News @ M-Media

Tag: NLD

  • ဒေါ်အောင်ဆန်းစုကြည် သြဇီခရီးစဉ်မှ အခမ်းအနားအားလုံး ကချင်အဖွဲများ မတက်

    နိုဝင်ဘာ ၁၁။ ၂၀၁၃
    M-Media

    ဒေါ်အောင်ဆန်းစုကြည် သြဇီခရီးစဉ်မှ အခမ်းအနားအားလုံး မတက်ဟု သြဇီရောက် ကချင်အဖွဲ့များ စုပေါင်း၍ ကြေညာချက်ထုတ်

    နိုဝင်ဘာလ ၂၇ ရက်နေ့ မှ ဒီဇင်ဘာလ ၂ ရက်နေ့အထိ သြစတြေးလျနိုင်ငံကို သွားရောက်မည့် ဒေါ်အောင်ဆန်းစုကြည် ၏ ခရီးစဉ်အတွင်း သြစတြေးလျရှိ ကချင်အဖွဲ့များ တက်ရောက်မည်မဟုတ်ဟု သြစတြေးလျရှိ ကချင်အမျိုးသား အစည်းအရုံး များ၏ စုပေါင်း သဘောထား ကြေညာချက် တစ်စောင် ကို ဒီနေ့ နေ့စွဲဖြင့် ထုတ်ပြန် ကြေညာလိုက်ပါသည်။

    ကြေညာချက်တွင် ကချင်ပြည်နယ်မှ လူ့အခွင့်ရေး ချိုးဖောက်မှုများကို အတိုက်အခံဒီမိုကရေစီ ခေါင်းဆောင်အဖြစ် သတ်မှတ်ခံထားရသော ဒေါ်အောင်ဆန်းစုကြည်မှ ရှုံချရမည့်အစား ဗမာစစ်တပ်ကို ချစ်ခင်နှစ်သက်ကြောင်း ပြောကြားခဲ့ခြင်း နှင့် နိုင်ငံတကာမှ ဗမာစစ်တပ်ကို ကူညီ ပံ့ပိုးရန် စည်းရုံးလှုံဆော်ခြင်းဖြင့် ဗမာစစ်တပ်၏ ဆိုးရွားသော လူ့အခွင့်အရေး Kachinချိုးဖောက်မှုများကို မှေးမိန်အောင် ပြောဆိုမှုများမှာ ကချင်လူထု ရင်ဆိုင်နေရသော အခွင့်အရေး ချိုးဖောက်မှုများကို ဥပက္ခာ ပြုရာရောက်ကြောင်း ဖော်ပြထားသည်။

     

  • စောင့်ကြည့်ဂျာနယ် သတင်းအမှားဖော်ပြမှု့ တာဝန်ယူဖြေရှင်းပေးရန် တာမွေ NLD ယနေ့ သတင်းစာရှင်းလင်းပွဲလုပ်မည်။

    နိုဝင်ဘာ ၆၊ ၂၀၁၃
    M-Media
    KK

    Tar mwe NLD 1

    ရန်ကုန် ။        ။         ရန်ကုန်မြို့ တာမွေမြို့နယ်အတွင်းတွင် အောက်တိုဘာလအတွင်းက ဖြစ်ပွားခဲ့သော မတော်တဆ ကားချင်းပွတ်တိုက်မိပြီး စကားများမှုအား စောင့်ကြည့်သတင်းဂျာနယ်မှ ဖော်ပြခဲ့ရာတွင် အမျိုးသားဒီမိုကရေစီအဖွဲ့ချုပ်၊ တာမွေမြို့နယ်၏ ဂုဏ်သိက္ခာကို ထိခိုက်စေသည့် အရေးအသားများနှင့်ပတ်သက်၍ တာဝန်ယူဖြေရှင်းပေးရန် တောင်းဆိုလိုက်ကြောင်း သိရသည်။

    ဖြစ်စဉ်မှာ အောက်တိုဘာ ၅-ရက်နေ့ထုတ် စောင့်ကြည့်ဂျာနယ် အတွဲ(၈) အမှတ်စဉ် (၂၂)တွင် ဖော်ပြထားသော ‘ကားချင်းပွတ်တိုက်မိရာမှ လူမျိုးခြားများက အုပ်စုဖွဲ့ ရိုက်နှက်မှုဖြစ်ပွား’ဆိုသည့် သတင်းသည် အမျိုးသား ဒီမိုကရေစီအဖွဲ့ချုပ် တာမွေမြို့နယ်၏ ဂုဏ်သိက္ခာကို ထိခိုက်စေရန် ရေးသားချက်များ ပါရှိနေသောကြောင့် ၎င်းသတင်းနှင့်ပတ်သက်၍ သတင်းရေးသားသူ၊ သတင်းနှင့်ပတ်သက်၍ တာဝန်ရှိသူမှ တာဝန်ယူ ဖြေရှင်းပေးရန် စောင့်ကြည်သတင်းဂျာနယ်၊ အယ်ဒီတာချုပ်သို့ ၂၀၁၃-ခု နိုဝင်ဘာ ၄-ရက် နေ့စွဲဖြင့် အမျိုးသားဒီမိုကရေစီအဖွဲ့ချုပ် (NLD) မှ ပေးပို့လိုက်ကြောင်း သိရသည်။

    အဆိုပါ ဖြစ်စဉ်နှင့်ပတ်သက်၍ ယနေ့ နိုဝင်ဘာ ၆-ရက် နံနက် ၁၀း၀၀-နာရီတွင် အမျိုးသားဒီမိုကရေစီအဖွဲ့ချုပ် တာမွေမြို့နယ်မှ သတင်းစာ ရှင်းလင်းပွဲ ပြုလုပ်သွားမည်ဖြစ်ကြောင်းလည်း သိရပါသည်။

    Photo-Demo Zin FB

    tar mwe NLD

  • မြန်မာပြည် မှာ နိဗ္ဗာန်ရောက်ကြောင်း စတုဒီသာ ပွဲကြီး ၀ှဲချီး ကျင်းပနေသည်

    အောက်တိုဘာ ၂၈၊ ၂၀၁၃။
    M-Media
    ရေးသူ- ရောဘတ်အယ်လ်ဟို့စ်

    1420495_168593403339600_1900591144_n

    မြန်မာပြည်မှာ Ethnic Cleansing ဆိုတာ မရှိဘူးတဲ့ ဟုတ်စ။ လူပေါင်း ရာထောင်ချီ ကို ပိုးစိုးပက်စက်သတ်တယ်။ ပြီးတော့ မွတ်စလင်မ် ပေါင်း တစ်သိန်းခွဲလောက်ကို ကိုယ့်နေထိုင်နေရာ အိုးအိမ်တွေကနေ အတင်းဆွဲချ ပြီး ရွာပြင်ထုတ်၊ အစာရေစာ ၀လင် အောင် မစားရအောင်ပိတ်ဆို့ထားတယ်။

    အစားအသောက် ခိုးရောင်း တဲ့ သူ တွေ ကိုတောင် အမျိူးသား သစ္စာဖောက် ဘာညာ နဲ့ လူပုံအလယ် မှာ တိရိစ္ဆာန် ဘ၀ နဲ့ အပြစ်ပေးတယ်။ ဆေးကုသခွင့် မပေးဘဲ ဒီအ တိုင်းသေအောင် ပစ် ထားတယ်။ ပြုံးပြုံးကြီး ဒီတိုင်း ထိုင်ကြည့်နေကြတယ်။ လူတွေရဲ့ မျှော်လင့်ချက် တွေကို ရိုက်ချိူးပြီး ကမ္ဘာ့ အန္တရာယ် အကြီး ဆုံး ဘင်္ဂလားပင် လယ် အော် ထဲကို ဘာဖြစ်ဖြစ်ကွာ ဆိုပြီး ဇွတ်မှိတ် လှေစုတ်ကလေး တွေနဲ့ ထွက်ပြေး အောင် သီရိလင်္ကာက ကမ္ဘာမှာ နာမည်ပျက်နေတဲ့ ဗူးဒူးဘာလာဆင်ဟာ ဖက်ဆစ် ဗုဒ္ဓ၀ါဒီ တွေ လုပ်သလို ဗျူဟာ တွေနဲ့ စီမံကိန်း ချလုပ်နေ တယ်။

    တိရိစ္ဆာန် သာသာ ဘ၀မှာ မိုးထဲလေထဲ ဒီအတိုင်းပစ်ထားတာ တစ်နှစ်ခွဲကျော်ပြီ။ ဒါလား ယဉ်ကျေး တဲ့ လူ့အဖွဲ့အစည်းဆိုတာ။ နောက်ထပ် ငါးနှစ်လား၊ ဆယ်နှစ်လား ၊ ဒီလူ တွေ ဒီအတိုင်းနေရမှာလား၊ မနေရဘူးလား ဆိုတဲ့ အာမခံချက် ခုထိ ဘာမှ ရေရေ ရာ ရာ မရှိသေးဘူး။ နေ့စဉ် သဘာဝမကျတဲ့ သေဆုံးခြင်း တွေနဲ့ တစ်ဖြုတ်ဖြုတ် သေ နေ ကြရတယ်။ ကဲဒါတွေ ထားတော့ ။

    ကံကောင်းထောက်မစွာ အဲ့ဒီ ဘ၀ မရောက်ခဲ့ဘဲ ကိုယ့်အိုး ကိုယ့်အိမ် ကို မစွန့်လွှတ်ရ ဘဲ ဆက်ပြီး ဥမကွဲ သိုက်မပျက် နေထိုင်ခွင့် ရနေတဲ့ ကံကြီး သူများကိုတော့ အခု ဓါတ်ပုံ မှာ မြင်နေရသလို (Barbed Wire ) သံဆူးကြိုး အကာအရံ တွေ တားဆီးထား တဲ့ အကျဉ်းထောင် အကြီးကြီးလို ထဲမှာ ဒီလိုပဲ ဘာထူးလဲ တိရိစ္ဆာန် သာသာ ဘ၀ နဲ့ပဲ ဆက်ပစ် ထားတာ (မှတ်ချက် – ဒီလိုလူတွေက ခုနက ဒုက္ခသည် ဖြစ်သွားရတဲ့ လူတစ်သိန်းခွဲ ထဲမှာ မပါသေးဘူး။) ဒီလူတွေရဲ့ ဘ၀တွေလည်း သေနေတာပဲ ဘာထူးလဲ။ ဆေးကုသခွင့် သူတို့ မလုပ်ပေးဘူး။ အပြင်က လာကူညီလုပ်ပေးနေတဲ့ နိုင်ငံတကာ အကူအညီ ပေးရေး အဖွဲ့တွေကို လည်း ညစ်ပတ် တားဆီး ပိတ်ပင်တာမျိူးတွေ အချိန်နှင့် အမျှခံနေရ တယ်။ နောက်လည်း အများကြီး ထောက်ပြစရာတွေ ရှိသေးနေတယ်..  ကဲပြောစမ်းပါ။ ဒီ လောက် အခြေနဲ့ကို ဒါဟာ Ethnic Cleansing မဟုတ်သေးပါဘူးလိ်ု့ ရဲရဲ ငြင်းရဲပြီ လား။

    ဘော့စနီးယား စစ်ပွဲတုန်းက ပိတ်ဆို့ခံထားရတဲ့ ဆာရာယေဗို မြို့ ထဲက မွတ်စလင်မ် တွေကို ကုလသမဂ္ဂ အကူအညီပေးရေး ယာဉ်တန်း မှန်မှန် ၀င်ရောက်ပြီး စားရေ ရိက္ခာနဲ့ ဆေးဝါး အကူအညီတွေ ပေးတာကို ဆားဗီးယန်း ချက်ထ်နစ်က် ဖက်ဆစ်ဝါဒီတွေက တောင် မပိတ်ပင်ဘဲ ခွင့်ပြုထားပေးခဲ့တဲ့ သာဓကတွေ ရှိခဲ့ဘူး တယ်။ အခု မြန်မာပြည်မှာ ဖြစ်နေတာတွေက Systematic Ethnic Cleansing မဟုတ်ရင် ဘာလဲ။ နိဗ္ဗာန်ရောက်ကြောင်း စတုဒီသာ ကျွေးပွဲ ကျင်းပနေတာလား။ သက္ကာရတိထ္ထိ ဆိုတာလို မောဟာမဖုံးဘဲ လူသားဆန်တဲ့ အမြင်နဲ့ ကြည့်ကြရအောင်။ ကမ္ဘာ့လူထု က ဗဟုသုတ နကန်းမရှိ၊ လူ့အန္တ နလပိန်းတုံး တွေတော့မဟုတ် ပါဘူး။

    ဓာတ်ပုံ – ရခိုင်ပြည်နယ်၊ စစ်တွေမြို့၊ အောင်မင်္ဂလာ ရိုဟင်ဂျာ မွတ်စလင်မ် ရပ်ကွက်ကြီး အား နှစ်ချီ စနစ်တကျ ၀ိုင်းပတ်ပိတ်ဆ်ို့ထားပုံ ( ကုလသမဂ္ဂ ၀န်ထမ်းတစ်ဦး ရိုက်ကူးထားသည်)
    photo credit : Soe Lwin Oo

    ** စာရေးသူ၏ အာဘော်သာဖြစ်ပါသည်။

  • လွှတ်တော်ကိုယ်စားလှယ် ဒေါ်ဖြူဖြူသင်း မင်္ဂလာတောင်ညွန့် ဖို့မြေရပ်ကွက်မှ ပြည်သူများနှင့် တွေ့ဆုံ

    စက်တင်ဘာ၊ ၁၉ ၊
    M-Media
    သတင်း- သူရိယ

    CIMG5230

    မင်္ဂလာတောင်ညွန့် မြို့နယ် ဖို့မြေရပ်ကွက်နေမိဘပြည်သူများနှင့် NLD ပါတီမှ မင်္ဂလာတောင်ညွန့် ပြည့်သူ့လွှတ်တော် ကိုယ်စားလှယ် ဒေါ်ဖြူဖြူသင်းတို့ တွေ့ဆုံပွဲတစ်ရပ်ကို ယနေ့ညနေ ပိုင်းတွင် ကျင်းပခဲ့သည်။

    ရပ်ကွက်နေမဲဆန္ဒရှင် အချို့တက်ရောက်ပြီး ဖို့မြေရပ်ကွက် NLD ပါတီ စည်းရုံးရေးရုံးတွင် ကျင်းပခြင်းဖြစ်သည်။

    ပြည်သူ့လွှတ်တော် ကိုယ်စားလှယ် ဒေါ်ဖြူဖြူသင်း က၄င်း၏လွှတ်တော်အတွေ့အကြုံများကို မျှဝေပြီး ရပ်မိရပ်ဖများက လိုအပ်ချက်များကို ဆွေးနွေးမေးမြန်းကြသည်။

    CIMG5229

    CIMG5231

    CIMG5233

  • “ပထမ ပစ်မှတ် အင်န်အယ်လ်ဒီ အမတ် ဦးဝင်းထိန်”

    “ပထမ ပစ်မှတ် အင်န်အယ်လ်ဒီ အမတ် ဦးဝင်းထိန်”

    စည်သူအောင်မြင့် FB စာမျက်နှာမှ ကူးယူဖော်ပြပါသည်။

    ပြီးခဲ့တဲ့ ရက်ပိုင်းမှာ မိတ္တီလာမြို့ခံ တစ်ချို့ အင်န်အယ်လ်ဒီ ပါတီက ပြည်သူ့လွှတ်တော် အမတ် ဦးဝင်းထိန်ကို ဆန့်ကျင်ကန့်ကွက်မယ့် ဆန္ဒပြပွဲတစ်ခု လုပ်ဖို့ ခွင့်ပြုချက် တင်ခဲ့ကြပါတယ်။ ဒါပေမယ့် သက်ဆိုင်ရာက ခွင့်မပြုတဲ့အတွက် ဆန္ဒမပြခဲ့ကြပါဘူး။ အခု နောက်ထပ် လုပ်တာကတော့ ဦးဝင်းထိန်ကို အမတ်တာဝန်ကနေ ပြန်ရုပ်သိမ်းရေး တင်ပြနိုင်ဖို့ မဲဆန္ဒရှင် ပြည်သူတွေရဲ့ လက်မှတ်တွေ ကောက်ခံ တင်ပြသွားမယ် ဆိုတာပဲ ဖြစ်ပါတယ်။ ဒီလို လုပ်ရတဲ့ အကြောင်းကတော့ သိပ်မကြာသေးမီက ကုလသမဂ္ဂ လူ့အခွင့်အရေး အစီရင်ခံစာ တင်သွင်းသူ မစ္စတာ ကင်တားနား ကာဖျူးအမိန့် ထုတ်ထားတဲ့ ည ၁၀ နာရီခွဲ အကျော် မိတ္တီလာ မြို့ကို ရောက်လာစဉ် မြို့ခံတစ်ချို့က ဥပဒေချိုးဖေါက်ပြီး မစ္စတာ ကင်တားနား ကားကို ၀ိုင်းဝန်းခဲ့တဲ့ ကိစ္စ၊ ဒါကို ရဲတပ်ဖွဲ့ကလည်း မတားဆီးခဲ့တဲ့ကိစ္စ ဦးဝင်းထိန်က သတင်းမီဒီယာတွေကို အမှန်အတိုင်း ပြောဆိုခဲ့လို့ ဖြစ်ပါတယ်။

    U Win Htein
    ၂၀၁၂ ခုနှစ် ပြည်သူဂုဏ်ရည် ဆု ချီးမြှင့်ခြင်းခံခဲ့ ရသူများ ဦးဖိုးဖြူ၊ ဒေါ်သန်းမြင့်အောင်၊ ဒေါ်ရှု၊ ဦးဝင်းထိန်၊ ဒေါက်တာ ထားထား Photo- http://www.myanmarij.com

    သတင်းမီဒီယာတွေကို ဦးဝင်းထိန် ပြောဆိုခဲ့တာမှာ ရှုတ်ရှုတ်ထွေးထွေး ဘာမှ မပါပါဘူး။ ည ၁၀း၀၀ နာရီကျော်ရင် လမ်းပေါ်မထွက်ရဆိုတဲ့ တင်းကြပ်တဲ့ လုံခြုံရေးဆိုင်ရာ စည်းကမ်း ထုတ်ထားတာ ည ၁၀း၃၀ တိုင်အောင် အဲဒီ လူစု ဘာကြောင့် လမ်းပေါ်မှာ ရှိနေခဲ့ရသလဲ၊ နောက် သမ္မတရဲ့ ပြောရေးဆိုခွင့်ရှိသူနဲ့ ပြန်ကြားရေးဒုဝန်ကြီး ပြောသလို ရဲလုံခြုံရေးတွေ အလုံအလောက် ချထားတယ် ၊ လူအုပ်ကြီးကို လူစုခွဲပါလို့ ပြောတယ် ဆိုပါလျက်နဲ့ လူအုပ်ကြီးက မစ္စတာကင်တားနား ကား အနားကို ဘာကြောင့် ချဉ်းကပ် ကားမှန်ကို ထုနိုင်ရတာလဲ။ အဲဒါတွေကို မေးခွန်းထုတ်ပြီး အမှန်တွေကို ပြောခဲ့တာပါ။ ဒီအတွက် ဘာကြောင့် အင်န်အယ်လ်ဒီ အမတ် ဦးဝင်းထိန် ဆန့်ကျင်ရေး ပေါ်ပေါက်လာ ရသလဲ၊ ဘာသာရေး ခေါင်းစဉ်တပ် လှုပ်ရှားနေသူတွေရဲ့ နောက်ကွယ်က ဇာတိရုပ် ပေါ်လာပြီလား ဆိုတာ ဒီကနေ့ ဆွေးနွေး တင်ပြသွားမယ် ဖြစ်ပါတယ်။

    ရခိုင်ပြည်နယ်မှာ ဘာသာရေးဆန်တဲ့ အကြမ်းဖက်မှုတွေ ဖြစ်ပွားပြီးနောက် ဒါကို အသုံးချပြီး တစ်ချို့ပုဂ္ဂိုလ်တွေက ပြသနာကို ပြည်မ ထဲ ဆွဲသွင်းလာခဲ့ပါတယ်။ အဲလို ပြသနာကို ဆွဲသွင်းလာပြီး အကြမ်းဖက်မှုတွေ၊ မီးလောင်မှုတွေ၊ လူသတ်မှုတွေ၊ ဒုက္ခသည်ဖြစ်မှုတွေ ဖြစ်ပွားလာတဲ့ အခါ အကြမ်းဖက်မှုကို မလိုလားတဲ့ ဒေါ်အောင်ဆန်းစုကြည်၊ ကိုမင်းကိုနိုင် အပါအ၀င် နိုင်ငံရေးသမားတစ်ချို့နဲ့ သတင်းစာဆရာ တစ်ချို့က ဒါတွေနဲ့ ပါတ်သက်တဲ့ သဘောထား အမြင်တွေကို ထုတ်ဖော်ပြောဆိုလာကြပါတယ်။ ဒီအခါ ဘာသာရေးခေါင်းစဉ်တပ် လှုပ်ရှားနေသူတွေက ဒေါ်အောင်ဆန်း စုကြည်၊ မင်းကိုနိုင် အပါအ၀င် အကြမ်းဖက်မှုကို မလိုလားတဲ့၊ ဆန့်ကျင်တဲ့၊ ငြိမ်းချမ်းရေးကို လိုလားတဲ့၊ လူ့အခွင့်အရေးကို လေးစားတဲ့၊ လူပုဂ္ဂိုလ်တွေကို စော်ကား ပုတ်ခတ်မှုတွေ စပြီး လုပ်လာပါတော့တယ်။

    အဲဒီလို တစ်စွန်းတစ်စ လုပ်ကိုင်မှုတွေ ပေါ်ထွက်လာပြီးတဲ့နောက် လက်ရှိ အကြမ်းဖက်မှုတွေရဲ့ နောက်ကွယ်မှာ ကြိုးကိုင်သူ ရှိရမယ်၊ အဲဒီ လူတွေဟာ လက်ရှိ သမ္မတ ဦးသိန်းစိန်နဲ့ ဒေါ်အောင်ဆန်းစုကြည် အပါအ၀င် အတိုက်အခံတွေ အပေးအယူ အလျော့အတင်း လုပ်ပြီး ငြိမ်းချမ်းစွာ သွားနေတဲ့ အပြောင်းအလဲကို မလိုလားသူတွေ၊ ဒေါ်အောင်ဆန်းစုကြည်၊ မင်းကိုနိုင် အပါအ၀င် ပြည်သူလူထု ထောက်ခံမှု အပြည့်အ၀ ရထားသူတွေကို ဘာသာရေး ခေါင်းစဉ်တပ် တိုက်ခိုက်ပြီး ပြည်သူတွေကို လမ်းလွဲရောက်အောင် ပို့မယ့် သူတွေဖြစ်တယ် ဆိုပြီး အစိုးရဘက်က ပုဂိုလ်တစ်ချို့ရော အတိုက်အခံနိုင်ငံရေးသမားတွေ ဘက်ကပါ သုံးသပ်ပြောဆိုမှု ရှိခဲ့ပါတယ်။

    တကယ့်တကယ်လည်း အဲလို ဖြစ်တယ်ဆိုတာ သက်သေ အထောက်အထားတွေ ဟိုနေရာ တစ်စ ဒီနေရာ တစ်စ တွေ့မြင်လာနေ ရပါတယ်။ အေးမြငြိမ်းချမ်းတဲ့ ဗုဒ္ဓဘာသာကိုခံယူထားတဲ့ ဘုရားသားတော် တစ်ပါးဆိုရင် သံဃာဖြစ်ပါလျက် မြတ်ဗုဒ္ဓရဲ့ ငြိမ်းချမ်းတဲ့ တရားရေအေး အမြိုက်ဆေးကို တိုက်ကျွေးရမယ့်အစား ဘာသာခြားတွေကို မုန်းတီးဖို့ တရားဟောပါတယ်။ ဒါပေမယ့် သူ့ အဓိက နောက်ဆုံး ဦးတည်ပစ်မှတ်ဟာ အဲဒီ ဘာသာဝင်တွေ ဟုတ်ဟန် မတူပါဘူး။ သူဟောတဲ့ တရားထဲမှာ ဘာသာခြား တွေက ဗုဒ္ဓဘာသာတွေကို ဘယ်လို စော်ကားနေတယ်၊ ဘယ်လို မဟုတ်တာ လုပ်နေတယ်ဒါကြောင့် မြန်မာပြည်ဟာ ဘာသာခြားလွှမ်းမိုးတဲ့ အိမ်နီးချင်း နိုင်ငံတစ်ချို့လို ဖြစ်သွားနိုင်တယ် စသဖြင့် မမှန်ကန်တဲ့ အချက်အလက်တွေနဲ့ အမုန်းတရား ပွား အောင် လုပ်နေတဲ့အပြင် အင်န်အယ်လ်ဒီ အမျိုးသားဒီမိုကရေစီ အဖွဲ့ချုပ်ရဲ့ခွတ်ဒေါင်းအလံကို မွတ်ဒေါင်း အလံဖြစ်သွားပြီ၊ ဒေါ်အောင်ဆန်းစုကြည်နဲ့ မင်းကိုနိုင် ဆိုရင်လည်း ဘာသာခြားတွေရဲ့ ကိုယ်စားလှယ် ဖြစ်သွားပြီ စသဖြင့် ဘာသာရေးမှိုင်းတိုက် တိုက်ခိုက်တာတွေ လုပ်တာ တွေ့လာရပါတယ်။

    ဒီအတွက်လည်း ဘာသာရေးအကြမ်းဖက်မှု ပြသနာတွေဖြစ်ပေါ်တိုင်း၊ လူ့အခွင့်အရေး ချိုးဖေါက်မှုတွေဖြစ်ပေါ်တိုင်း ဒေါ်အောင်ဆန်း စုကြည်နဲ့ အတိုက်အခံ အင်အားစုတွေဟာ အတော့်ကို သတိကြီးကြီးထား ပြောရ ဆိုရ ချဉ်းကပ်ရတာ တွေ့လာရပါတယ်။ တစ်ခုခု ပြောလိုက်တာနဲ့ ဘာသာခြားဘက် လိုက်တယ် ဆိုတဲ့ တံဆိပ်ကပ်ပြီး ပြည်သူကို လိမ်ညာစည်းရုံး မှိုင်းတိုက်ကြပါတော့တယ်။ အဲဒီကနေ တဆင့် ဒေါ်အောင်ဆန်းစုကြည် ဆန့်ကျင်ရေး၊ မင်းကိုနိုင်နဲ့ ၈၈ မျိုးဆက် ဆန့်ကျင်ရေး၊ အတိုက်အခံအင်အားစု ဆန့်ကျင်ရေး ဆိုတာမျိုးအထိ သွားကြဖို့ ရည်ရွယ်ကြဟန်တူပါတယ်။ ဒီအတွက် အဲဒီ နောက်ကွယ်က အင်အားစုတွေဟာ အမုန်းတရား ဖြန့်ဖြူး သူတွေကို နောက်ကွယ် ကနေ ငွေကြေးထောက်ပံ့တာ လုပ်ပါတယ်။ ဒါ့အပြင် အခြား အကြမ်းဖက်မှုတွေထဲလည်း ထဲထဲဝင်ဝင် မပါဝင်ပါဘူးလို့ မပြောနိုင်ပါဘူး။ တစ်ဖက်မှာတော့ အဲဒါတွေကို ဝေဖန်၊ ထောက်ပြ ပြောဆိုရဲသူ မရှိတော့ဘူး ဆိုပြန်ရင်လည်း အမုန်းတရားတွေ ကျယ်ကျယ်ပြန့်ပြန့်ဖြန့်၊ ပြသနာ တစ်ခု ပေါ်လာတာနဲ့ အကြမ်းဖက်အောင် လှုံ့ဆော်တာတွေ ရဲရဲတင်းတင်း ပြုလုပ်နိုင်ကြပါတယ်။ ဘယ်လိုပဲဖြစ်ဖြစ် သူတို့ရဲ့ အဓိက ရည်ရွယ်ချက် ပစ်မှတ်ဟာ အဲဒီ ဘာသာခြားတွေကို နှိပ်ကွပ်ဖို့ ချည်းသက်သက် မဟုတ်ပါဘူး။ နှစ်ပေါင်းများစွာ ပြည်သူတွေဘက်က စွန့်လွှတ် အနစ်နာခံ တိုက်ပွဲဝင်ရင်း ပြည်သူလူထုကြီးရဲ့ ယုံကြည်ကိုးစားမှု၊ လေးစားထောက်ခံမှုကို အပြည့်အ၀ ရထားတဲ့ ဒေါ်အောင်ဆန်းစုကြည်၊ အင်န်အယ်လ်ဒီ ပါတီ၊ မင်းကိုနိုင်၊ ကိုကိုကြီး၊ ၈၈ မျိုးဆက် ကျောင်းသား အဖွဲ့နဲ့ တိုးတက်တဲ့ အတိုက်အခံ အင်အားစုတွေ ဖြစ်ပါတယ်။

    ဒီနေရာမှာ ပြည်ထဲရေးဝန်ကြီးဌာန ရဲတပ်ဖွဲ့ရဲ့ ကိုင်တွယ်ပုံတွေကလည်း မေးခွန်းထုတ်စရာပါ။ မစ္စတာ ကင်တားနား လာချိန် ဆန္ဒပြတယ်လို့ ဆိုသူတွေဟာ ကာဖျူးချိန် ၁၀ နာရီ ကျော်သည်အထိ လမ်းပေါ်ကနေ ထွက်ခွာမသွားပဲ စုရုံးနေကြတာဟာ အတော် သတ္တိကောင်းတယ် လို့ ယူဆ စရာရှိပါတယ်။ ဒါပေမယ့် တကယ့် တကယ် ဦးဝင်းထိန်ကို ဆန္ဒပြဖို့ ခွင့်ပြုချက်တင်၊ ခွင့်ပြုချက် မရတဲ့ အခါမှာတော့ ဆန္ဒပြမယ့် အစီအစဉ်ကို အလွယ်တကူ ဖျက်သိမ်းလိုက်တာကိုကြည့်ရင် ကာဖျူးကို ဆန့်ကျင်ရဲတဲ့ သတ္တိနဲ့ ကွာခြားနေတာ တွေ့ရပြန်ပါတယ်။ ရန်ကုန်မှာ ပုဒ်မ ၁၈ ကို တခြိမ်းခြိမ်း ဆန့်ကျင်ကန့်ကွက် ဆန္ဒပြနေချိန် အဲဒီ ပုဂ္ဂိုလ်တွေက ခွင့်ပြုချက် မရတာနဲ့ အသာတကြည် နောက်ဆုတ်သွားသူတွေပါ။ အဲလို လူတစ်ချို့ဟာ အခန့်မသင့်ရင် သေနတ်နဲ့ အပစ်ခံရနိုင်တဲ့ ည အချိန်မတော် လူစုရဲနိုင်တာဟာ ရဲတပ်ဖွဲ့ရဲ့ ခွင့်ပြုချက်ကြောင့် မဟုတ်ရင် ဖြစ်နိုင်ပါ့မလားလို့ မေးခွန်းထုတ်စရာ ရှိပါတယ်။

    အခုတော့ ကုလသမဂ္ဂ လူ့အခွင့်အရေး အစီရင်ခံစာ ရေးသူ မစ္စတာ ကင်တားနား ကိစ္စ အမှန်အတိုင်း ဝေဖန်ပြောဆိုလိုက်တဲ့ အင်န်အယ်လ်ဒီ အမတ် ဦးဝင်းထိန်ဟာ ပထမ ဦးဆုံးပစ်မှတ် ဖြစ်သွားပါပြီ။ ဒီလိုနည်းနဲ့ အမုန်းတရားတွေ ဆက်ဖြန့်ဖြူး၊ အကြမ်းဖက်မှုတွေ ဖြစ်အောင်၊ လူ့အခွင့်အရေး ချိုးဖေါက်မှုတွေ ပေါ်ပေါက်အောင် ဆက်ပြီး လှုံ့ဆော်ကြပါဦးမယ်၊ ဒီအခါ ဒါကို ဝေဖန် ထောက်ပြကြသူတွေဟာ ဦးဝင်းထိန်နည်းတူ ဒုတိယ တတိယ ပစ်မှတ်တွေ ထပ် ထပ်ပြီး ပေါ်ပေါက်လာဦးမှာပဲ ဖြစ်ပါကြောင်း သုံးသပ်တင်ပြလိုက်ရပါတယ်။

    စည်သူအောင်မြင့်

    Link >>https://www.facebook.com/sithu.aungmyint/posts/196719130510895