News @ M-Media

Tag: Myanmar Army

  • မြန်မာစစ်ခေါင်းဆောင် ၄ ဦးကို အမေရိကန်က ဒဏ်ခတ်၊ ထိရောက်မည်မဟုတ်ဟု ပညာရှင်များပြော

    မြန်မာစစ်ခေါင်းဆောင် ၄ ဦးကို အမေရိကန်က ဒဏ်ခတ်၊ ထိရောက်မည်မဟုတ်ဟု ပညာရှင်များပြော

    ဇူလိုင် ၁၇၊ ၂၀၁၉
    M-Media

    -ရိုဟင်ဂျာမွတ်စလင်တွေအပေါ် လူမျိုးစုလိုက် ရှင်းလင်းမှုမှာ ပါဝင်တဲ့ကိစ္စအတွက် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် အပါအ၀င် မြန်မာစစ်တပ်က ထိပ်တန်းခေါင်းဆောင် ၄ ဦးကို ပိတ်ဆို့မှုတွေ ပြုလုပ်လိုက်တယ်လို့ အမေရိကန်က မနေ့မှာ ထုတ်ပြန်ကြေငြာခဲ့ပါတယ်။

    လွန်ခဲ့တဲ့ ၂ နှစ်အရင် ရိုဟင်ဂျာ ၇ သိန်းကျော် ဘင်္ဂလားဒေ့ရ်ှဖက်ကို ထွက်ပြေးရတဲ့ကိစ္စမှာ စစ်ဖက် ထိပ်တန်းခေါင်းဆောင်တွေ ပါဝင်ခဲ့တယ်ဆိုတဲ့ ခိုင်လုံတဲ့ သက်သေအထောက်အထားတွေ တွေ့ရတယ်လို့ အမေရိကန်အစိုးရက ထုတ်ပြန်တဲ့ ကြေငြာချက်မှာ ဖော်ပြထားပါတယ်။

    “မြန်မာစစ်တပ်ရဲ့ ထိပ်ပိုင်းခေါင်းဆောင်တွေကို လူသိရှင်ကြား အရေးယူတာ အမေရိကန်က ပထမဆုံးပါ။ လူအခွင့်အရေး ချိုးဖောက်သူတွေ၊ ညှင်းပမ်းနှိပ်စက်သူတွေကို မြန်မာအစိုးရက အရေးယူမှု မရှိတာကို ကျွန်တော်တို့ စိုးရိမ်မိပြီး၊ မြန်မာစစ်တပ်ဟာ နိုင်ငံတစ်ဝှမ်း လူ့အခွင့်အရေး ချိုးဖောက်မှုတွေ၊ ညှင်းပမ်းမှုတွေ လုပ်ဆောင်နေတယ်ဆိုတဲ့ သတင်းတွေလည်း ဆက်လက်
    ထွက်ပေါ်နေပါတယ်” လို့ နိုင်ငံခြားရေးဝန်ကြီး မိုက် ပွမ်ပီယိုက ပြောကြားခဲ့ပါတယ်။

    အမေရိကန်ရဲ့ ဒဏ်ခတ်အရေးယူမှု ခံလိုက်ရသူတွေက ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒုတိယ ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး စိုးဝင်း၊ ဗိုလ်မှူးချုပ် သန်းဦးနဲ့ ဗိုလ်မှူးချုပ် အောင်အောင်တို့ဖြစ်ပြီး သူတို့ရဲ့ မိသားစုတွေလည်း အရေးယူပိတ်ဆို့ခံရမှုမှာ ပါဝင်ပါတယ်။

    ရိုဟင်ဂျာတွေအပေါ် မြန်မာစစ်တပ်က ကျူးလွန်မှုတွေမှာ လူမျိုးတုန်းသတ်ဖြတ်လိုတဲ့ ရည်ရွယ်ချက် ပါဝင်နေတယ်လို့ ကုလ စုံစမ်းစစ်ဆေးရေးမှူးတွေက ပြောကြားထားပြီး နိုင်ငံတကာ ရာဇ၀တ်ခုံရုံးကလည်း ကနဦး စုံစမ်းစစ်ဆေးမှုတွေ လုပ်ဆောင်နေပါတယ်။

    နိုင်ငံခြားရေးဝန်ကြီးဟောင်း ရက်စ် တီလာဆန်လက်ထက် ၂၀၁၇ ခုနှစ်က မြန်မာစစ်တပ်ရဲ့ လုပ်ရပ်တွေဟာ လူမျိုးစုလိုက် ရှင်းလင်းမှု မြောက်တယ်လို့ အမေရိကန်က ထုတ်ပြန်ခဲ့ပြီး၊ ပွမ်ပီယိုကလည်း မနေ့က ဒီစကားကို ထပ်မံ ပြောကြားခဲ့ပါတယ်။

    မြန်မာစစ်တပ်နဲ့ အစိုးရတို့က ကုလ၊ နိုင်ငံတကာ လူ့အခွင့်အရေးအဖွဲ့တွေရဲ့ စွပ်စွဲချက်တွေကို ငြင်းဆိုပြီး ရိုဟင်ဂျာလက်နက်ကိုင်အဖွဲ့ကို ပစ်မှတ်ထား တိုက်ခိုက်တာသာဖြစ်တယ်လို့ ထုတ်ပြန်ထားပါတယ်။

    အမေရိကန်ရဲ့ ဒီအရေးယူမှုဟာ ၂၀၁၁ ခုနှစ်မှာ ပြုပြင်ပြောင်းလဲရေး လုပ်ဆောင်ခဲ့တဲ့ မြန်မာနိုင်ငံအပေါ် စိတ်ပျက်လာတယ်ဆိုတဲ့ အနေအထားကို မြင်ရတာလည်း ဖြစ်ပါတယ်။

    အလုပ်မဖြစ်

    မြန်မာနဲ့ အမေရိကန် ဆက်ဆံရေးမှာ အတွင်းကျကျ ပါဝင်နေပြီး အမေရိကန်အစိုးရ၀န်ထမ်းဟောင်းလည်းဖြစ်တဲ့ အဲရင် မာဖီက အခုပိတ်ဆို့မှုဟာ ဗိုလ်ချုပ်တွေအပေါ် တိုက်ရိုက် သက်ရောက်မှုရှိမှာ မဟုတ်ဘဲ၊ အမေရိကန်ကို အလည်အပတ် ဒါမှမဟုတ် ကျောင်းတက်ဖို့လာချင်တဲ့ သူတို့ရဲ့ သားသမီးတွေ၊ မြေးမြစ်တွေအပေါ်ပဲ ထိခိုက်မယ်လို့ သုံးသပ်ခဲ့ပါတယ်။

    ပိတ်ဆို့မှုဟာ အပြောင်းအလဲလုပ်ဖို့ တွန်းအားတစ်ခုဖြစ်ပေမယ့် ရိုဟင်ဂျာတွေအပေါ် စစ်တပ်ရဲ့ အပြုအမူတွေ ပြောင်းလဲဖို့ မသေချာဘူးလို့လည်း သူမက ဆိုပါတယ်။

    “အမြစ်တွယ်နေတဲ့ လူမျိုးရေးခွဲခြားမှု အပြုအမူတွေ၊ နိုင်ငံခြားသားကြောက် အပြုအမူတွေကို တုန့်ပြန်ရာမှာ ခရီးသွားလာခွင့် ပိတ်ဆို့တာလောက်နဲ့ အပြောင်းအလဲ ဖြစ်လာမှာ မဟုတ်ပါဘူး။ အရမ်းရှုပ်ထွေးပြီး ခက်ခဲတဲ့ကိစ္စကို ကိုင်တွယ်ဖို့အတွက် အပြစ်ပေးတာ၊ မက်လုံးပေးတာလို အခြားနည်းလမ်းတွေလည်း လိုအပ်ပါတယ်”

    ပြီးခဲ့တဲ့နှစ်ကလည်း မြန်မာစစ်တပ်က အရာရှိတစ်ချို့ကို အမေရိကန်က အရေးယူခဲ့ပေမယ့် စီးပွားရေး ကန့်သတ် ပိတ်ဆို့မှုလောက်သာ ဖြစ်ပါတယ်။

    ရိုဟင်ဂျာကိစ္စနဲ့ပတ်သက်ပြီး ပြီးခဲ့တဲ့နှစ် အမေရိကန်ရဲ့ လေ့လာထုတ်ပြန်ချက်မှာ မြန်မာစစ်တပ်ဟာ ရိုဟင်ဂျာတွေအပေါ် အကြမ်းဖက်မှု၊ မောင်းထုတ်မှုတွေကို အကြီးအကျယ်လုပ်ဆောင်ခဲ့ပြီး၊ အုပ်စုဖွဲ့ အဓမ္မကျင့်တာ၊ အစုလိုက်အပြုံလိုက် သတ်ဖြတ်တာနဲ့ ရွာလုံးကျွတ် မီးရှို့တာတွေလည်း ရှိခဲ့တယ်လို့ ဖော်ပြထားပါတယ်။

    နယ်စည်းမခြား ဆရာဝန်များအဖွဲ့က ၂၀၁၇ ခုနှစ် သြဂုတ်လကစလို့ မြန်မာစစ်တပ်က ပြုလုပ်တဲ့ နယ်မြေရှင်းလင်းရေးမှာ ရိုဟင်ဂျာ အနည်းဆုံး ၆၇၀၀ လောက် အသတ်ခံခဲ့ရတယ်လို့ ခန့်မှန်းတွက်ချက်ခဲ့ပါတယ်။

    Ref: Aljazeera

  • ရခိုင်ပြည်နယ်တွင် စစ်ရာဇ၀တ်မှု ထပ်ရှိလာနိုင်သည်ဟု ယန်ဟီးလီပြော

    ရခိုင်ပြည်နယ်တွင် စစ်ရာဇ၀တ်မှု ထပ်ရှိလာနိုင်သည်ဟု ယန်ဟီးလီပြော

    ဇူလိုင် ၃၊၂၀၁၉
    M-Media

    မြောက်ဦးတွင် အစိုးရစစ်တပ်၏ ဖမ်းဆီးစစ်ကြောမှုအတွင်း သေဆုံးသွားခဲ့သည့် ရခိုင်အမျိုးသားတစ်ဦး၏ ဈာပန (Photo credit – Irrawaddy)

    -နိုင်ငံအနောက်ပိုင်း ရခိုင်ပြည်နယ်မှာ လတ်တလောဖြစ်ပွားနေတဲ့ တိုက်ပွဲတွေအတွင်း အစိုးရစစ်တပ်နဲ့ တိုင်းရင်းသားလက်နက်ကိုင်တွေရဲ့ ကျူးလွန်မှုတွေဟာ စစ်ရာဇ၀တ်မှုမြောက်နိုင်တယ်လို့ မြန်မာနိုင်ငံရဲ့ လူ့အခွင့်အရေးဆိုင်ရာ ကုလ အထူးကိုယ်စားလှယ် ယန်းဟီလီက မနေ့မှာ ပြောကြားလိုက်ပါတယ်။

    ရိုဟင်ဂျာ လက်နက်ကိုင်အဖွဲ့ ARSA က ရခိုင်ပြည်နယ် မြောက်ပိုင်းမှာရှိတဲ့ ရဲကင်းစခန်းတွေကို စီးနင်းတိုက်ခိုက်မှုနောက်ပိုင်း အစိုးရတပ်ရဲ့ စစ်ဆင်ရေးတွေမှာ စစ်ရာဇ၀တ်၊ လူသားထုအပေါ်ကျူးလွန်တဲ့ ရာဇ၀တ်မှုတွေ ရှိခဲ့တယ်လို့ ကုလက ပြောကြားခဲ့ပြီး၊ အခု ဒုတိယအကြိမ် ဒီလိုပြောကြားမှု ထွက်ပေါ်လာတာပါ။

    ၂၀၁၇ ခုနှစ်နောက်ပိုင်း ရခိုင်ပြည်နယ်မြောက်ပိုင်းက နယ်မြေရှင်းလင်းရေးမှာ အစိုးရတပ်ဖွဲ့တွေဟာ အစုလိုက်အပြုံလိုက် သတ်ဖြတ်တာ၊ အုပ်စုဖွဲ့ အဓမ္မကျင့်တာ၊ ရွာလုံးကျွတ် မီးရှို့တာ၊ ‘လူမျိုးတုန်းစေလိုတဲ့ ရည်ရွယ်ချက်’ နဲ့ သတ်ဖြတ်တာတွေ ရှိခဲ့တယ်လို့လည်း ကုလက စွပ်စွဲပြောဆိုထားပါတယ်။ စစ်ဆင်ရေးအတွင်း ရိုဟင်ဂျာ ၈ သိန်းနီးပါး ဘင်္ဂလားဒေ့ရ်ှဖက်ကို ထွက်ပြေးခဲ့ရပါတယ်။

    မြန်မာအစိုးရနဲ့ စစ်တပ်တို့ကတော့ ဒီစွပ်စွဲချက်တွေကို ငြင်းဆိုထားပြီး ARSA စစ်သွေးကြွတွေကိုသာ တိုက်ခိုက်တာဖြစ်တယ်လို့ ထုတ်ပြန်ထားပါတယ်။

    AA နှင့် တိုက်ပွဲ

    ၂၀၁၈ ခုနှစ် နှောင်းပိုင်းကစလို့ ရခိုင်ပြည်နယ်မြောက်ပိုင်းနဲ့ ချင်းပြည်နယ်တို့မှာ ရခိုင်လက်နက်ကိုင်အဖွဲ့ AA နဲ့ မြန်မာစစ်တပ်အကြား တိုက်ပွဲတွေ အဆက်မပြတ် ဖြစ်လာခဲ့ပြီး အရပ်သားတွေ သေဆုံးမှု၊ အိုးအိမ်စွန့်ခွာ ထွက်ပြေးရမှုတွေလည်း ရှိခဲ့ပါတယ်။

    ဇွန်လ ၂၂ ရက်နေ့မှာ ရခိုင်ပြည်နယ် မြောက်ပိုင်းနဲ့ ချင်းပြည်နယ် ပလက်ဝမြို့တွေမှာ အင်တာနက် ၀န်ဆောင်မှုကို ဖြတ်တောက်ဖို့ အစိုးရက ဆက်သွယ်ရေးလုပ်ငန်းတွေကို အမိန့်ပေးခဲ့ပြီး “အင်တာနက်ကို အသုံးပြုပြီး တရားမ၀င်လုပ်ငန်းတွေမှာ ပါဝင်နေတာ၊ ငြိမ်းချမ်းရေးအတွက် အနှောက်အယှက်ဖြစ်စေတာတွေကြောင့်” ဖြစ်တယ်လို့ ဆိုပါတယ်။

    ဒီလို အင်တာနက် ပိတ်ပင်မှုကို အခွင့်ကောင်းယူကာ အစိုးရစစ်တပ်က လူ့အခွင့်အရေးချိုးဖောက်မှုတွေ ဆိုးဆိုးဝါးဝါး ကျူးလွန်လာနိ်ုင်တယ်လို့ မြန်မာနိုင်ငံရဲ့ လူ့အခွင့်အရေးဆိုင်ရာ ကုလ အထူးကိုစားလှယ် ယန်းဟီးလီက ပြီးခဲ့တဲ့တစ်ပတ်မှာ ပြောကြားခဲ့ပါတယ်။

    ဒါ့အပြင် အစိုးရစစ်တပ်နဲ့ AA တို့ရဲ့ ကျူးလွန်မှုတွေဟာ စစ်ရာဇ၀တ်မှု မြောက်နိုင်တဲ့ အခြေအနေမျိုး ဖြစ်တယ်လို့လည်း ယန်ဟီးလီက လူ့အခွင့်အရေးကောင်စီမှာ မနေ့က ထပ်မံ ပြောကြားခဲ့ပါတယ်။

    “ရခိုင်ပြည်နယ်မြောက်ပိုင်းနဲ့ ချင်းပြည်နယ် တောင်ပိုင်းတို့မှာ ပြီးခဲ့တဲ့လတွေအတွင်း AA နဲ့ တိုက်ပွဲတွေ ဆက်ဖြစ်နေပြီး အရပ်သားတွေကတော့ ဆိုးဆိုးဝါးဝါး ထိခိုက်ခံစားနေရပါတယ်။ တပ်မတော်နဲ့ AA တို့ရဲ့ လုပ်ရပ် တော်တော်များများဟာ နိုင်ငံတကာ လူသားချင်း စာနာထောက်ထားမှုဆိုင်ရာ ဥပဒေကို ချိုးဖောက်နေပြီး၊ စစ်ရာဇ၀တ်မှု၊ လူ့အခွင့်အရေး ချိုးဖောက်မှုတောင် မြောက်နိုင်ပါတယ်”

    ပလက်ဝမှာ ဆောက်လုပ်ရေးလုပ်သား ၁၂ ဦး၊ ဘင်္ဂလားဒေ့ရ်ှနယ်စပ်မှာ ရွာသား ၅၂ ဦးတို့အပါအ၀င် AA က အရပ်သားတွေ ပြန်ပေးဆွဲမှုကို ယန်ဟီးလီက လူ့အခွင့်အရေးကောင်စီမှာ တင်ပြခဲ့ပါတယ်။

    စစ်တပ်ဟာ ရခိုင် အမျိုးသားတွေကို AA နဲ့ ဆက်သွယ်တယ်လို့ဆိုကာ ဖမ်းဆီးစစ်ကြောမှုတွေ ရှိနေပြီး ဖမ်းဆီးခံထားရသူတွေ သေဆုံးတာ၊ ဧပြီလအတွင်းက ဝါးခုတ်နေတဲ့ ရိုဟင်ဂျာ လူငယ်တွေကို ရဟတ်ယာဉ်ပေါ်ကနေ စစ်တပ်က ပစ်ခတ်တာတွေကိုလည်း ယန်းဟီးလီက ထည့်သွင်း ပြောကြားခဲ့ပါတယ်။

    တိုက်ပွဲတွေကြောင့် ရခိုင်ပြည်နယ်မှာ ယခုနှစ်အတွင်း အိုးအိမ်စွန့်ခွာ ထွက်ပြေးရသူ ၃၅၀၀၀ လောက် ရှိနေတယ်လို့လည်း သူမက ဆိုပါတယ်။

    မြန်မာသံအမတ် ဦးကျော်မိုးထွန်းက မြန်မာအစိုးရဟာ သြဂုတ်လကတည်းက အပစ်ရပ်ရေး ကြေငြာခဲ့ပြီး အမျိုးသားရင်ကြားစေ့ရေးအတွက် ကြိုးပမ်းနေကြောင်း၊ လွတ်လပ်စွာ ဖော်ပြခွင့်၊ မီဒီယာလွတ်လပ်ခွင့်တို့ကို အလေးထားပေမယ့် လုံခြုံရေး၊ လွတ်လပ်ခွင့်နဲ့ တာဝန်ခံမှုတွေအကြား ဘက်မျှအောင် ဆောင်ရွက်ဖို့ လိုအပ်ကြောင်း လူ့အခွင့်အရေး ကောင်စီမှာ တုန့်ပြန်ပြောကြားခဲ့ပါတယ်။

    အင်တာနက် ဖြတ်တောက်မှုဟာ ရွာသားတွေကို ထိခိုက်စေပြီး၊ အကူအညီပေးရေးကို အဟန့်အတားဖြစ်စေကာ စစ်တပ်အတွက်တော့ အကာအကွယ်ပုံစံမျိုး ဖြစ်သွားတယ်လို့လည်း ယန်ဟီးလီက ထည့်သွင်း ထောက်ပြခဲ့ပါတယ်။

    Ref: Reuters

  • ရိုဟင်ဂျာများအပေါ် ကျူးလွန်ခဲ့သည့် တပ်ရင်းတပ်ဖွဲ့များ ရခိုင်များအပေါ်လည်း စစ်ရာဇ၀တ်မှု ကျူးလွန်နေဟု Amnesty International ဖော်ထုတ်

    ရိုဟင်ဂျာများအပေါ် ကျူးလွန်ခဲ့သည့် တပ်ရင်းတပ်ဖွဲ့များ ရခိုင်များအပေါ်လည်း စစ်ရာဇ၀တ်မှု ကျူးလွန်နေဟု Amnesty International ဖော်ထုတ်

    မေ ၃၀၊ ၂၀၁၉
    M-Media

    ရခိုင်ပြည်နယ်တွင် တွေ့ရသည့် မြန်မာစစ်သားတစ်ဦး (Photo Credit – BBC)

    -ရခိုင်ပြည်နယ်မှာ ရိုဟင်ဂျာတွေအပေါ် ရာဇ၀တ်မှုတွေ ကျူးလွန်ခဲ့တဲ့ တပ်ရင်းတပ်ဖွဲ့တွေဟာ လတ်တလော ရခိုင်လက်နက်ကိုင်အဖွဲ့ AA နဲ့ ဖြစ်ပွားတဲ့ တိုက်ပွဲတွေမှာလည်း ရခိုင်တိုင်းရင်းသားတွေအပေါ် စစ်ရာဇ၀တ်မှုတွေ ကျူးလွန်နေတယ်လို့ နိုင်ငံတကာ လူ့အခွင့်အရေးအဖွဲ့တစ်ခုဖြစ်တဲ့ Amnesty International က ထုတ်ပြန်ပြောကြားလိုက်ပါတယ်။

    မြန်မာစစ်တပ်နဲ့ AA တို့အကြား ပြီးခဲ့တဲ့နှစ် နှောင်းပိုင်းကတည်းက ဖြစ်ပွားခဲ့တဲ့ တိုက်ပွဲတွေဟာ အခုလအစောပိုင်း AA က ရဲစခန်းတွေကို စီးနင်းတိုက်ခိုက်မှုအပြီးမှာတော့ ပိုမိုပြင်းထန်လာခဲ့ပါတယ်။ ရဲစခန်းကို AA က တိုက်ခိုက်မှုအတွင်း ရဲတပ်ဖွဲ့ ၁၃ ဦး ကျဆုံးခဲ့ပါတယ်။

    ၂၀၁၇ ခုနှစ် သြဂုတ်လနောက်ပိုင်း ရိုဟင်ဂျာတွေအပေါ် ရက်စက်ကြမ်းကြုတ်မှုတွေ လုပ်ဆောင်ခဲ့တဲ့ ရခိုင်ပြည်နယ်အခြေစိုက် အနောက်ပိုင်း စစ်ဌာနချုပ်က တပ်ရင်းတပ်ဖွဲ့တွေဟာ လတ်တလော မတည်ငြိမ်မှုတွေအတွင်းမှာလည်း ရခိုင်တိုင်းရင်းသားတွေအပေါ် စစ်ရာဇ၀တ်မှု ကျူးလွန်တာ၊ လူ့အခွင့်အရေး ချိုးဖောက်တာတွေ လုပ်ဆောင်ခဲ့တယ်ဆိုတာ စုံစမ်းဖော်ထုတ်မှုတွေမှာ တွေ့ရှိခဲ့ရကြောင်း မနေ့က Amnesty International က ထုတ်ပြန်တဲ့ အစီရင်ခံစာမှာ ဖော်ပြထားပါတယ်။

    ကျူးလွန်သူတွေဟာ အမှတ် (၂၂) နဲ့ အမှတ် (၅၅) ခြေမြန်တပ်မက စစ်သားတွေဖြစ်ကြောင်း ကျူးလွန်ခံရသူတွေက Amnesty အဖွဲ့ကို ပြောကြားခဲ့ပါတယ်။ အဲဒီတပ်မတွေဟာ မြန်မာတစ်နိုင်ငံလုံးမှာ လှုပ်ရှားကြတာ ဖြစ်ပါတယ်။

    “ရိုဟင်ဂျာလူကအဖွဲ့အစည်းအပေါ် ရက်စက်ကြမ်းကြုတ်မှုတွေပြုလုပ်မှုကြောင့် ကမ္ဘာကြီးက အုပ်အော်သောင်းနင်းဖြစ်ခဲ့ပြီး ၂ နှစ် မပြည့်ခင်မှာပဲ မြန်မာစစ်တပ်ဟာ ရခိုင်ပြည်နယ်က အခြားလူမျိုးစုတွေအပေါ်မှာလည်း ကြမ်းကြုတ်တဲ့ ကျူးလွန်မှုတွေကို ထပ်လုပ်လာပါတယ်။ စစ်တပ်က နောင်တရမှုမရှိ၊ ပြုပြင်ပြောင်းလဲမှုမရှိ၊ တာဝန်ယူမှု တာဝန်ခံမှုမရှိဘဲ အရပ်သားတွေအပေါ် အကြမ်းဖက်နေတယ်၊ ကျူးလွန်မှုတွေကို နည်းစနစ်တစ်ခုအဖြစ် ကျယ်ကျယ်ပြန့်ပြန့် လုပ်ဆောင်နေတယ်ဆိုတာ ဒီလုပ်ရပ်တွေက ပြသနေပါတယ်” လို့ Amnesty International ရဲ့ အရှေ့အာရှနှင့် အရှေ့တောင်အာရှရေးရာ ဒါရိုက်တာဖြစ်သူ နီကိုလက်စ် ဘီကွီလင်က ပြောကြားခဲ့ပါတယ်။

    ရိုဟင်ဂျာလက်နက်ကိုင်တပ်ဖွဲ့ ARSA က ရခိုင်ပြည်နယ်မြောက်ပိုင်းမှာရှိတဲ့ ရဲကင်းစခန်းတွေကို ၀င်ရောက်တိုက်ခိုက်ခဲ့တဲ့ ၂၀၁၇ ခုနှစ် သြဂုတ်လနောက်ပိုင်း မြန်မာစစ်တပ်က ရခိုင်ပြည်နယ်မြောက်ပိုင်းမှာ ပြုလုပ်ခဲ့တဲ့ စစ်ဆင်ရေးတွေကြောင့် ရိုဟင်ဂျာ အများအပြား သေဆုံး၊ ဒဏ်ရာရခဲ့ပြီး၊ ၇ သိန်း ၃ သောင်းလောက် ဘင်္ဂလာဒေ့ရ်ှဖက်ကို ထွက်ပြေးခဲ့ရပါတယ်။ ကုလရဲ့ အချက်အလက်ရှာဖွေရေးအဖွဲ့က ဒီစစ်ဆင်ရေးတွေနဲ့ပတ်သက်ပြီး မြန်မာစစ်ခေါင်းဆောင်တွေကို လူသားထုအပေါ် ကျူးလွန်တဲ့ ရာဇ၀တ်မှု၊ လူမျိုးတုန်းသတ်ဖြတ်မှုတွေနဲ့ တရားစွဲဆိုဖို့ တိုက်တွန်းခဲ့ပါတယ်။

    ရခိုင်တိုင်းရင်းသားများ ထပ်ခံစားရ

    ရခိုင်ပြည်နယ်မြောက်ပိုင်းမှာ AA နဲ့ မြန်မာစစ်တပ်တို့အကြား လတ်တလော တိုက်ပွဲတွေကြောင့် လူပေါင်း ၃ သောင်းလောက် အိုးအိမ်စွန့်ခွာ ထွက်ပြေးနေရတယ်လို့ Amnesty International က အစီရင်ခံစာမှာ ဖော်ပြခဲ့ပါတယ်။

    “အရေးယူမခံရတဲ့ဓလေ့က ဆက်ရှိနေတုန်းပါ။ ပုပ်နေတဲ့ ငခုံးမက တစ်ကောင်တည်း မဟုတ်တော့ပါဘူး။ မြန်မာစစ်တပ် တစ်တပ်လုံးမှာ အမြစ်တွယ်နေတဲ့ ပြဿနာပါ။ စစ်သားတစ်ချို့ကို ပိတ်ဆို့လိုက်တာလောက်နဲ့ ဒီပြဿနာက ပြေလည်မှာမဟုတ်ပါဘူး။ ဒါတွေဟာ တာဝန်ခံမှု၊ တာဝန်ယူမှုရှိရှိ ပြုပြင်ပြောင်းလဲလိုတဲ့ တိုင်းပြည်တစ်ခုရဲ့ လက္ခဏာလည်း မဟုတ်ပါဘူး ” လို့ Amnesty International ရဲ့ မနေ့က အစီရင်ခံစာအတွက် လေ့လာဆန်းစစ်မှုတွေ ပြုလုပ်ခဲ့သူ လော်ရာဟိုက်က Aljazeera သတင်းဌာနကို ပြောကြားခဲ့ပါတယ်။

    ရခိုင်ပြည်နယ်မှာ လတ်တလောဖြစ်ပွားနေတဲ့ မတည်ငြိမ်မှုတွေအတွင်း မြန်မာစစ်တပ်ဟာ အရပ်သားတွေအပေါ် တိုက်ခိုက်မှုတွေ ဆက်လက်လုပ်ဆောင်နေတယ်ဆိုတဲ့ သတင်းတွေကြောင့် အလွန်စိတ်ပျက်မိတယ်လို့ ကုလသမဂ္ဂက ဧပြီလအတွင်းမှာ ပြောကြားခဲ့ပါတယ်။

    အစီရင်ခံစာကို No one can protect us: War crimes and abuses in Myanmar’s Rakhine State (ကာကွယ်မည့်သူမရှိ – ရခိုင်ပြည်နယ်က စစ်ရာဇ၀တ်မှုနှင့် ညှင်းပမ်းမှုများ) ဆိုတဲ့ ခေါင်းစဉ်နဲ့ Amnesty International က ထုတ်ပြန်ခဲ့တာပါ။

    မြန်မာနိုင်ငံက အခြေအနေကို နိုင်ငံတကာ ရာဇ၀တ်ခုံရုံးထံ လွှဲပြောင်းပေးဖို့၊ မြန်မာစစ်တပ်ရဲ့ လက်နက်ဝယ်ယူမှုတွေကို ပိတ်ပင်ပေးဖို့နဲ့ စစ်ခေါင်းဆောင်တွေကို ပိတ်ဆို့အရေးယူမှုတွေ လုပ်ဆောင်ဖို့ ကုလ လုံခြုံရေးကောင်စီကို Amnesty International က တိုက်တွန်းခဲ့ပါတယ်။

    အသေးစိတ်မေးမြန်း

    အစီရင်ခံစာအတွက် ရခိုင်ပြည်နယ်အတွင်းက တိုင်းရင်းသားပေါင်းစုံ၊ ဘာသာရေးအဖွဲ့အစည်းပေါင်းစုံနဲ့ တွေ့ဆုံမေးမြန်းမှု ၈၁ ခုပြုလုပ်ခဲ့သလို၊ အကူအညီပေးရေးအဖွဲ့ တာဝန်ရှိသူတွေ၊ တက်ကြွလှုပ်ရှားသူတွေနဲ့ မီဒီယာတွေကိုလည်း တွေ့ဆုံခဲ့တယ်လို့ Amnesty International က ပြောပါတယ်။ စစ်သားတွေက တရားလက်လွတ် သတ်ဖြတ်မှုတွေ၊ ဖမ်းဆီးမှုတွေ၊ ညှင်းပမ်းနှိပ်စက်မှုတွေနဲ့ ပြန်ပေးဆွဲမှုတွေ လုပ်ဆောင်ခဲ့တယ်ဆိုတဲ့ အသေးစိတ်အချက်အလက်တွေကိုလည်း အစီရင်ခံစာမှာ ဖော်ပြထားပါတယ်။

    ဥပဒေပတိုက်ခိုက်မှု အနည်းဆုံး ၇ ခုကို စစ်သားတွေက လုပ်ဆောင်ခဲ့ပြီး အနည်းဆုံး အရပ်သား ၁၄ ဦးသေဆုံးကာ ၂၉ ဦး ဒဏ်ရာရတယ်လို့ ဆိုပါတယ်။

    တိုင်းရင်းသားလက်နက်ကိုင်တွေအပေါ် မြန်မာစစ်တပ်က အသုံးပြုတဲ့ ဖြတ်လေးဖြတ်ဗျူဟာဟာ ရခိုင်ပြည်နယ်နဲ့ ချင်းပြည်နယ်တို့က ပြည်သူလူထုကို သိသိသာသာ ထိခိုက်မှုတွေ ရှိတယ်လို့လည်း Amnesty International က ထောက်ပြခဲ့ပါတယ်။

    ချင်းလူ့အခွင့်အရေးအဖွဲ့ CHRO က ရခိုင်ပြည်နယ်နဲ့ ထိစပ်နေတဲ့ ချင်းပြည်နယ်တောင်ပိုင်းမှာ ရွာသားတွေကို စစ်တပ်က ပေါ်တာဆွဲ အဓမ္မလုပ်အားခိုင်းစေမှု အဖြစ်အပျက်တွေ ပိုမိုမြင့်တက်လာခဲ့တယ်လို့ ပြီးခဲ့တဲ့တစ်ပတ်က ထုတ်ပြန်ခဲ့တဲ့ အစီရင်ခံစာမှာ ဖော်ပြခဲ့ပါတယ်။

    AA ကြောင့်လည်း ဒုက္ခရောက်

    တပ်ဖွဲ့ဝင် ၇ ထောင်ကျော်လောက် ရှိမယ်လို့ ခန့်မှန်းရတဲ့ ရခိုင်လက်နက်ကိုင်အဖွဲ့ AA ကလည်း ဒေသခံပြည်သူလူထုအပေါ် ကျူးလွန်မှုတစ်ချို့ ရှိတယ်လို့ Amnesty International ရဲ့ အစီရင်ခံစာထဲမှာ ဖော်ပြထားပါတယ်။

    “ပြည်သူလူထုဟာ အဖွဲ့နှစ်ဖွဲ့ကြားထဲမှာ ညပ်နေတာပါ။ စစ်တပ်ရဲ့ ဆိုးဆိုးဝါးဝါး ကျူးလွန်မှုတွေကို ကျွန်မတို့ တွေ့ရသလို၊ AA နဲ့ပတ်သက်ပြီး ကြောက်ရွံ့မှုတွေလည်း ရှိနေပါတယ်။ တိုက်ပွဲကြောင့် ခံရတာကတော့ သာမန်ပြည်သူလူထုပါပဲ” လို့ လော်ရာဟိုက်က ပြောကြားခဲ့ပါတယ်။

    စုံစမ်းတွေ့ရှိမှုတွေကို နိုင်ငံတော် အတိုင်ပင်ခံရုံးနဲ့ တပ်မတော် ကာကွယ်ရေးဦးစီးချုပ်တို့ထံ ပို့ဆောင်ခဲ့ပေမယ့် အကြောင်းပြန်ကြားချက် မရဘူးလို့လည်း Amnesty International က အစီရင်ခံစာမှာ ရေးသားခဲ့ပါတယ်။

    Aljazeera သတင်းဌာနက ဒီကိစ္စနဲ့ပတ်သက်ပြီး မြန်မာအစိုးရ ပြောရေးဆိုခွင့်ရှိသူ ဦးဇော်ဌေးထံ ဖုန်းဆက်ပေမယ့် မရခဲ့သလို၊ တပ်မတော် သတင်းမှန်ပြန်ကြားရေးအဖွဲ့ကလည်း ပြန်လည်ဖြေကြားခြင်းမရှိဘူးလို့ ဆိုပါတယ်။

    Ref : Aljazeera

  • လူ့အခွင့်အရေးချိုးဖောက်မှုအတွက် မြန်မာစစ်တပ်အရာရှိများကို အီးယူက ထပ်မံ ပိတ်ဆို့အရေးယူ

    လူ့အခွင့်အရေးချိုးဖောက်မှုအတွက် မြန်မာစစ်တပ်အရာရှိများကို အီးယူက ထပ်မံ ပိတ်ဆို့အရေးယူ

    ဒီဇင်ဘာ ၂၂၊ ၂၀၁၈
    M-Media

    – ရခိုင်ပြည်နယ်က ရိုဟင်ဂျာလူနည်းစုတွေအပေါ် လူ့အခွင့်အရေးချိုးဖောက်မှုတွေ ရှိတယ်ဆိုတဲ့စွဲချက်နဲ့ မြန်မာစစ်တပ်၊ နယ်ခြားစောင့် တပ်ဖွဲ့တွေက အရာရှိ ၇ ဦးကို ဥရောပသမဂ္ဂက ထပ်မံ ပိတ်ဆို့အရေးယူမှုတွေ ပြုလုပ်လိုက်ပါတယ်။

    မနေ့က ဥရောကသမဂ္ဂနေ ထုတ်ပြန်တဲ့ကြေငြာချက်မှာ ‘ရိုဟင်ဂျာလူ့အဖွဲ့အစည်း၊ အခြားသော တိုင်းရင်းသား လူနည်းစုတွေ၊ ရွာသားတွေနဲ့ အရပ်သားတွေအပေါ် ဆိုးဆိုးရွားရွား လူ့အခွင့်အရေး ချိုးဖောက်တဲ့အတွက်’ မြန်မာစစ်တပ်နဲ့ နယ်ခြားစောင့် တပ်ဖွဲ့က အရာရှိ ၇ ဦးကို ပိတ်ဆို့မှုစာရင်းထဲ ထည့်လိုက်တာဖြစ်တယ်လို့ ဖော်ပြထားပါတယ်။

    မြန်မာနိုင်ငံက လူ့အခွင့်အရေးချိုးဖောက်မှုတွေအတွက် ဥရောပသမဂ္ဂက မြန်မာလက်နက်ကိုင်တပ်ဖွဲ့ အကြီးအကဲတွေအပေါ် ပိတ်ဆို့အရေးယူမှုပြုလုပ်တဲ့ အရေအတွက်ဟာ အခုတစ်ကြိမ်နဲ့ဆို ၁၄ ဦးအထိ ရှိလာပြီ ဖြစ်ပါတယ်။

    ရခိုင်ပြည်နယ်မှာ ရိုဟင်ဂျာ ၇ သိန်းလောက် ဘင်္ဂလားဒေ့ရ်ှနိုင်ငံဖက် ထွက်ပြေးသွားရတဲ့ စစ်တပ်ရဲ့ နယ်မြေရှင်းလင်းမှုမှာ ရွာလုံးကျွတ်မီးရှို့တာ၊ အစုလိုက်အပြုံလိုက် သတ်ဖြတ်တာ၊ အုပ်စုဖွဲ့အဓမ္မကျင့်တာတွေ ရှိတယ်လို့ နိုင်ငံတကာက စွပ်စွဲပြောဆိုထားပြီး ကုလ စုံစမ်းစစ်ဆေးရေးမှူးတွေက ဒီလုပ်ရပ်တွေဟာ လူမျိုးတုန်းသတ်ဖြတ်မှု မြောက်နိုင်တယ်လို့ ပြောကြားခဲ့ပါတယ်။

    Ref: New York Times

  • ရခိုင်ကိစ္စ ဓာတ်ပုံအမှားများဖြင့် မြန်မာစစ်တပ်က ၀ါဒဖြန့်မှုကို ရိုက်တာသတင်းဌာန ဖော်ထုတ်

    ရခိုင်ကိစ္စ ဓာတ်ပုံအမှားများဖြင့် မြန်မာစစ်တပ်က ၀ါဒဖြန့်မှုကို ရိုက်တာသတင်းဌာန ဖော်ထုတ်

    သြဂုတ် ၃၁၊ ၂၀၁၈
    M-Media

    ဘင်္ဂလားဒေ့ရ်ှစစ်ပွဲမှ ပုံရိပ်ကို ရခိုင်ပြည်နယ်ကိစ္စဟု ၀ါဒဖြန့်မှု

    – စစ်တပ်ရဲ့ ပြည်သူ့ဆက်ဆံရေးနဲ့ စိတ်ဓာတ်စစ်ဆင်ရေးဌာနက ရေးသားပြီး ဇူလိုင်လမှာ ထုတ်ဝေခဲ့တဲ့ “မြန်မာ့နိုင်ငံရေးနှင့် တပ်မတော် (အပိုင်း ၁)” စာအုပ်မှာ ရခိုင်ပြဿနာကို ဓာတ်ပုံအမှားတွေနဲ့ အမုန်းဝါဒဖြန့်ထားတယ်ဆိုတာကို ရိုက်တာသတင်းဌာနက ဒီကနေ့မှာ ဖော်ထုတ်လိုက်ပါတယ်။

    ၁၉၄၀ ပြည့်နှစ်တွေက ရခိုင်မှာဖြစ်ခဲ့တဲ့ လူမျိုးစုပဋိပက္ခအကြောင်း ရေးသားထားတဲ့အခန်းမှာ ထွန်ခြစ်ကိုင်ထားတဲ့ အမျိုးသားတစ်ဦးဟာ ကပ်းစပ်က အလောင်းနှစ်ခုအနီး ရပ်နေတာကို ဒီစာအုပ်မှာ ဖော်ပြထားပြီး “ဘင်္ဂါလီများ ဒေသခံတိုင်းရင်းသားများအား ရက်စက်စွာ သတ်ဖြတ်ခဲ့ပုံ” လို့ ပုံစာ ရေးထိုးထားပါတယ်။

    လေ့လာစုံစမ်းမှုအရ ဒီပုံဟာ ၁၉၇၁ ခုနှစ် ဘင်္ဂလားဒေ့ရှ် လွတ်လပ်ရေးစစ်ပွဲအတွင်း ပါကစ္စတန်တပ်တွေက ထောင်သောင်းချီတဲ့ ဘင်္ဂလားဒေ့ရှ် ပြည်သူတွေကို ဒါကာမှာ အစုလိုအပြုံလိုက် သတ်ဖြတ်မှုအပြီး ရိုက်ထားတဲ့ဓာတ်ပုံဖြစ်တယ်ဆိုတာ တွေ့ရကြောင်း ရိုက်တာသတင်းဌာနက Exclusive: Fake photos in Myanmar army’s ‘True News’ book on the Rohingya crisis ဆိုတဲ့ဆောင်းပါးမှာ ဖော်ပြထားပါတယ်။ ဒီဆောင်းပါးကို သြဂုတ် ၃၁ ရက်နေ့မှာ ရိုက်တာသတင်းဌာနက သူတို့ရဲ့ ၀ဘ်ဆိုက်မှာ လွှင့်တင်ခဲ့တာ ဖြစ်ပါတယ်။

    ရခိုင်ကိစ္စ ဓာတ်ပုံအမှားများဖြင့် ၀ါဒဖြန်ထားပြီး ဇူလိုင်လက ထွက်ရှိခဲ့သည့် စာအုပ်မျက်နှာဖုံး

    “နယ်ချဲ့အင်္ဂလိပ်တို့ အောက်မြန်မာပြည်ကို သိမ်းပိုက်ပြီးနောက် ဘင်္ဂါလီများ မြန်မာနိုင်ငံအတွင်းသို့ ၀င်ရောက်လာပုံ” ဆိုတဲ့ ပုံစာနဲ့ ဓာတ်ပုံမှာ အမျိုးသမီးတွေ၊ အမျိုးသားတွေ၊ ကလေးငယ်တွေ ပါဝင်တဲ့ လူတန်းရှည်ကြီးဟာ အထုတ်အပိုးတွေနဲ့ ခရီးသွားနေတာကို တွေ့ရပါတယ်။

    ရိုက်တာသတင်းဌာနက ဒီပုံဟာ မြန်မာနိုင်ငံကပုံမဟုတ်ဘဲ ရ၀မ်ဒါ လူမျိုးတုန်းသတ်ဖြတ်မှုအပြီး ဟူတူဒုက္ခသည်တွေ ရ၀မ်ဒါနိုင်ငံကနေ တန်ဇန်းနီးယားနိုင်ငံအတွင်း ၀င်ရောက်ခိုလှုံလာမှုကို ရိုက်ယူထားတဲ့ ဓာတ်ပုံဖြစ်တယ်လို့ ဖော်ပြထားပါတယ်။ ဒီဓာတ်ပုံကိုရိုက်ကူးသူ ဓာတ်ပုံသမား မာသာရီယဲလ်ဟာ Pittsburgh Post-Gazette သတင်းစာအတွက် အလုပ်လုပ်ခဲ့သူဖြစ်ပြီး ‘ပူလစ်ဇာဆု’ ကိုလည်း ရရှိခဲ့ပါတယ်။

    ဒီဓာတ်ပုံကို ဒီလိုအသုံးပြုထားမှုအတွက် Pittsburgh Post-Gazette သတင်းစာကို ဆက်သွယ်ခဲ့ပေမယ့် ချက်ခြင်း မှတ်ချက်မပေးသေးဘူးလို့ ရိုက်တာက ဖော်ပြထားပါတယ်။

    အဲဒီလို ဓာတ်ပုံအမှားတွေနဲ့ ၀ါဒဖြန့်ထားတဲ့ စာမျက်နှာ ၁၁၇ မျက်နှာပါ “မြန်မာ့နိုင်ငံရေးနှင့် တပ်မတော် (အပိုင်း ၁)” ဆိုတဲ့ စာအုပ်ကို ဇူလိုင်လကတည်းက မြန်မာနိုင်ငံတစ်ဝှမ်း စာအုပ်ဆိုင်တွေမှာ ရောင်းချနေတာ ဖြစ်ပါတယ်။

    ပြီးခဲ့နှစ် သြဂုတ်လနောက်ပိုင်း ရခိုင်ပြည်နယ်မှာဖြစ်ပျက်တဲ့ အဖြစ်အပျက်တွေကို ဒီစာအုပ်မှာ ဖော်ပြထားပြီး အများစုကို ‘တပ်မတော် သတင်းမှန်ပြန်ကြားရေး’ ကနေ ယူတယ်လို့ ညွှန်းထားပါတယ်။ အဲဒီအဖွဲ့ဟာ ရခိုင်ပြည်နယ်ပြဿနာ စဖြစ်ကတည်းက Facebook ကနေတစ်ဆင့် စစ်တပ်ရဲ့ သဘောထားကို ဖြန့်ဖြူးနေတဲ့အဖွဲ့ ဖြစ်ပါတယ်။

    တန်ဇန်းနီးယားမှဓာတ်ပုံဖြင့် ၀ါဒဖြန့်မှု

    ဒီကိစ္စနဲ့ပတ်သက်လို့ အစိုးရပြောရေးဆိုခွင့်ရှိသူ ဦးဇော်ဌေးနဲ့ မြန်မာစစ်တပ်ရဲ့ ပြောရေးဆိုခွင့်ရှိသူတို့ကို ဆက်သွယ်ပေမယ့် ဆက်သွယ်လို့ မရခဲ့ကြောင်း၊ ပြန်ကြားရေးဝန်ကြီးဌာနရဲ့ အမြဲတမ်းအတွင်းဝန်ကို မေးမြန်းရာမှာ သူက အဲဒီစာအုပ်ကို မဖတ်ရသေးကြောင်း ပြန်လည်ဖြေကြားခဲ့တယ်လို့ ရိုက်တာသတင်းမှာ ဖော်ပြထားပါတယ်။

    Facebook က စစ်တပ်ဟာ ‘ဘာသာရေးနဲ့ လူမျိုးရေး ပဋိပက္ခတွေဖြစ်အောင် လှုံ့ဆော်နေတယ်’ ဆိုတဲ့ စွပ်စွဲချက်နဲ့ ကာကွယ်ရေးဦးစီးချုပ်အပါအ၀င် စစ်ခေါင်းဆောင် ၆ ဦးရဲ့ အကောင့်တွေ၊ စစ်တပ်နဲ့ ဆက်နွယ်တဲ့ သတင်းပေ့ခ်ျတွေ၊ အဖွဲ့တွေကို တနင်္လာနေ့မှာ ပိတ်ပစ်လိုက်ပါတယ်။

    ကုလရဲ့ စုံစမ်းစစ်ဆေးရေးအဖွဲ့တစ်ခုကလည်း ရခိုင်ပြည်နယ်၊ ကချင်ပြည်နယ်နဲ့ ရှမ်းပြည်နယ်တွေမှာ ကျူးလွန်ခဲ့မှုတွေအတွက် စစ်ခေါင်းဆောင်တွေကို လူမျိုးတုန်းသတ်ဖြတ်မှု၊ စစ်ရာဇတ်မှုတွေနဲ့ တရားစွဲဆိုသင့်တယ်လို့ အဲဒီနေ့မှာပဲ ပြောကြားခဲ့ပါတယ်။

    စစ်တပ်ဟာ ရခိုင်မှာ ကျူးလွန်မှုတွေရှိတယ်ဆိုတဲ့ စွပ်စွဲချက်တွေကို “မြန်မာ့နိုင်ငံရေးနှင့် တပ်မတော် (အပိုင်း ၁)” စာအုပ်မှာ ငြင်းဆိုထားပြီး ‘အာရ်ကစ္စတန်’ နာမည်နဲ့ နိုင်ငံလိုချင်တဲ့ ‘ဘင်္ဂါလီအကြမ်းဖက်တွေ’ ကြောင့် ဒီပြဿနာတွေ ဖြစ်ပွားရတာဖြစ်တယ်လို့ အပြစ်တင်ခဲ့ပါတယ်။

    အိမ်နီးချင်းနိုင်ငံတွေကို ထွက်ခွာမယ့် ရိုဟင်ဂျာတွေနဲ့ ဘင်္ဂလားဒေ့ရ်ှနိုင်ငံသား ၇၀၀ ကျော်ပါဝင်တဲ့ စက်လှေတစ်စီးကို ၂၀၁၅ ခုနှစ် မေလ ၂၉ ရက်နေ့က မြန်မာ့ရေတပ်ကနေ ဖမ်းဆီးစဉ် ရုိုက်ကူးထားတဲ့ ဓာတ်ပုံကို ဒီစာအုပ်မှာ “ပင်လယ်ရေကြောင်းမှတစ်ဆင့် မြန်မာနိုင်ငံသို့ ဘင်္ဂါလီများ ၀င်ရောက်လာပုံ” ဆိုတဲ့ ပုံစာနဲ့ ၀ါဒဖြန့်ဖော်ပြထားပါတယ်။

    စာအုပ်ကို ရေးသားသူလို့ဆိုတဲ့ ဒုတိယဗိုလ်မှူးကြီး ကျော်ကျော်ဦးက ‘ဘင်္ဂါလီတွေရဲ့ သမိုင်းကြောင်းကို ဖော်ထုတ်လိုတဲ့’ ရည်ရွယ်ချက်နဲ့ ‘အထောက်အထားဓာတ်ပုံတွေကို’ ဖော်ပြထားတာဖြစ်တယ်လို့ အမှာစာမှာ ရေးသားထားပါတယ်။

    “မြန်မာနိုင်ငံမှာ နိုင်ငံရေးအပြောင်းအလဲ ဒါမှမဟုတ် တိုင်းရင်းသားလက်နက်ကိုင် ပဋိပက္ခဖြစ်တိုင်းမှာ ဘင်္ဂါလီတွေဟာ ဒါကို အခွင့်အရေးယူ အသုံးချတယ်” လို့ စစ်တပ်ရဲ့ အဲဒီစာအုပ်မှာ ဖော်ပြထားပြီး ‘ဘာသာရေးပဋိပက္ခတွေဖြစ်ဖို့’ မွတ်စလင်တွေဟာ မြန်မာနိုင်ငံရဲ့ မသေချာသေးတဲ့ ဖြစ်ထွန်းစ ဒီမိုကရေစီ အသွင်ကူးပြောင်းမှုကို အသုံးချတယ်လို့လည်း ရေးသားထားပါတယ်။

    ရိုက်တာသတင်းဌာနကတော့ အဲဒီ ဒုတိယဗိုလ်မှူးကြီး ကျော်ကျော်ဦးဆိုသူကို ဆက်သွယ်လို့ မရဘူးလို့ ဆိုပါတယ်။

    ၂၀၁၅ ခုနှစ်ကပုံဖြင့် ၀ါဒဖြန့်မှု

    ပုံတွေကို မှန်၊ မမှန် အတည်ပြုရာမှာ သတင်းသမားတွေ အသုံးပြုလေ့ရှိတဲ့ Google Reverse Image Search နဲ့ TinEye တို့ကို အသုံးပြုပြီး ဓာတ်ပုံတွေကို ဖော်ထုတ်ထားခြင်း ဖြစ်တယ်လို့လည်း ရိုက်တာက ဆောင်းပါးမှာ ထည့်သွင်းရေးသားထားပါတယ်။

    “မြန်မာ့နိုင်ငံရေးနှင့် တပ်မတော် (အပိုင်း ၁)” စာအုပ်မှာ အသုံးပြုထားတဲ့ ဓာတ်ပုံ စုစုပေါင်း ပုံ ၈၀ မှာ အများစုက ကာကွယ်ရေးဦးစီးချုပ် နိုင်ငံခြားက တာဝန်ရှိသူတွေနဲ့ တွေ့ဆုံမှု၊ ရခိုင်ပြည်နယ်က ဒေသခံတာဝန်ရှိသူတွေနဲ့ တွေ့ဆုံမှုပုံတွေဖြစ်ပြီး၊ Arakan Rohingya Salvation Army လို့ခေါ်တဲ့ ရိုဟင်ဂျာ လက်နက်ကိုင်အဖွဲ့က လွှင့်တင်ထားတဲ့ ဗီဒီယိုက screenshoot ပုံတွေ တော်တော်များများလည်း ပါဝင်ပါတယ်။

    သမိုင်းဆိုင်ရာ ဓာတ်ပုံ ၈ ပုံမှာ ၃ ပုံက လိမ်လည်ထည့်သွင်းထားတာဖြစ်ပြီး ၅ ပုံရဲ့နောက်ကြောင်းကို လိုက်လို့မရဘူးလို့ ရိုက်တာသတင်းဌာနက ဖော်ပြထားပါတယ်။

    Ref: Reuters