News @ M-Media

Tag: Meikhtila

  • မိထ္ထီလာတွင် မွတ်စလင်မ်ဥပုသ်လ ဝတ်ပြုခွင့်ရဖို့ တိုင်းအစိုးရကို တရားဝင် တင်ပြထားသော်လည်း အကြောင်းမထူးသေး

    မိထ္ထီလာတွင် မွတ်စလင်မ်ဥပုသ်လ ဝတ်ပြုခွင့်ရဖို့ တိုင်းအစိုးရကို တရားဝင် တင်ပြထားသော်လည်း အကြောင်းမထူးသေး

    ဇွန် ၁၆၊ ၂၀၁၇
    M-Media
    မိုးစက်

    အကြမ်းဖက်မီးရှို့ဖျက်ဆိးခံရပြီး ၄ နှစ်ကျော်တိုင် ပြန်ဖွင့်ခွင့်မရသေးတဲ့ မိထ္ထီလာမှ ဗလီ တစ်လုံး

    မိထ္ထီလာမှာ ရှိတဲ့ ဝတ်ပြုကျောင်းဆောင်များကို အစ္စလာမ်ဘာသာဝင်များရဲ့ ရမဇာန် ဥပုသ်လမှာ ပြန်လည်ဖွင့်ခွင့်ပေးရန် သက်ဆိုင်ရာကို ဇွန်လ (၁၂) ရက်နေ့က တရားဝင် တင်ပြအကြောင်းကြားထားသော်လည်း ယနေ့တိုင် တစ်စုံတစ်ရာ ထူးခြားမှု မရှိသေးကြောင်း သိရပါတယ်။

    ရမဇာန် ဥပုသ်လမှာ နီးစပ်ရာနေရာတွေမှာ အစ္စလာမ်ဘာသာဝင်တွေ စုပေါင်းဝတ်ပြုကြတယ်ဆိုပြီး ဇွန်လ ၃ ရက်နေ့က သက်ဆိုင်ရာ မြို့နယ်အုပ်ချုပ်ရေးမှူးက ဝတ်ပြုမှုကို ရပ်ဆိုင်းခိုင်းလိုက်ပါတယ်။

    ဗလီဂေါပက တာဝန်ရှိသူများကို ရပ်ကွက်အုပ်ချုပ်မှူးရုံးကို ခေါ်ပြီး အဆိုပါ စုပေါင်းဝတ်ပြုမှုကို ရပ်ဆိုင်းခိုင်းလိုက်တာ ဖြစ်ပါတယ်။

    ဥပုသ်ကာလ အတွင်း သက်ကြီးရွယ်အိုတွေ ဝတ်ပြုဖို့ အခက်အခဲ ရှိလို့ တခြား ရပ်ကွက်တွေ သွားဝတ်မပြုဘဲ ကိုယ့်ရပ်ကွက်ထဲမှာ ဝတ်ပြုတာကို ဒီလို တားမြစ်ခံရတာလို့လည်း ဆိုပါတယ်။

    ဗလီတွေ ပြန်ဖွင့်ပေးဖို့ တောင်းဆိုတာကိုတော့ တိုင်းအစိုးရ လုပ်ပိုင်ခွင့်မှာ မရှိလို့ ဆိုပြီး ငြင်းဆိုလာခဲ့တယ်လို့လည်း သိရပါတယ်။ ရပ်ကွက်ထဲ ဝတ်ပြုခွင့် မရှိလို့ ဝတ်မပြုရသူတွေ ရှိတယ်လို့လည်း ဆိုပါတယ်။

    ဇွန်လဆန်းပိုင်းက တိုင်းဒေသကြီး ညွှန်ကြားရေးမှူးဖြစ်သူ ဦးဇော်တင်မိုးက မန္တလေးတိုင်းဒေသကြီးအစိုးရအဖွဲ့မှ မိထ္ထီလာမြို့ရှိ အစ္စလာမ်ဘာသာဝင်များ ဥပုသ်လအတွင်း ဝတ်ပြုရန် အခက်အခဲတစ်စုံတစ်ရာရှိလာပါက စနစ်တကျ စစ်ဆေးပြီး ဆောင်ရွက်ပေးမည်ဖြစ်ကြောင်းကို Friday Times ဂျာနယ်​ ကို ပြောကြားခဲ့ပါတယ်။

    မိထ္ထီလာမြို့ ဗလီ(၆) လုံးနှင့် သီးခြားဝတ်ပြုဆောင် (၂) လုံး ပြန်လည်ဖွင့်ခွင့်ပေးရန် တင်ပြထားသော်လည်း ဗလီ(၆) လုံး ပြန်လည်ဖွင့်ခွင့်မရသေးခင် ရပ်ကွက်အတွင်း စုပေါင်းဝတ်ပြုရန် တင်ပြထားကြောင်း ဗလီတစ်ခုမှ ဂေါပကဖြစ်သူက M-Media ကိုပြောပါတယ်။

    “ကျွန်တော်တို့ မွတ်စလင်အများစုရှိတဲ့ ရပ်ကွက်ဖြစ်တဲ့ သီရိမင်္ဂလာရပ်ကွက်က ဗလီကိုဆို လုံးဝဖွင့်ခွင့်မပေးဘူး။ မိထ္ထီလာအရေးအခင်းတုန်းက ဆရာတော် ဦးသောဘိတကို အဲ့ဗလီထဲမှာ သတ်ခဲ့တယ်ဆိုပြီး ဦးဝီရသူက သတင်းအမှားလွှင့်ထားတယ်။ ဒါက တကယ်လည်း မဟုတ်ပါဘူး။ ဆရာတော်က ဗလီနဲ့ တော်တော်ဝေးတဲ့နေရာမှာ ဖြစ်ခဲ့တာ။ အဲ့ဒီသတင်းအမှားကို အုပ်ချုပ်ရေးပိုင်းကရော မီဒီယာတွေကရော ဒီနေ့အထိ ဖြေရှင်းတာမျိုးလည်း မရှိဘူး။ အဲ့တော့ အဲဗလီလည်း အခုချိန်ထိ ပြန်ဖွင့်ခွင့်မရသေးဘူး” လို့ ဆက်လက်ပြောဆိုခဲ့ပါတယ်။

    မိထ္ထီလာမြို့နယ်တွင် ဗလီ (၁၃) လုံးရှိပြီး ဘာသာရေးပဋိပက္ခများ ဖြစ်ပွားပြီးနောက်ပိုင်း ဗလီ (၇) လုံးကိုသာ ပြန်လည်ဖွင့်လှစ်ပေးခဲ့ပါတယ်။

    ဝတ်ပြုခွင့်ပေးထားသော ဗလီ (၇) လုံးအနက် တစ်ချို့ဗလီများမှာ အစ္စလာမ်ဘာသာဝင်အနည်းစုသာရှိပြီး တစ်ချို့ဗလီများမှာ သက်ကြီးရွယ်အိုနှင့် ဝတ်ပြုသူများ သွားရောက်ဝတ်ပြုရန် အလွန်ခက်ခဲသော နေရာဖြစ်နေကြောင်း ဒေသခံများပြောဆိုချက်အရ သိရပါတယ်။

  • မိတ္ထီလာတွင် ပဋိပက္ခကြောင့် အိုးအိမ်မဲ့သွားသူများ မူလနေရာ ပြန်နေခွင့်ရရန် ကြိုးပမ်း

    မိတ္ထီလာတွင် ပဋိပက္ခကြောင့် အိုးအိမ်မဲ့သွားသူများ မူလနေရာ ပြန်နေခွင့်ရရန် ကြိုးပမ်း

    14502883_653383471502373_215980297047528569_n

    မန္တလေးတိုင်းဒေသကြီး မိတ္ထီလာမြို့တွင် ၂၀၁၃ ခုနှစ် မတ်လအတွင်း ဖြစ်ပွားခဲ့သည့် ပဋိပက္ခကြောင့် အိုးမဲ့အိမ်မဲ့ ဖြစ်သွား သည့် အစ္စလမ် ဘာသာဝင်များက ၎င်းတို့၏ မူလနေရာများတွင် ပြန်လည် နေထိုင်ခွင့်ရရန် အောက်တိုဘာ ၁ ရက် က ကြိုးပမ်း ခဲ့ကြောင်း သိရသည်။
    .
    ယင်းသို့ကြိုးပမ်းခဲ့ရာ အနီးအနားမှ လူပုဂ္ဂိုလ်အဖွဲ့အစည်းတချို့က လက်မခံဘူးဟု ဆိုကာ ကန့်ကွက်ခဲ့သည့်အတွက် အချေ အတင် ဖြစ်ခဲ့ရကြောင်း မိတ္ထီလာမြို့ ထီလာသုခ သမဂ္ဂီ ဘာသာပေါင်းစုံ ချစ်ကြည်ညီညွတ်ရေး အဖွဲ့ အတွင်းရေးမှူး ဖြစ်သူ တရားလွှတ်တော် ရှေ့နေ ဦးအောင်သိန်းက ဧရာဝတီကို ပြောသည်။

    ဦးအောင်သိန်းက “မိသားစု လေးစုလောက်က အထုတ်အပိုးနဲ့သွားပြီး မင်္ဂလာဇေရုံထဲမှာ ကိုယ့်အကွက်ထဲသွားပြီး တဲလေး တွေ ထိုးတယ်။ အဲဒီလိုဖြစ်တဲ့အချိန်မှာ လူပုဂ္ဂိုလ်တချို့ အဖွဲ့အစည်းတချို့ကနေ လာပြီး ဒါကိုတားတယ်။ နင်တို့ မွတ် ဆလင် တွေကို နေခွင့်မပေးဘူး ဆိုပြီး တားတယ်။ ထိပ်တိုက်တွေ ဖြစ်ကြတဲ့အခါမှာ ရန်ဖြစ်တာ၊ ဆဲတာဆိုတာတော့ မရှိ ဘူး။ နေခွင့်မပြုဘူး နေမယ်ဆိုပြီး အချေအတင်ဖြစ်ကြတာ”ဟု ပြောပြသည်။

    ဆက်လက်၍ ၎င်းက အချေအတင် ဖြစ်နေစဉ်တွင် မြို့နယ် ရဲတပ်ဖွဲ့၊ မြို့နယ်အုပ်ချုပ်ရေးမှူးများ ရောက်လာပြီး ခွင့်ပြုချက် မပေးဟုဆိုကာ ရွှေ့ခိုင်းကြောင်း၊ ၃ ရက်အတွင်း မရွှေ့ပေးပါက လုံခြုံရေးမပေးနိုင်ဟု ပြောဆိုခဲ့သည့်အတွက် တချို့က နီး စပ်ရာ ဆွေမျိုး အသိုင်းအ၀ိုင်းဆီသို့ ရွှေ့ပြောင်းသွားပြီး တချို့မှာ အောက်တိုဘာ ၃ ရက်တွင် ရွှေ့သွားကြကြောင်းလည်း ရှင်း ပြ သည်။

    စေတနာ့ ဝန်ထမ်း ဆောင်ရွက်နေသူ ကိုဘီလာက “သူများဝိုင်းထဲသွားနေလို့ နှင်ထုတ်ခံရတဲ့ပုံစံမျိုး ရပ်ကွက်က ဆက်ဆံ လွှတ်တယ်။ ရပ်ကွက်က အဲဒီလိုလုပ်တယ်ဆိုလည်း ထားဦး။ ကျနော်တို့ဘက်က ဘာမှမဖြစ်သေးဘူး။ အဲဒီ အာဏာပိုင်က တောင်မှ ဘာပြောလည်းဆိုတော့ တရားဥပဒေ စိုးမိုးမှု အားနည်းနေသေးတဲ့ အတွက် ပြန်ဖယ်ပေးလိုက်ပါဦးတဲ့”ဟု ပြော သည်။

    ၎င်းက ဆက်လက်၍ မိတ္ထီလာ ဘာသာရေးပဋိပက္ခကြောင့် အိုးအိမ်မဲ့ဖြစ်သွားသည့် အစ္စလမ် ဘာသာဝင်များကို ထားသည့် ဒုက္ခသည်စခန်း ဖျက်သိမ်းလိုက် အပြီးတွင် တချို့မှာ ချမ်းအေးသာယာ ရပ်ကွက်တွင် ခိုကပ်နေရပြီး တချို့မှာ ခရိုင် အား ကစား ကွင်းထဲတွင် ခိုလှုံနေကြရာ ပြီးခဲ့သည့်လက ယင်းနေရာမှ ဖယ်ပေးရန် မဖယ်ပေးပါက တရားစွဲဆိုမည်ဟုဆိုကာ ခရိုင် အုပ်ချုပ်ရေးမှူး၊ မြို့နယ် အုပ်ချုပ်ရေးမှူးတို့က သတိပေးကြေညာစာ ထုတ်ခဲ့သည့်အတွက် ရန်မျိုးအောင်ရပ်ကွက်၊ မင်္ဂလာဇေရုံ ဟူသည့် ၎င်းတို့မူလပိုင် နေရာဟောင်းတွင် ပြန်နေရန် ကြိုးစားခဲ့ခြင်းဖြစ်သည်ဟုလည်း ရှင်းပြသည်။

    ပဋိပက္ခအပြီး ၂၀၁၃ ခုနှစ်မှ ၂၀၁၆ ခုနှစ်အတွင်း ၎င်းတို့၏ အိမ်ပိုင်ဆိုင်မှု စာရွက်စာတမ်း အထောက်အထားများဖြင့် ယခင် ဦးသိန်းစိန် အစိုးရ လက်ထက် သက်ဆိုင်ရာ အာဏာပိုင်များထံ အကြိမ်ကြိမ် တင်ပြတောင်းဆိုခဲ့သော်လည်း ပြန်နေခွင့် မရ ခဲ့ကြောင်း၊ နေရပ်ဟောင်းတွင် ပြန်နေခွင့်မရစဉ် ကာလများတွင် ပတ်ဝန်းကျင်မှ ကျန်ရှိနေသေးသည့် အဆောက်အအုံများ မှ အုတ်ကအစ ခွာယူသွားကြကြောင်း ဦးအောင်သိန်းက ပြောသည်။

    ဆက်လက်၍ ဘာသာစုံ ချစ်ကြည်ညီညွတ်ရေး အဖွဲ့အနေဖြင့် ယခုလို အစိုးရသစ်လက်ထက် တိုင်းပြည်ပြုပြင် ပြောင်းလဲ ရေး လုပ်နေစဉ်ကာလအတွင်း မလိုလားအပ်သည့် ပြဿနာများ မဖြစ်ပေါ်စေရန် တတ်နိုင်သမျှ ထိန်းညှိဆောင်ရွက်ရန်နှင့် တရားဥပဒေကြောင်းအရ ငြိမ်းငြိမ်းချမ်းချမ်း ဆောင်ရွက်ရန် မွတ်ဆလင် အသိုင်းအ၀ိုင်းကို အကြံပြုထားပြီး နောက်ဆုံး အဆင့် အနေဖြင့် နိုင်ငံတော်သမ္မတနှင့် နိုင်ငံတော် အတိုင်ပင်ခံပုဂ္ဂိုလ်တို့ထံ တင်ပြသွားရန် အကြံပြုထားသည်ဟုလည်း ၎င်းက ပြောဆိုသည်။

    ဦးအောင်သိန်းက “တဖက်ကလည်း ခရိုင်အားကစားကွင်းထဲ နေလို့မရတော့ဘူး။ တရားစွဲတော့မယ်ဆိုရင် ဘယ်မှ ပြေးစရာ မရှိရင် သူတို့အနေနဲ့ ဒီထဲပဲ ဇွတ်လာပြီး ကိုယ့်ဝိုင်းကိုယ်နေမှာပဲ။ နောက်တခု မိသားစု သုံးလေးစုက အိမ်ခန်း တခန်းထဲမှာ စုသိပ်ထားတယ်ဆိုလည်း ရေရှည်မှာ မဖြစ်နိုင်ဘူး။ ပေါက်ကွဲမှာပဲ။ အဲဒီတော့ ဒီပြဿနာတွေကို ဖွဲ့စည်းပုံ အခြေခံဥပဒေ၊ နိုင်ငံသားတွေ ခံစားခွင့်ဥပဒေနဲ့အညီ တည်ငြိမ်အေးချမ်းရေးနဲ့ တရားဥပဒေစိုးမုိုးရေး ရှုထောင့်ကနေ ပြီးတော့ ဌာနဆိုင်ရာတွေက ကိုင်တွယ်သင့်တယ်လို့ ယူဆတယ်”ဟုလည်း ပြောသည်။

    ယခုဖြစ်စဉ်နှင့်ပတ်သက်၍ တိုင်းဒေသကြီး ၀န်ကြီးချုပ် ကိုယ်တိုင် ကိုင်တွယ် ဖြေရှင်းသင့်သော်လည်း ယခုအချိန်အထိ မည်သည့် လုပ်ဆောင်မှုမျိုးမှ မရှိသေးသည့်အတွက် တိုင်းအစိုးရအဖွဲ့အား မွတ်ဆလင် အသိုင်းအ၀ိုင်းမှ ယုံကြည်မှု မရှိ တော့ ကြောင်း၊ တိုင်းဝန်ကြီးချုပ် အနေဖြင့် ပြတ်သားသည့် အဖြေမပေးဘဲ ယခုအတိုင်း ထားမည်ဆိုပါက ပဋိပက္ခများ ဖြစ်လာမည် ကို စိုးရိမ်ကြောင်းလည်း ဦးအောင်သိန်းက ပြောဆိုသည်။

    အောက်တိုဘာ ၁ ရက်နေ့ဖြစ်စဉ်နှင့်ပတ်သက်၍ မိတ္ထီလာမြို့နယ် အုပ်ချုပ်ရေးမှူးနှင့် ရဲစခန်းသို့ ဧရာဝတီ က ဆက်သွယ် မေးမြန်း ရန် အကြိမ်ကြိမ် ကြိုးစားခဲ့သော်လည်း ပြန်လည် ဖြေကြားပေးခြင်း မရှိပါ။

    ကိုဘီလာက “သူတို့နေရာကို ပြန်သွားနေတဲ့သူတွေက အုပ်ချုပ်ရေးမှူးထံ တင်ပြတော့ နေပါလည်းမပြော မနေပါနဲ့လည်း မပြော။ ဒါပေမယ့် လုံခြုံရေး မပေးနိုင်ဘူး ပြောတယ်။ အဲဒီတော့ ၄ နှစ်ရှိပြီ။ အခုအချိန်အထိ တည်ငြိမ်မှု မရှိသေးဘူးလား။ အဓိက အဲဒီနေ့က သူတို့ပြတ်ပြတ်သားသား လုပ်လိုက်ရင် သူတို့နေရာ သူတို့လာနေတာ အဲဒီလိုပြောလိုက်ရင် ဇာတ်လမ်း ကပြတ်ရော။ တရားဥပဒေ အမြန်ဆုံးစိုးမိုးပါစေလို့ပဲ ဆုတောင်းပါတယ်”ဟု ပြောဆိုသည်။

    ယခုအခါ မိတ္ထီလာမြို့ ပဋိပက္ခကြောင့် အိုးမဲ့အိမ်မဲ့ဖြစ်နေဆဲ လူဦးရေ ၂၀၀ ကျော်နှင့် မိသားစု ၈၀ ကျော် ရှိကြောင်း သိရ သည်။

    ဧရာဝတီမှ ကူးယူဖော်ပြပါသည်။
    http://burma.irrawaddy.com/news/2016/10/04/124395.html

  • မိတ္ထီလာပဋိပက္ခ အိမ်မဲ့ခဲ့သူတွေကို အိမ်ပြန်မပေးဖို့ ကန့်ကွက်

    မိတ္ထီလာပဋိပက္ခ အိမ်မဲ့ခဲ့သူတွေကို အိမ်ပြန်မပေးဖို့ ကန့်ကွက်

    အောက်တိုဘာ ၁ ၊ ၂၀၁၆
    14502883_653383471502373_215980297047528569_n
    မိတ္ထီလာမြို့မှာ ၂၀၁၃ ခုနှစ်က ဖြစ်ခဲ့တဲ့ ဘာသာရေး အဓိကရုဏ်းကြောင့် အိုးမဲအိမ်မဲ့ ဖြစ်သွားတဲ့ အစ္စလာမ် ဘာသာဝင်တွေက သူတို့ မူလပိုင်တဲ့ ရန်မျိုးအောင် ရပ်ကွက် မင်္ဂလာဇေရုံရပ်က နေရာဟောင်းမှာ ပြန်နေဖို့ ကြိုးစားခဲ့ရာမှာ ခွင့်မပြုတဲ့ အဖွဲ့အစည်း တချို့နဲ့ အောက်တိုဘာလ ၁ရက်နေ့က အချေအတင် ဖြစ်ခဲ့ကြပါတယ်။

    အဲဒီလူတွေကို ထားထားတဲ့ ဒုက္ခသည်စခန်း ဖျက်လိုက်အပြီးမှာ တချို့က ချမ်းအေးသာယာ ရပ်ကွက်မှာ ခိုကပ်နေပြီး တချို့က ခရိုင် အားကစားကွင်းထဲမှာ ခိုလှုံနေခဲ့ကြောင်းနဲ့ ပြီးခဲ့တဲ့လကတော့ အဲဒီနေရာကနေ ဖယ်ပေးဖို့ မဟုတ်ရင် ကျူးကျော်မှုနဲ့ တရားစွဲမယ် ဆိုပြီး မြို့နယ် အထွေထွေ အုပ်ချူပ်ရေးမှူးက အမိန့်ထုတ်ခဲ့တဲ့အတွက် ကိုယ့်နေရာ ကိုယ်ပြန်နေဖို့ ကြိုးစားခဲ့ကြတာ ဖြစ်ကြောင်း မိတ္ထိလာမြို့က ထီလာသုခ သမဂ္ဂီ ဘာသာပေါင်းစုံ ချစ်ကြည်ညီညွတ်ရေးအဖွဲ့ အတွင်းရေးမှူး တရားလွှတ်တော်ရှေ့နေ ဦးအောင်သိန်းက ဘီဘီစီကို ပြောပါတယ်။

    အနီးအနားက လူပုဂ္ဂိုလ် အဖွဲ့အစည်း တချို့က မွတ်ဆလင်တွေ ပြန်လာနေတာကို လက်မခံဘူး ဆိုပြီး ကန့်ကွက်ခဲ့တာလို့ သိရပါတယ်။သူတို့ရဲ့ အိမ်ပိုင်ဆိုင်မှု စာရွက်စာတမ်း အထောက်အထားတွေကို အရင်အစိုးရ လက်ထက်ကတည်းက သက်ဆိုင်ရာ အာဏာပိုင်တွေထံ အကြိမ်ကြိမ် ပြခဲ့ပေမယ့် လူပုဂ္ဂိုလ် အဖွဲ့အစည်း တချို့က ကန့်ကွက်နေတဲ့အတွက် လက်မခံတာလို့ ၂၀၁၄၊ ၂၀၁၅၊ ၂၀၁၆ ခုနှစ်တွေ တလျှောက်လုံး ဌာနဆိုင်ရာ အာဏာပိုင်တွေက အကြောင်း ပြန်ခဲ့တယ်လို့ ဆိုပါတယ်။

    နေရပ်ဟောင်းမှာ ပြန်နေခွင့် မရတဲ့အတွက် တချို့က ရသမျှဈေးနဲ့ သူတို့ မြေနေရာတွေကို ရောင်းချသွားခဲ့တယ်လို့ ဦးအောင်သိန်းက ပြောပါတယ်။

    စာရင်းဇယားတွေအရ မိတ္ထီလာမြို့ဘာသာရေး ပဋိပက္ခကြောင့် အိုးမဲ့ အိမ်မဲ့ ဖြစ်နေဆဲ လူဦးရေ ၂၀ဝ၊ မိသားစု ၈၀ ကျော်လောက် ရှိတယ်လို့လည်း သူက ပြောပါတယ်။

    BBC မြန်မာပိုင်းမှ ကူးယူဖော်ပြသည်။

    http://www.bbc.com/burmese/burma/2016/10/161002_meikhtila_muslim_clash

  • ပြည်ခိုင်ဖြိုး အောင်ပွဲခံသွားသော မိတ္ထီလာ

    ပြည်ခိုင်ဖြိုး အောင်ပွဲခံသွားသော မိတ္ထီလာ

    ဖြိုးသီဟ / Myanmar Now

    IMG_7012
    ရွေးကောက်ပွဲနေ့ ညနေပိုင်းက မိတ္ထီလာမြို့နယ် ရွေးကောက်ပွဲကော်မရှင်အဖွဲ့ခွဲရုံးတွင် တွေ့ရသော မဲရေတွက်မှု မြင်ကွင်း (ဓာတ်ပုံ – ဖြိုးသီဟချို/Myanmar Now)

    မိတ္ထီလာ (Myanmar Now) – ရွေးကောက်ပွဲညသန်းခေါင်ယံတွင် မိတ္ထီလာမြို့ ကိုလိုနီခေတ်လက်ကျန် အဆောက်အဦတစ်ခု၏ အပေါ်ထပ် အခန်းငယ်ထဲတွင် နိုင်ငံရေးပါတီအသီးသီးမှ ကိုယ်စားလှယ်များ၊ အကဲခတ်များက မဲလက်မှတ် စစ်ဆေးရေတွက်နေသော မဲရုံအရာရှိတစ်ဦး၏ လှုပ်ရှားမှုများကို စိတ်ဝင်တစား စောင့်ကြည့်နေကြသည်။

    မဲရုံအရာရှိက အဝါရောင်မဲလက်မှတ်များကို တစ်ခုပြီးတစ်ခု ကောက်ယူကာ   “ဒေါက်တာ မောင်သင်း၊ ဒေါက်တာ မောင်သင်း” ဟူသော   ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ကိုယ်စားလှယ်လောင်းတစ်ဦး၏ အမည်ကို   စက္ကန့်မလပ်   ကြေညာသံက ခပ်ကျဉ်းကျဉ်း အခန်းငယ်ထဲတွင် အချက်ကျကျပေါ်ထွက်နေသည်။

    အခန်းတွင်း ရောက်ရှိနေသူများထဲတွင် မိတ္ထီလာ ပြည်သူ့လွှတ်တော်မဲဆန္ဒနယ်မှ ဒေါက်တာမောင်သင်း၏ အဓိကပြိုင်ဘက် ဒေါက်တာ ဝင်းစိုးဦးလည်း ပါဝင်သည်။
    “ ဒီရလဒ်က ကျွန်တော့်ကို လုံးဝမှင်သက်မိစေတယ်ဗျာ။ လုံးဝ ထင်မထားဘူး” ဟု အမျိုးသား ဒီမိုကရေစီ အဖွဲ့ချုပ် (NLD) မှ ဒေါက်တာ ဝင်းစိုးဦးက မျှော်လင့်မထားသော ရူံးနိမ့်မှုကြောင့် မခံမရပ်နိုင်ဖြစ်ပြီး ခပ်တိုးတိုး ပြောလိုက်သည်။

    ဒေါက်တာမောင်သင်း ရရှိသော ခိုင်လုံမဲ ပမာဏက ၉၆,၃၁၄။ NLD ဒေါက်တာဝင်းစိုးဦး ရသော ပမာဏက ၅၉,၂၇၇ ဖြစ်သည်။ မိတ္ထီလာတွင် ပြည်သူ့လွှတ်တော်အတွက်သာမက အခြားလွှတ်တော်များ အတွက်ပါ ပြည်ခိုင်ဖြိုး ကိုယ်စားလှယ်များ နိုင်သွားပြီ ဟူသော ရလဒ်က မဲလက်မှတ် ရေတွက်မှု စောင့်ကြည့်သူများထံမှ ထွက်လာသည်။

    ပြည်ခိုင်ဖြိုးပါတီက မြန်မာနိုင်ငံအနှံ့အပြားတွင် NLD ကို အကြီးအကျယ် ရှုံးနေသော်လည်း မိတ္ထီလာမဲဆန္ဒနယ်များတွင်တော့ ပြည်ခိုင်ဖြိုးက အပြတ်အသတ် အနိုင်ရသွားခြင်း ဖြစ်သည်။

    ရွေးကောက်ပွဲနေ့နှင့် မတိုင်မီနေ့များက မိတ္ထီလာမြို့ပေါ်တွင် မဲပေးရန် တက်ကြွ နေသည့် မြို့ခံတို့၏ စကားဝိုင်းများတွင် ရွေးကောက်ပွဲ အလွန် နိုင်ငံရေး မျှော်လင့်ချက်က နေရာယူထားကြသည်။

    ရွေးကောက်ပွဲအပြီးနောက်တစ်နေ့ ရလဒ်များ အကြမ်းဖျဉ်း သိရှိပြီးချိန်တွင်တော့ သူတို့၏ မျက်နှာပေါ်တွင် ပျော်ရွှင်မှု အရိပ်အယောင်များ ပျောက်ကွယ် သွားသည်။

    အရှေ့ဆည်ကုန်းကျေးရွာမှ ဦးမောင်မောင်ဌေးက သူနှင့် သူတို့ရွာသားအများစု   မဲထည့်ခဲ့ကြသည့် NLD ရှုံးသွားသည့်အတွက် များစွာအရှက်ရမိသည်ဟု ဆိုသည်။

    မန္တလေးတိုင်းဒေသကြီးအတွင်းရှိ မိတ္ထီလာသည် ၂ဝ၁၃ နှစ်ဆန်းပိုင်းက ဘာသာရေးအဓိကရုဏ်း အကြီးအကျယ် ဖြစ်ပွားခဲ့ရာဒေသ ဖြစ်သောကြောင့် ရွေးကောက်ပွဲကာလတွင် လေ့လာစောင့်ကြည့်သူတို့၏ စိုးရိမ်တကြီး အာရုံစိုက်စရာဒေသတစ်ခု ဖြစ်လာသည်။

    ထိုအဓိကရုဏ်းကြောင့် ၄၄ ဦး သေဆုံးခဲ့ကြောင်း အစိုးရ ထုတ်ပြန်ခဲ့သည့်သတင်းများအရ သိရသည်။ အိမ်ခြေ ၁,ဝဝဝ ခန့် ပျက်စီးဆုံးရူံးခဲ့သည်ဟု ဆိုသည်။ မြို့ခံ တချို့ကတော့ ထိုအရေအတွက်ထက် နှစ်ဆကျော် သေဆုံးသည်ဟု ခန့်မှန်းကြသည်။

    မဘသ လှုပ်ရှားမှု

    မိတ္ထီလာသည် အမျိုး ဘာသာ သာသနာ စောင့်ရှောက်ရေးအဖွဲ့ (မဘသ) လှုပ်ရှားမှုများ အားကောင်းသည့် ဒေသများထဲတွင် ပါဝင်သည်။

    ရွေးကောက်ပွဲမတိုင်ခင် ပေါ်ပေါက်လာသည့် အငြင်းပွားဖွယ် မျိုးစောင့်ဥပဒေများကို ကန့်ကွက်သည့် NLD ပါတီသည် မဘသ အဖွဲ့နှင့် ဆန့်ကျင်ဘက် ဖြစ်လာမှုကလည်း မဲဆွယ်ပွဲများတွင် ထင်ဟပ်ခဲ့သည်။

    မိတ္ထီလာတွင်လည်း မဘသ၏ တရားပွဲများကို ရွေးကောက်ပွဲမတိုင်ခင် ရက်ပိုင်းအလိုအထိ   ကျင်းပပြီး အမျိုးစောင့်ဥပဒေ မထောက်ခံသည့်ပါတီကို မဲမထည့်ရန် ဟောပြောပြီး စာရွတ်စာတန်းများ ဖြန့်ဝေသည်ဟု
    မိတ္ထီလာခရိုင် ဘာသာပေါင်းစုံချစ်ကြည်ရေးကွန်ရက် ပြန်ကြားရေးတာဝန်ခံ ဦးအောင်သိန်းက ပြောသည်။

    “ထုံးစံအတိုင်းပေါ့ဗျာ၊ မျိုးစောင့်ဥပဒေကိုကန့်ကွက်တဲ့ပါတီကို မဲထည့်ရင် ကုလားပြည်ဖြစ်မယ်၊ ဗုဒ္ဓဘာသာပျောက်ကွယ်သွားမယ်ပေါ့ အဲဒါတွေပေါ့ဗျာ” ဟု ၎င်းက တရားပွဲများအကြောင်း ရှင်းပြသည်။

    ရွေးကောက်ပွဲအကြိုကာလ နေရာအများအပြားတွင် NLD ပါတီကို ပုတ်ခတ်ပြောဆိုသည့် တရားခွေ ကျယ်လောင်စွာဖွင့်ကြခြင်းကလည်း ဒေသတွင်းမဲဆန္ဒရှင်များကို ဝေဝါးစေနိုင်ကြောင်း အရှေ့ဆည်ကုန်းကျေးရွာမှ ဦးမောင်မောင်ဌေးက ပြောသည်။

    “တရားခွေတွေကို ဒီလ ၇ ရက်နေ့အထိ (ရွေးကောက်ပွဲမတိုင်ခင် ၁ ရက် အလိုအထိ) ဖွင့်နေတုန်းပဲ” ဟု သူ့မဲဆန္ဒနယ်တွင် ကြုံတွေ့ခဲ့ရသည့်အတွေ့အကြုံကို ရှင်းပြသည်။

    ပြည်ခိုင်ဖြိုးပါတီမှ အနိုင်ရသွားသော ဒေါက်တာမောင်သင်းကမူ ဘာသာရေးလှုံ့ဆော်မှုများ ပါဝင်သည့် သီချင်းများ ဖွင့်လှစ်ပြီး မဲဆွယ်ခြင်း၊ ကျေးလက်ဒေသ ပါတီဝင်တို့က NLD ဆန့်ကျင်ရေး တရားခွေဖွင့်ခြင်း တို့နှင့် ပတ်သက်သည့် စွပ်စွဲချက်များကို သူကငြင်းဆိုသည်။

    “ကျွန်တော်တို့ ဖြန့်ဝေတာက ပြည်ခိုင်ဖြိုးရဲ့ မဲဆွယ်စည်းရုံးရေးသီချင်းခွေတွေ ဝေတာမျိုးတော့ ရှိပါတယ်။ မဘသနဲ့ပတ်သက်တဲ့ တရားခွေတွေ ဘာတွေတော့ မသိပါဘူး” ဟု သူက ပြောသည်။

    မဘသ၏ လှုပ်ရှားမှုနယ်မြေတစ်ခုဖြစ်သော မိတ္ထီလာတွင် အစိုးရက ဖွံ့ဖြိုးရေးလုပ်ငန်း အများအပြား ဖော်ဆောင်ခဲ့ပြီး ရွေးကောက်ပွဲရက်နီးလာချိန်တွင်လည်း သမ္မတဦးသိန်းစိန် သွားရောက်ခဲ့သည်။

    ရွေးကောက်ပွဲအကြိုကာလ ဦးသိန်းစိန်၏ အခြားခရီးစဉ်များကဲ့သို့ပင် မိတ္ထီလာသို့သွားရောက်စဉ် ပြည်ခိုင်ဖြိုးပါတီများ ကြိုဆိုကြပုံကို အစိုးရထိန်းချုပ်ထားသည့် မီဒီယာများတွင် အသားပေး ဖော်ပြခဲ့သည်။

    မဲစာရင်း

    ၂ဝဝ၇ သံဃာ့လှုပ်ရှားမှုတွင် အရှင်ဂမ္ဘီရဟု နာမည်ကျော်ခဲ့သူ ဦးညီညီလွင်နှင့် မိသားစုဝင်တို့မှာ NLD ကို ထောက်ခံသော်လည်း မဲစာရင်းတွင် ၎င်းတို့၏အမည် မပါဝင်သောကြောင့် မဲပေးခွင့် ရရှိရေးအတွက် မိတ္ထီလာတွင်ပင် လျှောက်လွှာတင်ခဲ့ရသည်ဟု မိသားစုဝင်တစ်ဦးက ပြောသည်။ မဲပေးခွင့်လျှောက်ထားရန် မလိုဘဲ မဲရုံသို့ နိုင်ငံသားစိစစ်ရေးကတ်၊ အိမ်ထောင်စုဇယားတို့ကို ယူဆောင်သွားလျှင်လည်း မဲပေးနိုင်ပါသည်ဟူသော ဒေသတွင်း သတင်းလွှင့်မှုများကို ၎င်းတို့မိသားစုက အယုံအကြည် မရှိခဲ့ဟု ရှင်းပြသည်။

    မဲစာရင်းတွင် အမည်မပါဝင်သော ရန်မျိုးအောင်ရပ်ကွက် နယ်မြေ ၁၂ မှ ဦးကျော်ဋ္ဌေးက ရွေးကောက်ပွဲမတိုင်ခင်ကာလ ကတည်းက မဲဆန္ဒရှင်သက်သေခံကတ်ပြား ရရှိထားသော်လည်း မဲပေးခွင့်မရခဲ့ဟု ဆိုသည်။

    “ (မဲရုံရောက်တော့) မဲပေးလို့မရဘူး တဲ့။ အမှတ်စဉ်နဲ့ နံပတ် မပါတော့ ပေးလို့မရဘူးလို့ ပြောတယ်။ ရပ်ကွက်ထဲမှာ မဲပေးခွင့် မရှိတာ အယောက် ၅ဝ လောက် ရှိပါတယ်”ဟု သူက ပြောသည်။

    ရွေးကောက်ပွဲကျင်းပရန် ရက်ပိုင်းအလိုတွင် NLD ကို မဲထည့်ပါက ၂ဝ၁၃ ခုနှစ်က ကြုံတွေ့ခဲ့ရသည့် အဖြစ်အပျက်မျိုး ထပ်မံဖြစ်ပွားလိမ့်မည်ဟူသည့် သတင်းလွှင့်ချက် မြို့တွင်း နေရာတချို့တွင် ပေါ်ပေါက်လာသည်ဟု ခရိုင် ဘာသာပေါင်းစုံချစ်ကြည်ရေးကွန်ရက်မှ ဦးအောင်သိန်းက ပြောသည်။

    ထိုသတင်းလွှင့်ချက်ကြောင့် NLD ထောက်ခံသူ အစ္စလာမ်တချို့ မဲရုံသို့ သွားရောက်ခြင်း မရှိတော့ကြောင်း၊ ထိုအချက်သည်လည်း မိတ္ထီလာတွင် ပြည်ခိုင်ဖြိုး အားသာစေသည့် အချက်တစ်ခု ဖြစ်ကြောင်း သုံးသပ်သည်။

    “စာရင်းတွေပြန်ကြည့်တဲ့အခါမှာ မွတ်စလင် (ရပ်ကွက်) မဲရုံတွေအားလုံးဟာ NLD မဲတွေပဲလေ။ ပြည်ခိုင်ဖြိုးမဲတွေက အင်မတန်နည်းပါတယ်” ဟု သူက ပြောသည်။

    စစ်သားတို့၏ ဆန္ဒမဲ

    မိတ္ထီလာမြို့အနီး တပ်မတော်ရိက္ခာထောက်ပံ့ပို့ဆောင်ရေးတပ် အဝင်ဂိတ်ပေါက်တွင် လုံခြုံရေးတာဝန်ကျ တပ်မတော်သားသုံးဦးမှာ ရွေးကောက်ပွဲနေ့တွင် ကနဦး မဲပေးကြသူများထဲတွင် ပါဝင်သည်။

    ၎င်းတို့ထဲမှ တစ်ဦးကို မဲပေးသည့်အကြောင်း မေးမြန်းရာတွင် ဖြေကြားရန်ငြင်းဆိုသည်။ ဂိတ်ပေါက်ကိုကျော်ဖြတ်သွားပြီးနောက် တွေ့ရသော ဘောလုံးကွင်းအနီး မဲရုံရှေ့တွင် ရာနှင့်ချီသော တပ်မတော်သားများ မဲပေးရန် တန်းစီ စောင့်ဆိုင်းနေကြသည်။

    အသားခပ်လတ်လတ်၊ အသက် ၄ဝ ဝန်းကျင်အရွယ်၊ ဗိုလ်မှူးအဆင့် အရာရှိတစ်ဦးက စစ်သားများကို စောင့်ကြည့်နေသည်။

    “တပည့်တွေ မလုပ်တတ်မှာစိုးလို့ (မဲ) အရင်ထည့်တာပါ။ မဲရုံမှူးရှိတယ်။ မဲရုံမှူးပြောတဲ့ စည်းကမ်းချက်အတိုင်း လိုက်လုပ်ပေးရတာပါပဲ” ဟု သူက ပြောသည်။ ထိုအရာရှိက သူ့အမည်ကိုမူ ထုတ်ဖော်ပြောကြားခြင်း မရှိပေ။

    မိတ္ထီိလာမြို့ မဲပေးခွင့်ရှိသူ တပ်မိသားစုဝင်ပေါင်း ၁၅,ဝဝဝ နီးပါး ရှိပြီး NLD ၏ အမတ်လောင်းတစ်ဦးဖြစ်သူ ဒေါက်တာဝင်းစိုးဦးက တပ်မတော်သားတို့၏ ရွေးချယ်မှုနှင့်ပတ်သက်ပြီး သံသယ ရှိနေသည်။

    “တပ်မဲရုံတွေကရတဲ့မဲတွေက တပ်သားတွေရဲ့ဆန္ဒအမှန်ကို ကိုယ်စားမပြုနိုင်ဘူး” ဟု သူက ပြောသည်။

    ပြည်ခိုင်ဖြိုးကိုယ်စားလှယ် ၄ ဦးထဲတွင် တက္ကသိုလ်ပါမောက္ခချုပ်ဟောင်း ဒေါက်တာမောင်သင်း တစ်ဦးသာ အနည်းငယ် ထင်ရှားသူ ဖြစ်သည်။

    မိတ္ထီလာတွင် ပြည်ခိုင်ဖြိုး ကိုယ်စားလှယ်များအနိုင်ရခဲ့ခြင်းမှာ မဲဆွယ်ကာလ ရက်ပေါင်း ၅ဝ ကျော်အတွင်း ကျေးရွာပေါင်း ၃၆ဝ ကျော်ကို ပါတီလုပ်ငန်းစဉ်များ ဟောပြောစည်းရုံးခဲ့ခြင်း၊ မိတ္ထီလာတက္ကသိုလ်တွင် တာဝန်ယူခဲ့ခြင်းတို့ကြောင့်ဖြစ်မည်ဟု ယူဆကြောင်း ပြောသည်။

    “(မဲဆန္ဒရှင် အများအပြားက) ကျွန်တော့်ကို သူတို့ဆရာအဖြစ်နဲ့ သိနှင့်နေပြီးသားဖြစ်မယ်။ ၆နှစ်လောက် တာဝန်ထမ်းဆောင်ခဲ့တော့ ဖွံ့ဖြိုး တိုးတက်အောင်ဆောင်ရွက်ခဲ့တာတွေရှိပါတယ်။ အဲဒါတွေကြောင့် ဒီရွေးကောက်ပွဲမှာနိုင်ခဲ့တယ်လို့ ထင်ပါတယ်” ဟု သူက ပြောလိုက်သည်။

    မဲဆွယ်ကာလ သမ္မတ ဦးသိန်းစိန် မိတ္ထီလာဒေသသို့ ရောက်ခဲ့သည်သတင်းကို ဒေသခံတို့ အစိမ်းရောင် ပြည်ခိုင်ဖြိုးအလံများ ဝှေ့ယမ်း၊ အစိမ်းရောင် ဦးထုပ်များဆောင်းပြီး ကြိုဆိုကြပုံဖြင့် အစိုးရအာဘော် သတင်းစာများ မျက်နှာဖုံးတွင် ဖော်ပြထားသည်။ ဒေသတွင်း လယ်ဧကအများအပြား ရေရရှိမည်ဖြစ်ကြောင်း၊ နာမည်ကျော် မိတ္ထီလာကန်ကို အစိုးရက ပြုပြင်ထိန်းသိမ်းပေးကြောင်း၊ ထို့ကြောင့် ဒေသတွင်း စိမ်းလန်းစိုပြေလာမည်ဟု သတင်းတွင် ရေးထားသည်။ “မိတ္ထီလာမြို့နှင့် မိတ္ထီလာလွင်ပြင်တစ်ခုလုံး အစိမ်းရောင်လွင်ပြင်ဖြစ်ရမည်” ဟု ခေါင်းစဉ်ကြီးကြီးတပ်ထားသော မျက်နှာဖုံးဖော်ပြချက်အတိုင်းပင် ရွေးကောက်ပွဲတွင် မိတ္ထီလာလွင်ပြင်တစ်ခုလုံး အစိမ်းရောင် အားကောင်းခဲ့သည်ကို တွေ့ရသည်။     ။

     

    ၂ဝ၁၅ ရွေးကောက်ပွဲ မိတ္ထီလာမဲဆန္ဒနယ်မှ ပြိုင်ဘက်ပါတီ ၂ ခု၏ မဲကွာခြားချက်

    ပြည်ခိုင်ဖြိုး NLD
    ပြည်သူ့လွှတ်တော် ၉၆,၃၁၄ ၅၉,၂၇၇
    အမျိုးသားလွှတ်တော် ၉၇,၃၇၈ ၅၉,၆၄၅
    တိုင်းဒေသကြီး လွှတ်တော် ၁ ၄၈,၃၆၀ ၂၈,၈၇၉
    တိုင်းဒေသကြီး လွှတ်တော် ၂ ၄၅,၁၇၄

    ၂၈,၆၄၃

  • ဦးနေမျိုးဝေ ဆိုရှယ်မီဒီယာမှ လှုံ့ဆော်ပြီးနောက်ပိုင်း မိထ္ထီလာခရိုင် သပြေဝကျေးရွာတွင် အကြမ်းဖက်မည်ဟု ခြိမ်းခြောက်မှုများဖြစ်ပေါ်ခဲ့

    ဦးနေမျိုးဝေ ဆိုရှယ်မီဒီယာမှ လှုံ့ဆော်ပြီးနောက်ပိုင်း မိထ္ထီလာခရိုင် သပြေဝကျေးရွာတွင် အကြမ်းဖက်မည်ဟု ခြိမ်းခြောက်မှုများဖြစ်ပေါ်ခဲ့

    ဧပြီ ၂၁၊ ၂၀၁၅
    M-Media
    သတင်း-မိုးစက်
    Meikhtila
    မိတ္ထီလာ။    ။ မိတ္ထီလာမြို့အနီး သပြေဝကျေးရွာတွင် ယမန်နေ့ ညဦးပိုင်းက ဘာသာမတူသည့် စုံတွဲ နှစ်ဦးသဘောတူ ခိုးရာလိုက်ပြေးသည့် လူမှုရေး ကိစ္စတရပ်ကို အကြောင်းပြုပြီး လူတစ်ချို့က အစ္စလာမ်ဘာသာဝင်များအား တိုက်ခိုက်မည်ဟု ခြိမ်းခြောက်မှုတစ်ရပ် ဖြစ်ပွားခဲ့ကြောင်း သိရပါတယ်။

    ယင်းကဲ့သို့ခြိမ်းခြောက်မှုများကြောင့် လုံခြုံရေးဝန်ထမ်းများနှင့် ဒေသခံများပူးပေါင်းပြီး လုံခြုံရေးကို အနီရောင်အဆင့်သတ်မှတ်ကာ ထိန်းသိမ်းဆောင်ရွက်ခဲ့ကြောင်း၊ ယနေ့မနက်တွင် အခြေအနေ တည်ငြိမ်လျက်ရှိကြောင်း  သိရပါတယ်။

    “ယနေ့ မနက်တော့ အားလုံးအေးဆေးပါပဲ။ ဈေးရောင်းတဲ့သူကရောင်း၊ အလုပ် လုပ်တဲ့သူကလုပ်၊ အားလုံးအေးဆေးဖြစ်သွားပါပြီ” ဟု ဒေသခံတစ်ဦးက M-Media သို့ ပြောပါတယ်။

    ယမန်နေ့ညက ရိုဇီထမင်းဆိုင်ကို ဖျက်ဆီးခဲ့သည်ဟု သတင်း ထွက်ပေါ်နေသည်မှာ လည်း ကောလဟာလသာဖြစ်ပြီး အပျက်အဆီး မရှိခဲ့ကြောင်း စုံစမ်းသိရှိရပါတယ်။

    အဆိုပါ ဖြစ်စဉ် မဖြစ်ပေါ်ခင် ဧပြီလ ၂၀ ရက် မနက်ပိုင်းတွင် အစိုးရမှ တရားဝင် အသိအမှတ်ပြုထားသော နိုင်ငံရေးပါတီ တခုဖြစ်သည့် မတူကွဲပြားခြင်း နှင့် ငြိမ်းချမ်းရေးပါတီ ဥက္ကဌ ဦးနေမျိုးဝေ မိထ္ထီလာမြို့သို့ရောက်ရှိခဲ့စဉ် ၂၀၁၃ ခုနှစ် မတ်လအတွင်း အကြမ်းဖက် ဖျက်ဆီးခံခဲ့ရသည့် မိတ္ထီလာမှ ဗလီဝတ်ကျောင်း ဓါတ်ပုံကို ၄င်း၏ ဆိုရှယ်မီဒီယာ စာမျက်နှာတွင် အကြမ်းဖက်ဖျက်ဆီးရန် လှုံဆော်သည့် စာများဖြင့် တင်ခဲ့သည်ကို တွေ့ရှိရပါတယ်။

    အဆိုပါ လှုံဆော်စာကို ၂၄ နာရီ မပြည်ခင်မှာ ထပ်ဆင့်ဖြန့်ဝေမှု ၈၀၀ ကျော်ရှိခဲ့ပြီး ညပိုင်းတွင်း ယခုကဲ့သို့ အကြမ်းဖက်မည့် ခြိမ်းခြောက်မှုများ ဖြစ်ပေါ်လာခဲ့ခြင်းဖြစ်ပါတယ်။
    Meikhtila masjid comment
    ဦးနေမျိုးဝေမှာ နိုင်ငံတော်ဖွဲ့စည်းပုံ အခြေခံဥပဒေ၊ ရွေးကောက်ပွဲကော်မရှင်မှ ထုတ်ပြန်ထားသည့် နိုင်ငံရေးပါတီများ လိုက်နာဆောင်ရွက် ရမည့် ဥပဒေများကို အကြိမ်များစွာ ချိုးဖောက်ပြီး ဘာသာရေး၊ လူမျိုးရေး အကြမ်းဖက်မှု အဓိကရုဏ်းများဖြစ်ပွားစေရန် ဆိုရှယ်မီဒီယာ စာမျက်နှာမှ အမုန်းစကားများဖြင့်  လှုံ့ဆော်ရေးသားနေသော်လည်း သက်ဆိုင်ရာ အာဏာပိုင် အဖွဲ့အစည်းများဖြစ်သည့် ပြည်ထဲရေး ဝန်ကြီး ဌာန နှင့် ပြည်ထောင်စု ရွေးကောက်ပွဲ ကော်မရှင် တို့မှ တစုံတရာ အရေးယူဆောင်ရွက်ခြင်း မရှိသေးတာကို တွေ့ရှိရပါတယ်။

    20042015