Tag: M-MediaKnowledge

သြဂုတ် ၀၆၊ ၂၀၁၃
M-Media Knowledge ကဏ္ဍ
ရှာဖွေတင်ဆက်သူ – မိုးတိမ်

ပန်းချီလား၊ Photoshop နဲ့ ပြင်ထားတဲ့ပုံလား? တစ်ခုမှ မဟုတ်ပါ၊ ဒါဟာ ကျွန်တော်တို့နေထိုင်တဲ့ ဒီကမ္ဘာမြေထဲက ပုံအစစ်ပါဆို ယုံကြမလား? တရုတ်နိုင်ငံ Danxia သဘာဝ ဘူမိဗေဒဇုန်က တောင်တန်းတွေဖြစ်ပါတယ်။

ဗြိတိန်သတင်းစာ Telegraph ရဲ့အဆိုအရ အရောင်ကွဲအလွှာတွေဖြစ်လာတာက သဲကျောက်လွှာတွေနဲ့ တွင်းထွက်တွေဟာ နှစ်ပေါင်း ၂၄ သန်းခန့်မျှ အတူတူဖိသိပ်ခြင်းခံရပြီး ကမ္ဘာမြေသားထုကြီးတွေ တွန်းတိုက်ရာကနေ တွန့်ထွက်လာကြတယ်လို့ ဆိုပါတယ်။ ဗြိတိန် ကိုလံဘီယာမှာလည်း မီးတောင်ကျောက်နဲ့ တခြားတွင်းထွက်တွေ ရောစပ်ပြီး Rainbow Range သက်တံတောင်တန်း လို့ခေါ်တဲ့ အလားတူ တောင်တန်းတွေရှိပါတယ်။

ဒီတောင်တန်းတွေကို နှစ်ထောင်ပေါင်းများစွာ မိုးရယ်လေရယ်တိုက်စားပြီး မြင်ရတဲ့အတိုင်း ချိုင့်ဝှမ်းတွေဖြစ်စေပါတယ်။ ဒီဒေသကို ၂၀၁၀ ခုနှစ်ကစပြီး UNESCO ရဲ့ ကမ္ဘာ့အမွေအနှစ်စာရင်းထဲ ထည့်သွင်းထားပါတယ်။

Saint Louis တက္ကသိုလ်မှ ဘူမိဗေဒပညာရှင် ဒေါက်တာ John Encarnacion က ကျောက်တွေ ၄၅ ဒီဂရီစောင်းနေတာဟာ အိန္ဒိယတိုက်ငယ်နှင့် အာရှတို့ တွန်းတိုက်မှုကြောင့် ဆက်စပ်နိုင်ကြောင်းဆိုပါတယ်။ မကြာသေးခင်ကမှ တွေ့ရှိထားချက်များအရ အဆိုပါတွန်းတိုက်မှုဟာ လွန်ခဲ့သော နှစ်ပေါင်း ၃၅ သန်းခန့် အလျင်ကဖြစ်ပေါ်ခဲ့ပြီး ကျောက်ပေါင်းများစွာ တရုတ်နိုင်ငံတဝှမ်း ပဲ့ထွက်ခဲ့ကြောင်းပြောပါတယ်။

သို့ပေမယ့် ကျောက်တွေကတော့ ဒီ့ထက်အတော်စောပြီး အနည်းဆုံး လွန်ခဲ့သောနှစ်သန်းပေါင်း ၆၅ (ဒိုင်နိုဆောများရှိသေးစဉ်) ကတည်းက ဖြစ်တည်ခဲ့ကြတာပါ။ ယခုမြင်ရသကဲ့သို့ပုံစံများ ဖြစ်ပေါ်လာစေရန် နှစ်ပေါင်း သန်း ၂၀ ခန့် ကြာခဲ့ပါတယ်။

ကိုးကား – Huffingtonpost, Wunderground

သြဂုတ် ၀၃၊ ၂၀၁၃
M-Media Knowledge ကဏ္ဍ
ရှာဖွေတင်ဆက်သူ – မိုးတိမ်

၁၉၆၃ ခုနှစ် သြဂုတ်လမှာ တေးဂီတသမိုင်းကိုပြောင်းလဲစေမယ့် “ကက်ဆက်”ဆိုတဲ့ နည်းပညာအသစ်တစ်မျိုး ကမ္ဘာပေါ်ကို ရောက်လာပါတယ်။ ဒီလကတော့ ကက်ဆက်တွေရဲ့ နှစ် ၅၀ မြောက်မွေးနေ့ပါ။

အသက် ၈၇ နှစ်ရှိပြီဖြစ်တဲ့ ကက်ဆက်တီထွင်သူ Lou Ottens က “တစ်ရက်နေ့တည်းကနေ ခံစားမိပါတယ်” လို့ တိုင်းမ်မဂ္ဂဇင်း ကိုပြောပါတယ်။ ဒီအပတ်ထုတ် တိုင်းမ်မဂ္ဂဇင်းမှာ ကက်ဆက်တွေဟာ ယနေ့အထိ ဘယ်လိုလွှမ်းမိုးထားသေးလဲဆိုတဲ့ သရုပ်ဖော်သမိုင်း ဖော်ပြထားပါတယ်။

ကက်ဆက်တွေရဲ့ခေတ်ကုန်ဆုံးသွားပြီလို့ ထင်ရပေမယ့် ကျွန်တော်တို့နားထောင်တဲ့ သီချင်းတွေကို လမ်းကြောင်းပေးခဲ့တယ်။ ကက်ဆက်မြတ်နိုးသူတွေကတော့ ခုထိဒုနဲ့ဒေးပါ။ သူတို့ဟာရှားပါးတဲ့ ကက်ဆက်ထောင်ပေါင်းများစွာကို စုဆောင်းထားကြတာဖြစ်ဖြစ်၊ အတိတ်ကိုလွမ်းလို့ သူတို့ရဲ့ကက်ဆက်ခွေဟောင်းတွေကို ပြထားတာဖြစ်ဖြစ် လုပ်နေကြပါတယ်။

ကိုးကား – Time

သြဂုတ် ၀၁၊ ၂၀၁၃
M-Media Knowledge ကဏ္ဍ
ရှာဖွေတင်ဆက်သူ – မိုးတိမ်

တကယ်လို့ တယောက်ယောက်က “မုန်လာဥ”လို့ ပြောလာရင် လိမ္မော်ရောင် ခပ်ရှည်ရှည်နဲ့ ထိပ်က အစိမ်းရောင်ရှိတဲ့ အသီးအနှံကို မမြင်မိဘူးလား။ မုန်လာဥကို ကျွန်တော်တို့ လိမ္မော်ရောင် ဒါမှမဟုတ် အဖြူရောင်ကိုပဲ မြင်ဖူးကြမှာပါ။ ဒါပေမယ့် ဒါတွေဟာ မုန်လာဥရဲ့ မူလအရောင်အစစ်မဟုတ်ပါဘူး။

၁၇ ရာစုမတိုင်ခင်က စိုက်ခင်းထဲက မုန်လာဥတွေအားလုံးနီးပါး ရဲ့ အရောင်က “ခရမ်း” ပါ။ ဒီနေ့တွေ့နေရတဲ့ လိမ္မော်ရောင် မုန်လာဥကတော့ ၁၆ ရာစုနှောင်းပိုင်းမှာ ဒတ်ခ်ျလူမျိုး စိုက်ပျိုးရေးသမားတွေက ခရမ်းရောင် မုန်လာဥထဲက တိမ်မြုပ်နေတဲ့ မျိုးဗီဇတွေကို ပြုပြင်ပြီး ဒီနေ့တွေ့ရသလို ဖွံ့ဖွံ့ချိုချို လိမ္မော်ရောင် အမျိုးအစားရလာတာပါ။ ဒီ့အရင်ကတော့ ရှိရှိသမျှသော မုန်လာဥတွေအားလုံးဟာ ခရမ်းရောင်ဖြစ်ပြီး တစ်ခါတလေ အဝါနှင့် အဖြူရောင်တွေ ပေါ်လာတတ်ပါတယ်။ ဒီအရောင်တွေကိုတော့ စိုက်ပျိုးခဲပြီး ခရမ်းရောင် ရောင်ချယ်ဓါတ် anthocyanin မပါဝင်ပါဘူး။

ယနေ့တွေ့နေရတဲ့ လိမ္မော်ရောင် မုန်လာဥတွေကို မျိုးဗီဇတိမ်မြုပ်နေတဲ့ အဝါ၊ အဖြူနဲ့ စိုက်ပျိုးမုန်လာတွေနဲ့ တော်တော်ကွဲပြားပြီး အလေ့ကျပေါက်တဲ့ အခြားမုန်လာဥ အရိုင်းတွေကို ရောစပ်ပြုပြင်ပြီး ရလာတာလို့ ယူဆထားကြပါတယ်။ လိမ္မော်ရောင် မုန်လာဥတွေဟာ ပိုစားကောင်းပြီး အသားပိုများပေမယ့် ကျန်းမာရေးရှုထောင့်အရတော့ ခရမ်းရောင်မုန်လာတွေလောက် အကျိုးမပေးပါဘူး။

နယ်သာလန်မှာ လိမ္မော်ရောင် မုန်လာတွေ အရမ်းကျော်ကြားအောင်မြင်လာတဲ့ အကြောင်းရင်းကတော့ ဒတ်ခ်ျတွေရဲ့ လွတ်လပ်ရေး ကြိုးပမ်းမှုမှာ အရေးပါတဲ့ House of Orange အထိမ်းအမှတ်အဖြစ် ဂုဏ်ပြုခဲ့တာလို့ အချို့ ယူဆကြပါတယ်။ ဒါကဖြစ်နိုင်သလို ဒတ်ခ်ျတွေလုပ်ထားတဲ့ လိမ္မော်ရောင် မုန်လာဥတွေဟာ ခရမ်းရောင်တွေထက် ပိုချိုပြီး ပိုအသားများလို့လည်း ဖြစ်နိုင်ပါတယ်။

ကိုးကား – Today I Found Out

ဇူလိုင် ၃၁၊ ၂၀၁၃
M-Media Knowledge ကဏ္ဍ
ရှာဖွေတင်ဆက်သူ – မိုးတိမ်

ဒီတစ်ခါ M-Media ပရိသတ်တွေကို မိတ်ဆက်ပေးချင်တာကတော့ တူရကီနိုင်ငံမှာရှိတဲ့ Derinkuyu လို့ခေါ်တဲ့ ရင်သပ်ရှုမောဖွယ်ရာ ရှေးဟောင်းမြို့တစ်မြို့ပါ။

Derinkuyu ဟာ အထပ်များစွာပါဝင်တဲ့ မြေအောက်မြို့တစ်မြို့ပါ။ တူရကီနိုင်ငံက Nevşehir ခရိုင်မှာတည်ရှိပြီး Median အင်ပါယာရဲ့ မြို့တစ်မြို့ဖြစ်ပါတယ်။၆၀ မီတာ (ပေ၂၈၀) အနက်အထိရှိပြီး လူ ၂ သောင်းလောက်ဟာ သူတို့မွေးထားတဲ့ တိရိစ္ဆာန်တွေအပြင် သိုလှောင်ထားတဲ့ အစားသောက်တွေနှင့်အတူ နေထိုင်နိုင်လောက်အောင် ကျယ်ပါတယ်။ အထပ် ၁၃ ထပ်ပါဝင်ပြီး အနက်ဆုံးအထပ်အထိ လေဝင်ထွက်ရှိစေရန် လေဝင်ပေါက်ငယ်ပေါင်း ၁၅၀၀၀ သွယ်တန်းထားတဲ့ Derinkuyu ဟာ တူရကီနိုင်ငံ Cappadocia ဒေသမှာတွေ့ရတဲ့ မြေအောက်မြို့တွေထဲက အကြီးဆုံးမြို့ တစ်မြို့ဖြစ်ပါတယ်။

Derinkuyu မြေအောက်မြို့ကို အတွင်းဘက်မှ ကြီးမားတဲ့ ကျောက်တုံးတံခါးတွေနဲ့ ပိတ်လို့ရပါတယ်။ တစ်လွှာချင်းကို သက်သက်စီဖြစ်အောင် ပိတ်လို့ရပါတယ်။

လူ ၂ သောင်းလောက်နေလို့ရတဲ့အပြင် ဝိုင်နှင့်ဆီ ကြိတ်စက်များ၊ မြင်းအိမ်များ၊ မြေအောက်ခန်းများ၊ အစားအသောက်တန်းများ နှင့် ရှိခိုးကိုးကွယ်ရာနေရာများ အစရှိတဲ့ အင်္ဂါရပ်အစုံပါဝင်ပါတယ်။

တူရကီနိုင်ငံ ယဉ်ကျေးမှုဝန်ကြီးဌာနရဲ့ အဆိုအရ Derinkuyu မြေအောက်မြို့ကို ဘီစီ ၈ရာစု-၇ရာစုတည်းက Cappadocia ဒေသရဲ့ မီးတောင်ကျောက်ပျော့တွေမှာ တည်ဆောက်ခဲ့တာဖြစ်ပြီး အရှေ့ရောမအင်ပါယာ (Byzantine) ခေတ်က ကြီးမားကျယ်ပြန့်လာခဲ့တာပါ။ Derinkuyu ဟာ တခြားသော မြေအောက်မြို့များနှင့် မိုင်ပေါင်းများစွာရှည်တဲ့ မြေအောက်လှိုင်ခေါင်းတွေနဲ့ဆက်ထားပါတယ်။

Nevşehir ခရိုင်တွင် အခြားမြောက်များစွာသော မြေအောက်မြို့များရှိပါသေးတယ်။ သူတို့ကို ထူးခြားဆန်းပြားတဲ့ ပုံစုံများဖြင့်ထွင်းထားကြတာပါ။ ၂၀၀ ထက်ပိုသော မြေအောက်မြို့တွေဟာ အနည်းဆုံး အထပ် ၂ ထပ်ရှိပါတယ်။ အဲဒီထဲက ၄၀ လောက်ကတော့ ၃ ထပ်နဲ့ အထက်ရှိပါတယ်။ ရှေးဟောင်းမြို့တွေထဲက အထင်ရှာဆုံးဖြစ်တဲ့ Kaymaklı နှင့် Derinkuyu တို့ကို ၈ ကီလိုမီတာ ရှည်တဲ့ မြေအောက်လှိုင်ခေါင်းနဲ့ ဆက်သွယ်ထားပါတယ်။

ကိုးကား – Wiki

ဇူလိုင် ၃၀၊ ၂၀၁၃
M-Media Knowledge ကဏ္ဍ
ရှာဖွေတင်ဆက်သူ – မိုးတိမ်

Heart attack ဖြစ်သော လူအများစုဟာ တစ်ယောက်တည်းရှိနေချိန်တွင် ဖြစ်တတ်ပြီး အကူအညီမရပါက သတိလစ်မေ့မျောသွားရန် ၁၀ စက္ကန့်သာကြာပါတယ်။

ထိုကဲ့သို့ဖြစ်ချိန်တွင် လူနာကိုယ်တိုင် ချောင်းကို ခပ်ပြင်းပြင်း ဆက်တိုက်ဆိုးပေးခြင်းဖြင့် အခြေအနေကို ထိန်းထားနိုင်ပါတယ်။ ချောင်းဆိုးမည့်အကြိမ်တိုင်း မဆိုးမီအလျင် အသက်ပြင်းပြင်းရှူပါ။ ချောင်းဆိုးရာတွင်လည်း အတွင်းမှ ချွဲသလိပ်ထုတ်သကဲ့သို့ ရှည်လျားစွာနှင့် နက်နဲစွာ ဆိုးပေးပါ။ ထိုကဲ့သို့ ပြုလုပ်ရင်း အမြန်ဆုံး အကူအညီရရန် အရေးပေါ်နံပါတ်များသို့ လှမ်းအကြောင်းကြားပါ။

အသက်ပြင်းရှူခြင်းနှင့် ချောင်းပြင်းဆိုးခြင်းကို အကူအညီမလာမချင်း (သို့) ပုံမှန်အသက်မရှူမချင်း ၂ စက္ကန့် တစ်ခါပြုလုပ်ပေးပါ။

အသက်ပြင်းရှူခြင်းက အဆုပ်အတွင်းသို့ အောက်ဆီဂျင်ရောက်စေပြီး ချောင်းဆိုးခြင်းက နှလုံးကိုညှစ်စေကာ ပုံမှန်ဖြစ်စေပြီး သွေးလည်ပတ်စေပါတယ်။ ဒီလိုနည်းနှင့် ဝေဒနာရှင်ဟာ ဆေးရုံရောက်အောင် ထိန်းထားနိုင်ပါတယ်။

ဒီနည်းအား တတ်နိုင်သလောက် ဖြန့်ဝေပြောကြားပေးခြင်းဖြင့် လူ့အသက်တွေကို ကယ်တင်ရာမှာ သင်လည်းပါဝင်နိုင်ပါတယ်။

ကိုးကား – Genejostory