Tag: Makkah

ကအ်ဘာကျောင်းတော် ပရ၀ုဏ် အတွင်း ခေတ်မီ အမိုးရှင်များ တပ်ဆင်မည်

ဒီဇင်ဘာ ၂၀ ၊ ၂၀၁၄
M-Media

-မက္ကာမြို့ရှိ ကအ်ဘာဝတ် ကျောင်းတော် ပရ၀ုဏ်အတွင်း ၀တ်ပြုဆောက်တည်ကြ သူများအား နေလောင်မှု ဒဏ်မှ ကာကွယ်ပေးရန် အတွက် ခေတ်မီ အမိုးရှင် ရာပေါင်းများစွာကို တပ်ဆင်သွားမည်ဟု သိရသည်။

`ထပ်ချဲ့လိုက်တဲ့နေရာ အပါအ၀င် ၀တ်ကျောင်းတော်ကြီးရဲ့ ပရ၀ုဏ်မှာ ထီးပုံစံ အမိုး ၃၀၀ ကျော် ထည့်သွင်း တပ်ဆင်ဖို့ ကျွန်တော်တို့ ဆုံးဖြတ်ခဲ့ပါတယ်´ ဟု ဆော်ဒီအာရေဗျရှိ မြင့်မြတ်သော ၀တ်ကျောင်းတော်နှစ်ခု၏ ဂေါပကအဖွဲ့ ဥက္ကဌ ရှိခ် အဗ္ဗဒူလ်ရဟ်မာန် အလ်-ဆောင်ဒီက ဒီဇင်ဘာ ၁၅ ရက်နေ့တွင် Arabs News သတင်းဌာနသို့ ပြောကြားခဲ့သည်။

မြင့်မြတ်သော ၀တ်ကျောင်းတော် ပရ၀ုဏ်ရှိ နေရာအကျယ်အ၀န်း ၂၇၅၀၀၀ စတုရန်း ကီလိုမီတာအား အရိပ်ပေးနိုင်မည့် အဆိုပါအမိုးများ တပ်ဆင်ရန်အတွက် ဘုရင်ကြီး အဗ္ဗဒူလာ က ခွင့်ပြုခဲ့ခြင်း ဖြစ်သည်။

အဆိုပါ အမိုးများမှာ မဒီနာမြို့တော်ရှိ တမန်တော်မြတ်ကြီး၏ ဗလီဝတ်ကျောင်းတော်တွင် တပ်ဆင်ထားသော အမိုးများကဲ့သို့ဖြစ်ပြီး နံနက်အချိန်တွင် ဖြန့်ထားက ညဘက်တွင် ခေါက်ထားနိုင်မည့် အမိုးရှင်များဖြစ်သည်။

ထိုအမိုးများမှာ နေရောင်ခြည်ကို ကာကွယ်ပေးနိုင်မည်ဖြစ်ပြီး အမိုးဖွင့်ရန်နှင့် အမိုးခေါက်ရန် ကြာချိန်မှာ ၃ မိနစ်သာ ကြာမည်ဖြစ်သည်။

မတ်စ်ဂျစ်ဒ်ဟရမ်ဟုခေါ်သည့် အဆိုပါ ကအ်ဗာကျောင်းတော်မှာ အစ္စလာမ်သာသနာတွင် အမြင့်မြတ်ဆုံး ၀တ်ကျောင်းတော် တစ်ခုဖြစ်ပြီး နှစ်စဉ် ကမ္ဘာတစ်ဝှမ်းမှ အစ္စလာမ်ဘာသာဝင်များ လာရောက်ဟဂ်ျပြုရသည့် နေရာလည်းဖြစ်သည်။

နှစ်စဉ် ဟဂ်ျခရီးသည်များ များပြားလာသည့် အတွက်ကြောင့် အဆိုပါ ၀တ်ကျောင်းတော် တိုးချဲ့ရေး၊ ဟဂ်ျ ခရီးသည်များ လွယ်ကူချောမွေ့စွာ ၀တ်ပြုဆောက်တည်နိုင်ရေး အတွက် ဆောင်ရွက်ပေးခြင်း၊ ၀တ်ကျောင်းတော် လုံခြုံရေးအတွက် အဆင်မြင့်နည်းပညာများ တပ်ဆင်ခြင်း စသည်တို့ကို ဆော်ဒီအစိုးရက ဆောင်ရွက်လျက်ရှိနေသည်။

ref:OnIslam

December 20, 2014
မက္ကာရှိ ကမ္ဘာ့ဒုတိယအမြင့်ဆုံး နာရီစင်တာဝါအား ဟဂ်ျကာလ အပြီးတွင် ဖွင့်လှစ်မည်

သြဂုတ် ၁၉ ၊ ၂၀၁၄
M-Media

– ကမ္ဘာ့ဒုတိယအမြင့်ဆုံး တာဝါဖြစ်လာမည့် မက္ကာမြို့ရှိ နာရီစင်တာဝါကို ၂၀၁၄ ဟဂ်ျဘုရားဖူးကာလအပြီးတွင် ကမ္ဘာလှည့်ခရီးသွားများအတွက် ဖွင့်လှစ်တော့မည်ဟု သိရသည်။

အဆိုပါ နာရီစင်တာဝါမှာ ဘုရင် အဘ်ဒူလ်အဇစ် တည်ဆောက်မည့် တာဝါပရောဂျက် ၇ ခုမှ တာဝါနံပါတ် ၅ ဖြစ်ပြီး ဟိုတယ်များလည်းပါဝင်သည်။ အဆိုပါ တာဝါမှာ ၆၀၁ မီတာ အမြင့်ရှိပြီး ၇၆ ထပ် ရှိကာ ဟိုတယ်အခန်းပေါင်း ၈၅၈ ခန်းပါဝင်သည်။ ထိုတာဝါမှ ကအ်ဗာကျောင်းတော်ကို လှမ်း၍ ရှုမြင်နိုင်သည်။

ထိုတာဝါတွင်ပါရှိသည့် နာရီမှာ မီတာ ၈၀ အမြင့်ရှိကာ ၆၅ မီတာအကျယ်ရှိသည်။ နာရီ၏ အချင်းမှာ ၃၅ မီတာရှိသည်။ ထိုနာရီကို တာဝါအမြင့် မီတာ ၃၈၀ တွင် ထည့်သွင်း တည်ဆောက်ထားခြင်းဖြစ်ပြီး မျက်နှာစာလေးခုပါဝင်က နာရီထိပ်ဆုံးတွင် အလ္လာဟ်အရှင်မြတ်၏နာမတော်ကို ရေးထိုးထားသည်။

ဘုရင် အဘ်ဒူလ်အဇစ်၏ တာဝါပရောဂျက်မှာ ဆော်ဒီ၏ ခရီးသွားကဏ္ဍ တိုးတက်ရေးအတွက် ရည်ရွယ်ခြင်းဖြစ်ကြောင်း၊ ထိုတာဝါမှနေ၍ ကအ်ဗာကျောင်းတော်အပါအ၀င် မက္ကာမြို့၏ အလှအပကို ကြည့်ရှုခံစားနိုင်မည်ဖြစ်ကြောင်း တာဝန်ရှိသူတစ်ဦးက ပြောကြားခဲ့သည်။

ထိုတာဝါ၏ ထိပ်ဆုံးသို့တက်ရောက်ကြည့်ရှုရန်အတွက် လက်မှတ်ဝယ်ယူရမည်ဖြစ်သည်။

ref_ Arab news

August 19, 2014
မက္ကဟ်ရှိ ကအ်ဗာပရဝုဏ် အတွင်း ၅ မိုင်ခွဲ အကွာမှကြားနိုင်မည့် အရည်အသွေးမြင့် စပီကာ ၄၀၀၀ တပ်ဆင်

ဇူလိုင် ၁၉ ၊ ၂၀၁၄
M-Media
ဝတ်ပြုမှုများကို အလွန်ဝေးကွာသည့်နေရာများမှ အလွယ်တစ်ကူ ကြားနိုင်ရန်အတွက် အရည်အသွေးမြင့် စပီကာ ၄၀၀၀ ကျော်ကို ကအ်ဗာ ပရ၀ုဏ်အတွင်း တိုးချဲ့တပ်ဆင်

– ရမ်ဇာန်ဥပုသ်လနှင့် ဟဂ်ျကာလတို့တွင် မွတ်စလင်ထောင်းပေါင်းများစွာ လာရောက်၍ ဘာသာရေးဆိုင်ရာ တာဝန်များကို ထမ်းဆောင်ရာတွင် လွယ်ကူချောမွေ့စေရန်အတွက် ထိပ်တန်းအသံအရည်အသွေးရှိသည့် စပီကာ ၄၀၀၀ ကျော်ကို ကအ်ဗာကျောင်းတော် ပရ၀ုဏ်အတွင်း တိုးချဲ့တပ်ဆင်လိုက်သည်ဟု သိရသည်။

“စပီကာတွေကို လူသွားလမ်းတွေနဲ့ ရင်ပြင်တွေမှာ တပ်ဆင်ထားပြီးပါပြီ။ ၆၅၆ လုံးကို ရမ်ဇာန်လအတွင်းမှာ စုပေါင်းဝတ်ပြုဖို့ အသစ်ဖွင့်လှစ်လိုက်တဲ့ အထပ်တွေမှာ တပ်ဆင်ထားပါတယ်” ဟု ကအ်ဗာကျောင်တော် စီမံခန့်ခွဲရေး ဒါရိုက်တာဖြစ်သူ ဖါရက်စ် အလ် ဆအက်ဒီက ပြောကြားခဲ့သည်။

အဆိုပါစပီကာများကို နည်းပညာကော်မတီက ကမ္ဘာပေါ်ရှိ အရည်အသွေး အကောင်းဆုံးများထဲမှ ရွေးချယ် ခဲ့ခြင်းဖြစ်ပြီး ရှေ့ဆောင်ဆရာတော်၏ ဦးဆောင် ၀တ်ပြုမှုကို မီတာ ၉၀၀၀ (၅.၅၆ မိုင်) အကွာအဝေးမှပင် ကြားနိုင်မည်ဖြစ်သည်။ ထို့ပြင် အဆိုပါ စပီကာများမှာ wind-proof အမျိုးအစားများဖြစ်ပြီး ရာသီဥတု ဆိုးရွားသည့်အခါမျိုးတွင်ပင် အသံများကို ကြည်လင်ပြတ်သားစွာ နားထောင်နိုင်မည်ဖြစ်သည်။

မကြာသေးမီက ဆောက်လုပ်ပြီးစီးခဲ့သည့် မက္ကာနာရီစင်တွင်လည်း အဆိုပါ စပီကာများကို တပ်ဆင်ထားပြီး ၇ ကီလိုမီတာအကွာအဝေးအထိ ရောက်ရှိနိုင်မည်ဖြစ်ကာ ၀တ်ပြုသူများ၏ အခက်အခဲကို ပြေလည်စေမည်ဖြစ်သည်။ ထို့ပြင် ၀တ်ပြုချိန်များကိုဖော်ပြပေးသည့် အားကောင်းသော အစိမ်းရောင်နှင့် အဖြူရောင် မီးများကိုလည်း ထိုနာရီစင်ပေါ်တွင် တပ်ဆင်ထားကာ ကီလိုမီတာ ၃၀ အကွာမှပင် မြင်တွေ့နိုင်သည်။

အစ္စလာမ်ဘာာဝင်များမှာ တစ်နေ့လျှင် ၅ ကြိမ်ဝတ်ပြုရပြီး ကအ်ဗအ်ကျောင်းတော် ပရ၀ုဏ်အတွင်းတွင် ၀တ်ပြုချိန်များ၌ လူထောင်းပေါင်းမျာစွာရှိကာ ဟဂ်ျဘုရားဖူးကာလတွင် ကမ္ဘာတစ်ဝှမ်းမှ မွတ်စလင်များ လာရောက်ကြသောကြောင့် နေ့စဉ် ၀တ်ပြုသူ သန်းနှင့်ချီ၍ ရှိလေသည်။

Ref: Arab News

July 19, 2014
မက္ကဟ်နှင့် မဒီနာ ရှိ မြင့်မြတ်သော ဗလီဝတ် ကျောင်းတော် ၂ ခုတွင် တရားဟော အစီအစဉ်များ အင်္ဂလိပ်ဘာသာဖြင့် ပြန်ဆိုပေးမည်။

မေ-၁၇ ၊၂၀၁၃
M-Media

မက္ကာ နှင့် မဒီနာ တွင်ရှိသော မြင့်မြတ်သည့် ဗလီဝတ်ကျောင်းတော် နှစ်ခု၌ ဘာသာရေး ဟောကြားချက်များအား ကမ္ဘာတဝှမ်းတွင်ရှိသော အာရပ်ဘာသာစကား မပြောတတ်သူများ အတွက် အင်္ဂလိပ်ဘာသာရပ် တစ်ဘာသာတိုး၍ ဟောကြားပေးမည်ဖြစ်ကြောင်း။ ဗလီဝတ် ကျောင်းတော် နှစ်ခု၏ အုပ်ချူပ်ရေးမှူး နှင့် Imam Muhammad bin Saud Islamic University (IMIU) တို့ ဘာသာရေး ဟောကြားချက်အား အင်္ဂလိပ်လို ဘာသာပြန်ဆိုပေးရန် စာချုပ်ချုပ်ဆိုခဲ့ကြောင်း သိရသည်။

တက္ကသိုလ်မှ တရားဓမ္မ ဘာသာပြန်ဆိုချက်များအား ကြပ်မတ်မည်ဖြစ်ကြောင်းနှင့် ဗလီဝတ်ကျောင်းတော် နှစ်ခုတွင်ပြောကြားသော အင်္ဂလိပ်ဘာသာဖြင့် ဟောကြားချက်များအားလည်း ကြီးကြပ်မည် ဖြစ်ကြောင်း သိရသည်။

မြင့်မြတ်သော ဗလီဝတ်ကျောင်းတော် နှစ်ခု၏ အုပ်ချူပ်ရေးမှူး Sheikh Abdul Rahman Al-Sudais နှင့် IMIU ၏ ပါမောက္ခချုပ် Suleiman bin Abdullah Aba Al-Khail တို့ စာချုပ်အား သဘောတူချုပ်ဆိုခဲ့ကြပြီး၊ IMIU ရှိ ဘာသာရပ် နှင့် ဘာသာပြန်ဆိုမှု ဌာန (Dean of Languages and Translation) မှ ယခုလက်ရှိအချိန်အထိ ဘာသာရေးဟောကြားချက် ၇၆ ခု၊ စုစုပေါင်း စာမျက်နှာ ၁,၀၂၇ ရွက်အား ဘာသာပြန်ပြီးကြောင်းသိရသည်။

အလ်ဆောလ်ဒ်စ် (Al-Sudais) မှ ဆော်ဒီနိုင်ငံခေါင်းဆောင်များနှင့် တက္ကသိုလ်အား အစ္စလာမ် သာသနာ့ အဆုံးအမများအား ကမ္ဘာတဝှမ်း ပြန့်ပွားစေမည့် စီမံချက်အား အထောက်ကူပေးခဲ့သဖြင့် အထူးကျေးဇူးတင်ကြောင်း ပြောကြားခဲ့သည်။

ဆော်ဒီအာရေဗီးယားနိုင်ငံ၊ မက္ကဟ်မြို့ရှိ ဗလီဝတ်ကျောင်းတော်နှင့် မဒီနာမြို့ရှိ တမန်တော် မုဟမ္မဒ် ဗလီဝတ်ကျောင်းတော်တို့ကို ကမ္ဘာ့အမြင့်မြတ်ဆုံး ဗလီဝတ်ကျောင်းတော်များအဖြစ် အစ္စလာမ်ဘာသာဝင်တို့က သတ်မှတ်ယုံကြည်ထားကြသည်။

May 18, 2013
မက္ကာနှင့် မဒီနာကြား ဆက်သွယ်မည့် မြန်နှုန်းမြင့် ရထားလမ်း တည်ဆောက် ပြီးစီးနေမှု အခြေအနေ

ဧပြီ-၂၇-၂၀၁၃
M-Media

ဆော်ဒီအာရေဗျနိုင်ငံ ဟာရာမိန်း(Haramain) ရထားလမ်းဖောက်လုပ်မှု၏ တစ်စိတ်တစ်ဒေသဖြစ်သည့် ဘူတာရုံ တည်ဆောက်မှုမှာ ဂျစ်ဒါမြို့တွင် ၂၇ ရာခိုင်နှုန်းကျော်နှင့် မက္ကာမြို့တွင် ၁၃ ရာခိုင်နှုန်းခန့်ပြီးစီးနေပြီး ထိုရထားလမ်းတည်ဆောက်ရေးလုပ်ငန်းမှာ အချိန်မီ ပြီးစီးလိမ့်မည်ဟု ဆော်ဒီရထား ပို့ဆောင်ရေး အဖွဲ့၏ အကြီးအကဲဖြစ်သူ မိုဟာမက် အလ်-ဆူဝေကတ် ( Muhammad Al-Suwaiket) က ဆိုသည်။ ဘူတာရုံများ တည်ဆောက်မှုပြီးစီးသွားလျှင် ရထားလမ်းဖောက်လုပ်မှု၏ ဒုတိယအဆင့်ကို စတင်ဆောင်ရွက်နိုင်လိမ့်မည်ဟုလည်း သူက ပြောကြားသည်။

မက္ကာ၊ မဒီနာ၊ ဂျစ်ဒါနှင့် အနောက်ဘက် ကမ်းရိုးတမ်း ရာဘစ်(Rabigh)ရှိ ဘုရင်အဗ်ဒွလ္လာဟ် စီးပွားရေးမြို့တော်တို့တွင် ဘူတာရုံများတည်ဆောက်ခြင်းမှာ ရထားလမ်းဆောက်လုပ်မှု ပထမအဆင့်၏ ဒုတိယနှင့်၊ အပြီးသတ် ဆောင်ရွက်မှုဖြစ်လေသည်။ ထိုရထားလမ်းဖောက်လုပ်မှု၏ ဒုတိယနှင့် နောက်ဆုံး အဆင့်များတွင် ရထားလမ်းပိုင်းများတည်ဆောက်ခြင်း၊ အချက်ပြစနစ်နှင့် ဆက်သွယ်ရေးစနစ်များ တပ်ဆင်ခြင်း၊ ရထားလမ်းပိုင်းဆိုင်ရာ လျှပ်စစ် ဓာတ်အားပေးစနစ်များ တည်ဆောက်ခြင်းနှင့်၊ ခရီးသည်များအတွက် ကြိုပို့ယာဉ် ၃၅ စီး စီစဉ်ပေးခြင်းတို့ ပါဝင်မည်ဖြစ်သည်။ အဆိုပါ ရထားလမ်းဖောက်လုပ်မှု လုပ်ငန်းကို ၂၀၁၄ ခုနှစ်ကုန်ပိုင်းတွင် အပြီးသတ်နိုင်လိမ့်မည်ဟု ခန့်မှန်းထားသည်။

ဂျစ်ဒါမြို့မှ ဘူတာရုံတည်ဆောက်နေမှုမြင်ကွင်း

မက္ကာ-မဒီနာ လမ်းပိုင်းကို စစ်ဆေးခဲ့သော အလ်-ဆူဝေကတ် က ဟာရာမိန်းမြန်နှုန်းမြင့် ရထားလမ်းမှာ ဆော်ဒီဘုရင့်နိုင်ငံ ရထားလမ်းတိုးချဲ့ဆောင်ရွက်မှု၏ အဓိက အစိတ်အပိုင်းများထဲမှ တစ်ခုဖြစ်သည်ဟု အင်္ဂါနေ့က ပြောကြားခဲ့သည်။ ရာဘစ် ရှိ ဘုရင်အဗ်ဒွလ္လာဟ် စီးပွားရေးမြို့တော်အပါအ၀င် မက္ကာ နှင့် မဒီနာကို ဆက်သွယ်ထားသည့် အဆိုပါလျှပ်စစ်ရထားလမ်းမှာ ကီလိုမီတာ ၄၅၀ ရှည်လျားမည်ဖြစ်သည်။

ထိုရထားလမ်းမှာ မြင့်မြတ်သော မြို့နှစ်မြို့သို့ ဘုရားဖူးလာရောက်ကြမည့် သန်းပေါင်းများစွာသော ဘုရားဖူးဧည့်သည်များအတွက် လျင်မြန်၍ စိတ်ချရသော ခရီးသည်ပို့ဆောင်ရေးဖြစ်လာမည်ဖြစ်ပြီး မက္ကာနှင့် မဒီနာ မြို့နှစ်မြို့ကို ထိန်းသိမ်းရသော ဘုရင်အဗ်ဒွလ္လာဟ်၏ အပြည့်အ၀ ထောက်ပံ့မှုဖြင့် တည်ဆောက်ခြင်းဖြစ်သည်ဟု ထည့်သွင်းပြောကြားခဲ့သည်။

အလ်-ဆူဝေကတ်မှာ မဒီနာမြို့အ၀င် အရေးကြီးသော နေရာတစ်ခုအပါအ၀င် ရထားလမ်းဖောက်လုပ်ရာလမ်းတစ်လျှောက် ဆောက်လုပ်လျက်ရှိသည့် တံတားများကိုလည်းစစ်ဆေးခဲ့ပြီး လုပ်ငန်းများလျင်လျင်မြန်မြန်ဆောင်ရွက်ရန် နည်းလမ်းများကိုလည်း ဆွေးနွေးညွှန်ကြားခဲ့သည်ဟု ဆော်ဒီရထား ပို့ဆောင်ရေး ပြောရေးဆိုခွင့်ရှိသူ မိုဟာမက် အဘူဇာအစ်(Muhammad Abuzaid) က ပြောကြားခဲ့သည်။
Arab News

April 28, 2013