Tag: malaysia

သောကြာနေ့မနက် နိုင်ငံတကာသတင်းများ

ဇွန် ၈၊ ၂၀၁၈
M-Media

မလေးရှား စီးပွားရေးလုပ်ငန်းရှင် Low Taek Jho

ဆီးရီးယားတွင် ရုရှားတပ်ဖွဲ့များ ဆက်နေမည်ဟု ပူတင်ပြော
================
ဆီးရီးယားကနေ မိမိတို့ရဲ့တပ်ဖွဲ့တွေ ထွက်သွားဖို့အတွက် လတ်တလော အစီအစဉ်မရှိသေးပေမယ့် ရေရှည် စခန်းချသွားမှာမဟုတ်ဘူးလို့ ရုရှားသမ္မတ ဗလာဒီမီရ်ပူတင်က မနေ့က ရုပ်သံအမေးအဖြေတစ်ခုမှာ ပြောကြားလိုက်ပါတယ်။ ၇ နှစ်တာ ကြာမြင့်နေပြီဖြစ်တဲ့ ဆီးရီးယားပြည်တွင်းစစ်မှာ ရုရှားဟာ ၂၀၁၅ ခုနှစ်ကတည်းက ပါဝင်တိုက်ခိုက်နေတာဖြစ်ပါတယ်။ ပူတင်က ဒီလိုတိုက်ခိုက်မှုဟာ ရုရှားတပ်ဖွဲ့တွေအတွက် တန်ဖိုးမဖြတ်နိုင်တဲ့ အတွေ့အကြုံတွေကို ရရှိခဲ့ပြီး စစ်ရေးလေ့ကျင်တာနဲ့ တကယ်တိုက်ခိုက်ရတဲ့ အတွေ့အကြုံဟာ ဘယ်လိုမှ မယှဉ်နိုင်ဘူးလို့လည်း ဆိုပါတယ်။

ကင်ဂျုံအွန်ကို အိမ်ဖြူတော်ဖိတ်မည်ဟု ထရမ့်ပြော
===================
စင်ကာပူက ထိပ်သီးအစည်းအဝေး စီစဉ်ထားတဲ့အတိုင်း အဆင်ပြေပြေ ဖြစ်လာမယ်ဆိုရင် ကင်ဂျုံအွန်ကို အိမ်ဖြူတော်လာရောက်ဖို့ ဖိတ်ကြားသွားမယ်လို့ အမေရိကန်သမ္မတ ဒေါ်နယ်ထရမ့်က မနေ့က ဂျပန်ဝန်ကြီးချုပ် ရှင်ဇိုအာဘေးနဲ့ ပြုလုပ်တဲ့ ပူးတွဲသတင်းစာရှင်းလင်းပွဲမှာ ပြောကြားလိုက်ပါတယ်။ ထရမ့်နဲ့ ကင်ဂျုံအွန်တုို့ဟာ ဇွန်လ ၁၂ ရက်နေ့ စင်ကာပူမှာ တွေ့ဆုံကြမှာဖြစ်ပြီး ကိုရီးယားစစ်ပွဲရပ်စဲရေး သဘောတူညီချက်တစ်ခု လက်မှတ်ထိုးနိုင်မယ်လို့လည်း ထရမ့်က ပြောပါတယ်။

မီးတောင်လှုပ်မှုအတွင်း ပျောက်သွားသူများကို ရှာဖွေရေး ဂွါတီမာလာ ရပ်ဆိုင်း
==============
တနင်္ဂနွေနေ့က မီးတောင်လှုပ်ခတ်မှုအတွင်း ပျောက်ဆုံးသွားတဲ့ လူ ၂၀၀ နီးပါး ရှာဖွေမှုကို ရပ်ဆိုင်းလိုက်တယ်လို့ ဂွါတီမာလာ အမျိုးသားသဘာဝဘေးအေဂျင်စီက မနေ့မှာ ကြေငြာလိုက်ပါတယ်။ ဒီအဖြစ်အပျက်ကြောင့် သေဆုံးသူဟာ ၉၉ ဦးရှိခဲ့ပြီး ၁၉၇ ဦး ပျောက်ဆုံးနေတာပါ။ မီးတောင်ကထွက်တဲ့အရာတွေ အများအပြား
ရှိနေတာ၊ ရာသီဥတုမကောင်းတာတွေကြောင့် ကယ်ဆယ်ရေးလုပ်ငန်းတွေကို ရပ်ဆိုင်းလိုက်တာဖြစ်ပြီး ပျောက်ဆုံးနေသူတွေကို အသက်ရှင်လျက် ပြန်တွေ့နိုင်မယ်ဆိုတဲ့ မျှော်လင့်ချက်တွေဟာလည်း မှေးမှိန်သွားပါတယ်။

1MDB ကိစ္စအတွက် စီးပွားရေးလုပ်ငန်းရှင်များကို မလေးရှားက ဖမ်းဝရမ်းထုတ်
==============
ဝန်ကြီးချုပ်ဟောင်း နာဂျစ်လက်ထက် နိုင်ငံပိုင် 1MDB ရန်ပုံငွေကို အလွဲသုံးစားလုပ်တဲ့ကိစ္စနဲ့ပတ်သက်ပြီး ပါဝင်တယ်လို့ သံသယရှိတဲ့ လုပ်ငန်းရှင်တစ်ချို့ကို မလေးရှား ခြစားမှုတိုက်ဖျက်ရေးကော်မရှင်က မနေ့မှာ ဖမ်းဝရမ်းထုတ်လိုက်ပါတယ်။ ၀ရမ်းထုတ်ခံရသူတွေဟာ အလွဲသုံးစားလုပ်မှုမှာ ထဲထဲဝင်ဝင် ပါဝင်ပတ်သက်နေတယ်လို့ နာမည်ကြီးနေတဲ့ လုပ်ငန်းရှင် Low Taek Jho၊ 1MDB ရဲ့ အရင်က အဖွဲ့ဟောင်း SRC International က ဒါရိုက်တာ နိုက် ဖိုက်ဆဲလ် အာရစ်ဖ် ကာမီလ်တို့ ဖြစ်ပြီး Goldman Sachs Group Inc က ဘဏ်လုပ်ငန်းရှင်ဟောင်း ရော်ဂျာ နဂ်၊ 1MDB ရဲ့ အကြီးအကဲဟောင်း ရှာရိုလ် ဟာလ်မီတို့ကိုလည်း ဖမ်းဝရမ်းထုတ်ဖို့ ကော်မရှင်က ပြင်ဆင်နေပါတယ်။

Ref: CNA, Aljazeera

June 8, 2018
ကြာသာပတေးနေ့မနက် နိုင်ငံတကာသတင်းများ

ဇွန် ၇၊ ၂၀၁၈
M-Media

မလေးရှား အတိုက်အခံခေါင်းဆောင်ဟောင်း အန်ဝါရ် အီဘရာဟင်

ဘဂ္ဂဒတ်ရှိ ရှီအာဗလီတွင် ဗုံးခွဲမှုဖြစ်
============
အီရတ်နိုင်ငံမြို့တော် ဘဂ္ဂဒတ်က ရှီအာဗလီတစ်ခုမှာ မနေ့က ဗုံးကွဲမှုနှစ်ခု ဖြစ်ပွားခဲ့တာကြောင့် အနည်းဆုံး ၀တ်ပြုသူ ၇ ဦးသေဆုံးကာ ၂၀ လောက် ဒဏ်ရာရရှိခဲ့ပါတယ်။ ဗုံးကွဲမှုကြောင့် အနီးအနားမှာရှိတဲ့ အဆောက်အဦးတွေ ပျက်ဆီးခဲ့ပါတယ်။ ဗုံးခွဲခံရတဲ့ ဗလီဟာ အခုလအစောပိုင်း ရွေးကောက်ပွဲမှာ အနိုင်ရခဲ့တဲ့ Sairoon မဟာမိတ်အဖွဲ့က ရှီအာခေါင်းဆောင် အလ်-ဆဒါရ်ဦးကို ထောက်ခံသူတွေ သွားရောက်ဝတ်ပြုရာနေရာ ဖြစ်ပါတယ်။ ဘယ်သူ့လက်ချက်လဲဆိုတာ အတိအကျမသိရသေးဘဲ အရင်က ဒီလိုဗုံးခွဲမှုတွေကို IS အကြမ်းဖက်အဖွဲ့က လုပ်ဆောင်လေ့ ရှိပါတယ်။

ပါကစ္စတန်တွင် စစ်တပ်လုပ်ရပ်ကို ဝေဖန်သူဂျာနယ်လစ် ပြန်ပေးဆွဲခံရ
=============
စစ်တပ်ရဲ့လုပ်ရပ်တွေကို ဝေဖန်လေ့ရှိတဲ့ ပါကစ္စတန် လူမှုတက်ကြွလှုပ်ရှားသူနဲ့ ဂျာနယ်လစ်ဖြစ်သူ ဂူလ် ဘူခါရီဟာ အင်္ဂါနေ့ညပိုင်းက ဘယ်သူဘယ်ဝါမှန်းမသိတဲ့ လူတစ်စုရဲ့ ပြန်ပေးဆွဲခြင်ကို ခံလိုက်ရပြီး စစ်တပ်ဟာ သဘောထားကွဲလွဲသူတွေကို ဖိနှိပ်နေပြီလားဆိုတဲ့ စိုးရိမ်မှုတွေလည်း မြင့်တက်လာပါတယ်။ ဘူခါရီဟာ နာရီပိုင်းအကြာမှာ ပြန်လွတ်လာခဲ့ပြီး ဘယ်ကိုခေါ်သွားလဲ၊ ဘာတွေလုပ်သလဲဆိုတာကို အတိအကျ မသိရပါဘူး။ စစ်တပ်နဲ့ နိုင်ငံရေးပါတီတစ်ချို့အပေါ် ဝေဖန်မှုတွေ တားမြစ်ပိတ်ပင်တာကို ပါကစ္စတန်ဟာ အခုနောက်ပိုင်းမှာ ဆက်တိုက် ပြုလုပ်လာခဲ့ပါတယ်။

လတ်တလော ကန့်လန့်ကာနောက်ကွယ်တွင်နေမည်ဟု အန်န၀ါရ် အီဘရာဟင်ပြော
===============
လတ်တလော နိုင်ငံရေးနယ်ပယ်မှာ ကန့်လန့်ကာနောက်ကွယ်က နေသွားမယ်လို့ မလေးရှား အတိုက်အခံခေါင်းဆောင်ဟောင်း အန်ဝါရ်အီဘရာဟင်က ပြောကြားလိုက်ပါတယ်။ ဒုတိယ၀န်ကြီးချုပ်တာဝန် ထမ်းဆောင်နေတဲ့ ဇနီးဖြစ်သူ ၀မ်အဇီဇာဟ်ဟာ ပါဒန်းလွှတ်တော်အမတ်နေရာကနေ နှုတ်ထွက်ကာ အန်ဝါရ်ကို ၀င်ရောက်ယှဉ်ပြိုင်စေမယ်ဆိုတဲ့သတင်းတွေ ထွက်နေတာပါ။ အန်ဝါရ်ကတော့ သူဟာ ၀န်ကြီးရာထူး၊ အတိုက်အခံခေါင်းဆောင်နေရာတွေနဲ့ ရင်းနှီးကျွမ်းဝင်ပေမယ့် လွှတ်တော်အမတ်နေရာမှာ အတွေ့အကြုံမရှိကြောင်း၊ လက်ရှိ အခြားအစီအစဉ်တွေ ရှိနေပြီး နောက် ၂ လလောက်မှ ဒီကိစ္စ စဉ်းစားမှာဖြစ်ကြောင်း မနေ့က သတင်းထောက်တွေကို ပြောကြားခဲ့ပါတယ်။

ထရမ့်နှင့်တွေ့ဆုံရန် ကင်ဂျုံအွန်က တောင်းပန်ခယခဲ့ဟု ထရမ့်ရှေ့နေပြော
==========
ထရမ့်နဲ့ ထိပ်သီးအစည်းအဝေးဖြစ်ရေးအတွက် မြောက်ကိုရီးယားခေါင်းဆောင် ကင်ဂျုံအန်က တောင်းပန်ခယခဲ့တယ်လို့ ထရမ့်ရဲ့ရှေ့နေ ရူဒီ ဂူလီယာနီက အစ္စရေးက ဆွေးနွေးပွဲတစ်ခုမှာ ပြောကြားလိုက်ပါတယ်။ ဇွန်လ ၁၂ ရက်နေ့မှာ ပြုလုပ်ဖို့ စီစဉ်ထားတဲ့ အဲဒီအစည်းအဝေးကို ဖျက်သိမ်းကြောင်း ထရမ့်က မေလ ၂၂ ရက်နေ့မှာ ကြေငြာခဲ့တာပါ။ ဂူလီယာနီက ထရမ့်ရဲ့ ဒီလို ပြတ်သားတဲ့ ဆောင်ရွက်ချက်က ကင်ဂျုံအွန်ကို ဒူးထောက်လာစေခဲ့တယ်လို့ ဆိုပါတယ်။ ထရမ့်နဲ့ ကင်ဂျုံအွန်တို့ဟာ စင်ကာပူနိုင်ငံက ဆန်တိုးဆားကျွန်းမှာ တွေ့ဆုံမှာ ဖြစ်ပါတယ်။

Ref: Aljazeera, CNA, BBC

June 7, 2018
တနင်္ဂနေ့မနက် နိုင်ငံတကာသတင်းများ

==========
ဇွန် ၃၊ ၂၀၁၈
M-Media

ရုရှား၏ S-400 ဒုံးခွင်းစနစ်

စင်ကာပူ-မလေး ကာကွယ်ရေးပူးပေါင်းဆောင်ရွက်မှု တိုးမြှင့်မည်
===============
နှစ်နိုင်ငံ ကာကွယ်ရေး ပူးပေါင်းဆောင်ရွက်မှုတွေ တိုးမြှင့်လုပ်ဆောင်ဖို့ စင်ကာပူ ကာကွယ်ရေးဝန်ကြီးနဲ့ မလေးရှား ကာကွယ်ရေးဝန်ကြီးတို့ဟာ ဒီကနေ့ တွေ့ဆုံမှုအတွင်း သဘောတူညီခဲ့ကြပါတယ်။ စင်ကာပူနဲ့ မလေးရှားလေတပ် ပူးတွဲ စစ်ရေးလေ့ကျင့်မှုအပါအ၀င် လတ်တလော နှစ်နိုင်ငံ ကာကွယ်ရေးပူးပေါင်းဆောင်ရွက်မှုဆိုင်ရာ တိုးတက်မှုတွေအကြောင်း ၀န်ကြီးနှစ်ဦးက ပြောကြားခဲ့သလို မြန်မာနိုင်ငံ ရခိုင်ပြည်နယ်ကိစ္စ အပါအ၀င် အာဆီယံဒေသတွင်း စိန်ခေါ်မှုတွေအကြောင်းကိုလည်း ဆွေးနွေးခဲ့ကြပါတယ်။

နျူကင်းစင်ရေး မြောက်ကိုရီးယားက အပြည့်ဝ ဆောင်ရွက်ရမည်
===============
နျူကင်းစင်ရေးအတွက် ခိုင်ခိုင်မာမာနဲ့ နောက်ကြောင်းပြန်လှည့်လို့မရမယ့် လုပ်ဆောင်ချက်မျိုးကို တွေ့ရမှသာ ဖြေလျော့မှုတွေ လုပ်ပေးမယ်လို့ အမေရိကန်ကာကွယ်ရေးဝန်ကြီး ဂျင်မ် မာတစ်က ဒီကနေ့မှာ ပြောကြားလိုက်ပါတယ်။ စင်ကာပူမှာပြုလုပ်နေတဲ့ ရှန်ဂရီလာ ဆွေးနွေးပွဲမှာ တောင်ကိုရီးယားနဲ့ ဂျပန်ကာကွယ်ဝန်ကြီးတွေနဲ့ တွေ့ဆုံမှုအတွင်း ဒီလိုပြောကြားလိုက်တာပါ။ ဇွန်လ ၁၂ ရက်နေ့ ပြုလုပ်ဖို့ စီစဉ်ထားတဲ့ ကင်ဂျုံအွန်နဲ့ ထိပ်သီးအစည်းအဝေး ဖြစ်လာမယ်လို့ မျှော်လင့်ကြောင်း၊ မြောက်ကိုရီးယားနဲ့ပတ်သက်တဲ့ ကုလလုံခြုံရေးကောင်စီရဲ့ ဆုံးဖြတ်ချက်တွေကို ဆက်လက်အကောင်အထည်ဖော်သွားမှာဖြစ်ကြောင်း မာတစ်က ထည့်သွင်းပြောဆိုခဲ့ပါတယ်။

ဆော်ဒီက ကန့်ကွက်သော်လည်း ရုရှားက ကာတာကို S-400 ဒုံးခွင်းစနစ် ရောင်းမည်
===========
ဆော်ဒီအာရေဗျက ကန့်ကွက်မှုတွေရှိနေပေမယ့် မိမိတို့ရဲ့ S-400 လေကြောင်းရန် ကာကွယ်ရေးစနစ်ကို ကာတာထံ ရောင်းချသွားမယ်လို့ ရုရှားအထက်လွှတ်တော်က လွှတ်တော်အမတ် အလက်ဆီ ကွန်ဒရာယက်ဗ်က ပောကြားလိုက်ပါတယ်။ ကာတာအနေနဲ့ ဒီစနစ်ကို ၀ယ်ယူရင် စစ်တိုက်မယ်လို့ ဆော်ဒီဘုရင်က ခြိမ်းခြောက်ထားကြောင်း သတင်းထွက်ပြီး နောက်တစ်ရက်မှာပဲ ရုရှားက ဒီလိုတုန့်ပြန်လိုက်တာပါ။ ကွန်ဒရာယက်ဗ်က ဒီကိစ္စဟာ ဆော်ဒီနဲ့ ဘာမှမဆိုင်ကြောင်း ရုရှားအနေနဲ့ မိမိလက်နက် ရောင်းချရေးကိစ္စကို မိမိဖာသာ ဆုံးဖြတ်သွားမှာဖြစ်ကြောင်း၊ ဆော်ဒီရဲ့ ရပ်တည်ချက်ဟာ ဒေသတွင်း လက်နက်ဈေးကွက်ကို စိုးမိုးထားတဲ့ အမေရိကန်ရဲ့ အကျိုးစီးပွားပါနေကြောင်း ထည့်သွင်းပြောဆိုခဲ့ပါတယ်။

ကုန်ကျစားရိတ်ကြီးမြင့်မှုကြောင့် ဂျော်ဒန်ပြည်သူများ ဆန္ဒပြ
=============
နေထိုင်စားရိတ် ကြီးမြင့်လာတာ၊ အခွန်တိုးကောက်မယ့် မူကြမ်းတွေကို ဆန့်ကျင်တဲ့အနေနဲ့ ဂျော်ဒန်ပြည်သူတွေဟာ ဗုဒ္ဓဟူးနေ့ကနေ စတင်ပြီး နိုင်ငံတစ်ဝှမ်း ဆန္ဒပြမှုတွေ ပြုလုပ်နေပါတယ်။ မနေ့က ဆန္ဒပြမှုအတွင်း ပြည်သူတွေဟာ ၀န်ကြီးချုပ်ရုံးတည်ရှိရာ နေရာကို ချီတက်ခဲ့ကြပြီး အစိုးရဆန့်ကျင်ရေး ကြွေးကြော်သံတွေ ဟစ်အော်ခဲ့ကြသလို ၀န်ကြီးချုပ် နှုတ်ထွက်ပေးရေးလည်း တောင်းဆိုခဲ့ပါတယ်။ ဂျော်ဒန်အစိုးရရဲ့ စီးပွားရေးဆိုင်ရာ မူဝါဒတွေနဲ့ နိုင်ငံတကာငွေကြေးရန်ပုံငွေအဖွဲ့ IMF ရဲ့ အကြံပြုချက်တွေကို ဂျော်ဒန်ပြည်သူတွေက မနှစ်မြို့ကြပါဘူး။

Ref: CNA, Aljazeera

June 3, 2018
စနေနေ့မနက် နိုင်ငံတကာသတင်းများ

ဇွန် ၂၊ ၂၀၁၈
M-Media

ကုလဆိုင်ရာ အမေရိကန်သံအမတ် နစ်ကီဟာလေး

ပါလက်စတိုင်းပြည်သူများအား ကာကွယ်ပေးရေးမူကြမ်းကို အမေရိကန်ကန့်ကွက်
==============
အစ္စရေးရဲ့ သတ်ဖြတ်မှုရန်ကနေ ပါလက်စတိုင်းပြည်သူတွေကို ကာကွယ်ပေးရေး ကူဝိတ်က လုံခြုံရေးကောင်စီမှာ မနေ့ကတင်သွင်းတဲ့အဆိုကို အဖွဲ့ဝင်အားလုံးက ထောက်ခံခဲ့ကြပေမယ့် အမေရိကန်တစ်နိုင်ငံတည်းရဲ့ ဗီတိုကြောင့် အတည်မပြုနိုင်ခဲ့ပါဘူး။ မတ်လ ၃၀ ရက်နေ့က ဂါဇာမှာ စတင်ခဲ့တဲ့ ပါလက်စတိုင်းပြည်သူတွေရဲ့ ငြိမ်းချမ်းစွာ ဆန္ဒပြမှုကို အစ္စရေးက အင်အားသုံးဖြိုခွင်းတာကြောင့် သေဆုံးသူဟာ အခုဆိုရင် ၁၂၀ ကျော်လာခဲ့ပြီး ဒဏ်ရာရသူတွေလည်း ထောင်ချီရှိနေပါတယ်။ ကုလဆိုင်ရာ အမေရိကန်သံအမတ် နစ်ကီဟာလေးက ကူဝိတ်ရဲ့အဆိုဟာ တစ်ဖက်သတ်ဖြစ်နေတယ်လို့ ပြောကြားခဲ့ပြီး ပါလက်စတိုင်းတွေ ထိခိုက်ခံစားရတာဟာ ဟားမက်စ်ကြောင့်လို့ အပြစ်တင်ခဲ့ပါတယ်။

ကင်ဂျုံအွန်နှင့်တွေ့မည်ဟု ထရမ့်အတည်ပြု
===============
ဇွန်လ ၁၂ ရက်နေ့မှာ ပြုလုပ်ဖို့ စီစဉ်ထားတဲ့အတိုင်း မြောက်ကိုရီးယားခေါင်းဆောင် ကင်ဂျုံအွန်နဲ့ တွေ့ဆုံသွားမယ်လို့ အမေရိကန်သမ္မတ ဒေါ်နယ်ထရမ့်က မနေ့မှာ ပြောကြားလိုက်ပါတယ်။ ကင်ဂျုံအွန်ရဲ့ ထိပ်တန်းအကြံပေး ကင်ယွန်ချိုလ်နဲ့ အိမ်ဖြူတော်မှာ တွေ့ဆုံခဲ့ပြီးတဲ့နောက် ဒီလိုပြောလိုက်တာပါ။ ဒါပေမယ့် မြောက်ကိုရီးယား နျူအစီအစဉ် ရပ်တန့်ရေး သဘောတူညီချက်တစ်ခုကိုတော့ အလျင်စလို လက်မှတ်ထိုးမှာ မဟုတ်ဘူးလို့လည်း ထရမ့်က ပြောပါတယ်။

အကြမ်းဖက်သံသယရှိသူ ၁၅ ဦးကို မလေးရှား ဖမ်းဆီးထိန်းသိမ်း
==================
ပြီးခဲ့တဲ့ ရွေးကောက်ပွဲမှာ မွတ်စလင်မဟုတ်တဲ့ မဲပေးသူတွေကို တိုက်ခိုက်ဖို့ စီစဉ်ခဲ့တဲ့ အကြမ်းဖက် သံသယရှိသူ ၁၅ ဦးကို မလေးရှား အကြမ်းဖက်တိုက်ဖျက်ရေး ရဲတပ်ဖွဲ့က ပြီးခဲ့တဲ့ရက်ပိုင်းမှာ ဖမ်းဆီးခဲ့ပြီး အဲဒီအထဲမှာ အသက် ၅၁ နှစ်အရွယ် အိမ်ထောင်ရှင်မတစ်ဦးလည်း ပါဝင်ပါတယ်။ ထောက်လှမ်းရေးအကြီးအကဲတစ်ဦးက အဲဒီအမျိုးသမီးဟာ အကြမ်းဖက်တိုက်ခိုက်ဖို့ အစီအစဉ်မှာ ဦးဆောင်သူဖြစ်ပြီး ကားပေါ်မှာ ဂက်စ်အိုးတင်ကာ မွတ်စလင်မဟုတ်တဲ့ မဲပေးသူတွေ၊ အခြားဘာသာဝင်တွေရဲ့ ၀တ်ပြုရာနေရာတွေကို တိုက်ခိုက်ဖို့အတွက် အပေါင်းအပါတွေစုကာ ကြံတာဖြစ်တယ်လို့ ဆိုပါတယ်။ ဒါဟာ မလေးရှားမှာ အမျိုးသမီးက ဦးဆောင်ပြီး အကြမ်းဖက်မှုလုပ်ဖို့ ပထမဆုံးစီစဉ်မှုလည်း ဖြစ်ပါတယ်။

ကင်ညာအစိုးရ၀န်ထမ်းများ အလိမ်ဖော်စက်ဖြင့် စစ်ဆေးခံရမည်
============
ခြစားမှုတိုက်ဖျက်ရေးအစီအစဉ် တစ်စိတ်တစ်ပိုင်းအဖြစ် အစိုးရ၀န်ထမ်းတွေအားလုံးဟာ အလိမ်ဖော်စက်နဲ့ စစ်ဆေးခံရမယ်လို့ ကင်ညာသမ္မတ အူရူ ကန်ယက်တာက ပြောကြားလိုက်ပါတယ်။ ကင်ညာအစိုးရရဲ့ အဖွဲ့အစည်းတစ်ခုဖြစ်တဲ့ National Youth Service (NYS) ဟာ ကန်ဒေါ်လာ ၇၈ သန်းလောက်ကို အလွဲသုံးစားလုပ်ထား တဲ့သတင်း ပေါ်ထွက်လာခဲ့ပြီးတဲ့နောက် ကန်ယက်တာဟာ ခြစားမှုတိုက်ဖျက်ရေးကို ထိထိရောက်ရောက် ကိုင်တွယ်ဖို့ ကြိုးစားလာခဲ့တာဖြစ်ပါတယ်။ ကန်ယက်တာဟာ ၂၀၁၃ ခုနှစ် ရွေးကောက်ပွဲမှာ ခြစားမှုကို တိုက်ဖျက်သွားမယ်လို့ ကတိပြုခဲ့သူလည်း ဖြစ်ပါတယ်။

Ref: Aljazeera, CNA, BBC

June 2, 2018
ကြာသာပတေးနေ့မနက် နိုင်ငံတကာသတင်းများ

မေ ၃၁၊ ၂၀၁၈
M-Media

မြောက်ကိုရီးယား ထိပ်တန်းခေါင်းဆောင်တစ်ဦး အမေရိကန်ကိုရောက်လာ
============
မြောက်ကိုရီးယားခေါင်းဆောင် ကင်ဂျုံအွန်ရဲ့ ထိပ်တန်းအကြံပေး ကင်ယွန်ချိုဟာ နှစ်နိုင်ငံ ထိပ်သီးအစည်းအဝေးအတွက် ဆွေးနွေးဖို့ နယူးယောက်မြို့ကို မနေ့မှာ ရောက်ရှိလာခဲ့ပါတယ်။ ကင်ယွန်ချိုဟာ ၁၈ နှစ်အတွင်း အမေရိကန်မြေမှာ အမေရိကန်အာဏာပိုင်တွေနဲ့ ဆွေးနွေးဖို့ ရောက်ရှိလာတဲ့ မြောက်ကိုရီးယားရဲ့ ရာထူးအကြီးဆုံး ခေါင်းဆောင်လည်း ဖြစ်ပါတယ်။ ထရမ့်နဲ့ ကင်ဂျုံအွန်တို့ စင်ကာပူမှာလုပ်ဖို့ စီစဉ်ထားတဲ့ ထိပ်သီးအစည်းအဝေး လုပ်ဖြစ်မလားဆိုတာကို အမရိကန်နိုင်ငံခြားရေးဝန်ကြီး မိုက် ပွမ်ပီယိုနဲ့ ဆွေးနွေးဖို ရှိနေပါတယ်။

နိုင်ငံကြွေးမြီလျှော့ချရေး ပြည်သူများလှူဒါန်းနိုင်မည့် ရန်ပုံငွေတစ်ခု မလေးရှားတည်ထောင်
==============
နိုင်ငံရဲ့အကြွေးတွေကို လျှော့ချရေးအတွက် ပြည်သူလူထုက ပါဝင်လှူဒါန်းနိုင်မယ့် ရန်ပုံငွေတစ်ခုကို မလေးရှားအစိုးရက တည်ထောင်လိုက်ပါတယ်။ Tabung Harapan Malaysia or Hope Fund လို့ အမည်ပေးထားပြီး လှူဒါန်းမှုတွေဟာ ဘဏ္ဍာရေးဝန်ကြီးဌာနကို တိုက်ရိုက်ရောက်ရှိမှာ ဖြစ်ပါတယ်။ ၀န်ကြီးချုပ်မဟာသီယာ မိုဟာမက်က မလေးရှားပြည်သူတွေဟာ အစိုးရကို လှူဒါန်းချင်တဲ့စိတ် ရှိနေတာကြောင့် သူတို့ရဲ့ တိုင်းပြည်ချစ်စိတ်ကို မိမိတို့ကကြိုဆိုကျေးဇူးတင်ကြောင်း ပြောကြားခဲ့ပါတယ်။ မလေးရှားနိုင်ငံရဲ့ ပြည်ပကြွေးမြီဟာ ရင်းဂစ် ၁ ထရီလီယံ (ကန်ဒေါ်လာ ၂၅၀.၈ ဘီလီယံ) ရှိနေတယ်လို့ အစိုးရက ကြေငြာထားပြီး ဒါဟာ နိုင်ငံ ဂျီဒီပီရဲ့ ၈၀ ရာခိုင်နှုန်း ဖြစ်ပါတယ်။

အီရတ်ရွေးကောက်ပွဲ မဲများပြန်ရေတွက်မည်
============
ရွေးကောက်ပွဲမှာ မသမာမှုတွေရှိတယ်ဆိုတဲ့ သတင်းတွေ ကျယ်ကျယ်ပြန့်ပြန့် ထွက်လာခဲ့ပြီးတဲ့နောက် နိုင်ငံတစ်ဝှမ်း မဲရုံပေါင်း တစ်ထောင်ကျော်က မဲတွေကို ပြန်လည်ရေတွက်သွားမယ်လို့ အီရတ်က လွတ်လပ်တဲ့ ရွေးကောက်ပွဲ ကော်မရှင်က မနေ့မှာ ကြေငြာလိုက်ပါတယ်။ နိုင်ငံရေးသမားတွေက တစ်နိုင်ငံလုံးမှာရှိတဲ့ မဲတွေရဲ့ ၁၀ ရာခိုင်နှုန်းကို ပြန်လည်ရေတွက်ဖို့အတွက် တောင်းဆိုခဲ့ကြတာပါ။ လက်ရှိ မဲပြန်လည်ရေတွက်မှုမှာ ရလဒ်ပြောင်းလဲမှုဟာ ၂၅ ရာခိုင်နှုန်းကျော် ရှိခဲ့မယ်ဆိုရင်တော့ တစ်နိုင်ငံလုံးက မဲပေါင်း ၁၁ သန်းနီးပါးလောက်ကို ပြန်လည်ရေတွက်မှာဖြစ်ပါတယ်။

ဒူတာတေးကို ဆန့်ကျင်သည့် ကမ်းပိန်းတစ်ခု အမျိုးသမီး တက်ကြွလှုပ်ရှားသူများ ပြုလုပ်
===============
ခရီးသွားလာရေးဝန်ကြီး အမျိုးသမီး ရိုမူလို-ပူရတ်ကို ရမ္မက်ထန်တဲ့စကားပြောဆိုမှု၊ ကားတွေမှာ စပယ်ယာဘီးပါသလို သူ့အနေနဲ့ ဒုတိယမိန်းမတစ်ယောက် ထပ်ယူသွားမယ်ဆိုတဲ့ ဖိလစ်ပိုင်သမ္မတ ဒူတာတေးရဲ့ ပြောကြားမှုတွေကို ဆန့်ကျင်တဲ့အနေနဲ့ အမျိုးသမီးတက်ကြွလှုပ်ရှားသူတစ်ယောက်ဟာ #BabaeAko (ငါသည်အမျိုးသမီး ဖြစ်သည်) ဆိုတဲ့ ဆိုရှယ်မီဒီယာ ကမ်းပိန်းတစ်ခုကို မနေ့မှာ စတင်ခဲ့ပါတယ်။ ဒူတာတေးဟာ အရင်ကလည်း အမျိုးသမီးတွေကို နှိမ့်ချစော်ကားတဲ့စကားတွေ ပြောဆိုခဲ့ဖူးပါတယ်။ လှုပ်ရှားမှုကို ဦးဆောင်သူ နိုအီမီ ဒါဒိုက သမ္မတကိုယ်တိုင် ဒီလိုစကားပြောတာဟာ ကောင်းတဲ့ဥပမာမဟုတ်ဘဲ အတုယူမှားနိုင်ကြောင်း ဒ့ါကြောင်ပဲ နိုင်ငံအတွင်းမှာ အမျိုးသမီးတွေအပေါ် အကြမ်းဖက်မှုတွေ ဖြစ်နေတာဖြစ်ကြောင်း ပြောကြားခဲ့ပါတယ်။

Ref: Aljazeera, CNA

May 31, 2018