Tag: M-Media Tech

ဒီဇင်ဘာ ၄၊၂၀၁၃
M-Media
စုစည်းတင်ဆက်သူ- daythanix

ဂျယ်လီငါးလိုပျံသန်းသည့် စက်ရုပ်ငယ်ကလေး

New York University ကလက်ထောက်ပါမောက္ခ  Leif Ristroph ဟာ jellyfish တွေ ရေထဲမှာ သွားလာတဲ့ ပုံစံကို အတုယူပြီး ပျံသန်းတဲ့ စက်ရုပ်ငယ်လေးကို တီထွင်လိုက်ပါတယ်။ သေးငယ် ပေါ့ပါးတဲ့ ဒီလိုပျံသန်းနိုင်တဲ့ ကိရိယာလေး မှာ ရှုပ်ထွေးတဲ့ အီလက်ထရောနစ်ပစ္စည်းတွေလည်း တပ်ဆင်ထားခြင်းမရှိပါဘူး။

−−−−−−−−−−−−−−−−−−−−−−−−−

လျှပ်စီးပါတ်လမ်းများကို ပြုလုပ်ရေးဆွဲနိုင်တဲ့ဘောလ်ပန်

Electroninks Incorporated ကထုပ်လုပ်လိုက်တဲ့ Circuit Scribe ဘောလ်ပန်ဟာ လျှပ်စီးပါတ်လမ်းများကို စာရွက်ပေါ်မှာ ရေးဆွဲလိုက်ရုံနဲ့  စမ်းသပ် အသုံးပြုနိုင်တဲ့ circuit ကိုပြုလုပ်နိုင်မှာ ဖြစ်ပါတယ်။ အီလက်ထရေနစ် လျှပ်စစ်ပါတ်လမ်းများကို ဒီဇိုင်းပြုလုပ်သူတွေအတွက်အထူး အကျိုးရှိလာမယ့် တီထွင်မှု ဖြစ်ပါတယ်။

_____________________

ပေါင်းစည်း နျူကလီယား လျှပ်စစ်ကို အအေးနည်းနဲ့ ထုတ်လုပ်

အီတလီ နိုင်ငံက သိပ္ပံပညာရှင် Andrea Rossi ဟာ  ပေါင်းစည်း နျူကလီယား လျှပ်စစ်ကို အအေးနည်းနဲ့ ထုတ်လုပ်ရောင်းချနိုင်တော့မယ်လို့ ကြေငြာလိုက်ပါတယ်။ ပေါင်းစည်း နျူကလီယား ဓါတ်ပြုမှု (nuclear fusion reaction) ကို နေရဲ့ မျက်နှာပြင်မှာ ဖြစ်ပေါ်တဲ့ ဓါတ်ပြုမှု မျိုးကို စမ်းသပ်နေဆဲ ဖြစ်ပြီး အလွန်ပြင်းထန်တဲ့ အပူချိန် လိုအပ်ပါတယ်။ အခု Andrea Rossi ရဲ့ နည်းပညာကတော့ cold fusion လို့ ခေါ်တဲ့ အအေးနည်း(အလွန်ပြင်းထန်တဲ့ အပူချိန် မလိုအပ်တဲ့နည်း) ဖြစ်ပါတယ်။ cold fusion ဆိုတာကတော့ သီအိုရီအားဖြင့်တောင် ရှာဖွေဆဲ ဖြစ်ပါတယ်။ Andrea Rossi  ရဲ့ cold fusion reactor ကတော့ အရွယ်အစားလည်း သေးငယ်ပြန်ပါသေးတယ်။ 1 MW ဓါတ်အား ထုတ်နိုင်တဲ့ စက်ကို ဒေါ်လာတစ်သန်းခွဲ နဲ့ရောင်းချမှာ ဖြစ်ပါတယ်။ http://www.ecat.com/ecat-products/ecat-1-mw

−−−−−−−−−−−−−−−−−−−−−−−−−−−−−−−−

စပါးမျိုးသစ်  ၃၆ ရာခိုင်နှုံးအထွက်တိုး

ဖိလစ်ပိုင်နိုင်ငံ က IRRI genetic transformation laboratory မှာ “indica” လို့ခေါ်တဲ့ စပါးမျိုးကို SPIKE မျိုးရိုးဗီဇ နဲ့ ပေါင်းစပ်လိုက်ခြင်းဖြင့်  ၃၆ ရာခိုင်နှုံးထိ အထွက်နှုန်းတိုးလာတဲ့ စပါးမျိုးသစ်ကို ထုတ်လုပ်နိုင်ပြီ ဖြစ်ကြောင်း သုတေသန ခေါင်းဆောင် Inez Slamet-Loedin ကပြောကြားလိုက်ပါတယ်။

နိုဝင်ဘာ- ၂၅ ၂၀၁၃
M-Media
စုစည်းတင်ဆက်သူ- daythanix

သူလျို drone လေယာဉ်သစ် က ရေဒါတွေကို နှောက်ယှက်နိုင်

အမေရိကန်က Northrop Grumma ကုမ္ပဏီ က ထုတ်လုပ်လိုက်တဲ့ မောင်းသူမဲ့ drone လေယာဉ်ဟာ ရေဒါမှာ မတွေ့ရနိုင်တဲ့ သူလျိုလေယာဉ်ပုံစံ ဖြစ်ပါတယ်။ ဒီ drone ကို လင်းနို့လို့ အမည်ပေးထားပါတယ်။ ရည်ရွယ်ချက် အားဖြင့် စုံစမ်းထောက်လှမ်းရေး အပြင် တိုက်ပွဲကာလတွေမှာ ရန်သူရဲ့ ရေဒါတွေ အသုံးပြုမရအောင် jam လုပ်ပစ်နိုင်တဲ့ ကိရိယာတွေ တပ်ဆင်ထားပါတယ်။ ဒါကြောင့် သာမန် တိုက်လေယာဉ်တွေနဲ့ တိုက်ချင်းပစ် ဒုံးပျံတွေ ရန်သူ့ နယ်မြေထဲကို အလွယ်တကူ ဝင်ရောက်နိုင်မှာ ဖြစ်ပါတယ်။

____________________________________________________

နည်းပညာသစ်  ရဟတ်ယာဉ် Volocopter 

လျှပ်စစ် ဂျာမဏီ နိုင်ငံKarlsruhe မြို့ ကe-volo ဆိုတဲ့ ကုမ္ပဏီ ကVolocopter လို့ အမည်ပေးထားတဲ့ ရဟတ်ယာဉ် တစ်မျိုးကို ထုတ်လုပ်လိုက်ပါတယ်။ ရဟတ်ယာဉ်ကို လျှပ်စစ်မော်တာ ၁၈လုံးနဲ့ မောင်းနှင်တာ ဖြစ်တဲ့ အတွက် သာမန် ရဟတ်ယာဉ်များနဲ့ မတူတာကတော့ ဆူညံသံ မရှိခြင်း နဲ့ တုန်ခါမှုများ မရှိခြင်း ပဲ ဖြစ်ပါတယ်။ နှစ်ယောက်စီး ရဟတ်ယာဉ်ဟာ စုစုပေါင်း ၄၅၀kg အလေးချိန် သယ်ဆောင်နိုင်ပြီး တစ်နာရီ ၁၀၀km နှုန်း မောင်းနိုင်ပါတယ်။  ဘက်ထရီအားကလည်း အားဖြည့်ထားရင် တစ်နာရီစာ သုံးနိုင်မှာဖြစ်ပါတယ်။

____________________________________________________
စွမ်းအင်မြင့်မားတဲ့ နူထရီနို ဖမ်းယူ တိုင်းထွာနိုင်ခဲ့တဲ့ သုတေသန

တောင်ဝင်ရိုးစွန်းမှာ တည်ဆောက်ထားတဲ့ The IceCube Neutrino Observatory မှာ စွမ်းအင်မြင့်မားတဲ့ နူထရီနို ၂၈ခု ကို ဖမ်းယူ တိုင်းထွာနိုင်ခဲ့ပါတယ်။ ဒီ ၅၀ teraelectronvolts (TeV) ရှိတဲ့ နူထရီနို တွေရဲ့ စွမ်းအင်အရ ၎င်းတို့ဟာ နေအဖွဲ့အစည်းရဲ့ပြင်ပကနေ လာတယ် ဆိုတာ သိရှိနိုင်ခဲ့ကြပါတယ်။ IceCube  သုတေသန ဌာနမှာ နူထရီနို  ဖမ်းယူတဲ့ ကိရိယာလေးပေါင်း ၅၁၆၀ ကို ရေခဲပြင်အောက်မှာ စတီးကြိုးများနဲ့ ချိတ်ဆွဲထားပြီး နူထရီနိုများ ရေခဲပြင် ကို ဖြတ်သန်းစဉ် ထွက်ပေါ်လာတဲ့ အလင်းမှုန်ကို တိုင်းထွာတာ ဖြစ်ပါတယ်။

____________________________________________________
ကယ်ဆယ်ရေး လုပ်နိုင်မယ့် စက်ရုပ်

Atlas လို့ အမည်ပေးထားတဲ့ စက်ရုပ်ကို Boston Dynamics က ဘေးအန္တရာယ်ကျရောက်တဲ့အခါ လူတွေသွားလာဖို့ ခက်ခဲတဲ့ နေရာတွေမှာ ကယ်ဆယ်ရေး လုပ်နိုင်အောင် ရည်ရွယ် တည်ဆောက်ခဲ့တာ ဖြစ်ပါတယ်။ ၆ ပေ ၂ လက်မ အမြင့်ရှိပြီး ၃၃၀ ပေါင်လေးတဲ့ ဒီ စက်ရုပ်ဟာ ဦးခေါင်းပိုင်းမှာ ကင်မရာ နှစ်လုံးအပြင် sensor ကိရိယာ မျိုးစုံ တပ်ဆင်ထားပါတယ်။ လက်မှာတော့ လိုအပ်တဲ့ ကိရိယာ မျိုးစုံကို လိုအပ်ချက်အလိုက် တပ်ဆင် အသုံးပြုရမှာ ဖြစ်ပါတယ်။ သွားလာလှုပ်ရှားဖို့ အဆစ်ပေါင်း ၂၈ခုနဲ့ တည်ဆောက်ထားပြီး မညီညာတဲ့ နေရာတွေ လှေခါးတွေ တက်နိုင်မှာ ဖြစ်ပါတယ်။ အခုလို တည်ဆောက်ပြီးစီး သွားပေမယ့် ဒီစက်ရုပ်ကို အလုပ်လုပ် ခိုင်းစေနိုင်ဖို့ software မရေးရသေးပါဘူး။ ဒီsoftware ကို ပြိုင်ပွဲတစ်ခုအဖြစ် ဒီဇင်ဘာလမှာMIT နှင့် Virginia Tech ကဲ့သို့ တက္ကသိုလ်များက ယှဉ်ပြိုင် ရေးပေးကြမှာ ဖြစ်ပါတယ်။

_____________________________________________________
တရုတ်နိုင်ငံရဲ့ လသွား အာကာသယာဉ် ဟာ LADEE အာကာသယာဉ် ကို အနှောက်အယှက် ဖြစ်လာနိုင်

ဒီဇင်ဘာလ ပထမပါတ်လောက်မှာ ပစ်လွှတ်ဖို့ စီစဉ်ထားတဲ့ တရုတ်နိုင်ငံရဲ့ လသွားအာကာသယာဉ် Chang’e 3 ဟာ လက်ရှိ လပါတ် လမ်းကြောင်းထဲမှာ လရဲ့ လေထုလွှာ ပါးပါးထဲက ဖုန်မှုန်တွေကို လေ့လာနေတဲ့ အမေရိကန် LADEE သုတေသနကို အနှောက်အယှက် ဖြစ်လာနိုင်တယ်လို့ ဆိုပါတယ်။ လူမဲ့ လဆင်းယာဉ် Chang’e 3 ဟာ လမြေပြင်ပေါ်ဆင်းသက်ပြီး သယ်ဆောင်လာတဲ့ အဝေးထိန်း ကားငယ်လေးနဲ့ မြေပြင်ကို လေ့လာမှာ ဖြစ်ပါတယ်။

______________________________________

ဖူကူရှီးမား လောင်စာချောင်းများကို စတင် ဖယ်ထုတ်

ဂျပန်နိုင်ငံ ဖူကူရှီးမား ညူကလီးယား ဓါတ်ပေါင်းဖိုမှာ ဆူနာမိဘေးအန္တရာယ်ကြောင့် ပျက်စီးမှုများ ဖြစ်ပေါ်ခဲ့ပြီးနောက် စက်ရုံပိတ်သိမ်း နိုင်ဖို့ လုပ်ဆောင်တဲ့ အဆင့်များထဲမှ အန္တရာယ် အကြီးဆုံး အဆင့် ဖြစ်တဲ့ လောင်စာချောင်းများကို ဖယ်ထုတ်တဲ့ အဆင့်ကို စတင်လိုက်ပြီလို့ သိရပါတယ်။ ဒီ လောင်စာချောင်း ၁၅၀၀ ကျော်ကို ဆယ်ယူဖို့ တစ်နှစ်ကြာမယ်လို့ ခန့်မှန်းထားပါတယ်။

နိုဝင်ဘာ- ၁၉ ၂၀၁၃
M-Media
စုစည်းတင်ဆက်သူ- daythanix

သစ်တော တိုးပွားမှု- ပြုန်းတီးမှုကို လေ့လာမှု မြေပုံ

University of Maryland က သုတေသီတွေဟာ Google ရဲ့ အကူအညီနဲ့ 2000 – 2012 အတွင်း သစ်တော တိုးပွားမှု – ပြုန်းတီးမှုကို လေ့လာခဲ့ပါတယ်။ ဒီလိုလေ့လာဖို့ U.S. Geological Survey ရဲ့ Landsat ဂြိုလ်တု ရ လုံးက စုဆောင်းရရှိတဲ့ hi-res ပုံများစွာကို Google earth နည်းပညာ အသုံးပြုပြီး တွဲဆက်ပုံဖေါ်နိုင်ခဲ့ကြပါတယ်။ Google နည်းပညာကြောင့် သာမန်ကွန်ပြုတာနဲ့ လုပ်ဆောင်ရင် ၁၅နှစ် လောက် လုပ်ရမယ့် processing ကို ရက်အနည်းငယ်အတွင်း ပြီးစီးခဲ့တယ်လို့ ဆိုပါတယ်။ ဒီလို လေ့လာကြည့်လိုက်တော့ 2000 – 2012 နှစ်တွေအတွင်း ကမ္ဘာ့ သစ်တောပြုန်းတီးမှု 2.3 million square kilometers ရှိတယ် ဆိုတာ တွေ့ရှိရပါတယ်။ တိုးပွားမှုကတော့ 0.8 million square kilometers ပဲ ရှိပါတယ်။ မြန်မာနိုင်ငံ ကို ကြည့်ရင်လည်းပဲ သစ်တော ပြုန်းတီးတဲ့ နေရာတွေကို ရှာ ဖွေတွေ့ရှိ  နိုင် ပါတယ်။ https://earthenginepartners.appspot.com/science-2013-global-forest မှာ သွားရောက်လေ့လာနိုင်ပါတယ်။
————————————————–
3-D Printing App

Windows 8.1 မှာအသုံးပြုဖို့ 3-D Printing App ကို Microsoft က ဖြန့်ချီလိုက်ပါတယ်။ Windows 8.1 မှာ 3-D Printing နဲ့ပါတ်သတ်လို့ လုပ်ဆောင်နိုင်စွမ်းတွေ ပါဝင်တယ်လို့ သိရပါတယ်။ အခု ဆော့ဖ်ဝဲလ် အသုံးပြုပြီးတော့ ကစားစရာတွေ နဲ့ အခြား အိမ်သုံးပစ္စည်းလေးတွေကို ပုံစံထုတ် ပြုလုပ်နိုင်မှာ ဖြစ်ပါတယ်။ MakerBot Replicator 2 Desktop 3D Printer ကိုလည်း $2200 နဲ့ microsoft က ရောင်းချ ပါတယ်။

————————————————–
လန်ဒန် ဆိုက်ဘာတိုက်ခိုက်ခြင်း စမ်းသပ်မှု

ယခင်အပါတ် အင်္ဂါနေ့က  လန်ဒန်မြို့ Plaisterers’ Hall မှာ “Waking Shark II” လို့ အမည်ပေးထားတဲ့ ဆိုက်ဘာတိုက်ခိုက်ခြင်း ပုံစံတူ စမ်းသပ်မှု ပြုလုပ်ခဲ့ပါတယ်။ နိုင်ငံခြားဒေသတစ်ခုကနေ နိုင်ငံအတွင်းက စီးပွားရေးနဲ့ ဘဏ်လုပ်ငန်းတွေကို တိုက်ခိုက်တဲ့ ပုံစံမျိုးအတွက် လန်ဒန်မှာ အခြေစိုက်တဲ့ ဘဏ် ၁၀၀ ကျော် ပူးပေါင်းပါဝင် စမ်းသပ်ခဲ့ကြပါတယ်။ DDoS တိုက်ခိုက်မှု၊ စံနစ်အတွင်း ဖေါက်ထွင်းဝင်ရောက်မှု စတဲ့ စမ်းသပ်မှုမျိုးစုံ ပုံစံတူ စမ်းသပ်ခဲ့ကြပါတယ်။

————————————————–
အလိုအလျှောက် မောင်းတဲ့ ကားသုံးမည့် အင်္ဂလန်နိုင်ငံ

အင်္ဂလန်နိုင်ငံ Milton Keynes မြို့မှာ ၂၀၁၅ ခုနှစ်ရောက်ရင် အလိုအလျှောက် မောင်းတဲ့ ကားငယ်လေးတွေနဲ့ သယ်ယူပို့ဆောင်ရေး စံနစ်တစ်ခု စမ်းသပ် လုပ်ဆောင်မှာ ဖြစ်ပါတယ်။ $103 million  ရင်းနှီးမြုတ်နှံမှုနဲ့ ဆောင်ရွက်မှာ ဖြစ်တဲ့ ပိုဆောင်ရေးစံနစ်ယာ ၂၀၁၇ မှာ အပြည့်အဝ စံနစ်တစ်ခု ဖြစ်လာမှာ ဖြစ်ပါတယ်။ ဒီလျှပ်စစ် ကားငယ်လေးတွေကို စီးမယ့် ခရီးသည်တွေက ခရီးစဉ်တစ်ခုအတွက် ၃ ပေါင်ပေးရမှာ ဖြစ်ပါတယ်။

————————————————–
တောင်အာဖရိက အတွက် ဟိုက်ဒရိုဂျင် ဓါတ်ခဲ

လက်ကိုင်ဖုန်းများကို အားသွင်းနိုင်တဲ့ ဟိုက်ဒရိုဂျင်လောင်စာသုံး ဓါတ်ခဲ တစ်မျိုးကို နိုက်ဂျီးရီးယား နဲ့ တောင်အာဖရိက နိုင်ငံတွေမှာ  အသုံးပြုနိုင်ရန် အင်္ဂလန် မှ Intelligent Energyက ထုတ်လုပ်လိုက်ပါတယ်။  တစ်ခါ ဟိုက်ဒရိုဂျင် ဖြည့်ထားရင် ငါးကြိမ် သုံးနိုင်မှာ ဖြစ်ပြီး ဟိုက်ဒရိုဂျင် ဖြည့်ခ ၅ ဒေါ်လာခန့် ကုန်ကျပါတယ်။

————————————————-
** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
စီးပွားဖြစ် ထုတ်ဝေသော Print Media များတွင် အသုံးပြုလိုသူများ M-Media သို့ ခွင့်ပြုချက်တောင်းရန် လိုအပ်ပါမည်။
ဆက်သွယ်ရန် [email protected]