News @ M-Media

Tag: Leagueone

  • ပြင်သစ်လီဂူးတွင် Goalline နည်းပညာ အသုံးပြုတော့မည်

    ပြင်သစ်လီဂူးတွင် Goalline နည်းပညာ အသုံးပြုတော့မည်

    ဧပြီ ၁၇၊ ၂၀၁၅
    M-Media

    ligue

    – ဂိုး ၀င်၊ မ၀င် အငြင်းပွားမှုများကို ဖြေရှင်းနိုင်ရန်အတွက် Goalline နည်းပညာကို ပြင်သစ်လီဂူးတွင် လာမည့်ဘောလုံးရာသီ၌
    စတင် အသုံးပြုသွားမည်ဟု ပြင်သစ်ဘောလုံးအဖွဲ့ချုပ် LFP က အတည်ပြုပြောကြားလိုက်သည်။

    ပရီးမီးယားလိဂ်တွင်မူ ဂိုး ၀င်၊ မ၀င် ဆုံးဖြတ်ရန်အတွက် ကင်မရာအခြေပြုစနစ်ကို ၂၀၁၃-၂၀၁၄ ဘောလုံးရာသီကတည်းက အသုံးပြုခဲ့ပြီး၊ စီးရီးအေနှင့် ဘွန်ဒစ်လီဂါတို့တွင်လည်း Goalline နည်းပညာကို အသုံးပြုနေပြီဖြစ်သည်။ ပြင်သစ်ဘောလုံးအဖွဲ့ချုပ်မှ ဘုတ်အဖွဲ့ဝင်များမှာ ထိုကိစ္စအတွက် ယမန်နေ့က တွေ့ဆုံဆွေးနွေးခဲ့ကြပြီး ၂၀၁၅-၂၀၁၆ ဘောလုံးရာသီတွင် Goalline နည်းပညာကို စတင်အသုံးပြုရန် ဆုံးဖြတ်ခဲ့သည်။

    မတ်လက ချန်ပီယံဘွဲ့အတွက် ယှဉ်ပြိုင်နေသည့် မာဆေးလ်နှင့် လိုင်ယွန်အသင်းတို့၏ ဂိုးမရှိသရေပွဲတွင် မားဆေးလ်ကစားသမား လူးကက်စ် အိုကမ်ပို့စ်သွင်းသောဂိုးမှာ ဂိုးစည်းကျော်သွားသော်လည်း ဂိုးမပေးခဲ့သည့် ဖြစ်ရပ် ဖြစ်ပွားပြီးနောက် ပြင်သစ်လီဂူးတွင် Goalline နည်းပညာ အသုံးပြုရန် ကျယ်ကျယ်ပြန့်ပြန့် တိုက်တွန်းဆော်သြလာခဲ့ကြသည်။

    Goalline နည်းပညာမှာ ဘောလုံးအတွင်း လျှပ်စစ် ချစ်ပ်ပြား ထည့်သွင်းထားပြီး ဂိုးတိုင်များတွင် ဆင်ဆာများ တပ်ဆင်ထားကာ ဘောလုံးဂိုးစည်းကျော်သွားပါက ဒိုင်လူကြီးအား အလိုအလျောက် အသိပေး အချက်ပြသော စနစ်ဖြစ်ပြီး ပြီးခဲ့သည့် ၂၀၁၄ ဘရာဇီးလ်ကမ္ဘာ့ဖလားတွင်လည်း အသုံးပြုခဲ့သည်။

    Ref: Goal.com

  • ပြင်သစ်နိုင်ငံအား ဆဲရေးခဲ့သည့် အီဗရာဟီမိုဗစ် ၄ ပွဲပယ်ခံရ

    ပြင်သစ်နိုင်ငံအား ဆဲရေးခဲ့သည့် အီဗရာဟီမိုဗစ် ၄ ပွဲပယ်ခံရ

    ဧပြီ ၁၀၊ ၂၀၁၅
    M-Media

    zlatan-ibrahimovic-paris-saint-germain-psg_1de4pvallx8kp1qh6x9vrmhcod

    – လိဂ်ဝမ်းပွဲစဉ်တစ်ခုတွင် ပြင်သစ်နိုင်ငံအား ဆဲရေးတိုင်းထွာခဲ့သည့် ပီအက်စ်ဂျီတိုက်စစ်မှူး ဇလာတန် အီဗရာဟီမိုဗစ်အား ပြင်သစ်ဘောလုံးအဖွဲ့ချုပ် LFP က ၄ ပွဲပယ်ပြစ်ဒဏ် ချမှတ်လိုက်သည်ဟု သိရသည်။

    ပြီးခဲ့သည့်လက ဘော့ဒိုးအသင်းအား ၃ ဂိုး ၂ ဂိုးဖြင့် ရှုံးနိမ့်ခဲ့သည့်ပွဲတွင် အီဘရာဟီမိုဗစ်မှာ ကွင်းလယ်ဒိုင်လူကြီးကို နှုတ်ဖြင့် စော်ကားပြောဆိုခဲ့ပြီး ပြင်သစ်နိုင်ငံကိုလည်း ဆဲရေးတိုင်းထွာခဲ့ကာ ၎င်း၏ ထိုပြောကြားမှုများကို ရုပ်သံကင်မရာမှ မှတ်တမ်းတင်ထာနိုင်ခဲ့သည်။

    ထိုကဲ့သို့ မဆင်မခြင်ပြောဆိုမှုကြောင့် မိုဗစ်မှာ ဝေဖန်မှုများကို ခံခဲ့ရပြီး ပြင်သစ်ဝန်ကြီးချုပ်ပင် ၎င်းအား ဝေဖန်ပြောဆိုခဲ့သည်။

    မိုဗစ်ကမူ နောက်ပိုင်းတွင် ပြန်လည်တောင်းပန်ခဲ့ပြီး ပြင်သစ်နိုင်ငံအပေါ် ထိုကဲ့သို့ သဘောထားရှိပါက ပီအက်စ်ဂျီအသင်းနှင့်ပင် သက်တမ်းတိုးမည်မဟုတ်ဟု ကာကွယ်ပြောကြားခဲ့သည်။ သို့သော်လည်း ပြင်သစ်ဘောလုံးအဖွဲ့ချုပ်ကမူ အီဗရာဟီမိုဗစ်အား ၄ ပွဲပယ်ရန် ယမန်နေ့က အမိန့်ချမှတ်ခဲ့သည့်အတွက် လာမည့် လိဂ်ဝမ်းပွဲစဉ်များကို လွဲချော်တော့မည်ဖြစ်သည်။

    အင်္ဂါနေ့က ပြင်သစ်ရှုံးထွက်ဖလားတွင် ဟက်ထရစ်သွင်းယူခဲ့ပြီး ပုံစံကောင်းများ ပြသနေသည့် အီဗရာဟီမိုဗစ်၏ ထိုပြစ်ဒဏ်မှာ ပီအက်စ်ဂျီအသင်းအတွက် ထိုးနှက်ချက်လည်း ဖြစ်လာမည်ဖြစ်သည်။

    ပီအက်စ်ဂျီမှာ အမှတ်ပေးဇယားထိပ်တွင် ဒုတိယနေရာမှ လိုင်ယွန်အသင်းအား ၁ မှတ်ဖြတ်၍ ဦးဆောင်နေပြီး ရာသီပြီးဆုံးရန် ၇ ပွဲသာ လိုတော့ကာ အီဗရာဟီမိုဗစ်မှာ ၃ ပွဲသာ ပါဝင်ကစားခွင့်ရတော့မည်ဖြစ်သည်။

    မိုဗစ်မှာ ချန်ပီယံလိဂ် ၁၆ သင်းအဆင့် ဒုတိယအကျော့ ချယ်ဆီးနှင့်ပွဲတွင် အထုတ်ခံရသောကြောင့် လာမည့်သီတင်းပတ်တွင် ကစားမည့် ဘာစီလိုနာနှင့် ကွာတားဖိုင်နယ်တွင်လည်း ပါဝင်ခွင့်ရမည်မဟုတ်ပေ။

    Ref: Goal.com

  • မိမိ၏ အနာဂတ်ကို ရာသီကုန်မှ စဉ်းစားမည်ဟု ကာဘာယီပြော

    မိမိ၏ အနာဂတ်ကို ရာသီကုန်မှ စဉ်းစားမည်ဟု ကာဘာယီပြော

    ဧပြီ ၂၊ ၂၀၁၅
    M-Media

    yohan-cabaye-abdoulaye-doucoure-paris-sg-rennes-ligue-1-30012015_70wn1zmv3sqr13gz9vdcr9fw4

    – အသင်းတွင် ပုံမှန်ပါဝင်ခွင့်မရေသော်လည်း ပီအက်စ်ဂျီနှင့် အနာဂတ်အတွက် ရာသီကုန်တွင် စဉ်းစားသွားမည်ဟုကွင်းလယ်လူ ကာဘာယီက ပြောကြားလိုက်သည်။

    ကာဘာယီမှာ မတ်လ ၁၅ ရက်နေ့က ကစားခဲ့သည့် ဘော့ဒိုးအသင်းနှင့်ပွဲတွင် ဒူး၌ ဒဏ်ရာအနည်းငယ် ရရှိခဲ့ပြီး လက်ရှိအချိန်တွင် လေ့ကျင့်ခန်း ပြန်လည်ဆင်းနေသည်။ သို့သော်လည်း ပြီးခဲ့သည့်နွေရာသီ နယူးကာဆယ်မှ ပီအက်စ်ဂျီသို့ ပြောင်းရွှေ့လာခဲ့ပြီးနောက် အသင်းတွင် ပုံမှန်နေရာမရခဲ့သည့် ကာဘာယီမှာ ကြံ့ခိုင်မှုပြည့်ဝသော်လည်း လာမည့်တနင်္ဂနွေနေ့တွင် ကစားမည့် မာဆေးလ်အသင်းနှင့်ပွဲတွင် ပါဝင်ခွင့်ရရန် မသေချာပေ။

    ထိုသို့ နေရာမရခြင်းကြောင့် အသင်းမှထွက်ခွာတော့မည်ဟု ကောလဟာလများ ထွက်ပေါ်နေသော်လည်း ကာဘာယီကမူ မိမိအနေဖြင့် ဖလား ၄ လုံး လမ်းကြောင်းပေါ်တွင်ရှိနေသည့် အသင်း၏ အဓိကနေရာတွင် ကစားရခြင်းအတွက်သာ စိုးရိမ်မိသည်ဟု ဆိုသည်။

    “ကျွန်တော့်ရဲ့ အနာဂတ်က အသင်းလူစာရင်းမှာ ပြန်ပါဝင်ဖို့ပါ။ အရေးပါတဲ့ပွဲတွေ ကစားဖို့ရှိနေပြီး၊ စိတ်လှုပ်ရှားစရာကောင်းတဲ့ ရာသီအဆုံးပိုင်းကလည်း လာတော့မှာပါ။ ကျွန်တော်တို့ ပြိုင်ပွဲ ၄ ပွဲကို ကစားရမှာပါ။ အဲဒီနောက်မှာတော့ ကိစ္စတွေကိုဆွေးနွေးဖို့အချိန် ရောက်လာပါလိမ့်မယ်။ ဒါပေမယ့် အခုအချိန်မှာတော့ ကျွန်တော့်ရဲ့ အဓိကဦးစားပေးက ပုံစံမှန်ပြန်ရဖို့ပါပဲ” ဟု ကာဘာယီက RMC သို့ ပြောကြားခဲ့သည်။

    ပြင်သစ်လီဂူးတွင် ပြီးခဲ့သည့် ၂ နှစ်ဆက်တိုက် ဗိုလ်စွဲခဲ့သည့် ပီအက်စ်ချီအသင်းမှာ ယခုချိန်တွင် ဒုတိယနေရာမှ လိုင်ယွန်အသင်းကို ၁ မှတ်ဖြတ်၍ အမှတ်ပေးဇယားကို ဦးဆောင်ထားပြီး တတိယနေရာမှ မာဆေးလ်အား ၂ မှတ်ဖြတ်ထားသည်။

    Ref: Goal.com

  • ပြင်သစ်နိုင်ငံနှင့်ပတ်သက်၍ ရင့်သီးစွာ ပြောဆိုခဲ့သည့်အတွက် အီဗရာဟီမိုဗစ် ဝေဖန်ခံနေရ

    ပြင်သစ်နိုင်ငံနှင့်ပတ်သက်၍ ရင့်သီးစွာ ပြောဆိုခဲ့သည့်အတွက် အီဗရာဟီမိုဗစ် ဝေဖန်ခံနေရ

    မတ် ၁၆၊ ၂၀၁၅
    M-Media

    1091982_heroa

    – ပီအက်စ်ဂျီအသင်း၏ ဆွီဒင်တိုက်စစ်မှူး အီဗရာဟီမိုဗစ်က ပြင်သစ်နိုင်ငံမှာ “အသုံးမကျသည့် နိုင်ငံ” ဟု ပြောကြားခဲ့ပြီး ထိုသို့ ပြောကြားမှုအတွက် ဝေဖန်မှုများကို ရင်ဆိုင်နေရသည်။ျ

    ယမန်နေ့က ကစားခဲ့သည့် ဘော့ဒိုးအသင်းအား ၃ ဂိုး ၂ ဂိုးဖြင့် ရှုံးနိမ့်ခဲ့သော ပွဲအပြီးတွင် အီဗရာဟီမိုဗစ်က ထိုကဲ့သို့ ရင့်သီးစွာ ပြောကြားလိုက်ခြင်းဖြစ်ပြီး ပီအက်စ်ဂျီနှင့် ပတ်သက်၍ နစ်နာစေသော ဆုံးဖြတ်ချက်များကို ကွင်းလယ်ဒိုင်လူကြီးက တရစပ်ချမှတ်ခဲ့ခြင်းအတွက် ရည်ညွှန်းခြင်းလည်း ဖြစ်သည်။

    “၁၅ နှစ်အတွင်း ဒီေ-ာက်သုံးမကျတဲ့နိုင်ငံမှာ ဒိုင်လူကြီးကောင်းကို မမြင်ခဲ့ဖူးပါဘူး။ ဒါဟာ ပီအက်စ်ဂျီနဲ့ မထိုက်တန်ပါဘူး။ ကျွန်တော်တို့ဟာ အပျော်တမ်း ကစားနေတာ မဟုတ်ပါဘူး” ဟု အီဗရာဟီမိုဗစ်က ပြေကြားခဲ့သည်။

    ထို့ပြင် ထိုပွဲတွင် အကူဒိုင်လူကြီးကိုလည်း ၎င်းက ဆဲရေးတိုင်းထွာခဲ့ပြီး ထိုအဖြစ်အပျက်အား ရုပ်သံကင်မရာမှတစ်ဆင့် တွေ့မြင်ခဲ့ရသည်။ သို့သော်လည်း ထိုကဲ့သို့ ပြောဆိုမှုများအတွက် အီဗရာဟီမိုဗစ်က နောက်ပိုင်းတွင် ပြန်လည်တောင်းပန်ခဲ့ပြီး ၎င်း၏ စိတ်ပျက်မှုက ပြင်သစ်ဘောလုံးအဖွဲ့ချုပ်အား တိုက်ရိုက်ရည်ညွှန်းခြင်းဖြစ်သည်ဟု ဆိုသည်။

    “ကျွန်တော့်ရဲ့ ပြောကြားမှုတွေဟာ ပြင်သစ်နိုင်နဲ့ ပြင်သစ်လူမျိုးတွေကို ရည်ညွှန်းပြောဆိုတာမဟုတ်ဘူးဆိုတာ ကျွန်တော် ရှင်းချင်ပါတယ်။ ကျွန်တော် ဘောလုံးနဲ့ပတ်သက်လို့ ပြောတာဖြစ်ပြီး တစ်ခြား ဘာမှ မဟုတ်ပါဘူး။ လူတွေ စိတ်ထိခိုက်မယ်ဆိုရင်တော့ ကျွန်တော် တောင်းပန်ပါတယ်”

    အီဗရာဟီမိုဗစ်မှာ ယခုတစ်ပတ် အစောပိုင်းက ချယ်ဆီးအသင်းနှင့် ချန်ပီယံလိဂ် ဒုတိယအကျော့ ပွဲစဉ်တွင်လည်း ချယ်ဆီးအသင်း၏ ကစားသမားများမှာ ကလေးငယ် ၁၁ ယောက်သာဖြစ်သည်ဟု ဝေဖန်ပြောဆိုခဲ့သည်။

    Ref: Goal.com

  • ဘာဘာတော့ဗ်မှာ မိုနာကို၏ အီဗရာဟီမိုဗစ်ဖြစ်သည်ဟု ပီအက်စ်ဂျီနည်းပြဆို

    ဘာဘာတော့ဗ်မှာ မိုနာကို၏ အီဗရာဟီမိုဗစ်ဖြစ်သည်ဟု ပီအက်စ်ဂျီနည်းပြဆို

    မတ် ၁၊ ၂၀၁၅
    M-Media

    bbt

    – မိမိအသင်းတွင် အီဗရာဟီမိုဗစ်က အရေးပါသကဲ့သို့ မိုနာကိုတွင်လည်း ဘာဘာတော့ဗ်မှာ အရေးပါသည်ဟု ပီအက်စ်ဂျီနည်းပြ လော့ရန့် ဘလန့်စ်က ပြောကြားလိုက်သည်။

    မန်ယူနှင့် စပါးအသင်းတို့၏ တိုက်စစ်မှူးဟောင်းဖြစ်သူ ဘာဘာတော့ဗ်မှာ ပြီးခဲ့သည့်တစ်ပတ် အာဆင်နယ်အသင်းနှင့် ချန်ပီယံလိဂ်ပွဲတွင် ခြေစွမ်းကောင်းများပြသခဲ့ပြီး မိုနာကိုက ၃ ဂိုး ၁ ဂိုးဖြင့် အနိုင်ရခဲ့သည့်ထိုပွဲတွင် ၁ ဂိုးသွင်းယူပေးခဲ့သည်။ မိုနာကိုနှင့် ပီအက်စ်ဂျီတို့မှာ ပြင်သစ်လီဂူးအဖြစ် ယနေ့တွင် တွေ့ဆုံယှဉ်ပြိုင်မည်ဖြစ်ပြီး ဘလန့်စ်ကမူ ဘာဘာတော့ဗ်၏ ပါရမီကို ချီးကျူးခဲ့သည်။

    “ဘာဘာတော့ဗ်ဟာ မိုနာကိုအတွက် သိပ်အရေးပါ ပါတယ်။ ဘာ့ကြောင့်လည်းဆိုတော့ သူရဲ့နည်းစနစ်ပိုင်း သိပ်ကောင်းပါတယ်။ ကစားရာမှာပညာသားပါတယ်။ ပြီးတော့ အသင်းကိုငြိမ်အောင် ဆောင်ရွက်ပေးတဲ့ ကစားသမားလည်းဖြစ်ပြီး ဘာ့ကြောင့်လည်းဆိုတော့ သူဟာ ဘောလုံးဆုံးရှုံးမှုနည်းပြီး တစ်ချိန်လုံး လိမ္မာပါးနပ်စွာနဲ့ အသုံးပြုလို့ပါပဲ။ သူဟာ မိုနာကိုအတွက် အရေးပါတဲ့ ကစားသမားတစ်ယောက်ဖြစ်ပြီး ကျွန်တော်တို့အတွက် အီဗရာဟီမိုဗစ် အရေးပါသလိုပါပဲ” ဟု ပွဲအကြို သတင်းစာရှင်းလင်းပွဲတွင် ဘလန့်စ်က ပြောကြားခဲ့သည်။

    ၂၇ ပွဲ ကစားထားသည့် ပြင်သစ်လီဂူးအမှတ်ပေးဇယားကို လိုင်ယွန်က ၅၄ မှတ်ဖြင့် ဦးဆောင်ထားပြီး ပီအက်စ်ဂျီက တစ်ပွဲလျော့ ၂ မှတ်အကွာဖြင့် ဒုတိယနေရာတွင်ရှိနေသည်။ မိုနာကိုမှာ ၂၅ ပွဲကစားပြီး ၄၃ မှတ်နှင့် အဆင့် ၅ နေရာတွင်ရှိနေသည်။

    Ref: Goal.com