News @ M-Media

Tag: middle_east

  • ထင်ရှားသည့် မွတ်စလင် ပညာရှင် ရှိခ် အလ်-ကွာရာဒါဝီ ဂါဇာသို့ သွားရောက် လည်ပတ်

    မေ-၉၊၂၀၁၃
    M-Media

    Qaradawi in Gaza1
    ပါလက်စတိုင်း ခေါင်းဆောင်များနှင့် အတူတွေ့ရစဉ်

    ဂါဇာ။ ။ ထင်ရှားသော အစ္စလာမ့်ဓမ္မပညာရှင်ဖြစ်သူ ရှိခ် ယူစွဖ် အလ်-ကွာရာဒါဝီ(Sheikh Yusuf Al-Qaradawi)သည် အစ္စရေးတို့ ပိတ်ဆို့ထားသော ဂါဇာကမ်းမြှောင်ဒေသသို့ မေလ ၈ရက် ဗုဒ္ဓဟူးနေ့က ရောက်ရှိခဲ့သည်။

    “ကျနော်တို့ရဲ့ ရည်ရွယ်ချက်ဟာ အလ္လာဟ်အရှင်မြတ်လမ်းတော်မှာ အသက်စွန့်ဖို့ပါ။ ပြီးတော့ ပါလက်စတိုင်းနိုင်ငံ တည်တံ့ခိုင်မြဲဖို့အတွက်လည်းဖြစ်ပါတယ်။” ဟု ဂါဇာသို့ ဆိုက်ရောက်ချိန်တွင် ကွာရာဒါဝီက ပြောဆိုခဲ့ကြောင်း AFP သတင်းဌာနက ရေးသားထားသည်။

    အစ္စလာမ့်ဓမ္မပညာရှင် ၅၀ ကို ဦးဆောင်လာသည့် ကွာရာဒါဝီမှာ အီဂျစ်နိုင်ငံ ရာဖာ နယ်ခြားကိုဖြတ်၍ ဂါဇာသို့ ရောက်ရှိလာခြင်းဖြစ်ပြီး ဟားမတ်စ်ဝန်ကြီးချုပ် အစ်မေးလ် ဟာနီယာ(Ismail Haniyeh)နှင့် ပါလက်စတိုင်း ကာကွယ်ရေးခေါင်းဆောင်များက ကြိုဆိုနှုတ်ဆက်ခဲ့သည်။

    “အာရပ်နွေဦး လှုပ်ရှားမှုခေါင်းဆောင်၊ တော်လှန်ရေးခေါင်းဆောင်၊ ပါလက်စတိုင်းလွတ်မြောက်ရေးကြိုပမ်းမှု ခေါင်းဆောင် ကို ပါလက်စတိုင်းနိုင်ငံမှ ကြိုဆိုပါတယ်။” ဟု ဟာနီယာ က နှုတ်ခွန်းဆက်စကားတွင် ထည့်သွင်းပြောကြားခဲ့သည်။

    ကွာရာဒါဝီမှာ ဂါဇာတွင် ငါးရက်ကြာနေထိုင်မည်ဖြစ်ပြီး မေလ ၁၀ရက် သောကြာနေ့စုပေါင်းဝတ်ပြုမှုကို ဦးဆောင်ဝတ်ပြုမည်ဟု သိရသည်။

    မွတ်စလင်ပညာရှင်များအစည်းအရုံး(IUMS) ၏ ဥက္ကဌဖြစ်သူ ကွာရာဒါဝီမှာ ကမ္ဘာ့သြဇာအလွှမ်းမိုးဆုံး မွတ်စလင်ပညာရှင်များထဲမှ တစ်ဦးဖြစ်ပြီး၊ သူ၏ သမာသမတ်ကျသော အမြင်များကြောင့် ကမ္ဘာတစ်ဝှမ်းလုံးက လေးစားကြသည်။

    သူသည် ဥရောပ အစ္စလာမ့်ဓမ္မသတ်ကောင်စီ၏ ဥက္ကဌတစ်ဦးဖြစ်ပြီး၊ အောက်စဖို့ဒ်တက္ကသိုလ် အစ္စလာမ် လေ့လာရေးစင်တာ၏ နာယကတစ်ဦးလည်းဖြစ်သည်။ The Lawful and the Prohibited in Islam အမည်ရသည့် စာအုပ်အပါအ၀င် စာအုပ်ပေါင်း တစ်ဒါဇင်ကျော်ကို ရေးသားခဲ့သည်။

    ကွာရာဒါဝီမှာ ၉/၁၁ အကြမ်းဖက်တိုက်ခိုက်မှု၊ မက်ဒရစ်ဗုံးခွဲမှု၊ လန်ဒန်ဗုံးခွဲမှုနှင့် နိုင်ငံခြားခရီးသွားများအား ပစ်မှတ်ထားသည့် အင်ဒိုနီးရှားနိုင်ငံ ဘာလီကျွန်းဗုံးဖောက်ခွဲမှု အစရှိသည့် အကြမ်းဖက်တိုက်ခိုက်မှုအားလုံးကို ပြင်းပြင်းထန်ထန် ရှုတ်ချခဲ့သူဖြစ်သည်။

    ၎င်းအပြင် တူနီးရှား၊ အီဂျစ်နှင့် လစ်ဗျားနိုင်ငံတွင် ဖြစ်ပေါ်ခဲ့သည့် တော်လှန်ရေးလှုပ်ရှားမှုကို ထောက်ခံအားပေးခဲ့ပြီး ဆီးရီးယားအတိုက်အခံများအတွက် ရန်ပုံငွေရှာဖွေရေး အစီအစဉ်တစ်ခုကိုလည်း အားထုတ်လုပ်ဆောင်ပေးခဲ့သည်။

    လန်ဒန်မြို့တော်ဝန်ဟောင်းဖြစ်သူ ကင် လစ်ဗင်စတုံး(Ken Livingstone)က ကွာဒါရာဝီအား “တိုးတက်သော မွတ်စလင်ခေါင်းဆောင်” ဟု မှတ်ချက်ပေးခဲ့ပြီး၊ ပြုပြင်ပြောင်းလဲမှုများကို လုပ်ဆောင်ခဲ့သည် ပုပ်ရဟန်းမင်းကြီး ဂျွန်၂၃ နှင့် ခိုင်းနှိုင်းပြောဆိုခဲ့သည်။
    ကွာရာဒါဝီ၏ ဒီမိုကရေစီကို ထောက်ခံမှု၊ အစ္စလာမ်နှင့် အနောက်နိုင်ငံများအကြား ကွာဟမှုများကိုပေါင်းကူးပေးရန် ကြိုးပမ်းမှုများကိုလည်း လစ်ဗင်စတုံးက ချီးကျူးပြောဆိုခဲ့သည်။

    ဆယ်စုနှစ်ပေါင်းများစွာကြာနေပြီဖြစ်သည့် ပါလက်စတိုင်းနိုင်ငံအား အစ္စရေးတို့က သိမ်းပိုက်ထားမှုကို အဆုံးသတ်ရန် ကွာရာဒါဝီက ဆော်အော်ခဲ့သည်။

    “ပါလက်စတိုင်းနိုင်ငံလွတ်မြောက်ဖို့ ကျနော်တို့ ဆောင်ရွက်ရပါမယ်။ ကျနော်တို့ အောင်နိုင်မယ်ဆိုတာ ကျနော် သေချာပြောရဲပါတယ်။” ဟု သူက ပြောဆိုခဲ့သည်။ ထပ်မံ၍လည်း

    “အီဂျစ်နဲ့ တူနီးရှားမှာ အုပ်စိုးခဲ့တဲ့ အာဏာရှင်တွေကို ဖြုတ်ချပြီး ပြည်သူတွေက အောင်ပွဲရယူမယ်လို့ ဘယ်သူမှ ထင်မထားခဲ့ကြပါဘူး။ ပြီးတော့ ဆီရီးယားမှာလည်း အောင်ပွဲ ပေါ်ထွက်လာပါလိမ့်မယ်။” ဟု အာရဗ်နွေဦးလှုပ်ရှားမှုကို ရည်ညွှန်း၍ သူက ပြောဆိုသွားသည်။

    Onislam

  • ဆော်ဒီ် တက္ကသိုလ် ၃၂ ခုတွင် ကြံခိုင်ရေး ဘာသာရပ် သင်ကြားရန် အမျိုးသမီး နည်းပြများ လိုအပ်နေ

    မေ၊၈-၂၀၁၃

    M-Media

    KAUST
    King Abdullah University of Science and Technology

    ဆော်ဒီနိုင်ငံရှိ ပုဂ္ဂလိကကျောင်းများတွင် ကျောင်းသူများအား ကိုယ်ကာယလေ့ကျင့်ခန်း သင်ကြားပေးရန်  ဆော်ဒီနိုင်ငံသူ အမျိုးသမီးဆရာမများ ရှာဖွေရန် ခက်ခဲနေသည်ဟု သိရသည်။

    ဆော်ဒီနိုင်ငံရှိ ပုဂ္ဂလိက တက္ကသိုလ် ၈ ခုအပါဝင် တက္ကသိုလ် ၃၂ ခုတွင် ကိုယ်ကာယကြံခိုင်ရေး ဘာသာရပ် သင်ကြားမှုလစ်ဟာ နေသည်ဟုသိရသည်။

    ပညာရေးဝန်ကြီး ဌာန၏ ထုတ်ပြန်ချက်အရ စည်းမျဉ်းအသစ်များအားထုတ်ပြန်ပြီး ပြည်ပမှ အမျိုးသမီးဆရာမ ၉၀၀၀ ကျော်အား ထိုတက္ကသိုလ်များတွင် ကိုယ်ကာယလေ့ကျင့်ခန်း သင်ကြားပေးရန် ခေါ်ယူ လိမ့်မည်ဖြစ်ကြောင်း သိရသည်။

    ရှုရာ ကောင်စီ(Shoura Council) တွင်ပါဝင်သော ကော်မတီ အမြောက်အများ အထူးသဖြင့် မိသားစု၊ လူငယ် နှင့် ပညာရပ် ဆိုင်ရာ ကော်မတီများမှ ကိုယ်ကာယလေ့ကျင့်မှုသည် ကျန်းမာရေးနှင့် ညီညွတ်သော နေထိုင်မှု ပုံစံတွင် အရေးကြီးစွာ ပါဝင်သည်ဟု လက်ခံကြောင်း၊ သို့ပေမယ့် “ကောင်စီ သည် ၄င်း တက္ကသိုလ်များအား ထိုစည်းမျဉ်းအား ထုတ်ပြန်ရန် အတင်းအကြပ်ဖိအားပေးရန် မဖြစ်နိုင်ကြောင်း” ပြောကြားခဲ့သည်။

    ကျောင်းသူများအား ကိုယ်ကာယ လေ့ကျင့်ခန်းသင်ကြားပေးရန် အကြောင်းရာမှာ ၄င်းဘာသာရပ်အား သင်ကြားပေးရန် ထောက်ခံသူ နှင့် ငြင်းဆိုသူ များကြားတွင် အဓိက အငြင်းပွားနေသော အကြောင်း အရာဖြစ်သော်လည်း ပညာရေးဝန်ကြီးဌာနမှ ကိုယ်ကာယကြံခိုင်ရေး ဘာသာရပ်နှင့် ပတ်သက်၍ စည်းမျဉ်း ထုတ်ပြန်ပြီးဖြစ်ကြောင်း သိရသည်။

    Arab News

  • ဒုက္ခသည်အဖြစ် ကြာမြင့်စွာ နေထိုင်နေသူများ နိုင်ငံသားအဖြစ် လက်ခံမည်ဟု ဆော်ဒီပြော

    မတ်လ ၁၀ ၊ ၂၀၁၃
    M-Media
    Ref: ARAB NEWS

    Hope-for-refugees-Prince-Khaled-

    ဂျစ်ဒါ ။                ။ မင်းသား ခါလစ် အလ် ဖိုင်ဆယ်လ်က ဆော်ဒီအာရေဗျဘုရင့် နယ်မြေအတွင်း နှစ်ပေါင်းများစွာ အစိုးရ၏ ကူညီထောက်ပံ့မှုဖြင့် နေထိုင်နေသော ဒုက္ခသည်များကို ၄င်းတို့၏အခြေချမှု အနေအထားအရ နိုင်ငံသားပြုခွင့်ပေးတော့မည် ဟု ပြောကြားလိုက်သည်။

    ဤစီမံချက်သည် မက္ကာဟ်ဝန်းကျင်ဒေသမှ ဖရိုဖရဲဖြစ်နေသည့် လူနေအခြေချခရိုင်များ၌ အဓိကနေထိုင်နေသောပြည်ပဒုက္ခသည်များ၊ အထူးသဖြင့် မြန်မာဒုက္ခသည်များအတွက် ရည်ရွယ်ကြောင်း ကို ထိုဒေသများဖွံဖြိုးတိုးတက်လာစေရေး ဆွေးနွေးသည့် ဖိုရမ်တစ်ခုတွင် မင်းသားခါလစ်က ပြောကြားခဲ့သည်။

    “ သူတို့အတွက် အလုပ်အကိုင် ဖန်တီးပေးဖို့ အလုပ်သမားဝန်ကြီးဌာနနဲ့ ကျွန်တော်တို့ သဘောတူညီချက် ရထားပါပြီ။ ဒီဒေသမှာ နေထိုင်သူတွေက တစ်နေ့ကျရင် နိုင်ငံသားကောင်းတွေ ဖြစ်လာကြမယ်။ သူတို့ကို ထည့်သွင်းအသုံးပြုကြဖို့ဆိုပြီး ဒီဒေသတွင်းစီမံချက်အကောင်အထည်ဖော်မယ့် ကုမ္ပဏီကြီးတွေဆီလည်း ကျွန်တော်တို့ ပြောဆိုခဲ့ပါတယ် ” ဟု မြို့တော်ဝန်မှ ပြောကြားသည်။

    “ ဒီစီမံကိန်းဟာ ထူးမြတ်တဲ့ ၀တ်ကျောင်းတော်ကြီးနှစ်ခုကို ထိန်းသိမ်းရေးအတွက် ဖြစ်တယ်။ ပြီးတော့ ဒီလူတွေရဲ့အခြေအနေတွေကို ကောင်းမွန်စေလိုတဲ့ ဘုရင်မင်းမြတ်ရဲ့ အစီအစဉ်လည်း ဖြစ်ပါတယ်။  ဒါဟာ ဒီနိုင်ငံရဲ့ တာဝန်ယူမှုတစ်ခုပါ။ သူတို့ကို ဒီနိုင်ငံက သူတို့ရဲ့အခွင့်အရေးတစ်ခု အနေနဲ့ ထိန်းသိမ်းစောင့်ရှောက်ပေးသွားမှာ ဖြစ်ပါတယ် ” ဟုလည်း ရှင်းလင်းခဲ့သည်။

    နိုင်ငံခြားသားတစ်ဦး၏ နေရာတွင် ဒေသတွင်း၌ အဆင့်သင့်ရှိနေသော ဒုက္ခသည်များ အနက် မြန်မာ၊ တာကစ္စတန် နှင့် ပါလက်စတိုင်းမှ မှ လေးဦးစီကို အလုပ်အကိုင် အမြန်ခန့်အပ်ရန် ပုဂ္ဂလိက ကုမ္ပဏီများအား တိုက်တွန်းလိုက်သည်ဟု အလုပ်သမားဝန်ကြီးဌာနမှ ကြေငြာထားသည်။

    “ ဒေသတွင်း ဖရိုဖရဲဖြစ်မှုတွေဟာ မက္ကဟ် သို့မဟုတ် ဆော်ဒီအာရေဗျ တစ်ခုထဲကြုံရတာ မဟုတ်ပါဘူး၊ နိုင်ငံတကာနဲ့ဆိုင်တဲ့ ပြဿနာတစ်ခုပါ။ ကမ္ဘာ့မြို့ကြီးပြကြီးတွေမှာလဲ တွေ့မြင်နိုင်ပါတယ် ” ဟု မက္ကဟ်မြို့၊ အွန်းမု ကုရာ့ တက္ကသိုလ်၌ ကျင်းပသော ထိုဖိုရမ်၏ အဖွင့်၌ မင်းသားမှ ပြောခဲ့သည်။

    ယင်းသို့ဖြစ်ရခြင်းမှာ – တစ်ချိန်က ဟဂ်ျ နှင့် အွမ္မရဟ်ပြုရန် လာရောက်ကြသူများအနက် ထောင်နှင့်ချီသော ဘုရားဖူးဧည့်သည်တို့သည် ဗီဇာသက်တမ်း ကုန်ဆုံးသော်လည်း ချန်ရစ်နေထိုင်ခဲ့သောကြောင့်ဖြစ်သည်။ ၄င်းတို့အတွင်း ဘာသာရေးနှိပ်ကွပ်ညှင်းပန်းမှုများကြောင့် မိမိတို့နိုင်ငံမှ အလွတ်ရုန်း ထွက်ပြေးလာကြသူများလည်း ပါဝင်ကြသည်။

    မက္ကဟ် နှင့် ဒေသတွင်းအခြားမြို့များတွင် အကွဲကွဲအပြားပြား နေထိုင်နေကြသည့် ဒုက္ခသည်များကို မိမိတို့၏အနေအထားအသစ်မှပြန် စတင်ရန်အတွက် နှိုးဆော်မှုပေးရန် လိုအပ်ကြောင်း၊ ၄င်းတို့အား အလုပ်အကိုင်များ ဆောင်ရွက်ပေးရန် လိုအပ်ကြောင်း အလေးထားပြောကြားခဲ့သည်။ “ ဒီဒေသတွင်းပြန်လည် တည်ဆောက်မှုအစီအစဉ် မဆောင်ရွက်ခင်မှာ ကျွန်တော်တို့က သူတို့ကို ပညာသင်ကြား ပေးဖို့ နဲ့ လုပ်ငန်းခွင်ဆိုင်ရာသင်တန်းပေးဖို့လည်း လိုအပ်ပါတယ် ” ဟုလည်း ဖြည့်စွက်ပြောဆိုသည်။ မင်းသားခါလစ် က ဤဒေသတွင်းရှိ အဆောက်အဦဟောင်းများကို ဖယ်ရန်နှင့်လမ်းသစ်များ ဖောက်လုပ်ရန်ဆိုသည်ထက် ဤဒေသတွင်း နေထိုင်နေသူများ၏ လူနေမှုဘ၀ အခြေအနေ တိုးတက်မြင့်မားလာရန်ကိုသာ အစိုးရမှ အဓိကဦးတည်ခြင်းဖြစ်၏ ဟု ဆိုသည်။

    ဤဒေသတွင်း နေထိုင်ကြသူ တစ်ဦးချင်းသော်လည်းကောင်း၊ မိသားစုများသော်လည်းကောင်း ၄င်းတို့၏အိုမင်းဟောင်းနွမ်းသည် အိမ်ရာများ မဖြိုဖျက်မှီ ၄င်းတို့အား အလှည့်ကျစီ နေရာထိုင်ခင်း စီစဉ်ပေးသွားမည် ဖြစ်သည်။ ဤနှစ်ရက်ကြာဖိုရမ်ကို မက္ကဟ်မြို့၊ အဗီဒီယဟ် ရှိ တက္ကသိုလ်ပရ၀ုဏ်အတွင်း ကျင်းပခဲ့သည်။

  • အိုလံပစ်ပြိုင်ပွဲဝင်  အီရန် စားပွဲတင်တင်းနစ် အားကစားသမား

    အိုလံပစ်ပြိုင်ပွဲဝင် အီရန် စားပွဲတင်တင်းနစ် အားကစားသမား

    Source: http://presstv.ir/

    အီရန် အားကစားသမား  Noshad Alamiyan သည် ၂၀၁၂ လန်ဒန်အိုလံပစ် အားကစားပွဲ အမျိုးသား တစ်ဦးချင်း စားပွဲတင် တင်းနစ်ပြိုင်ပွဲ ဒုတိယအကျော့တွင် သူ၏ ပြိုင်ဘက်ဖြစ်သော ဟောင်ကောင်မှ အားကစားသမားကို အနိုင်ယူကာ တတိယပွဲစဉ်သို့ အောင်မြင်စွာ တက်လှမ်းနိုင်ခဲ့ပါသည်။


    Excel Centre တွင် တနင်္ဂနွေနေ့က ကျင်းပခဲ့သော ပွဲစဉ်၌ အသက် (၂၀) အရွယ် Alamiyan သည် ပြိုင်ဘက် Peng Tang ကို ပထမ၊ ဒုတိယ၊ စတုတ္ထ နှင့် သတ္တမ ပွဲစဉ်များတွင် ရမှတ် ၄-၃၊ ၁၁-၈၊ ၁၁-၅၊ ၁၁-၉၊ ၁၂-၁၀ အသီးသီးတို့ဖြင့် အနိုင်ရရှိခဲ့ပါသည်။

    “ကျွန်တော် ဟောင်ကောင်က ကျွန်တော့်ပြိုင်ဘက် ကစားသမားကို အတော် ပြင်းပြင်းထန်ထန် ယှဉ်ပြိုင်ခဲ့တာပါ။ ကျွန်တော့် ဘ၀ မှာဒီလို ခက်ခဲပြီး စိတ်ဖိစီးမှုများတဲ့ ပြိုင်ပွဲမှာ အနိုင်ရခဲ့လို့ တော်တော်လေး ၀မ်းသာမိပါတယ်” ဟုသူက ဆိုပါသည်။

    စနေနေ့ ပွဲစဉ်၌ Alamiyan သည် သြစတြေးလျ အားကစားသမား Justin Han ကို ရမှတ် ၄-၀ ဖြင့် အပြတ်သတ် အနိုင်ရကာ အမျိုးသား တစ်ဦးချင်း စားပွဲတင်တင်းနစ် ဒုတိယ အကျော့ ပွဲစဉ်သို့ ရောက်ရှိလာခဲ့ ခြင်းဖြစ်ပါသည်။

    သူသည် အမျိုးသားတစ်ဦးချင်း စားပွဲတင်တင်းနစ် တတိယအကျော့ပွဲစဉ်တွင် ဂျာမဏီ အားကစားသမား Timbo Boll နှင့် တနင်္လာနေ့တွင် ယှဉ်ပြိုင်ကစားမည် ဖြစ်ပါသည်။

    “ကျွန်တော့် အနေနဲ့ အတွေ့အကြုံ ရင့်ကျက်တဲ့ ကမ္ဘာ့ နံပါတ်သုံး အဆင့် အားကစားသမား ဖြစ်တဲ့ ဂျာမဏီက ပြိုင်ဘက်နဲ့ ကစားရမှာပါ။ ဘယ်လိုဘဲဖြစ်ဖြစ် ကျွန်တော်သူ့ကို အနိုင်ရဖို့ အစွမ်းကုန် ကြိုးပမ်းသွားမှာပါ” ဟု Alamiyan က ဆိုပါသည်။

    အီရန်နိုင်ငံသည် မြှားပစ်၊ စားပွဲတင်တင်းနစ်၊ နပန်း၊ အလေးမ၊ လှေလှော်၊ လက်ဝှေ့၊ ပြေးခုန်ပစ်၊ ရေကူး၊ တိုက်ကွမ်ဒို စသည့် အမျိုးမျိုးသော အားကစား နယ်ပယ် အသီးသီးတွင် ပါဝင်ယှဉ်ပြိုင်ရန် အားကစားသမားပေါင်း ၅၄ ယောက်ပါဝင်သော အဖွဲ့ကို ၂၀၁၂ လန်ဒန်အိုလံပစ် ပွဲသို့ စေလွှတ်ခဲ့ပြီး ဖြစ်ပါသည်။

    နိုင်ငံပေါင်း ၂၀၀ ကျော်မှ အားကစားသမားပေါင်း ၁၀၀၀၀ ကျော် တို့မှာ လန်ဒန် ၂၀၁၂ နွေရာသီ အိုလံပစ်ပွဲတွင် ပါဝင်ယှဉ်ပြိုင်လျက် ရှိပါသည်။

    နောက်ဆက်တွဲသတင်း

    Noshad Alamiyan  သည် တတိယအကျော့်ပွဲစဉ်တွင် ကမ္ဘာ့ နံပါတ်သုံး အဆင့် အားကစားသမား ဖြစ်တဲ့ ဂျာမဏီ အားကစားသမား Timbo Boll ကို ရှုံးနိမ့်ခဲ့ကြောင်း သတင်းရရှိပါသည်။

  • မြန်မာနှင့် သံတမန်ရေးအရ ဆက်ဆံရန် အီရန်စီမံ

    မြန်မာနှင့် သံတမန်ရေးအရ ဆက်ဆံရန် အီရန်စီမံ

    တီဟီရန် ၊ ဇူလိုင် ၃၁၊ ၂၀၁၂
    Source:BERNAMA

    အီရန်နိုင်ငံခြားရေးဝန်ကြီး အလီအက္ကဘရ် ဆာလီဟီ

    အီရန်နိုင်ငံအနေဖြင့် မြန်မာနိုင်ငံအတွင်းရှိ မွတ်စလင်မ်များ၏ ပြဿနာတွေ့ကြုံနေမှုများကို ကူညီဖြေရှင်းနိုင်ရန်အလို့ငှာ မြန်မာနိုင်ငံနှင့် သံခင်းတမန်ခင်းဆက်ဆံဖို့ စီမံလျက်ရှိကြောင်း သိရသည်။ အီရန်နိုင်ငံခြားရေးဝန်ကြီး အလီအက္ကဘရ်ဆာလီဟီမှ ယင်းသို့ပြောကြားခဲ့ခြင်းဖြစ်ြေ

    ကာင်း အီရန်၏ မဟဲရ်သတင်းအေဂျင်စီမှ ဖော်ပြသည်။

    “ကျွန်တော်တို့ မြန်မာဘက်က တာဝန်ရှိသူတွေနဲ့ သံတမန်ရေးအရ အဆက်အဆံစတင်ဖို့ ပြောဆိုနေဆဲဖြစ်ပါတယ်။ ဒီလိုသံတမန်အဆက်အဆံထားရှိခြင်းအားဖြင့် နှစ်နိုင်ငံအကြား နိုင်ငံရေးဆိုင်ရာ အဆက်အသွယ်ကို ပိုပြီးတော့ အင်အားဖြည့်ပေးနိုင်မှာဖြစ်သလို အစီအစဉ်တွေအတိုင်း မြန်မာနိုင်ငံထဲက မွတ်စလင်မ်တွေရဲ့ ပြဿနာကို ကူညီဖြေရှင်းကို ထိရောက်တဲ့ ခြေလှမ်းတစ်ခု ကျွန်တော် တို့ဘက်က စတင်နိုင်ပါတယ်။” ဟု ဆာလီဟီက ဖော်ပြခဲ့သည်။

    ဆာလီဟီက ထိုမှတ်ချက်ကို တနင်္ဂနွေကပြုလုပ်သည့် သတင်းစာရှင်းလင်းပွဲတွင် မြန်မာပြည်မှ ရိုဟင်ဂျာများအသတ်ခံနေရခြင်းနှင့်စပ်လျဉ်း အီရန်နိုင်ငံခြားရေးဌာန၏ ရပ်တည်ချက်ကို မေးမြန်းသည်တွင် ဖြေကြားခဲ့ခြင်းဖြစ်သည်။

    ဘနားမား