News @ M-Media

တစ်ပါတ်အတွင်း သိပ္ပံနှင့် နည်းပညာ သတင်းများ (M-Media Tech ကဏ္ဍ)

ဒီဇင်ဘာ ၄၊၂၀၁၃
M-Media
စုစည်းတင်ဆက်သူ- daythanix

ဂျယ်လီငါးလိုပျံသန်းသည့် စက်ရုပ်ငယ်ကလေး

New York University ကလက်ထောက်ပါမောက္ခ  Leif Ristroph ဟာ jellyfish တွေ ရေထဲမှာ သွားလာတဲ့ ပုံစံကို အတုယူပြီး ပျံသန်းတဲ့ စက်ရုပ်ငယ်လေးကို တီထွင်လိုက်ပါတယ်။ သေးငယ် ပေါ့ပါးတဲ့ ဒီလိုပျံသန်းနိုင်တဲ့ ကိရိယာလေး မှာ ရှုပ်ထွေးတဲ့ အီလက်ထရောနစ်ပစ္စည်းတွေလည်း တပ်ဆင်ထားခြင်းမရှိပါဘူး။
jellyfish robot
−−−−−−−−−−−−−−−−−−−−−−−−−

လျှပ်စီးပါတ်လမ်းများကို ပြုလုပ်ရေးဆွဲနိုင်တဲ့ဘောလ်ပန်

Electroninks Incorporated ကထုပ်လုပ်လိုက်တဲ့ Circuit Scribe ဘောလ်ပန်ဟာ လျှပ်စီးပါတ်လမ်းများကို စာရွက်ပေါ်မှာ ရေးဆွဲလိုက်ရုံနဲ့  စမ်းသပ် အသုံးပြုနိုင်တဲ့ circuit ကိုပြုလုပ်နိုင်မှာ ဖြစ်ပါတယ်။ အီလက်ထရေနစ် လျှပ်စစ်ပါတ်လမ်းများကို ဒီဇိုင်းပြုလုပ်သူတွေအတွက်အထူး အကျိုးရှိလာမယ့် တီထွင်မှု ဖြစ်ပါတယ်။
circuit
_____________________

ပေါင်းစည်း နျူကလီယား လျှပ်စစ်ကို အအေးနည်းနဲ့ ထုတ်လုပ်

အီတလီ နိုင်ငံက သိပ္ပံပညာရှင် Andrea Rossi ဟာ  ပေါင်းစည်း နျူကလီယား လျှပ်စစ်ကို အအေးနည်းနဲ့ ထုတ်လုပ်ရောင်းချနိုင်တော့မယ်လို့ ကြေငြာလိုက်ပါတယ်။ ပေါင်းစည်း နျူကလီယား ဓါတ်ပြုမှု (nuclear fusion reaction) ကို နေရဲ့ မျက်နှာပြင်မှာ ဖြစ်ပေါ်တဲ့ ဓါတ်ပြုမှု မျိုးကို စမ်းသပ်နေဆဲ ဖြစ်ပြီး အလွန်ပြင်းထန်တဲ့ အပူချိန် လိုအပ်ပါတယ်။ အခု Andrea Rossi ရဲ့ နည်းပညာကတော့ cold fusion လို့ ခေါ်တဲ့ အအေးနည်း(အလွန်ပြင်းထန်တဲ့ အပူချိန် မလိုအပ်တဲ့နည်း) ဖြစ်ပါတယ်။ cold fusion ဆိုတာကတော့ သီအိုရီအားဖြင့်တောင် ရှာဖွေဆဲ ဖြစ်ပါတယ်။ Andrea Rossi  ရဲ့ cold fusion reactor ကတော့ အရွယ်အစားလည်း သေးငယ်ပြန်ပါသေးတယ်။ 1 MW ဓါတ်အား ထုတ်နိုင်တဲ့ စက်ကို ဒေါ်လာတစ်သန်းခွဲ နဲ့ရောင်းချမှာ ဖြစ်ပါတယ်။ http://www.ecat.com/ecat-products/ecat-1-mw
cold fusion
−−−−−−−−−−−−−−−−−−−−−−−−−−−−−−−−

စပါးမျိုးသစ်  ၃၆ ရာခိုင်နှုံးအထွက်တိုး

ဖိလစ်ပိုင်နိုင်ငံ က IRRI genetic transformation laboratory မှာ “indica” လို့ခေါ်တဲ့ စပါးမျိုးကို SPIKE မျိုးရိုးဗီဇ နဲ့ ပေါင်းစပ်လိုက်ခြင်းဖြင့်  ၃၆ ရာခိုင်နှုံးထိ အထွက်နှုန်းတိုးလာတဲ့ စပါးမျိုးသစ်ကို ထုတ်လုပ်နိုင်ပြီ ဖြစ်ကြောင်း သုတေသန ခေါင်းဆောင် Inez Slamet-Loedin ကပြောကြားလိုက်ပါတယ်။
rice

Comments

Leave a Reply