News @ M-Media

Tag: muslim women

  • ဆော်ဒီ စွန့်ဦးအမျိုးသမီးလုပ်ငန်းရှင်တစ်ဦး နိုင်ငံတကာ တီထွင်ဖန်တီးမှုဆု ရရှိ

    ဆော်ဒီ စွန့်ဦးအမျိုးသမီးလုပ်ငန်းရှင်တစ်ဦး နိုင်ငံတကာ တီထွင်ဖန်တီးမှုဆု ရရှိ

    နိုဝင်ဘာ ၂၀၊ ၂၀၁၇
    M-Media

    – ဆော်ဒီက စွန့်ဦးလုပ်ငန်းရှင် အမျိုးသမီးတစ်ဦးဟာ နိုင်ငံတကာ ထိပ်တန်း တီထွင်ဖန်တီးမှုဆုကို ဆွတ်ခူးရရှိခဲ့တယ်လို့ သိရပါတယ်။

    ဂါဇဲလ် အလ်ဒိုဆာရီဖြစ်ပြီး စက်ရုံတွေကထွက်တဲ့ စွန့်ပစ်ပစ္စည်းတွေကို ပြန်လည်အသုံးပြုနိုင်အောင် သန့်စင်ပေးနိုင်မှုအတွက် ဗြိတိန်က လူငယ် စွန့်ဦးတီထွင်သူများအဖွဲ့ Shell LiveWIRE က ပြုလုပ်တဲ့ ‘ကမ္ဘာ့ထိပ်တန်း တီထွင်ဖန်တီးသူ ၁၀’ ဦး ရွေးချယ်ပွဲမှာ ဆုရရှိခဲ့တာ ဖြစ်ပါတယ်။

    သူမဟာ Oriental Promises Trading ကုမ္ပဏီကို တည်ထောင်ထားပြီး အဓိကအားဖြင့် ပိုလီကာဘွန်နိတ် စွန့်ပစ်ပစ္စည်းတွေကို ကုန်ကြမ်းပြန်ရအောင် ဆောင်ရွက်ပေးတာဖြစ်ပါတယ်။

    အလ်ဒိုဆာရီဟာ စက်ရုံစွန့်ပစ်ပစ္စည်းတွေကို ပြန်လည်အသုံးပြုနိုင်ရေးကဏ္ဍမှာ ဆော်ဒီရဲ့ ပထမဆုံး အမျိုးသမီး စွန့်ဦးလုပ်ငန်းရှင်ဖြစ်ပြီး Shell LiveWIRE ရဲ့ ပြိုင်ပွဲမှာ အရှေ့အလယ်ပိုင်းနဲ့ မြောက်အာဖရိဒေသအတွက် တစ်ဦးတည်းသော ဆုရရှိသူ ဖြစ်ပါတယ်။

    Ref: Alarabiya

  • ရှာဒီယာ ဘစီဆို (သို့မဟုတ်) အာရပ်အားကစားလောကတွင် သမိုင်းသစ်ထိုးသူ

    ရှာဒီယာ ဘစီဆို (သို့မဟုတ်) အာရပ်အားကစားလောကတွင် သမိုင်းသစ်ထိုးသူ

    အောက်တိုဘာ ၁၇၊ ၂၀၁၇
    M-Media

    – ဂျော်ဒန်နွယ်ဖွားဖြစ်ပြီး လက်ရှိ ဒူဘိုင်းမှာနေထိုင်တဲ့ အာရပ်အမျိုးသမီး ရှာဒီယာ ဘစီဆိုဟာ အာရပ်ကမ္ဘာရဲ့ အားကစားလောကမှာ သမိုင်းသစ် ရေးထိုးနိုင်ခဲ့ပါတယ်။

    ဒါကတော့ နိုင်ငံတကာ နပန်းအားကစားလောက နာမည်ကြီး ကုမ္ပဏီ WWE နဲ့ စာချုပ်ချုပ်နိုင်ခဲ့တာဖြစ်ကာ နပန်းလောကထဲဝင်ရောက်လာတဲ့ ပထမဆုံး အာရပ်အမျိုးသမီးအဖြစ် မှတ်တမ်းဝင်ခဲ့ပါတယ်။

    ရှာဒီယာဟာ အားကစားလောကထဲကို ၀င်တာ သိပ်မကြာသေးပါဘူး။ ၂၀၁၃ ခုနှစ်မှာ ဂျူဂျစ်ဆု စတင်ကစားခဲ့ပြီး ပြင်းပြင်းထန်ထန် ကြိုးစားအားထုတ်မှုကြောင့် အချိန်တိုတိုအတွင်းမှာ အောင်မြင်မှု ရခဲ့ပါတယ်။

    “ခါးပတ်အဖြူရပြီး ၃ လအကြာမှာ ဒူဘိုင်းက ပြိုင်ပွဲတစ်ခုမှာ ဆုရခဲ့ပါတယ်။ ကြေးတံဆိပ်ရတာပါ။ အဲဒီပြိုင်ပွဲကို ကျွန်မ ဘယ်တော့မှ မမေ့နိုင်ပါဘူး” လို့ ပထမဆုံးအောင်ပွဲအတွက် ရှာဒီယာက ပြန်ပြောင်းပြောကြားခဲ့ပါတယ်။

    ယူအေအီးက နောက်ပိုင်း ဂျူဂျစ်ဆုပြိုင်ပွဲတွေမှာ ဆုတွေ ဆက်တိုက်ယူနိုင်ခဲ့တဲ့ သူမဟာ လော့စ်အိန်ဂျလိစ်၊ နယူးယောက်တို့က နိုင်ငံတကာပြိုင်ပွဲတွေမှာ ၀င်ရောက်ယှဉ်ပြိုင်ခဲ့ပါတယ်။

    “ဒီပြိုင်ပွဲတွေက WWE မှာ ၀င်စမ်းကြည့်ဖို့ ယုံကြည်မှုတွေ ရခဲ့ပါတယ်။ CrossFit ပြိုင်ပွဲမှာ ၀င်ပြိုင်ဖို့ တစ်နေ့ကို ၃ ကြိမ် ၄ ရက်လေ့ကျင့်ခဲ့ရပြီး တကယ့် အားကစားသမားတစ်ယောက်ရဲ့စိတ်ဓာတ်ကို ရရှိစေခဲ့ပါတယ်။ တော်တော်လေးကို ကောင်းမွန်တဲ့ အတွေ့အကြုံပါ”

    WWE ကို စိတ်ဝင်စားလာတဲ့ ရှာဒီယာဟာ ဒူဘိုင်းမှာ လေ့လာသင်ယူမှုတွေ ပြုလုပ်ခဲ့ပြီးတဲ့နောက် WWE က လူသစ်ရှာဖွေရေးအဖွဲ့ အကြီးအကဲ ၀ီလီယံ ရီဂဲလ်နဲ့ တွေ့ဆုံခဲ့ကာ အော်လန်ဒိုက WWE ရဲ့ Performance Center ကို ဖိတ်ခေါ်ခဲ့ရပါတယ်။

    “WWE က ခေါ်ယူစာချုပ်ချုပ်တဲ့ ပထမဆုံး အာရပ်အမျိုးသမီး ဖြစ်ရတဲ့အတွက် ကျွန်မ တကယ်ကို ဂုဏ်ယူမိပါတယ်။ ဒါဟာ ဂုဏ်ယူစရာနဲ့ အခွင့်အထူးဖြစ်သလို ကြီးမားတဲ့ တာဝန်ကြီးတစ်ခုလည်းဖြစ်ပါတယ်။ ကျွန်မပေါ်မှာ မျှော်လင့်ချက်တွေ ကြီးကြီးမားမား ထားကြမယ်ဆိုတာ ကျွန်မ သိသလို၊ အပြင်းအထန်ကြိုးစားကာ
    အကောင်းဆုံး လုပ်ဆောင်သွားမှာပါ။ WWE ကြိုးဝိုင်းထဲမှာ အရှေ့အလယ်ပိုင်းကို ကိုယ်စားပြုပြီး သူတို့ ဂုဏ်ယူနိုင်စေဖို့ပေါ့ရှင်” လို့ ရှာဒီယာက သူ့ရဲ့ခံစားရမှုကို ပြောကြားသွားခဲ့ပါတယ်။

    WWE နပန်းပွဲကို အမျိုးသမီးအားကစားသမားတွေ စိတ်ဝင်စားမှုဟာ ဒီနှစ်ပိုင်းမှာ မြင့်တက်လာခဲ့ပြီး ကမ္ဘာတစ်ဝှမ်းက အမျိုးသမီး လူငယ်ကစားသမားတွေ လက်စွမ်းပြနိုင်ဖို့အတွက် အမျိုးသမီးသီးသန့် Mae Young Classic နပန်းပြိုင်ပွဲကို WWE က ဒီနှစ်နွေရာသီမှာ စီစဉ်ပေးခဲ့ပါတယ်။ ဒီပြိုင်ပွဲကို ရှာဒီယာလည်း သွားရာက်ြ
    ကည့်ရှုခွင့်ရခဲ့ပါတယ်။

    WWE ပြိုင်ပွဲတွေအတွက် လေ့ကျင့်ဖို့ ရှာဒီယာဟာ ဇန်န၀ါရီမှာ အမေရိကန်ပြည်ထောင်စု အော်လန်ဒိုမြို့ကို သွားရောက်ရမှာ ဖြစ်ပါတယ်။

    “ကျွန်မရဲ့ ကိုယ်ပိုင်ဟန်ပန်ပဲ ဖြစ်ချင်ပါတယ်။ ကျွန်မ အရှေ့အလယ်ပိုင်းမှာ ကြီးပြင်းတယ်။ ကျွန်မ ဂျော်ဒန်ကပါ။ ဒါ့ကြောင့် ကိုယ်ပိုင်ဟန်မှာ ဒါတွေ ပါဝင်မှာပါ။ ကျွန်မ ကြိုးဝိုင်းထဲဝင်တဲ့ ဂီတကို အာရပ်ဂီတဖြစ်ချင်တယ်။ ဒါဟာ ကျွန်မတို့ရဲ့ ယဉ်ကျေးမှုပါ။ အဲတာတွေကို ကိုယ်စားပြုရတာ နှစ်သက်ပါတယ်”

    ပြီးတော့ သူမဟာ အရှေ့အလယ်ပိုင်းက အမျိုးသမီးငယ်တွေ အားကျရသူတစ်ဦးလည်း ဖြစ်ချင်နေပါတယ်။

    “လုပ်သာလုပ်ပါ။ ဘယ်လိုရည်မှန်းချက်တွေကို ချမှတ်ထားသည်ဖြစ်စေ အဲဒီရည်မှန်းချက်အပေါ်မှာ အရူးအမူး လုပ်ဆောင်ပါ။ WWE က စူပါစတားပဲဖြစ်ဖြစ်၊ တီဗီ စူပါစတားပဲဖြစ်ဖြစ် ဘာပဲ ဖြစ်ချစ်ဖြစ်ချင် အဲဒီရည်မှန်းချက်အပေါ် အရူးအမူးသာ လျှောက်လှမ်းပါ”

    Ref: Alarabiya

  • အမုန်းရာဇ၀တ်မှုကို တွန်းလှန်ဖို့ ကိုယ်လုံပညာသင်လာတဲ့ ကန်မွတ်စလင်အမျိုးသမီးများ

    အမုန်းရာဇ၀တ်မှုကို တွန်းလှန်ဖို့ ကိုယ်လုံပညာသင်လာတဲ့ ကန်မွတ်စလင်အမျိုးသမီးများ

    ဇူလိုင် ၁၀၊ ၂၀၁၇
    M-Media

    – မွတ်စလင်အမျိုးသမီး တော်တော်များများအတွက် ညဘက်မှာ အိမ်ကို လမ်းလျှောက်ပြန်ရတာ၊ ဘတ်စ်ကားစီးရတာ၊ ဗလီဝတ်ကျောင်းတော်မှာ လာရောက်ဝတ်ပြုရတာဟာ နေ့စဉ်ဆောင်ရွက်ရတဲ့ အလုပ်တွေဖြစ်ပါတယ်။ ဒါပေမယ့် တစ်ချို့အတွက်တော့ ဒီလို ပြုမူဆောင်ရွက်မှုတွေဟာ အန္တရာယ်ရှိလာခဲ့ပြီး အသက်အန္တရာယ် ကြုံရတဲ့အထိ ဖြစ်နိုင်ပါတယ်။

    ဒီအခက်အခဲတွေကို ကျော်လွှားဖို့အတွက် တက္ကဆက် မွတ်စလင်ကျောင်းသားများအသင်း (MSA) ဟာ ဒေသတွင်း ဗလီတွေ၊ အသင်းအဖွဲ့တွေနဲ့ပေါင်းပြီး မွတ်စလင်အမျိုးသမီးတွေအတွက် ခုခံတိုက်ခိုက်ရေးပညာ သင်တန်းကို ဇူလိုင်လ ၁၅ ရက်နေ့မှာ ဖွင့်လှစ်ဖို့ ရှိနေပါတယ်။ MSA ဥက္ကဌ အလ်တာမာရှာလီ ဟီရာနီက အစီအစဉ်ဟာ နိုင်ငံတစ်ဝှမ်း မြင့်တက်လာတဲ့ အမုန်းဆောင်တိုခိုက်မှုတွေကြောင့် ဖြစ်တယ်လို့ ဆိုပါတယ်။

    “ကိုယ်လုံပညာသင်တန်းတွေဟာ လိုအပ်ချက်တစ်ခု ဖြစ်လာပြီလို့ ကျွန်တော်တို့ ဆုံးဖြတ်ခဲ့ပါတယ်။ ဘာ့ကြောင့်လည်းဆိုတော့ မွတ်စလင်တွေကို ဦးတည်တဲ့ အမုန်းဆောင်တိုက်ခိုက်မှုတွေ ဖြစ်လာနေလို့ပါ။ အမျိုးသမီးအချို့ဟာ ဘာသာရေးသွန်သင်ချက်အရ ဟီဂျဘ်ကို ၀တ်တာကြောင့် သူတို့ဟာ ပစ်မှတ်ထားခံရမယ့် အလားအလာ ပိုများတယ်လို့ ကျွန်တော် ယူဆပါတယ်” လို့ ဟီရာနီက ပြောကြားခဲ့ပါတယ်။

    ဗာဂျီးနီးယားက ဟိဂျဘ်ဝတ် မွတ်စလင် ဆယ်ကျော်သက်အမျိုးသမီး နာဘရာ ဟာဆာနီ အသတ်ခံရမှုက နိုင်ငံတစ်ဝှမ်း မွတ်စလင်အမျိုးသမီးတွေကို ကြောက်စိတ်ဝင်စေခဲ့ပြီး ဒီလို လှုပ်ရှားမှုမျိုး ပေါ်လာတာလို့ သူက ဆိုပါတယ်။

    ၀ါရှင်တန်ပို့စ်က နာဘရာဟာ ဗလီဝတ်ကျောင်းတော်ထဲကနေ သူငယ်ချင်းတွေနဲ့ ထွက်သွားပြီးနောက်ပိုင်း အသတ်ခံခဲ့ရတာဖြစ်ပြီး၊ ဒီကိစ္စကို အမုန်းရာဇ၀တ်မှုနဲ့ စုံစမ်းစစ်ဆေးမှု မလုပ်ဘူးလို့ ဖော်ပြပါတယ်။

    “ဒီဟာက အင်မတန်ကို တုန်လှုန်စရာ ကောင်းပါတယ်။ ဒီသတင်းကြောင့် ကျွန်တော်တို့လူ့အဖွဲ့အစည်းမှာ တော်တော်များများက ကြောက်ရွံ့လာကြပါတယ်။ မွတ်စလင်တွေဟာ နှုတ်နဲ့ စော်ကားခံရတာမျိုးကို ကျွန်တော်တို့ ကြားဖူးပေမယ့် ကိုယ်ထိလက်ရောက် တိုက်ခိုက်တာ၊ သတ်ဖြတ်တာတွေက ကျွန်တော်တို့ရဲ့ သြစတင် လူ့အဖွဲ့အစည်းတွေအကြား ကြောက်ရွံ့မှုတွေကို ပိုမို မြင့်တက်စေပါတယ်”

    တက္ကဆက်တက္ကသိုလ်ကျောင်းသူ ဆစ်ဒ်ရာဟ်ရှားက ကျောင်းဝန်းထဲနဲ့ သြစတင်မှာ လုံခြုံတယ်လို့ ထင်ရပေမယ့် ဟီဂျဘ်ဝတ်ထားတာကြောင့် ဘာသာရေးအရ ထင်သာမြင်သာနေတဲ့အတွက် အကာအကွယ်မဲ့တယ်လို့ ခံရကြောင်း ပြောကြားခဲ့ပါတယ်။

    “သတင်းထဲမှာ မွတ်စလင်အပေါ်၊ အထူးသဖြင့် မွတ်စလင်အမျိုးသမီးတွေအပေါ် ကျူးလွန်တဲ့ အမုန်းဆောင်ရာဇ၀တ်မှုတွေကိုအကြောင်း မြင်ရမှာပါ။ မွတ်စလင်၊ အမျိုးသမီး ဟုတ်ဟုတ်၊ မဟုတ်ဟုတ် ဒါက ကြောက်စရာအခြေအနေပါပဲ” လို့ သူမက ဖွင့်ဟခဲ့ပါတယ်။

    ဒီလိုတိုက်ခိုက်မှုမျိုး ကြုံလာရတဲ့အခါ ကိုယ့်ကိုယ်ကို ကာကွယ်ဖို့အတွက် အလုံးအထည်၊ ကာကွယ်နိုင်စွမ်းနဲ့ ပတ်သက်ပြီး သူမက စိုးရိမ်နေပါတယ်။

    “ခန္ဓာကိုယ်က သိပ်မတောင့်ဘူး။ တစ်ယောက်ယောက်ကို ရင်ဆိုင်နိုင်တယ်ဆိုတဲ့ ယုံကြည်မှုမျိုးလည်း ကျွန်မမှာ မရှိပါဘူး။ ခန္ဓာကိုယ် အလုံးအထည်က အားကိုးလောက်ရမယ့် အရာမျိုးတော့ မဟုတ်ပါဘူး”

    ဆွေးနွေးပွဲမှာ ပါဝင်တဲ့ တိုက်ခိုက်ရေး သင်တန်းဆရာ မီကဲလ် အဘ်ဒူလာက သူ့အနေနဲ့ သင်တန်းမှာ တိုက်ခိုက်သူတွေကို ကာကွယ်ရေး၊ ရင်ဆိုင်ရေး၊ ကျော်လွှားရေး နည်းစနစ်တွေကို သင်ကြားပေပြီး ဒီပြဿနာတွေကို ဖြေရှင်းနိုင်ဖို့ မျှော်လင့်နေပါတယ်။

    ဒီသင်တန်းကို တက်ရောက်မယ့် တက္ကဆက်တက္ကသိုလ်က ကျောင်းသူ ဆာဒီယာရာရှစ်က ပုံမှန်အားဖြင့် အန္တရာယ်ကင်းတယ်လို့ ခံစားရပေမယ့် အမုန်းဆောင်ရာဇ၀တ်မှုကို ကြုံတွေ့ရဖူးတယ်လို့ ဆိုပါတယ်။

    “ညပိုင်းလမ်းလျှောက်သွားရင် တစ်ချို့တွေက စူးစိုက်ကြည့်တာမျိုးကို ကျွန်မ ခံရဖူးပါတယ်။ (တစ်ကြိမ်မှာ) ကျောင်းအနောက်ဖက်ဝန်းက ထွက်လာတဲ့အချိန် ယောက်ျားလေးအုပ်စုတစ်ခုက အော်တာဆဲတာမျိုးတွေ လုပ်ပါတယ်”

    ဒီလိုအဖြစ်အပျက်မျိုးတွေကို ကြုံတွေ့ပေမယ့် ဒေသတွင်းလူ့အဖွဲ့အစည်းကတော့ ညီရင်းအစ်ကို မောင်ရင်းနှမလို ဆက်ဆံကြောင်း၊ တစ်ချိန် သူနဲ့ အခြားသူတွေ နှုတ်နဲ့ စော်ကားပြောဆိုခံရတဲ့အချိန်မှာ ဒေသခံတွေက ၀ိုင်းဝန်းကာကွယ်ပေးခဲ့တယ်လို့ ဆိုပါတယ်။

    “သြစတင်ပြည်သူတွေက ကျွန်မရှေ့မှာ မားမားမတ်မတ်ရပ်တည်တာ၊ အဲဒီလူတွေကို ပြန်အော်ပေးတာမျိုး မြင်ရတဲ့အတွက် ၀မ်းသာပျော်ရွှင်ရပါတယ်”

    ဒီလိုအဖြစ်အပျက်မျိုးတွေကို ဖြေရှင်းဖို့၊ တားဆီးဖို့အတွက် ဒေသတွင်းအာဏာပိုင်တွေ၊ တက္ကသိုလ်မှာ တာဝန်ကျတဲ့ရဲတွေ၊ စိတ်ကျန်းမာရေး အကြံပေးစင်တာတွေက MSA ကို ဖုန်းခေါ်ပြီး အားပေးတာမျိုး၊ မေးမြန်းတာမျိုးတွေ ရှိတယ်လို့လည်း ဟီရာနီက ပြောကြားခဲ့ပါတယ်။

    “ဒီကိစ္စတွေ ဖြစ်နိုင်တယ်၊ ဖြစ်လာနိုင်တယ်ဆိုတာ ကျွန်မတို့ သိပါတယ်။ မဖြစ်ပါစေနဲ့လို့လည်း မျှော်လင့်ပါတယ်။ ဒါပေမယ့် လက်ရှိ ကျွန်မတို့လူ့အဖွဲ့အစည်းအနေနဲ့ ဘာမှ ကံသေကံမ မပြောနိုင်ပါဘူး”

    Ref: Daily Texano Online

     

  • အစွမ်းပြဖို့ အခွင့်အလမ်းစောင့်နေတဲ့ အာဖဂန်မှ ဆယ်ကျော်သက် အမျိုးသမီး သိပ္ပံပညာရှင်များ

    အစွမ်းပြဖို့ အခွင့်အလမ်းစောင့်နေတဲ့ အာဖဂန်မှ ဆယ်ကျော်သက် အမျိုးသမီး သိပ္ပံပညာရှင်များ

    ဇူလိုင် ၅၊ ၂၀၁၇
    M-Media

    – အာဖဂန်အမျိုးသမီးတွေ ဘယ်လောက်စွမ်းဆောင်နိုင်ကြောင်းကို ကမ္ဘာသိအောင် ချပြနိုင်မယ့် အခွင့်အလမ်းမှာ ကိုယ်တိုင် မပါဝင်နိုင်ခဲ့ပေမယ့် မိမိတုိ့အနေနဲ့ လက်လျှော့သွားမှာမဟုတ်ဘူးလို့ အာဖဂန်က ဆယ်ကျော်သက် ထီတွင်ပညာရှင် အမျိုးသမီးအဖွဲ့တစ်ခုက ပြောကြားလိုက်ပါတယ်။

    အထက်တန်းကျောင်းသူ အမျိုးသမီးငယ် ၆ ဦးပါဝင်တဲ့ အဲဒီအဖွဲ့လေးဟာ ဘောလုံးနဲ့ ကစားနိုင်ပြီး ဘောလုံးတွေကို အရောင်အလိုက် ရွေးထုတ်နိုင်တဲ့ စက်ရုပ်တစ်ခုကို တီထွင်ခဲ့ပြီး ၀ါရှင်တန်ဒီစီမှာ အခုတစ်ပတ်အတွင်း ပြုလုပ်မယ့် ကမ္ဘာ့စက်ရုပ်ပြိုင်ပွဲမှာ ပါဝင်ဖို့ ကြိုးစားခဲ့ပေမယ့် သူတို့ရဲ့စက်ရုပ်ကိုသာ ပြိုင်ပွဲက လက်ခံခဲ့ပြီး သူတို့ ၆ ယောက်ကိုတော့ အမေရိကန်က ပြည်ဝင်ခွင့်ဗီဇာ မပေးခဲ့ပါဘူး။

    “ဒီလိုအငြင်းခံရတဲ့အတွက် ကျွန်မ တော်တော်လေး စိတ်ပျက်မိပါတယ်။ ဒီ ပရောဂျက်အတွက် ၆ လလောက် ကြိုစားခဲ့ရပြီး သူတို့ကို အားပေးတိုက်တွန်းတာတွေ၊ မိသားစုတွေဆီက ခွင့်ပြုချက်တောင်းတာတွ လုပ်ခဲ့ရပါတယ်။ ဒီိလိုကြိုးစားအားထုတ်မှုတွေ လုပ်ခဲ့ပေမယ့် ကောင်မလေးတွေဟာ အမေရိကန်ကို သွားရောက်ခွင့် မရခဲ့ပါဘူး။ သူတို့လည်း တော်တော်လေးကို စိတ်မကောင်းဖြစ်နေကြပါတယ်” လို့ Citadel ဆော့ဖ်ဝဲကုမ္ပဏီကို ထူထောင်ထားပြီး ဒီအမျိုသမီးအဖွဲ့ကို ဦးဆောင်နေတဲ့ ရိုယာ မဟ်ဘူးဘ်က ပြောကြားခဲ့ပါတယ်။

    မဟ်ဘူးဘ်ဟာ အာဖဂန်မှာ နည်းပညာကုမ္ပဏီထူထောင်သူ ပထမဆုံးအမျိုးသမီးဖြစ်ပါတယ်။ သူတို့အဖွဲ့ဟာ အမေရိကန်ဗီဇာရဖို့ ၂ ကြိမ်တိုင်တိုင်ကြိုးစားခဲ့ပေမယ့် ငြင်းပယ်ခံခဲ့ရတာဖြစ်ပြီး အမေရိကန်အစိုးရကတော့ ဘာ့ကြောင့် ဗီဇာငြင်းပယ်ရလဲဆိုတာကို ထုတ်ဖော်ပြောကြားခဲ့ခြင်း မရှိပါဘူး။

    လက်ရှိမှာ သူတို့ရဲ့စက်ရုပ်ဟာ ၀ါရှင်တန်က နိုင်ငံတကာ စက်ရုပ်ပြပွဲမှာ ၀င်ရောက်ပြသခွင့်ရပေမယ့် ထီထွင်တဲ့အဖွဲ့ကတော့ လိုက်ပါနိုင်ခြင်း မရှိပါဘူး။

    ဒီအမျိုးသမီးငယ်လေးတွေဟာ အာဖဂန်အနောက်ပိုင်း လူနေထူထပ်တဲ့ ဟီရတ်မြို့ကဖြစ်ပြီး စက်ရုပ်ကို မတ်လကတည်းက တီထွင်နိုင်ခဲ့တာ ဖြစ်ပါတယ်။

    မဟ်ဘူးဘ်က ဒီအမျိုးသမီးငယ်လေးတွေဟာ အာဖဂန်ရဲ့ အနာဂတ်သိပ္ပံနယ်ပယ်က ခေါင်းဆောင်တွေ ဖြစ်လာလိမ့်မယ်လို့ မျှော်လင့်နေပြီး အာဖဂန်အမျိုးသမီးတွေ လုပ်နိုင်တယ်ဆိုတာကိုပြသဖို့ သူတို့အတွက် အခွင့်အလမ်းသာ လိုအပ်တယ်လို့ ဆိုပါတယ်။

    “ဒီကလေးမလေးတွေရဲ့အနာဂတ်အတွက် ကျွန်မတို့ တော်တော်လေး မျှော်လင့်ထားပါတယ်။ သူတို့လေးတွေ ပညာဆက်သင်လို့ရအောင်နဲ့ သိပ္ပံနဲ့ နည်းပညာမှာ အနာဂတ်ခေါင်းဆောင်တွေဖြစ်အောင် ကျွန်မတို့ ကူညီသွားမှာပါ။ အခွင့်အရေးသာ ပေးမယ်ဆိုရင် သူတို့ဟာ ယောက်ျားလေးတွေလောက်ကို စွမ်းဆောင်နိုင်တယ်ဆိုတာ သူတို့ရဲ့ မိသားစုတွေနဲ့ အာဖဂန်အစိုးရအနေနဲ့ သိထားရပါလိမ့်မယ်။ သူတို့ကို ဒီလိုသာ ခွင့်ပြုမယ်ဆိုရင် ဒီကလေးမလေးတွေဟာ အာနာဂတ်ရဲ့ အင်ဂျင်နီယာတွေ သိပ္ပံပညာရှင်တွေ ဖြစ်လာမှာဖြစ်ပြီး ဒါဟာ သူတို့အတွက် ဘယ်လောက် အခွင့်အလမ်းဖန်တီးပေးလဲဆိုတဲ့အပေါ်မှာ မူတည်ပါတယ်”

    Ref: BBC

     

  • ဆော်ဒီမှ ကင်ဆာတိုက်ဖျက်ရေး တက်ကြွလှုပ်ရှားသူ အမျိုးသမီးငယ် ကွယ်လွန်

    ဆော်ဒီမှ ကင်ဆာတိုက်ဖျက်ရေး တက်ကြွလှုပ်ရှားသူ အမျိုးသမီးငယ် ကွယ်လွန်

    ဇွန် ၃၊ ၂၀၁၇
    M-Media

    – ဆော်ဒီအာရေဗျနိုင်ငံမှ ကင်ဆာရောဂါတိုက်ဖျက်ရေး တက်ကြွလှုပ်ရှားသူ ဟန်နာ အစ္စကန်ဒါမှာ ကြာသာပတေးနေ့က ဘုရင်အဘ်ဒူလ် အဇစ်တက္ကသိုလ် ဆေးရုံတွင် ကွယ်လွန်ခဲ့သည်ဟု သိရသည်။

    အသက် ၂၄ နှစ်အရွယ် ဟန်နာမှာ ကင်ဆာရောဂါသည်တစ်ဦးဖြစ်ပြီး နေမကောင်းသည့်ကြားမှ နိုင်ငံအတွင်း ကင်ဆာရောဂါတိုက်ဖျက်ရေး စွမ်းစွမ်းတမံ ဆောင်ရွက်ခဲ့သူဖြစ်သည်။ သူမအား ဆုံးရှုံးမှုအတွက် ဆော်ဒီပြည်သူများက ဆိုရှယ်မီဒီယာတွင် ၀မ်းနည်းကြောင်း ထုတ်ဖော်ခဲ့ကြသည်။

    ဟန်နာမှာ ကင်ဆာရောဂါသည် အစ်ကိုဖြစ်သူ ဟမ်ဇာ အစ္စကန်ဒါ၏ ကင်ဆာတိုက်ဖျက်ရေး လှုပ်ရှားမှုကို ဆက်ခံခဲ့သူလည်းဖြစ်သည်။ ဟမ်ဇာမှာ လွန်ခဲ့သည့် ၄ လခန့်က ကွယ်လွန်သွားခဲ့သည်။ ဟမ်ဇာဆောင်ရွက်ခဲ့သည့် ကင်ဆာရောဂါတိုက်ဖျက်ရေး လှုပ်ရှားမှုများထဲမှ လူကြိုက်အများဆုံးမှာ I Fight Cancer With
    My Smile (ကျွန်တော့်ရဲ့အပြုံးနဲ့ ကင်ဆာကိုတိုက်ဖျက်မယ်) ဆိုသည့် အစီအစဉ်ဖြစ်သည်။

    အစ်ကိုဖြစ်သူ၏ ကင်ဆာရောဂါတိုက်ဖျက်ရေး လှုပ်ရှားမှုကို ဦးဆောင်ကာ ဆက်လက်ဆောင်ရွက်ခြင်းမှာ အစ်ကိုက ၎င်း၏ စံနမူနာယူစရာလူတစ်ဦး ဖြသည့်အတွက် ဖြစ်ကြောင်း၊ မိမိအနေဖြင့် ကင်ဆာရောဂါကို ကိုယ်စွမ်းကိုယ်စဖြင့် ကြံ့ကြံ့ခံနေသကဲ့သို့ အခြားသော ကင်ဆာဝေဒနာရှင်များကို ထိုသတ္တိမျိုးရရှိလာရေး တိုက်တွန်းအားပေးရန်ဖြစ်ကြောင်း ဟန်နာက ပြောကြားခဲ့ဖူးသည်။

    ဟန်နာမှာ ၎င်း၏အစ်ကို ဟမ်ဇာ၏ စိတ်ကူးဖြစ်သော ကင်ဆာရောဂါသည်များအား ကူညီပံ့ပိုးပေးသည့် စင်တာတစ်ခု ဖြစ်ပေါ်လာရေး ကြိုးပမ်းနေသူလည်းဖြစ်သည်။

    “ဒီစင်တာဟာ ကင်ဆာရောဂါသည်တွေအတွက် ဆေးရုံတစ်ခုထက်ပိုတဲ့ အရာမျိုး ဖြစ်မှာပါ။ အဓိက ရည်ရွယ်ချက်ကတော့ လူနာတွေအနေနဲ့ ဒီရောဂါကိုလက်ခံပြီး၊ ဆက်လက်အသက်ရှင်ရပ်တည်သွားနိုင်ရေးအကူညီအညီဖြစ်စေဖို့၊ တွန်းအားဖြစ်စေဖို့ ဖြစ်ပါတယ်” ဟု ဟန်နာက စင်တာနှင့်ပတ်သက်၍ အင်တာဗျူး
    တစ်ခုတွင် ပြောကြားခဲ့သည်။

    Ref: Alarabiya