ဒီဇင်ဘာ ၃၁ ၊ ၂၀၁၄
M-Media
မင်းထွဋ်ခေါင် တင်ဆက်သည်။
ယူအေအီး၏ နာမည်ကြီး အမျိုးသမီးလေသူရဲ မရ်ယမ် အလ်မန်စူရီမှ အီဂျစ်၏ “ပါးစပ်ပိတ်ထား အိုဘားမား” လှုပ်ရှားမှုခေါင်းဆောင် မိုနာ အလ်ဘီဟိုင်ရီအထိ အရှေ့အလယ်ပိုင်းဒေသအမျိုးသမီးများကို ကမ္ဘာ့ခေါင်းစီ်းသတင်း၌ ၂၀၁၄ ခုနှစ်တစ်လျှောက် မြင်တွေ့ကြရသည်။
သို့သော် မျိုးရိုးဗီဇ၊ အဏုဇီဝ၊ ဥပဒေ စသည့်နယ်ပယ်အတွင်း စွမ်းစွမ်းတမံ အားထုတ်ဆောင်ရွက်နိုင်သူများကိုမူ မီဒီယာမီးမောင်းအောက်မှ တိတိကျကျ အသားပေးဖော်ပြချက်ဟူ၍ အနည်းအကျဉ်းမျှပင် မတွေ့ကြရချေ။
သို့ဖြစ်ရာ ယခုနှစ် အာရဗ်လောက၏ အပယ်ခံသူရဲကောင်းအနည်းငယ်မျှကို တစ်ဦးချင်း စွမ်းဆောင်ချက်အလိုက် ဖော်ပြပါအံ့။
၁။ ဗယာန် မဟ်မူးဒ် အလ် ဇဟ်ရာန် – Bayan Mahmoud al-Zahran
——————————————————————-
ရှေးရိုးစွဲဆော်ဒီအာရေဗျ၏ ပထမဆုံးအမျိုးသမီးရှေ့နေဖြစ်လာသူ ဇဟ်ရာန်သည် ယခုနှစ်အစပိုင်းတွင် နောက်ထပ် ပထမဆုံးအောင်မြင်မှု အလံကို လွှင့်ထူခဲ့သည်။ ၎င်းမှာ ဘုရင့်နယ်မြေ၏ ပထမဆုံး အမျိုးသမီးရေးရာ ဥပဒေအကျိုးဆောင်လုပ်ငန်းစု ဖြစ်သည်။
ဗုရ်ခါ မည်သော ဆော်ဒီအမျိုးသမီးရိုးရာ တစ်ကိုယ်လုံးဖုံးအုပ်ဝတ်စုံဖြင့် ဆင်ယင်သော ဇဟ်ရာန်သည် သူမ၏အကျိုးဆောင်လုပ်ငန်းစတင်ထူထောင်စဉ်အတွင်း “ဘုရင့်နယ်မြေရှိ အခြားအမျိုးသမီးကောင်းကျိုးအလို့ငှာ မိမိ၏ကိုယ်ပိုင်အလေ့အထကို ချမှတ်ခဲ့သည်” ဟု ဆိုသည်။
“အမျိုးသမီးရှေ့နေ(ဥပဒေပညာရှင်)များလည်း ဥပဒေစနစ်အများအပြားမှာ ပါဝင်ဆောင်ရွက်နိုင်ကြောင်း ကျွန်မ ယုံကြည်ထားပါတယ်။ ယခင်တုန်းက အမျိုးသမီးရှေ့နေနဲ့ အမျိုးသမီးတွေကို ကိုယ်စားပြုအရေးဆိုတာမျိုး မတွေ့ခဲ့ဖူးပါဘူး” ဟူ၍ ဆော်ဒီအခြေစိုက် Arab News နေ့စဉ်ထုတ်သတင်းစာသို့ ပြောပြခဲ့သည်။
သို့ရာတွင် အမျိုးသမီးရှုထောင့်မှ ဥပဒေကြောင်းအရ အရေးဆိုမှုများအပေါ် တရားရုံးများ၏နားလည်သိမြင်နိုင်ရေးမျှော်လင့်ချက်ဖြင့် သူမမှ တည်ထောင်ထားသည့် လုပ်ငန်းစုသည် “သူမ၏လုပ်ရပ်မှာ အမျိုးသမီးများသက်သက်အတွက်သာ ဥပဒေအကူအညီပေးခြင်းနှင့် ဘောင်ခတ်ကန့်သတ်ထားသည်မဟုတ်ကြောင်း အရေဗီးယားသတင်းဌာနသို့ ပြောကြားသည်။
“ဆော်ဒီအာရေဗျရဲ့ ဥပဒေစံနစ်က အမျိုးသားနဲ့အမျိုးသမီးတွေကို တန်းတူဆက်ဆံပါတယ်။ ရှေ့နေတစ်ဦးဟာ အမျိုးသားနဲ့အမျိုးသမီးတွေအပေါ် ကိုယ်စားပြုနိုင်ခွင့်ရှိပါတယ်” ဟု သူမက ဆိုသည်။
ယခုနှစ်နှောင်းပိုင်းတွင် ဒူဘိုင်းအခြေစိုက် Arabian Business မဂ္ဂဇင်းတွင် အာရဗ်ကမ္ဘာတစ်ဝှန်း သြဇာအကြီးမားဆုံးအမျိုးသမီးများစာရင်း၏ သတ္တမနေရာ၌ သူမအား ဖော်ပြခဲ့သည်။
ဆော်ဒီနိုင်ငံ၊ ဂျစ်ဒဟ်အသံလွှင့်ဌာန ပင်တိုင်သတင်းကြေငြာသူနှင့် Al Arabiya သတင်းစာ၏ ဆောင်းပါးရှင်း စမာရ် ဖာတာနီက ဇဟ်ရာန်အား ဆော်ဒီအာရေဗျအပြောင်းအလဲယန္တရား၏မဏ္ဍိုင်လူငယ်များ၏ သွေးသစ်တစ်စက် ဟု တင်စားဖော်ပြသည်။
“ဆော်ဒီအာရေဗျမှာ အမျိုးသမီးဥပဒေပညာရှင်များအပေါ် နှစ်များစွာခွဲခြားခဲ့ပြီးနောက် အမျိုးသမီးအခွင့်အရေးတွေနဲ့ပတ်သက်လို့ တမူထူးခြားခုခံကာကွယ်ပေးနိုင်တဲ့ အတိုက်အခံ ပညာရှင်အမျုိုးသမီးတစ်ဦးကို ကျွန်တော်တို့ ရရှိပြီဖြစ်ပါတယ်” ဟူ၍ ၎င်းမှ ထပ်လောင်းညွှန်းဆိုခဲ့သည်။
၂။ ဇိုင်နာ ဒက်ကေ့ရှ် – Zeina Daccache
——————————————–
သရုပ်ဆောင်၊ ဒါရိုက်တာအလုပ်ကို ရုပ်ရှင်ထုတ်လုပ်မှုနှင့်တွဲ၍ စိတ်ဓာတ်ပြုပြင်/နှစ်သိမ့်ဆွေးနွေးရေးအလုပ်ကိုလည်း လုပ်ဆောင်နေသော လက်ဘနွန်နိုင်ငံသူ ဒက်ကေ့ရ်ှသည် အမျိုးသမီးရေးရာများနှင့် လက်ဘနွန်အကျဉ်းထောင်များရှိ အခြေအနေများအား ဇောင်းပေးသည့် ရုပ်ရှင်တို့ကို ထုတ်လုပ်သူဖြစ်သည်။
၂၀၀၉ ခုနှစ်တွင် “12 Angry Lebanese” မှတ်တမ်းရုပ်ရှင်ကို သူမ အပြီးသတ်ရိုက်ကူးသည်။ ၎င်းမှာ လက်ဘနွန်နိုင်ငံ၏အကြီးမားဆုံးထိန်းသိမ်းရေးစခန်း Roumieh အကျဉ်းထောင်ရှိ သူမ၏အမျိုးသားလူနာများနှင့် လုပ်ကိုင်ဆောင်ရွက်ပုံများကို အမေရိကန်ဂန္ထ၀င် 12 Angry Men ဇာတ်ကားကို မှီငြမ်းထားခြင်းဖြစ်သည်။
“12 Angry Lebanese” သည် Muhr Arab Documentary ပထမဆု၊ ၂၀၀၉ ဒူဘိုင်း နိုင်ငံတကာရုပ်ရှင်ပြပွဲတွင် ပရိသတ်ရွေးချယ်ဆုနှင့် ၂၀၁၀ DOX BOX နိုင်ငံတကာမှတ်တမ်းရုပ်ရှင်ပြပွဲတွင် ပရိတ်သတ်အကြိုက်ပထမဆုကို ဆွတ်ခူးနိုင်ခဲ့သည်။
ထို့နောက် ယခုနှစ်တွင် နောက်ထပ်ထောင်တစ်ခုရှိ အမျိုးသမီးလူနာတို့နှင့်အတူ ဇာတ်ရုံဖျော်ဖြေမှုအခြေတည်ပြီး အမျိုးသမီးအကျဉ်းထောင်အကြောင်းအား ပထမဆုံးစင်တင်မိတ်ဆက်ပေးသော “Scheherazade’s Diary” အမည်ရ မှတ်တမ်းရုပ်ရှင် တစ်ကားကို ထပ်မံ တင်ဆက်ခဲ့သည်။ ၎င်းအတွင်း လက်ဘနွန်လူ့အဖွဲ့အစည်း၏ ပုံရိပ်လွှာကို ထပ်ဟပ်စေသည်ဟု သူမက The Australian သို့ သြဂုတ်လတွင် ပြောကြားခဲ့သည်။
“မူးယစ်သားကောင်၊ မုဒိန်းကောင်နဲ့ လင်ယောက်ျားတွေကို သတ်ဖြတ်ခဲ့တဲ့ ဒီလူတွေဟာ ပြည်တွင်းအကြမ်းဖက်မှု၊ စိတ်ဒဏ်ရကလေးဘ၀၊ အိမ်ထောင်ပြိုကွဲခြင်း၊ အချစ်ကံခေမှု၊ မိခင်ဘ၀ကင်းကွာနေခြင်း စတဲ့အကြောင်းအရာများကို ပြောပြနေပါတယ်” ဟု သူမက ဆိုသည်။
လက်ဘနွန်သား ဂျာနယ်လစ်၊ စာရေးသူနှင့် အမျိုးသမီးအခွင့်အရေးလှုပ်ရှားသူ Joumana Haddad က သူမအား သတ္တိခဲနှင့် ပါရမီရှင်အဖြစ် ဖော်ပြခဲ့သည်။ “လူ့အဖွဲ့အစည်းရဲ့ ဖယ်ကြဉ်ခံအဖြစ် သတ်မှတ်ထားခံရသူများရဲ့အသံကို သူမက ခံစားချက်၊ ခံယူချက်၊ မေတ္တာကို အရင်းတည်ပြီး အပြည့်အ၀ တင်ပြနေသူဖြစ်တယ်။ သူမကို ကျွန်တော် တကယ် လေးစားအားကျပါတယ်” ဟုလည်း Al Arabiya News သို့ ပြောပြခဲ့သည်။
၃။ ဟိုစမ် ဇိုဝါ၀ီ – Hosam Zowawi
————————————–
ဆော်ဒီအာရေဗျမှပေါ်ထွက်လာသော အသက် ၃၀ နှစ်အရွယ် အဏုဇီဝပညာရှင် ဇိုဝါ၀ီသည် ဂျစ်ဒဟ်ဆေးရုံ၌ လက်တွေ့ဆင်းစဉ် ခွဲစိပ်ထားသည့်လူနာများမှာ ကြောက်စရာ ပိုးကူးစက်မှုဒဏ်ခံရကြောင်း သတိထားမိရာမှ ဆေးဝါးမတိုးသည့်ပြဿနာ “superbugs” အပေါ် စူးစမ်းလေ့လာရေးအမြင် စတင်ခဲ့သူဖြစ်သည်။
ပိုးမွှားကူးစက်ခြင်းအမျိုးအစားကို အလျင်အမြန် ခွဲခြားသတ်မှတ်နိုင်သည့် အလွယ်သုံးကိရိယာတစ်မျိုးအား သူက ဆန်းသစ်ဖော်ဆောင်လိုက်၏။ ယင်းကိရိယာက လူနာ၏အရေးပေါ်အခြေအနေမရောက်မှီ တိကျသည့်ကုသမှုကို ညွှန်ကြားစေနိုင်ခြင်းဖြင့် အသက်ကယ်တင်ရေး အထောက်အကူ ဖြစ်သွားစေသည်။
ဇိုဝါ၀ီသည် အသက် ၇ နှစ်အရွယ်ကပင် အဏုကြည့်မှန်ပြောင်းတစ်ခု လက်ဆောင်ရချိန်မှစ၍ အဏုဇီဝပညာရပ်ကို စတင်စိတ်ဝင်စားခဲ့သည်။ “superbugs” မှာ ကမ္ဘာနှင့်အ၀ှန်း အလျင်မြန်ဆုံးကျယ်ပြန့်လာသည့်ပြဿနာဖြစ်နေခဲ့ရာ ၎င်းနှင့် ရင်ဆိုင်ယှဉ်ပြိုင်ရန် မျှော်လင့်ထားခဲ့ကြောင်း သူက ယခုနှစ်အစောပိုင်း၌ Time မဂ္ဂဇင်းသို့ ပြောပြသည်။
“ superbugs ရဲ့အနေအထားက ကမ္ဘာ့အနှံ့မှာ တော်တော်ဆိုးနေလို့ တစ်ကမ္ဘာလုံးက သတိထားနေရပါတယ်။ ဒီကဏ္ဍနဲ့ပတ်သက်ပြီး ပင်လယ်ကွေ့ဒေသမှာ အသိပညာနဲ့သုတေသနအပိုင်းရဲ့ ကွက်လပ်ဖြည့်နိုင်ဖို့ အရေးကြီးတယ်လေ” ဟူ၍ ၎င်းအပေါ် စူးစိုက်သုတေသနပြုခဲ့ခြင်းအကြောင်း ဆက်လက်ပြောကြားသည်။
ဒူဘိုင်းရှိ အမေရိကန်ဆေးရုံမှ ကူးစက်ရောဂါအထူးကုဆရာဝန် Moeena Zain က ထိုသုတေသနပြုချက်သည် တန်ဖိုး မဖြတ်နိုင်ပါဟု ဆိုခဲ့သည်။
“ဇီဝပျက်စီးမှုကိုတောင့်ခံပေးတဲ့ ကလာပ်စည်းပြဿနာ အလွန်မြင့်မားနေရတဲ့ ကျွန်တော်တို့လောကမှာ အဲ့ဒါဟာ အလွန်အမင်းကို အသုံးဝင်လှပါတယ်။ လူနာ့ကျောပြင်ရဲ့အသားစ နမူနာကနေ အဖြေရယူဖို့ ၇၂ နာရီကြာမြင့်တတ်ပေမယ့် သူ့ သုတေသနပြုချက်ကြောင့် ၃ နာရီ သို့မဟုတ် ၄ နာရီအတွင်း ရရှိသွားစေပါတယ်”။
ကြွယ်ဝချမ်းသာသော ပင်လယ်ကွေ့ဒေသတွင်းရှိ လူနာများစွာသည် antibiotic ဆေးဝါးများကို အထိန်းအကွပ်မဲ့ ရရှိသုံးစွဲနေသည်၌ ခန္ဓာကိုယ်ခုခံအားစနစ် ယိုယွင်းနိုင်သည့် ပြဿနာအား ရင်ဆိုင်နေရကြောင်း Zain က ဆိုသည်။
“ဇိုဝါ၀ီရဲ့ သုတေသနနယ်ပယ်ဟာ ထူးခြားပြောင်မြောက်ယုံမက အချိန်မီအသုံးချနိုင်စရာ ဖြစ်နေပါတယ်။ ကျွန်တော်တို့ဒေသတွင်းမှာ antibiotic ဆေးဝါးတွေကို လွတ်လပ်စွာ ရရှိနိုင်တာကြောင့် လူတိုင်းက လိုအပ်ချိန်တိုင်း သုံးစွဲနိုင်ကြတယ်လေ။ သူတို့ဟာ ဆေးဆိုင်ကိုသွားပြီး ၀ယ်လိုက်ယုံပဲ။ သူ့ရဲ့စမ်းသပ်ချက်က အဲ့ဒီဆေးဝါး မလျော်သုံးစွဲခြင်းကို လျှော့ချပေးနိုင်သွားပါတယ်”။
၎။ မရ်ယမ် မတ္တာ – Maryam Matar
—————————————
အာရဗ်စော်ဘွားများနိုင်ငံသူ ဆရာဝန် မတ္တာသည် ပင်လယ်ကွေ့ဒေသတွင် ပျံ့နှံ့လာသော မျိုးဗီဇဆိုင်ရာရောဂါများနှင့်ပတ်သက်၍ နစ်မြုပ်လုံးပန်းခဲ့သူဖြစ်သည်။
၂၀၀၅ ခုနှစ်၌ သူမသည် Down Syndrome Association ပြည်တွင်းအဖွဲ့ကို ထူထောင်ခဲ့ပြီး တစ်နှစ်လွန်သော် Genetic Disease Association အဖြစ်အမည်တွင်လာသည်။ လက်ရှိတွင် ယင်းအဖွဲ့အစည်းအား ဦးဆောင်လျက်ရှိသည်။
ယခုနှစ်ဆန်းပိုင်းတွင် Down Syndrome Association နှင့် Genetic Disease Association အဖွဲ့အစည်းနှစ်ရပ်လုံးထူထောင်သူ မတ္တာသည် ယူအေအီးနိုင်ငံတွင် အဖြစ်များနေသော သွေးရောဂါအပေါ် သုတေသနတစ်ရပ်ကို ဂျပန်နိုင်ငံ၊ ယာမာဂူချီတက္ကသိုလ်၌ အပြီးသတ်ဆောင်ရွက်နိုင်ခဲ့သည်။ နှစ်နိုင်ငံအကြား ခေါက်တုန့်ခေါက်ပြန်ပြေးလွှားကာ အချိန်လုဆောင်ရွက်ခဲ့ရသည်။
ဒူဘိုင်း၌ရှိစဉ်လည်း မတ္တာသည် ကောလိပ်၊ တက္ကသိုလ်များတွင် မျိုးဗီဇ ကစဥ့်ကလျားဖြစ်ခြင်း ရှိမရှိ စစ်ဆေးမှုခံယူကြရန် လှုံ့ဆော်တိုက်တွန်းမှုများ ပြုလုပ်သည်။ သူမသည် နေ့စဉ်နှင့်အမျှ စိန်ခေါ်ချက်အချို့ကို ရင်ဆိုင်နေရကြောင်း UAE နေ့စဉ်သတင်းစာသို့ အောက်ပါအတိုင်း ပြောကြားထားသည်။
“မိသားစုဝင် ၁၂ ဦးရှိတဲ့ ကျောင်းသားတစ်ဦးကို G6PD [glucose-6-phosphate dehydrogenase] ချို့တဲ့ကြောင်း စစ်ဆေးတွေ့ရှိခဲ့တယ်။ ပုံမမှန်မျိုးဗီဇများဟာ မိခင်ကနေ သားတွေဆီ လက်ဆင့်ကမ်းလာခဲ့တာပါ။ မိဘနှစ်ဦးလုံးကလည်း ပညာမတတ်သူများ ဖြစ်ကြလို့ မျိုးဗီဇတွေအကြောင်း ကျွန်မအနေနဲ့ ရှင်းပြခဲ့ရတယ်”။
ဒူဘိုင်းအခြေစိုက် Arabian Business ကုန်သွယ်စီးပွားစာစောင်မှ ၂၀၁၂ ခုနှစ်တွင် မတ္တာအား “အကောင်းဆုံး လူထုအကျိုးဆောင်သူ”တစ်ဦး အပါအ၀င်အဖြစ် သတ်မှတ်ခဲ့သည်။
Muslim Science ၀က်ဘ်ဆိုဒ်မှလည်း ယခုနှစ်အစောပိုင်းက သူမအား “အစ္စလာမ့်လောက၏ သိပ္ပံနယ်ပယ်မှ သြဇာအကြီးမားဆုံး မွတ်စ်လင်မ်အမျိုးသမီး ၂၀ ဦး” စာရင်းထဲ ထည့်သွင်းဖော်ပြသည်။ ၎င်း၏အဆိုအရ မတ္တာ၏အောင်မြင်မှုများအပေါ် အဆင့်ဆင့်အကဲဖြတ်ပြီးနောက် သူမမှာ ထူးခြားစွာ အစပြုသူများ၊ ပုံဖော်သူများနှင့် အနာဂတ်သိပ္ပံသူရဲကောင်းများ စာရင်းဝင်ခဲ့သည်ဟု သိရသည်။
၅။ ဒါနီယာ အလ်ဂျာဗရီ – Dania al-Jaabari
———————————————–
အသက် ၁၄ နှစ်အရွယ် ပါလက်စတိုင်းကျောင်းသူလေး ဂျာဗရီသည် ဒီဇင်ဘာလက ကျင်းပသော နိုင်ငံတကာထက်မြက်မှုစွမ်းရည်ပြိုင်ပွဲ၌ သင်္ချာမေးခွန်းပေါင်း ၂၄၀ ကို ၆ မိနစ်အတွင်း အဖြေရှာပြခြင်းဖြင့် ပထမဆုကို ဆွတ်ခူးသွားခဲ့သည်။
ယင်းပြိုင်ပွဲကို စင်္ကာပူ National Mathematical Olympiad မှ စီစဉ်ကျင်းပပြီး နိုင်ငံပေါင်း ၁၅ နိုင်ငံအထက်မှ ပြိုင်ပွဲဝင် ၃၀၀၀ ကျော်အား စိတ်တွက်သင်္ချာဖြင့် စစ်ဆေးခဲ့ခြင်းဖြစ်၏။ ၎င်း၌ လက်နှစ်ဖက်သုံး ပေသီးစနစ်ကို အသုံးပြုစေသည်။
ဝဲဖက်နှင့်ယာဖက် လက်ချောင်းနှစ်မျိုးစလုံးအား တပြိုင်နက်တည်း အသုံးပြုစေပြီး ဦးနှောက်၏ ၀ဲယာနှစ်ဖက်စလုံးအတွင်း၌ လှုံ့ဆော်မှုကို ဖန်တီးခြင်းဖြင့် ညီမျှသော လက်တွက်၊ စိတ်တွက်စနစ်အပေါ် ဂျာဗရီမှ ကျွမ်းကျင်စွာ စွမ်းဆောင်ခဲ့သည်။
ယူအေအီးရှိ American University of Sharjah ၏ သင်္ချာပညာရှင်နှင့်ဌာနမှူးဖြစ်သူ Mahmoud Anabtawi က ဂျာဗရီ၏အောင်ပွဲကို “ပြောင်မြောက်လှသည့်အောင်မြင်မှု” ဟု ခေါ်ဆိုခဲ့သည်။ အဘယ်ကြောင့်ဆိုသော် ဦးနှောက်၏ ၀ဲဖက်ခြင်းနှင့် ယာဖက်ခြမ်း နှစ်မျိုးစလုံးကို တပြိုင်နက် အသုံးချသွားနိုင်သည့် သူမ၏ (သာမန်နှင့်မတူ) ထူးခြားစွမ်းရည်ကြောင့် ဖြစ်သည်။
“၄၇ နှစ်ထိ တရားမ၀င် စစ်အုပ်ချုပ်ရေးအောက်ရောက်နေတဲ့ – ၆၇ နှစ်ထိ နယ်ချဲ့မှုနဲ့ မျိုးသုဉ်းရှင်းလင်းမှုကို ခံစားနေရတဲ့ လူ့အဖွဲ့အစည်းထဲက ဒီ(ဂျာဗရီ လို ကလေးငယ်တွေ) ထွက်ရှိနေခြင်းဟာ တကယ့်အတွေးပွားစရာ တစ်ခုပါပဲ။ ဒီလိုအောင်မြင်မှုတွေဟာ ပါလက်စတိုင်းသားတွေရဲ့ အဖိနှိပ်မခံလိုမှု၊ အစ္စရေးကပေးတဲ့ သေခြင်းတရားလက်ဆောင်တွေထဲက ရုန်းကြွချက်ခွန်အား သက်သေအဖြစ် ပေါ်လွင်နေစေပါတယ် ” ဟု အမေရိကန် ဂျာနယ်လစ်နှင့် ရုပ်ရှင်ထုတ်လုပ်သူ Ben Norton မှ ရေးသားဖော်ပြလိုက်သည်။
ref_ Al Arabiya
