Tag: muslim women

အီရန်နိုင်ငံသူ သိပ္ပံပညာရှင် တစ်ဦး UNESCO လူငယ် သိပ္ပံပညာရှင်ဆုကို ဆွတ်ခူးရရှိ

ဇွန် ၆၊ ၂၀၁၃
M-Media

သက်ရှိများမျိုးမတုံးစေရန် ကာကွယ်စောင့်ရှောက်သည့် ဇီ၀၀န်းကျင်ရေရှည် ထိန်းသိမ်းရေး စီမံခန့်ခွဲမှု (Management of Biosphere Reserve) ၌ ထူးချွန်စွာစွမ်းဆောင်ပေးဆပ်နိုင်မှုများကြောင့် အီရန်နိုင်ငံသူ သိပ္ပံပညာရှင်တစ်ဦးအား ၂၀၁၃ UNESCO လူငယ်သိပ္ပံပညာရှင်ဆုအားပေးအပ်ခဲ့သည်။

မေလ ၂၇ ရက်မှ ၃၀ ရက်အတွင်း ပဲရစ်တွင်ကျင်းပသော UNESCO ဌာနချုပ်အစည်းဝေးပြီးသည့်နောက် လူနှင့် ဇီ၀၀န်းကျင်ထိန်းသိမ်း စောင့်ရှောက်ရေး အပြည်ပြည်ဆိုင်ရာပူးပေါင်း ဆောင်ရွက်မှု ကော်မတီ် (International Coordinating Council of the Man And the Biosphere(MAB) program) မှ ဤကြေငြာချက်ကို ထုတ်ပြန်ခဲ့သည်။

ဂေဟစံနစ် လည်ပတ်ခြင်း၏ အရေးပါမှုအား ထိန်းသိမ်း ကာကွယ်နည်းကိုသုံး၍ ဇီ၀၀ န်းကျင်ရေရှည် တည်တံ့ဖွံ့ဖြိုးရေးအပေါ် လေ့လာတင်ပြနိုင်သည့် အတွက် အာတီရာကာဇီမီ မိုဂျာရဒ် (AtiehKazemiMojarad) မှ ၄င်းဆုကို ထိုက်ထိုက်တန်တန်ရရှိခဲ့ခြင်းဖြစ်သည်။

MAB Program သည် လူငယ်သိပ္ပံပညာရှင်များအား ဂေဟစံနစ်၊ သဘာဝရင်းမြစ်များ နှင့် မတူကွဲပြားသည့် ဇီဝမျိုးစိတ်များတွင် လေ့လာသင်ယူများပြားလာစေရန် အားပေးသောအားဖြင့် ၁၉၈၉ ခုနှစ်မှ စတင်ကာ လူငယ်သုတေသီများအား USD ၅၀၀၀ အထိ ဆုများ ပေးအပ်ချီးမြှင့်ခဲ့သည်။

MAB Program ၏ဆုကို အခြား လူငယ်သုတေသီပညာရှင် ၅ ယောက်လည်း ရရှိခဲ့သည်။ ၄င်းတို့မှာ စပိန်မှ ဂျူလီရို ဘလတ်စ် ဂါစီရာ (Julio Blas Garcia)၊ မက်စီကိုမှ အိန်ဂျလာ ကမာဂို (Angela Camargo)၊ အိန္ဒိယမှ ဘီလာ့လ် ဟဘီးဘ် (Bilal Habib)၊ အိုင်ဗရီကို့စ်မှ ဟိလိုင်ရီ ကောင်အကူး (HilaireKoakou) နှင့် နီကာရာဂွာမှ ကလော်ဒီယာ မူနီရာ (Claudia Munera) တို့ဖြစ်ကြသည်။

Program မှ အခြားလူငယ်သုတေသီ ၂ ယောက်ကိုလည်း ဇီ၀၀န်းကျင်ရေရှည်ထိန်းသိမ်းရေးစီမံခန့်ခွဲမှု အတွက် ၄င်း၏လက်ခွဲဆုဖြစ်သော Michel Batisse Award ကို ချီးမြှင့်ပေးအပ်ခဲ့ပြီး၊ ၄င်းဆုကြေး USD ၆,၀၀၀ ကို ဆွတ်ခူးခဲ့သူများမှာ တောင်အာဖရိက မှ မာရီစာ ကော့တ်ဇီ (Marisa Coetzee) နှင့် ဟယ်ရီ ဘိခ်စ်(Harry Biggs) တို့ဖြစ်ကြသည်။

ဇီ၀၀န်းကျင်ရေရှည်ထိန်းသိမ်းရေး – biosphere reserve ဟူသည် ဒေသတစ်ခု၏ အသီးသီးသော ဇီဝမျိုးစိတ် နှင့် ၄င်းတို့၏သဘာဝအား မပျက်စီးရအောင် စုပေါင်းထိန်းသိမ်းစောင့်ရှောက်ရန် ဖန်တီးလုပ်ဆောင်ချက်များ ဖြစ်သည်။ ၄င်းသည် ၀င်ငွေတိုးခြင်းကိုလည်း တည်တံ့စေသည့်အပြင်၊ ဂေဟစံနစ်များ၏ သဘာဝ နှင့် ပြောင်းလဲမှုများအပေါ် သုတေသနပြုခြင်း၊ ပညာပေးခြင်း၌ အဓိကအခြေပြုထားပါသည်။

SAB/NN
Ref: PressTV

June 6, 2013
နိုင်ငံတကာ အသိမှတ်ပြုကျောင်း ၁၄ ကျောင်းမှ ဆော်ဒီနိုင်ငံသူ မိန်းကလေးများကို ကျောင်းသူအဖြစ် လက်ခံဝင်ရောက်ခွင့်ပြု

မေ-၂၈၊၂၀၁၃

M-Media

နိုင်ငံတကာအသိမှတ်ပြုကျောင်း ၁၄ ကျောင်းမှ အကောင်းဆုံး စစ်ဆေးချက်များပြုလုပ်ပြီးသည့် နောက် ဆော်ဒီနိုင်ငံသူ မိန်းကလေးများအား တက်ရောက်ခွင့်ပြုတော့မည်ဖြစ်သည်။ ၄င်းကျောင်းများမှ အရည်အသွေးမြှင့် စစ်ဆေးမှုကို ပြုလုပ်ခဲ့သည်ဟု အမျိုးသမီးငယ်များ အတွက် ပြည်တွင်းနှင့် ပြည်ပရှိ ပညာရေးဆိုင်ရာ အဖွဲ့အစည်း(National and Foreign education for girls) ၏ ဒါရိုက်တာဖြစ်သူ အယ်လ်ဂျော်ဟာရာ အယ်လ်အာရစ်ဖီ (Al-Jawhara Al-Arifi) ကပြောကြားကြောင်း အယ်လ် အစ်က်တီဆာဒီယာ(Al-Eqtisadiyah) သတင်းစာမှ ဖော်ပြခဲ့သည်။

မြို့တော်ဂျစ်ဒါမှ နိုင်ငံတကာ ကျောင်းတခု

ပညာရေးအတိုင်ပင်ခံ နှင့် ပညာရေးဝန်ကြီးဟောင်း မဟာ ဘာဝါဇီရ် (MahaBawazir) မှ “ ဆော်ဒီ ကျောင်းသူများအား တက်ရောက်ခွင့်ပြုသောကျောင်းများမှာ ၁၄ ကျောင်းထက်ပိုမိုကြောင်း၊ ကျောင်းများ၏ အရေအတွက်ကို အတိအကျ ဖော်ပြရန် မလွယ်ကြောင်း၊ သို့သော်လည်း ၂၁ ကျောင်း နီးပါးခန့်ရှိမည်ဟု ခန့်မှန်းရကြောင်း ” ပြောကြားခဲ့သည်။

ဘာဝါဇီရ် က ပြောကြားသည်မှာ ဆော်ဒီကျောင်းသူတို့အား တက်ရောက်ခွင့်ပြုသော ကျောင်းများမှာ ပညာရေးဝန်ကြီးဌာန၏ အဆိုပြု အချက်အလက်များနှင့် ကိုက်ညီရမည်ဖြစ်ကြောင်း “အဲ့ဒီအချက် အလက်တွေ ပြည့်စုံမယ်ဆိုရင် ပြည်တွင်းရှိ နိုင်ငံတကာ အသိမှတ်ပြုကျောင်းများကို ပညာရေးမှာ အသင့်တော်ဆုံး နဲ့ တရားဝင်ပညာသင်ခွင့်ရှိတဲ့ အကောင်းဆုံးကျောင်းတွေအဖြစ် သတ်မှတ်ပေးမှာ ဖြစ်ပါတယ်။ နိုင်ငံတကာအသိမှတ်ပြုသော ကျောင်းဆိုတာ တရားဝင်ပညာ သင်ခွင့်ရတဲ့ အကောင်းဆုံး ကျောင်းဖြစ်ရပါမယ်။ အစ္စလာမ့်ရေးရာ နဲ့ အာရဗီဘာသာရပ်ကိုလည်း သင်ရိုးထဲ ထည့်သွင်းသင်ကြား ပေးဖို့လိုပါတယ်။ ပြည်တွင်းက နိုင်ငံတကာ အသိမှတ်ပြုကျောင်းတိုင်းမှာ ဒီအချက်တွေ ပြည့်စုံမှု မရှိတာကြောင့် ဆော်ဒီကျောင်းသားတွေကို တက်ရောက်ခွင့် ပိတ်ပင်ထားတာဖြစ်ပါတယ်။ အကောင်းဆုံး ကျောင်းများသာလျှင် ထောက်ခံချက်ရရှိဖို့ လျှောက်ထားနိုင်မှာပါ ” ဟု ဘာဝါဇီရ် ကပြောသည် ။

ဘာဝါဇီရ်မှ ထပ်မံ၍ ၄င်းအချက်သည် ဆော်ဒီနိုင်ငံကျောင်းသူများအတွက် ခြေလှမ်းအသစ် နှင့် အကောင်းဆုံးဖြစ်ကြောင်း၊ အဘယ်ကြောင့်ဆိုသော် အစိုးရသည် ကျောင်းများအား နိုင်ငံတကာစံနှုန်း နှင့် အစ္စလာမ်ဘာသာရေးအရ စံချိန်ဝင်ရန် စီစစ်လျက်ရှိသောကြောင့် ဖြစ်ကြောင်း ထည့်သွင်း ပြောကြားခဲ့သည်။

JCCI မှ ပုဂ္ဂလိက နှင့် နိုင်ငံတကာမိန်းကလေးကျောင်း၏ဥက္ကဌဖြစ်သူ ဖရီဒါ ဖာရ်စီ(Farida Farsi) မှ

“ ကျွန်မရဲ့ အမြင်အရ ဒီအဆိုပြုချက် နောက်ကွယ်က အကြောင်းရင်းဟာ ဆော်ဒီမှာရှိတဲ့မိဘများက သူတို့ကလေးတွေကို နိုင်ငံတကာအသိမှတ်ပြုကျောင်းမှာ တက်ရောက်စေချင်နေတာကြောင့် ဖြစ်တယ်။ ဒါကြောင့် ၀န်ကြီးက အဲ့ဒီ ကျောင်း ၁၄ ကျောင်းကို အာရပ်ဘာသာရပ် နှင့် ဘာသာရေး အတူတွဲသင်ကြားနိုင်တဲ့ အကောင်းဆုံး ကျောင်းတွေအဖြစ် အသိမှတ်ပြုသတ်မှတ်ခဲ့တာဖြစ်မယ် ” ဟု သုံးသပ်ပြောဆိုသည်။

ဆော်ဒီမှရင်းနှီးမြှုပ်နှံသူများပိုင်ဆိုင်သည့် ပြည်တွင်းရှိ နိုင်ငံတကာအသိမှတ်ပြုကျောင်းများသည် သက်ဆိုင်ရာစည်းမျဉ်းနှင့်အညီ ဆော်ဒီကျောင်းသူများအတွက် စာရင်းသွင်းမှုကို စတင်လက်ခံ နေကြောင်း ရီယဒ်ရှိ ဒေသဆိုင်ရာအမျိုးသမီးငယ်များပညာရေးအဖွဲ့ (Education in the Riyadh region for Educational Affairs for girls) ၏ လက်ထောက်ဒါရိုက်တာဖြစ်သူ မင်းသမီး ဟူဒါး အီယဖ် (Princess Huda Ayyaf) ကပြောဆိုလိုက်သည်ဟု သတင်းများက ဖော်ပြသည်။

May 30, 2013
ဧ၀ရက် တောင်ထွဋ်သို့ ပထမဆုံး ဆော်ဒီ အမျိုးသမီး အနေဖြင့် တက်ရောက်နိုင်ခဲ့

မေ-၁၉၊၂၀၁၃
M-Media

ဂရပ်ဖစ်ဒီဇိုင်းဘာသာရပ်ဖြင့်ဘွဲ့ရရှိထားသူ အသက် ၂၅ နှစ်အရွယ် Raha Moharrak သည် ဧ၀ရက်တောင်ထွဋ်ရောက် ပထမဦးဆုံး ဆော်ဒီအမျိုးသမီးတစ်ဦး ဖြစ်လာသည်။

၂၀၁၃ ခုနှစ်တွင် ဧ၀ရက်တောင်ထိပ်သို့အရောက်တက်မည်ဟု လွန်ခဲ့သော ၂ လက လူ ၄ ဦးပါ အာရပ်အုပ်စုတစ်စုမှ ကြေညာခဲ့သည်။ သူမသည် ထိုအုပ်စု၏တစ်ဦးတည်းသော အမျိုးသမီးဖြစ်သည်။

“ Raha Moharrak ရေ၊ ဂုဏ်ယူတယ်ဟေ့၊ မင်းဟာ ဧ၀ရက်တောင်ထိပ်ကိုရောက်သွားတဲ့ ပထမဆုံး အမျိုးသမီးဖြစ်ပြီ ” ဟု အဖွဲ့ဝင်တစ်ဦးက ဆိုလိုက်သည်။

ယင်း “ ပင်ယံမြင့်ဖျား အာရဗ်များ ” အဖွဲ့၌ ကာတာ တော်ဝင်မိသားစုဝင်ဖြစ်သော Mohammed Al Thani ၊ ပါလက်စတိုင်းလူမျိုး မြေယာလုပ်ငန်းရှင် Raed Zidan နှင့် ဒူဘိုင်းတွင်နေထိုင်သူ ရေခဲမုန့်လုပ်ငန်းရှင် အီရန်လူမျိုး Masoud Mohammad တို့ ပါဝင်ကြသည်။

“ ပထမဦးဆုံးဆိုတဲ့အဖြစ်ကို ကျွန်မ အလေးမထားပါဘူး။ နောက်လူအနေနဲ့ ဒုတိယဆိုတဲ့ အသိဝင်သွားမှာစိုးလို့ပါ ” ဟု Moharrak က ခရီးဆက်နေစဉ် ပြောကြားခဲ့သည်။ သူမသည် ဆော်ဒီအာရေဗျ၊ ဂျီဒဟ်မြို့မှ ဖြစ်ပြီး ယူအေအီးနိုင်ငံ၊ ရှရ်ဂျဟ်ရှိ တက္ကသိုလ်တွင် တက်ရောက်ခဲ့သူဖြစ်၏။

“ ကျွန်တော်တို့တောင်တက်ခရီးစဉ်အတွင်း နီပေါပညာရေး ပရောဂျက်အတွက် ဒေါ်လာတစ်သန်း မ,တည်ပေးနိုင်အောင် ကြိုးစားနေကြပါတယ် ” ဟု အဖွဲ့၏၀က်ဘ်ဆိုဒ်က ဆိုလိုက်သည်။

လူပေါင်း သုံးထောင်ထက်မနည်း ဧ၀ရက်တောင်သို့ရောက်နိုင်ခဲ့ကြသော်လည်း အကောင်းဆုံးတောင်တက်သမားများသည်ပင်လျှင် ၄င်း၏ မာယာများလွန်းသောရာသီဥတုကြောင့် အသက်အန္တရာယ်ကြုံတွေ့ရလေ့ရှိကြ၏။

အသက် ၈၀ အရွယ်ရှိ ဂျပန်လူမျိုးတောင်တက်သမားတစ်ဦးသည်လည်း ပြီးခဲ့သည့် ကြာသပတေးနေ့က ဧ၀ရက်တောင်သို့ ရောက်လာသည်။ ကမ္ဘာ့ခေါင်မိုးပေါ်သို့ရောက်ရှိသော အသက်ကြီးဆုံးပုဂ္ဂိုလ်အဖြစ် ရည်မှန်းထားသည်ဟု သူ၏၀က်ဘ်ဆိုဒ်မှ ဆိုလိုက်သည်။

Source:Agencies

May 19, 2013