်သို့ ရောက်ရှိလာခြင်းနှင့်အတူ ဘာစီလိုနာနှင့် ရီးယဲလ်မက်ဒရစ်အသင်းတို့မှာ နာမည်ကျော်ကစားသမားများကို ဆွဲဆောင်နိုင်သည့် အသင်းများ ဖြစ်လာခဲ့သည်။

မကြာသေးမီက ဘာစီလိုနာဥက္ကဌအဖြစ် ထပ်မံအရွေးခံခဲ့ရသည့် ဘာတိုမြူကမူ အဆိုပါ ထိပ်တန်းကစားသမားများမှာ စပိန်တွင် ဆက်ရှိနေမည်ဟု ယုံကြည်မှု ရှိနေသော်လည်း ပရီးမီးယားလိဂ်၏ ချမ်းသာကြွဝယ်မှုကိုမူ ၀န်ခံခဲ့သည်။

“ကျွန်တော်တို့ ပရီးမီးယားလိဂ်ကို ယှဉ်ပြိုင်သွားမှာပါ။ ကျွန်တော်တို့ရဲ့လိဂ်မှာ အကောင်းဆုံးကစားသမားတွေ ရှိစေချင်ပါတယ်။ ပရီးမီးယားလိဂ်ဟာ လက်ရှိအချိန်မှာ အကောင်းဆုံးလိဂ်ပြိုင်ပွဲဆိုတာ မှန်ပါတယ်။ အားကစားအရရော၊ ၀င်ငွေအရရောပေါ့။
ပရီးမီးယားလိဂ်ရဲ့ ရုပ်သံလွှင့်ခွင့်စာချုပ်သစ်ဟာ ကျန်တဲ့လိဂ်ပြိုင်ပွဲတွေ လိုက်လုပ်ရမယ့် ကိစ္စတစ်ခုပါ” ဟု ဘာတိုမြူက BBC သို့ ပြောကြားခဲ့သည်။

ထို့ပြင် ဘာစီလိုနာအသင်းကဲ့သို့ အခြားမည်သည့်အသင်းမှ ၀င်ငွေမများဟုလည်း ထည့်သွင်းပြောကြားခဲ့သည်။ ဘာစီလိုနာအသင်းမှာ နည်းပြ လူးဝစ်အန်းရစ်၏ ပထမဆုံးရာသီဖြစ်သော ယမန်နှစ်က ဖလား ၃ လုံး ရရှိခဲ့သည်။

Ref: Goal