News @ M-Media

Tag: Myanamr Muslims activities

  • နွယ်အေး စန္နီ ဂျာမေဗလီ လူမှုကူညီရေး အသင်းမှ အခမဲ့ မျက်စိ စမ်းသပ်၊ မျက်မှန်ပြုလုပ်ပေးခဲ့

    နွယ်အေး စန္နီ ဂျာမေဗလီ လူမှုကူညီရေး အသင်းမှ အခမဲ့ မျက်စိ စမ်းသပ်၊ မျက်မှန်ပြုလုပ်ပေးခဲ့

    ဒီဇင်ဘာ ၂၆ ၊ ၂၀၁၆
    M-Media
    သတင်း-သီဟ

    15698262_1296846350387251_2179907147173084950_n
    နွယ်အေး စန္နီ ဂျာမေဗလီ လူမှုကူညီရေး အသင်းမှ ရပ်ကွက်အတွင်းမှာ ရှိတဲ့ သက်ကြီးရွယ်အို များအား လူမျိုး/ဘာသာ မရွေး မျက်စိစမ်းသပ်ပေးခြင်း ၊ မျက်မှန်အခမဲ့ ပြုလုပ်ပေးခြင်းတို့ကို ဒီဇင်ဘာလ (၂၅) ရက်နေ့က ရန်ကုန်တိုင်းဒေသကြီး၊ ဒေါ်ပုံမြို့နယ်၊ နွယ်အေးရပ်ကွက် ရွှေနှင်းဆီလမ်းရှိ နွယ်အေးစန္နီ ဂျာမေဗလီဝန်းအတွင်း၌ ပြုလုပ်ပေးကြောင်းသိရှိရသည်။

    ယခုကဲ့သို့ မျက်စိ စမ်းသပ်ခြင်း၊၊ မျက်မှန် အခမဲ့ ပြုပေးခြင်းမှာ တတိယ အကြိမ်မြောက်ဖြစ်ကြောင်းသိရှိရသည်။

    နွယ်အေး စန္နီ ဂျာမေဗလီ လူမှုကူညီရေး အသင်းမှ ရပ်ကွက်အတွင်းရှိ လူမျိုးမရွေး ဘာသာမရွေး လာရောက်ပြသနိုင်သည့် အခမဲ့ဆေးခန်းတစ်ခုကိုလည်း ဖွင့်လှစ်ထားလျက်ရှိပြီး ၊ ကွန်ပျူတာသင်တန်း၊ စက်ချုပ်သင်တန်းတို့ကိုလည်း လူမျိုးဘာသာမရွေး တက်ရောက်နိုင်အောင် ဖွင့်လှစ်ထားရှိကြောင်း သိရသည်။

    ဓါတ်ပုံ-နွယ်အေး စန္နီ ဂျာမေဗလီ လူမှုကူညီရေး အသင်း FB

    15622560_1296846657053887_1847758318721318243_n

  • မွတ်စလင်ပရဟိအဖွဲ့က သောက်သုံးရေရှားပါးသည့်ဒေသများသို့ သွားရောက်အကူအညီပေး

    မွတ်စလင်ပရဟိအဖွဲ့က သောက်သုံးရေရှားပါးသည့်ဒေသများသို့ သွားရောက်အကူအညီပေး

    မေ ၂၊ ၂၀၁၆
    M-Media

    1

    – ရန်ကုန်မြို့အခြေစိုက် မွတ်စလင်ပရဟိတအဖွဲ့တစ်ခုဖြစ်တဲ့ Myanmar Islamic Youth Foundation (MIYF) အဖွဲ့ဟာ ဧရာဝတီတိုင်းဒေသကြီး ဟင်္သာတခရိုင်က သောက်သုံးရေအခက်အခဲတွေ့နေတဲ့ ကြံခင်းမြို့နယ်ကို သွားရောက်ပြီး သောက်သုံးရေနဲ့ ရေရရှိနိုင်ရေး လိုအပ်သည်များကို သွားရောက်လှူဒါန်းခဲ့တယ်လို့ အဖွဲ့ရဲ့ Facebook စာမျက်နှာမှတစ်ဆင့် သိရပါတယ်။

    ဧပြီလ ၃၀ ရက်နေ့မှာ အဖွဲ့ရဲ့နာယကဖြစ်ပြီး မြန်မာမွတ်စလင်မ် သာသနာ့ပညာရှင်အဖွဲ့ချုပ်ရဲ့ ဥက္ကဌလည်းဖြစ်တဲ့ မွဖ်သီ အီဒရစ်၊ မြန်မာမွတ်စလင်မ် သာသနာ့ပညာရှင်များအဖွဲ့မှ တာဝန်ရှိသူများမှာ MIYF မှ စေတနာ့ဝန်ထမ်းများ ပါဝင်တဲ့အဖွဲ့ဟာ ကြံခင်းမြို့နယ်ကို ကိုယ်တိုင်ကိုယ်ကျ သွားရောက်လှူဒါန်းခဲ့ကြတာပါ။

    မနက်ပိုင်းမှာ ကြံခင်းမြို့နယ် ဘက်ရဲမြို့က ၇ မိုင်အကွာမှာရှိတဲ့ ကျေးရွား ၃ ရွာက အိမ်ခြေ ၁၉၆ အိမ်၊ လူဦးရေ ၆၄၆ ဦးတို့အတွက် သောက်ရေသန့် လီတာ ၅၀၀၀၊ သုံးရေ ဂါလံ ၁၈၀၀ တို့ကို လှူဒါန်းခဲ့ကြပါတယ်။ အဲဒီနောက်မှာတော့ ရေငံကျေးရွာအတွက် တစ်နှစ်ပတ်လုံးရေထွက်တဲ့ ‘နှာခေါင်းစမ်း’ ရေထွက်ပင်ရင်းမှ ရွာသို့ ရေသွယ်တန်းနိုင်ရန် ကာလတန်ဖိုး ကျပ်သိန်း ၃၀ တန်ဖိုးရှိ PVC ပိုက်များကို ပေးပို့လှူဒါန်းမည်ဖြစ်ကြောင်း ကတိပြုခဲ့ကြပါတယ်။

    MIYF ရဲ့ အဲဒီခရီးစဉ်အတွင်းမှာ ကြံခင်းမြို့နယ် အမှတ် (၁) မဲဆန္ဒနယ်မှ တိုင်းဒေသကြီးလွှတ်တော်ကိုယ်စားလှယ် ဦးသော်ဇင်ဝင်း၊ သက်ဆိုင်ရာကျေးရွာအုပ်ချုပ်ရေးမှူးများ၊ ရပ်မိရပ်များနှင့်လည်း တွေ့ဆုံခဲ့ကြပြီး သောက်သုံးရေ ပြဿ နာကို ရေရှည် ဖြေရှင်းနိုင်ရေးအတွက် ဆွေးနွေးခဲ့ကြတယ်လို့ သိရပါတယ်။

    မြန်မာမွတ်စလင်မ် သာသနာ့ပညာရျင်များအဖွဲ့ချုပ်ရဲ့ ဦးဆောင်မှုနဲ့ ဖွဲ့စည်းတည်ထောင်ထားတဲ့ MIYF အဖွဲ့ဟာ မြန်မာနိုင်ငံတစ်ဝှမ်းက သောက်သုံးရေအခက်အခဲ ကြုံတွေ့နေရတဲ့ ဒေသတွေအတွက် အဓိကထား အကူအညီပေးဖို့ ရည်ရွယ်ဖွဲ့စည်းထားတာဖြစ်ပြီး လတ်တလောမှာတော့ ပဲခူးတိုင်းဒေသကြီးနဲ့ ဧရာဝတီတိုင်းဒေသကြီးက သောက်သုံးရေ ရှားပါးတဲ့ ဒေသတွေမှာ သွားရောက်လှူဒါန်းမှုတွေ ပြုလုပ်ခဲ့ကာ နောက်ထပ်လည်း အခြားဒေသတွေကို သွားရောက်ဖို့ ရှိနေပါတယ်။

    9

  • နမ့်ဆန်မီးဘေးသင့်ပြည်သူများအတွက် ပြင်ဦးလွင်နှင့် ကျောက်မဲမှ မွတ်စလင်များက အကူအညီများ ပေးပို့ လှူဒါန်း

    နမ့်ဆန်မီးဘေးသင့်ပြည်သူများအတွက် ပြင်ဦးလွင်နှင့် ကျောက်မဲမှ မွတ်စလင်များက အကူအညီများ ပေးပို့ လှူဒါန်း

    ဖေဖော်ဝါရီ ၇၊ ၂၀၁၆
    M-Media
    သတင်း – အောင်သူရ

    pyin 3

    – ရှမ်းပြည်နယ်မြောက်ပိုင်း နမ့်ဆန်မြို့ရှိ မီးဘေးသင့်ပြည်သူများအတွက် ပြင်ဦးလွင်နှင့် ကျောက်မဲမြို့မှ အစ္စလာမ်ဘာသာဝင်များက စားသောက်ကုန်များ၊ အ၀တ်အစားများနှင့် လူသုံးကုန်ပစ္စည်းများကို သွားရောက်လှူဒါန်းခဲ့ကြသည်ဟု သိရသည်။

    ပြင်ဦးလွင်မြို့ အိုလမာ အစ္စလာမ်သာသနာ့ညာရှင်များအဖွဲ့ခွဲက အအေးဒဏ်ခံ အ၀တ်အထည်များ၊ စောင်၊ ခြင်ထောင်နှင့် အိပ်ယာများကို ၁၄ ပေ ကုန်တင်ကားအပြည့် တင်ဆောင်ကာ ဖေဖော်ဝါရီလ ၆ ရက်နေ့တွင် နမ့်ဆန်မြို့သို့ သွားရောက်၍ မီးဘေးသင့်ပြည်သူများကို လှူဒါန်းခဲ့ကြခြင်းဖြစ်သည်။

    pyin 2

    အိုလမာ၏ ပညာရေးနှင့် လူမှုရေးအကျိုးဆောင်ကော်မတီမှ ဦးစည်းကာ မွတ်စလင်များ၏ ထည့်ဝင်လှူဒါန်းငွေဖြင့် ဆောင်ရွက်သည့် အဆိုပါ ထောက်ပံ့ကူညီမှုတွင် အ၀တ်အထည်အမျိုးမျိုး ဆာလာအိတ် ၅ ထုတ်၊ အသင့်စားခေါက်ဆွဲခြောက် ၁၀ ဖာနှင့် ငွေကျပ် ၁၅ သိန်းကျော်လည်း ပါဝင်ခဲ့သည်။

    “အတိဒုက္ခရောက်နေကြတဲ့ မီးဘေးသင့်ပြည်သူတွေရဲ့ လိုအပ်ချက်တွေကို ပြင်ဦးလွင်က မွတ်စလင်တွေက တတ်နိုင်သလောက် ဖြည့်ဆည်းပေးတာပါ။ သူတို့ လိုအပ်နေတာတွေကို အမြန်ဆုံးရရှိနိုင်အောင် ဆောင်ရွက်ပေးခဲ့တာ ဖြစ်ပါတယ်” ဟု ကော်မတီမှ တွဲဘက်အတွင်းရေးမှူး ဟာဂျီ ဦးဝင်းကိုကိုမောင်က M-Media သို့ ပြောကြားခဲ့သည်။

    ထို့ပြင် မီးဘေးသင့်ပြည်သူများ၏ ဆုံးရှုံးသွားသော အိမ်ယာများ ဆောက်လုပ်မှုအပါအ၀င် ပြန်လည်ထူထောင်ရေးလုပ်ငန်းများတွင်လည်း ပြင်ဦးလွင်မြို့ရှိ မွတ်စလင်များက ထပ်မံ ကူညီ ထောက်ပံ့ပေးသွားမည်ဟု ၎င်းက ထည့်သွင်းပြောကြားခဲ့သည်။

    km 1

    ကျောက်မဲမြို့မှ မွတ်စလင်များကလည်း မီးဘေးသင့်ပြည်သူများအတွက် အရေးပေါ်အကူအညီများ လှူဒါန်းခဲ့သည်ဟု သိရသည်။ ကျောက်မဲမြို့ အစ္စလာမ်ဘာသာရေးအဖွဲ့ ဥက္ကဌ ဒေါက်တာမြတ်သူအောင် ဦးဆောင်သည့် အဖွဲ့မှာ ဖေဖော်ဝါရီလ ၆ ရက်နေ့တွင် သွားရောက်လှူဒါန်းခဲ့ခြင်းဖြစ်ပြီး ငွေကျပ် ၅ သိန်း၊ ဆန် ၅ အိတ်၊ ပဲဆီ ၁၂၀ လီတာ၊ ခေါက်ဆွဲခြောက်နှင့် မုန့်ခြောက်များ၊ အ၀တ်အအထည် ဆာလာအိတ် ၂၀ တို့ကို ကျောက်မဲမြို့ပေါ်ရှိ နမ့်ဆန် မီးဘေးသင့်ပြည်သူများအား အကူအညီပေးရေးအဖွဲ့သို့ ပေးအပ်ခဲ့သည်။

    ကျောက်မဲမြို့မှ အစ္စလာမ်ဘာသာဝင်များမှာ မီးလောင်မှုဖြစ်ပွားသည့် ဖေဖော်ဝါရီ ၄ ရက်နေ့ကလည်း နမ့်ဆန်မြို့သို့ အစားအသောက်အများ အ၀တ်အထည်များကို သွားရောက်လှူဒါန်းခဲ့ကြသည်။

    Km 3

  • နမ့်ဆန် မီးဘေးသင့်ပြည်သူများကို အကူအညီပေးရေး မြန်မာမွတ်စလင် အဖွဲ့အစည်းများ ပြင်ဆင်

    နမ့်ဆန် မီးဘေးသင့်ပြည်သူများကို အကူအညီပေးရေး မြန်မာမွတ်စလင် အဖွဲ့အစည်းများ ပြင်ဆင်

    ဖေဖော်ဝါရီ ၆၊ ၂၀၁၆
    M-Media

    manda 3

    – ရှမ်းပြည်နယ်မြောက်ပိုင်း ကျောက်မဲခရိုင် နမ့်ဆန်မြို့တွင် ဖေဖော်ဝါရီ ၄ ရက်နေ့က ဖြစ်ပွားခဲ့သည့် မီးလောင်မှုအတွင်း ထိခိုက်ခံစားခဲ့ရသည့် ပြည်သူများအား ကူညီရန်အတွက် မွတ်စလင်အဖွဲ့အစည်းများက စတင်ဆောင်ရွက်နေကြသည်ဟု သိရသည်။

    မန္တလေး
    ———
    မန္တလေးတိုင်းဒေသကြီး အိုလမာ အစ္စလာမ်သာသနာ့ပညာရှင်များအဖွဲ့ခွဲမှ ဖေဖော်ဝါရီ ၅ ရက်နေ့ ရက်စွဲဖြင့် မေတ္တာရပ်ခံချက်တစ်စောင် ထုတ်ပြန်ခဲ့ပြီး နမ့်ဆန်မြို့ မီးဘေးသင့်ပြည်သူများအတွက် အရေးတကြီးလိုအပ်သော စားသောက်ကုန်များ၊ အ၀တ်အထည်များနှင့် ငွေကြေး များကို သွားရောက်လှူဒါန်းမည်ဖြစ်ကြောင်း၊ အစ္စလာမ် ဘာသာဝင်များအနေဖြင့် ထိုအလှူဒါနတွင် ပါဝင်ကုသိုလ်ယူနိုင်ကြောင်း ဖော်ပြထားသည်။

    အဆိုပါ အကူအညီပေးရေးလုပ်ငန်းများကို ပညာရေးနှင့် လူမှုရေး အကျိုးဆောင်အဖွဲ့မှ ဦးစီးဆောင်ရွက်ခြင်းဖြစ်ပြီး ပါဝင်ကူညီလိုသူများအနေဖြင့် အိုလမာအဖွဲ့ရုံး (၀၂-၂၁၇၄၇၊ ၀၂-၃၀၈၇၆)၊ မော်လာနာ ဟာဖစ်ဇ် အီစ်ဗ်ရာဟင်မ်ခန်း (၀၉-၂၀၃၁၅၁၀)၊ မော်လာနာ ဟာဖစ်ဇ်သွာဟစ်ရ် ဦးသန့် (၀၉-၄၀၂၅၃၇၇၆၉)၊ ဟာဂျီဦးမြင့်သိန်း (ရွှေမြိုင်သံဆိုင်) (၀၉-၂၀၁၉၇၀၆၊ ၀၉- ၉၇၅၃၁၁၃၃၃) သို့ ဆက်သွယ်လှူဒါန်းနိုင်သည်။

    manda 2

    မန္တလေးမြို့ရှိ အခြား လူမှုကူညီရေးအဖွဲ့ဖြစ်သော “အစ္စလာမ်ဘာသာ လူမှုရေးအဖွဲ့” ကလည်း မန္တလေးမြို့ပေါ်ရှိ အစ္စလာမ်ဘာသာရေး အဖွဲ့များ၊ ဗလီဂေါပကများ၊ လူမှုရေးအသင်းအဖွဲ့များ စုပေါင်း၍ မန္တလေးမြို့တွင် ဖေဖော်ဝါရီ ၆ ရက်နေ့မှစတင်ကာ အလှူငွေများ လိုက်လံကောက်ခံ မည်ဖြစ်ကြောင်း၊ နီးစပ်ရာ အလှူခံဌာနများတွင် အလှုငွေများ ထည့်ဝင်နိုင်ကြောင်း နှိုးဆော်စာတစ်စောင်ကို ယမန်နေ့က ထုတ်ပြန်ခဲ့သည်။

    “အစ္စလာမ်ဘာသာ လူမှုရေးအဖွဲ့” ၏ အကူအညီပေးရေးလုပ်ငန်းများတွင် ပါဝင်လိုပါက အလှူခံဌာနများဖြစ်သော ဂျွန်းဗလီ လူမှုဆောင်ရွက်ရေး အဖွဲ့ (၀၂-၃၀၃၃၅၁)၊ ပန်းသေးဗလီ ဂေါပကအဖွဲ့၊ မြို့သစ် (ဈ) ရှိ လူမှုဆောင်ရွက်ရေးအဖွဲ့၊ ဟာဂျီကိုစိန်လင်း (၀၉-၉၁၀၂၅၅၅၀)၊ ဟာဂျီကိုစလင်း (၂၂ လမ်း၊ ကရ၀ိတ်ကဖေး ၀၉-၂၀၂၀၇၈၆) တို့ကို ဆက်သွယ်နိုင်သည်ဟု သိရသည်။

    Musel

     

    မူဆယ်
    ——-
    မူဆယ်မြို့ရှိ “အစ္စလာမ်လူငယ်အသင်း” ကလည်း နမ့်ဆန် မီးဘေးသင့်ပြည်သူများအတွက် သွားရောက်လှူဒါန်းရန် ဆောင်ရွက်နေကြပြီး အလှူငွေထည့်ဝင်လိုသူများအနေဖြင့် အောက်ပါပုဂ္ဂိုလ်များထံ ဆက်သွယ်ပါဝင်နိုင်ကြောင်း မူဆယ်လူငယ် လူမှုကူညီရေးအသင်း၏ Facebook စာမျက်နှာတွင် ဖော်ပြထားသည်။

    ကိုဇော်မင်း ၀၉-၅၀၂၄၅၂၀
    စိုင်းဇော်ဇော် ၀၉-၄၀၃၇၂၉၅၇၀
    စိုင်းမင်းသူနိုင် ၀၉-၅၂၃၂၆၃၆
    ကိုအောင်နိုင်စိုး ၀၉-၃၀၁၃၉၆၆၆

    ၁၅ နာရီခန့် ကြာမြင့်ခဲ့သည့် နမ့်ဆန်မြို့ မီးလောင်ကျွမ်းမှုအတွင်း အိမ်ခြေ ၂၀၀ ကျော်၊ အိမ်ထောင်စု ၃၀၀၊ လူဦးရေ ၁၅၀၀ ကျော် မီးဘေးသင့်ခဲ့သည်ဟု ယခုအချိန်အထိ မီဒီယာများ၏ ဖော်ပြမှုအရ သိရသည်။ မီးဘေးသင့်မှုတွင် ဗလီဝတ်ကျောင်းတော် တခုနှင့် ဘာသာရေးစာသင်ကျောင်းတခုလည်း ပါဝင်ကြောင်း ဒေသခံများ၏ ပြောကြားချက်အရ သိရှိရသည်။

  • လူမျိုး၊ ဘာသာမခွဲခြားဘဲ ပရဟိတ လုပ်ငန်းများ လုပ်ဆောင်ပေးနေသည့် မြိတ်မွတ်စလင် လူငယ်အဖွဲ့ ၆ နှစ်ပြည့်  အခမ်းအနား ကျင်းပ

    လူမျိုး၊ ဘာသာမခွဲခြားဘဲ ပရဟိတ လုပ်ငန်းများ လုပ်ဆောင်ပေးနေသည့် မြိတ်မွတ်စလင် လူငယ်အဖွဲ့ ၆ နှစ်ပြည့် အခမ်းအနား ကျင်းပ

    ဒီဇင်ဘာ ၁၄၊ ၂၀၁၅
    M-Media

    သတင်း- ဟိန်းထက်

    FB_IMG_1450002798015.
    – တနင်္သာရီတိုင်း မြိတ်မြို့ ကန်ခေါင်းရပ်ရှိ ထုံးဖိုဗလီဝတ်ကျောင်းတော် အခြေပြု  “ထုံးဖိုဗလီလူငယ်များအဖွဲ့ နာရေးကူညီမှုလုပ်ငန်း” ၏ ၆ နှစ်မြောက်နှစ်ပတ်လည် အခမ်းအနားကို ဒီဇင်ဘာ ၁၃ ရက်နေ့ တနင်္ဂနွေနေ့က အဆိုပါ ဗလီဝတ်ကျောင်းတော်တွင် ကျင်းပပြုလုပ်ခဲ့သည်ဟု သိရသည်။
    .
    အမျိုးသမီး ၀တ်ပြုဆောင်တွင် ကျင်းပပြုလုပ်ခဲ့သည့် အဆိုပါအခမ်အနားသို့ ဗလီဝတ်ကျောင်းတော်၏ ရှေ့ဆောင် အီမာမ်ကြီးများ၊ ဂေါပကအဖွဲ့ဝင်များ၊ အလှူရှင်များ၊ လူငယ်အဖွဲ့ဝင်များနှင့် ဖိတ်ကြားထားသူများ တက်ရောက်ခဲ့ကြသည်။
    .
    အဖွဲ့တည်ထောင်မှုမှာ ပြီးခဲ့သည့် အောက်တိုဘာလတွင် ၆ နှစ်ပြည့်ခဲ့သော်လည်း နှစ်ပတ်လည်အခမ်းအနားကို အကြောင်းအမျိုးအမျိုးကြောင့် ယခုမှ ကျင်းပနိုင်ခဲ့ခြင်းဖြစ်သည်။
    .12376024_793344310811410_5021175675897575531_n
    ကုရ်အာန်ကျမ်းတော်မြတ်၏ ပထမဆုံး ကဏ္ဍကို ရွတ်ဖတ်သရာဇ္ဈယ်၍ အခမ်းအနားကို ဖွင့်လှစ်ခဲ့ပြီး ဂေါပကအဖွဲ့ ဥက္ကဌ ဦးစိန်ဝင်းမှ အမှာစကား ပြောကြားခဲ့ကြောင်း သိရသည်။ ထို့နောက် အတွင်းရေးမှူး ဦးဇော်မိုးက အဖွဲ့ဖြစ်ပေါ်လာပုံ၊ လက်ရှိလုပ်ဆောင်နေသည့် သာရေး/နာရေးနှင့် ပရဟိတလုပ်ငန်းများ၊ ရှေ့ဆက်ဆောင်ရွက်သွားမည့်လုပ်ငန်းများ၊ အဖွဲ့ဝင်များအတွင်း တာဝန်ခွဲဝေမှုများ၊ အုပ်ချုပ်ရေးပိုင်းဆောင်ရွက် မှုများကို ပရို ဂျက်တာဖြင့် အသေးစိတ် ရှင်းလင်းတင်ပြခဲ့သည်။
    .
    ထို့နောက် လူငယ်အဖွဲ့ဥက္ကဌ ဦးထွန်းမြင့်မှ ကျေးဇူးတင်စကား ပြောကြားခဲ့ပြီး ထုံးဖိုဗလီ ရှေ့ဆောင်အီမာမ် ဆရာကြီး အလ်ဟာ့ဂ်ျ မောင်လာနာ ဟာဖစ်ဇ်တွာရ်ဟာမှ ဒိုအာဆုမွန်တောင်း၍ အခမ်းအနားကို ရုပ်သိမ်းခဲ့ကာ အခမ်းအနားသို့ တက်ရောက်လာကြသူများကို အကျွေးအမွေးဖြင့် ဧည့်ခံခဲ့သည်။
    .
    “ထုံးဖိုဗလီလူငယ်များအဖွဲ့ နာရေးကူညီမှုလုပ်ငန်း” ကို ၂၀၀၉ ခုနှစ် အောက်တိုဘာလတွင် စတင်ဖွဲ့စည်းခဲ့ခြင်းဖြစ်ပြီး အစ္စလာမ်ဘာသာဝင်များ၏ နာရေးကိစ္စများကို ကူညီဆောင်ရွက်ပေးရန် ရည်ရွယ်ခဲ့ခြင်းဖြစ်သည်။ ထို့နောက် တစ်ဖြည်းဖြည်းဖြင့် ဘာသာပေါင်းစုံ နာရေး ကိစ္စများ၊ သာရေးကိစ္စများ၊ ပရဟိတ လုပ်ငန်းများ၊ ဘာသာပေါင်းစုံ ချစ်ကြည်ရေးလုပ်ငန်းများကိုပါ ချဲ့ထွင်လုပ်ကိုင်လာနိုင်ခဲ့သည်ဟု အဖွဲ့၏ အတွင်းရေးမှူးဖြစ်သူ ဦးဇော်မိုးက ပြောကြားခဲ့သည်။

    မွတ်စလင်များအပြင် ဗုဒ္ဓဘာသာဝင်များ၊ ဟိန္ဒူဘာသာဝင်များကလည်း မိမိတို့အဖွဲ့ကို ယုံကြည်စိတ်ချစွာ လာရောက် အကူအညီတောင်းခံမှုများကြောင့် သွားရောက် ကူညီပေးရမှုလည်း ရှိနေပြီး ယခုနှစ်အတွင်း မြန်မာနိုင်ငံ တစ်ဝှမ်းတွင် ဖြစ်ပွားခဲ့သော ရေးဘေးကြောင့် ထိခိုက်ခံစားခဲ့ရသူ ပြည်သူများအတွက်လည်း မိမိတို့အဖွဲ့က ထောက်ပံ့ ကူညီမှုများ ပြုလုပ်ခဲ့သည်ဟု ၎င်းက ထည့်သွင်းပြောကြားခဲ့သည်။
    .
    လက်ရှိအချိန်တွင် “ထုံးဖိုဗလီလူငယ်များအဖွဲ့ နာရေးကူညီမှုလုပ်ငန်း” ၏ အဖွဲ့ဝင် အိမ်ထောင်စုပေါင်းမှာ ၁၀၀၀ ကျော်ရှိပြီး၊ ပရဟိတလုပ်ငန်းများကို လိုက်လံ လုပ်ဆောင်ပေးနေသော အဖွဲ့ဝင် အမျိုးသား၊ အမျိုးသမီး စုစုပေါင်း ၄၅ ဦးခန့် ရှိနေသည်။ အဖွဲ့၏ ရန်ပုံငွေများအတွက် အဖွဲ့ဝင်တစ်အိမ်ထောင်လျှင် တစ်လ ၁၀၀၀ ကျပ်နှုန်း ကောက်ခံကာ ထိုရန်ပုံငွေမှာ အဖွဲ့ဘဏ္ဍာရေးအပိုင်းအတွက် အဓိက အားထားရသည့် ရန်ပုံငွေဖြစ်သည်။ အဖွဲ့ဝင်အိမ်ထောင်စုများ၌ နာရေးကိစ္စဖြစ်လျှင်လည်း မိမိတို့အဖွဲ့မှ ထောက်ပံ့ကြေး ၁ သိန်းခွဲပေးအပ်သည်ဟု ဦးဇော်မိုးက ဆိုသည်။
    .
    “အဓိကတော့ စည်းလုံးညီညွတ်မှုပါပဲ။ အဖွဲ့သားတွေက စည်းလုံးညီညွတ်မှုရှိတယ်။ ပြီးတော့ အဖွဲ့သားတွေရဲ့ တာဝန်ခွဲဝေမှုအပိုင်းတွေမှာလည်း အကန့်လေးတွေနဲ့ ခွဲပေးထားတယ်။ အဲဒီတော့ (အခြားအဖွဲ့တွေလည်း) စည်းစည်းလုံးလုံးနဲ့ လုပ်မယ်ဆိုရင်တော့ အောင်မြင်မှာပါ” ဟု ဦးဇော်မိုးက အကြံပြုပြောကြားခဲ့သည်။

    (ဓာတ်ပုံများကို “ထုံးဖိုဗလီလူငယ်များအဖွဲ့ နာရေးကူညီမှုလုပ်ငန်း” ၏ Facebook စာမျက်နှာမှ ရယူဖော်ပြသည်။)

    အဖွဲ့၏ Facebook Page >> “ထုံးဖိုဗလီလူငယ်များအဖွဲ့ နာရေးကူညီမှုလုပ်ငန်း”