ဇွန် ၁၂၊ ၂၀၁၅
M-Media
– နိုင်ငံအတွင်း စစ်မှန်သော အစ္စလာမ့်သင်ကြားချက်များကို ပြန့်နှံ့စေရန် ဆောင်ရွက်မှုအဖြစ် နိုက်ဂျီးရီးယားရှိ ထင်ရှားသည့် အစ္စလာမ့်အဖွဲ့အစည်းတစ်ခုက ရေဒီယိုနှင့် ရုပ်သံလိုင်းသစ်များကို ထုတ်လွှင့် တင်ဆက်ခဲ့သည်ဟု သိရသည်။
“မာနာရာ ရေဒီယိုကနေတစ်ဆင့် ကျွန်တော်တို့ဟာ မွတ်စလင်လူ့အဖွဲ့အစည်းတစ်ခုလုံးရဲ့ ဘ၀တွေကို ပြောင်းလဲချင်ပါတယ်။ မှန်ကန်ကောင်းမွန်တဲ့အလုပ်တွေကိုလုပ်ဖို့၊ ပြီးတော့ငြိမ်းချမ်းရေးကို ဖောက်ဖျက်တဲ့ ဘယ်လိုကိစ္စမျိုးမဆို ရှောင်ရှားဖို့ တရားတွေကို
ထုတ်လွှင့်တင်ဆက်ရင်းနဲ့ပေါ့ဗျာ” ဟု ရေဒီယိုနှင့် ရုပ်သံလိုင်းကို အကောင်အထည်ဖော်ခဲ့သည့် “ဂျမာအသ်သွလ် အီဇာလာတူလ် ဘီဒဟ် ၀ါ အစ်က်မာတစ် စွန္နဟ်” (JIBWIS) အဖွဲ့၏ ဥက္ကဌဖြစ်သူ ရှိခ် ဘာလာလောင် ပြောကြားမှုကို Leadership သတင်းစာက ဇွန်လ ၁၁ ရက်နေ့တွင် ဖော်ပြခဲ့သည်။
အဆိုပါ ရေဒီယိုနှင့် ရုပ်သံလိုင်းဖွင့်ပွဲကို မြို့တော်အဘူဂျာတွင် ပြုလုပ်ခဲ့ခြင်းဖြစ်ပြီး မာနာရာ ရေဒီယိုနှင့် ရုပ်သံလိုင်းများဟု ခေါ်တွင်မည်ဖြစ်ကြောင်း ဘာလာလောင်က အခမ်းအနားသို့ တက်ရောက်လာသူများကို ပြောကြားခဲ့သည်။
အစ္စလာမ့်ရေးရာများ ထုတ်လွှင့်တင်ဆက်ပေးမှုနှင့်အတူ အဆိုပါလိုင်းများတွင် လူငယ်များနှင့် အမျိုးသမီးများအတွက် အလုပ်အကိုင်အခွင့်အလမ်းများ ဖန်တီးပေးရန်လည်း မျှော်လင့်ထားသည်။
“လူ့အဖွဲ့အစည်းမှာရှိတဲ့ ချို့တဲ့သူ လူတန်းစားတွေကို ကူညီဖို့အတွက် မာနာရာ ရေဒီယိုနဲ့ ရုပ်သံလိုင်းတွေကို အသုံးပြုပြီး ဗလီဝတ်ကျောင်းတော်တွေကတစ်ဆင့် ရန်ပုံငွေတွေ ကောက်ခံစုဆောင်းဖို့ ကျွန်တော်တို့ စဉ်းစားနေပါတယ်” ဟု လောင်က ပြောကြားခဲ့သည်။
ထို့ပြင် မိမိတို့ JIBWIS အဖွဲ့မှာ Sunnah ဟုခေါ်သည့် ရုပ်သံဂြိုဟ်တုကို စီမံဆောင်ရွက်ခြင်းအားဖြင့် မီဒီယာနယ်ပယ်တွင် လုပ်ကိုင်နေသည်မှာ အချိန်အတော်ကြာခဲ့ပြီဟု ၎င်းက ဆိုသည်။ အဆိုပါ ဂြိုဟ်တုမှာ အခြားနိုင်ငံများသို့ ရောက်နေသော နိုက်ဂျီးရီးယား နိုင်ငံသားများက လိုင်စင်ရယူကာ ထုတ်လွှင့်ပေးနေသည့် ဂြိုဟ်တုလည်းဖြစ်သည်။
အဆိုပါလိုင်းသစ်များက မွတ်စလင်နှင့် မွတ်စလင်မဟုတ်သူများ အစ္စလာမ်၏ သင်ကြားချက်များကို နားလည်စေရန် အကူအညီဖြစ်လိမ့်မည် ဖြစ်သည်။
ဘာလာလောင်ကမူ မွတ်စလင်များအနေဖြင့် အလ္လာဟ်အရှင်မြတ်ကို ယုံကြည်သက်ဝင်ကာ ဘာသာတရားအား လိုက်နာမှု နက်ရှိုင်းစေရန်အတွက် အလ္လာဟ်အရှင်မြတ် တားမြစ်ထားသည်များမှ ရှောင်ကျဉ်ရန်လည်း တိုက်တွန်းခဲ့သည်။
ချီးကျူးခဲ့ကြ
မာနာရာ ရေဒီယိုနှင့် ရုပ်သံလိုင်းအသစ်ကို နိုက်ဂျီးရီးယား တာဝန်ရှိသူများနှင့် ဘာသာရေးခေါင်းဆာင်များကလည်း ချီးကျူးခဲ့ကြသည်။
ဇမ်ဖာရာမြို့ အုပ်ချုပ်ရေးမှူး အဘ်ဒွလ်အဇီးဇ် ယာရီကမူ မာနာရာ ရေဒီယိုနှင့် ရုပ်သံလိုင်း ထုတ်လွှင့်တင်ဆက်မှုက မွတ်စလင်လူ့အဖွဲ့အစည်းအတွက် တစ်ဦးနှင့်တစ်ဦး ပိုမိုဆက်သွယ်ရန် အခွင့်အရေးရမည်ဟု ဆိုသည်။
“မာနာရာ ရေဒီယိုနဲ့ ရုပ်သံလိုင်းတွေ၊ အခြားရုပ်သံလိုင်းတွေ ရှိလာတာ ကျွန်တော်တို့ ပျော်ရွှင်ပါတယ်။ ဆက်သွယ်ရေးနဲ့ သတင်းအချက်အလက် နယ်ပယ်တွေမှာ မွတ်စလင်တွေဟာ အကောင်းဆုံး လုပ်ဆောင်သင့်ပါတယ်။ ဘာ့ကြောင့်လည်းဆိုတော့ ဒီနယ်ပယ်ဟာ ဒီနေ့ခေတ်မှာ တစ်ဦးတစ်ယောက်ချင်း၊ အစုအဖွဲ့ ဒါမှမဟုတ် အစိုးရတွေ အခြေပြုတဲ့နယ်ပယ် ဖြစ်လို့ပါပဲ” ယာရီ ပြောကြားခဲ့သည်။
နိုက်ဂျီးယားမွတ်စလင်များ၏ အကြီးအကဲဖြစ်ပြီး ဆိုကိုတိုဒေသ၏ ဆူလ်တန်ဖြစ်သော အလ်ဟဂ်ျ အဟ်မဒ် အိုဂါကလည်း အဆိုပါ ရေဒီယို၊ ရုပ်သံလိုင်းများအနေဖြင့် အရည်အသွေးမီသည့် ၀န်ဆောင်မှုများ ပေးရန်အတွက် အရည်အချင်းရှိသော ၀န်ထမ်းများ ခန့်အပ်ရန် တိုက်တွန်းခဲ့သည်။
“ဒီလိုင်းတွေဟာ VOA၊ BBC နဲ့ CNN တို့လို နိုင်ငံခြား ပြိုင်ဘက်တွေကို ကောင်းကောင်းယှဉ်ပြိုင်လိမ့်မယ်ဆိုတာ ကျွန်တော့်စိတ်ထဲမှာ သံသယမရှိပါဘူး။ ရေဒီယိုဆက်သွယ်ရေးနဲ့ ရုပ်သံနယ်ပယ်မှာ မွတ်စလင်နဲ့ နိုက်ဂျီးရီးယားနိုင်ငံသားတွေဟာ နောက်ထပ် တီထွင်ကြံမှု အရာရောက်လာတယ်ဆိုတာ ကျွန်တော်သေချာ ပြောရဲပါတယ်” ဟု ဆူလ်တန်က ဆိုသည်။
ထို့ပြင် အဆိုပါ ရုပ်သံလိုင်းများ ထုတ်လွှင့်ခြင်း၏ ရည်ရွယ်ချက်၊ ရည်မှန်းချက်များ အောင်မြင်ရန်အတွက် မွတ်စလင်လူ့အဖွဲ့အစည်းနေဖြင့် ပူးပေါင်းဆောင်ရွက်ကြရန်လည်း ၎င်းက ထည့်သွင်းတိုက်တွန်းခဲ့သည်။
နိုက်ဂျီးရီးယားနိုင်ငံ၏ သန်း ၁၄၀ သော လူဦးရေတွင် အစ္စလာမ်ဘာသာကို သက်ဝင်ယုံကြည်သူ အရေအတွက်မှာ ၅၅ ရာ ခိုင်နှုန်းရှိပြီး ခရစ်ယာန်ဘာသာဝင်မှာ ၄၀ ရာခိုင်နှုန်း ရှိသည်။
Ref: Onislam
