News @ M-Media

Tag: middle_east

  • အစ္စရေးနဲ့ ပတ်သက်ပြီး မီဒီယာများက လိမ်လည်ထားတဲ့ အချက်၁၀ ချက်

    အစ္စရေးနဲ့ ပတ်သက်ပြီး မီဒီယာများက လိမ်လည်ထားတဲ့ အချက်၁၀ ချက်

    သြဂုတ် ၃ ၊ ၂၀၁၄
    M-Media

    Israel Palestine - Lies through maps

    ဘယ်ဂျီယမ်စာရေးဆရာ၊ ဂျာနယ်လစ် ဖြစ်သူ Michel Collon က အစ္စရေးနဲ့ ပတ်သက်ပြီး ဆယ်စုနှစ်ချီ ကမ္ဘာကို လိမ်လည် ခဲ့တဲ့ ဥရောပမီဒီယာတွေ အကြောင်း ဝေဖန်ပြစ်တင် ရေးသားထားတဲ့ Israel, let’s talk about it,အမည်ရ စာအုပ်ကိုရေးသား ထုတ်ဝေခဲ့ပါတယ်။ သူ့စာအုပ်မှာ ပါရှိတဲ့ အနောက် မီဒီယာများရဲ့ အလိမ်အညာ ၁၀ ခုအကြောင်း ကို ဖေါ်ပြပေးလိုက်ပါတယ်။

    ၁။ ပထမ လိမ်လည်ထားတဲ့ အချက်ကတော့ ဒုတိယ ကမ္ဘာစစ်အတွင်း ဂျုးတွေအစုလိုက် အသတ်ခံလိုက် ရတဲ့အတွက် အစ္စရေးနိုင်ငံကိုထူထောင်ပေးခဲ့တယ် ဆိုတာပဲ..
    ဒါက မှားယွင်းနေပါတယ်..အမှန်တကယ်က ၁၈၉၇ မှာ ဆွစ်ဇလန်နိုင်ငံဘရပ်ဆဲလ်မှာကျင်းပတဲ့ ပထမအကြိမ် ဇီယွန်ကွန်ဂရက် အစည်းဝေးကတည်းက ဂျူးအမျိုးသားရေးဝါဒီတွေဟာ ပါလက်စတိုင်းကို လွှမ်းမိုး သိမ်းပိုက်ဖို့  ထောက်ခံအတည်ပြုပေးခဲ့တာပါ.

    ၂။ ဒုတိယလိမ်လည်တာကတော့ အေဒိ ၇၀ခုအတွင်းက မောင်းထုတ်တာခံလိုက်ရတဲ့ သူတို့ရဲ့ဘိုးဘေးသီဘင်တွေရဲ့နယ်မြေကို ပြန်လည်သွားရောက်နေထိုင်တာဖြစ်လို့ အစ္စရေးနိုင်ငံထူထောင်တာဟာ ဥပဒေကြောင်းအရ တရားဝင်တယ် လို့ ပြောနေခြင်းပါ။

    ဒါက အစစ်မှန်မဟုတ်ပါဘူး..ပုံပြင်ပါ ၊အရှိန်အ၀ါကြီးကျော်ကြားတဲ့ အစ္စရေး သမိုင်းပညာရှင် Shlomo Sand နဲ့အခြား သမိုင်းသုတေသီတွေအားလုံးက အိတ်ဇိုးဒပ် လိုခေါ်တဲံ နယ်နှင်ပြောင်းရွေ့မှုဖြစ်ရပ် ဟာ မရှိခဲ့သလို သူတို့တွေ မူရင်းနယ်မြေဆီပြန်လည် ၀င်ရောက်တာကလည်း အဓိပ္ပါယ်မရှိဘူးလို့ ကျွန်တေ်ာကိုပြောပြခဲ့ပါတယ်. .ရှေးခေတ်က ပါလက်စတိုင်းနယ်မြေ တွေမှာနေထိုင်နေကြတဲ့သူတွေဟာ သူတို့နယ်မြေတွေကနေ ထွက်ခွါခဲ့တာလည်း မရှိခဲ့ပါဘူး။ပါလက်စတိုင်းမှာနေထိုင်ခဲ့ကြတဲ့ ဂျူးအနွယ်တွေကနေ ဆင်းသက်လာကြတဲ့သူတွေ ကလည်း လက်ရှိ မှာ ပါလက်စတိုင်းမှာနေထိုင်ကြ တုန်းပါပဲ ။သူတို့တွေရဲ့ မူရင်းနိုင်ငံတွေဖြစ်တဲ့ အနောက်နိုင်ငံနဲ့ အရှေ့ ဥရောပ မြောက် အာဖရိက နိုင်ငံတွေဆီ ပြန်နေ ထိုင် လိုတယ်လို့ သူတို့ကတောင်းဆိုနေကြ ပါတယ။် အစ္စရေး သမိုင်းပညာရှင် Shlomo Sand ပြောတာကတော့ ဂျူးနိုင်ငံဆိုတာမရှိပါဘူး ၊ဂျူးတွေမှာ တူညီတဲ့ သမိုင်း ဘာသာစကား ယဉ်ကျေးမှုတွေမရှိပါဘူး သူတို့ကြားမှာတူတာဆိုလို့ ကိုးကွယ်တဲ့ ဘာသာတရားပဲရှိတယ်..ဘာသာတရားတစ်ခုတည်းနဲ့ နိုင်ငံ မထူထောင်နိုင်ပါဘူး လို့ ကျွန်တော်ကို ရှင်းပြခဲ့ပါတယ်..

    ၃။တတိယလိမ်လည်တာက ဥရောပနဲ့ အနောက်နိုင်ငံတွေကနေ ဂျုးရွှေပြောင်းအခြေချသူတွေ ပါလက်စတိုင်းကိုရောက်လာတဲ့အဲဒီအချိန်မှာပါလက်စတိုင်း ဟာ နယ်မြေခိုင်ခိုင်မာမာနဲံ သတ်သတ် မှတ်မှတ် အခြေချ နေထိုင်တာမရှိဘူး လို့ဆိုတာကလည်း တတိယမြောက် လိမ်လည်တာပါ 
    ..အမှန်တကယ်က ပါလက်စတိုင်းဟာ ၁၉ရာစုအတွင်းမှာ လက်ယာ ထွက်ကုန်တွေကို ပြင်သစ် အပါဝင် နိုင်ငံများစွာဆီကို တင်ပို့ခဲ့တယ်ဆိုတဲ့ သက်သေ အထောက်အထားခိုင်ခိုင်လုံလုံရှိပါတယ်

    ၄။ စတုတ္ထမြောက် လိမ်တဲအချက်က… ပါလက်စတိုင်းတွေဟာ သူတိုရဲ့ ကိုယ်ပိုင်စိတ်ဆန္ဒနဲ့ သူတို့တိုင်းပြည်နယ်မြေ ကို စွန့်ခဲ့တာလို့ ၀ါဒဖြန့်တယ်..
    ဒါပေမဲ့ အစ္စရေး သမိုင်းပညာရှင် Benny Morris. Ilen Pappe တို့ကတော့ ပါလက်စတိုင်းသားတွေကို သူတို့ရဲ့နယ်မြေတွေကနေ အဓမ္မ အကြမ်းဖတ်မောင်းထုတ်ခဲ့တာလို့ထုတ်ဖေါ်ပြောဆိုခဲ့ကြပါတယ်

    ၅။ သူတို့တွေထပ်ပြောနေတာက အစ္စရေးဟာ အရှေ့အလယ်ပိုင်းက တစ်ခုတည်းသော ဒီမိုကရေစီနိုင်ငံဖြစ်တယ် ဒါကြောင့် ကာကွယ်ပေးရမယ်လို့ ဒီနေ့ဆိုနေကြတာပါ။

    ဒါပေမဲ့ကျွန်တော့် အမြင်အရဆိုရင် အစိုးရ ဥပဒေ တင်မက နယ်မြေကန့်သတ်မထား နယ်နမိတ်မျဉ်းမရှိတဲ့ အစိုးရက အုပ်စိုးနေကြတာပါ။ယနေ့ ကမ္ဘာပေါ်ရှိနိုင်ငံအားလုံးလိုလိုမှာ အခြေခံဥပေဒေအရ သတ်မှတ်ဖွင့်ဆိုထားတဲ့ နိုင်ငံ နယ်နမိတ်စည်မျဉ်းဆိုတာရှိပါတယ် ဒါပေမဲ့ ဒီလို မျိုးအစ္စရေးဥပဒေ မှာမရှိ ပါဘူး။ တကယ်တမ်းတော့ အစ္စရေးက နယ်နမိတ်စည်ရှိုးမရှိတဲ့ နယ်ချဲ့ဝါဒီတွေပါ။ သူရဲ့ ဥပဒေ ဆိုတာကလည်း လုံးဝကို လူမျိုးခွဲခြားရေးဝါဒပါ .. အစ္စရေးဥပဒေအရဆိုရင် အစ္စရေးဟာ ဂျူးတွေ အတွက်ပဲဖြစ်ရမယ် ဂျုးမဟုတ်တဲ့ အစ္စရေးနိုင်ငံသားဆိုရင် လူသား အဖြစ်နဲ့တောင်မစဉ်စား ပါဘူး..ဒီလိုဥပဒေက ဒီမိုကရေစီ အနှစ်သာရနဲ့ကွဲလွဲနေတယ်..

    ၆။နောက်ပြီး အစ္စရေးကိုကာကွယ်ပြီး အရှေ့အလယ်ပိုင်းရဲ့ ဒီမိုကရေစီကို အမေရိကန်က ကာကွယ်ဖို့ကြိုးစားမယ်လို့ဆိုကြပါသေးတယ်။

    အမှန်က အစ္စရေးက အမေရိကန် နှစ်စဉ်ထောက်ပံ့ငွေ ဒေါ်လာ ၃ ဘီလီယံ နဲ့အိမ်နီနားချင်းတွေကို ဗုံးကြဲနိုင်တာဖြစ်တယ်။ အမေ၇ိကန် ရဲ့ အရှေ့အလယ်ပိုင်းမှာ ဒိမိုကရေး ထူထောင်ရေး ဆိုတာလည်း ရေနံကို လက်ဝါးကြီးအုပ်နိုင်ဖို့ပဲဖြစ်ပါတယ်

    ၇။လိမ်လည်ထားတဲ့နောက်တစ်ချက်ကတော့ အမေ၇ိကန်က အစ္စရေးနဲ့ ပါလက်စတိုင်ကြား မှာ စေ့စပ်ဖြန်ဖြေပေး ဟန်လုပ်ပြပါတယ်..

    ဒါကလုံးဝကို မှားယွင်းနေတာပါ.. အကြောင်းကတော့ ဥရောပသမဂ္ဂ ရဲ့နိူင်ငံခြား ဆက်ဆံရေးအကြီးကဲဟောင်း ဟာဘီယား ဆိုလာနာ အစ္စရေးကို ရည်ညွန်းပြောသွားတာရှိပါတယ် .
    “ ခင်ဗျားတို့ဟာ ဥရောပသမဂ္ဂရဲ့ ၂၁ ခုမြောက်နိုင်ငံဖြစ်ပါတယ်..” လို့ဆိုခဲ့တယ်.နောက်ပြီး
    ဥရောပမှာရှိတဲ့ လက်နက်ထုတ်လုပ်ရေး လုပ်ငန်းကြီးတွေက အစ္စရေးစစ်ဘက် လက်နက် ထုတ်လုပ်ရေး လုပ်ငန်းတွေနဲ့ ပူးပေါင်းနေသလို ပံ့ပိုးပေးနေပါတယ်။ဒါပေမဲ့ ပါလက်စတိုင်းတွေ တရားဝင်ရွေးကောက် တင်မြှောက်ထားတဲ့ ဟားမတ် အစိုးရကို ဥရောပက အသိအမှတ် မပြုပါဘူး ဒါ့အပြင်သူတို့က ၂၀၀၈က ဂါဇာ တိုက်ခိုက်မှုကိုတောင် မီးစိမ်းပြလိုက်ပါသေးတယ်

    ၈။ နောက်ထပ်အချက်က ဘယ်သူမဆို အစ္စရေးနဲ့ပါလက်စတိုင်းနဲ့ပတ်သက်ပြီးဒီ အချက်တွေကိုပြောမယ်၊ 
     ဒီဒေသက အမေရိကန် အကျိုးစီးပွါးကို ထောက်ပြမယ်ဆိုရင် ပြောဆိုထောက်ပြ တဲ့သူကို မျိုးရေးဆန့်ကျင်သူ လို့အသံ မထွက်နိုင်အောင်သူတို့က ပြောဆိုဝေဖန်ကြမယ်။

    ဒါပေမဲ့ ကျွန်တော်တို့တွေ အစ္စရေးကိုဝေဖန်ရဲသင့်တယ် ဒါဟာ လူမျိုးရေး မုန်းတီး အောင်လုပ်တာ မဟုတ်ပါဘူး မွတ်စလင် ၊ခရစ်ယာန်၊ဂျူး တို့မှာ တူညီတဲ့ အခွင်အရေးရှိတယ်လိုမမြင်တဲ့ ဘာသာတရား နောက်လိုက်တွေ အကြားငြိမ်းချမ်းရေးကို ဖျက်ဆီးနေတဲ့ အစိုးရကို
    ရှုတ်ချရမယ်

    ၉။နောက်ထပ် အလိမ်အညာက အနောက်တိုင်း မီဒီယာတွေကနေယနေ့ ပဋိပက္ခ၊ပြဿနာ အရပ်ရပ် ကို လှုံ့ဆော်နေတဲ့သူတွေ ဟာ ပါလက်စတိုင်း တွေပဲလို့ စွပ်စွဲဖေါ်ပြကြတယ် ၊

    ဒါကို ကျွန်တော်တို့ကအစ္စရေးတွေသိမ်းပိုက်မှုကပဲ ပဋိပက္ခပြဿနာတွေ ဖြစ်ပေါ်စေတာကိုပြောဆိုရမယ် ။ ပါလက်စတိုင်းတွေရဲ့အခွင့်အရေး၊နဲ့နယ်မြေတွေကိုခိုယူသိမ်းပိုက်ထားတဲ့ မူဝါဒက ပဲ ပြဿနာတွေကို ဖြစ်ပေါ်စေတယ်ဆိုတာကို ပြောဆိုရမယ်။

    ၁၀။ နောက်ဆုံးကတော့ ပါလက်စတိုင်း-အစ္စရေး ပြဿနာမှာ အစ္စရေးနဲ့သူရဲ့ကြံရာပါတွေရဲ့ လုပ်ရပ်တွေက နေဖြစ်ပေါ်စေတဲ့ အမုန်းတရား ရန်ငြိုးအာဃာတ တွေကြောင့် ဒီပြဿနာအကျပ်အတည်း ကိုဖြေရှင်ပေးနိုင်မဲ့လမ်းစ အဖြေမရှိဘူး ဖြစ်နေတယ်။
    အဖြေတစ်ခုတော့ရှိပါတယ်။ လူထုဖိအားနဲ့အစ္စရေးနဲ့ အမေရိကန်၊ဥရောပ၊နဲ့ကမ္ဘာတ၀ှမ်းမှာရှိတဲ့ ကြံရာပါတွေအပေါ်မှာ ဒီဖြစ်စဉ်ကို ရပ်တန့်သွားအောင် လူထုကနေ ဖိအားပေးရပါမယ်.. မီဒီယာတွေကိုလည်းအဖြစ်မှန်တွေ ထုတ်ဖေါ်တင်ပြကြဖို့က လည်းဖိအားပေး ရပါမယ်.. အင်တာနက်.နဲ့အခြား သတင်းမီဒီယာတွေကနေ လည်း ပါလက်စတိုင်း အရေးကို တင်ပြသွားရမှာဖြစ်တယ်။

    copy from myanmarmuslim.net

    M-Media တွင် ၂၀၁၀ ခုနှစ် သြဂုတ်လ ၁၂ ရက်နေ့တွင် တင်ဆက်ခဲ့သည့် ပိုစ်အား မဖတ်ရသေးသည့် စာဖတ်ပရိတ်သတ် အတွက် ပြန်လည် တင်ဆက်ပေးခြင်းဖြစ်ပါသည်။

  • ဂျူးအိမ်ရာဆောက်လုပ်မှု ဆန့်ကျင်ရေး ဘုန်းတော်ကြီး ဒက်စမွန်တူးတူး ထောက်ခံ

    ဂျူးအိမ်ရာဆောက်လုပ်မှု ဆန့်ကျင်ရေး ဘုန်းတော်ကြီး ဒက်စမွန်တူးတူး ထောက်ခံ

    ပါလက်စတိုင်းနယ်မြေတွင် ဂျူးအိမ်ရာဆောက်လုပ်မှု ဆန့်ကျင်ရေး ဘုန်းတော်ကြီး ဒက်စမွန်တူးတူး ထောက်ခံ

    သြဂုတ် ၂ ၊ ၂၀၁၄
    M-Media

    – ပါလက်စတိုင်းပိုက်နက်များကို အစ္စရေး၏ သိမ်းပိုက်မှုတွင် ပါဝင်နေသော လုပ်ငန်းများတွင် ရင်းနှီးမြှုပ်နှံမှုများ၊ ထောက်ပံ့မှုများကို ရပ်တန့်ရန် တိုက်တွန်းသည့် ကမ္ဘာ့လုံးဆိုင်ရာ လှုပ်ရှားမှုအား တောင်အာဖရိကမှ နိုဗယ်ဆုရှင် ခရစ်ယာန် ဘုန်းတော်ကြီး ဒက်စမွန် တူးတူးက ထောက်ခံခဲ့သည်ဟု သိရသည်။

    ထိုလှုပ်ရှားမှုကို Avaaz အဖွဲ့မှ စတင်ခဲ့ခြင်းဖြစ်ပြီး နိုင်ငံတကာ ဥပဒေအရ တရားမ၀င်သည့် ဂျူးအခြေချ အိမ်ရာများ ပါလက်စတိုင်း ပိုင်နက်အတွင်း တည်ဆောက်ခြင်းတွင် တိုက်ရိုက် သို့မဟုတ် သွယ်ဝိုက်၍ ပါဝင်နေသည့် Hewlett Packard၊ G4S၊ Caterpillar၊ ABP နှင့် Veolia စသည့် ကုမ္ပဏီများကို ပစ်မှတ်ထားခဲ့ခြင်းဖြစ်သည်။ လက်ရှိတွင် ထိုလှုပ်ရှားမှုတွင် ကမ္ဘာတစ်ဝှမ်းမှ ပါဝင်လာသူများမှာ ဘုန်းတော်ကြီး ဒက်စမွန်တူးတူးပါအ၀င် ၁.၅ သန်းရှိလာပြီဖြစ်သည်။

    “၁၉၈၀ ပြည့်နှစ်တွေမှာ နိုင်ငံတကာ ကော်ပိုရေးရှင်းတွေက တောင်အာဖရိကနဲ့ ကုန်သွယ်ရေး အဆက်ဖြတ်ခဲ့ခြင်းဟာ လူမျိုးရေးခွဲခြားတဲ့ ဒီနိုင်ငံကို သွေးတစ်စက်မှ မထွက်ဘဲ ဒူးထောက်စေခဲ့ပါတယ်။ တောင်အာဖရိကကို ကူညီတာဟာ တောင်အာဖရိကန် လူမည်းတွေ ဖိနှိပ်ခံရမှုကို ကူညီနေတာပဲလို့ ဒီကော်ပိုရးရှင်းတွေဟာ နားလည်ခဲ့ကြပါတယ်။ ဒါ့ကြောင့် လူမျိုးရေးခွဲခြားတဲ့ ဒီနိုင်ငံရဲ့ အသက်သွေးကြောတွေကို သူတို့ ဖြတ်တောက်ခဲ့ကြပါတယ်” ဟု ရင်းနှီးမြှုပ်နှံမှု ဖြတ်တောက်ခြင်းက တောင်အာဖရိက လူဖြူ လူမည်း ခွဲခြားရေးစနစ်အား ထိခိုက်စေခဲ့ခြင်းကို ဘုန်းတော်ကြီးက ထောက်ပြပြောဆိုခဲ့သည်။

    ထို့ပြင် ပါလက်စတိုင်းနှင့် ပတ်သက်၍လည်း

    “ဒီနေ့ ကျွန်တော်တို့တွေ့နေရတဲ့ ဂါဇာ ပြဿနာဟာ ဂျူး ဒါမှမဟုတ် မွတ်စလင် ပြဿနာမဟုတ်ပါဘူး။ လူသားထုရဲ့ ပြဿနာပါ။ အစ္စရေးနဲ့ စီးပွားရေး ဆက်လက် လုပ်နေသူတွေဟာ တရားမဲ့တဲ့ လက်ရှိအခြေအနေကို ဆက်လက်တည်တံ့အောင် ထောက်ပံ့ပေးနေတာဖြစ်ပါတယ်။ သူတို့ရဲ့ စီးပွားရေးတွေကို ရပ်တန့်လိုက်တာဟာ အစ္စရေးနဲ့ ပါလက်စတိုင်းတွေရဲ့ ဂုဏ်သိက္ခာနဲ့ ငြိမ်းချမ်းရေးဟာ အတူတူပဲဖြစ်တယ်ဆိုတာကို ဖော်ပြတာပါ။ လူ့တန်ဖိုးကို ယုံကြည်သူတွေအတွက် ဂါဇာက စမ်းသပ်ပါတော့မယ်” ဟု ထပ်လောင်းပြောကြားခဲ့သည်။

    အစ္စရေးလုပ်ငန်းများနှင့် ရင်းနှီးမြှုပ်နှံမှုများ၊ ကုန်သွယ်မှုများ ဖြတ်တောက်ရန် တိုက်တွန်းခဲ့ပြီးနောက် မကြာသေးမီလများအတွင်း ပုဂ္ဂလိကပိုင်ကုမ္ပဏီများကလည်း အစ္စရေးနှင့် အဆက်အသွယ် ဖြတ်တောက်ခဲ့ကြသည်။

    ဟော်လန် ပင်စင်ရန်ပုံငွေအဖွဲ့တစ်ခုဖြစ်သည့် PGGM က အစ္စရေး ဘဏ်များမှ ဒေါ်လာ  သန်းပေါင်းများစွာကို ပြန်လည်ထုတ်ယူခဲ့ပြီး  Bill and Melinda Gates ဖောင်ဒေးရှင်းကလည်း အစ္စရေး လုံခြုံရေး လုပ်ငန်း တစ်ခုဖြစ်ည့် G4S မှ ရင်းနှီးမြှုပ်နှံမှုများကို ထုတ်ယူခဲ့သည်။ ထို့ပြင် အမေရိကန်ရှိ ခရစ်ယာန် Presbyterian အသင်းတော်က  HP၊ Motorola နှင့် Caterpillar စသည့် အစ္စရေး လုပ်ငန်းများမှ ရင်းနှီးမြှုပ်နှံငွေ ကန်ဒေါ်လာ ၂၁ သန်းကို ထုတ်ယူခဲ့သည်။

    ဥရောပအစိုးရများက ပါလက်စတိုင်းပိုင်နက်အတွင်းရှိ ဂျူးအခြေချအိမ်ရာ ဆောက်လုပ်မှုများတွင် ရင်းနှီးမြှုပ်နှံမှုများ၊ စီးပွားရေး ပူးပေါင်းဆောင်ရွက်မှုများ မလုပ်ရန် ၎င်းတို့၏ နိုင်ငံသားများအား ဇူလိုင်လ ၁၇ ရက်နေ့တွင် သတိပေးခဲ့သည်။

  • မော့ဆက် အပါအဝင် အစ္စရေး အစိုးရ ဝဘ်ဆိုဒ်များကို Anonymous ဟက်ကာအဖွဲ့ တိုက်ခိုက်

    မော့ဆက် အပါအဝင် အစ္စရေး အစိုးရ ဝဘ်ဆိုဒ်များကို Anonymous ဟက်ကာအဖွဲ့ တိုက်ခိုက်

    သြဂုတ် ၂ ၊ ၂၀၁၄

    M-Media

    ‘Anonymous’ downs Mossad website over Israel’s Gaza terror campaign

    – အစ္စရေးထောက်လှမ်းရေးအဖွဲ့ မော့ဆက်၏ ၀ဘ်ဆိုက်အပါအ၀င် အစ္စရေးအစိုးရ ၀ဘ်ဆိုက်အများအပြား ပျက်ဆီးခဲ့ခြင်းမှာ မိမိတို့၏ တိုက်ခိုက်မှုကြောင့်ဖြစ်ပြီး ဂါဇာရှိ ပါလက်စတိုင်းပြည်သူများနှင့် တစ်သားတည်း ရှိကြောင်း ပြသခြင်းဖြစ်သည်ဟု Anonymous ဟက်ကာ အဖွဲ့က ပြောကြားလိုက်သည်။

    မော့ဆက်အဖွဲ့၏ ၀ဘ်ဆိုက် mossad.gov.il မှာ ဂရင်းနစ်စံတော်ချိန် ယနေ့ နံနက် အစောပိုင်း ၁၂ နာရီ မိနစ် ၄၀ မှ စ၍ ၀င်ရောက်၍ မရတော့ကြောင်း Russia Today သတင်းစာက ဖော်ပြခဲ့သော်လည်း Anonymous အဖွဲ့၏ Twitter စာမျက်နှာ @AnonymousGlobo တွင်မူ မော့ဆက်၏ ၀ဘ်ဆိုက်မှာ ထိုအချိန်ထက်စော၍ ဇူလိုင် ၂၇ ရက်နေ့ နံနက် ဂရင်းနစ်စံတော်ချိန် ၉ နာရီ မိနစ် ၅၀ ကတည်းက ပျက်ဆီးခဲ့ခြင်းဖြစ်သည်ဟု ဖော်ပြခဲ့သည်။ အဆိုပါ ၀ဘ်ဆိုက်မှာ ယနေ့နံနက် ၁၁ နာရီ ၄၂ မိနစ်အထိ ၀င်ရောက်ကြည့်ရှု၍ မရသေးပေ။

    အစ္စရေးစစ်တပ်၏ တရားဝင် ၀ဘ်ဆိုက်မှာလည်း ယနေ့နံနက် ၁၁ နာရီ ၄၈ မိနစ်မှ စတင်ကာ ၀င်ရောက်၍ မရတော့ဘဲ၊ Anonymous အဖွဲ့ကမူ ထိုဝဘ်ဆိုက်အား ယနေ့နံနက် ၆ နာရီ မိနစ် ၄၀ ကတည်းက တိုက်ခိုက်ခဲ့သည်ဟု ပြောကြားခဲ့သည်။ ထိုကိစ္စနှင့်ပတ်သက်၍ အစ္စရေး အစိုးရက မည်သည့်မှတ်ချက်မှ မပေးခဲ့ချေ။Anonymous_Take_Down_Mossad_Website_Over_Gaza_Conflict_-_2014-08-01_23.21.27

    ထိုကဲ့သို့ တိုက်ခိုက်ခဲ့ခြင်းမှာ မိမိတို့၏ အခွင့်အရေးအတွက် ရုန်းကန်နေရသည့် ပြည်သူများနှင့် တစ်သားတည်း ရှိနေကြောင်း ပြသသည့်ခြင်းဖြစ်သည်ဟု Twitter စာမျက်နှာတွင်ပင် Anonymous အဖွဲ့က ရေးသားခဲ့သည်။

    “သူတို့ရဲ့ အခြေခံအခွင့်အရေးအတွက် ငြိမ်းချမ်းစွာ ရုန်းကန်နေရတဲ့ ကမ္ဘာ့ပြည်သူတွေနဲ့ တစ်သားတည်းရှိနေကြောင်း ပြသခြင်းပါ။ ဘယ်တော့မှ မမေ့ဘူး။ ဘယ်တော့မှ ခွင့်မလွှတ်ဘူး ငါတို့ကို စောင့်မျှော်ပါ” ဟု ဖော်ပြထားသည်။

    တရားဝန်ကြီးဌာနနှင့် ကျန်းမာရေးဝန်ကြီးဌာနတို့၏ ၀ဘ်ဆိုက်များအပါအ၀င် အစ္စရေးအစိုးရ ၀ဘ်ဆိုက်အများအပြားကိုလည်း ဇူလိုင် ၂၇ ရက်နေ့က တိုက်ခိုက်ခဲ့သည်ဟု Anonymous အဖွဲ့က အဆိုပါ Twitter စာမျက်နှာတွင် ထည့်သွင်းရေးသားခဲ့သည်။

    Anonymous အဖွဲ့နှင့် အနီးကပ်ဆက်သွယ်မှုရှိသည့် အဖွဲ့ဝင်ဖြစ်သူ တိုင်ယဘ် ရှီဟာဒါမှာ နာဘလုစ်မြို့အနီး ဟူဝါရာဒေသတွင် ပြီးခဲ့သည့် သောကြာနေ့က ဖြစ်ပွားခဲ့သော ဆန္ဒပြမှုအတွင်း ပစ်သတ်ခံခဲ့ရသည်ဟု Ma’an သတင်းအေဂျင်ဆီက ဖော်ပြခဲ့သည်။ ရှိဟာဒါမှာ ထိုအချိန်က Anonymous အဖွဲ့မှတ်အသားဖြစ်သော Guy Fawkes မျက်နှာဖုံကို ၀တ်ဆင်ထားသာည်။

    ၂၀၁၀ ခုနှစ် အစ္စရေးစစ်တပ်နှင့် ဟားမက်စ်တို့၏ တိုက်ခိုက်မှု ဖြစ်ပွားစဉ်ကလည်း Anonymous အဖွဲ့မှာ အစ္စရေးအစိုးရ၏ ၀ဘ်ဆိုက်များအား တိုက်ခိုက်ခဲ့သည်။

    အစ္စရေးအစိုးရမှ အင်တာနက်ပေါ်တွင် လွှင့်တင်ထားမှုများကို ဆက်လက်တိုက်ခိုက်ရန် အဖွဲ့ဝင်များအား တိုက်တွန်းထားသော ဗီဒီယိုကို Anonymous အဖွဲ့က ပြီးခဲ့သည့် သောကြာနေ့တွင် Youtube ၌ လွှင့်တင်ခဲ့သည်။

    “ကျွန်တော်တို့ရဲ့ ခရူးဆိတ်စစ်ပွဲနဲ့ အစ္စရေးကို တစ်ကျော့ပြန်တိုက်ခိုက်တဲ့ ဆိုက်ဘာစစ်ပွဲမှာ ပါဝင်ကြဖို့ Anonymous အဖွဲ့ဝင်တွေနဲ့ ဟက်ကာအဖွဲ့တွေကို တိုက်တွန်းလိုက်ပါတယ်။ ပါလက်စတိုင်းဟာ လွတ်မြောက်မှာဖြစ်ပြီး၊ အစ္စရေးရဲ့ လူမဆန်တဲ့ ရိုင်းစိုင်းကြမ်းကြုတ်တဲ့ အာဏာရှင်တွေ လက်အောက်မှာ ပါလက်စတိုင်းတွေ ဆယ်စုနှစ်ပေါင်းများစွာ ခံစားခဲ့ရတဲ့ ကြမ္မာအတိုင်းပဲ အစ္စရေးဟာ ပြန်လည်ခံစားရမှာပါ” ဟု အဆိုပါ ဗီဒီယိုတွင် ထည့်သွင်းပြောကြားထားသည်။

    Anonymous အဖွဲ့မှာ ဟက်ကာများနှင့် အွန်လိုင်း တက်ကြွလှုပ်ရှားသူများ ဖွဲ့စည်းထားသော အဖွဲ့ဖြစ်ပြီး ၎င်းတို့မနှစ်မြို့သည့် အစိုးရများ၊ အဖွဲ့များနှင့် ကုမ္ပဏီများ၏ ၀ဘ်ဆိုက်များကို အွန်လိုင်းမှ တိုက်ခိုက်လေ့ရှိသည်

     

    http://youtu.be/Qh3RaNkrJrw

  • အစ္စရေးကြောင့် ဂါဇာဒေသ ငြိမ်းချမ်းရေး အလှမ်းဝေးနေဆဲ၊ ကမ္ဘာတစ်ဝှမ်း အစ္စရေးဆန့်ကျင်ရေး တိုးလာ

    အစ္စရေးကြောင့် ဂါဇာဒေသ ငြိမ်းချမ်းရေး အလှမ်းဝေးနေဆဲ၊ ကမ္ဘာတစ်ဝှမ်း အစ္စရေးဆန့်ကျင်ရေး တိုးလာ

    ဇူလိုင် ၃၁ ၊ ၂၀၁၄
    M-Media

    000_Nic6355908-e1406682814479
    – ၂၅ ရက်မြောက်လာပြီဖြစ်သည့် ဂါဇာဒေသအား အစ္စရေး၏ ကျူးကျော်တိုက်ခိုက်မှု ရပ်တန့်ရေး သံတမန်နည်းလမ်းအရ ဆက်လက် ဆောင်ရွက်နေသော်လည်း ထူးခြားမှု မရှိဘဲ ဂါဇာတစ်ဝှမ်း ယနေ့ တိုက်ခိုက်မှုတွင်လည်း အနည်းဆုံး ပါလက်စတိုင်း ၁၃ ဦး သေဆုံးခဲ့သည်ဟု သိရသည်။

    ငြိမ်းချမ်းရေး အတွက် အစ္စရေး ကတ်ဘိနက်က ယနေ့တွင် အစည်းအဝေးပြုလုပ်ခဲ့ပြီး ဟားမက်စ်၏ မြေအောက် လှိုဏ်ခေါင်းများကို အစ္စရေးစစ်တပ်မှ အားလုံး မဖျက်ဆီးသ၍ မည်သည့် ငြိမ်းချမ်းရေး ကမ်းလှမ်းမှုကိုမှ လက်မခံဟု ပြောကြားခဲ့သည်။

    ဟားမက်စ်တို့၏ ဒုံးကျည်ဖြင့် ပစ်ခတ်မှုကို ရပ်တန့်ရန်ဟုဆိုကာ ပြုလုပ်ခဲ့သည့် ဂါဇာဒေသသို့ ကျူးကျော်တိုက်ခိုက်မှု အတွင်း လူနေအိမ်များ၊ စာသင်ကျောင်းများ၊ ဆေးရုံများနှင့် ကုလ၏ အဆောက်အဦးများကို အစ္စရေးမှ ပစ်မှတ်ထားခဲ့ခြင်းအတွက် ကုလလူ့အခွင့်အရေး အကြီးအကဲ နဗီး ပီလေးက ယနေ့တွင် ရှုတ်ချလိုက်ပြီး၊ နိုင်ငံတကာဥပဒေများကို ရည်ရွယ်ချက်ရှိရှိ တမင်ချိုးဖောက်ခြင်းဖြစ်သည်ဟု ပြောကြားခဲ့သည်။ အစ္စရေး၏ လုပ်ရပ်များမှာ စစ်ရာဇ၀တ်မှုအဖြစ် သတ်မှတ်၍ ရနေပြီဟု ပီလေးက ယခင်ကလည်း ပြောဆိုထားသည်။

    အစ္စရေး၏ တိုက်ခိုက်မှုများကြောင့် သေဆုံးခဲ့ရသူ ပါလက်စတိုင်းအရေအတွက်မှာ ယနေ့အချိန်အထိ ၁၃၇၁ ဦးရှိလာပြီဖြစ်ပြီး ၈၀ ရာခိုင်နှုန်းမှာ အရပ်သားများဖြစ်ကာ ဒဏ်ရာရရှိသူမှာ ၇၇၀၀ ကျော်ရှိနေသည်။ အစ္စရေးမှ ဂါဇာသို့ကျူးကျော်ဝင်ရောက်ကာ တိုက်ခိုက်မှုအတွင်း အစ္စရေးစစ်သား ၅၈ ဦးသေဆုံးခဲ့သည်။

    ကုလ၏ လူသားချင်းစာနာထောက်ထားမှုဆိုင်ရာ အကြီးအကဲ ဗလာရီအေမို့စ်ကလည်း ပါလက်စတိုင်း ၁.၈ သန်းမှာ ၎င်းတို့၏အမိမြေတွင် ဒုက္ခသည်ဘ၀ရောက်နေသည်ဟု ပြောကြားခဲ့သည်။ ထို့ပြင် အစ္စရေး၏ ကျူးကျော်တိုက်ခိုက်မှုများအတွင်း အိမ်ရာပေါင်း ၉၀၀၀ ကျော်၊ ကျန်းမာရေးဆိုင်ရာ အဆောက်အဦး ၂၄ ခုကို ပျက်စီးခဲ့ရပြီဟု ထည့်သွင်းပြောကြာခဲ့သည်။

    အစ္စရေး၏ ထိုလုပ်ရပ်များအတွက် နိုင်ငံတကာတွင် ရှုတ်ချမှုများ ပိုမိုများပြားလာခဲ့ပြီး ဘရာဇီးလ် အပါအ၀င် တောင်အမေရိက နိုင်ငံအချို့မှာ အစ္စရေးနှင့် သံတမန် အဆက်အသွယ် ဖြတ်တောက်ခြင်း၊ ပြည်ဝင်ခွင့် ဗီဇာ ပိတ်ပင်ခြင်းတို့အထိပါ ဆောင်ရွက်လာကြသည်။

    Al Jazeera

  • ဆီးရီးယားအပေါ် အမေရိကန်ရဲ့စစ်ရေးစွက်ဖက်မှုကို ဆန့်ကျင်ကြပါစို့(သုံးသပ်ချက်-ဘာသာပြန်)

    စက်တင်ဘာ၊ ၁၁ ၊ ၂၀၁၃
    M-Media
    သာကီ ထက်ကောင်း ဘာသာပြန်ဆိုသည်။

    worldwide-protests-syria-strike.si

    ၀ါရှင်တန်မှာ စစ်ရေးအချက်ပေးသံတွေ ညံလာပြန်ပြီတစ်ခါ။ ဓာတုလက်နက်တွေအသုံးပြုတယ်ဆိုတဲ့စွဲချက်နဲ့ ဆီးရီးယား သမ္မတ ဘရှားရ် အလ် အဆဒ်ကို မဖြစ်ဖြစ်တဲ့နည်းနဲ့ စစ်ဆင်ဖို့ သမ္မတ ဘားရက်ခ်အိုဘားမားက ဆုံးဖြတ်ထားတယ်။

    ဒီနေရာမှာ ကျွန်တော့်အကြောင်း အနည်းငယ် ကြားညှပ်ပြောပါရစေ။ ကျွန်တော်ဟာ ဓာတုလက်နက်အသုံးချမှုဖြစ်စေ သမရိုးကျလက်နက်အသုံးချမှုဖြစ်စေ ဆန့်ကျင်သူပါ။ နိုင်ငံရေးပဋိပက္ခအပေါင်းကို အပြန်အလှန်ဆွေးနွေးချက်နဲ့ အဖြေရှာခြင်းကို ထောက်ခံသူသာဖြစ်ပါတယ်။ မည်သည့်လက်နက်အမျိုးအစားကိုမဆို အသုံးချစစ်တိုက်ပြီးတဲ့နောက်မှာမှ သက်ဆိုင်ရာပဋိပက္ခနဲ့ပတ်သက်လို့ ငြိမ်းချမ်းရေးစေ့စပ်ဆွေးနွေးပွဲလုပ်နေတာဟာ လူသားတွေအတွက် ပြောင်းပြန်ဖြစ်နေတယ်(လို့ကျွန်တော်မြင်ပါတယ်)။ ဆီးရီးယားအပေါ် စစ်ရေးအရ ၀င်စွက်ဖက်ဖို့ အမေရိကရဲ့ဟန်ပြင်နေခြင်းအပေါ် ကျွန်တော် ဘာကြောင့်ဆန့်ကျင်ရသလဲ ဆိုတဲ့အကြောင်းရင်းကို နားလည်စေချင်လို့ ဒီအချက်ကို အရင်ကြားညှပ်ဖော်ပြခြင်းဖြစ်ပါတယ်။

    ဆီးရီးယားအစိုးရက မိမိပြည်သူတွေအပေါ် ဓာတုလက်နက်တွေ အသုံးပြုနှိမ်နင်းခဲ့တယ်လို့ဆိုပြီး စစ်ဆင်တာဟာ လုံလောက်တဲ့အကြောင်းပြချက် မဟုတ်ပါဘူး။ ဓာတုလက်နက်တွေထုတ်လုပ်ပြီး ဆီးရီးယားကို ရောင်းချပေးခဲ့တာက မဟာပါဝါ နိုင်ငံကြီးတွေသာ ဖြစ်နေလို့ပါဘဲ။

    သမ္မတအိုဘားမားအနေနဲ့ “ရက်အကန့်အသတ်စစ်ပွဲ” အဖြစ် တကယ်ဆောင်ရွက်တယ်ဆိုလျှင်ပင် အမေရိကန်ရဲ့စစ်ရေးကျူးကျော်မှုမှာ ဖြစ်နိုင်ချေကိစ္စတွေ တော်တော်များများ ရှိနေပါတယ်။ တိုက်ခိုက်မှုဖြစ်ပွားပြီဆိုယင် ဘရှားရ် အလ် အဆဒ်က ဗုံခိုကျင်းထဲဝင်ရောက်ပြီး စစ်ရေးကို ညွှန်ကြားပါလိမ့်မယ်။ လေကြောင်းစစ်ဆင်ရေးကြောင့် သူ့ဗုံးခိုကျင်း အဟောသိကံ ဖြစ်ပြီဆိုယင် သူက အီရန်ဖက် ပြေးပါလိမ့်မယ်။ အီရန်အစိုးရက သူ့ရဲ့လုံခြုံရေးကို အပြည့်အ၀ ကာကွယ်ပေးပြီး စစ်မက်ကို ဆက်လက်ဖြစ်ပွားစေပါလိမ့်မယ်။ သူ အသက်ရှင်နေသရွေ့ စစ်ပွဲက ပြီးဆုံးမယ့် လက္ခဏာ မရှိပါဘူး။

    ဒီလိုဖြစ်အင်မျိုး အမှန်ဖြစ်လာခဲ့ယင် ဆီးရီးယားစစ်တပ်ကိုချည့်နဲ့စေဖို့ နဲ့ ဓာတုလက်နက်တွေကိုဖျက်ဆီးဖို့ ရည်ရွယ်ပြီး “ကန့်သတ်ရက် ၆၀ လေကြောင်းတိုက်ပွဲ ” ဟာ လက်တွေ့အလုပ်ဖြစ်မှာ မဟုတ်ပေဘူး။ ဘားရက်ခ် အိုဘားမားအနေနဲ့လည်း စစ်မီးမွှေးသူအဖြစ် သတ်မှတ်ခံရကိန်း ရှိနေတယ်။

    ဒုတိယမြောက်ဖြစ်နိုင်ချေကိစ္စကတော့ ….
    ဆီးရီးယားစစ်တပ်ကိုနှိမ်နှင်းမယ့် လေကြောင်းတိုက်ခိုက်မှုကြောင့် ပုန်ကန်သူ ဆီးရီးယားတိုက်ခိုက်ရေးသမားတွေဟာ ပိုပြီးအားကောင်းသွေးကြွလာဖို့ ရှိတယ်။ အဲ့ဒီအခြေအနေရောက်ယင် လက်ဘနွန်နဲ့အီရတ်မှာရှိတဲ့ အီရန်ရဲ့အထောက်ပံ့ခံ ရှီအဟ်တိုက်ခိုက်ရေးသမားတို့က ဆီးရီးယားစစ်တပ်ကိုကူညီဖို့ ၀င်ရောက်လာကြမှာဘဲ။ ဒီတော့ စစ်ပွဲရဲ့လမ်းကြောင်းချော်သွားတော့မှာဖြစ်တယ်။

    တတိယမြောက်ဖြစ်နိုင်ချေကတော့ ….
    တကယ်လို့ အမေရိကန်လေကြောင်းစစ်ပွဲက ဘရှားရ် အလ် အဆဒ်ကို ဖြုတ်ချနိုင်ပြီး ပုန်ကန်သူတွေ အနိုင်ရခဲ့ယင် အီရန်ခေါင်းဆောင်တွေက “ ငါတို့ကိုဆန့်ကျင်မဲ့အစိုးရဖွဲ့လိမ့်မယ် ” လို့ တွက်ဆကြပါလိမ့်မယ်။ အမေရိကန်အားပေးရပ်တည်တဲ့ ဆီးရီးယားအစိုးရအဖို့ အီရန်က မုလ္လာဟ်တွေကို ကြောက်လန့်နေရတော့မှာ အမှန်ဘဲ။

    ဒီလိုဆိုယင်ဖြင့် အမေရိကန်ပံ့ပိုးတဲ့ ဆီးရီးယားပုန်ကန်သူအုပ်စု နဲ့ အီရန်ပံ့ပိုးတဲ့အုပ်စုတွေအကြား တိုက်ပွဲငယ်တွေ ဆက်ဖြစ်ပြီး အတောမသတ်တဲ့စစ်ပွဲတွေ ဖြစ်လာဖို့များပါတယ်။ အမေရိကန်အားပြုဆီးရီးယားပုန်ကန်သူတွေအပေါ် သွားပြီးတိုက်ကြဖို့ အီရတ်မှာရှိတဲ့ ရှီအဟ်အုပ်စု နဲ့ လက်ဘနွန်နိုင်ငံက ရှီအဟ်တိုက်ခိုက်ရေးသမား(ဟစ်ဇ်ဘိုလာ)တွေကို အီရန်က တွန်းပို့မှာအမှန်ဘဲ။

    ဒီအနေအထားရောက်ပြီဆိုမှတော့ ဒေသတစ်ခုလုံးနဲ့သက်ဆိုင်တဲ့စစ်ပွဲအဆင့်ထိ ဖြစ်သွားနိုင်ပါတယ်။ တခြား အာရဗ်နိုင်ငံတွေမှာရှိတဲ့ ရှီအဟ်တွေကို ငွေကြေးထောက်ပံ့လို့ ဆီးရီးယားထဲ ၀င်ရောက်စေမယ်။ ဘရှားရ် အလ် အဆဒ် ရဲ့စစ်တပ်အကြွင်းအကျန်တွေနဲ့ ပူးပေါင်းစေမယ်။ အဲ့ဒီအကြွင်းအကျန်တပ်တွေကလည်း အီရန်တော်လှန်ရေးအဖွဲ့ရဲ့ ဖေးမမှုအားဖြင့် အီရန်နယ်စပ်ကနေတဆင့် လက်နက်ခဲ့ယမ်းတွေ လွတ်လပ်စွာ ရွှေ့ပြောင်းသယ်ဆောင်နေလိမ့်မယ်။

    အခြားတစ်ဖက်မှာတော့ ဆော်ဒီအာရေဗျ၊ တူရကီ၊ ကာတာ စတဲ့နိုင်ငံတွေက သူတို့ရဲ့ ရေနံဝင်ငွေတွေသုံးပြီး အခြားနိုင်ငံက စွန္နီတွေကို ထောက်ပံ့မယ်။ ဆီးရီးယားထဲဝင်စေပြီး ရှီအဟ်တွေကို ပြန်တိုက်ခိုင်းမယ်။ ဒီလိုသာဖြစ်ခဲ့မယ်ဆိုယင် မြို့ရွာများစွာမှာ နေ့စဉ်နဲ့အမျှ စွန္နီနဲ့ရှီအဟ်အကြား ဘာသာတူအတွင်းအပြန်အလှန် ပြဿနာရှာအကြမ်းဖက်နေကြတဲ့ ဒုတိယအီရတ်ဘ၀အဖြစ် ဆီးရီးယားက ဆိုက်ရောက်သွားတော့မှာဖြစ်တယ်။

    ဒီစစ်မက်ကူးစက်ခြင်းသီအိုရီက အိမ်နီးချင်း လက်ဘနွန်အပေါ် အကျိုးသက်ရောက်သွားတဲ့အခါ အဲ့ဒီက စွန္နီနဲ့ရှီအဟ် စစ်သွေးကြွများအနေနဲ့ ထိပ်တိုက်တွေ့မှု ပိုမိုပြင်းထန်လာနိုင်ပါတယ်။ လက်ဘနွန်ဗဟိုတပ်မတော်အနေနဲ့လည်း ဒီစစ်အုပ်စုတွေအပေါ် ဘယ်လိုမှထိန်းချုပ်နိုင်စွမ်းရှိတော့မယ် မထင်ဘူး။

    ဆီးရီးယားစစ်မီးက ဒေသတစ်ခုလုံးတောက်လောင်သွားမယ်ဆိုပါစို့။ အစ္စရေးရဲ့လုံခြုံရေးကို ပါလက်စတိုင်းတွေက ခြိမ်းခြောက်လာပါလိမ့်မယ်။ အစ္စရေးနိုင်ငံအဖြစ် ရပ်တည်တည်ရှိနေမှုကို သူတို့က ဘယ်တုန်းကမှ လက်မခံနိုင်ကြသူတွေလေ။ ဒီတော့ သူတို့ဟာ ဆီးရီးယားစစ်မီးကူးစက်မှုကို အသုံးချပြီး အစ္စရေးကို ဆွဲသွင်းလို့ စစ်ရေး အားပြိုင်လာကြပါလိမ့်မယ်။

    စစ်ရေးစစ်ရာကျယ်ပြန့်လာတာနဲ့အမျှ အမေရိကန်ဒေါ်လာကြီးစိုးမင်းမူနေတဲ့ ကမ္ဘာ့စီးပွားရေးဟာလည်း တစ်ဆင့်ပြီး တစ်ဆင့် ထိခိုက်နစ်နာသွားမှာဖြစ်တယ်။ ဒီလိုဆိုရတဲ့ အကြောင်းရင်းကတော့ ဒီလိုပါ။

    သမ္မတ ဂျော့ဂ်ျဘုရှ် ဂျူနီယာက အီရတ်ကို ကျူးကျော်စစ်ဆင်နွှဲခဲ့တယ်။ အဲ့ဒီတုန်းက ကမ္ဘာ့စီးပွားရေးပေါ်အကျိုးသက်ရောက်မှုကို ကျွန်တော်တို့ ပြန်လည်စောင်းငဲ့ကြည့်သင့်တယ်။ လူအစုလိုက်အပြုံလိုက် ပျက်စီးစေမယ့်လက်နက်တွေရှိနေတဲ့အတွက် ဆက်ဒမ်ဟူစိန်ကို အရေးယူဖို့ ဘုရ်ှက အီရတ်ကို စစ်ဆင်ခဲ့တာလေ။

    ဂျော့ဂ်ျဘုရ်ှမှာ တခြား ရည်ရွယ်ချက်တွေ ရှိနေခဲ့တယ်။ အီရတ်မှာရှိတဲ့ ဒုတိယမြောက်ကမ္ဘာ့အကြီးဆုံးရေနံသိုက်ကို ထိန်းချုပ်နိုင်ဖို့ပါဘဲ။ ဒါမှ ရေနံစိမ်းဈေးနှုန်းကို ဆွဲချနိုင်မယ် မဟုတ်လား။ အဲ့ဒီကျူးကျော်စစ်ဆင်မှုဟာ အများဆုံး ခြောက်လဘဲ အချိန်ကြာညောင်းမယ်လို့ သူက တွက်ချက်ခဲ့တယ်။ ခြောက်လအတွင်း သူ့ရည်ရွယ်ချက် အထမြောက်ရမယ်လို့ပေါ့။

    ဒါပေမယ့်လည်း စစ်ပွဲက ၆ လမက သက်ဆိုးရှည်ခဲ့တဲ့အပြင် သူ့ရည်မှန်းချက်လည်း မပေါက်မြောက်ခဲ့ပါဘူး။ အဆုံးသတ်မှာ အခွန်ထမ်းအမေရိကန်တွေ၊ အခြားနိုင်ငံသားတွေရဲ့ ကုဋေပေါင်းများစွာ ဒေါ်လာငွေတွေဟာ ပြန်အမ်းပေးမှာမဟုတ်သော လက်နက်ခဲယမ်းဝယ်ယူတပ်ဆင်ရေးမှာ အသုံးပြုခံခဲ့ရတယ်။ ဘုရ်ှရဲ့ အီရတ်စစ်ပွဲဟာ လက်ရှိ ကမ္ဘာ့စီးပွားရေးဆုတ်ယုတ်မှု၊ ငွေကြေးပြဿနာများ ဖြစ်ပေါ်ရခြင်း အခြေခံအကြောင်းရင်းတစ်ရပ်ပါဘဲ။ အမေရိကန်ရဲ့ အီရတ်ကျူးကျော်စစ်ပွဲအတွက် ကျွန်တော်တို့အားလုံး ဒီနေ့ထက်ထိ ပေးဆပ်နေရဆဲဖြစ်ပါတယ်။

    ဘားရက်ခ်အိုဘားမားရဲ့ “ဆီးရီးယားအပေါ် ရက်တိုကန့်သတ်စစ်ပွဲ” ထဲမှာ ဒီအချက်က ပါဝင်ပတ်သက်နေပါတယ်။ စစ်ပွဲမှန်သမျှ ငွေကို သုံးရတာချည်းဘဲ။ ဒီငွေကို ဘယ်သူပေးမှာလဲ ? ဘုရ်ှရဲ့အီရတ်ကျူးကျော်စစ်ကြောင့် ကမ္ဘာ့စီးပွားရေးက ပြန်လည်နာလန်မထနိုင်သေးပါဘူး။ အခုတစ်ခါ အမေရိကန်ရဲ့စွန့်စားခန်းအသစ်တစ်ရပ်ကို ကျွန်တော်တို့ ထပ်မံ ကြုံတွေ့ရတော့မယ်။ ဒီစစ်ပွဲမှာ ကမ္ဘာ့ငွေကြေးတွေ စီးဝင်သွားပါဦးမယ်။

    စစ်ဖြစ်တာကို ကျွန်တော်တို့အားလုံး သိကြပေမယ့် စစ်ရဲ့အဆုံးသတ်မှု နဲ့ စစ်ရဲ့နောက်ဆက်တွဲဆိုးကျိုးတွေကို ကျွန်တော်တို့ မသိမြင်ကြဘူး။ ယခုပြင်ဆင်နေတဲ့စစ်ပွဲက ကမ္ဘာ့စီးပွားရေးကို ထိခိုက်လာလိမ့်မယ်ဆိုတဲ့ လက်ငင်းအကျိုးတရားတစ်ခုကို စဉ်းစားမိကြပါလိမ့်မယ်။ အလုပ်အကိုင်ရရှိရေး၊ ပညာရေး၊ ကျန်းမာရေး စတဲ့ ကဏ္ဍများရဲ့ ရံပုံငွေတွေဟာ ဆီးရီးယားကို ဒဏ်ခတ်ရေးအတွက် လမ်းကြောင်းပြောင်းအသုံးချခံရပါတော့မယ်။ နိုင်ငံအချင်းချင်းဖြစ်ရတဲ့ စစ်ပွဲ အတွက်လည်း မဟုတ်ဘူး။ ဓာတုလက်နက်များအသုံးပြုမှုဆိုတဲ့ အကြောင်းပြချက်ဖြစ်နေတယ်။ ဒီဓာတုလက်နက်တွေကို ထုတ်လုပ်နေတဲ့တိုင်းပြည်များကိုတော့ ဒဏ်မခတ်ဘဲ အသုံးပြုသူတွေကို ဒဏ်ခတ်နေသတဲ့လား ?

    လာလတ္တံ့သော ကပ်ဆိုးဒုက္ခတွေကို ကာကွယ်ဖို့ ဘာလုပ်ကြမှာလဲ ? ဒီမေးခွန်းရဲ့အဖြေက အမေရိကန်သမ္မတ ဘားရက်ခ်အိုဘားမား နဲ့ ရုရှသမ္မတ ဗလာဒီမာပူတင် တို့အပေါ် မူတည်နေပါတယ်။ သူတို့နှစ်ဦးဟာ ဆီးရီးယားအရေးနဲ့ပတ်သက်ပြီး ဒုတိယအကြိမ် ဂျီနီဗာငြိမ်းချမ်းရေးကွန်ဖရင့် ကျင်းပဆောင်ရွက်ဆွေးနွေးဖို့ အရေးပေါ် လိုအပ်ပါတယ်။

    ဆီးရီးယားပြဿနာအပေါ် နိုင်ငံရေးအရ နည်းလမ်းရှာအဖြေထုတ်ရေးအတွက် ဒီကွန်ဖရင့်က ရည်ရွယ်ရပါလိမ့်မယ်။ စစ်ရေးဟန်ပြင်နေကြတဲ့ အင်အားစုအားလုံး ဒီကွန်ဖရင့်ထဲ ပါဝင်ဖို့လိုအပ်ပါတယ်။ ဒါမှသာလျှင် ဘာသာရေးစွက်ဖက်မှု ကင်းရှင်းတဲ့ ကြားဖြတ်အစိုးရတစ်ရပ်ကို ဖွဲ့စည်းပေးပြီး သမ္မတ ဘရှားရ် အလ် အဆဒ်ကို အသာတကြည် အာဏာစွန့်သွားစေမှာဖြစ်ပါတယ်။ ဆီးရီးယားကို ငြိမ်းချမ်းတဲ့ ဒီမိုကရေစီနည်းကျတဲ့ နိုင်ငံသစ်တစ်ခုဖြစ်စေချင်ယင်တော့ ဒီအရာနဲ့ အစပြုရပါလိမ့်မယ်။ စစ်ပွဲနဲ့ ဘယ်တော့မှ အဖြေထွက်လာမှာ မဟုတ်ပါဘူးဗျာ။

    **  Lagos State University, Lagos ၏ ပြင်သစ်စာပေသင်ကြားရေးဌာနမှ Professor Fatunde ရေးသားသော Against U.S. intervention in Syria သုံးသပ်ချက်ဆောင်းပါးကို “ သာကီ ထက်ကောင်း ” မှ ဆီလျော်အောင်ပြန်ဆိုပါသည်။