News @ M-Media

Tag: Leagueone

  • ကစားသမားများကို ရောင်းထုတ်မည်ဆိုသော သတင်းကို မိုနာကိုငြင်းဆို

    ကစားသမားများကို ရောင်းထုတ်မည်ဆိုသော သတင်းကို မိုနာကိုငြင်းဆို

    သြဂုတ် ၂၆၊ ၂၀၁၅
    M-Media

    monaco

    – ချန်ပီယံလိဂ် အုပ်စုအဆင့်သို့ ၀င်ခွင့်မရခြင်းကြောင့် အသင်းရှိ တန်ဖိုးမြင့်ကစားသမားများကို ရောင်းထုတ်သွားမည်ဆိုသော သတင်းများမှာ မဟုတ်မှန်ဟု ပြင်သစ်လီဂူးကလပ် မိုနာကိုအသင်း၏ ဒုတိယ ဥက္ကဌ ဗာဒင်မ် ဗာစီလ်ယက်ဗ်က ပြောကြားခဲ့သည်။

    ယနေ့မနက်က အိမ်ကွင်း၌ ကစားခဲ့သည့် ချန်ပီယံလိဂ် ခြေစစ်ပွဲ ဒုတိယအကျော့တွင် မိုနာကိုမှာ ဗစ်လင်စီယာအား ၂ ဂိုး ၁ ဂိုးဖြင့် အနိုင်ရခဲ့သော်လည်း ပထမအကျော့က ၃ ဂိုး ၁ ဂိုးဖြင့် ရှုံးနိမ့်ခဲ့သောကြောင့် နှစ်ကျော့ပေါင်းရလဒ် ၄ ဂိုး ၃ ဂိုးဖြင့် အုပ်စုအဆင့်သို့ တက်ရောက်ခွင့် ဆုံးရှုံးခဲ့ရသည်။

    ထို့နောက် အသင်းအား ၀န်ထုတ်ဝန်ပိုးဖြစ်စေသည့် ကစားသမားများကို ရောင်းထုတ်တော့မည်ဟု သတင်းများ ထွက်ပေါ်လာခဲ့ပြီး ဒုတိယဥက္ကဌကမူ ငြင်းဆန်ခဲ့သည်။

    “ယူရိုပါလိဂ်မှာ ယှဉ်ပြိုင်ရမယ်လို့ တွက်ချက်ထားတာကြောင့် ကျွန်တော်တို့ ဘက်ဂျက် ဖယ်ထားပါတယ်။ ချန်ပီယံလိဂ်ကတော့ အပိုဆုပါပဲ။ ချန်ပီယံလိဂ်က ထွက်ရတာဟာ ကျွန်တော်တို့ရဲ့ ဘက်ဂျက် ဒါမှမဟုတ် ကစားသမားထွက်ခွာမှုတွေနဲ့ စပ်လျဉ်းပြီး ဘာမှ ပြောင်းလဲသွားမှာ မဟုတ်ပါဘူး။ ကျွန်တော်တို့ရဲ့အခြေအနေကို ကျွန်တော် အတည်ပြုပါတယ်။ ကျွန်တော်တို့ ကစားသမားတွေကို
    မရောင်းချင်ပါဘူး” ဟု ဗာစီလ်ယက်ဗ်က ပြောကြားခဲ့သည်။

    မိုနာကိုအသင်း၏ အဓိကစားသမားများဖြစ်သော ကွန်ဒေါ့ဂ်ဘီယားနှင့် ဖာရဲရားတို့မှာ ပြီးခဲ့သည့် နွေရာသီက ငွေကြေးအခွင့်အလမ်း ပိုများသည့် အသင်းများသို့ ထွက်ခွာသွားခဲ့ပြီး ကျန်ရှိသည့် အဘ်ဒီနောရ်နှင့် ကာဇာဝါတို့ကိုလည်း ဥရောပ ထိပ်သင်းအသင်းကြီးများက ချိတ်ဆက်မှုများ ရှိနေသည်။

    သို့သော်လည်း ငွေကြေးပမာဏများများဖြင့် ကမ်းလှမ်းလာခဲ့မှသာလျှင် ကစားသမားများအား ရောင်းချမည်ဟု ၎င်းက ထည့်သွင်းပြောကြားခဲ့သည်။

    “တကယ်လို့ ကျွန်တော်တို့ကစားသမားတွေက တကယ်ထွက်ချင်တယ်၊ ပြီးတော့ ကျွန်တော်တို့လည်း ကမ်းလှမ်းမှုကောင်းကောင်း ရမယ်ဆိုမှသာ တုန့်ပြန်သွားမှာပါ။ ဒါဂိတ်ကုန်ပါပဲ”

    Ref: Goal

  • မန်ယူကရောင်းချင်၍ ထွက်ခဲ့ရသည်ဟု ဒီမာရီယာဆို

    မန်ယူကရောင်းချင်၍ ထွက်ခဲ့ရသည်ဟု ဒီမာရီယာဆို

    သြဂုတ် ၇၊ ၂၀၁၅
    M-Media

    mau

    – မန်ယူအသင်းက ရောင်းချင်နေ၍ မိမိမှာ အသင်းပြောင်းခဲ့ရသည်ဟု ပီအက်စ်ဂျီအသင်း၏ ကွင်းလယ်လူ အိန်ဂျယ်ဒီမာရီယာက ပြောကြားလိုက်သည်။

    ဒီမာရီယာမှာ ပြီးခဲ့သည့်နှစ်က ရီးယဲလ်မှ မန်ယူသို့ ပေါင် သန်း ၆၀ ဖြင့် ပြောင်းရွှေ့လာခဲ့ခြင်းဖြစ်ပြီး ပရီးမီးယားလိဂ် သမိုင်းတစ်လျှောက်တွင် ကြေးအကြီးဆုံး ကစားသမားတစ်ဦး ဖြစ်ခဲ့သည်။ စတင်ကစားခဲ့သည့် ၁၀ ပွဲတွင် ၃ ဂိုးသွင်းယူကာ ၆ ဂိုး ဖန်တီးပေးနိုင်သည်အထိ ခြေစွမ်းကောင်းများ ပြသခဲ့သော်လည်း နောက်ပိုင်းတွင် ဒဏ်ရာများကြောင့် ရုန်းကန်ခဲ့ရပြီး အသင်း၌ ပုံမှန်နေရာ ရရှိခြင်း မရှိတော့ပေ။

    ထို့ကြောင့် ယခုနှစ် နွေရာသီအပြောင်းအရွှေ့တွင် ပီအက်စ်ဂျီအသင်းသို့ ပေါင် ၄၄.၃ သန်းဖြင့် ပြောင်းရွှေ့ခဲ့သည်။ ၎င်းကမူ မန်ယူမှာ မိမိအား ရောင်းချင်နေသောကြောင့် အသင်းပြောင်းခဲ့ခြင်းဖြစ်သည်ဟု ဆိုသည်။

    “ပထမဆုံးပြောရရင် မန်ယူက ကျွန်တော့်ကို ရောင်းချင်နေတယ်ဆိုတာ ခင်ဗျားတို့ သိမှာပါ။ ဒါဟာ ၃ ဦး ၃ ဖက်ပေါင်းပြီး ချမှတ်တဲ့ ဆုံးဖြတ်ချက်ပါပဲ။ သူတို့က ကျွန်တော့်ကိုရောင်းချင်တယ်။ ကျွန်တော်ကလည်း အသင်းက ထွက်ချင်တယ်။ ပီအက်စ်ဂျီကလည်း လိုချင်ခဲ့ပါတယ်။ ဒါပေမယ့် ဒီမှာ ကျွန်တော် တော်တော်ပျော်ပါတယ်။ မန်ယူကတော့ အတိတ်ဖြစ်သွားပါပြီ” ဟု ဒီမာရီယာက သတင်းစာရှင်းလင်းပွဲတွင် ပြောကြားခဲ့သည်။

    ပီအက်စ်ဂျီအသင်းမှာ ပြီးခဲ့သည့်နှစ်တွင် ပြင်သစ်အမှတ်ပေးဖလားနှင့် ရှုံးထွက်ဖလား ၂ ခု စုစုပေါင်း ဖလား ၃ လုံးကို ရယူနိုင်ခဲ့သည်။ ယခုနှစ်တွင် ပီအက်စ်ဂျီအတွက် ချန်ပီယံလိဂ်မှာ အဓိကပစ်မှတ်ဖြစ်နေပြီး ဒီမာရီယာကမူ အသင်းအနေဖြင့် ဥရောပရှိ အသင်းကြီးဖြစ်လာအောင် ဆောင်ရွက်ရာတွင် အီဗရာဟီမိုဗစ်ကဲ့သို့ ကစားသမားမျိုးကို ကူညီပေးနိုင်မည်ဟု ထည့်သွင်းပြောကြားခဲ့သည်။

    “အသင်းက ကျွန်တော့်ကို နှစ်များစွာအရင်ကတည်းက ခေါ်ဖို့ ကြိုးစားနေတာပါ။ ဒီကိုလာရတာနဲ့ အီဗရာ (အီဗရာဟီမိုဗစ်)၊ (ဂျာဗီယာ) ပက်စ်တိုး၊ (မာကို) ဗာရက်တီနဲ့ ဒေးဗစ် လူးဝစ်တို့လို အရေးပါတဲ့ ကစားသမားတွေနဲ့ ကစားရတာ အရမ်းဂုဏ်ယူဖို့ကောင်းပါတယ်။ အားလုံးမှာ ချန်ပီယံလိဂ် ရရမယ်ဆိုတဲ့ ရည်ရွယ်ချက်ရှိပါတယ်။ ကျွန်တော့်ရည်ရွယ်ချက်ကလည်း ဒါပါပဲ”

    Ref: Goal

  • ဒီမာရီယာမှာ ပီအက်စ်ဂျီအား တိုးတက်စေမည်ဟု ဇီဒိန်းပြော

    ဒီမာရီယာမှာ ပီအက်စ်ဂျီအား တိုးတက်စေမည်ဟု ဇီဒိန်းပြော

    ဇူလိုင် ၃၀၊ ၂၀၁၅
    M-Media

    dimar

    – မန်ယူကွင်းလယ်လူဟောင်း ဒီမာရီယာမှာ ပြီးပြည့်စုံသည့် ကစားသမားတစ်ဦးဖြစ်ပြီး ပီအက်စ်ဂျီအသင်းအား နောက်တစ်ဆင့်သို့ ပို့ဆောင်ပေးနိုင်မည်ဟု ရီယဲလ်အရန်အသင်းနည်းပြ ဇီနဒင်း ဇီဒိန်းက ပြောကြားလိုက်သည်။

    ပီအက်စ်ဂျီနည်းပြ လော့ရင့် ဘလန့်စ်က ရီးယဲလ်ကွင်းလယ်လူဟောင်းဖြစ်သူ ဒီမာရီယာအား ခေါ်ယူရန်နိုင်ရန် နီးစပ်နေပြီဟု ယခုတစ်ပတ်အစောပိုင်းက ပြောကြားခဲ့သည်။

    ဇီဒိန်းကမူ ဒီမာရီယာအား ခေါ်ယူခြင်းမှာ ပီအက်စ်ဂျီအသင်း၏ ချန်ပီယံလိဂ်အောင်မြင်မှုအတွက် အကူအညီဖြစ်စေလိမ့်မည်ဟု ယုံကြည်နေသည်။

    “သူဟာ ခင်ဗျားကို နောက်တစ်ဆင့် ခေါ်ဆောင်သွားနိုင်မယ့် ကစားသမားမျိုးပါ။ ဒါကပဲ ချန်ပီယံလိဂ်မှာ ရှေ့ဆက်ဖို့ သူတို့လိုအပ်နေတဲ့ အရာပါပဲ။ အိန်ဂျယ် ဒီမာရီယာဟာ သူ့ရဲ့ စွမ်းအားနဲ့ ကူညီနိုင်သလို၊ သူတင်ကစားတဲ့အခါမှာလည်း ခြားနားမှုတွေကို ပြုလုပ်နိုင်သူပါ။ ပြီးတော့ ထူးခြားမှုတစ်ခုခုလုပ်ဖို့ စွမ်းရည်ရှိတဲ့သူပါ။ ဒါဟာ လာမယ့်နေ့တွေမှာ ဖြစ်မယ်လို့ ကျွန်တော်ထင်ပါတယ်” ဟု ဇီဒိန်းက BFM TV သို့ ပြောကြားခဲ့သည်။

    ထို့ပြင် တစ်နိုင်ငံတည်းသားဖြစ်ပြီး ယူအီးအက်ဖ်အေဥက္ကဌအဖြစ် ဆောင်ရွက်နေသော ပလာတီနီကို ဖီဖာဥက္ကဌအဖြစ် ဇီဒိန်းက ထောက်ခံခဲ့သည်။

    “သူ အဆင်ပြေပါလိမ့်မယ်။ ဒါတွေအာလုံးကို တာဝန်ယူဖို့ သူဟာ အသင့်တော်ဆုံး လူတစ်ယောက်ပါပဲ။ ကျွန်တော်သူ့ကို ထောက်ခံသွားမှာပါ။ သူဟာ အလုပ်တွေကောင်းကောင်း လုပ်ခဲ့ပါတယ်။ တကယ်ပါ။ ကျွန်တော်သူ့ကို မဲပေးသွားမှာပါ”

    Ref: Goal

  • အီဗရာဟီမိုဗစ်မှာ မောက်မာသူမဟုတ်ဟု ဆွီဒင်အသင်းဖော်ပြောကြား

    အီဗရာဟီမိုဗစ်မှာ မောက်မာသူမဟုတ်ဟု ဆွီဒင်အသင်းဖော်ပြောကြား

    ဇွန် ၂၅၊ ၂၀၁၅
    M-Media

    movic

    – ပီအက်စ်ဂျီအသင်း၏ တိုက်စစ်မှူး ဇလာတန် အီဗရာဟီမိုဗစ်မှာ ဘောလုံးကွင်းထဲနှင့် ကွင်းပြင်ပတို့တွင် ပြုမူနေထိုင်ပုံ မတူညီဟု ၎င်း၏ ဆွီဒင်အသင်းဖော် ဘရာနီမီရ် ဟာဂိုတာက ပြောကြားခဲ့သည်။

    အီဗရာဟီမိုဗစ်မှာ ၎င်း၏ ကစားသမားဘ၀ သက်တမ်းတစ်လျှောက်လုံးတွင် မောက်မာမှု၊ မာနထောင်လွှားမှုနှင့် လေးစားဖွယ်ကောင်းသည့် အပြုအမူအနေအထိုင် မရှိမှုတို့ဖြင့် ဝေဖန်ခံရသူဖြစ်သည်။

    သို့သော်လည်း ဟာဂိုတာကမူ အီဗရာဟီမိုဗစ်မှာ လူကောင်းသူကောင်း တစ်ယောက်ဖြစ်ပြီး ပြည်သူများ၏ ၎င်းအပေါ်အမြင်မှာ မှားယွင်းနေသည်ဟု ပြောကြားခဲ့သည်။

    “သူဟာ ကမ္ဘာ့ကြယ်ပွင့်ပါ။ သူ့အကြောင်းမသိဘဲနဲ့ သူ့ကို ဝေဖန်လို့မရပါဘူး။ ပုဂ္ဂိုလ်ရေးမှာ သူဟာ ကွင်းထဲကလို၊ ကင်မရာအရှေ့မှာလို မဟုတ်ပါဘူး။ ကျွန်တော့် မျက်လုံးထဲမှာတော့ သူဟာ လူကောင်းတစ်ယောက်ပါ။ ခင်ဗျားအပေါ် မောက်မာတယ်လို့ ခံစားရအောင် သူ မလုပ်ပါဘူး။ သူဟာ တော်တော်လေး ထူးခြားပါတယ်။ ကျွန်တော် သူ့ဆီက သင်ယူနိုင်ပြီး သူ့ကိုတော့ မနာလို မဖြစ်ပါဘူး” ဟု ဟာဂိုတာက ဆိုသည်။

    ထို့ပြင် အီဗရာဟီမိုဗစ်နှင့် တွဲကစားရသည်မှာ ပျော်ရွှင်စရာဖြစ်ပြီး ပြိုင်ဘက်အဖြစ် ၎င်းအားရင်ဆိုင်ရခြင်းမှာ ခက်ခဲသည်ဟု ၎င်းက ထည့်သွင်းပြောကြားခဲ့သည်။

    Ref: Goal

  • လူပျိုစင်ပြဿနာနှင့် လူးဝစ်ဇ်

    လူပျိုစင်ပြဿနာနှင့် လူးဝစ်ဇ်

    မေ ၂၃၊ ၂၀၁၅
    M-Meida

    luiz

    – မိမိအား လူပျိုစင်ဟု ဖော်ပြမှုများကို ပီအက်စ်ဂျီတိုက်စစ်မှူး ဒေးဗစ်လူးဝစ်ဇ်က ငြင်းဆိုလိုက်ပြီး မီဒီယာများအနေဖြင့် လူပုဂ္ဂိုလ်များအပေါ် လေးစားမှုမရှိဟု စွပ်စွဲပြောကြားလိုက်သည်။

    ယခုသီတင်းပတ်အစောပိုင်းက နှစ်ခြင်းခံခဲ့သည့် လူးဝစ်ဇ်က ၎င်းမှာ ယခုအချိန်မှစ၍ ချစ်သူ ဆာရာ မာဒီရာကို အိမ်ထောင်ပြုသည်အထိ လိင်ဆက်ဆံခြင်းမပြုတော့ဟု ဆိုရှယ်မီဒီယာတွင် ကြေညာခဲ့သည်။

    ထိုသို့ကြေညာပြီးနောက် လူးဝစ်ဇ်မှာ လူပျိုစင်ဖြစ်သည်ဟူသော ပြောကြားမှုများမှာ ဆိုရှယ်မီဒီယာနှင့် သတင်းများတွင် ပြန့်နှံ့သွားခဲ့ပြီး ကာယကံရှင်ကို မေးမြန်းမှုများလည်း ရှိခဲ့သည်။ သို့သော်လည်း လူးဝစ်ဇ်က ထိုပြောကြားမှုများမှာ မမှန်ဟု ဆိုသည်။

    “ကျွန်တော်ဟာ လူပျိုစင် ဟုတ်လား၊ မဟုတ်ဘူးလား ဆိုတာနဲ့ပတ်သက်ပြီး လူတွေက နေရာတိုင်းမှာ ပြောနေကြပါတယ်။ ကျွန်တော် လူပျိုစင် မဟုတ်ပါဘူး။ ကျွန်တော့်ဘ၀မှာ ရည်းစား တစ်ယောက်မက ထားဖူးပါတယ်။ စာနယ်ဇင်းကလူတစ်ချို့ဟာ လူတွေရဲ့ ဘ၀ကို လေးစားမှု မရှိပါဘူး။ ကျွန်တော်ကတော့ လူတိုင်းကို လေးစားတာကြောင့် အေးဆေး အိပ်ပျော်ပါတယ်။ ကျွန်တော့်ရဲ့ ဘာသာတရား၊ ကျွန်တော့်ရဲ့နှစ်ခြင်းခံမှုတွေအတွက် ကျွန်တော် ပျော်ပါတယ်” ဟု လူးဝစ်ဇ်က BBC ၏ Football Focus အစီအစဉ်တွင် ပြောကြားခဲ့သည်။

    ဘာစီလိုနာကိုရှုံးကာ ချန်ပီယံလိဂ် ကွာတားဖိုင်နယ်မှ ထွက်ခဲ့ရသည့် မိမိတို့အသင်းအနေဖြင့် လာမည့်နှစ် ချန်ပီယံလိဂ်ကို စိန်ခေါ်ရန် ဆုံးဖြတ်ထားသည်ဟု ၎င်းက ထည့်သွင်းပြောကြားခဲ့သည်။

    “ကျွန်တော်တို့ဟာ ကြီးကျယ်တဲ့အဆင့်ကို အခု ရောက်နေပါတယ်။ ပြင်သစ်မှာ ကျွန်တော်တို့ အခု ဖလားသုံးလုံးရထားတယ်။ ကျွန်တော်တို့ဟာ ချန်ပီယံလိဂ်အတွက် တိုက်ပွဲဝင်သွားမှာပါ။ ဘာ့ကြောင့်လည်းဆိုတော့ ဒါဟာ ကျွန်တော်တို့ရဲ့ ရည်မှန်းချက် ဖြစ်လို့ပါပဲ။ ကျွန်တော် လာမယ့်နှစ် ချန်ပီယံလိဂ်ကို ဗိုလ်စွဲချင်ပါတယ်။ ဒီလိုဗိုလ်စွဲဖို့လည်း အားလုံးလုပ်သွားမှာပါ”

    Ref: Goal