News @ M-Media

Tag: New Muslim

  • ဆော်ဒီတွင် ၄ လအတွင်း အစ္စလာမ်ကိုလက်ခံသူ အမျိုးသမီး ၄၀၀ အထိ ရှိခဲ့

    ဆော်ဒီတွင် ၄ လအတွင်း အစ္စလာမ်ကိုလက်ခံသူ အမျိုးသမီး ၄၀၀ အထိ ရှိခဲ့

    ဧပြီ ၁၅၊ ၂၀၁၆
    M-Media

    woman

    – ပြီးခဲ့သည့် ၄ လအတွင်း ဆော်ဒီအာရေဗျ၌ အစ္စလာမ်သာသနာကို သက်ဝင်ယုံကြည်ခဲ့သည့် အမျိုးသမီးအရေအတွက်မှာ ၄၀၀ အထိ ရောက်ရှိခဲ့သည်ဟု မိုဟာမက် ဘင် ဆာအွဒ် အစ္စလာမ့်မစ် တက္ကသိုလ်ရှိ ကျောင်းသားများ လေ့လာရေးစင်တာမှ လက်ထောက် အထွေထွေအတွင်းရေးမှူး ဇိုင်နဘ် ဘင်တီ အဘ်ဒူလာ အလ်-ရာဂ်ျဟီက ပြောကြားလိုက်သည်။

    ယနေ့တွင် ရီယာ့ဒ်၌ ပြုလုပ်ခဲ့သည့် သစ်လွင်မွတ်စလင်အမျိးသမီးများ ကြိုဆိုပွဲအခမ်းအနားတွင် ထိုကဲ့သို့ ပြောကြားလိုက်ခြင်းဖြစ်ပြီး ဘုရားသခင်၏ သတင်းစကားကို ပြန့်နှံ့အောင် ဆောင်ရွက်ရာတွင် တစ်ဦးချင်းစီနှင့် လူ့အဖွဲ့အစည်းတွင် ရှိနေသည့် တာဝန်ဝတ္တရားများကို သူမ၏ မိန့်ခွန်းတွင် အဓိကထား ပြောကြားခဲ့သည်။

    ထို့ပြင် မကောင်းမှုဒုစရိုက်များကို အစ္စလာမ့်ဓမ္မအသိဖြင့် ရှောင်ရှားနိုင်ရေးကိုလည်း အလ်-ရာဂ်ျဟီက မီးမောင်းထိုးပြခဲ့သည်။ ထိုကြိုဆိုပွဲအခမ်းအနားကို ကုရ်အာန်ကျမ်းတော်မြတ်အား ရွတ်ဖတ်၍ ဖွင့်လှစ်ခဲ့ပြီး သစ်လွင်မွတ်စလင်များအား လက်ဆောင်များလည်း ဝေငှခဲ့သည်။

    သစ်လွင်မွတ်စလင်တစ်ဦဖြစ်သူ လော်နာက သူမအနေဖြင့် အစ္စလာမ်အား သက်ဝင်ယုံကြည်ခဲ့ပုံကို ပရိတ်သတ်များအား ပြောပြခဲ့သည်။

    “အစ္စလာမ်ကို လက်မခံခင်အချိန်တုန်းက ကျွန်မဟာ ကက်သလစ်ဘုရားကျောင်းက ဆရာမတစ်ယောက်ပါ။ နောက်ပိုင်းမှာ ပိုမိုကောင်းမွန်တဲ့ဘ၀ကို ရဖို့အတွက် ဆော်ဒီအာရေဗျမှာ အလုပ်လာလုပ်ခဲ့ပါတယ်။ တစ်နေ့မှာ ကျွန်မရဲ့ အလုပ်ရှင်က စာကြည့်စင်တစ်ခုကို ရှင်းဖို့ပြောလို့ ရှင်းနေရင်း ကုရ်အာန်ကျမ်းတော်မြတ် ဘာသာပြန်ကို တွေ့ခဲ့ပါတယ်။ အလုပ်ရှင်ကို ဖတ်လို့ရမလားလို့ မေးတဲ့အခါမှာ သူက ကြည်ကြည်ဖြူဖြူပဲ ခွင့်ပြုခဲ့ပါတယ်” ဟု လော်နာက ဆိုသည်။

    ထို့သို့ ကုရ်အာန်ကျမ်းတော်မြတ်ကို ဖတ်ရှုလေ့လာပြီးနောက်ပိုင်းတွင် အစ္စလာမ်သာသနာအား လက်ခံရန်အတွက် သူမအနေဖြင့် စိတ်အားထက်သန်လာခဲ့သည်။

    “နောက်ပိုင်း အစ္စလာမ်ကို ပြောင်းလဲသက်ဝင်ချင်တဲ့ ကျွန်မရဲ့ ဆန္ဒကို အလုပ်ရှင်ကို ပြောခဲ့ပါတယ်။ သူက ကျွန်မကို တရားဟောဆရာတစ်ဦးစီ ခေါ်သွားပြီး၊ တရားဟောဆရာက ရှာဟာဒသ် (အစ္စလာမ်ကို သက်ဝင်ယုံကြည်သည့်အခါ ရွတ်ဖတ်ရသည့် သက်သေခံချက်) ကို သင်ပေးခဲ့ပါတယ်။ ဒီနေ့မှာတော့ ကျွန်မဟာ မွတ်စလင်တစ်ယောက်ဖြစ်ရတာကို ဂုဏ်ယူနေမိပါပြီ”

    Ref: Arabnews

  • သစ်လွင် မွတ်စလင်အမျိုးသမီးများ၏ အစ္စလာမ့်အကြောင်း မျှဝေမှုအခမ်းအနားကို ဂျစ်ဒါတွင်ပြုလုပ်

    သစ်လွင် မွတ်စလင်အမျိုးသမီးများ၏ အစ္စလာမ့်အကြောင်း မျှဝေမှုအခမ်းအနားကို ဂျစ်ဒါတွင်ပြုလုပ်

    ဇန်န၀ါရီ ၂၄၊ ၂၀၁၆
    M-Media

    nwe muslim
    ၂၀၁၅ ခုနှစ်အတွင်း အစ္စလာမ်သို့ ပြောင်းလဲသက်ဝင်ယုံကြည်ခဲ့သည့် အိန္ဒိယမှ နာမည်ကြီး တမီလ်လူမျိုး ရုပ်ရှင်မင်းသမီး မိုနီကာ

     

    – အစ္စလာမ်ဘာသာကို သက်ဝင်ယုံကြည်လာခဲ့တဲ့ သစ်လွင်မွတ်စလင်အမျိုးသမီးတွေရဲ့ အစ္စလာမ်နဲ့ပတ်သက်တဲ့ ခံစားချက်တွေ၊ ယူဆချက်တွေကို ပြန်လည်မျှဝေတဲ့ အခမ်းအနားတစ်ခုကို ဆော်ဒီအာရေဗျနိုင်ငံ ဂျစ်ဒါမြို့မှာ ယခုတစ်ပတ်အတွင်း ကျင်းပပြုလုပ်ခဲ့ပါတယ်။

    Maulana Hifzur Rahman Seoharvi အကယ်ဒမီရဲ့ အမျိုးသမီးအဖွဲ့က ကျင်းပပြုလုပ်ခဲ့တဲ့ အဲဒီလှုပ်ရှားမှုကို Message of Peace (ငြိမ်းချမ်းရေးသတင်းစကား) လို့ အမည်ပေးထားပြီး အိန္ဒိယ၊ အာမေးနီးဝား၊ အမေရိကန် စတဲ့နိုင်ငံတွေအပါဝင် ကမ္ဘာတစ်ဝှမ်းက သစ်လွင်မွတ်စလင် အမျိုးသမီးပေါင်း ၂၀၀ ကျော်လောက် တက်ရာက်ကာ အစ္စလာမ်နဲ့ပတ်သက်တဲ့ သူတို့ရဲ့ အတွေ့အကြုံတွေကို မျှဝေ ပေးခဲ့ကြပါတယ်။

    ဒီလှုပ်ရှားမှုလေးကို စီစဉ်ကျင်းပခဲ့တဲ့ ဖာကီဟာ ဇင်ဂျာနီက အစ္စလာမ်သာသနာဟာ ပစ်မှတ်အထားခံရဆုံး သာသနာဖြစ်နေပြီး၊ အမျိုးသမီးတွေကို ဖိနှိပ်တဲ့အယူဝါဒလို့ ထင်မှတ်ခံနေရပေမယ့် လူအများအပြား အထူးသဖြင့် အမျိုးသမီးတွေဟာ နက်နက်နဲနဲ လေ့လာဆန်းစစ်မှုနဲ့အတူ အစ္စလာမ်ထဲကို ၀င်လာမစဲ တစ်သဲသဲဖြစ်နေကြတယ်လို့ ပြောကြားခဲ့ပါတယ်။

    အမေရိကန်ပြုထောင်စုက သစ်လွင်မွတ်စလင်အမျိုးသမီးတစ်ဦးဖြစ်သူ အာလီမာ ရှာကူးရ်က သူမရဲ့ အစ္စလာမ့် အေးရိပ်ဆာယာအောက် ခိုဝင်လာမှုကို ပြန်ပြောင်းပြောပြခဲ့ပြီး လူတိုင်းကို မျက်ရည်လည်စေခဲ့ပါတယ်။

    “အမှန်တရားလင်းရောင်ခြည်က ရှင်တို့အပေါ်မှာ သန်းလာပြီဆိုရင် အဲဒီအချိန်မှာ ရှင်တို့ဟာ ဘ၀ရဲ့ ရည်ရွယ်ချက်ကိုတွေ့ပြီဟေ့လို့ အသိတရား ရသွားတော့တာပါပဲ။ ဒီလိုခံစားချက်မျိုးဟာ သဘောပေါက်အောင် ရှင်းပြလို့မရဘဲ၊ ကမ္ဘာပေါ်မှာ အလှပဆုံး ခံစားချက်ပါပဲ။ ကံအကောင်းဆုံးသူကသာ ဒါမျိုးကို ခံစားရတာပါ” လို့ ရှာကူးရ်က ပြောကြားခဲ့ပါတယ်။

    အခြားသစ်လွင် မွတ်စလင်အမျိုးသမီးအချို့ဟာလည်း သူတို့ရဲ့ အတွေ့အကြုံတွေကို ပြန်လည်မျှဝေခဲ့ကြပါတယ်။ ဒီပွဲမှာ အထူးဧည်သည့်တော်အဖြစ် ဖိတ်ကြားခံထားရသူကတော့ အိန္ဒိယနိုင်ငံက မစ္စစ်ချောင်ဒရီ ရှာဟ်ဘက်ဇ် အေရှာပါပဲ။

    သူမကို ပထမဆုံး လေးစားအထင်ကြီးစေခဲ့တာကတော့ အစ္စလာမ်သာသနာက သတ်မှတ်ပြဌာန်းထားတဲ့ ဆွလာသ်ဝတ်ပြုခြင်းပဲလို့ အေရှာက ပြောကြားခဲ့ပါတယ်။ အထူးသဖြင့် “အလ္လာဟ်အရှင်မြတ်သည် အမြင့်မြတ်ဆုံးဖြစ်၏” လို့ ရွတ်ဆိုပြီး ပျပ်ဝပ်ဦးချတဲ့အခါ သူမရဲ့ ခံစားရမှုကိုလည်း ဖွင့်ဟခဲ့ပါသေးတယ်။

    အမေရိကန်က ဂျာနက်ရှောကတော့ ကုရ်အာန်ကျမ်းတော်မြတ်ဟာ သူမရဲ့ မေးခွန်းအားလုံးကို အဖြေပေးခဲ့တယ်လို့ ပြောကြားခဲ့ပါတယ်။

    “ကုန်အာန်ကျမ်းတော်မြတ်ကို ဖတ်ရွတ်ပြီး နားလည်လာတဲ့အခါ ကျွန်မရဲ့ စိတ်နှလုံးကလည်း အေးချမ်းမှုကို ရရှိခဲ့ပါတယ်” လို့ သူမက ဆိုပါတယ်။

    မွမ်ဘိုင်းမြို့က အလ်ဖီယာက သူမရဲ့ အစ္စလာမ်ကို သက်ဝင်ယုံကြည်မှုအကြောင်း ပြောရာမှာတော့ မျက်ရည်တစ်သွင်သွင်စီးကျခဲ့ပြီး အစ္စလာမ်သာသနာဟာ သူမ ရရှိခဲ့တာတွေထဲမှာ အကောင်းဆုံးလက်ဆောင်လို့ ပြောခဲ့ပါတယ်။ အစ္စလာမ်နဲ့ပတ်သက်ပြီး သူမအားကျခဲ့ရတာကတော့ မွတ်စလင်တစ်ဦးနဲ့တစ်ဦး တွေ့ဆုံတဲ့အချိန် “အတ်စလားမုအလိုက်ကွမ်း” (ငြိမ်းချမ်းမှုအပေါင်း သက်ရောက်ပါစေ) ဆိုတဲ့ နှုတ်ခွန်းဆက် မေတ္တာပို့ဆုတောင်းဖြစ်တယ်လို့ ဆိုပါတယ်။

    ဒီပွဲကိုတက်ရောက်လာကြတဲ့ သစ်လွင်မွတ်စလင်အမျိုးသမီးတွေကို အမှတ်တရလက်ဆောင်တွေချီမြှင့်ခဲ့ပြီး၊ ဆုမွန်ဒိုအာတောင်းကာ အခမ်းအနားကို ရုပ်သိမ်းခဲ့ပါတယ်။

    လေ့လာမှုတွေအရ အစ္စလာမ်သာသနာဟာ အနောက်နိုင်ငံတွေမှာ ထွန်းကားမှုအမြင့်ဆုံးဖြစ်နေပြီး နေ့စဉ်နဲ့အမျှ အစ္စလာမ်ကိုသက်ဝင်ယုံကြည်သူတွေ ရှိနေတယ်လို့ သိရပါတယ်။

    Ref: Arabnews

  • ဒူဘိုင်း၌ ယခုနှစ်အတွင်း အစ္စလာမ်ကို သက်ဝင်ယုံကြည်သူ လူမျိုးပေါင်းစုံ ၁၄၀၀ ကျော်ရှိ

    ဒူဘိုင်း၌ ယခုနှစ်အတွင်း အစ္စလာမ်ကို သက်ဝင်ယုံကြည်သူ လူမျိုးပေါင်းစုံ ၁၄၀၀ ကျော်ရှိ

    စက်တင်ဘာ ၄၊ ၂၀၁၅
    M-Media

    dubai

    – ယခုနှစ်အတွင်း ဒူဘိုင်းအစ္စလာမ့် သတင်းအချက်အလက်စင်တာ ဒါရ်အလ်ဘာရ်တွင် အစ္စလာမ်သို့ ပြောင်းလဲသက်ဝင်ခဲ့သူ နိုင်ငံခြားသား တစ်ထောင်ကျော်ရှိခဲ့ပြီး ထိုအထဲမှ ရာပေါင်းမျာစွာမှာ ပြီးခဲ့သည့် ရမ်ဇာန်ဥပုသ်လတွင် သက်ဝင်ခဲ့ခြင်းဖြစ်သည်ဟု သိရသည်။

    “စင်တာဟာ အဖ်သာရ်ဝါဖြေပွဲတွေလုပ်ပြီး လူ ၆၁၀၀ လောက်ကို ဧည့်ခံကျွေးမွေးခဲ့ပါတယ်။ အစီအစဉ်နဲ့ လှုပ်ရှား ၁၇ ခုကိုလည်း လုပ်ခဲ့ပါတယ်။ ပြီးတော့ ဒီမြင့်မြတ်တဲ့ ရမ်ဇာန်လမှာ လက်ကမ်းစာစောင်ပေါင်း ၇၆၁၀၀ ကိုလည်း ဝေငှခဲ့ပါတယ်” ဟု အစ္စလာမ့်သတင်းအချက်အလက်စင်တာမှ မန်နေဂျာဖြစ်သူ ရာရှစ် အလ်-ဂျူနိုက်ဘီက Khaleej Times သတင်းစာသို့ စက်တင်ဘာ ၂ ရက်နေ့တွင် ပြောကြားခဲ့သည်။

    ဒါရ်အလ်ဘာရ်စင်တာမှ ထုတ်ပြန်သော အချက်အလက်များအရ ယခုနှစ်အတွင်း အစ္စလာမ်ကို ပြောင်းလဲသက်ဝင်ခဲ့သူများမှာ ၁၄၆၀ ကျော်ရှိပြီး နိုင်ငံပေါင်းစုံမှ လူမျိုးပေါင်းစုံဖြစ်သည်ဟု ဆိုသည်။

    အလ်ဂျူနိုက်ဘီကမူ မိမိတို့စင်တာမှာ ဟောပြောပို့ချချက်ပေါင်း ၂၂၁၃ ခု၊ စီဒီပေါင်း ၇၂၉၆၈၉ ချပ် တို့မှတစ်ဆင့် အစ္စလာမ်၏ စစ်မှန်သော သင်ကြားမှုများကို မိတ်ဆက်ပို့ချပေးခဲ့သည်ဟု ဆိုသည်။ ထို့ပြင် ဧည့်သည်များအတွက် ဟောပြာပို့ချချက်နှင့် သင်ကြားမှုအတန်းပေါင်း ၂၂၃ ခုကို စီစဉ်ပေးခဲ့ပြီး စင်တာသို့လာရောက်၍ အစ္စလာမ်အကြောင်း လေ့လာကြသူများမှာ နေ့စဉ် ရာနှင့်ချီ၍ ရှိသည်ဟု
    ပြောကြားခဲ့သည်။

    “ဒူဘိုင်းတရားရုံး၊ အစ္စလာမ့်ရေးရာနဲ့ ပရဟိတဌာနတို့က မှန်ကန်ကြောင်း အသိအမှတ်ပြုပေးတဲ့ အသိအမှတ်ပြုလက်မှတ်ပေါင်း ၇၆၇ ခုကို ကျွန်တော်တုိ့ ထုတ်ပေးပြီးပါပြီ။ ပြီးတော့ သစ်လွင်မွတ်စလင်တွေအတွက်လည်း ပို့ချမှုတော်တော်များများကို စီစဉ်ဆောင်ရွက်ခဲ့ပါတယ်” ဟု အလ်- ဂျူနိုက်ဘီက ထပ်လောင်းပြောကြားခဲ့သည်။

    ဒါရ်အလ်ဘာရ်စင်တာမှာ စိတ်ဝင်စားသူများကို နေ့စဉ် ကြိုဆိုလျက်ရှိနေပြီး သစ်လွင်မွတ်စလင်များ၊ နိုင်ငံရပ်ခြားမှလာရောက်ကြသည့် အစ္စလာမ်ဘာသာဝင်များ၏ ကလေးများအတွက် အတန်းများ၊ လှုပ်ရှားမှုလည်း ဖွင့်လှစ်ဆောင်ရွက်ပေးနေကာ၊ အစ္စလာမ်နှင့်ပတ်သက်သည့် စာအုပ်စာတမ်းများကိုလည်း အခမဲ့ ရိုက်နှိပ်ဖြန့်ချီလျက်ရှိသည်။

    လွန်ခဲ့သည့် နှစ်ပေါင်း ၂၀ က စတင်တည်ထောင်ခဲ့သော အဆိုပါစင်တာတွင် နိုင်ငံပေါင်း ၂၀၀ ကျော်မှ လူမျိုးပေါင်းစုံ ၂၀၀၀၀ ခန့်မှာ အစ္စလာမ်သို့ သက်ဝင်ယုံကြည်ခဲ့ကြသည်။

    ၂၀၁၃ ခုနှစ်တွင် ဒါရ်အလ်ဘာရ်စင်တာ၌ အစ္စလာမ်သို့ ပြောင်းလဲသက်ဝင်သူအရေအတွက်မှာ ၂၁၁၅ ဦးရှိပြီး၊ ၂၀၁၂ ခုနှစ်တွင် ၁၉၀၇ ဦး ရှိခဲ့သည်။ ၂၀၁၁ တွင်မူ ၁၃၈၀ ဦး၊ ၂၀၁၀ တွင် ၁၅၀၀ ဦး၊ ၂၀၀၉ ခုနှစ်တွင် ၁၀၅၉ ဦး အသီးသီးရှိခဲ့ကြသည်။

    Ref: Onislam

  • ယခုနှစ်ရမ်ဇာန်တွင် ဆော်ဒီ၌ အစ္စလာမ်ကိုလက်ခံသည့် နိုင်ငံခြားသားအရေအတွက် ၆၀၀ ကျော်ရှိ

    ယခုနှစ်ရမ်ဇာန်တွင် ဆော်ဒီ၌ အစ္စလာမ်ကိုလက်ခံသည့် နိုင်ငံခြားသားအရေအတွက် ၆၀၀ ကျော်ရှိ

    ဇူလိုင် ၁၇၊ ၂၀၁၅
    M-Media

    saudi

    – နာမ်ပိုင်းဆိုင်ရာအနေအထား အမြင့်ဆုံးကို ရောက်ရှိသည့် ရမ်ဇာန်ဥပုသ်လတွင် ဆော်ဒီအာရေဗျ၌ အစ္စလာမ်သာသနာကို သက်ဝင်ယုံကြည်လာသူ နိုင်ငံခြားသား အရေအတွက်မှာ ၆၄၄ ဦး ရှိသည်ဟု သိရသည်။

    “ရမ်ဇာန်လမှာ ကျွန်တော်တို့ရဲ့ ဧည့်သည်တွေဟာ ရက်ရောက်မှုစိတ်ဓာတ်၊ ညီရင်းအစ်ကိုဖြစ်မှုနဲ့ ဥပုသ်သီလဆောက်တည်သူတွေကို နေ့စဉ်အစားသောက်ပေးလှူခြင်းကနေ ရရှိတဲ့ စည်းလုံးညီညွတ်မှုကို မျက်မြင်ကိုယ်တွေ့ ဖြစ်ခဲ့ပါတယ်။ လမ်းသွားလမ်းလာတွေနဲ့ သူစိမ်းတွေကတောင်မှ သူတို့ရဲ့ အစ်ဖ်သာရ်ဝါဖြေပွဲမှာ ပါဝင်ဖို့ ဖိတ်ခေါ်ကြပါတယ်” ဟု ဘတ်သာရှိ အစ္စလာမ့် ဒါဝါဟ်စင်တာ အကြီးအကဲဖြစ်သူ ရှိခ်နူဟ် အလ်-ကွာရိန်းက ပြောကြားခဲ့သည်။

    “အစ်ဖ်သာရ်မှာ ပါဝင်ဖို့ မွတ်စလင်မဟုတ်တဲ့သူတွေကိုလည်း ကျွန်တော်တို့ ဖိတ်ပါတယ်။ အလုပ်သမားတွေကို လေးစားသမှုနဲ့ဆက်ဆံပြီး တန်ဖိုးထားခြင်းကနေ အစ္စလာမ့်ရဲ့ လှပတဲ့ သွန်သင်မှုကို မိတ်ဆက်ပေးဖို့ ပြည်သူတွေ၊ ကုမ္ပဏီတွေကို ကျွန်တော် တိုက်တွန်းထားပါတယ်”

    ရှိခ်နူဟ်က ၎င်းတို့၏စင်တာတွင် ပြီးခဲ့သည့်နှစ် ရမ်ဇာန်ဥပုသ်လမှစ၍ အစ္စလာမ်သို့ သက်ဝင်လာသော နိုင်ငံခြားသားအရေအတွက်မှာ ၄၀၀၀ နီးပါးရှိပြီး နိုင်ငံစုံမှဖြစ်သည်ဟု ပြောကြားခဲ့သည်။

    နောက်ဆုံး အစ္စလာမ်ကို သက်ဝင်လာခဲ့ကြသူ အုပ်စုမှာ နိုင်ငံခြားသား ၂၁ ယောက်ဖြစ်ပြီး ဒူဘသ်ခရိုင်ရှိ ဗလီဝတ်ကျောင်းတော်တွင် သက်ဝင်ခဲ့ခြင်းဖြစ်သည်။ ယခုနှစ် ရမ်ဇာန်အစမှနေ၍ အဆိုပါ ဗလီဝတ်ကျောင်းတော်၌ အစ္စလာမ်ကို ပြောင်းလဲသက်ဝင်သူများမှာ ၇၄ ဦးအထိ ရှိလာပြီဖြစ်သည်။

    မွတ်စလင်အမည်ခံ အကြမ်းဖက်သမားများကြောင့် မွတ်စလင်ဆန့်ကျင်ရေး တိုက်ခိုက်မှုများ ရှိနေသော်လည်း အစ္စလာမ်သို့ ပြောင်းလဲသက်ဝင်သူအရေအတွက်မှာ တိုး၍သာ လာနေသည်ဟု သတင်းများက ဖော်ပြကြသည်။

    သာသနာနှင့်ပတ်သက်၍ ထင်မြင်ယူဆချက်အမှားများကို ပြင်ဆင်ရာတွင် မွတ်စလင်တို့၏ ကောင်းမွန်သော စိတ်ဓာတ်နှင့် လုပ်ရပ်များက အဓိကကျခဲ့သည်ဟု ဒူဘသ်ခရိုင်ရှိ ဗလီဝတ်ကျောင်းတော်ကြီးမှ ရှေ့ဆောင်အီမာမ်ဖြစ်သူ ရှိခ် တာကီ ကွီလိုင်ဝီကဆိုသည်။

    “အစ္စလာမ့်ရဲ့သွန်သင်မှုအတိုင်း သူတို့ကို ထိတွေ့ဆက်ဆံမယ်ဆိုရင် သူတို့ဟာ အစ္စလာမ်ကို လူသားထုအတွက် မှန်ကန်တဲ့လမ်းစဉ်၊ လက်ခံရမယ့် အယူဝါဒအဖြစ် မုချတွေ့မှာပါ” ဟု ၎င်းက ထည့်သွင်းပြောကြားခဲ့သည်။

    ယခုနှစ်ရမ်ဇာန်ဥပုသ်လအတွင်း အစ္စလာမ်သို့ ပြောင်းလဲသက်ဝင်သူ အရေအတွက်မှာ မြင့်တက်လာခဲ့ပြီး စုစုပေါင်း ၆၄၄ ဦး ရှိလာခဲ့သည်။ ရမ်ဇာန်လအစပိုင်းတွင် ဆော်ဒီအာရေဗျ၌ အလုပ်လုပ်နေသော ဖိလစ်ပိုင်နိုင်ငံသား ၂၂၀ မှာ မက္ကာဟ်မြို့၌ အစ္စလာမ်သို့ ပြောင်းလဲသက်ဝင်လာခဲ့သည်။

    နောက်ပိုင်းတွင် ဖိလစ်ပိုင်နိုင်ငံသား ၂၀ ခန့်မှာ ရီယာ့ဒ်ရှိ ဗလီဝတ်ကျောင်းတော်တွင် အစ္စလာမ်ကို ထပ်မံ လက်ခံခဲ့ကြသည်။

    ပြီးခဲ့သည့်နှစ် ဧပြီလကလည်း တရုတ်နိုင်ငံသား ၆၀၀ ခန့်မှာ မက္ကာမြို့၌ အစ္စလာမ်အကြောင်း မိတ်ဆက်လေ့လာပြီးနောက်ပိုင်းတွင် သာသနာအတွင်းသို့ ကူးပြောင်းခဲ့ကြသည်။ ဇန်န၀ါရီလကမူ ဆော်ဒီဘုရင်ကြီး အဘ်ဒူလာ ဘင် အဘ်ဒူလ် အဇစ်၏ ရိုးရှင်းသော နာရေးကို ကြည့်ရှုခဲ့ရပြီးနောက် တရုတ်နိုင်ငံသား ၅၀၀ မှာ အစ္စလာမ်သို့ ပြောင်းလဲသက်ဝင်လာခဲ့ဖူးသည်။

    Ref: Onislam

  • စင်ကာပူနာမည်ကြီး အဆိုတော်တစ်ဦး အစ္စလာမ်သို့ ပြောင်းလဲသက်ဝင်

    စင်ကာပူနာမည်ကြီး အဆိုတော်တစ်ဦး အစ္စလာမ်သို့ ပြောင်းလဲသက်ဝင်

    ဇူလိုင် ၆၊ ၂၀၁၅
    M-Media

    sg

    – စင်ကာပူနိုင်ငံ၏ လူကြိုက်အမျာဆုံး သီချင်းဆိုပြိုင်ပွဲဖြစ်သော Singapore Idol တွင် ဒုတိယဆု ရရှိခဲ့ပြီး အလ်ဘမ်တစ်ခု ထုတ်ဝေခဲ့သူ အဆိုတော် ဆဲလ်ဗီယာ ရာတိုနဲလ်မှာ မကြာသေးမီက အစ္စလာမ်သို့ ပြောင်းလဲသက်ဝင်ခဲ့သည်ဟု သိရသည်။

    စင်ကာပူရှိ ဒါရွလ်အရ်ကမ် အစ္စလာမ့်စင်တာတွင် ဆဲလ်ဗီယာမှာ အစ္စလာမ်သို့ သက်ဝင်ယုံကြည်ကြောင်း သက်သေခံချက် ထွက်ဆိုခဲ့ခြင်းဖြစ်ပြီး သူမ၏ Instagram အကောင့်မှနေ၍လည်း သူမ၏ အယူဝါဒသစ်ကို လက်ခံမှုအတွက် ကြေညာခဲ့သည်။

    အမည်အပြည့်အစုံ ဆဲလ်ဗီယာ အန်နီ ရာတိုနဲလ်ဖြစ်သည့် သူမမှာ မွတ်စလင်အမည်ဖြစ် နူရ် ဆဲလ်ဗီယာ ရာတိုနဲလ်ဟု ခံယူခဲ့သည်။

    လွန်ခဲ့သည့် ၃ ပတ်ကတည်းက သူမမှာ အစ္စလာမ်သို့ပြောင်းလဲသက်ဝင်ကြောင်း Instagram တွင် ရေးသားဖော်ပြခဲ့ခြင်းဖြစ်ပြီး ယခုနှစ် ရမ်ဇာန်ဥပုသ်လမှာ သူမအတွက် ပထမဆုံး ဥပုသ်သီလ ဆောက်တည်ရမည့်အချိန် ဖြစ်သည်။

    ဆဲလ်ဗီယာမှာ သူမ၏ မွေးနေ့ဖြစ်သော ဇွန်လ ၁၄ ရက်နေ့တွင် အစ္စလာမ်သို့ ပြောင်းလဲသက်ဝင်ခဲ့ခြင်းဖြစ်သည်ဟု Instagram တွင် ဖော်ပြထားမှုအရ သိရသည်။

    “ဒီနေ့တော့ ကျွန်မဟာ အသစ်မွေးဖွားလာတဲ့ ကလေးတစ်ယောက်လို ဘ၀ကို စတင်ပါပြီ။ ဘ၀တစ်လျှောက်လုံးမှာ ကျွန်မ တွေ့ခဲ့ဆုံခဲ့ရပြီး ဒီအခြေအနေအထိရောက်ဖို့ လျှောက်လှမ်းခဲ့ရတဲ့ခရီးမှာ အကူအညီပေးခဲ့ကြတဲ့ သူတွေအားလုံးကို ကျွန်မ ကျေးဇူးတင်ပါတယ်။ ပိုကောင်းတဲ့ မွတ်စလင်တစ်ယောက်ဖြစ်ဖို့၊ ပိုကောင်းတဲ့ လူတစ်ယောက်ဖြစ်ဖို့ ကျွန်မဟာ တတ်နိုင်သလောက် ဆက်လက်သင်ယူသွားမှာပါ။ သူငယ်ချင်းမိတ်ဆွေတွေ၊ မိသားစုတွေဆီကနေ ရရှိခဲ့တဲ့ ထောက်ခံအားပေးမှုအတွက် ဘယ်လောက်ကျေးဇူးတင်လဲဆိုတာ ကျွန်မ မဖော်ပြနိုင်လောက်အောင်ပါပဲ။ မင်္ဂလာရှိတဲ့ တနင်္ဂနွေ ဖြစ်ပါစေ။ နူရ် ဆဲလ်ဗီယာ ရာတိုနဲလ်” ဟု ရေးသားကာ ဒါရွလ်အရ်ကမ်ရှိ တာဝန်ရှိသူများရှေ့မှောက်တွင် အစ္စလာမ်သို့ ပြောင်းလဲသက်ဝင်ကြောင်း သက်သေထွက်ဆိုနေသည့် ပုံနှင့်အတူ ဆဲလ်ဗီယာက သူမ၏ ဆိုရှယ် မီဒီယာအကောင့်တွင် လွှင့်တင်ခဲ့သည်။

    ဥရောပ-ဖီလီပီနို နွယ်ဖွားဖြစ်ပြီး လက်ရှိအတွင် အသက် ၂၇ နှစ်အရွယ် ရှိပြီဖြစ်သည့် ဆဲလ်ဗီယာမှာ Singapore Idol ၏ တတိယရာသီဖြစ်သော ၂၀၀၉ ခုနှစ်တွင် ၀င်ရောက်ယှဉ်ပြိုင်ခဲ့ဖြစ်ပြီး ပြိုင်ပွဲသမိုင်းတစ်လျှောက် နောက်ဆုံးဇကာတွင်စာရင်း၌ ပါဝင်ခဲ့သည့် ပထမဆုံး အမျိုးသမီးအဆိုတော် ဖြစ်ခဲ့ကာ ဒုတိယဆု ရရှိခဲ့သည်။

    Universal Music Singapore နှင့် စာချုပ်ချုပ်ခဲ့ပြီးနောက် သူမ၏ တစ်ကိုယ်တော် အလ်ဘမ်ဖြစ်သော Sylvia Ratonel ကို ၂၀၁၀ ခုနှစ်တွင် ထုတ်ဝေခဲ့သည်။ ၂၀၁၁ ခုနှစ် စင်ကာပူအမျိုးသားနေ့ အခမ်းအနားတွင် In a Heartbeat ဟုအမည်ရသည့် Theme song ကို သီဆိုရန် ဆဲလ်ဗီယာမှာ ရွေးချယ်ခြင်း ခဲ့ရသည်။

    ထို့ပြင် စင်ကာပူစတိုင် ရိုက်ကူးခဲ့ပြီး ၂၀၁၁ ခုနှစ်က ထုတ်လွှင့်ပြသခဲ့သည့် Aladdin ဇာတ်လမ်းတွဲတွင်လည်း ဆဲလ်ဗီယာမှာ အဓိကဇာတ်ဆောင်ဖြစ်သော ဂျက်စမင်နေရာမှ သရုပ်ဆောင်ခဲ့သည်။

    Ref: mediacorp.sg