Tag: Leicester

ဒီဇင်ဘာ ၂၆၊ ၂၀၁၆
M-Media

– အသင်း၏ တိုက်စစ်မှူးဗာဒီ ပွဲပယ်ခံရမှုကို ဆန့်ကျင်ရန်အတွက် လက်စတာအသင်းက ဗာဒီ၏ မျက်နှာဖုံးအား ပရိတ်သတ်များကို ဝေငှမည်ဟု သိရသည်။

ဗာဒီမှာ ဒီဇင်ဘာအစောပိုင်းက စတုတ်စီးတီးအသင်းနှင့် ၂ ဂိုးစီသရေကျသည့်ပွဲတွင် ပွဲပြီးကာနီး ဘီရမ် ဒီအုဖ်နှင့် အချင်းများခဲ့ပြီးနောက် အနီကဒ်ဖြင့် ထုတ်ပယ်ခံခဲ့ရသည်။ ထိုအဖြစ်အပျက်မတိုင်ခင် ဗာဒီမှာ ဂလင်းဂျွန်ဆင်နှင့်လည်း အချင်းများခဲ့သည်။

FA က ထိုအနီကဒ်ပြစ်ဒဏ်အတွက် ဗာဒီကို ၃ ပွဲပယ်ခဲ့ပြီး လက်စတာနည်းပြ ရာနီယေးရီကမူ ဘောလုံးလောကအတွက် ၀မ်းနည်းဖွယ်ရာ ဆုံးဖြတ်ချက်ဖြစ်သည်ဟု ပြောကြားခဲ့သည်။

ထိုပွဲပယ်ပြစ်ဒဏ်ကို ဆန့်ကျင်သည့်အနေဖြင့် ယနေ့ကစားမည့် အဲဗာတန်အသင်းနှင့်ပွဲတွင် လက်စတာစီးတီးမှာ ဗာဒီ၏ မျက်နှာဖုံးများကို ပရိတ်သတ်များထံ ဝေငှကာ ၀တ်ဆင်စေမည်ဖြစ်သည်။

လက်ရှိပရီးမီးယားလိဂ်ချန်ပီယံ လက်စတာစီးတီးအသင်းမှာ ယခုရာသီတွင် ခြေစွမ်းကောင်းများကို မပြသနိုင်ဘဲ ၁၇ ပွဲကစား ၁၇ မှတ်ဖြင့် အဆင့် ၁၅ နေရာတွင် ရှိနေသည်။

Ref: Goal

နိုဝင်ဘာ ၂၀၊ ၂၀၁၆
M-Media

– ရလဒ်များဆိုးရွားကာ ရုန်းကန်နေရသော်လည်း မိမိအနေဖြင့် ခြောက်ခြားမှုဖြစ်မည်မဟုတ်ဟု လက်ရှိ ပရီးမီးယားလိဂ်ချန်ပီယံ လက်စတာအသင်းနည်းပြ ကလော်ဒီယို ရာနီယေးရီက ပြောကြားလိုက်သည်။

ယမန်နေ့က ကစားခဲ့သည့် ၀က်ဖို့နှင့်ပွဲတွင် ၂ ဂိုး ၁ ဂိုးဖြင့် ရှုံးနိမ့်ခဲ့ပြီးနောက် လက်စတာမှာ ပရီးမီးယားလိဂ် ၁၂ ပွဲ ကစားပြီးချိန်တွင် ၆ ပွဲအထိ ရှုံးထားပြီး တန်းဆင်းဇုန်နှင့် ၂ မှတ်သာ ကွာဟတော့သည်။

ရာနီယေးရီကမူ မိမိအနေဖြင့် မတုန်လှုပ်ဟုဆိုသည်။

“ကျွန်တော်တို့ရှုံးခဲ့တယ်။ ဒါပေမယ့် အသင်းစိတ်ဓာတ်နဲ့ပတ်သက်ပြီးတော့ ကျွန်တော် အကောင်းမြင်ပါတယ်။ ပွဲမှာ စောစောပိုင်းကတည်းက အာရုံစိုက်ခဲ့ရမှာပါ။ ဒါပေမယ့် သူတို့ အံ့သြလောက်တဲ့ဂိုးတွေ ရသွားပါတယ်။ ကျွန်တော်တို့ ရည်တည်မှုက မကောင်းဘူး။ ဒါပေမယ့် ဒီလိုစိတ်ဓာတ်မျိုးနဲ့ဆိုရင်တော့ ကျွန်တော် မတုန်လှုပ်ပါဘူး။ ကစားသမားတွေကို ကျွန်တော် ယုံကြည်မှုရှိပါတယ်” ဟု ရာနီယေးရီက ပြောကြားခဲ့သည်။

Ref: Goal

နိုဝင်ဘာ ၁၀၊ ၂၀၁၆
M-Media

– ယခုနှစ်တွင် ဂိုးပေါက်ပျောက်ပြီး ရုန်းကန်နေရသည့် လက်စတာတိုက်စစ်မှူး ဂျာမီဗာဒီအနေဖြင့် မကြာမီ ဂိုးများ ပြန်သွင်းနိုင်လိမ့်မည်ဟု လက်စတာနှင့် အင်္ဂလန်တိုက်စစ်မှူးဟောင်း အီမီလီ ဟက်စကီးက ပြောကြားလိုက်သည်။

ဗာဒီမှာ ပြီးခဲ့သည့်နှစ်တွင် အသင်းအတွက် ၂၄ ဂိုးသွင်း ပရီးမီးယားလိဂ်ချန်ပီယံဖြစ်အောင် ကူညီပေးနိုင်ခဲ့သည်။ နွေရာသီအပြောင်းအရွှေ့တွင် အာဆင်နယ်အသင်းမှ ပေါင်း သန်း ၃၀ ဖြင့်ကမ်းလှမ်းမှုကို ငြင်းပယ်ကာ လက်စတာတွင်သာ ဆက်နေခဲ့ပြီးနောက် ယခုနှစ် ပရီးမီးယားလိဂ်တွင် ၂ ဂိုးသာ သွင်းယူထားနိုင်ပြီး ပုံမှန်ခြေစွမ်းရရန် ရုန်းကန်နေရသည်။

ဟက်စကီးကမူ ဗာဒီအနေဖြင့် မနှစ်ကကဲ့သို့ ဂိုးများလိုချင်ပါက ဂိုးရှေ့တွင် ပိုမိုတည်ငြိမ်ရမည်ဟုဆိုသည်။

“ဂိုးသွင်းဖို့ ရုန်းကန်နေရပေမယ့် စွမ်းဆောင်မှုကတော့ ကောင်းပါတယ်။ နည်းနည်းဂိုးမိုးခေါင်နေပြီး ကျွန်တော်ကတော့ သူ့အနေနဲ့ ဂိုးဧရိယာအတွင်မှာနေကာ ကိုယ်တိုင်နဲ့ အခြားသူတွေအတွက် အခွင့်အရေးတွေ ဖန်တီးပေးစေချင်ပါတယ်။ သူက နေရာမှန်မှာရှိတယ်။ နည်းနည်းတည်ငြိမ်ဖို့ လိုနေတာပါ။ ဒီလိုမှပဲ သူဟာ ယုံကြည်မှုပြန်ရမှာပါ” ဟု ဟက်စကီးက ပြောကြားခဲ့သည်။

Ref: Goal

အောက်တိုဘာ ၂၇၊ ၂၀၁၆
M-Media

– အသင်းရှိ တိုက်စစ်မှူးများဖြစ်သော ရီယာ့ဒ်မဟ်ရက်ဇ်နှင့် ဗာဒီတို့မှာ ကမ္ဘာ့အကောင်းဆုံး ဘောလုံးသမားဆု Ballon d’Or ဇကာတင်စာရင်းတွင် ပါဝင်လာသည့်အတွက် ဂုဏ်ယူမိသည်ဟု လက်စတာနည်းပြ ကလော်ဒီယို ရာနီယေးရီက ပြောကြားလိုက်သည်။

မဟ်ရက်ဇ်နှင့် ဗာဒီတို့မှာ ပြီးခဲ့သည့်နှစ်က လက်စတာ၏ အံ့သြဖွယ် ပရီးမီးယားလိဂ် ချိန်ပီယံဖြစ်မှုတွင် အရေးပါသည့် ကစားသမားများ ဖြစ်ခဲ့ပြီး ယနေ့တွင် ထုတ်ပြန်ခဲ့သည့် Ballon d’Or ဇကာတင် အယောက် ၃၀ စာရင်းတွင် ပါဝင်လာခဲ့ခြင်းဖြစ်သည်။

ဗာဒီမှာ ပြီးခဲ့သည့်နှစ်က ၂၄ ဂိုးသွင်းယူခဲ့ပြီး ၁၁ ပွဲဆက်တိုက် ဂိုးသွင်းယူနိုင်သည့် စံချိန်ကိုလည်း ရရှိခဲ့သည်။ မဟ်ရက်ဇ်မှာလည်း ပရီးမီးယားလိဂ်တွင် ၁၇ ဂိုးသွင်းယူကာ ၁၁ ဂိုး ဖန်တီးပေးနိုင်ခဲ့သည်။

ရာနီယေးရီကမူ ၎င်းတို့ ထိုကဲ့သို့ အသိအမှတ်ပြုခံရမှုမှာ အသင်းအတွက် အထူးစပါယ်ရှယ် ဖြစ်သည်ဟု ဆိုသည်။

“ဒီအောင်မြင်မှုက အကောင်းဆုံးထဲက တစ်ခုပါပဲ။ စကာတင်စာရင်းမှာ ထည့်သွင်းခံရတာကိုက အထူးစပါယ်ရှယ်ပါပဲ။ (သူတို့ရမလား၊ မရဘူးလား ဆိုတာကို) ကျွန်တော် မသိပါဘူး။ ဒါပေမယ့် ရဖို့ မျှော်လင့်ပါတယ်” ဟု ရာနီယေးရီက ပြောကြားခဲ့သည်။

Ref: Goal