News @ M-Media

Tag: MPT

  • မိုဘိုင်းဖုန်းခေါ်ဆိုမှု အခက်အခဲဖြစ်နေခြင်းကို MPT မှ ပြင်ဆင်

    မိုဘိုင်းဖုန်းခေါ်ဆိုမှု အခက်အခဲဖြစ်နေခြင်းကို MPT မှ ပြင်ဆင်

    ဇန်န၀ါရီ ၉၊ ၂၀၁၄
    M-Media
    ပြည့်ပြည့်

    MPT

    နေပြည်တော် ။     ။ ၂၀၁၃-ခု ဒီဇင်ဘာလနှောင်းပိုင်းမှ စတင်ပြီး မိုဘိုင်းဖုန်းများ ခေါ်ဆိုရာတွင် ဖုန်းလိုင်းများ ပြတ်တောက်နေမှုများ ကြုံတွေ့နေရပြီး အခက်အခဲဖြစ်နေခြင်းအား မြန်မာ့ဆက်သွယ်ရေးလုပ်ငန်း (MPT) မှ ပြုပြင် ဆောင်ရွက်လျက်ရှိကြောင်း သိရသည်။

    နေပြည်တော်နှင့် ရန်ကုန်တိုင်းဒေသကြီးရှိ GSM/WCDMA မိုဘိုင်း Nettwork တွင် Vendor နှစ်ခု ရှိနေသဖြင့် မိုဘိုင်းဖုန်း ခေါ်ဆိုမှု အခက်အခဲ ရှိခြင်း၊ Voice Quality ကောင်းမွန်မှု မရှိခြင်းတို့ကို ပြုပြင်ရန် စက်ပစ္စည်းများ တိုးချဲ့တပ်ဆင်ခြင်း၊ ဒေသတစ်ခုအတွင်း Vendor တစ်ခုတည်းရှိအောင် စက်ပစ္စည်းများ လဲလှယ် တပ်ဆင်ခြင်းတို့ကို လုပ်ဆောင်ခဲ့ပြီးဖြစ်သည်။

    ယခုအခါ မိုဘိုင်းဖုန်းဆက်သွယ်ပြောဆိုမှု၊ Network Quality Improvement ဖြစ်စေရန်အတွက် စက်ချိန်ညှိခြင်း၊ တိုင်းတာစမ်းသပ်ခြင်းများကို ဇန်န၀ါရီလ ၃၁-ရက်နေ့အထိ ဆက်လက်လုပ်ကိုင်မည်ဟု သိရသည်။

    မိုဘိုင်းဖုန်းအသုံးပြုသူများအနေဖြင့် ပြောဆိုမှု အခက်အခဲဖြစ်နေပါက call center 1876 နံပါတ်သို့ ဆက်သွယ်၍ မိမိတို့ဖြစ်ပေါ်နေသည့် အခက်အခဲ အား နေ့ရက်၊ အချိန်၊ နေရာ တိကျစွာပြောကြားခြင်းဖြင့် ကူညီမှု ပေးနိုင်ကြောင်းလည်း သိရသည်။

    ကိုးကား – ကြေးမုံသတင်းစာ

  • MPT နဲ့ ပူးပေါင်းမယ့် နိုင်ငံခြားကုမ္ပဏီကို ဒီဇင်ဘာလထဲတွင် ကြေညာမည်

    M-Media
    ဒီဇင်ဘာ ၁၄၊ ၂၀၁၃

    images
    ဒေါ်လာ ၃ ထောင်နီးပါး ဈေးရှိခဲ့ဖူးတဲ့ MPT စင်းမ်ကတ်

    အစိုးရက ပုဂ္ဂလိက ဆက်သွယ်ရေးကုမ္ပဏီနှစ်ခုဖြစ်တဲ့ အော်ရီဒူးနဲ့ တယ်လီနောတို့ကို ပြိုင်ဆိုင်လုပ်ကိုင်ဖို့ MPT ကို ဆက်လက်အသက် သွင်းထားပါတယ်။ လာမယ့် ဒီဇင်ဘာ ၁၈ ရက်မှာတော့ MPT က သူတို့နဲ့ ပူးပေါင်းဆောင်ရွက်မယ့် နိုင်ငံခြားကုမ္ပဏီကို ကြေညာမယ်လို့ ဆိုပါတယ်။

    လောလောဆယ်တော့ MPT နဲ့ ပူးပေါင်းမယ့် နိုင်ငံခြားကုမ္ပဏီတွေထဲမှာ ပြင်သစ်ရဲ့ Orange၊ ဂျပန်ရဲ့ KDDI နဲ့ စင်ကာပူရဲ့ SingTel တို့ ရေးပန်းစားနေပါတယ်။ ဒီကုမ္ပဏီသုံးခုကလည်း ဇွန်လက မြန်မာအစိုးရကြေညာခဲ့တဲ့ တင်ဒါအောင် ဆက်သွယ်ရေးလိုင်စင်ရ ကုမ္ပဏီစာရင်း မှာ မပါဝင်ခဲ့တဲ့ ကုမ္ပဏီတွေလည်း ဖြစ်ပါတယ်။

    MPT နဲ့ ပူးပေါင်းမယ့် ကုမ္ပဏီတင်ဒါကို အစိုးရက နိုဝင်ဘာလထဲမှာ ခေါ်ယူခဲ့ပြီး ဆက်သွယ်ရေးကဏ္ဍမှာ အပြိုင်အဆိုင်လုပ်ကြ ဖို့ ပြင်ဆင်နေ ပါတယ်။ MPT ကတော့ လွန်ခဲ့တဲ့ ဆယ်စုနှစ်အတွင်းမှာ စင်းမ်ကတ် တစ်ခုကို ဒေါ်လာ ၃၀၀၀ နီးပါးနဲ့ အဆမတန်အမြတ်တင်ရောင်း ချနေခဲ့တာကြောင့် အမြတ်အစွန်း မြောက်မြားစွာ ရရှိထားပြီးလည်း ဖြစ်ပါတယ်။

  • Mobile ဖုန်းလိုင်းဆက်သွယ်မှု ပြတ်တောက်မှုများကြောင့် ပြည်သူများ အခက်အခဲဖြစ်

    သြဂုတ် ၃၁၊ ၂၀၁၃
    M-Media
    သုတ

    MPT

    ရန်ကုန်  ။         ။      ရန်ကုန်မြို့တွင် သြဂုတ်လနှောင်းပိုင်းအတွင်း GSM ဖုန်းလိုင်းပြတ်တောက်မှုများကြောင့် ပြည်သူများအကြား ဆက်သွယ်မှုကိစ္စရပ်အတွက် အခက်အခဲများဖြစ်ပေါ် လျက်ရှိကြောင်း သိရသည်။

    “ကျွန်မအလုပ်က ဖုန်းနဲ့အမြဲဆက်သွယ်ပြောဆိုနေရတာ။ ဒီရက်ပိုင်း လိုင်းက တအားပြတ်ပြတ်ကျသွားတော့ အလုပ်ကိစ္စပြောဆိုရတာ လုံးဝ အဆင်မပြေဘူး။ ဟိုဘက် ဒီဘက် ပြန်ခေါ်ရင်လည်း ဆက်သွယ်မှု ဧရိယာပြင်ပရောက်နေတယ်ဆိုတာမျိုး၊ ဖုန်းမအားသေးဘူးဆိုတာမျိုးလည်း ဖြစ်ဖြစ်သွားတယ်။ အဆိုးဆုံးကတော့ ဖုန်းခေါ်တာနဲ့ အကြာကြီးနေမှ ဖုန်းဝင်တယ်၊ ဖုန်းဝင်တာနဲ့ ချက်ချင်းလိုင်းကျသွားတာ။ ပထမတော့ ကျွန်မရဲ့ ဟန်းဆက်ကြောင့် ဖြစ်တယ်ထင်လို့ တစ်ခြားသူငယ်ချင်းတွေကို ပြောပြတော့မှ သူတို့လည်း အဲလိုတွေဖြစ်နေတာ သိရတာ။ ဒါဆိုရင်တော့ ဟန်းဆက်ကြောင့်မဟုတ်တော့ဘူး ဆက်သွယ်ရေးက တစ်ခုခုဖြစ်တာလို့ သိလိုက်တယ်”လို့ ကုမ္ပဏီလုပ်ငန်းရှင်တစ်ဦးမှ ပြောခဲ့သည်။

    “ကျွန်တော်ကတော့ လခစားဝန်ထမ်းတစ်ဦးပါ။ ဖုန်းက အမြဲတမ်း ပြောနေရတာမျိုးမရှိဘူး။ ပြီးတော့ ရုံးကိစ္စဆိုတော့ ကြိုးဖုန်းနဲ့ပြောဖြစ်တာ။ တဘက်က မိုဘိုင်းဖုန်း ဆိုရင် ဖုန်းပြောနေရင်း လိုင်းပြတ်ကျသွားတာ၊ ပြန်ခေါ်ရင် မရတော့တာမျိုးဖြစ်တယ်။ အိမ်ပြန်ရောက်ရင်လည်း ကျွန်တော်က ဖုန်းနဲ့ အင်တာနက်သုံးတာဆိုတော့ အရင်က သုံးလို့အဆင်ပြေပေမယ့်၊ ဒီရက်ပိုင်းတွေမှာ လုံးဝ အဆင်မပြေဘူး။ သူငယ်ချင်းတွေ တော်တော်များများကပြောတယ် ကျွန်တော့်ဖုန်းကို ခေါ်လို့မရဘူး၊ ခေါ်လို့မရဘူးနဲ့။ ကျွန်တော့်အိမ်ထဲမှာ ဖုန်းလုံးဝပြောလို့မရဘူး။ ဖုန်းပြောချင်ရင် အိမ်ရှေ့ဝရံတာ ထွက်ပြောရတယ်။ ဒါတောင် ပြောနေရင်း ပြတ်ပြတ်သွားတယ်။ GSM တွေရော၊ CDMA ရော WCDMA ဖုန်းတွေပါ ဖြစ်တာပါ”လို့ ရန်ကုန်မြို့မှ လူငယ်တစ်ဦးကလည်း ပြောပြလာပါတယ်။

    ယခုကဲ့သို့ ဖုန်းလိုင်းများ ပြတ်တောက်မှုဖြစ်ရခြင်းမှာ ဖုန်းသုံးစွဲမှု ပိုများသည့်အချိန်များတွင် ဖုန်းလိုင်းပြတ်တောက်ခြင်းဖြစ်ပြီး လိုအပ်သည့် ပြင်ဆင်မှုများအး အမြန်ဆုံးလုပ်ဆောင်နေပါကြောင်း မြန်မာ့ဆက်သွယ်ရေးလုပ်ငန်းမှ ပြောကြားထားပါသည်။

  • မိုဘိုင်းဖုန်းများ မက်ဆေ့စ်ပို့၍ အင်တာနက် လျှောက်ထားနိုင်ကြောင်း သိရ

    ဇူလိုင်-၂၃၊၂၀၁၃
    M-Media
    အိမေ

    MPT
    ရန်ကုန် ။         ။       ၂၀၁၃-ခုနှစ်၊ သြဂုတ်လ ၁-ရက်မှ စတင်၍ GSM, WCDMA မိုဘိုင်းများအနေဖြင့် မက်ဆေ့စ်ပို့ပြီး အင်တာနက်စနစ်ကို လျှောက်ထားနိုင်တော့မည်ဖြစ်ကြောင်း မြန်မာ့ဆက်သွယ်ရေး လုပ်ငန်းမှ သတင်းရရှိသည်။

    မြန်မာနိုင်ငံတွင် ဆက်သွယ်ရေး နည်းပညာများ တိုးတက်လာသည်နှင့် အမျှ မိုဘိုင်းဖုန်းဖြင့် အင်တာနက်သုံးစွဲမှုများ ကျယ်ပြန့်လာပြီး ဟန်းဆက် အရောင်းဆိုင်များမှ အခကြေးငွေ ၀န်ဆောင်ခယူ၍ အင်တာနက် သုံးစွဲနိုင်ရန် ကိုယ်စားလျှောက်ထားမှုများ ပြုလုပ်ပေးလျှက်ရှိကြောင်း၊အဆိုပါဝန်ဆောင်ပေးမှုသည် နေရာဒေသအလိုက် ၀န်ဆောင်ခမှာ ကျပ် ၁၀၀၀ အထက်ရှိပြီး အင်တာနက်သုံးစွဲခွင့်ရရန် ၀န်ဆောင်ခအပါ ကျပ်(၁၁၀၀၀) ဖြင့် ဈေးကွက် ဖော်ဆောင်လျှက် ရှိကြောင်းသိရသည်။

    ယင်း Prepaid GSM, WCDMA မိုဘိုင်းဖုန်းများတွင် အင်တာနက် လျှောက်ထားရာတွင် ယခင်လို ဌာနသို့လည်းကောင်း၊ ဟန်းဆက်အရောင်းဆိုင်များသို့ လည်းကောင်း၊လူကိုယ်တိုင်သွားရောက်စရာမလိုပဲ မက်ဆေ့စ်ပို့ရုံဖြင့် အချိန်ကုန် သက်သာစွာ ဆောင်ရွက်နိုင်မည်ဖြစ်ကြောင်းသိရသည်။ မက်ဆေ့စ်ပို့၍ အင်တာနက်လျှောက်ရာတွင် ဖုန်းအတွင်း ငွေကျပ်(၁၀၀၀၀) ကျော်ကို ဖြည့်သွင်းထားရှိရန် လိုအပ်ကာ နံပါတ် ၁၃၃၁ သို့ Order data Service စာသားကို မက်ဆေ့စ်ပို့ရမည်ဖြစ်ပြီး You have order data service successfully  ဆိုသည့်စာသားကို ပြန်လည်ရရှိသည်နှင့် တပြိုင်နက် အင်တာနက် လျှောက်ထားသူ၏ ဖုန်းငွေသွင်းထားသော ငွေကျပ် တစ်သောင်းကို ဖြတ်တောက်၍ အင်တာနက် ၀န်ဆောင်မှု ရရှိမည် ဖြစ်ကြောင်း သိရသည်။

    အဆိုပါ မိုဘိုင်းဖုန်းများဖြင့်မက်ဆေ့စ်ပို့၍ အင်တာနက် လျှောက်ထားနိုင်မှုအား “ကျွန်တော်က ရွှေပြည်သာမှာ နေတာပါ။ ကျွန်တော်နေတဲ့ မြို့ကနေ  ရန်ကုန်စာတိုက်ကြီးက ဆက်သွယ်ရေး ရုံးကို  အင်တာနက်လိုင်းလျှောက်ဖို့က သွားရေးလာရေး
    စရိတ်နဲ့ မထူးပါဘူး ဆိုပြီး ဖုန်းအရောင်းဆိုင်မှာပဲ လျှောက်ဖြစ်ကြတာ များပါတယ်။  ကျွန်တော် အင်တာနက် လျှောက်တုန်းက ၀န်ဆောင်ခ ၃၀၀၀ကျပ် ပေးရတယ်။ ၀န်ဆောင်ခ ပေးရပေ့မယ်လည်း အင်တာနက်က ချက်ချင်း မရပါဘူး။ တစ်ပတ်စောင့်ရပါတယ်။ အခုဆိုရင် အရင်တုန်းကလို အင်တာနက် လျှောက်ဖို့ အတွက် မအားတဲ့ ကြားထဲက အလုပ်တစ်ခု အနေနဲ့  သီးသန့် သွားစရာ မလိုတော့ပဲ အချိန်ကုန် သက်သာတယ်။ ပိုက်ဆံလည်း အပို ကုန်ကျမှု သက်သာသွားတယ်။ ဒီဝန်ဆောင်မှု ရတော့မယ် ဆိုတော့ ဖုန်းမှာ အင်တာနက် လိုင်းလျှောက်ချင်သူတွေ အတွက် အရမ်းအဆင်ပြေသွားပါတယ်” ဟု ရွှေပြည်သာ မြို့နေ ပြည်သူတစ်ဦးမှ M-Media သို့ပြောပြခဲ့ပါတယ်။