News @ M-Media

Tag: M-Media Tech

  • လ၏ တောင်၀င်ရိုးစွန်းမှ အောင်မြင်စွာ ပြန်လာနိုင်ခဲ့သည့် တရုတ်

    လ၏ တောင်၀င်ရိုးစွန်းမှ အောင်မြင်စွာ ပြန်လာနိုင်ခဲ့သည့် တရုတ်

    ဇွန် ၂၅၊ ၂၀၂၄
    M-Media 

    (ဓာတ်ပုံ – လ၏ အမှောင်ဘက်ခြမ်းတွင် တွေ့ရသည့် တရုတ် စူးစမ်းလေ့လာရေးယာဥ်)

    -လရဲ့တောင်၀င်ရိုးစွန်းမှာ စူးစမ်းလေ့လာရေး လုပ်ခဲ့တဲ့ တရုတ်ဂြိုဟ်တု Chang’e 6 က လစူးစမ်းရေးယာဥ်ဟာ ဇွန်လ ၂၅ ရက်နေ့မှာ ကမ္ဘာကို အောင်မြင်စွာ ဆင်းသက်နိုင်ခဲ့ပါတယ်။ 

    တရုတ်ဟာ ကမ္ဘာကနေ မမြင်ရတဲ့ လရဲ့အမှောက်ဘက်ခြမ်းကို ပထမဆုံး စူးစမ်းလေ့လာရေးလုပ်နိုင်တဲ့ နိုင်ငံအဖြစ် သမိုင်းရေးထိုးနိုင်ခဲ့ပါတယ်။ 

    Chang’e 6 ဂြိုဟ်တုရဲ့ လစူးစမ်းရေးယာဥ်ဟာ နှစ်သန်းပေါင်း ၂ ဒဿမ ၅ သန်း သက်တမ်းရှိပြီဖြစ်တဲ့ ကျောက်တွေ၊ မြေနမူနာတွေကို ကမ္ဘာပေါ် သယ်ဆောင်လာခဲ့ပါတယ်။ 

    သိပ္ပံပညာရှင်တွေဟာ ဒီကျောက်တုံးကျောက်ခဲတွေကို စူးစမ်းပြီး လရဲ့ အလင်းဘက်ခြမ်းနဲ့ အမှောင်ဘက်ခြမ်းမှာရှိနေတဲ့ ပထ၀ီ အနေအထားတွေကို နှိုင်းယှဥ်လေ့လာမှာ ဖြစ်ပါတယ်။ 

    လရဲ့ အလင်းဘက်ခြမ်းဟာ ကမ္ဘာကမြင်ရတဲ့ဘက် ဖြစ်ပြီး အမှောင်ဘက်ခြမ်းကတော့ အာကာသအတွင်းပိုင်းကို မျက်နှာမူနေတဲ့ဘက် ဖြစ်ပါတယ်။ 

    Ref: CNN

  • ၂၀၂၅ ခုနှစ်တွင် စက်ရုပ် ၁၀၀၀ ကျော်ကို အလုပ်ခန့်ထားမည့် အီလွန်မက်စ်

    ၂၀၂၅ ခုနှစ်တွင် စက်ရုပ် ၁၀၀၀ ကျော်ကို အလုပ်ခန့်ထားမည့် အီလွန်မက်စ်

    ဇွန် ၁၅၊ ၂၀၂၄

    M-Media 


    – လာမယ့်နှစ်အတွင်း သူ့ရဲ့ စက်ရုံတွေမှာ Optimus လူသားစက်ရုပ် ၁၀၀၀ ကျော်ကို အသုံးပြုသွားမယ်လို့ Tesla နဲ့ SpaceX စီအီးအို အီလွန်မက်စ်က ပြောကြားလိုက်ပါတယ်။ 

    Optimus စက်ရုပ်ဟာ Tesla ရဲ့ အရေးပါတဲ့ ထုတ်ကုန်တစ်ခုလို့ အီလွန်မက်စ်က ကြေငြာထားတာပါ။ လာမယ့်နှစ် စျေးကွက်မှာ ထုတ်ရောင်းမှာဖြစ်သလို၊ အီလွန်မက်စ်ရဲ့ စက်ရုံတွေမှာလည်း အသုံးပြုသွားမှာ ဖြစ်ပါတယ်။ 

    အခုနှစ်အစောပိုင်း Optimus စက်ရုပ်ကို Tesla က ထုတ်ပြခဲ့ရာမှာ လူနဲ့ ထိန်းချုပ်စရာမလိုဘဲ အော်တိုလုပ်ဆောင်နိုင်စွမ်း အများအပြားကို တွေ့ခဲ့ရပါတယ်။ 

    Optimus စက်ရုပ်တစ်ရုပ်ရဲ့ ထုတ်လုပ်စားရိတ်က ဒေါ်လာ တစ်သောင်းရှိမှာဖြစ်ပြီး စျေးကွက်မှာ ဒေါ်လာ ၂ သောင်းနဲ့ ရောင်းချမှာ ဖြစ်ပါတယ်။ 

    ပြီးခဲ့တဲ့တစ်ပတ် အော်စတင်မြို့မှာ ပြုလုပ်ခဲ့တဲ့ နှစ်ပတ်လည် အစည်းအ၀ေးအတွင်း အီလွန်မက်စ်က Optimus စက်ရုပ်နဲ့ ပတ်သက်တဲ့ သူ့ရဲ့ မျှော်မှန်းချက်တွေကို ပြောကြားခဲ့ပါတယ်။ 

    လာမယ့်နှစ်ကစပြီး ကမ္ဘာ့စက်ရုပ်စျေးကွက်မှာ စက်ရုပ်အရေအတွက် ၁ ဘီလီယံလောက် ရှိလာမှာဖြစ်ပြီး မိမိက စျေးကွက်ရဲ့ ၁၀ ရာခိုင်နှုန်းကို ရယူသွားနိုင်မယ်လို့ အီလွန်မက်စ်က ဆိုပါတယ်။ 

    Optimus လူသားစက်ရုပ်ကြောင့် Tesla ဟာ အနည်းဆုံး ကန်ဒေါ်လာ ၂၅ ထရီလီယံရှိကာ ကမ္ဘာ့ တန်ဖိုးအကြီးဆုံးလုပ်ငန်း ဖြစ်လာလိမ့်မယ်လို့လည်း အီလွန်မက်စ်က ထည့်သွင်းပြောဆိုခဲ့ပါတယ်။ 

    Ref: Interesting Engineering 

  • လျှပ်စစ်ဓာတ်အားပေးနယ်ပယ်ကို ဆန်းသစ်စေမည့် အသေးစား နျူဓာတ်ပေါင်းဖို

    လျှပ်စစ်ဓာတ်အားပေးနယ်ပယ်ကို ဆန်းသစ်စေမည့် အသေးစား နျူဓာတ်ပေါင်းဖို

    ဇွန် ၁၊ ၂၀၂၄

    M-Media 


    -အမေရိကန် နည်းပညာကုမ္ပဏီတစ်ခုဖြစ်တဲ့ Westinghouse ဟာ လျှပ်စစ်ဓာတ်အားပေးနယ်ပယ်ကို ပြောင်းလဲပေးနိုင်မယ့် နျူဓာတ်ပေါင်းဖိုအသေးစားတစ်ခုကို အောင်မြင်စွာ ဖန်တီးနိုင်ခဲ့ပါတယ်။

    AP300 လို့ အမည်ပေးထားတဲ့ အဲဒီ အသေးစား ဓာတ်ပေါင်းဖိုဟာ နျူဓာတ်ပေါင်းဖိုအကြီးစား AP1000 ကို ချုံ့ထားတာဖြစ်ပါတယ်။

    စွမ်းအင်ထုတ်လုပ်မှုက အကြီးထက် ၃ ပုံ ၁ ပုံသာ ရှိမှာ ဖြစ်ပေမယ့် ကုန်ကျစားရိတ်က ၅ ဆကျော်လောက် သက်သာပါတယ်။ 

    AP300 နျူ ဓာတ်ပေါင်းဖို ကုန်ကျစားရိတ်ဟာ ကန်ဒေါ်လာ ၁ ဘီလီယံ ကျသင့်မှာဖြစ်ပြီး ဓာတ်အား ၃၀၀ မီဂါ၀ပ်ထုတ်လုပ်နိုင်ကာ နေအိမ်ပေါင်း ၃ သိန်းလောက်ကို မီးပေးနိုင်မှာ ဖြစ်ပါတယ်။ 

    နျူဓာတ်အားပေးစနစ်ဟာ ကာဘွန်ထုတ်လွှတ်မှု လုံး၀မရှိပါဘူး။ ဓာတ်ပေါင်းဖိုအကြီးထက် ကုန်ကျစားရိတ်သက်သာပြီး ဖန်တီးတည်ဆောက်ရ လွယ်တာကြောင့် AP300 ဓာတ်ပေါင်းဖိုကို စက်မှုလက်မှုလုပ်ငန်းတွေကလည်း စိတ်၀င်စားလာကြပါတယ်။ 

    AP300 ကို ၂၀၂၇ ခုနှစ်မှာ စတင်အသုံးပြုနိုင်ဖို့ စီစဥ်ထားပြီး အမေရိကန် နျူစွမ်းအင်ထိန်းချုပ်ရေး ကော်မရှင်ရဲ့ ခွင့်ပြုချက် ရရှိဖို့ လိုအပ်အုံးမှာ ဖြစ်ပါတယ်။ 

    လုံခြုံဘေးကင်းရေးမှာ AP1000 ဓာတ်ပေါင်းဖိုကအတိုင်း ဆောင်ရွက်ထားတယ်လို့ Westinghouse ကုမ္ပဏီက ပြောပါတယ်။ 
    Ref: Interesting Engineering

  • အမေရိကန်၏  ဘီလီယံတန် လေဆာလက်နက်ကို  တစ်ဒေါ်လာတည်းနှင့် ကာကွယ်မည့် တရုတ်

    အမေရိကန်၏ ဘီလီယံတန် လေဆာလက်နက်ကို တစ်ဒေါ်လာတည်းနှင့် ကာကွယ်မည့် တရုတ်

    မေ ၃၀၊ ၂၀၂၄

    M-Media 


    -အမေရိကန်က ဒေါ်လာဘီလီယံချီ အကုန်အကျခံ ထုတ်လုပ်ထားတဲ့ လေဆာလက်နက်တွေကို တစ်ဒေါ်လာတန် ဓာတုပစ္စည်းနဲ့ အန်တု ကာကွယ်ဖို့ တရုတ်ပညာရှင်တွေက ကြိုးစားနေပါတယ်။ 

    ဘေဂျင်းနည်းပညာတက္ကသိုလ်က သုတေသနပညာရှင်တွေဟာ လေဆာလက်နက်ကို ကာကွယ်ရေးမှာ လူလုပ်ရော်ဘာတု Resin နဲ့ ကာကွယ်နိုင်ဖို့ လေ့လာမှုတွေ ပြုလုပ်နေပါတယ်။ 

    ဓာတုဗေဒအမည် BPR လို့ခေါ်တဲ့ Resin ဟာ ၂ ဒဿမ ၂ ပေါင်ကို တစ်ဒေါ်လာသာ ကျသင့်မှာပါ။ တရုတ်နိုင်ငံဟာ ကမ္ဘာမှာ BPR အများဆုံးထုတ်တဲ့ နိုင်ငံလည်း ဖြစ်ပါတယ်။ 

    လေဆာလက်နက်တွေဟာ အရာ၀တ္ထုတွေကို အပူချိန် အလွန်မြင့်မားတဲ့ လေဆာရောင်ခြည်နဲ့ လောင်ကျွမ်းပျက်ဆီးစေတာ ဖြစ်ပါတယ်။ 

    တရုတ်ပညာရှင်တွေဟာ လေဆာလက်နက်က ထွက်လာမယ့် အပူချိန်ကို Resin ရော်ဘာနဲ့ ကာကွယ်အန်တုနိုင်အောင် ကြိုးစားနေပါတယ်။ Resin ရော်ဘာဟာ အပူချိန်နဲ့ ဖိအားကို ခံနိုင်တဲ့ ဓာတ်တုပစ္စည်းဖြစ်ပြီး လက်ရှိ စက်မှုလက်မှုနယ်ပယ်မှာ ကျယ်ကျယ်ပြန့်ပြန့် အသုံးပြုနေပါတယ်။ 

    စက်ဖက်နယ်ပယ်မှာတော့ ဒုံးကျည်တွေ၊ ဒရုန်းတွေမှာ အပူခံအလွှာအဖြစ် Resin ကို အသုံးပြုနေကြပါတယ်။ 

    တရုတ်ပညာရှင်တွေက ပုံမှန် Resin ကို စျေးကွက်ထဲမှာ အလွယ်တကူ၀ယ်လို့ရတဲ့ စီလီကွန် ကာဘိုက်၊ ဇီခရွန်နီယမ် အောက်ဆိုက်၊ ကာဘွန်ဘလက်နာနိုအမှုန့် စတဲ့ ဓာတုပစ္စည်းတွေ ထပ်ပေါင်းကာ လေဆာလက်နက်ရဲ့ အပူဒဏ်ကို ခံနိုင်အောင် စမ်းသပ်နေကြပါတယ်။ 

    ဒီ Resin အသစ်ကို BPR1 လို့ အမည်ပေးထားပါတယ်။ BPR1 ရော်ဘာ ၀ ဒဿမ ၁ လက်မကို၊ တစ်စကွဲယားစင်တီမီတာ ၅၀၀ ၀ပ်ရှိတဲ့ လေဆာရောင်ခြည်ပူနဲ့ ထိုးခွဲစမ်းသပ်ရာမှာ မပေါက်တာကို တွေ့ခဲ့ရပါတယ်။ 

    ၃ မီဂါ၀ပ်ရှိတဲ့ လေဆာလက်နက်က ထုတ်လုပ်နိုင်တဲ့ လေဆာရောင်ခြည်ရဲ့ အပူဟာ တစ်စကွဲယားစင်တီမီတာကို ၃၀၀ သာရှိပါတယ်။ ဒါ့ကြောင့် တရုတ်ပညာရှင်တွေ စမ်းသပ်တဲ့ အပူဟာ လေဆာလက်နက်ကထွက်တဲ့ အပူထက် ပိုမိုများပြားတာကြောင့် BPR1 ကို လေဆာလက်နက် ကာကွယ်ရေး အလားအလာရှိတဲ့ ပစ္စည်းတစ်ခုအဖြစ် မှတ်ယူလာကြပါတယ်။ 

    လက်ရှိ လေဆာလက်နက်နယ်ပယ်ကို အမေရိကန်က ဦးဆောင်နေတာဖြစ်ပါတယ်။ အမေရိကန်ဟာ အမြင့်ဆုံး ၃၀၀ ကီလို၀ပ်အားရှိတဲ့ လေဆာလက်နက်ကိုသာ ထုတ်ပြထားပြီး လက်ရှိမှာ မီဂါ၀ပ်အဆင့်ရှိတဲ့ လက်နက်တွေကို ထုတ်လုပ်နေပါတယ်။ 

    Ref: Interesting Engineering 

  • လူသားတွေ မကြာခင် ပင်လယ်ရေကို သောက်လို့ရတော့မည်

    လူသားတွေ မကြာခင် ပင်လယ်ရေကို သောက်လို့ရတော့မည်

    မေ ၂၉၊ ၂၀၂၄

    M-Media 


    -ပင်လယ်ရေကနေ ဆားဓာတ်ဖယ်ရှားကာ သောက်သုံးရေအဖြစ် ပြောင်းလဲပေးနိုင်မယ့် နည်းလမ်းသစ်တစ်ခုကို နယူးယောက်မြို့ အင်ဂျင်နီယာကျောင်း NYU Tandon School of Engineering က ထုတ်ဖော် ပြသလိုက်ပါတယ်။ 

    ဒေါက်တာ အန်ဒရေ တေလာ ဦးဆောင်တဲ့ သုတေသနအဖွဲ့ ဖန်တီးထားတဲ့ နည်းလမ်းသစ်ဟာ ဘက်တ္ထရီငုတ်တွေကနေ ဓာတုဗေဒ ဓာတ်ပေါင်းတွေ အရည်ထဲပျော်၀င်စေကာ ဆားဓာတ်ဖယ်ရှားတဲ့ နည်းလမ်းဟောင်း RFD ကို ဆန်းသစ်ထားတာဖြစ်ပါတယ်။ 

    နည်းလမ်းဟောင်းထက် ၂၀ ရာခိုင်နှုန်းပိုပြီး ဆားဓာတ်ဖယ်ရှားပေးနိုင်မယ့် အခုနည်းလမ်းသစ်ဟာ စွမ်းအင်သုံးစွဲမှုကို သိသိသာသာ လျှော့ချပေးနိုင်ပါတယ်။ 

    “ကျွန်တော်တို့ရဲ့ ရည်ရွယ်ချက်က လွယ်လွယ်ကူကူနဲ့ ရေရှည်အသုံးပြုလို့ရမယ့် နည်းလမ်းမျိုး ဖော်ဆောင်ဖို့ပါ။ ဒီနည်းလမ်းဟာ ရေချိုလိုအပ်ချက်ပမာဏ မြင့်မားနေမှုကို ဖြေရှင်းနိုင်ရုံသာမကဘဲ၊ သဘာ၀ပတ်၀န်းကျင် ထိန်းသိမ်းရေးနဲ့ ပြည့်ဖြိုးမြဲစွမ်းအင် ပေါင်းစပ်အသုံးပြုနိုင်ရေးတွေမှာလည်း ရှေ့တန်းကနေ အထောက်အကူပြုနိုင်ရပါမယ်”လို့ ဒေါက်တာ တေလာက ပြောပါတယ်။ 

    ဒေါက်တာတေလာနဲ့အဖွဲ့ရဲ့ အခုနည်းလမ်းသစ်ဟာ ပုံမှန် ဓာတ်အားလိုင်းကနေ ဓာတ်အား ဆွဲယူသုံးစွဲဆရာမလိုဘဲ လေစွမ်းအင်၊ နေစွမ်းအင်လို ပြည့်ဖြိုးမြဲစွမ်းအင်ရင်းမြစ်တွေကို အသုံးပြုနိုင်မှာပါ။

    နည်းပညာသစ်ကို ကျယ်ကျယ်ပြန့်ပြန့် အသုံးပြုနိုင်ရေးအတွက် နောက်ထပ် လေ့လာစမ်းသပ်မှုတွေ ထပ်မံလိုအပ်မှာ ဖြစ်ပါတယ်။ 

    Ref: Interesting Engineering